ပြည်တွင်းကုန်သွယ်မှုသတင်း

     မကွေးတိုင်းဒေသကြီး၊ ပခုက္ကူခရိုင်၊ ပခုက္ကူမြို့မစည်ပင်သာယာဈေးတွင် မြန်မာပြည်အောက်ပိုင်းမှ ထွက်ရှိသော ငါးခြောက်အမျိုးမျိုးနှင့် ပုဇွန်ခြောက်အမျိုးမျိုးတို့ ရောင်းချလျက်ရှိပါသည်။ ငါးခြောက်အမျိုးမျိုးများဖြစ်သော ငါးပုတ်သင်၊ ငါးမည်းလုံး၊ ငါးဇင်းလုံး၊ ငါးဇင်းပြား၊ အာပြဲခြောက်အမျိုးမျိုး၊ ငါးရံ့ခြောက်နှင့် ငါးနီတူးခြောက်၊ ရေမောင်စာခြောက်အမျိုးမျိုးတို့ဖြစ်ပါသည်။

    ၂၀၂၄ခုနှစ်၊ ဖေဖော်ဝါရီလ(စတုတ္ထပတ်)တွင် ရောင်းချနေသောငါးခြောက်ဈေးနှုန်းများမှာ ငါးပုတ်သင်(ကြီး)တစ်ပိဿာလျှင် ကျပ်(၁၈၀၀၀)၊ ငါးပုတ်သင်(လတ်) တစ်ပိဿာလျှင် ကျပ်(၁၅၀၀၀)၊ ငါးပုတ်သင်(သေး)တစ်ပိဿာလျှင် ကျပ်(၁၂၀၀၀)၊ ငါးရံ့ (လုံး)ခြောက် တစ်ပိဿာလျှင် ကျပ်(၅၀၀၀၀)၊ ငါးရံ့(ပြား)ခြောက် တစ်ပိဿာလျှင် ကျပ်(၆၀၀၀၀)၊ အာပြဲခြောက်(ကြီး)တစ်ပိဿာလျှင် ကျပ် (၄၀၀၀၀)၊ အာပြဲခြောက်(လတ်) တစ်ပိဿာလျှင် ကျပ် (၃၅၀၀၀)၊ အာပြဲခြောက်(သေး) တစ်ပိဿာလျှင် ကျပ်(၂၆၀၀၀)၊ ငါးမည်းလုံး တစ်ပိဿာလျှင် ကျပ် (၁၅၀၀၀)၊ ငါးဇင်း(လုံး) တစ်ပိဿာလျှင် ကျပ်(၁၅၀၀၀)၊ ငါးဇင်း(ပြား) တစ်ပိဿာလျှင် ကျပ်(၁၈၀၀၀)၊ ငါးသေတ္တာခြောက် တစ်ပိဿာလျှင် ကျပ်(၁၂၀၀၀)၊ ငါးနီတူးခြောက် တစ်ပိဿာလျှင် ကျပ်(၁၂၀၀၀)၊ ရေမောင်စာခြောက် တစ်ပိဿာလျှင် ကျပ်(၁၅၀၀၀)နှင့် ပုဇွန်ခြောက်(ကြီး) တစ်ပိဿာလျှင် ကျပ်(၆၅၀၀၀)၊ ပုဇွန်ခြောက်(သေး) တစ် ပိဿာလျှင် ကျပ်(၂၅၀၀၀)ဖြင့် ရောင်းဝယ်ဖောက်ကားလျက်ရှိကြောင်း မြို့မစည်ပင်သာယာဈေးသည်များထံမှ သိရှိရပါသည်။

DOCA(မကွေး)

     မကွေးတိုင်းဒေသကြီး၊ ပခုက္ကူခရိုင် ပဲမျိုးစုံထွက်ရှိရာဒေသများဖြစ်ကြသော ပခုက္ကူကျွန်း၊ မြိုင်၊ ပေါက်၊ ရေစကြိုမြို့နယ် တို့မှ ပဲစဉ်းငုံနီ၊ ကုလားပဲအမျိုးမျိုး၊ မတ်ပဲ၊ ပဲလွန်း(ပြာ)၊ ပဲယင်း(နီ)၊ ပဲယင်း(ဝါ)၊ ထောပတ်ပဲနီနှင့် အခြား ပဲမျိုးစုံများ စိုက်ပျိုးလျက်ရှိပါသည်။  ပခုက္ကူကုန်စည်ဒိုင်တွင် ပခုက္ကူမြို့၏ စီးပွားရေးအချက်အခြာကျပြီး ပခုက္ကူမြို့အပြင် အခြားဒေသများဖြစ်သော ဂန့်ဂေါခရိုင်အတွင်းရှိနယ်များ၊ မန္တလေးတိုင်းဒေသကြီးအတွင်းရှိ ညောင်ဦး၊ အောက်ညဉ့်၊ ပုလင်း၊ ငါးသရောက်နှင့် မြင်းခြံမြို့ နှင့်တောင်သာမြို့တို့မှ လာရောက်အရောင်းအဝယ်ဖြစ်လျက်ရှိပါသည်။  

