ပြည်တွင်းကုန်သွယ်မှုသတင်း

      စစ်ကိုင်းတိုင်းဒေသကြီးအတွင်း ယခင်အပတ်တွင် ဓာတ်မြေသြဇာ အမျိုးအစားများဖြစ်သည့် အာမို(၁၀:၁၀:၅)တစ်အိတ် (၈၀,၀၀၀)ကျပ်၊‌ ရွှေကောမတ်(၂၀:၁၂:၁၂)တစ်အိတ် (၁၂၀,၀၀၀)ကျပ်၊ ယူရီးယား (ရွှေတောင်)တစ်အိတ် (၁၀၀,၀၀၀)ကျပ်၊ တီစူပါ၄၆% (သံကွင်း(တရုတ်)တစ်အိတ် (၈၅,၀၀၀)ကျပ်၊ ပန်းဖူး(သစ်)(တရုတ်) တစ်အိတ် (၉၃,၀၀၀)ကျပ်၊ မျှားကမ္ဘာ(တရုတ်)တစ်အိတ် (၇၉,၀၀၀)ကျပ်၊ ပုလဲ(ရွှေတောင်) တစ်အိတ် (၉၀,၀၀၀) ကျပ်၊ တီစူပါတစ်အိတ်(၇၆,၀၀၀)ကျပ်၊  နိုက်ထိုဖောစကာ(သြဘာ) တစ်အိတ် (၁၆၂,၀၀၀)၊ ပန်းဖူး (မြန်မာ့သြဘာ) တစ်အိတ် (၈၀,၀၀၀) ကျပ်၊ အာမို(၁၅:၁၅:၁၅)တစ်အိတ် (၁၃၅,၀၀၀)ကျပ်၊ သံဂွန်း(၁၅:၁၅:၁၅)တစ်အိတ် (၉၀,၀၀၀)ကျပ်၊ ကျွဲနက် (၁၅း၁၅း၁၅) တစ်အိတ် (၁၄၄,၀၀၀)ကျပ်၊ MC (ကွန်ပေါင်း)တစ်အိတ်(၁၃၅,၀၀၀)ကျပ်၊ ဇာမဏီ(ကွန်ပေါင်း) တစ်အိတ် (၆၈,၀၀၀)ကျပ်ဖြင့် အရောင်းအဝယ်ရှိခဲ့ပြီး၊ ပိုးသတ်ဆေး အမျိုး အစားများဖြစ်သည့် စတား(အာမို) (၁)ဗူး (၅,၅၀၀)ကျပ်၊ လန်ဒါ (ဝိစာရ) တစ်ဘူး (၁၇,၅၀၀) ကျပ်၊ ဘက်တား တစ်ထုပ် (၂၁,၅၀၀)ကျပ်၊ ဆန်နာဂျီ တစ်ထုပ် (၁၈,၀၀၀) ကျပ်၊ ရွှေတောနစ် (မြင်းကြား) တစ်ဘူး (၁၂,၀၀၀) ကျပ်၊ မိုရယ်မုန် (သြဘာ) တစ်ဘူး (၂၅,၀၀၀)ကျပ်၊ ဖို့စတင်း (သြဘာ) တစ်ဘူး (၃၄,၀၀၀)ကျပ်၊ ဒါနာဒင်(ဩဘာ) တစ်ဘူး (၄၇,၀၀၀) ကျပ်၊ အစီဖိတ် (ဩဘာ) တစ်ဘူး (၂၂,၀၀၀) ကျပ်၊ ရွှေစိုက်ပါ တစ်ဘူး (၂၉,၀၀၀)ကျပ်၊ အီမာ တစ်ဘူး (၃၄,၀၀၀)ကျပ်၊ သန်းဒါး တစ်ဘူး (၁,၈၀၀) ကျပ်၊ ဒိုဇာ တစ်ဘူး (၂,၀၀၀)ကျပ်၊ ထိသေစားသေ တစ်ဘူး (၁၅,၅၀၀)ကျပ်၊ ပင်လုံးပြန့် တစ်ဘူး (၂၉,၅၀၀) ကျပ်ဖြင့်အရောင်း အဝယ်ဖြစ်ခဲ့ကြောင်း သိရှိရသည်။

