ပြည်တွင်းကုန်သွယ်မှုသတင်း

   နတ်တလင်းခရိုင် နတ်တလင်းမြို့ ညဈေးနှင့် မြို့မဈေးတို့တွင် ရောင်းချနေသော ကြက်သွန်နီ/ကြက်သွန်ဖြူ ဈေးနှုန်းများမှာ  ဒီဇင်ဘာလ ပထမပတ်တွင် ကြက်သွန်နီ အကြီး တစ်ပိဿာ (၅၅၀၀)ကျပ် ၊ ကြက်သွန်နီ အသေး တစ်ပိဿာ (၅၀၀၀)ကျပ်၊ ကြက်သွန်ဖြူ ကြူကုတ် တစ်ပိဿာ (၂၅၀၀)ကျပ်၊ကြက်သွန်ဖြူ ရှမ်းမွှာ တစ်ပိဿာ (၂၄၀၀)ကျပ်အထိရှိပြီး ယခု ဒီဇင်ဘာလ တတိယပတ်တွင် ကြက်သွန်နီ အကြီးတစ်ပိဿာ (၅၀၀၀)ကျပ်၊ ကြက်သွန်နီ အသေးတစ်ပိဿာ (၄၀၀၀)ကျပ်၊ ကြက်သွန်ဖြူ ကြူကုတ် တစ်ပိဿာ (၂၄၀၀)ကျပ်၊ ကြက်သွန်ဖြူ ရှမ်းမွှာ တစ်ပိဿာ (၂၃၀၀)ကျပ်နှုန်းဖြင့် ရောင်းချလျှက်ရှိရာ ဒီဇင်ဘာလ  ပထမပတ်နှင့် နှိုင်းယှဉ်ပါက  ဈေးနှုန်းများ အနည်းငယ်ကျဆင်း လျက်ရှိကြောင်းသိရှိရပါသည်။

          ကြက်သွန်နီ/ကြက်သွန်ဖြူ သီးနှံသည်    စားသုံးသူများအတွက် စားဖိုဆောင်တွင် မရှိမဖြစ် လိုအပ်ပြီး ကျန်းမာရေးအတွက် ကောင်းမွန်သောကြောင့် ပုံမုန်ရောင်းဝယ်ဖြစ်လျက်ရှိကြောင်း သိရ ပါသည်။

DOCA(ပဲခူး)

ကြက်သွန်နီ (ဆောင်း)သီးနှံကို ပဲခူးတိုင်းဒေသကြီး၊ နတ်တလင်းခရိုင်၊ နတ်တလင်းမြို့နယ် အတွင်းရှိ  ဝဲကြီးကျေးရွာ၊ ကျောင်းကြီးကျေးရွာ၊ ပေါက်တန်းကျေးရွာများတွင် အများဆုံးစိုက်ပျိုး ကြပြီး အခြားကျေးရွာအချို့တွင်လည်း တစ်ပိုင်တစ်နိုင်စိုက်ပျိုးကြပါသည်။

          ကြက်သွန်နီ (ဆောင်း)ကို နိုဝင်ဘာလနှင့် ဒီဇင်ဘာလတွင်စိုက်ပျိုးကြပြီး ယခင်နှစ်က ကြက်သွန်နီပျိုးပင်ရေ (၁၀၀၀) လျှင် (၆၀၀၀ ကျပ်မှ ၆၅၀၀ ကျပ်)နှုန်း ရှိပြီး ယခု ၂၀၂၄ခုနှစ် ဒီဇင်ဘာ လတတိယပတ်တွင် ကြက်သွန်နီ ပျိုးပင်ရေ (၁၀၀၀) လျှင် (၆၅၀၀ကျပ်မှ ၇၀၀၀ ကျပ်)နှုန်းဖြင့် ရောင်းဝယ်လျက်ရှိပြီး ကြက်သွန်နီ စိုက်ပျိုးတောင်သူများမှ မိမိတို့ ကိုယ်တိုင်စိုက်ပျိုးရန်နှင့် ရောင်းချ ရန်အတွက် ကြက်သွန်နီ မျိုးစေ့(ဒေသမျိုး) နို့ဆီဗူး တစ်ဗူးလျှင် (၂၅၀၀၀)ကျပ်နှုန်းဖြင့် အောက်တို ဘာလနှင့် နိုဝင်ဘာလများတွင် ဝယ်ယူပျိုးထောင်ကြကြောင်း ကြက်သွန်နီစိုက် တောင်သူ များထံမှသိရပါသည်။

