ပြည်တွင်းကုန်သွယ်မှုသတင်း

   ၂၀၂၃ခုနှစ်၊ ဒီဇင်ဘာလ(ပထမပတ်)တွင် မင်းဘူးမြို့မဈေးအတွင်း၌ရောင်းချလျက်ရှိသော ရေထွက်ကုန်ပစ္စည်းဈေးနှုန်းများမှာ  ငါးကြင်းဖြူ(၁)ပိဿာလျှင် ကျပ်(၁၆၀၀၀-၁၇၀၀၀)၊ ငါးပုတ်သင်(၁)ပိဿာလျှင် ကျပ် (၁၆၀၀၀-၁၈၀၀၀)၊ ငါးသေတ္တာခြောက်(၁)ပိဿာလျှင် ကျပ်(၁၀၀၀၀-၁၃၀၀၀)၊ ငါးဖန့်ဝိုင်း(၁)ပိဿာလျှင် ကျပ်(၁၃၀၀၀-၁၅၀၀၀)၊ ငါးရံ့လုံး(၁)ပိဿာလျှင် ကျပ်(၃၅၀၀၀-၄၅၀၀၀)၊ ငါးရံ့ပြား(၁)ပိဿာလျှင် ကျပ်(၇၅၀၀၀-၈၅၀၀၀)၊ ငါးတံခွန်ခြောက်(၁)ပိဿာလျှင် ကျပ်(၁၆၀၀၀-၁၇၀၀၀)၊ အာဗြဲခြောက်(၁) ပိဿာလျှင် ကျပ်(၃၀၀၀၀-၃၅၀၀၀)၊ ငါးမဲလုံး(၁)ပိဿာလျှင် ကျပ်(၂၃၀၀၀-၃၅၀၀၀)၊ ငါးကွန်းရှပ်(၁) ပိဿာလျှင် ကျပ်(၃၅၀၀၀-၃၈၀၀၀)၊ ငါးခုံးမ(၁)ပိဿာလျှင် ကျပ်(၁၇၀၀၀)၊ ငါးနီတူခြောက်(၁)ပိဿာလျှင် ကျပ်(၁၆၀၀၀-၁၈၀၀၀)၊ ပုစွန်ပွ(၁)ပိဿာလျှင် ကျပ်(၁၁၀၀၀-၁၂၀၀၀)၊ ပုစွန်ခြောက်(၁)ပိဿာလျှင် ကျပ်(၆၅၀၀၀-၈၅၀၀၀)ဖြစ်ကြောင်း၊ ပုစွန်ခြောက်မှာ ဆားအပေါ့/ အငန်ပေါ်မူတည်၍ ဈေးနှုန်းကွာခြားကြောင်းသိရပါသည်။

     ပုစွန်ခြောက်များကို ရခိုင်ပြည်နယ်မှဝယ်ယူ၍ ငါးခြောက်များကိုမူ ရန်ကုန်၊ ဘုရင့်နောင်ပွဲရုံနှင့် ရခိုင်ပြည်နယ်တို့မှ ဝယ်ယူရောင်းချလျက်ရှိကြောင်း၊ မင်းဘူးမြို့မဈေးအတွင်းရှိ ငါးခြောက် နှင့်ပုစွန်ခြောက်များကို မြို့နယ်တွင်းကျေးရွာများနှင့် ပွင့်ဖြူ၊ စလင်း၊ ဆင်ဖြူကျွန်းမြို့နယ်များမှ လာရောက်ဝယ်ယူကြောင်း ကွင်းဆင်းမေးမြန်းမှုအရသိရှိရပါသည်။

DOCA(မကွေး) 

   မကွေးတိုင်းဒေသကြီး၊ မကွေးခရိုင်၊ မကွေးမြို့ပေါ်ရှိဆေးဆိုင်များတွင် ဆောင်းရာသီကာလဖြစ်၍ နှာစေးချောင်းဆိုးများ၊ ဖျားနာမှုများဖြစ်ပွားလျက်ရှိရာ ဖျားနာမှုများအတွက် အိမ်သုံးဆေးဝါးများကို အဓိကဝယ်ယူလျက်ရှိကြောင်း ဆေးနှင့်ဆေးပစ္စည်းရောင်းချသူများထံမှသိရှိရပါသည်။

