ပြည်တွင်းကုန်သွယ်မှုသတင်း

    ရှမ်းပြည်နယ်(မြောက်ပိုင်း)၊ မူဆယ်မြို့နယ်အတွင်းရှိ (၂၆.၂.၂၀၂၄) ရက်နေ့တွင် ဖြစ်ပေါ်နေသော အခြေခံစားသောက်ကုန်ဈေးနှုန်းများမှာ ပေါ်ဆန်းမွှေးတစ်အိတ်လျှင် (၃၀၀၀၀၀)ကျပ်၊ မနောသုခ ဆန်တစ်အိတ်လျှင် (၂၅၀၀၀၀) ကျပ်၊ ရှမ်းဆန်တစ်အိတ်လျှင် (၁၅၀၀၀၀) ကျပ်ရှိပြီး၊ စားသုံးဆီဈေးနှုန်းများမှာ  ပဲဆီသန့် တစ်ပိဿာလျှင် (၂၀၀၀၀) ကျပ်၊ နေကြာဆီ တစ်ပိဿာလျှင် (၁၈၀၀၀) ကျပ်၊ စားသုံးဆီ(ရိုးရိုး) တစ်ပိဿာလျှင် (၁၃၀၀၀)ကျပ်ရှိပြီး၊ ကြက်သွန်နီ တစ်ပိဿာလျှင် (၅၀၀၀) ကျပ်၊ ကြက်သွန်ဖြူ တစ်ပိဿာလျှင်  (၈၀၀၀) ကျပ်၊ ကုန်စိမ်း ဈေးနှုန်းမှာ အာလူး တစ်ပိဿာလျှင် (၃၅၀၀) ကျပ်၊ သခွားသီး တစ်ပိဿာလျှင် (၃၀၀၀) ကျပ်၊ ကုလားပဲ တစ်ဗူးလျှင် (၂၅၀၀) ကျပ်၊ မုန်ညှင်းချဉ် တစ်ပိဿာလျှင် (၅၀၀၀) ကျပ်၊ ငရုတ်သီးခြောက် တစ်ပိဿာလျှင် (၂၅၀၀၀) ကျပ်၊ ငရုတ်သီးစိမ်း တစ်ပိဿာလျှင်(၇၀၀၀) ကျပ်ရှိပြီး အသားငါး ဈေးနှုန်းများမှာ ဝက်သား တစ်ပိဿာလျှင် (၂၂၀၀၀) ကျပ်၊ ကြက်သား တစ်ပိဿာလျှင်(၃၀၀၀၀) ကျပ်၊ ငါးကြင်းတစ်ပိဿာလျှင်(၃၀၀၀၀) ကျပ်၊ ငါး(အာဗြဲခြောက်) တစ်ပိဿာလျှင် (၃၀၀၀၀) ကျပ်တို့ဖြင့် အရောင်းအဝယ်ဖြစ်နေကြောင်း မူဆယ်မြို့ လက်လီဈေးရောင်းချသူများမှတစ်ဆင့် သိရှိရပါသည်။

DOCA(ရှမ်း)

    ယခုဖေဖော်ဝါရီလလယ်တွင် ပြည်မြို့ပေါ်ဈေးများသို့ ပုတီးကုန်း၊ သဲကုန်း၊ ပေါင်းတလည်နှင့် တောင်ခွေးရဲအုပ်စုတို့မှ ဆောင်းရာသီစိုက် ခရမ်းမီးအုံးသီးများ ဝင်ရောက်မှုရှိနေပြီး ဈေးကောင်းရလျှက်ရှိကြောင်း သိရှိရပါသည်။ တစ်ပတ်လျှင်ရက်ခြား အလုံး (၅၀)ခန့်သာ ဝင်ရောက်မှုရှိပြီး အဝင်ရှိသလောက် အရောင်းအဝယ်ဖြစ်ကြောင်း သိရှိရပါသည်။

   ယခုအချိန်သည် ပေါ်ဦးပေါ်ဖျားဖြစ်သည့်အတွက် ခရမ်းသီးမီးအုံးတစ်လုံးလျှင် အကြီး ကျပ် ၁၀၀၀၊ အလတ်ကျပ် ၈၀၀၊ အသေးကျပ် ၆၀၀ခန့် စသည်ဖြင့် ရောင်းချမှုရှိပြီး လှိုင်လှိုင်ပေါ်ချိန် မတ်လဆန်းလောက်တွင် သောင်းပြောင်းတစ်လုံးလျှင် ကျပ် ၄၀၀၊ ၅၀၀ ခန့်သာ ရှိမည်ဖြစ်ကြောင်း သိရှိရပါသည်။

DOCA(ပဲခူး)

