ပြည်တွင်းကုန်သွယ်မှုသတင်း

    ရန်ကုန်တိုင်းဒေသကြီးသို့ ပြည်နယ်နှင့် တိုင်းဒေသကြီးအသီးသီးမှ ဝင်ရောက်လာသည့် ကြက်သွန်နီများသည် အနောက်ပိုင်းခရိုင်၊ စားသုံးသူရေးရာဦးစီးဌာနကွပ်ကဲမှုအောက်ရှိ ဘုရင့်နောင်ကုန်စည်ဒိုင်သို့  နေ့စဉ် မော်တော်ယာဉ်များဖြင့် ဝင်ရောက်လျက်ရှိပါသည်။ ပွဲရုံများ၏  ကြက်သွန်နီလက်ကျန်အခြေအနေများကို  အမှန်ကန်ဆုံးသိရှိနိုင်ရန်အတွက် ဘုရင့်နောင်ပွဲရုံဝင်းအတွင်းရှိ  ကြက်သွန်နီပွဲရုံ (၄၀) အနက် Random စနစ်ဖြင့် ပွဲရုံ (၁၀) ရုံအား မေးမြန်းချက်များအရလည်းကောင်း၊ ဘုရင့်နောင်ကုန်စည်ဒိုင်သို့ ကြက်သွန်နီ နေ့စဉ် ဝင်ရောက်မှုစာရင်းများအရလည်းကောင်း၊ ကြက်သွန်နီလက်ကျန်အခြေအနေကို နေ့စဉ် စုံစမ်းလျက်ရှိပါသည်။ ၂၀၂၃ခုနှစ်၊ နိုဝင်ဘာလ (၁၈) ရက်နေ့မှ နိုဝင်ဘာလ (၂၄) ရက်နေ့အထိ ဘုရင့်နောင်ကုန်စည်ဒိုင်သို့ ကြက်သွန်နီဝင်ရောက်ရာဒေသများဖြစ်သည့် ဆိတ်ဖြူ၊ မြင်းခြံ၊ တောင်သာ၊ ပျော်ဘွယ်ဒေသတို့မှ ကြက်သွန်နီ (၇၆၈၀၀၀) ပိဿာဝင်ရောက်ခဲ့ပြီး (၆၀) ရာခိုင်နှုန်းခန့် ပြန်လည်စီးထွက်မှုရှိကြောင်းသိရှိရပါသည်။ ထို့ကြောင့် ကြက်သွန်နီလက်ကျန်မှာ (၃၀၇၂၀၀) ကျန်ရှိကြောင်း ကုန်စည်ဒိုင်သတင်းအရသိရှိရသည်။ ဆိတ်ဖြူကြက်သွန်နီ (အသစ်) အချောတစ်ပိဿာလျှင် ကျပ်၂၆၀၀၊ အသန့်တစ်ပိဿာလျှင် ကျပ်၃၂၅၀၊ အကြီးတစ်ပိဿာလျှင် ကျပ်၃၇၀၀၊ ရှယ်တစ်ပိဿာလျှင် ကျပ်၃၉၀၀၊ မြင်းခြံ ကြက်သွန်နီ(အသစ်) တစ်ပိဿာလျှင် ကျပ်၂၄၀၀၊ အသန့်တစ်ပိဿာလျှင် ကျပ်၃၂၀၊ အကြီးတစ်ပိဿာလျှင် ကျပ်၃၆၀၀၊ ရှယ်တစ်ပိဿာလျှင် ကျပ်၃၇၀၀၊ တောင်သာ ကြက်သွန်နီ (အသစ်) အချောတစ်ပိဿာလျှင် ကျပ်၂၄၀၀၊ အသန့်တစ်ပိဿာလျှင် ကျပ်၂၉၀၀၊ အကြီးတစ်ပိဿာလျှင် ကျပ်၃၄၀၀၊ ရှယ်တစ်ပိဿာလျှင် ကျပ်၃၆၀၀၊ ပျော်ဘွယ်ကြက်သွန်နီ(အသစ်) အချောတစ်ပိဿာလျှင် ကျပ်၂၄၀၀၊ အသန့်တစ်ပိဿာလျှင် ကျပ်၃၁၅၀၊ အကြီးတစ်ပိဿာလျှင် ကျပ်၃၆၀၀၊ ရှယ်တစ်ပိဿာလျှင် ကျပ်၃၇၀၀ စသည်ဖြင့် ဈေးနှုန်းအသီးသီးရှိကြောင်း စုံစမ်းသိရှိရပါသည်။

DOCA(ရန်ကုန်)

