ပြည်တွင်းကုန်သွယ်မှုသတင်း

ပဲခူးတိုင်းဒေသကြီး၊ သာယာဝတီခရိုင်အတွင်းရှိ မြို့နယ်များတွင် မတ်ပဲဈေးနှုန်းမှာ ဒီဇင်ဘာလပထမဆုံးပတ်တွင် ပိဿာ (၂၀) တစ်တင်းလျှင် (၁၁၅၆၀၀) ကျပ်ခန့်ရှိပါသည်။ ယခုအချိန်ဒီဇင်ဘာလနောက်ဆုံးပတ်အတွင်းမှာတော့ တစ်တင်းကို ၁၀၉၈၀၀ ကျပ်ခန့်ထိ ဈေးနှုန်းအနည်းငယ် ကျဆင်းသွားပါသည်။စီးထွက်မှု့အနေဖြင့် ဒီဇင်ဘာလတစ်လလုံးတွင် ခရိုင် တစ်ခုလုံးမှာ အိတ်လုံးရေ (၁၆၉၇၀၀) ခန့်ထိတင်ပို့နိုင်ခဲ့ကြောင်း သိရှိရပါသည်။

DOCA(ပဲခူး

ပဲခူးတိုင်းဒေသကြီး၊သာယာဝတီခရိုင်၊ လက်ပံတန်းမြို့တွင်ရှိသော ငါးမွေးကန်များ၏ အဓိက အစားအစာသည် ဖွဲနုများဖြစ်သည်။သာယာဝတီခရိုင်အတွင်းရှိဆန်စက်များကြိတ်ခွဲ ထုတ်လုပ်ရာမှ ထွက်ရှိသောဆန်ထွက်ပစ္စည်းဖွဲနုများကို ဒေသတွင်းတိရိစ္ဆာန်အစားအစာအဖြစ် အသုံးပြုလျက်ရှိ ကြောင်း နှင့် အခြားသောတိုင်းနှင့်ပြည်နယ်များသို့လည်း တင်ပို့ရောင်းချလျက်ရှိကြောင်း သိရှိရပါ သည်။နိုဝင်ဘာလနောက်ဆုံးပတ်တွင် ဖွဲနုတစ်ပေါင်လျှင် ၃၁၀ ကျပ်ဖြစ်ပြီး၊ဖွဲနု ၆၅ ပေါင်တစ်အိတ် လျှင် ၂၀၁၅၀ ကျပ်ဈေးဖြင့် အရောင်းအဝယ်ဖြစ်နေကြောင်း၊ ယခုဒီဇင်ဘာလ နောက်ဆုံးပတ် တွင် ဖွဲနုတစ်ပေါင် ၃၂၀ ကျပ်ပေါက်ဈေးသာရှိနေကြောင်း၊ဖွဲနု ၆၅ ပေါင် တစ်အိတ်လျှင် ၂၀၈၀၀ ကျပ် ဈေးဖြင့်လက်လီရောင်းချရကြောင်း၊ ဖွဲနုဈေးကွက်အနေဖြင့် ယခင်လနှင့်ယခုလ ဈေးနှုန်း နှိုင်းယှဉ်ပါ ကဒေသတွင် လိုအပ်ချက်များသောကြောင့် ဈေးနှုန်းသည် အတက်ဘက်သို့ ဦးတည် သွားပါသည်။

DOCA(ပဲခူး)

    တောင်ငူခရိုင်တွင် ရေတာရှည်မြို့နယ်၌ အောင်ချမ်းသာသကြားစက်နှင့် မြို့လှသကြား စက်၊ အုတ်တွင်းမြို့နယ်၌ ဗောဓိကုန်းသကြားစက်နှင့် ဖြူးမြို့နယ်၌ ဇေယျဝတီသကြားစက်တို့ရှိရာ ကြံများခုတ်သိမ်းနေပြီဖြစ်၍ ဒီဇင်ဘာလ လလယ်ပိုင်းကတည်းက စက်များလည်ပတ်နေပြီဖြစ်ပါ သည်။