      မကွေးမြို့ပေါ် ၂၀၂၃ခုနှစ်၊ ဒီဇင်ဘာလ(ပထမပတ်)အတွင်း အရောင်းအဝယ်ဖြစ်လျက်ရှိသော အိမ်သုံးဆေးဝါးများ၏ဈေးနှုန်းများမှာ  Paracetamol 500 mg (၁၀)လုံးပါ(၁)ကတ်လျှင် ကျပ်(၃၅၀)၊ Asprin 80 mg (၁၀)လုံးပါ(၁)ကတ်လျှင် ကျပ်(၄၀၀)၊ Decolgen (၁၀)လုံးပါ(၁)ကတ်လျှင် ကျပ် (၁၅၀၀)၊ Biogesic (၁၀)လုံးပါ(၁)ကတ်လျှင်  ကျပ်(၁၀၀၀)၊ Bermeton အလုံး(၁၀၀)ပါ(၁)ဘူးလျှင် ကျပ်(၁၆၀၀)၊ Dextrometorphal Tablet 15 mg (၁၀)လုံးပါ(၁)ကတ်လျှင် ကျပ်(၉၅၀)၊ Bromhexine HCL Tablet 8 mg (၁၀)လုံးပါ(၁)ကတ်လျှင် ကျပ်(၃၅၀)၊ Acetyluysteine (၁၀)လုံးပါ(၁)ကတ်လျှင် ကျပ်(၂၆၅၀)၊ Cough Syrup(၁)ဘူးလျှင် ကျပ်(၁၂၀၀)၊ Cetirizine Tablet 10 mg (၁၀)လုံးပါ(၁) ကတ်လျှင် ကျပ်(၂၅၀)၊ Levo Cetirizine Tablet 10 mg (၁၀)လုံးပါ(၁)ကတ်လျှင် ကျပ်(၈၀၀)၊ Dexamethasome Tablet 2/4 mg  inJ (၁၀)လုံးပါ(၁)ကတ်လျှင် ကျပ်(၂၅၀)၊ Methyl Prednisolone Tablet 4/8 mg (၁၀)လုံးပါ(၁)ကတ်လျှင် ကျပ်(၂၅၅၀)တို့ဖြင့်ရောင်းချလျက်ရှိကြောင်း မြို့မစျေးအတွင်းရှိ ဆေးဆိုင်များမှ လေ့လာသိရှိရပါသည်။

DOCA(မကွေး)

   မကွေးတိုင်းဒေသကြီး၊ မကွေးခရိုင်၊ မကွေးမြို့ပေါ်၌ ဆောင်းရာသီကာလတွင်ရောင်းချလျက်ရှိသော လိမ္မော်သီးများမှာ ရှမ်းပြည်နယ်၊ ကလော၊ အောင်ပန်းမှ မှာယူရောင်းချလျက်ရှိကြောင်း သိရှိရပါသည်။

   မကွေးမြို့ပေါ်၌ ၂၀၂၃ခုနှစ်၊ ဒီဇင်ဘာလ(ပထမပတ်)တွင်ရောင်းချလျက်ရှိသော လိမ္မော်သီးစျေးနှုန်းမှာ  (၁)ပိဿာလျှင် ကျပ်(၇၅၀၀-၈၀၀၀)ဖြင့်ရောင်းချလျက်ရှိကြောင်း စျေးကွက်မေးမြန်းမှုအရသိရှိရပါသည်။ လိမ္မော်သီး၏ကောင်းကျိုးများအနေဖြင့်လည်း လိမ္မော်သီးသည် ဗီတာမင်စီ၊ အရေပြားကျန်းမာရေး၊ မျက်စိကျန်းမာရေး၊ နှလုံးကျန်းမာရေး၊ ဝမ်းချုပ်ခြင်း၊ အရိုးနှင့်သွားကျန်းမာရေးအတွက် ကောင်းမွန်စေခြင်းနှင့် သွေးတိုးရောဂါများကိုလည်းထိန်းညှိပေးနိုင်ပါသည်။ ကိုယ်ခံစွမ်းအားကိုလည်းတိုးမြှင့်ပေးပါသည်။ ထို့ပြင် လိမ္မော်သီးတွင် ဗီတာမင်စီ၊ အေ၊ ဘီနှင့် ဖော့စဖရစ်ဓါတ်များကြွယ်ဝစွာပါဝင်ပြီး လိမ္မော်သီးကိုအစိမ်းလိုက်စားသုံးနိုင်သကဲ့သို့ ဖျော်ရည်၊ သဘာဝလိမ္မော်ဆီနှင့် ယိုအဖြစ်လည်း စားသုံးနိုင်ပါသည်။ ယခုအခါ လိမ္မော်အဆီကို အလှကုန်ပစ္စည်းများအတွက်လည်း ဗီတာမင်စီအဖြစ် အသုံးပြုကြကြောင်းလည်း လေ့လာသိရှိရပါသည်။

