ပြည်တွင်းကုန်သွယ်မှုသတင်း

စစ်ကိုင်းတိုင်းဒေသကြီး၊ ကန့်ဘလူခရိုင်၊ ကန့်ဘလူမြို့တွင် အရောင်းအဝယ်ဖြစ်လျက်ရှိသည့် ဂျင်း(ချင်း)တက်များကို ရှမ်းပြည်နယ် အောင်ပန်းမြို့မှလည်းကောင်း၊ မန္တလေးမြို့မှလည်းကောင်း ဝယ်ယူရကြောင်း၊ ဂျင်း(ချင်း)တက်ကို အစားအသောက်များတွင် အရသာပိုမိုကောင်းမွန်ရန်အတွက် အသုံးပြုကြသလို၊ ဂျင်းပေါက်ပြုလုပ်သည့် လုပ်ငန်းရှင်များကလည်း ဝယ်ယူကြောင်း သိရသည်။

 ၂၀၂၅ ခုနှစ်၊ ဖေဖေါ်ဝါရီလ တတိယပတ်အတွင်း “မြို့မဈေး”ရှိ ကုန်မျိုးစုံဆိုင်များတွင် ရောင်းချနေသည့်  ဂျင်း(ချင်း)တက်ဈေးနှုန်းများမှာ လက္ကား(၁)ပိဿာလျှင် (၅၅၀၀)ကျပ်၊ လက်လီ (၁)ပိဿာလျှင်(၆၀၀၀)ကျပ်ဖြင့်ရောင်းချကြောင်း၊ ယခင်ပတ်ဈေးနှုန်းနှင့်နှိုင်းယှဉ်ပါက ယခုပတ် အတွင်း ဂျင်း(ချင်း)တစ်ပိဿာလျှင်(၅၀၀)ကျပ် မြင့်တက်လာကြောင်း၊ ကုန်မျိုးစုံရောင်းချသည့် လုပ်ငန်းရှင်များထံမှ သိရသည်။

                             DOCA(စစ်ကိုင်း)

စစ်ကိုင်းတိုင်းဒေသကြီး၊ မုံရွာမြို့နှင့် အနီးအနားရှိ ကျေးရွာများတွင် စိုက်ပျိုးရေးကို အဓိက လုပ်ကိုင်လျက်ရှိပါသည်။ စားဖိုဆောင်သီးနှံများအပြင် ဥယျာဉ်ခြံမြေသီးနှံများကိုလည်း စိုက်ပျိုး လျက်ရှိရာ ဌက်ပျောပင်များကို စီးပွားဖြစ်စိုက်ပျိုးကြပါသည်။ ငှက်ပျောသီးကို ငှက်ပျောသီး အမှည့် အဖြစ်လည်း စားသုံးသလို၊ ငှက်ပျောသီးကြော်၊ ငှက်ပျောရွှေကြည်၊ ငှက်ပျောယို၊ ငှက်ပျောခြောက်၊ ငှက်ပျောပူတင်း အစရှိသော သရေစာများ လုပ်၍လည်း စားသုံးနိုင်ပါသည်။ ငှက်ပျောသီးမှည့်ကို လူကြီးမိဘများ၏ အဆိုအရ မနက်ငှက်ပျော ညသင်္ဘောဆိုသလို မနက်စာ ဖီးကြမ်းငှက်ပျောသီးမှည့် တစ်လုံးကို စားသုံးပေးခြင်းဖြင့် ကျန်းမာရေး ကိုများစွာ အထောက်အကူပြုပြီး ကိုယ်ခံအားကောင်းစေပါသည်။ အစာအုပ်စု(၃)စုအနက် အာဟာရ ပြည့်ဝသည့် အစာအုပ်စုတွင်ပါဝင်ပြီး အမျှင်ဓါတ်ပါရှိ၍ ဝမ်းချုပ်ခြင်းမှလည်း ကာကွယ်ပေးပါ သည်။ ဖီးကြမ်းငှက်ပျောသီးတစ်လုံးကို နေ့စဉ်စားသုံးပေးပါက ခန္ဓာကိုယ်အတွင်းရှိ မလိုအပ်သော အဆီပိုများကို လျော့ကျစေသည့်အပြင် ကိုယ်ခံအားကို ကောင်းမွန်စေပြီး ရောဂါများမဖြစ်စေရန် ကာကွယ်ပေးပါသည်။

