ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီး ၊ ကန့်ဘလူခရိုင် ၊ ကျွန်းလှမြို့၊ ပိတောက်မြိုင်ရပ်ကွက်တွင် ၊ မိသားစု စားဝတ် နေရေးအတွက် တစ်ဖက် တစ်လမ်းမှ အပိုဝင်ငွေရရှိရန်အတွက်သော်လည်းကောင်း ဝါသနာအရသော်လည်း ကောင်း  စိုက်ပျိုးရေးနှင့် မွေးမြူရေးကို လုပ်ကိုင်ကြရာမှ သစ်ခွပန်းပင်အမျိုးမျိုးကို အပင်ပေါက်ရော အပွင့်ပါ ရောင်းချရန်အတွက်  တစ်နိုင်တစ်ပိုင် စိုက်ပျိုးလာကြသည်။

      ဥယာဉ်ခြံလုပ်ကိုင်သူ တောင်သူအများစုသည် သစ်ခွပန်းပင် စိုက်ပျိုးရန်အတွက် ပန်းပျိုးပင်မျာကို ပြင်ဦးလွင်မြို့၊ ရှမ်းပြည်နယ်၊ ရန်ကုန်မြို့နှင့် လားရှိုးမြို့တို့မှ မှာယူကာ မိမိအိမ်ရောက်မှသာ အလှပန်းအိုး အရွယ်အစား အမျိုးမျိုးဖြင့်  စနစ်တကျပြုစုစိုက်ပျိုးရပါသည်။ သစ်ခွပန်းပင်သည် ရေအစိုဓါတ် ရယုံသာ လို အပ်ပြီး ရေအိုင်နေသည်ကို မနှစ်သက်ပါ ထို့ကြောင့် သစ်ခွစိုက်သည့်အိုးမှာ ရေထွက်ပေါက်များစွာရှိပြီး ရေထွက်ပေါက်မပိတ်စေရန် အုတ်ခဲကျိုး၊ အိုးကွဲများခံပြီးနောက် ပျိုးခံပစ္စည်းများထည့်ပေးရပါသည်။ ပျိုးခံ ပစ္စည်းများအဖြစ် မီးသွေးခဲ၊ အုတ်ခဲကျိုး၊ အုန်းဆံဖတ် နှင့် သစ်ခေါက်ဖတ်စသည်တို့ ရောစပ်၍ ထည့်ပေး ရပါသည်။ အုတ်သစ်ခွပန်းမျိုးစိတ်ပေါင်းများစွာရှိသည့်အနက်မှ ဒေသအတွက် ရောင်းအားကောင်းသည့် မျိုးများမှာ ဒန်တို၊ ကက်တလီယာ မျိုးကွဲများဖြစ်ပါသည်။

       ၂၀၂၅ ခုနှစ်၊ စက်တင်ဘာလ ပထမပတ် ကျွန်းလှမြို့၏ သစ်ခွပန်းပျိုးပင် ဈေးနှုန်းနှင့် သစ်ခွပန်းအပွင့် ဈေးနှုန်းအနေဖြင့် ကက်တလီယာ သစ်ခွပျိုးပင်သည်(၂၀၀၀၀ မှ ၃၅၀၀၀)အထက်ဈေးအမျိုးမျိုးရှိပြီး ကက်တလီယာ သစ်ခွပန်းပွင့် တစ်ပွင့်လျှင်(၁၀၀၀)ကျပ် နှင့် ဒန်တိုသစ်ခွပျိုးပင် တစ်ပင်လျှင်(၂၀၀၀၀)ကျပ် ဈေးနှုန်း မှစရှိပြီး ဈေးနှုန်းအမျိုးမျိုးရှိကြောင်း ဒန်တို သစ်ခွပန်း တစ်ပွင့်လျှင်(၅၀၀)ကျပ်ဈေးနှုန်းတို့ဖြင့် ရောင်းချကြောင်း ပန်းဥယာဉ် စိုက်ပျိုး ရောင်းချသူထံမှ သိရှိရပါသည်။

DOCA(စစ်ကိုင်း)

       စစ်ကိုင်းတိုင်းဒေသကြီး၊ ကန့်ဘလူခရိုင်၊ ကျွန်းလှမြို့နယ်အတွင်းရှိ ကျေးရွာများနှင့် မြို့ပေါ်ရပ်ကွက်များတွင် စိုက်ပျိုးရေးလုပ်ငန်းများကို အဓိကထားလုပ်ကိုင်လျက်ရှိကြောင်း သိရပါ သည်။ စိုက်ပျိုးလျက်ရှိသော  ရာသီပေါ် သီးနှံများနှင့် နှစ်ရှည်သီးနှံများဖြစ်သည့် သီးသီးပင်များ၊ ဩဇာသီး၊ ငှက်ပျော သီး၊ ဂွေးသီး၊ ဇီးဖြူသီး၊ မန်ကျည်းသီး၊ ရုံးပတီသိး၊ ခရမ်းသီး၊ ခရမ်းချဉ်သီး၊ ပဲတောင့်ရှည်သီး၊ ပဲလင်းမြွေသီး နှင့် အုန်းသီး စသည့်သီးနှံများကို စိုက်ပျိုးကြသည့်အပြင် သင်္ဘောသီးစိမ်းများကိုလည်း တစ်နိုင်တစ်ပိုင် စိုက်ပျိုး‌ကြပြီး ကျွန်းလှမြို့၊ သစ်ရာမြိုင်ဈေးသို့ လာရောက်ရောင်း ချကြကြောင်း သိရှိရသည်။