    ယခုတစ်ပတ် ပခုက္ကူကုန်စည်ဒိုင်တွင် အရောင်းအဝယ်ဖြစ်နေသောပဲများမှာ ပဲစဉ်းငုံနီ၊ ကုလားပဲ အမျိုးမျိုး၊ ပဲယင်းနီ၊ ပဲယင်းဝါ၊ ပဲလွန်းပြာ၊ ပဲပုတ်နှင့် အခြားပဲများ အရောင်းအဝယ်ဖြစ်နေပြီး  ဖေဖေါ်ဝါရီလ(စတုတ္ထပတ်)၏ ပဲဈေးနှုန်းများမှာ ပဲစဉ်းငုံနီ တစ်တင်းလျှင် ကျပ် ( ၁၁၉၄၀၀-၁၂၁၀၀၀-၁၂၂၀၀၀)၊ ကုလား ပဲဖြူလုံးကြီး (V2) တစ်တင်းလျှင် ကျပ် (၈၇၂၀၀-၈၇၅၀၀)၊ ကုလားပဲဖြူလုံးကြီး(V6) တစ်တင်းလျှင် ကျပ်(၈၇၀၀၀-၈၇၅၀၀-၈၇၇၀၀)၊ ကုလားပဲဝါ(HL) တစ်တင်းလျှင် ကျပ်(၈၆၀၀၀)၊ ကုလားပဲဝါလုံးကြီး (929)တစ်တင်းလျှင်ကျပ် (၈၇၀၀၀)၊ ပဲယင်းနီ တစ်တင်းလျှင် ကျပ်(၆၆၆၀၀)၊ ပဲယင်းဝါ တစ်တင်းလျှင် ကျပ်(၄၉၀၀၀)၊ ပဲလွန်းပြာ တစ်တင်းလျှင် ကျပ် (၆၇၅၀၀)၊ စွန်တာနီ (ကျွန်း) တစ်တင်းလျှင် ကျပ်(၅၅၅၀၀)၊ ထောပတ်ပဲ တစ်တင်းလျှင်ကျပ် (၁၂၅၀၀၀)၊နေလဲစေ့ တစ်ပိဿာလျှင် ကျပ်(၆၉၀၀)၊ ပြောင်းဖူးစေ့တစ်တင်းလျှင် ကျပ်(၁၆၄၀၀) ဈေးတို့ဖြင့် အရောင်းအဝယ်ဖြစ်လျက်ရှိပါသည်။

    အရောင်းအဝယ်ဖြစ်မှုအိတ်ရေမှာ ပဲစဉ်းငုံနီ(၅၇၀၀)၊ ကုလားပဲဖြူလုံးကြီး(V2)(၂၀၀)၊ ကုလားပဲ ဖြူလုံးကြီး(V6)(၂၅၀) ၊ ကုလားပဲဝါ(HL) (၂၀၀)၊ပဲယင်းနီ(၁၃၀၀)၊ ပဲယင်းဝါ(၂၀၀) ၊ ပဲလွန်းပြာ (၈၀၀) ၊ စွန်တာနီ (ကျွန်း) (၂၀၀)၊  ပြောင်းဖူးစေ့(CP)၅၀၀၊ ထောပတ်ပဲဖြူ(၇၅၀)၊ နေလဲစေ့ ပိဿာချိန် (၈၅၀၀)အရောင်းအဝယ်ဖြစ်လျက်ရှိကြောင်း ကုန်စည်ဒိုင်မှ သိရှိရပါသည်။

DOCA(မကွေး)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်အနေဖြင့် စားသုံးသူပြည်သူများ၊ စီးပွားရေးလုပ်ငန်းရှင်များ၊ ဌာနဆိုင်ရာအဖွဲ့အစည်းများ၊ စည်ပင်သာယာဈေးများ၊ အခြေခံပညာကျောင်းများ၊ တက္ကသိုလ်/ကောလိပ်များ၊  ရပ်ကွက်၊ ကျေးရွာများ၊ တပ်ရင်း/တပ်ဖွဲ့များအား စားသုံးသူကာကွယ်ရေးအသိပညာပေးဟောပြောပွဲများဆောင်ရွက်ပေးလျက်ရှိသည့်အပြင် “ပြည်တွင်းကုန်သွယ်ရေးဖွံ့ဖြိုးမှုနှင့် သုတေသနလုပ်ငန်းများဆောင်ရွက်ရန်”ဆိုသည့် ဌာန၏ရည်မှန်းချက်တာဝန်များကိုလည်း အကောင်အထည်ဖော်ဆောင်ရွက်လျက်ရှိပါသည်။

