ပြည်တွင်းကုန်သွယ်မှုသတင်း

      သထုံခရိုင်အတွင်းရှိ မြို့နယ်များတွင် ၂၀၂၃ခုနှစ်၊ နိုဝင်ဘာလ ဒုတိယပတ်တွင် စပါးဆန်ဈေးနှုန်းမှာ တည်ငြိမ်လျက်ရှိသည်။ သထုံခရိုင်အတွင်းမှ အခြားတိုင်းဒေသကြီးနှင့် အခြားခရိုင်မြို့နယ်များသို့ ဆန်စီးထွက်နှုန်းမှာ မော်လမြိုင်ခရိုင်သို့ (၂၃၀၀) အိတ်ခန့်၊ ကရင်ပြည်နယ်သို့ (၂၄၀၀) အိတ်ခန့်၊ စုစုပေါင်း (၄၇၀၀) အိတ်ခန့်၊ တန်ချိန်အားဖြင့် (၂၆၀) တန်ခန့်စီးထွက်ခဲ့ပြီး ယခုနိုဝင်ဘာ၏ နောက်ဆုံးပတ်တွင် မော်လမြိုင်ခရိုင်သို့ (၂၁၀၀) အိတ်ခန့်၊ ကရင်ပြည်နယ်သို့ (၁၈၀၀) အိတ်ခန့်၊ စုစုပေါင်း (၃၉၀၀) အိတ်ခန့်၊ တန်ချိန်အားဖြင့် (၁၉၀) တန်ခန့်စီးထွက်ခဲ့ပြီး ယခင်အပတ်နှင့်နှိုင်းယှဉ်ပါက အနည်းငယ်လျော့နည်း၍စီးထွက်ခဲ့သည်။

      သထုံခရိုင်အတွင်းသို့ နိုဝင်ဘာလ ဒုတိယပတ်တွင် ဆန်စီးထွက်မှုနှုန်းမှာ ရန်ကုန်တိုင်းဒေသကြီးမှ (၁၄၀၀) အိတ်ခန့်၊ ပဲခူးတိုင်းဒေသကြီးမှ (၁၆၀၀) အိတ်ခန့်ဖြင့် စုစုပေါင်း (၃၀၀၀)အိတ်ခန့်၊ တန်ချိန်အားဖြင့် (၁၄၅) တန်ခန့်စီးဝင်ခဲ့ပြီး ယခုနိုဝင်ဘာလ နောက်ဆုံးပတ်တွင် ရန်ကုန်တိုင်းဒေသကြီးမှ (၁၂၀၀) အိတ်ခန့်၊ ပဲခူးတိုင်းဒေသကြီးမှ (၁၃၀၀) အိတ်ခန့်ဖြင့် စုစုပေါင်း (၂၅၀၀) အိတ်ခန့်၊း တန်ချိန်အားဖြင့် (၁၂၀)တန်ခန့်စီးဝင်ခဲ့သည်။

     သထုံခရိုင်အတွင်း၌ နိုဝင်ဘာလ နောက်ဆုံးပတ်တွင် စပါးဈေးနှုန်းများမှာ စပါးတင်း (၁၀၀) လျှင် ဒေသပေါက်ဈေး ကျားပျံဟိုတယ်(၃၀၀၀၀၀၀)ကျပ်ခန့်၊ ပေါ်ဆန်းဝါ (၂၈၀၀၀၀၀)ကျပ်နှင့် ကမာကြည်(၂၅၀၀၀၀၀)ကျပ်ခန့်နှင့် (၂၄)ပြည်ဝင် ဆန်တစ်အိတ်လျှင် ကျားပျံဟိုတယ်(၁၃၅၀၀၀)အိတ်အခန့်၊ ပေါ်ဆန်းဝါ (၁၃၀၀၀၀)အိတ်နှင့် ကမာကြည်(၁၁၀၀၀၀)အိတ်ခန့်၊ ဧည့်မထ(၆၅၀၀၀)အိတ်ခန့်ရှိပြီး ယခုအပတ်တွင်ဖြစ်ပေါ်နေသော စပါးဈေးနှုန်းများကို ယခင်အပတ်ဈေးနှုန်းတို့နှင့်နှိုင်းယှဉ်ပါက အနည်းငယ်အတက်ဘက်သို့ ဦးတည်ခဲ့ကြောင်းသိရှိရပါသည်။