      မကွေးတိုင်းဒေသကြီး၊ ချောက်ခရိုင်၊ ချောက်မြို့နယ်ရှိမြို့မဈေးသည် ပတ်ဝန်ကျင်းကျေးရွာများမှ နေ့စဉ်လာရောက်သည့်အပြင် ဆိပ်ဖြူနှင့်ယောဒေသမှစားသုံးသူများမှလည်း လာရောက်ရောင်းဝယ် ဖောက်ကားရာဈေးဖြစ်ပါသည်။

          ၂၀၂၃ခုနှစ်၊ နိုဝင်ဘာလ(စတုတ္ထပတ်)အတွင်း ချောက်မြို့မစျေး၌အရောင်းအဝယ်ဖြစ်နေသော သစ်သီးဝလံစျေးနှုန်းများမှာ ပန်းသီးအကျွတ်(အသေး)(၁)လုံးလျှင် ကျပ်(၁၀၀၀)၊ ပန်းသီးပိုက်စွပ်(အကြီး) (၁)လုံးလျှင် ကျပ်(၃၀၀၀)၊ ပန်းသစ်တော်(၁)လုံးလျှင် ကျပ်(၃၀၀၀)၊ ထောပတ်သီး(၁)လုံးလျှင် ကျပ် (၈၀၀-၁၀၀၀)၊ ဆန်းကစ်သီး(၁)လုံးလျှင် ကျပ်(၂၀၀၀)၊ စပျစ်သီးအလုံးကြီး(၂၅)ကျပ်သားလျှင် ကျပ် (၄၀၀၀-၄၅၀၀)၊ အစေ့လွတ်စပျစ်(ယိုးဒယား) (၂၅)ကျပ်သားလျှင် ကျပ်(၆၀၀၀)၊ လေချွေသီး(ခေါ်) နှင်းသီး(၂၅)ကျပ်သားလျှင် ကျပ်(၂၀၀၀-၂၅၀၀)၊ ပင်မှည့်(၁)ပိဿာလျှင် ကျပ်(၃၅၀၀)၊ စတော်ဘယ်ရီ (ဂျပန်)သီး(၁၀)ကျပ်သားလျှင် ကျပ်(၃၀၀၀)၊ ပျားလိမ္မော်(၅၀)ကျပ်သားလျှင် ကျပ်(၂၅၀၀)၊ ပျားရည် ဆမ်းငှက်ပျောခြောက်(၂၅)ကျပ်သားလျှင် ကျပ်(၁၀၀၀)၊ (၅၀)ကျပ်သားလျှင် ကျပ်(၃၅၀၀)၊ (၁)ပိဿာ လျှင် ကျပ်(၆၅၀၀) စျေးနှုန်းများဖြင့် အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)