DOCA(ပဲခူး)

    ပဲခူးတိုင်းဒေသကြီး၊ နတ်တလင်းခရိုင်၊ ဇီးကုန်းမြို့နယ်အတွင်းရှိ မော်ရကျေးရွာ၊ ထန်းတပင်ကျေးရွာ နှင့် အခြားကျေးရွာများတွင် မိုးခရမ်းသီးများကို တစ်နိုင်တစ်ပိုင် စိုက်ပျိုးကြပါသည်။ မိုးခရမ်းသီးစိုက်ပျိုးရန် ပျိုးပင်တစ်ပင်ကို ၅၀ကျပ်နှုန်းဖြင့် တစ်ဧကကို ပျိုးပင် ၄၀၀၀ ခန့်စိုက်ပျိုးရပါသည်။ မြေကျင်းကလေးများတူးပြီး ပျိုးပင်တစ်ပင်ကို ပင်ခြားတန်းခြား နှစ်ပေခွဲထားပြီး စိုက်ပျိုးကြပါသည်။ ခရမ်းသီးစိုက်ပျိုးရာတွင် တစ်ဧက ကုန်ကျစရိတ်အနေဖြင့် ပျိုးပင်၊ ထွန်ယက်ခ၊ စိုက်ပျိုးခ၊ ပေါင်းမြက်ရှင်းခ၊ မြေဩဇာ၊ ပိုးသတ်ဆေး အပါအဝင်စုစုပေါင်း ၈၂၀၀၀၀ကျပ် ကုန်ကျပါကြောင်း  တစ်ဧကအထွက်နှုန်းမှာ အလုံးရေ ၁၃၀၀၀ ခန့်ထွက်ရှိကြောင်း တစ်လုံးလျှင် ၁၀၀ကျပ်မှ ၁၅၀ကျပ် နှုန်းဖြင့် ဒေသတွင်းသာမက ကုန်စိမ်းဒိုင်များမှ တဆင့် အခြားမြို့နယ်များသို့ပါ တင်ပို့ရောင်းချလျက်ရှိကြောင်း ခရမ်းစိုက်တောင်သူ တစ်ဦးထံမှသိရပါ သည်။

DOCA(ပဲခူး)