DOCA(မွန်)

     မြန်မာနိုင်ငံ၏ပင်လယ်ကမ်းရိုးတန်းနှင့် မြန်မာနိုင်ငံအောက်ပိုင်းရှိ တိုင်းဒေသကြီးနှင့် ပြည်နယ်တချို့တွင် စိမ်းစားငါးပိနှင့် ငါးပိရည်ကျိုကို ထုတ်လုပ်စားသုံးကြသည်။ ၎င်းကမ်းရိုးတန်းပြည်နယ်များမှ မွန်ပြည်နယ်တွင်လည်း ဒေသထွက်ကုန်အမယ်အဖြစ် ငါးပိ၊  ငါးခြောက်၊ ငါးပိရည်ကျိုထွက်ရှိမှုနှင့် ရောင်းချမှုများမှာ ကောင်းမွန်လျက်ရှိသည်။  မွန်ပြည်နယ်အတွင်းရှိ  စိမ်းစားငါးပိ(မျှင်ငါးပိ)နှင့်ငါးပိရည်ကျိုကို ဈေးကွက်၊ ဈေးနှုန်းများရရှိထား၍ ယခင်နှစ်ထက် စိမ်းစားငါးပိ(မျှင်ငါးပိ)နှင့်ငါးပိရည်ကျိုတို့မှာ ဈေးကွက်တွင်ကျယ်စွာရရှိမှုနှင့် ဈေးနှုန်းပိုမိုရရှိခြင်း  ဒေသစားသောက်ဖွယ်အမယ်များအဖြစ်တွေ့ရှိရသည်။

စိမ်းစားငါးပိ(မျှင်ငါးပိ)နှင့်ငါးပိရည်ကျိုထွက်ရှိရာဒေသ

    မွန်ပြည်နယ်တွင် ရေးမြို့နယ်၊  သံဖြူဇရပ်မြို့နယ်၊ ပငကျေးရွာ၊ ဒမင်းဆိပ်ကျေးရွာ၊ ကျိုက်ခမီမြို့နယ်များမှ ကျုံကဒတ်ကျေးရွာ၊ ကရင်တောင်ကျေးရွာ၊ ချောင်းဆုံမြို့နယ်၊ ဆယ်ဗလာကျေးရွာ၊ ရေတွင်းကုန်းကျေးရွာ၊ ဇီးကုန်းကျေးရွာ၊ ဘီးလင်းမြို့နယ်၊ ဇုတ်ကလိကျေးရွာ၊ ကျိုက်ထိုမြို့နယ်၊ တံငါရွာကျေးရွာ၊ ပေါင်မြို့နယ်၊ မုတ္တမကျေးရွာအုပ်စု၊ ကော့စိန်ကျေးရွာတို့မှ  စိမ်းစားငါးပိ(မျှင်ငါးပိ)နှင့်ငါးပိရည်ကျိုထွက်ရှိသည်။

စိမ်းစားငါးပိ(မျှင်ငါးပိ)နှင့်ငါးပိရည်ကျိုဈေးနှုန်း

     မွန်ပြည်နယ်ရှိ မြို့နယ်အတွင်းတို့မှထွက်ရှိသော စိမ်းစားငါးပိဈေးနှုန်းအခြေအနေများမှာ ငါးပိအမျိုးအစားခွဲခြားထားသောကြောင့် ဈေးနှုန်းလည်းကွာခြားမှုရှိပါသည်။ ကြိုက်နှစ်သက်သောဈေးနှုန်းဖြင့် စားသုံးသူများက ဝယ်ယူစားသောက်ကြသည်။ စိမ်းစားငါးပိတစ်ပိဿာလျှင် ကျပ်(၈၀၀၀-၉၀၀၀-၉၅၀၀-၁၀၀၀၀-၁၁၀၀၀)အတွင်း ဈေးနှုန်းများရှိသည်။ ငါးပိရည်ကျိုဈေးနှုန်းများမှာ ငါးရံ့ငါးပိရည်ကျိုတစ်ပိဿာလျှင် ၈၀၀၀ကျပ်၊ ငါးပြေမငါးပိရည်ကျိုတစ်ပိဿာလျှင် ၅၅၀၀ကျပ်၊ ငါးဇဉ်ရိုင်းငါးပိရည်ကျိုတစ်ပိဿာလျှင် ၅၅၀၀ကျပ်၊ ငါးစုံအရော ငါးပိရည်ကျိုတစ်ပိဿာလျှင် ၅၀၀၀ကျပ်တို့ဖြစ်သည်။  စိမ်းစားငါးပိနှင့်ငါးပိရည်ကျိုဈေးနှုန်းသည် ယခင်နှစ်ထက် တစ်ပိဿာလျှင် ၁၀၀၀ကျပ်မှ ၂၀၀၀ကျပ်အတွင်း ဈေးနှုန်းမြှင့်တက်လာခဲ့သည်။