     ရန်ကုန်တိုင်းဒေသကြီး၊ ဘုရင့်နောင်ကုန်စည်ဒိုင်၌ (၂၄-၁၁-၂၀၂၃) ရက်နေ့မှ (၂၈-၁၁-၂၀၂၃) ရက်နေ့အတွင်း ဖြစ်ပေါ်ခဲ့သောအခြေခံစားသောက်ကုန်ဈေးနှုန်းများမှာ ကြက်သွန်ဖြူ(ကြူကုတ်-ရှယ်) ၁ပိဿာလျှင် အမြင့်ဈေး ၁၂၅၀၀/-ကျပ်မှ အနိမ့်ဈေး ၁၁၅၀၀/-ကျပ်ထိလည်းကောင်း၊  ကြက်သွန်ဖြူ(အောင်ပန်း ထူး-၂) ၁ပိဿာလျှင် ၁၀၃၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၃) ၁ပိဿာလျှင် ၁၀၈၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၄) ၁ပိဿာလျှင် ၁၁၃၀၀/-ကျပ်ဖြင့်လည်းကောင်း၊ ကြက်သွန်ဖြူ(အောင်ပန်း ထူး-၅) ၁ပိဿာလျှင် ၁၁၈၀၀/-ကျပ်ဖြင့်လည်းကောင်း၊ ငရုတ်သီး (ဆင်ဖြူကျွန်း-ပု) ၁ပိဿာလျှင် ၁၄၀၀၀/-ကျပ်မှ ၁၆၀၀၀/-ကျပ်ထိလည်းကောင်း၊ ငရုတ်သီး (အိမ်မဲ-ရှည်) ၁ပိဿာလျှင် ၆၀၀၀/-ကျပ်မှ ၇၀၀၀/-ကျပ်ထိလည်းကောင်း၊ ငရုတ်သီး(ပန်းရဲ-သစ်) ၁ပိဿာလျှင် ၇၀၀၀/-ကျပ်မှ ၉၀၀၀/ကျပ်ထိလည်းကောင်း၊ ငရုတ်သီး မြစ်ဝ(ပု)တစ်ပိဿာလျှင် ၁၄၀၀၀/-ကျပ်မှ ၁၆၀၀၀/-ကျပ်ထိလည်းကောင်း၊ မန်ကျည်းသီး (ကပ်ပွင့်)  ၁ပိဿာလျှင် ၁၁၀၀/-ကျပ်မှ ၁၂၀၀/-ကျပ်ထိလည်းကောင်း၊ မန်ကျည်းသီး (အသား) ၁ပိဿာလျှင် ၁၉၀၀/-ကျပ်မှ ၂၅၀၀/-ကျပ်ထိလည်းကောင်း၊ ကြံသကာ (အိတ်သွတ်စ) ၁ပိဿာလျှင် ၃၃၀၀ကျပ်ဖြင့်လည်းကောင်း၊ ကြံသကာ (သစ်) ၁ပိဿာလျှင် ၄၁၀၀/-ကျပ်ဖြင့်လည်းကောင်း၊  သကြား (ပြည်တွင်း) ၁ပိဿာလျှင် ၃၇၆၀/-ကျပ်မှ ၃၇၈၀/-ကျပ်ထိလည်းကောင်း၊ ထန်းလျက် (တောင်သာ) ၁ပိဿာလျှင် ၃၈၀၀/-ကျပ်မှ ၄၀၀၀/-ကျပ်ထိလည်းကောင်း၊ ထန်းလျက် (ညောင်ဦး) ၁ပိဿာလျှင် ၄၃၀၀/-ကျပ်မှ ၄၄၀၀/-ကျပ်ထိလည်းကောင်း၊ ရေစကြိုထန်းလျက် ၁ပိဿာလျှင် ၅၅၀၀/-ကျပ်မှ ၅၆၀၀/-ကျပ်ထိလည်းကောင်း၊ အာလူး (တရုတ်) ၁ပိဿာလျှင် ၃၂၀၀/-ကျပ်မှ ၃၃၀၀/-ကျပ်ဖြင့်လည်းကောင်း၊ ကြက်သွန်နီ (ဆိပ်ဖြူ) ၁ပိဿာလျှင် ၂၄၀၀/-ကျပ်မှ ၃၉၀၀/-ကျပ်ထိလည်းကောင်း ဈေးနှုန်းအသီးသီးဖြစ်ပေါ်ခဲ့ပြီး အခြေခံစားသောက်ကုန်များမှာ ဈေးနှုန်းအနည်းငယ်သာအတက်အကျဖြစ်လျက်ရှိပြီး ကြက်သွန်ဖြူဈေးနှုန်းနှင့်အာလူးဈေးနှုန်းတို့မှာ ဈေးနှုန်းအနည်းငယ်ပြန်လည်ကျဆင်းလာကြောင်းတွေ့ရှိရပါသည်။

DOCA(ရန်ကုန်)

     တိုက်ကြီးမြို့နယ်တွင် ကျေးလက်ဒေသမိသားစုစားဝတ်နေရေးအတွက် တစ်နိုင်တစ်ပိုင်စီးပွားရေးတစ်ရပ်အနေဖြင့်လည်း တံမြက်စည်းလုပ်ငန်းကို လုပ်ကိုင်ကြပြီး မြေရိုင်းများမှပေါက်သော ကိုင်းရိုးကိုအသုံးပြု၍ ထုတ်လုပ်ရပါသည်။ ကိုင်းရိုး (၁)ပိဿာလျှင် (၃၅၀၀)ကျပ်၊ ကြိမ်(၈) လုံးပါ (၁)စည်းလျှင် (၂၅၀၀)ကျပ်၊ ကြိုးတစ်ခွေလျှင် (၁၀၀၀)ကျပ်ဖြင့်ဝယ်ယူ၍ တံမြက်စည်းကိုင်းရိုး (၁)ပိဿာလျှင် တံမြက်စည်း (၁၀)ချောင်းခန့်ထွက်ရှိပြီး တံမြက်စည်း(၁၀)ချောင်းလျှင် ကြိုးဖိုး (၈၀၀)ကျပ်၊ ကြိမ်ဖိုး (၁၂၀၀မှ ၁၅၀၀)ကျပ်ခန့်ကုန်ကျခဲ့ရာ မိသားစုများမအားပါက လက်ခအနေဖြင့် တစ်ချောင်းလျှင် (၁၀၀)ကျပ်ဖြင့် လူငှားဖြစ်လုပ်ဆောင်ခဲ့ပြီး ကိုင်းရိုးတံဖြင့်လုပ်သော တံမြက်စည်းကို (၁၀၀၀)ကျပ်ဖြင့်သာရောင်းချရပြီး ဝါးလုံးဖြင့်ပြုလုပ်သော တံမြက်စည်းမှာ ဝါးတစ်လုံးလျှင် (၅၀)ကျပ်ဖြင့် ဝယ်ယူလုပ်ဆောင်ရ၍ ဝါးလုံးဖြင့်ပြုလုပ်သော တံမြက်စည်းကို (၁၂၀၀)ကျပ်ဈေးနှုန်းဖြင့်ရောင်းချပါသည်။ ကိုင်းရိုးတံဖြင့်ပြုလုပ်သော တံမြက်စည်းထက် ဝါးလုံးဖြင့်ပြုလုပ်သောတံမြက်စည်းမှာ ဈေးနှုန်းအနည်းငယ်ပိုပြီး တိုက်ကြီးမြို့ပေါ်တွင် တိုက်ကြီးတံမြက်စည်းကို နာမည်ကြီးပြီး ပိုမိုခိုင်ခံ့သေသပ်သော ဈေးကွက်ဝင်လူသုံးကုန်ပစ္စည်းတစ်ခုအဖြစ် ထင်ရှားစွာလုပ်ကိုင်ဆောင်ရွက်လျက်ရှိကြောင်းသိရှိရပါသည်။