      ပြည်ခရိုင်အတွင်းရှိ ဈေးများတွင် ဒေသထွက်ရာသီပေါ်သီးနှံဖြစ်သော ဘူးသီးနှင့် ဘူးညွန့်များ ရောင်းချနေသည်ကို တွေ့ရပါသည်။ ဘူးညွန့်များမှာ စားသုံးသူများသည့် အပင်တစ်မျိုး ဖြစ်သောကြောင့် စိုက်ပျိုးသူများအတွက်လည်းနေ့စဉ် အပိုဝင်ငွေရရှိစေသော အပင်ဖြစ်ပါသည်။ ဘူးသီးများကိုချက်ပြုတ်၍ စားကြသလို အကြော်ဆိုင်များတွင်လည်း အကြော်ကြော်၍ ရောင်းချကြသောကြောင့် ဝယ်ယူမှုများသော အသီးအနှံတစ်မျိုးဖြစ်၍ စိုက်ပျိုးသူများအတွက် အပိုဝင်ငွေ ရရှိစေပါသည်။ ဘူးပင်မှရရှိသော ဘူးညွန့်များကိုလည်း ကြော်ချက်၍စားကြသလို ပြုတ်၍ အတို့အမြုပ်အဖြစ်စားလို့ရသည့် ဘူးသီးပုတ်ဟုခေါ်သော ဘူးသီးလေးများကိုပါ စားကြသည့်အတွက် တစ်ပင်လုံးမှဝင်ငွေရသော ဟင်းသီးဟင်းရွက်ပင်ဖြစ်ပါသည်။ ဘူးညွန့်များကို စတင်ပေါ်ချိန်တွင် (၃)ညွန့်ပါ တစ်စည်းလျှင် ၂၀၀ကျပ်ဖြင့် ရောင်းချရပြီး ယခုအခါတွင် (၅)ညွန့် (၇)ညွန့်ပါ တစ်စည်းလျှင် (၂၀၀)ကျပ်၊ ဘူးသီးတစ်လုံးလျှင် အရွယ်အစားအလိုက် ၃၀၀ကျပ်၊ ၅၀၀ကျပ်မှစ၍ ၁၀၀၀၊ ၁၅၀၀၊ ၂၀၀၀ကျပ်များ အထိရောင်းချလျက်ရှိကြောင်း သိရရှိရပါသည်။

DOCA(ပဲခူး)

      မကွေးတိုင်းဒေသကြီး၊ ပခုက္ကူခရိုင်၊ ကြက်သွန်နီစိုက်ပျိုးရာဒေသများဖြစ်ကြသော ရေစကြို၊ ပေါက်၊ ဆိပ်ဖြူ၊ ကမ္မ၊ ပခုက္ကူကျွန်းတို့တွင် မိုးစိုက်(ဥစိုက်)ကြက်သွန်နီများ လှိုင်လှိုင်ပေါ်လျက်ရှိပါသည်။ ပခုက္ကူကြက်သွန်နီကုန်စည်ဒိုင်သို့ အခြားမြို့နယ်များဖြစ်သော မကွေးတိုင်းဒေသကြီးအတွင်းရှိ ရေနံချောင်း၊ ဆင်ဖြူကျွန်း၊ ယောဒေသတို့မှ ကြက်သွန်နီများဝင်ရောက်အရောင်းအဝယ်ဖြစ်လျက်ရှိပြီး ဖေဖော်ဝါရီ(တတိယပတ်)မှစ၍ ဈေးနှုန်းများ တရိပ်ရိပ်တက်လျက်ရှိကြောင်း ကြက်သွန်နီကုန်စည်ဒိုင်မှသိရှိရပါသည်။