စိမ်းစားငါးပိ(မျှင်ငါးပိ)နှင့်ငါးပိရည်ကျိုဈေးကွက်

    မွန်ပြည်နယ်မြို့နယ်များမှ ထွက်ရှိသော စိမ်းစားငါးပိ(မျှင်ငါးပိ)နှင့် ငါးပိရည်ကျို ဒေသအစားအစာကို မွန်ပြည်နယ်၊ မြို့နယ်(၁၀)မြို့နယ်အတွင်းရှိ မော်လမြိုင်မြို့၊ ကျိုက်မရောမြို့၊  ကျိုက်ခမီမြို့၊ သံဖြူဇရပ်မြို့၊ ချောင်းဆုံမြို့၊ မုဒုံမြို့၊ ဘီးလင်းမြို့၊ သထုံမြို့၊ ပေါင်မြို့၊ ကျိုက်ထိုမြို့နယ်များသို့ ဖြန့်ဝေလျက်ရှိသည်။ ဒေသတွင်းအပြင် အခြားတိုင်းဒေသကြီး/ ပြည်နယ်များ၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊  မကွေးတိုင်းဒေသကြီး၊ ကရင်ပြည်နယ်တို့တွင်လည်း ကုန်သွယ်ဖြန့်ဖြူးလျက်ရှိသည်။ မွန်ပြည်နယ်မှထွက်ရှိသည့် စိမ်းစားငါးပိ(မျှင်ငါးပိ)နှင့်ငါးပိရည်ကျိုကို လူကြိုက်များသော ဒေသအစားအစာအဖြစ် ကြိုက်နှစ်သက်စွာစားသုံးကြသည်။

စိမ်းစားငါးပိ(မျှင်ငါးပိ)နှင့်ငါးပိရည်ကျိုထုတ်လုပ်သူများ အကျိုးအမြတ်ရရှိမှု

    စားသုံးမှုနှင့်ဈေးကွက်ဈေးနှုန်းရရှိနေသော မွန်ဒေသထွက် စိမ်းစားငါးပိ၊ ငါးပိရည်ကျိုပြုလုပ်သူများသည် ကုန်ကြမ်းထွက်ရှိသော ဒေသခံများဖြစ်ကြသည်။၎င်းဒေသမှရရှိသည့် ကုန်ကြမ်းတို့ကို လုပ်နည်းအတိုင်း အဆင့်ဆင့်ပြုလုပ်ကြသည်။ ထို့မှတစ်ဆင့် စားသုံးသူများအတွက် အသင့်စားနိုင်သည့် စိမ်းစားငါးပိ၊ ငါးပိရည်ကျိုတို့ကို ကုန်ချောဖြစ်သည်အထိပြုလုပ်ကြသည်။  ဈေးကွက်၌ရောင်းချတော့မည့် စိမ်းစားငါးပိ၊ ငါးပိရည်ကျို စသည့်ကုန်ချောကုန်စည်ကို ဘူးဖြင့်ထည့်သွင်း၍လည်းကောင်း၊ အိတ်ဖြင့်ထုပ်ပိုး၍လည်းကောင်း၊ လက်လီ/ လက်လားဖြန့်ချိရေးဖြင့် အမြို့မြို့အနယ်နယ်သို့  ကုန်စည်စီးဆင်းလျက်ရှိသည်။