       ရွှေဘိုမြို့၊ မြို့မစည်ပင်သာယာဈေးတွင်  ဖေဖော်ဝါရီလ နောက်ဆုံးပတ်၌ရောင်းချနေသော စားဖိုဆောင်သီးနှံဈေးနှုန်းများမှာ ပေါ်ဦးပေါ်ဖျားဖြစ်သည့် တရုတ်စံကားပွင့်ပြုတ် နို့ဆီဘူး (၁)ဘူးလျှင် (၇၀ဝိ/) ကျပ်၊ ထနောင်းရွက်ပြုတ်တစ်ဆယ်ကျပ်သားလျှင် (၈၀ဝိ/-)ကျပ်၊ ပဲစိမ်း (၁)ဘူးလျှင် (၅၀ဝိ/-)ကျပ်၊ ပဲကြီး (၁)ဘူးလျှင် (၈၀ဝိ/-)ကျပ်၊ ပဲကြီးအခွံချွတ်ပြီး (၁)ဘူးလျှင် (၁၂၀ဝိ/-)ကျပ်၊ ပဲနီပြားအခွံချွတ်ပြီး (၁)ဘူးလျှင် (၁၀၀ဝိ/-)ကျပ်၊ ပြုတ်ပီးသည့်ပဲရေပွ (၁)ဘူးလျှင် (၅၀ဝိ/-)ကျပ်၊ ပဲနီပြား/ပဲဖြူပြား (၁)ဘူးလျှင် (၁၀၀ဝိ/-)ကျပ်၊ ပုဂံပဲ (၁)ဘူးလျှင် (၈၀ဝိ/-)ကျပ်၊ တစ်လပဲ (၁)ဘူးလျှင် (၅၀ဝိ/-)ဖြင့်  အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

    ၂၉.၂.၂၀၂၄ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ချက်အား အောက်ပါ .pdf တွင် ဝင်ရောက်ကြည့်ရှုနိုင်ပါသည်။

     ကျောက်ဆည်ခရိုင်တွင် စပါး၊ ပဲမျိုးစုံနှင့် ဆီထွက်သီးနှံမျိုးစုံကိုစိုက်ပျိုးသည့်အပြင် စားဖိုဆောင်သီးနှံများကိုလည်း မိသားစုအပိုဝင်ငွေရရှိရေးအတွက် ရာသီအလိုက်စိုက်ပျိုးကြပါသည်။ပဲကြီးသီးနှံကို ယခင်က လယ်ကန်သင်းရိုးများတွင် တစ်နိုင်တစ်ပိုင်စိုက်ပျိုးကြပြီး ယခုအချိန်တွင် ယာမြေ၊ လယ်မြေနှင့် ကိုင်းကျွန်းမြေများတွင်လည်း အများအပြားစိုက်ပျိုးလာကြပါသည်။ကျောက်ဆည်ခရိုင်တွင် ပဲကြီးစိုက်ဧက (၁၄၃၅)ဧကစိုက်ပျိုးထားကြောင်း ခရိုင်လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာန၏ စာရင်းများအရသိရှိရပါသည်။ ပဲကြီးကို အောက်တိုဘာလတွင် စတင်စိုက်ပျိုးကြပြီး ဖေဖော်ဝါရီလနှင့် မတ်လတို့တွင် စတင်ရိတ်သိမ်းလျက်ရှိပါသည်။ (၁)ဧကကုန်ကျစရိတ်အနေဖြင့် မျိုး၊ သွင်းအားစု၊ လုပ်သားခအပါအဝင် စုစုပေါင်း (၅၀၀၀၀၀/-)ခန့်ကုန်ကျပြီး ပဲကြီးသီးနှံမှာ စိုက်ပျိုးသည်မှ ရိတ်သိမ်းပြီးသည်အထိ (၅)လမှ (၆)လအတွင်းရှိပါသည်။ စိုက်ပျိုးပြီး (၃)လကြာလျှင် အဖူးအပွင့်များ စတင်ဖူးပွင့်ပြီး အသီးတောင့်များရင့်မှည့်လာချိန်တွင် တောင်သူအများစုမှာ ပဲကြီးအစိုများကိုသာခူးဆွတ်၍ ရောင်းချကြကြောင်း၊ ယခုပေါ်ဦးပေါ်စအချိန်တွင်​ ဈေးကွက်အတွင်း၌ ပဲကြီးအစို (၁)ပြည်လျှင် (၄၀၀၀/-)ကျပ်စျေးနှုန်းရရှိပြီး ပဲကြီးအခြောက်တစ်တင်းလျှင် (၁၁၀၀၀၀/-)ကျပ်စျေးနှုန်းရှိကြောင်း ယခင်နှစ် ပဲကြီးအခြောက်တစ်တင်းလျှင် (၈၀၀၀၀/-)ကျပ်ဈေးနှုန်းသာရကြောင်း ပွဲရုံပိုင်ရှင်တစ်ဦးထံမှသိရှိရပါသည်။ ပဲကြီးသီးနှံစိုက်ပျိုးခြင်းဖြင့် တောင်သူများ မိသားစုအပိုဝင်ငွေရရှိရုံသာမက ကျွဲ၊ နွားစာများအတွက်လည်း ဖူလုံလျက်ရှိသောကြောင့် ပိုမိုတိုးချဲ့စိုက်ပျိုးသင့်ပါကြောင်း ရေးသားတင်ပြလိုက်ရပါသည်။

DOCA(မန္တလေး)