သင်္ဘောသီးစိမ်းဈေးနှုန်း

       ၂၀၂၅ခုနှစ်၊ စက်တင်ဘာလ ပထမပတ်အတွင်း ရောင်းချလျက်ရှိသော သင်္ဘောသီးစိမ်း ဈေးနှုန်းအနေဖြင့် သင်္ဘောသီးစိမ်း(၁)ပိဿာလျှင်(၂၀၀၀)ကျပ်၊ (၅၀)ကျပ်သားလျှင် (၁၀၀၀)ကျပ် ဈေးနှုန်းတို့ဖြင့် အရောင်းအဝယ်ဖြစ်လျက်ရှိကြောင်း ကုန်စိမ်းရောင်းချသူထံမှ သိရှိရပါသည်။

သီးသီးဈေးနှုန်း

          ကျွန်းလှမြို့၏ သီးသီး  ဈေးနှုန်း အနေဖြင့် သီးသီး အကြီး တစ်လုံးလျှင်(၁၀၀)ကျပ်၊ အသေး တစ်လုံးလျှင်(၅၀)ကျပ်၊ ငွေကျပ်(၂၀၀)ဖိုး လျှင်(၅)လုံးဈေးနှုန်းတို့ဖြင့် ရောင်းချလက်ရှိပြီး သီးသီးကို အချဉ်ပေါင်းသည်နှင့် အိမ်ရှင်မများမှ အသုံးပြုစားသောက်သည့်အတွက် ရောင်းအားကောင်းလျက် ရှိကြောင်း သိရသည်။

DOCA(စစ်ကိုင်း)

     ကျွန်းလှမြို့နယ်အတွင်းရှိ ကျေးရွာများတွင် စပါး၊ ပဲမျိုးစုံ နှင့် ရာသီအလိုက် စာဖိုဆောင်သီးနှံ များကို စိုက်ပျိုးရောင်းချလျက်ရှိရာ ပဲတောင့်ရှည်သီး နှင့် ခရမ်းကြွပ်သီးများလည်း စိုက်ပျိုးရောင်းချ လျက်ရှိကြောင်း သိရသည်။

      ၂၀၂၅ခုနှစ်၊ စက်တင်ဘာလ ပထမပတ် အတွင်း ကျွန်းလှမြို့တွင် ရောင်းချလျက်ရှိသည့် ပဲတောင့်ရှည်သီးဈေးနှုန်းမှာ ပဲတောင့်ရှည်(၅)တောင့်ပါ(၁)စည်းလျှင်(၅၀၀)ကျပ်၊ (၅)တောင့်ပါ (၅)စည်းလျှင်(၂၃၀၀)ကျပ်၊ ပဲတောင့်ရှည်(၁၀)စည်းပါ(၁)ထုံးလျှင်(၄၇၀၀)ကျပ်နှင့် ခရမ်းကြွပ်သီး (၁)ပိဿာလျှင်(၄၇၀၀)ကျပ်၊ (၅၀)ကျပ်သားလျှင်(၂၄၀၀)ကျပ် နှင့် (၂၅)ကျပ်သားလျှင်(၁၂၀၀)ကျပ် ဈေးနှုန်းတို့ဖြင့် ရောင်းချလျက်ရှိကြောင်း ကုန်စိမ်းရောင်းချသည့် လုပ်ငန်းရှင် များထံမှ သတင်း ရရှိသည်။

DOCA(စစ်ကိုင်း)

     စစ်ကိုင်းတိုင်းဒေသကြီး၊ မုံရွာမြို့ရှိ သစ်သီးဆိုင်များတွင် ပန်းသီး၊ နဂါးမောက်သီးနှင့် ဖရဲသီးများ အများအပြား ရောင်းချလျက်ရှိကြပါသည်။  ပန်းသီး၊ နဂါးမောက်သီးနှင့်ဖရဲသီးများကို သစ်သီးပွဲရုံများမှ မှာယူရောင်းချလျက်ရှိကြောင်း သိရှိရပါသည်။     နဂါးမောက်သီးပင်များသည် အပူပိုင်းဒေသ ရာသီဥတုရှိရာ နေရာအနှံ့အပြားတွင် စိုက်ပျိုးဖြစ်ထွန်းပြီး ရေငတ်ခံနိုင်သော ရှားစောင်းနွယ်ဝင် အပင်တစ်မျိုးဖြစ်သည်။ နဂါးမောက်သီးတွင် အဖြူ၊ အနီ၊ အဝါ သုံးမျိုးရှိပါသည်။ ပန်းသီး၊ နဂါးမောက်သီးနှင့် ဖရဲသီးသည် ကျန်းမာရေးအတွက် အထောက် အကူများစွာပေးပြီး၊ ပန်းသီး ဖျော်ရည်၊ နဂါးမောက်သီးဖျော်ရည်၊ ဖရဲသီးဖျော်ရည်များ ပြုလုပ် စာသောက်ရသည့်အတွက် လူကြိုက်များကြောင်း သိရှိရပါသည်။