   မုံရွာမြို့၊ ချင်းတွင်းရတနာဈေးအတွင်းရှိ အုန်း၊ ငှက်ပျောရောင်းဝယ်ရေးဆိုင်များတွင် ရောင်းချနေသော ငှက်ပျောသီးဈေးနှုန်းများအနေဖြင့် ငှက်ပျောတစ်ဖီးလျှင် ကျပ်(၂၅၀၀-၃၀၀၀)ဖြင့်ရောင်းချပြီး အဖီးလိုက်၊ အခိုင်လိုက် ရောင်းချလျက်ရှိကြောင်း သိရှိရသည်။

DOCA(စစ်ကိုင်း)

မုံရွာဒေသထွက် သခွားမွေးသီးများကို မုံရွာမြို့နှင့် အနီးတဝိုက်ရှိ ကျေးရွာများတွင် တနိုင်တပိုင် စိုက်ပျိုးကြသည့်အပြင် စီးပွားဖြစ် စိုက်ပျိုးကြကြောင်း သိရသည်။ ၂၀၂၅ ခုနှစ်၊ ဖေဖော်ဝါရီလ၌ မုံရွာမြို့တွင် ဖြစ်ပေါ်နေသောသခွားမွေးသီး အလုံးကြီး တစ်လုံးလျှင် (၃၀၀၀မှ ၅၀၀၀) ကျပ်၊ အလုံးလတ်တစ်လုံးလျှင် (၂၅၀၀မှ ၃၀၀၀) အလုံးသေးတစ်လုံးလျှင် (၈၀၀၊ ၁၀၀၀) ကျပ် ဈေးနှုန်း အသီးသီးရှိကြောင်း သိရသည်။ သခွားမွေးသီးများ အထွက်နှုန်း ကောင်း၍ ဈေးကောင်းရရှိနေကြောင်း သိရှိရသည်။

DOCA(စစ်ကိုင်း)

          ပူစီနံပင်ကို နေရာဒေသမရွေး စိုက်ပျိုး၍ရနိုင်ပါသည်။ မြေအိုး၊ ပန်းအိုး၊ ပလတ်စတစ်ဘူးခွံ များတွင် မြေဆွေး၊ နွားချေးထည့်၍လည်း တပိုင်တနိုင်စိုက်ပျိုး၍ ရပါသည်။ အချို့က စိုက်ခင်း အဖြစ် စီးပွားဖြစ်စိုက်ပျိုးကြပါသည်။ ပူစီနံပင်ကို ရေမပြတ်လောင်းပေးနိုင်က တစ်နှစ်ပတ်လုံး စားသုံးနိုင်ပါသည်။ ဆောင်းတွင်းကာလတွင် ဖြစ်ထွန်းမှုနည်းပြီး နွေရာသီနှင့် မိုးရာသီတွင် ပိုမိုဖြစ် ထွန်းပါသည်။ ပူစီနံပင်သည် ခဏခဏခူးယူရောင်းချရသော အပင်မျိုးဖြစ်၍ ခူးယူလေအတက်ထွက် လေဖြစ်သည်။ ပူစီနံပင်သည် အတို့မြှတ်လုပ်၍သော်လည်းကောင်း၊ အသုပ်သုပ်ရာတွင်သော် လည်းကောင်း အသုံးပြုကြသည်။ ဒံပေါက်၊ ကြက်ဆီထမင်း၊ ထောပတ်ထမင်း၊ စမူဆာတို့နှင့် တွဲဖက်၍လည်း အအီအနောက်ပြေစေရန် စားသုံးကြသည်။ ပူစီနံပင်သည် ကျန်းမားရေးအတွက် အထောက်အကူပြုသော အပင်တစ်မျိုးဖြစ်သည်။ ပူစီနံသတ္တုရေကို သောက်သုံးခြင်းဖြင့် နှစ်နှစ် ခြိုက်ခြိုက်အိပ်ပျော်စေပြီး အဆီလည်းကျစေပါသည်။ ပူစီနံကိုစားသုံးခြင်းဖြင့် ခံတွင်းကိုရှင်းစေပြီး အစာမာစားတာများလျှင် အစာကြေစေပြီး အစာကြေစေပါသည်။ ပူစီနံ၏ ပူရှိန်းသောဓါတ်ကြောင့် လည်ချောင်းကိုရှင်းစေပြီး အသက်ရှင်လမ်းကြောင်း ကောင်းမွန်သောကြောင့် ချောင်းဆိုး၊ ပန်းနာ ရင်ကြပ်ပျောက်စေပါသည်။ ပူစီနံရွက်သည် အနံ့ပြင်းပြင်းအရသာနှင့် မွှေးကြိုင်ပါသည်။ ဈေးကွက်တွင် အမြဲရှိပြီး နေ့စဉ်ရောင်းချရသော သီးနှံတစ်မျိုးလည်းဖြစ်သည်။ စိုက်ပျိုးသူများမှာလည်း ကုန်ကျ စရိတ်သက်သာဆုံးဖြင့် ဝင်ငွေများစွာရရှိနိုင်ပါသည်။ ဈေးကွက်အတွင်း၌ (၁၀)ပင်တစ်စည်းလျှင် (၂၀၀)ကျပ်ဖြင့် ရောင်းချလျှက်ရှိကြောင်းသိရသည်။