DOCA(မကွေး)

    မကွေးတိုင်းဒေသကြီး၊ မကွေးခရိုင်၊ မကွေးမြို့တွင် မြို့မစျေး၊ ရန်ပယ်စျေး၊ ကန်သာစျေး၊ မင်္ဂလာစျေး၊ ဆည်မြောင်းစျေး၊ အခွန်လွတ်စျေးတို့ရှိကြပြီး မြိုမစျေးသို့ မြင်းခင်းကျေးရွာ၊ ချောင်းဖြူကျေးရွာ၊ နွားကူးကျေးရွာ၊ သန်းတောကုန်းကျေးရွာ၊ ဆားတိုင်ကန်ကျေးရွာ၊ မကျီးကန်ကျေးရွာတို့မှ အဓိကရောင်းဝယ်ဖောက်ကားလျက်ရှိပါသည်။

    ထို့ပြင် မြို့မစျေးသို့ ရေထွက်ပစ္စည်းများကို ရန်ကုန်ဘုရင့်နောင်၊ မကွေးတိုင်းဒေသကြီး၊ စေတုတ္တရာမြို့နယ်ရှိဆည်များတွင် မွေးမြူထားသောတီလာဗီးယား၊ ငါးဖန်းမငါးများကို အခြောက်လှန်း၍ ၎င်းငါးများအား ငါးဆားနယ်အဖြစ်လည်းကောင်းပြုလုပ်၍ လာရောက်ရောင်းချကြကြောင်းသိရှိရပါသည်။

      မကွေးမြို့၊ မြို့မစျေး၌ ၂၀၂၃ခုနှစ်၊ ဒီဇင်ဘာလ(ပထမပတ်)အတွင်းရောင်းချလျက်ရှိသော ကုန်စျေးနှုန်းများမှာ ပုစွန်ခြောက်ကြီး (၁)ပိဿာလျှင် ကျပ်(၈၀၀၀၀)၊ ပုစွန်ခြောက်(အလတ်) (၁)ပိဿာလျှင် ကျပ်(၆၀၀၀၀)၊ ပုစွန်ခြောက်(အသေး) (၁)ပိဿာလျှင် ကျပ်(၄၅၀၀၀)၊ ငါးကြီးခြောက် (၁)ပိဿာလျှင်  ကျပ်(၈၀၀၀၀)၊ ငါးဖောင်ရိုး(၁)ပိဿာလျှင်  ကျပ်(၂၅၀၀၀-၃၀၀၀၀)၊ ငါးရံ့လုံး(၁)ပိဿာလျှင်  ကျပ် (၃၅၀၀၀)၊ ငါးမင်းသားခြောက်(၁)ပိဿာလျှင် ကျပ်(၂၆၀၀၀)၊ ငါးဘတ်ခြောက်(၁)ပိဿာလျှင် ကျပ် (၂၅၀၀၀-၂၈၀၀၀)၊ ငါးတံခွန်(၁)ပိဿာလျှင် ကျပ်(၁၁၀၀၀-၁၄၀၀၀)၊  ငါးရံ့ခြောက်(၁)ပိဿာလျှင် ကျပ် (၆၀၀၀၀-၈၀၀၀၀)၊ ငါးဖန့်ဝိုင်း(၁)ပိဿာလျှင် ကျပ်(၁၄၀၀၀)၊ ငါးအုံးမဲ(၁)ပိဿာလျှင် ကျပ်(၁၂၀၀၀)ဈေးနှုန်းတို့ဖြင့် အသီးသီးအရောင်းအဝယ်ဖြစ်လျက်ရှိကြောင်းသိရှိရပါသည်။

DOCA(မကွေး)