    အကျိုးအမြတ်အနေဖြင့် မိသားစုတနိုင်တပိုင်ပြုလုပ်သူများ ဝင်ငွေတိုးပွားလာခြင်း၊ လုပ်သားများငှားရမ်းလုပ်ဆောင်သောလုပ်ငန်းများအနေဖြင့် ဒေသတွင်းပြည်သူများအား အလုပ်အကိုင်အခွင့်အလမ်းရရှိခြင်း၊ အလုပ်လုပ်ရခြင်းကြောင့် ဝင်ငွေတိုးပွားလာခြင်း၊ အလုပ်ရှင်နှင့်အလုပ်သမားအတွက် အကျိုးအမြတ်ရရှိခြင်း၊ ကုန်ကြမ်းကို မိမိပြည်တွင်း၌သာရရှိ၍ ကုန်ကြမ်းရှားပါးမှုကို စိုးရိမ်မှုမရှိခြင်းတို့မှာ မွန်ဒေသ၏စီးပွားရေးအားသာချက်တစ်ခုဖြစ်သည်။

စိမ်းစားငါးပိ(မျှင်ငါးပိ)နှင့်ငါးပိရည်ကျိုစားသုံးမှုများ

  စားသုံးသူများက စိမ်းစားငါးပိကို ဟင်းချက်ပြုတ်ရာတွင်လည်းကောင်း၊ ငါးပိကြော်ပြုလုပ်၍လည်းကောင်း၊ ငါးပိမီးဖုတ်၍ ကြက်သွန်နီဖြင့် သုပ်စား၍လည်းကောင်း၊  မြန်မာလူမျိုးတို့သည် ငါးပိကို ကြိုက်နှစ်သက်သောပုံစံအမျိုးမျိုးများဖြင့် ပြုလုပ်စားသုံးကြသည်။ မြန်မာလူမျိုးတို့၏ ရာသီချိန်အလှူပွဲများ၊ ရှင်ပြု၊ ရဟန်းခံ၊ မင်္ဂလာဆောင်၊  ကထိန်အလှူ မင်္ဂလာပွဲ စသည်တို့၌ ထမင်းကျွေးမွေးရာတွင် ငါးပိရည်ကျိုကို (ငရုတ်သီးစိမ်း၊ ငရုတ်သီးမှုန့်) ထည့်၍ အနံ့မွှေးမွှေးငါးပိရည်ကျိုနှင့် တို့စရာတို့ဖြင့်လည်းကောင်း၊ မိသားစုထမင်းဝိုင်းတွင်လည်းကောင်း၊ ငါးပိရည်ကျိုကို မပါမဖြစ် ကြိုက်နှစ်သက်စွာချက်ပြုတ်စားသုံးကြသည်။ ထမင်းဝိုင်းအလယ်ဆုံအဖြစ် ငါးပိရည်ကျိုနှင့်တို့စရာအစုံ (ခရမ်းသီးပြုတ်၊ ဘူးသီးအသေးပြုတ်၊ ရုံးပတီသီးပြုတ်၊ ပေါက်ပန်းရွက်ပြုတ်၊ ခရမ်းကစော့သီး၊ ခံတက်ချဉ်၊ ချဉ်ဖတ်စုံ၊ တမာရွက်ချဉ်၊ မြင်းခွာရွက်၊ သခွားသီး)တို့မှာ ဒေသစာတစ်ခုဖြစ်သည့်အပြင်း ကျန်းမာရေးအရ ငါးမှရရှိသည့် အာဟာရဓာတ်ကြွယ်ဝစွာရရှိသော  မွန်ဒေသထွက် ငါးပိနှင့်ငါးပိရည်ကျိုအကြောင်းကို ရေးသားတင်ပြလိုက်ရပါသည်။  

DOCA(မွန်)