DOCA(မန္တလေး)

          စျေးကွက်အတွင်းသို့ ကန်စွန်းဥဝင်ရောက်မှုမှာ    မန္တလေးတိုင်းဒေသကြီး၊ စစ်ကိုင်းတိုင်း ဒေသကြီးနှင့်ရှမ်းပြည်နယ်တို့မှ အဝင်များပြီး၊ ကျန်ဒေသများမှလည်း ဝင်ရောက်ကြောင်း သိရ ပါတယ်။ မန္တလေးတိုင်းဒေသကြီးအတွင်း အမရပူရ၊ ပုသိမ်ကြီး၊ မတ္တရာ၊ ကျောက်ဆည်၊ စဉ့်ကိုင်၊ မြစ်သားမြို့နယ်တို့တွင် ကန်စွန်းဥသီးနှံအများအပြားစိုက်ပျိုးလျက်ရှိပြီး၊ ကန်စွန်းဥအတွင်း သားမှာ အဖြူရောင်၊ခရမ်းရောင်၊ပန်းရောင်၊ လိမ္မော်ရောင်နှင့်အဝါနုရောင်တို့အား စျေးကွက် အတွင်းအများ ဆုံးတွေ့ရပါတယ်။ ကန်စွန်းဥအား ပြုတ်စား၊ မီးဖုတ်စား၊ ကြော်စား၊ ပေါင်းစား၊ ယိုထိုးခြင်း၊ သီးနှံအခြောက်ခံခြင်းနှင့်ပူတင်းဖုတ်စသည်ဖြင့် အမျိုးမျိုးစားသုံးကြောင်း သိရပါ တယ်။ကန်စွန်းဥသီးနှံမှာ အဟာရဓါတ်ကြွယ်ဝခြင်း၊ ဓါတ်တိုးဆန့်ကျင်အာနိသင် လည်းကြွယ်ဝ ခြင်း၊ သွေးတွင်းသကြား ဓါတ်ထိန်းညှိပေးခြင်း၊ ဦးနှောက်လုပ်ဆောင်မှုကောင်းမွန်ခြင်း၊ ကိုယ်ခံအားကောင်းခြင်း၊ အမြင်အာရုံ ကောင်းမွန်စေခြင်း၊ ကိုယ်အလေးချိန်ကျစေခြင်း၊ လေးဖက်နာကြောင့်နာကျင်မှုကိုသက်သာစေခြင်း၊ အစာအိမ်အနာကိုသက်သာစေခြင်းနှင့် ရေဓါတ်ဆုံးရှုံးမှုကို ကာကွယ်ပေးခြင်းစသည့်အကျိုးကျေးဇူး များလည်းရရှိကြောင်း သိရပါတယ်။ ၂၀၂၅ ခုနှစ် ဖေဖော်ဝါရီလတတိယပတ်အတွင်း စျေးကွက် အတွင်း ရောင်းချသည့်ကန်စွန်းဥ တစ်ပိဿာစျေးနှုန်းများအနေဖြင့် ခရမ်းရောင် ၆၀၀ဝိ/-နှင့် ၇၀၀ဝိ/-၊ ပန်းရောင်၊ လိမ္မော်ရောင်နှင့်အဝါနုရောင် ၅၀၀ဝိ/- နှင့် ၆၀၀ဝိ/-၊အဖြူရောင် ၄၀၀ဝိ/-နှင့် ၅၀၀ဝိ/-စျေး အသီးသီးဖြင့် ရောင်းချလျက်ရှိကြောင်း သိရပါတယ်။ ကန်စွန်းဥသီးနှံမှာ လတ်ဆပ်မှု နှင့် အလုံးအရွယ်အစားပေါ်မူတည်၍ စျေးနှုန်းကွားခြားမှုရှိကြောင်း သိရပါတယ်။ ဒေသအသီးသီးမှ ဝင်ရောက်သည့်သီးနှံများအနက်  မန္တလေးစျေးကွက်အတွင်း ကန်စွန်းဥမှာအရောင်းသွက်သည့် သီးနှံ တစ်မျိုးဖြစ်ကြောင်း သိရပါတယ်။

DOCA(မန္တလေး)