မြန်မာနိုင်ငံတွင် အများဆုံးစိုက်ပျိုးကြသည့် ပဲစဉ်းငုံမျိုးများမှာ သက်ကြီးမျိုးဖြစ်ပြီး ပဲစဉ်းငုံ ကို သီးညှပ်သီးနှံအဖြစ်လည်း စိုက်ပျိုးကြပါသည်။ အပင်သက်တမ်းတလျှောက် နှင်းခါးရိုက်မှုဒဏ်ခံ နိုင်ရည်မရှိပါ။ ပဲစဉ်းငုံ၏ အမြစ်သည် ရှည်လျား၍ ရေငတ်ဒဏ်ခံနိုင်ရှိပါသည်။ ပဲစဉ်းငုံသည် ရေဝပ် ခြင်း ဒဏ်ခံနိုင်ရည်မရှိပါ။ ပဲစဉ်းငုံသည် နေ့တာအတိုအရှည်ပင်ဖြစ်၍ စိုက်ချိန်သည် အပင်ကြီးထွား မှုနှင့် အပင်အမြင့်အတွက် အဓိကအရေးကြီးသည်။ ပဲစဉ်းငုံကို တချို့အရပ်ဒေသတွေမှာ “စစ်ပိုင်ပဲ” လို့ ခေါ်ကြပါတယ်။ ပဲစဉ်းငုံအသီးက ခပ်ပြားပြားပုံသဏ္ဌာန် ဖြစ်ပါတယ်။ သူရှင်သန်ပေါက်ရောက်ရာ ရေ၊ မြေဒေသပေါ် မူတည်ပြီး အစေ့၏ အရွယ်အစား၊ ပုံသဏ္ဌာန်နှင့် အရောင်တို့ကွဲပြားခြားနားကြပါ သည်။ တချို့ဒေသထွက် ပဲစဉ်းငုံအစေ့မှာ လုံးဝန်း၍ တချို့က ဘဲဥပုံ ဖြစ်ပါတယ်။  တချို့မှာ အဖြူ၊ အညို၊ အနီ၊ မီးခိုရောင် (သို့) ခရမ်းရောင်သန်းပါတယ်။ ပဲစဉ်းငုံအတွက် မြေဆီလွှာရွေးချယ်ခြင်း ပဲစင်းငုံအတွက် မြေအမျိုးစားမရွေး သဲသမမြေမှ ရွှံ့သဲသမမြေအထိ စိုက်ပျိုးနိုင်ပါတယ်။ မြေနီ ကျောက်စရစ်၊ မြေနီသဲဝန်း၊ စနယ်မြေနက်တို့တွင် ဖြစ်ထွန်းပါတယ်။ နုန်းမြေစေး၊ မြေဩဇာထက် သန်၍ မြေသားနက်သည့် သမမြေတွင် ပိုမိုဖြစ်ထွန်းပါတယ်။ တစ်နှစ်ပတ်လုံး စိုက်ပျိုးနိုင်ပါသည်။ သို့သော် ပန်းပွင့်ချိန်တွင် မိုးမိခြင်း၊ အပူချိန်မြင့်ခြင်း အခြေအနေမျိုးမှ လွတ်အောင်စိုက်ပျိုးရန် လိုအပ်ပါသည်။ ပန်းပွင့်ရန် နေ့တာတိုကာလ လိုအပ်ပါသည်။ ပန်းစောပွင့်လျှင် အဆံမတည်တက်ပါ။ ဒေသမျိုးများကို မိုးဦးကာလတွင် စိုက်ပျိုးသင့်ပါသည်။  ပဲစဉ်းငုံမျိုးတွင် ပင်ပြန့်၊ ပင်ထောင်ဟူ၍ အခြေခံမျိုးကြီးနှစ်မျိုးရှိသည်။ အသက်ရက်ကိုလိုက်၍ သက်ကြီးမျိုး၊ သက်လတ်မျိုး၊ သက်လျှင်မျိုး ဟူ၍လည်း ခွဲခြားခေါ်ကြသည်။ ပဲစင်းငုံသီးနှံအား သီးသန့်(သို့)သီးညှပ် စိုက်ပျိုးလေ့ရှိပါသည်။ သီးသန့်စိုက်ပျိုးရာတွင် သက်တန်းအလိုက် သတ်မှတ်ထားသော အပင်အရေအတွက် ဝင်အောင် စိုက်ပျိုးရမည်။ သီးညှပ်အဖြစ် ပဲစင်းငုံတစ်တန်းနှင့် တစ်တန်းကြားတွင် ပဲတီစိမ်း ၊နှမ်း ၊မြေပဲ၊ ဝါ၊ နေကြာနှင့် နှံစားပြောင်း(၃)တန်းမှ(၅)တန်းထိ ညှပ်၍စိုက်ပျိုးကြသည်။ သက်ကြီးမျိုးကို တန်းကြား (၄.၅)ပေ၊ ပင်ကြား(၁)ပေ၊ သက်လတ်မျိုးကိုတန်းကြား(၃)ပေ၊ ပင်ကြား(၁)ပေ၊ သက်လျှင်မျိုးကို တန်းကြား(၂)ပေပင်ကြား(၆)လက်မ စိုက်ပျိုးရသည်။ ပဲစဉ်းငုံကို သီးညှပ်စိုက်ပျိုးရာတွင် ပင်ကြား တန်းကြားကို (၁.၅-၃)ပေ (၇-၁၀.၅) ပေထိထား၍ စိုက်ပျိုးလေ့ရှိပါသည်။ ပဲစဉ်းငုံကို ဟင်းချိုအဖြစ် လည်းကောင်း၊ ကြော်၍လည်းကောင်း၊ ဟင်းသီးဟင်းရွက်စုံနှင့် အချဉ်ချက်၍ လည်းကောင်း အမျိုးမျိုးအဖုံဖုံ စားသုံးနိုင်ပါသည်။ ပဲစဉ်းငုံကို ပြည်တွင်း၌ ပဲဟင်း၊ ပဲကြော်၊ ပဲပြုတ်၊ ပဲသီးစိမ်း ပြုတ်၍စားသုံးကြသော်လည်း အများအားဖြင့် ပြည်ပဈေးကွက်သို့ တင်ပို့ရောင်းချမှုအတွက် စိုက်ပျိုး ထုတ်လုပ်ခြင်းဖြစ်ပါသည်။ ပဲခူးတိုင်းဒေသကြီးအနောက်ပိုင်း၊ ပြည်ခရိုင်၊ ပြည်မြို့နယ်တွင် ဒီဇင်ဘာလ တတိယပတ်မှစတင်၍ ပဲစဉ်းငုံများကို အစည်းကလေးများစည်း၍ ဈေးများတွင် ရောင်းချလျက်ရှိပါသည်။ ပဲစဉ်းငုံကို ပြည်မြို့အနီးအနားရှိ ကျေးရွာများနှင့် တစ်ပိုင်တစ်နိုင် စိုက်ပျိုးသူများမှ ပြည်မြို့ မြို့မစည်ပင်သာယာဈေးကြီးနှင့် အခြားဈေးများတွင် ရောင်းချလျက်ရှိပြီး ပဲစဉ်းငုံ ခန့်မှန်းခြေတစ်ဆယ်ကျပ်သားခန့်ရှိ အစည်းကြီးတစ်စည်းကြီးလျှင် ကျပ် ၁ဝဝဝ၊ ငါးကျပ် ခန့်သားလောက်ရှိ အလတ်တစ်စည်းလျှင် ကျပ် ၅၀၀၊ ၃ကျပ်သားလောက်ခန့်ရှိသော အသေးတစ်စီး လျှင် ၃ဝဝကျပ်ဖြင့် အရောင်းအဝယ်ဖြစ်နေကြောင်း သိရပါသည်။ ပေါ်ဦးပေါ်ဖျားဖြစ်၍ ပဲစဉ်းငုံကို ဈေးကောင်းပေး၍ စားသုံးသူများမှ ဝယ်ယူစားသုံးကြသဖြင့် ဈေးကောင်းရပြီး အရောင်း အဝယ်ဖြစ်ကြောင်းလည်း သိရပါသည်။