   လိမ္မော်သီးသည် ရှမ်းပြည်နယ်(တောင်ပိုင်း)၏ ယခုလို မိုးအကုန်ဆောင်းအကူးရာသီဥတုတွင် ပေါ်ဦးပေါ်ဖျားဖြစ်သော ရာသီစာသီးနှံတစ်မျိုးဖြစ်ပြီး ရှမ်း(တောင်)၏ ဈေးကွက်တွင်ဈေးကောင်းရရှိနေသော အသီးတစ်မျိုးဖြစ်ပါသည်။ ရှမ်းပြည်နယ်(တောင်ပိုင်း)တွင် လိမ္မော်သီးကို ရပ်စောက်မြို့၊ ရွာငံ၊ ပင်လောင်း၊ တောင်ကြီးမြို့နယ်များတွင်အများဆုံးစိုက်ပျိုးကြပြီး၊ တောင်ကြီးမြို့ရှိ ကျောက်တလုံးကြီးမြို့ ၊ပင်တွန် ကျေးရွာအုပ်စု၊ ထီခေါင်းကျေးရွာမှထွက်ရှိသော လိမ္မော်သီးမှာ အလုံးကြီး၍ အရသာချိုကြောင်းသိရှိရပါသည်။ ကျောက်တလုံးလိမ္မော်သီးသည် လိမ္မော်ပင်များမှ ကိုင်းဆက် မစိုက်ပျိုးခြင်းမဟုတ်ပဲ၊ သဘာဝအတိုင်းစိုက်ပျိုးကြခြင်းဖြစ်သည်။ သဘာဝလိမ္မော်ပင်မှရသော လိမ္မော်သီးများသည် အလုံးကြီးပြီး အရသာမှချိုသောကြောင့် ရှမ်းပြည်နယ်(တောင်ပိုင်း)တွင် ကျောက်တလုံးလိမ္မော်သီးမှာ ဈေးကွက်ဝင်ပြီး ရောင်းကောင်းလျက်ရှိကြောင်း သိရှိရပါသည်။ လိမ္မော်သီးစားခြင်းဖြင့် ရရှိလာသော ကျန်းမာရေးအကျိုးကျေးဇူးများမှာ များလှပါသည်။ လိမ္မော်သီးသည် အမူးအမောပြေစေပြီး ခံတွင်းရှင်းစေခြင်း၊ ကင်ဆာရောဂါကာကွယ်ပေးနိုင်ခြင်း၊ ကိုလက်စထရောလျော့ကျစေခြင်း၊ သွေးဖိအားကျစေခြင်း၊ အဆစ်အမြစ်ရောင်ခြင်း/ကိုက်ခြင်း သက်သာစေနိုင်ခြင်း၊ ခုခံစွမ်းအားတိုးစေခြင်း၊ ကျောက်ကပ်တွင်ကျောက်တည်ခြင်းကိုကာကွယ်နိုင် ခြင်း၊ ဆီးချိုရောဂါကိုလျော့ကျစေခြင်း၊ ခန္ဓာကိုယ်တွင်းနာကျင်မှုနှင့် မျက်လုံး၊ ဦးနှောက်ရဲ့ လုပ်ဆောင်ချက်ကိုအထောက်အကူပြုစေခြင်း၊ အရေပြားနှင့်ဆံသားကိုကျန်းမာစေခြင်း၊ အစာခြေ စနစ်ကိုကောင်းမွန်သောကြောင့်ဝိတ်ကျစေခြင်း စသည့်အကျိုးကျေးဇူးများကို ရရှိစေသည်။ ၎င်းဒေသမှထွက်ရှိသော လိမ္မော်သီးများကို တောင်ကြီး၊ ညောင်ရွှေ၊ အောင်ပန်းနှင့် ကလောစသည့် ဈေးများတွင် အဓိကထားရောင်းချပြီး အခြားမြို့ကြီးများသို့တင်ပို့ရောင်းချလျက်ရှိကြောင်း သိရှိရပါ သည်။ ဈေးနှုန်းအနေဖြင့် အလုံးအသေး၊အကြီးပေါ်မှုတည်ပြီး အလုံးအကြီး(၁၀)လုံးလျှင် (၂၅၀၀ မှ ၃၀၀၀) ကျပ်နှုန်းနှင့် အလုံး‌အသေး (၁၀)လုံးလျှင် (၂၀၀၀ မှ ၂၅၀၀)ကျပ်နှုန်းထိ ရောင်းချလျက်ရှိကြောင်း သိရှိရပါသည်။

DOCA(ရှမ်း)