      ယခင်အပတ်တွင် ကြက်သွန်နီဈေးနှုန်းမှာ ယောထိပ်စတစ်ပိဿာလျှင် ကျပ်(၁၇၀၀)၊ အလတ်စ ကျပ်(၁၃၀၀)၊ အနိမ့်စ ကျပ်(၁၁၀၀)၊ ဆင်ဖြူကျွန်းကြက်သွန်နီ ထိပ်စတစ်ပိဿာလျှင် ကျပ်(၁၈၅၀)၊ အလတ်စ ကျပ်(၁၇၀၀)ဖြစ်ခဲ့ပြီး ယခုအပတ်၏ ကြက်သွန်နီဈေးနှုန်းများမှာလည်း အရည်အသွေးကိုလိုက်၍ လက်ကားဒိုင်ပြတ်ဈေးမှာ ယောဒေသထွက် ကြက်သွန်နီထိပ်စ တစ်ပိဿာလျှင် ကျပ် (၂၀၅၀)၊ အလတ်စ ကျပ်(၁၇၀၀)၊ အနိမ့်စ ကျပ်(၁၄၀၀)၊ ဆင်ဖြူကျွန်း ကြက်သွန်နီတစ်ပိဿာလျှင် ကျပ်(၂၁၅၀)ဖြစ်ပြီး ယခင်အပတ်နှင့်နှိုင်းယှဉ်ပါက တစ်ပိဿာလျှင် ကျပ်(၃၀၀)ခန့်ဈေးနှုန်းမြင့်တက်လျက်ရှိပါသည်။ မြို့မစည်ပင်ဈေးနှင့် အမှတ်(၂)ဈေးတို့တွင်ရောင်းချသော လက်လီဈေးနှုန်းမှာ ထိပ်စတစ်ပိဿာလျှင် ကျပ်(၂၅၀၀)၊ အလတ်စ ကျပ်(၂၃၀၀)၊ အနိမ့်စ ကျပ်(၂၀၀၀) ဈေးနှုန်းတို့ဖြင့် ရောင်းချနေပါသည်။ ကြက်သွန်နီကုန်စည်ဒိုင်တွင် နေ့စဉ် ကုန်ချိန်ပိဿာ (၂၀၀၀၀မှ ၅၅၀၀၀)ထိအရောင်းအဝယ်ဖြစ်နေကြောင်း ကြက်သွန်နီဈေးတက်သဖြင့် အဝယ်သွက်လျက်ရှိကြောင်း ကြက်သွန်နီကုန်စည်ဒိုင်မှသိရှိရပါသည်။

DOCA(မကွေး)

      မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့ပေါ်၌ ၂၀၂၄ခုနှစ်၊ ဖေဖော်ဝါရီလ(တတိယပတ်)တွင် အရောင်းအဝယ်ဖြစ်လျက်ရှိသော စားသုံးဆီဈေးနှုန်းများမှာ မြေပဲဆုံဆီတစ်ပိဿာလျှင် ကျပ် (၁၄၅၀၀)၊ စက်ပဲဆီသန့် တစ်ပိဿာလျှင် ကျပ်(၁၂၇၀၀-၁၃၀၀၀)ဖြစ်ပြီး၊ ပဲရောဆီတစ်ပိဿာလျှင် ကျပ်(၉၀၀၀)၊ နှမ်းဆီတစ်ပိဿာလျှင် ကျပ်(၁၂၅၀၀)၊ စားအုန်းဆီတစ်ပိဿာလျှင် ကျပ်(၅၅၀၀)၊ နေကြာဆီတစ်ပိဿာလျှင် ကျပ်(၁၃၀၀၀) ဈေးနှုန်းဖြင့် အရောင်းအဝယ်ဖြစ်လျက်ရှိပါသည်။

    ယခင်ဇန်နဝါရီလ(ဒုတိယပတ်)ဈေးနှုန်းနှင့်နှိုင်းယှကြည့်လျှင် ဖေဖော်ဝါရီလ(ဒုတိယပတ်)တွင် မြေပဲဆီ၊ နှမ်းဆီ၊ နေကြာဆီဈေးနှုန်းမှာ ဈေးနှုန်းအနည်းငယ်မြင့်တက်လျက်ရှိကြောင်း၊ ထိုသို့ဈေးနှုန်းမြင့်တက်ရခြင်းမှာ ဆီထွက်သီးနှံဖြစ်သော နှမ်း၊ မြေပဲ၊ နေကြာဈေးနှုန်းတို့မြင့်တက်၍ စားသုံးဆီများဈေးနှုန်းများလည်းမြင့်တက်လျက်ရှိကြောင်း၊ ဈေးနှုန်းအနေဖြင့် မြေပဲ၊ နှမ်း၊ နေကြာဆီများတစ်ပိဿာလျှင် ကျပ် (၁၀၀၀)ခန့်ဈေးနှုန်းမြင့်တက်သွားကြောင်း၊ ကျန်စားသုံးဆီဈေးနှုန်းများမှာ တည်ငြိမ်ပြီး အရောင်းအဝယ်ဖြစ်လျက်ရှိကြောင်း စားသုံးဆီကြိတ်ခွဲ ထုတ်လုပ်သည့် လုပ်ငန်းရှင်များထံမှသိရှိရပါသည်။

     ပခုက္ကူမြို့ရှိ စားသုံးသူများသည် မြေပဲဆီကိုသာအဓိကစားသုံးမှုများပြီး လုပ်ငန်းရှင်များကလည်း မြေပဲဆံ၊ မြေပဲဆီများကို ထုတ်လုပ်ရောင်းဝယ်ဖောက်ကားလျက်ရှိပြီး မြန်မာနိုင်ငံနေရာဒေသအနှံ့အပြားသို့ မြေပဲဆီများထုတ်လုပ်တင်ပို့ရောင်းချဖြန့်ဖြူးလျက်ရှိကြောင်းသိရှိရပါသည်။

DOCA(မကွေး)