              အောင်ချမ်းသာသကြားစက်သည် ကြံတန်ချိန် ၆၀၀၀၀၊ မြို့လှသကြားစက်သည် ကြံ တန်ချိန် ၁၀၀၀၀၀၊ ဗောဓိကုန်းသကြားစက်သည် ကြံတန်ချိန် ၇၀၀၀၀ နှင့် ဇေယျဝတီသကြားစက် သည် ကြံတန်ချိန် ၆၀၀၀၀ ကြိတ်ဝါးနိုင်ရေး လျာထားဆောင်ရွက်လျှက်ရှိရာ လျာထားချက်ပြည့်မီ ရေးအတွက် ကြံစိုက်တောင်သူများအား စိုက်ပျိုးရာသီတွင် ကြိုတင်ငွေများထုတ်ချေးပေးခဲ့ပါသည်။

              အောင်ချမ်းသာသကြားစက်သည် ကြံတန်တစ်အတွက် ကြိုတင်ငွေ ၂၀၀၀၀ ကျပ်၊ မြို့လှ သကြားစက်သည် ကြံတစ်ဧကအတွက် ကြိုတင်ငွေ ၁၀၀၀၀၀ ကျပ်၊ အုတ်တွင်းသကြားစက်နှင့် ဇေယျဝတီသကြားစက်တို့သည် ကြံတစ်ဧကအတွက် စိုက်ပျိုးချိန်တွင် ၄၀၀၀၀၀ ကျပ်နှင့် ဘောင်လုံးချိန်တွင် ၁၀၀၀၀၀ ကျပ် စုစုပေါင်း ၅၀၀၀၀၀ ကျပ် ထုတ်ပေးပါသည်။

              သကြားစက်များအနေဖြင့် ကြံတစ်တန်လျှင် စက်ရုံအရောက်ဈေး ၁၈၀၀၀၀ ကျပ်ဖြင့် ဝယ်ယူလျှက်ရှိပြီး အုတ်တွင်းမြို့နယ် ဗောဓိကုန်းသကြားစက်သည် ကြံတစ်တန်လျှင် ၁၅၅၀၀၀ ကျပ်ဖြင့် ကြံစိုက်ခင်းအထိ သွားရောက်ဝယ်ယူပါသည်။ စက်ရုံများအနေဖြင့် ကြံတောင်သူများထံမှ ကြိုတင်ငွေကိုခုနှိမ်ပြီး ကျန်ငွေများကို ကြံတန်ချိန်နည်းလျှင် နေ့ချင်းငွေချေပေးပြီး ကြံတန်ချိန်များ လျှင် ၁ ရက်မှ ၂ ရက်အထိ စောင့်ဆိုင်းရကြောင်း သိရပါသည်။

DOCA(ပဲခူး)

  တောင်ငူခရိုင်၊ ဖြူးမြို့နယ်၊ ဇေယျဝတီမြို့၊ လင်းယောခင်ကျေးရွာရှိ ရွာသူ/ရွာသား များသည် လယ်ယာလုပ်ငန်းအပြင် မိရိုးဖလာ လုပ်ငန်းဖြစ်သော တာခြင်းတောင်းယက်လုပ်ခြင်း လုပ်ငန်းကိုလည်းလုပ်ကိုင်ကြပါသည်။ အများအားဖြင့် မိသားစုများ တပိုင်တနိုင် ဝိုင်းဝန်းလုပ်ကိုင် ကြသော လုပ်ငန်းဖြစ်ပါသည်။

              တာခြင်းတောင်း ယက်လုပ်ခြင်းအတွက် အဓိက လိုအပ်သော ကုန်ကြမ်းမှာ ဝါးသပွတ်ဝါး ဖြစ်ပါသည်။ တာခြင်းတောင်းပြုလုပ်ပုံမှာ ၎င်းဝါးသပွတ်အား ခွဲခြမ်းစိတ်ဖြာ၍ ပုံဖော်ယက်လုပ်ရပါ သည်။ တာခြင်းတောင်းယက်လုပ်ရာတွင် လိုအပ်သော ဝါးကို ဖြူးမြို့ အနောက်ပဲခူးရိုးမ တောင်ပေါ်မှ  ရရှိပါသည်ပါသည်။ လိုအပ်သောကုန်ကြမ်းဝါးအား ဝါးအလုံး ၃၀ ပါ တစ်စည်းလျှင် ၁၀၀၀၀ ကျပ်နှုန်းဖြင့် ဝယ်ယူရရှိပါသည်။