ပဲစင်းငုံသည်ပြည်တွင်း၌အသင့်အတင့်သာစားသုံးပြီးပြည်ပ(အဓိကအားဖြင့်အိန္ဒိယ)သို့တင်ပိုရောင်းချလျှက်ရှိပြီးနိုင်ငံခြားငွေအများဆုံးရှာဖွေပေးသောပဲသီးနှံတစ်ခုဖြစ်ပါသည်။ပဲစင်းငုံအထွက်တိုးအောင်စိုက်ပျိုးလာနိုင်နှင့်အမျှတောင်သူများဝင်ငွေတိုးတက်၍လူနေမှုအဆင့်မြင့်မားလာနိုင်မည်ကြောင်း ဖော်ပြလိုက်ပါသည်။

DOCA(ပဲခူး)

ထမင်းသုတ်ဟုဆိုလိုက်လျှင် ပြည်ထမင်းသုပ်ကိုနေရာဒေသအနှံ့အပြားရှိဆိုင်များတွင် Special Menu တစ်ခုအဖြစ် ရောင်းချရသောစားသောက်ဖွယ်ရာတစ်ဖြစ်ပြီး နာမည်ရလူကြိုက်များ လျှက်ရှိပါသည်။ ပြည်မြို့တွင် ရောင်းချလျှက်ရှိသော ထမင်းသုပ်များသည့် သူ့မူနှင့် သူ့ကိုယ်ပိုင် နာမည်များဖြင့် ရောင်းချကြပါသည်။ ပြည်မြို့တွင် ရောင်းချလျှက်ရှိသော ထမင်းသုပ်ဆိုင် နာမည် များမှာ မစန်းလေး၊ ဒေါ်တင်အေး၊ ဒေါ်ဥ၊ မြင့်မြင့်အေးနှင့် ပွင့်လှသိမ်ကုန်းဟူ၍ ရှိကြပါသည်။ မစန်းလေး၊ ဒေါ်တင်အေး၊ ဒေါ်ဥ၊ မြင့်မြင့်အေးဆိုင်များမှ ထမင်းသုပ်များ၏ ပါဝင်ပစ္စည်းများကတော့ ဆီချက်၊ ပဲမှုန့်၊ ကြက်သွန်ဖြူကြော်၊ ကြာဇံ၊ အာလူးတို့ဖြင့်သာ သုပ်ကြပြီး၊ ဟင်းအသားကြော် တစ်မျိုးမျိုးဖြင့် တွဲဖက်စားသုံးကြပါသည်။ ပွင့်လှထမင်းသုတ်ကတော့ တို့ဖူး၊ စိန်ပန်း(တို့ဖူးကို အတုံးလေးများလှီး၍ကြော်ထားသော) သင်္ဘောသီး၊ ခေါက်ဆွဲ၊ ကြာဇံ၊ အာလူး၊ မျှစ်၊ တရုတ်စကားဖူး စသည်တို့ဖြင့် သုပ်လုပ်ရောင်းချကြပါသည်။ ယခင် ပြည်ထမင်းသုတ်ကို ပြည်မြို့အတွင်းတွင်သာ ဝယ်ယူစားသောက်၍ရသော်လည်း ယခုမူ Ready Made အထုတ်များကို စနစ်တကျသေသပ် လှပသော ကော်ဘူးများဖြင့်ထုတ်လုပ်ထားသောကြောင့် ရပ်ဝေး၊ ရပ်နီးမှ လာရောက်ကြသော ခရီး သွားဧည့်သည်များအတွက် သယ်ဆောင်ရလွယ်ကူပြီး ကျန်းမာရေးနှင့်အညီ ပဲဆီစစ်စစ်ကိုသာ အသုံးပြုကာ အချိုအရသာအတွက် ပုစွန်ခြောက်မှုန့်ကို အသုံးပြုထားပါသည်။  Ready Made ထမင်းသုတ်ဘူးဈေးနှုန်းများကတော့ မစန်းလေးသုတ် (၃)ပွဲစာ ပါတစ်ဘူးလျှင် ၄၅၀၀ကျပ်၊ ဒေါ်ဥ၊ မြင့်မြင့်အေး ထမင်းသုတ် (၅)ပွဲစာပါ ကော်ဘူးတစ်ဘူးလျှင် ၅၀၀၀ကျပ်၊ ဒေါ်တင်အေး ထမင်းသုတ် (၅)ပွဲစာ ပါတစ်ဘူးလျှင် ၆၀၀၀ကျပ်နှုန်းဖြင့် ရောင်းချကြပါသည်။ ပြည်မြို့မှ ရောင်းချသော ထမင်းသုပ်အချို့ကို Super Market များတွင် အလွယ်တကူ ဝယ်ယူ၍ရသဖြင့် ပြည်ပနိုင်ငံများ သို့တင်ပို့ရာတွင်လည်း အဆင်ပြေသောကြောင့် ပြည်ပရောက် မြန်မာနိုင်ငံသား များအတွက်လည်း အဆင်သင့် စားသုံးနိုင်မည်ဖြစ်ပါသည်။ ယခုအခါ ပြည်ထမင်းသုတ် Ready Madeဘူးအချို့ကို ဒေသထွက်ကုန်ပစ္စည်းများ ရောင်းချသော အရောင်း ပြခန်းများတည်ရှိရာ ပြည်မြို့ ၊ တောင်ငူမြို့နှင့် ပဲခူးတိုင်းဒေသကြီးတို့တွင် အလွယ်တစ်ကူ ဝယ်ယူရရှိနေပြီဖြစ်ပါသည်။ ထို့အပြင် ရံဖန်ရံခါ တိုင်း၊ ပြည်နယ်များတွင် ကျင်းပပြုလုပ်သော ဒေသထွက်ကုန်ရောင်းချသော ကုန်စည်ပြပွဲများတွင်လည်း လုပ်ငန်းရှင်များကိုယ်တိုင် သွားရောက် ရောင်းချလျက်ရှိသောကြောင့် ပြည်မြို့မှ အထင်ကရဖြစ်သော ပြည်ထမင်းသုတ် Ready Made ဘူးများကို နေရာဒေသအနှံ့ ဝယ်ယူရရှိနိုင်နေပြီဖြစ်ပါသည်။

ထို့ကြောင့် ပြည်ထမင်းသုပ်အနေဖြင့် Ready Made အထုပ်များအားထုပ်ပိုးမှုပုံစံများကို ဒီထက်မက အဆင့်မြှင့်တင်ပြီး ပြုလုပ်လာနိုင်မည်ဆိုပါ MSME လုပ်ငန်းအတွက် ဖွံ့ဖြိုးတိုးတက်လာ နိုင်မည်ဖြစ်ပါသည်။

DOCA(ပဲခူး)