  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် ကုန်စည်ဒိုင်များ၏ သီးနှံဈေးနှုန်းများနှင့် အရောင်းအဝယ်ဖြစ်မှု တင်း/တန်စာရင်းတို့ကို အပတ်စဉ်၊ လစဉ် တင်ပြလျက်ရှိရာ ၂၀၂၃ခုနှစ်၊ နိုဝင်ဘာလ၊ လကုန်ပတ်အတွင်း အရောင်းအဝယ်ဖြစ်သည့် သီးနှံဈေးနှုန်းအခြေအနေများကို ရွှေဘိုမြို့ ပဲ၊ နှမ်းကုန်စည်ဒိုင်ရှိ တာဝန်ရှိသူများနှင့်ဆက်သွယ်မေးမြန်းခဲ့ပါသည်။ ဆက်သွယ်မေးမြန်းမှုအရ  နှမ်းဖြူနှင့်နှမ်းနက်များမှာ နိုဝင်ဘာလ တတိယအပတ်မှစတင်၍ ရွှေဘိုဈေးကွက်သို့ ဝင်ရောက်ခဲ့ကြောင်း၊ နိုဝင်ဘာလ၊ လကုန်ပတ်တွင် အရောင်းအဝယ်ဖြစ်သည့်ဈေးနှုန်းမှာ နှမ်းဖြူတစ်တင်းလျှင် (၁၀၃၃၀ဝိ/-) ကျပ်ပေါက်ဈေးရှိပြီး တစ်ပတ်အတွင်းအရောင်းအဝယ်ဖြစ်မှုမှာ (၃၀၀၀)တင်း/ (၇၃)တန် ဖြစ်ကြောင်း၊  နှမ်းနက်တစ်တင်းလျှင် (၁၀၅၀၀ဝိ/-) ကျပ်ပေါက်ဈေးရှိပြီး နိုဝင်ဘာလ လကုန်ပတ်အတွင်း အရောင်းအဝယ်ဖြစ်မှုမှာ (၃၀၀၀)တင်း/(၇၃)တန်ဖြစ်ကြောင်း၊ ယခင်အပတ်နှင့် ယခုအပတ်တို့၏ အရောင်းအဝယ်ဖြစ်သည့်ဈေးနှုန်းတို့ကိုနှိုင်းယှဉ်ပါက ယခင်အပတ်၌ နှမ်းဖြူတစ်တင်းလျှင် (၁၁၃၃၀ဝိ/-)ကျပ်နှင့် နှမ်းနက်တစ်တင်းလျှင် (၁၀၈၃၀ဝိ/-) ကျပ်ပေါက်ဈေးရှိခဲ့သဖြင့် ယခုအပတ်တွင် ယခင်အပတ်အောက် နှမ်းဖြူတစ်တင်းလျှင်(၁၀၀၀ဝိ/-)ကျပ်နှင့် နှမ်းနက်တစ်တင်းလျှင်(၆၆၀ဝိ/-)ကျပ်ဈေးနှုန်းလျော့နည်းခဲ့ကြောင်း၊  ယခင်နှစ်ကာလတူနှင့် အရောင်းအဝယ်ဖြစ်သည့် ဈေးနှုန်းတို့ကိုနှိုင်းယှဉ်ပါက ယခင်နှစ် ကာလတူတွင် နှမ်း (နက်) တစ်မျိုးတည်းသာအရောင်းအဝယ်ဖြစ်ခဲ့ပြီး တစ်တင်းလျှင် (၇၇၀၀ဝိ/-)ကျပ် ပေါက်ဈေးရှိခဲ့သဖြင့် ယခုနှစ်တွင် ယခင်နှစ်ကာလတူထက် နှမ်း(နက်)တစ်တင်းလျှင် (၂၈၀၀ဝိ/-)ကျပ်ဈေးပိုရရှိခဲ့ကြောင်း သတင်းရရှိပါသည်။

DOCA(စစ်ကိုင်း)