              တာခြင်းတောင်းများအား ၅ လုံး တစ်တွဲ တွဲ၍ ရောင်းချကြပါသည်။ တာခြင်းတောင်း ၁ လုံးလျှင် အကြီး ၁၀၀၀ ကျပ်နှင့် အနည်းငယ်ဆိုဒ်သေးသော ခြင်းတာင်း ၁ လုံးလျှင် ၈၀၀ ကျပ်ဖြင့် ရောင်းချကြကြောင်း သိရှိရပါသည်။

              တာခြင်းတောင်းကို နွားချေးသယ်ယူရာတွင်လည်းကောင်း၊ လုပ်ငန်းခွင်များတွင် မြေကြီးသယ်ရာတွင်လည်းကောင်း အသုံးပြုနိုင်ပါသည်။ လင်းယောခင်ကျေးရွာထွက် တာခြင်း တောင်းများအား ဒေသတွင်းအနီးပတ်ဝန်းကျင်ရှိ ကျေးရွာများသို့ တင်ပို့ရောင်းချကြပါသည်။ မြန်မာနိုင်ငံသည် စိုက်ပျိုးရေးနိုင်ငံဖြစ်သောကြောင့် တောင်သူဦးကြီးများအနေဖြင့် နွားချေးများ ကျုံး၍ စွန့်ပစ်ရာတွင် ၎င်းတာခြင်းတောင်းများအား အသုံးပြုကြရသည်ဖြစ်ပါ၍ တာခြင်းတောင်း များ၏ ဈေးကွက်မှာ ပုံမှန်အတိုင်းရှိကြောင်း တာခြင်းတောင်းယက်လုပ်ရောင်းချသူ ဦးစိုးဝင်းထံမှ သိရပါသည်။

DOCA(ပဲခူး)

          စားသုံးသူရေးရာဦးစီးဌာန၊ ပဲခူးတိုင်းဒေသကြီး နတ်တလင်းခရိုင်ဦးစီးမှူးရုံးရှိ စားသုံးသူရေးရာ ဌာနခွဲတာဝန်ခံနှင့် ထုတ်ကုန်လုံခြုံစိတ်ချရမှုဌာနခွဲတာဝန်ခံတို့သည် ပဲခူးတိုင်းဒေသကြီး (အနောက်)၊ နတ်တလင်းခရိုင်၊ ဇီးကုန်းမြို့နယ် ရန်ကုန်-ပြည်လမ်းရှိ  ဦးလှကြိုင်နှင့်သားများ  “ အားမာန်ခေတ်” စက်မှုသံဂဟေဆက်လုပ်ငန်း၊ လုပ်ငန်းရှင် ဦးစိုးပိုင်နှင့် တွေ့ဆုံ၍  လယ်ယာသုံးစက်ကိရိယာများ ထုတ်လုပ်နေမှုအခြေအနေများအား မေးမြန်းခဲ့ပါသည်။

          “အားမာန်ခေတ်” စက်မှုသံဂဟေဆက်လုပ်ငန်းမှ ထုတ်လုပ်နေသော လယ်ယာသုံး စက်ကိရိယာများသည် တောင်သူများ၏ စိုက်ပျိုး၊ ရိတ်သိမ်းမှုနှင့် ကိုက်ညီအဆင်ပြေသည့် စပါးခြွေ စက်၊ ပဲခြွေစက်၊ ကောက်ရိတ်စက်၊ လယ်ယာသုံးထွန်စက်၊ စပါးသယ်ယူသည့်ပုံးများအား ထုတ်လုပ် ရောင်းချခြင်းအပြင် ပြင်ဆင်ပေးမှုများ ပြုလုပ်ခြင်းတို့ကို  ဆောင်ရွက်ပေးလျက်ရှိကြောင်း သိရသည်။