DOCA(ရန်ကုန်)

  စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးအနေဖြင့် (၂၈-၁၁-၂၀၂၃) ရက်နေ့၊ နံနက်(၉:၃၀)နာရီအချိန်တွင် ပိတောက်မြိုင်ဈေးသို့သွားရောက်၍ အခြေခံစားသောက်ကုန်ဈေးနှုန်းများကိုကောက်ယူခဲ့ပါသည်။

 ထိုသို့ဆောင်ရွက်ခဲ့ရာတွင် ပိတောက်မြိုင်ဈေးအတွင်းရှိ ကုန်ခြောက်ဆိုင်များတွင်ရောင်းချနေသော (၁)ပိဿာဈေးနှုန်းများမှာ ကြက်သွန်နီ (၃၈၀၀မှ ၄၀၀၀)ကျပ်၊ ကြက်သွန်ဖြူ (ဗမာ) (၁၈၀၀၀မှ ၂၀၀၀၀)ကျပ်၊ ကြက်သွန်ဖြူ(ကြူကုတ်) (၁၈၀၀၀မှ ၂၀၀၀၀)ကျပ်၊ ငရုတ်သီးခြောက် (ရှည်) (၁၅၀၀၀မှ ၁၇၀၀၀)ကျပ်၊ ငရုတ်ခြောက်(ပု) (၂၂၀၀၀မှ ၂၃၀၀၀)ကျပ်၊ အာလူး (၃၅၀၀မှ ၄၀၀၀)ကျပ်၊ ကုလားပဲ ၅၅၀၀ကျပ်နှင့် သကြား ၄၅၀၀ကျပ်အတွင်း စသည်ဖြင့် ဈေးနှုန်းသီးသီးရှိကြပြီး သား/ငါးဈေးနှုန်းများကို ဆက်လက်စုံစမ်းရာတွင် ငါးကြင်း ၁၅၀၀၀ကျပ်၊ ငါးမြစ်ချင်း ၁၂၀၀၀ကျပ်နှင့် ငါးသလောက် (၁၀၀၀၀မှ ၁၃၀၀၀)ကျပ်ဖြစ်ကာ ငါးသလောက်မှာ ဆောင်းရာသီ၌ ပေါ်ချိန်ဖြစ်၍ ကုန်အဝင်များသောကြောင့် ယခင်ထက်ဈေးကျလာကြောင်း၊ ဟင်းသီးဟင်းရွက်ဈေးနှုန်းများမှာလည်း ထန်းတပင်မြို့နယ်ဘက်မှ အဝင်ရှိသောကြောင့် အခြားမြို့နယ်များထက် ဈေးနှုန်းသက်သာခဲ့ပြီး လှိုင်သာယာမြို့နယ်သည် အခြေခံလူတန်းစားအများအပြားနေထိုင်သောကြောင့် ကုန်ပစ္စည်းရောင်းချသူများအနေဖြင့်လည်း မိမိတို့ကုန်ပစ္စည်းများကို ရက်ကြာကြာမရောင်းရဘဲ ဝယ်လိုအားများကြောင်း သုံးသပ်တင်ပြလိုက်ရပါသည်။

DOCA(ရန်ကုန်)