     ၂၀၂၃ခုနှစ်၊ နိုဝင်ဘာလ နောက်ဆုံးပတ်အတွင်း ရွှေဘိုမြို့နယ်တွင် အခြေခံစားသောက်ကုန်များဖြစ်သော ရွှေဘိုပေါ်ဆန်းဆန်တစ်ပြည်လျှင် ၆၁၀၀ကျပ်၊ ဧရာမင်းဆန်တစ်ပြည်လျှင် ၆၂၀၀ကျပ်ဖြင့် အရောင်းအဝယ်ဖြစ်လျက်ရှိသည်။ ကြက်သွန်နီ လက်လီဈေးမှာ (ကြီး) တစ်ပိဿာလျှင် ၃၇၀၀ကျပ်၊ (လတ်) တစ်ပိဿာလျှင် ၃၀၀၀ကျပ်၊ (သေး)တစ်ပိဿာလျှင် ၂၅၀၀ကျပ်နှုန်းဖြင့် အရောင်းအဝယ်ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျှင် ၁၄၀၀၀ကျပ်မှ ၁၆၀၀၀ကျပ် ထိ၊ ရှမ်းကြက်သွန်ဖြူတစ်ပိဿာလျှင် ၁၄၀၀၀ကျပ်မှ ၁၇၀၀၀ကျပ်ထိ၊ (ကြူကုပ်) တစ်ပိဿာလျှင် ၁၅၀၀၀ကျပ်မှ ၁၇၀၀၀ကျပ်ထိ၊ ချင်းတစ်ပိဿာလျှင် ၅၀၀၀ကျပ်၊ ငရုတ်သီးခြောက်တစ်ပိဿာလျှင် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ၊ အာလူးတစ်ပိဿာလျှင် ၂၈၀၀ကျပ်မှ ၃၆၀၀ကျပ်ထိ၊ ခရမ်းချဉ်သီးတစ်ပိဿာလျှင် ၂၂၀၀ကျပ်ဖြင့် အရောင်းအဝယ်ဖြစ်နေပါသည်။

     ကြက်ဥ လက်လီဈေးနှုန်းမှာ (ကြီး)တစ်လုံးလျှင် ၃၀၀ကျပ်၊ (သေး) တစ်လုံးလျှင် ၂၅၀ကျပ်၊ ဘဲဥ (ကြီး) တစ်လုံးလျှင် (၃၅၀)ကျပ်၊ (သေး)တစ်လုံးလျှင် (၃၀၀)ကျပ်ရှိသည်။ ရွှေဘိုမြို့၏ အသားငါးဈေးနှုန်းများမှာ ကြက်သား (CP)  တစ်ပိဿာလျှင် ၁၀၀၀၀ကျပ်မှ ၁၂၀၀၀ကျပ်ထိ၊ ကြက်သား (ဗမာ)တစ်ပိဿာလျှင် ၁၃၀၀၀ကျပ်မှ ၁၅၀၀၀ကျပ်ထိ၊  ဝက်သားတစ်ပိဿာလျှင် ၂၀၀၀၀ကျပ်မှ ၂၂၀၀၀ကျပ်ထိ၊ အမဲသားတစ်ပိဿာလျှင် ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်းတစ်ပိဿာလျှင် ၇၅၀၀ကျပ်၊ ငါးကြင်းတစ်ပိဿာလျှင် ၇၀၀၀ကျပ်ဖြင့် ရောင်းဝယ်နေကြောင်းသိရသည်။

     စားသုံးဆီဈေးနှုန်းများမှာ ပဲဆီသန့်တစ်ပိဿာလျှင် ၁၄၀၀၀ကျပ်၊  စားအုန်းဆီတစ်ပိဿာလျှင် ၅၁၀၀ကျပ်နှင့် နှမ်းဆီတစ်ပိဿာလျှင် ၁၄၀၀၀ကျပ်ဖြင့် အရောင်းအဝယ်ဖြစ်နေကြောင်းသိရှိရပါသည်။

DOCA(စစ်ကိုင်း)