          ယခုနှစ် ပဲ၊ စပါးရာသီအတွက် လယ်ယာသုံးစက်ကိရိယာ အစီး(၂၀)ထုတ်လုပ်ပြီး အများအား ဖြင့် ပဲခြွေစက်နှင့် စပါးသယ်ပုံးများဖြစ်ပါသည်။ ယခုစက်တင်ဘာလတွင် ရောင်းချနေသော လယ်ယာ သုံးစက်ကိရိယာဈေးနှုန်းများမှာ ပဲခြွေစက်တစ်စီးလျှင် ငွေကျပ် သိန်း (၁၅၀) ဖြစ်ပြီး ယခင်နှစ်က ဈေးနှုန်းမှာ ငွေကျပ် သိန်း (၇၀-၈၀)သာရှိကြောင်း စပါးပုံးတစ်ခုလျှင် ငွေကျပ် (၁၆)သိန်းဖြင့် ထုတ်လုပ်ရောင်းချနေကြောင်း သိရပါသည်။ စပါးရိတ်သိမ်းကာလတွင် စပါးသယ်ယူရာ၌ တောင်သူ အများစု၏ လယ်ယာများထွန်စက်ဘီးကျွံမှုကြောင့် မြောင်းများဖြစ်ပေါ်ကာ လယ်ယာပျက်စီးခြင်းမှ သက်သာစေပြီး အချိန်မီသယ်ယူမှု မြန်ဆန်သည့်ချိန်းဘီး၊ ချပ်ပြားဘီးများ ပါဝင်သည့်  စက်တွဲပုံးများ တီထွင်ပြီး စမ်းသပ်ထားမှုအား အငှားစနစ်ဖြင့် ဆောင်ရွက်နေကြောင်းသိရပါသည်။ လာမည့် စပါးစိုက်ပျိုးကာလ၌ ထွန်ပြီး၊ အစေ့ချ၊ ပြန်ဖုံးစနစ်အားတီထွင်၍ စမ်းသပ်သွားမည်ဖြစ်ကြောင်းနှင့် ပင်ကြား၊ တန်ကြား ဘောင်ပင်များ တောင်သူများ တမန်းပြင်အချိန်ကုန်သက်သာ၍  တောင်သူများ ကြိုက်နှစ်သက်သည့် ခေတ်စနစ်နှင့်အညီ ထုတ်လုပ်ရန် ရည်ရွယ်ထားကြောင်း သိရပါသည်။

          ထိုကဲ့သို့ စွန့်ဦးတီထွင်စမ်းသပ်မှုတွင်  ရင်းနှီးရသောငွေကြေး၊ လုပ်သား၊ အချိန်တို့အတွက်  ခေတ်မီ စက်ကိရိယာများဖြစ်သည့်  (ဥရောပ၊ စပိန်) နိုင်ငံထုတ်ဖြတ်စက်၊ ဖောက်စက်တို့အား ငွေကျပ် သိန်း(၁၅၀၀)ခန့် ကုန်ကျခံ၍ ရင်းနှီးရမှုအပေါ် လုပ်ငန်းတွင်ကျယ်စွာ ဆောင်ရွက်နိုင်     ကြောင်း  သိရပါသည်။

          တောင်သူများအသုံးပြုနေသည့် တန်ဖိုးကြီး လယ်ယာသုံးစက်ကိရိယာများ ပျက်စီးမှု၏ စက်အစိတ်အပိုင်းများ ပြုပြင်ရာတွင် စက်အပိုပစ္စည်းများကို  တရုတ်နိုင်ငံမှ မှာယူရင်းနှီးရသည့်  အခက်အခဲများရှိကြောင်းနှင့် သံဂဟေ၊ တွင်ခုံ၊ စက်မှုလုပ်ငန်းအား လုပ်ကိုင်ဆောင်ရွက်လာသည်မှာ   နှစ် (၃၀)ခန့်ဖြစ်၍ စွန့်ဦးတီထွင်မှု၊ စမ်သပ်မှုများ ဒီဇိုင်းများအားလည်း လုပ်ငန်းရှင်များကိုယ်တိုင်  ဖန်တီးမှုများရှိနေ၍ အခြားသောလုပ်ငန်းတူများမှ  တုပမှုများမပြုနိုင်ရေး မူပိုင်ခွင့် ရယူသွားမည်ဖြစ် ကြောင်းနှင့် လုပ်ငန်းများဖွံဖြိုး တိုးတက်စေရေး ငွေကြေးရင်းနှီးမှုများလည်း  လိုအပ်ကြောင်း လုပ်ငန်းရှင်ထံမှ သိရှိရပါသည်။

 DOCA(ပဲခူး)