          ၂၀၂၅ ခုနှစ် ၊ စက်တင်ဘာလ ပထမပတ်အတွင်း မုံရွာမြို့ရှိ သစ်သီးဆိုင်များတွင် ပန်းသီး အလုံးကြီး(၁)လုံးလျှင် (၃၂၀၀)ကျပ်၊ ပန်းသီးအလုံးသေး(၄)လုံးလျှင် (၅၆၀၀)ကျပ်ဖြင့် ရောင်းချလျက်ရှိပြီး၊ နဂါးမောက်သီးအလုံးသေးတစ်လုံးလျှင် (၅၀၀)ကျပ်နှင့် အလုံးလတ် တစ်လုံးလျှင် (၆၀၀)ကျပ်နှင့် အလုံးကြီးတစ်လုံးလျှင်(၈၀၀)ကျပ်၊ ဖရဲသီးအသေးတစ်လုံးလျှင် (၁၀၀၀)ကျပ်၊ ဖရဲသီးအလုံးလတ်တစ်လုံးလျှင်(၁၅၀၀)ကျပ်နှင့် ဖရဲသီးအကြီးတစ်လုံးလျှင် (၂၅၀၀)ကျပ်ဖြင့်  ရောင်းချလျက်ရှိရာ လူကြီးလူငယ်မရွေး ကြိုက်နှစ်သက်သည့်အတွက် အရောင်းအဝယ်ဖြစ် လျက်ရှိကြောင်း သစ်သီးဆိုင်များမှ သိရှိရပါသည်။

DOCA(စစ်ကိုင်း)

     ကျွန်းလှမြို့နယ်အတွင်းရှိ ကျေးရွာများတွင် စိုက်ပျိုးရေး လုပ်ငန်းများကို လုပ်ကိုင် စားသောက်ကြရာမှာ နှစ်ရှည်သီးနှံဖြစ်သည့် သရက်သီးပင်၊ နဂါးမောက်သီးပင်၊ ပိန္နဲသီးပင်၊ မန်ကျည်းသီး ပင်၊ ဩဇာပင် နှင့် မာလကာသီးပင်များကိုလည်း မိမိတို့ နေအိမ် ခြံစည်းရိုးများနှင့် တောင်ယာများထဲတွင် တစ်ပိုင်တစ်နိုင် စိုက်ပျိုးလျက်ရှိပြီး နဂါးမောက်သီးများကို မန်ကျည်းအင်းကျေးရွာ၊ အင်းကောင်းကျေးရွာ၊ ရှမ်းစုကျေးရွာနှင့် မြို့ပေါ်ရပ်ကွက်များမှ ကျွန်းလှမြို့၊ သစ်ရာမြိုင်ဈေးသို့ လာရောက် ပို့ဆောင်ကာ အရောင်းအဝယ်ဖြစ်လျက်ရှိကြောင်း သိရသည်။

          ၂၀၂၅ ခုနှစ်၊ စက်တင်ဘာလ ပထမပတ်အတွင်း ဖြစ်ပေါ်နေသော ကျွန်းလှမြို့၏ နဂါးမောက်သီး ဈေးနှုန်းများမှာ နဂါးမောက်သီး အကြီးတစ်လုံးလျှင်(၁၅၀၀)ကျပ်၊ အသေးတစ်လုံးလျှင်(၁၀၀၀/၈၀၀) ကျပ်ဈေးနှုန်းတို့ဖြင့် ရောင်းချလျက်ရှိပြီး အလားတူပင် ဩဇာသီး ဈေးနှုန်းများမှာ ဩဇာသီး အကြီး တစ် တစ်လုံးလျှင်(၁၀၀၀/၈၀၀)ကျပ်၊ အသေး တစ်လုံးလျှင် (၇၀၀/၅၀၀)ကျပ်ဈေးနှုန်း တို့ဖြင့် အရောင်း အဝယ်ဖြစ်လျက်ရှိကြောင်း သစ်ရာမြိုင်ဈေး၌ သစ်သီးမျိုးစုံ  ရောင်းချနေသော ဈေးသည် တစ်ဦးထံမှ သိရသည်။

DOCA(စစ်ကိုင်း)