   စစ်ကိုင်းတိုင်းဒေသကြီး၊ မုံရွာမြို့ရှိ ဈေးများတွင် ၂၀၂၃ခုနှစ်၊ နိုဝင်ဘာလ(ပဉ္စမပတ်)အတွင်း ‌ရွှေဘိုပေါ်ဆန်း (တစ်အိတ်)လျှင် ၁၂၅,၀၀၀ကျပ်၊  ဧရာမင်း(ဆန်)(တစ်အိတ်)လျှင် ၁၄၅,၀၀၀ကျပ်၊ ဧည့်မထ ဆန် (တစ်အိတ်)လျှင် ၁၀၅,၀၀၀ကျပ်၊ ပဲဆီ(တစ်ပိဿာ)လျှင် ၁၂၅၀၀ကျပ်၊ နှမ်းဆီ (တစ်ပိဿာ) လျှင် ၁၂၅၀၀ကျပ်၊ နေကြာဆီ(တစ်ပိဿာ)လျှင် ၁၂၅၀၀ကျပ်၊ စားအုန်းဆီ (တစ်ပိဿာ) လျှင် ၅၂၀၀ကျပ်၊ ဆား(တစ်ပိဿာ)လျှင် (၆၀၀မှ ၇၀၀) ကျပ်၊ ငရုတ်ခြောက် (တစ်ပိဿာ) လျှင် (၁၃၀၀၀မှ ၁၄၀၀၀) ကျပ်၊ ကြက်သွန်နီ (တစ်ပိဿာ) လျှင် (၃၀၀၀မှ ၃၂၀၀) ကျပ်၊ ကြက်သွန်ဖြူ (ရှမ်းစ) (တစ်ပိဿာ) လျှင် (၁၂၀၀၀မှ ၁၂၀၀၀) ကျပ်၊ ကြက်သွန်ဖြူ (ကြူကုတ်) (တစ်ပိဿာ) လျှင် (၁၄၀၀၀မှ ၁၅၀၀၀) ကျပ်၊ အာလူး (တစ်ပိဿာ) လျှင် (၃၂၀၀မှ ၃၅၀၀) ကျပ်၊ မန်ကျည်းသီးမှည့် (တစ်ပိဿာ) လျှင် (၃၂၀၀မှ ၃၅၀၀) ကျပ်၊ နနွင်းတက် (တစ်ပိဿာ) လျှင် (၉၂၀၀မှ ၉၅၀၀) ကျပ်၊ ခရမ်းချဉ်သီး (တစ်ပိဿာ) လျှင် ၂၀၀၀ကျပ်၊ ဂေါ်ဖီထုပ် (တစ်ထုပ်) လျှင် ၁၀၀၀ကျပ်၊ ပဲသီး(ပဲထောင့်ရှည်)(တစ်စည်း)လျှင် ၆၀၀ကျပ်၊ ကြက်သား (တစ်ပိဿာ) လျှင် (၁၀၀၀၀မှ ၁၁၀၀၀) ကျပ်၊ ဝက်သား (တစ်ပိဿာ)လျှင် (၁၈၀၀၀မှ ၁၉၀၀၀) ကျပ်၊ အမဲသား (တစ်ပိဿာ) လျှင် (၁၃၀၀၀မှ ၁၄၀၀၀) ကျပ်၊ ဆိတ်သား(တစ်ပိဿာ)လျှင် (၂၀၀၀၀မှ ၂၂၀၀၀)ကျပ်၊ ငါးမြစ်ချင်း (တစ်ပိဿာ) လျှင် (၁၁၀၀၀မှ ၁၂၀၀၀)ကျပ်၊ ကြက်ဥ (၁)လုံးလျှင် ၂၅၀ကျပ်၊ ဘဲဥ (၁)လုံးလျှင် ၃၅၀ကျပ်၊ ဖရဲသီး (ကျောက်စိမ်း) (၁)လုံးလျှင် (၁၅၀၀မှ ၂၀၀၀) ကျပ်၊ ဖရဲသီး (၂၁၁) (၁)လုံးလျှင် (၁၀၀၀-၃၀၀၀) ကျပ် စသည်ဖြင့်  ဈေးနှုန်းအသီသီးရှိကြောင်းသိရသည်။

    ယခင်အပတ်နှင့်နှိုင်းယှဉ်ပါက အခြေခံစားသောက်ကုန်များဖြစ်သည့် ဧရာမင်းဆန် (တစ်အိတ်) ဈေးနှုန်း၊ ကြက်သွန်နီ၊ ကြက်သွန်ဖြူ (ကြူကုတ်)၊ အာလူးဈေးနှုန်းများမှာ အနည်းငယ်မြင့်တက်နေပြီး  ကြက်သွန်ဖြူ (ရှမ်းစ)၊ နနွင်း၊ ငရုတ်ခြောက်ဈေးနှုန်းများမှာ အနည်းငယ်လျော့နည်းနေကြောင်း၊ စားအုန်းဆီဈေးနှုန်းများမှာ ရည်ညွှန်းဈေးပေါ်မူတည်၍ ဈေးနှုန်းအပြောင်းအလဲရှိကြောင်း ချင်းတွင်းရတနာဈေးရှိ လက်လီ/ လက်ကားရောင်းဝယ်ဖောက်ကားရောင်းချနေသော ကုန်သည်များထံမှသိရှိရပါသည်။

DOCA(စစ်ကိုင်း)