    ယခုအပတ်တွင် ဓာတ်မြေသြဇာအမျိုးအစားများဖြစ်သည့် အာမို(၁၀:၁၀:၅)တစ်အိတ် (၈၀,၀၀၀) ကျပ်၊‌ရွှေကောမတ်(၂၀:၁၂:၁၂)တစ်အိတ်(၁၂၀,၀၀၀)ကျပ်၊ယူရီးယား(ရွှေတောင်)တစ်အိတ်(၁၀၀,၀၀၀) ကျပ်၊ တီစူပါ၄၆% (သံကွင်း(တရုတ်)တစ်အိတ် (၈၅,၀၀၀)ကျပ်၊ ပန်းဖူး(သစ်)(တရုတ်) တစ်အိတ် (၉၂,၀၀၀)ကျပ်၊မျှား ကမ္ဘာ(တရုတ်)တစ်အိတ်(၈၀,၀၀၀)ကျပ်၊ ပုလဲ(ရွှေတောင်)တစ်အိတ်(၉၀,၀၀၀) ကျပ်၊ တီစူပါတစ်အိတ်(၇၆,၀၀၀)ကျပ်၊ နိုက်ထိုဖောစကာ(သြဘာ)တစ်အိတ် (၁၆၂,၀၀၀)၊ ပန်းဖူး (မြန်မာ့သြဘာ) တစ်အိတ် (၈၀,၀၀၀) ကျပ်၊ အာမို(၁၅:၁၅:၁၅)တစ်အိတ် (၁၃၅,၀၀၀)ကျပ်၊ သံဂွန်း (၁၅:၁၅:၁၅)တစ်အိတ် (၉၀,၀၀၀)ကျပ်၊ ကျွဲနက် (၁၅း၁၅း၁၅) တစ်အိတ် (၁၄၄,၀၀၀)ကျပ်၊ MC (ကွန်ပေါင်း)တစ်အိတ်(၁၃၅,၀၀၀)ကျပ်၊ ဇာမဏီ(ကွန်ပေါင်း)တစ်အိတ် (၆၈,၀၀၀)ကျပ်ဖြင့်အရောင်း အဝယ်ရှိခဲ့ပြီး၊ ပိုးသတ်ဆေးအမျိုးအစားများဖြစ်သည့် စတား(အာမို) တစ်ဘူး (၅,၅၀၀)ကျပ်၊ လန်ဒါ (ဝိစာရ) တစ်ဘူး (၁၇,၅၀၀) ကျပ်၊ ဘက်တား တစ်ထုပ် (၂၁,၅၀၀)ကျပ်၊ ဆန်နာဂျီ တစ်ထုပ် (၁၈,၀၀၀) ကျပ်၊ ရွှေတောနစ် (မြင်းကြား) တစ်ဘူး (၁၂,၀၀၀) ကျပ်၊ မိုရယ်မုန် (သြဘာ) တစ်ဘူး (၂၅,၅၀၀)ကျပ်၊ ဖို့စတင်း (သြဘာ) တစ်ဘူး (၃၄,၀၀၀) ကျပ်၊ ဒါနာဒင်(ဩဘာ) တစ်ဘူး (၄၇,၀၀၀) ကျပ်၊ အစီဖိတ် (ဩဘာ)တစ်ဘူး (၂၃,၀၀၀)ကျပ်၊ ရွှေစိုက်ပါ တစ်ဘူး (၂၉,၀၀၀)ကျပ်၊ အီမာ တစ်ဘူး (၃၄,၀၀၀)ကျပ်၊ သန်းဒါး တစ်ဘူး (၁,၈၀၀)ကျပ်၊ ဒိုဇာ တစ်ဘူး (၂,၀၀၀)ကျပ်၊ ထိသေစားသေ တစ်ဘူး (၁၅,၅၀၀)ကျပ်၊ ပင်လုံးပြန့် တစ်ဘူး (၂၉,၅၀၀)ကျပ်ဖြင့် အရောင်းအဝယ်ဖြစ်ခဲ့ကြောင်း၊ ယခုအပတ်တွင် ဓါတ်မြေဩဇာများသည့် ပန်းဖူး(သစ်)(တရုတ်)မှာ ဈေးအနည်းငယ်ကျဆင်းနေပြီး၊ မျှားကမ္ဘာ (တရုတ်)ဈေးအနည်းငယ်တက်နေပါကြောင်း၊  ပိုးသတ်ဆေးများဖြစ်သည့် မိုရယ်မုန်နှင့် အစီဖိတ်(၂) မျိုးမှာ ဈေးနှုန်း အနည်းငယ်တက်နေပါကြောင်း လေ့လာသိရှိရသည်။

DOCA(စစ်ကိုင်း)

    စစ်ကိုင်းတိုင်းဒေသကြီးသည် ဆန်ပိုဒေသများဖြစ်သော ရွှေဘို၊ ကလေး၊ ကသာနှင့် ကန့်ဘလူခရိုင်များအနေဖြင့် (၁.၈.၂၀၂၃) ရက်နေ့မှ (၃၁.၈.၂၀၂၃)ရက်နေ့အထိ မန္တလေးတိုင်း‌ဒေသကြီးသို့ (၁၃၇,၈၀၀)အိတ်၊ ရန်ကုန်တိုင်းဒေသကြီးသို့ (၇၂,၅၀၀)အိတ်၊ မ‌ကွေးတိုင်းဒေသကြီးသို့ (၃,၀၀၀)အိတ်၊ ရှမ်း(တောင်)သို့ (၂၁,၅၀၀)အိတ်၊ ရှမ်း(မြောက်) သို့ (၂၁,၅၀၀)အိတ်၊ နေပြည်တော်သို့ (၂၆,၅၀၀)အိတ်၊ ကချင်ပြည် နယ်သို့ (၄,၆၀၀) အိတ်၊ စုစုပေါင်း (၂၈၇,၄၀၀)အိတ်၊ တန်အားဖြင့် (၁၄,၃၇၀) စီးထွက်ခဲ့ပြီး၊ (၁.၉.၂၀၂၃) ရက်နေ့မှ (၃၀.၉.၂၀၂၃)ရက်နေ့အထိ မန္တလေးတိုင်း‌ဒေသကြီးသို့ (၉၆,၅၀၀)အိတ်၊ ရန်ကုန်တိုင်းဒေသကြီးသို့ (၆၄,၀၀၀)အိတ်၊ မ‌ကွေးတိုင်းဒေသကြီးသို့ (၄,၂၀၀)အိတ်၊ ရှမ်း(တောင်)သို့ (၁၈,၀၀၀)အိတ်၊ ရှမ်း(မြောက်) သို့ (၁၈,၀၀၀)အိတ်၊ နေပြည်တော်သို့ (၂၃,၅၀၀)အိတ်၊ ကချင်ပြည်နယ် သို့ (၁,၂၀၀) အိတ်၊ စုစုပေါင်း (၂၂၅,၄၀၀)အိတ်၊ တန်အားဖြင့် (၁၁,၂၇၀) စီးထွက်ခဲ့သည့်အတွက် ယခင်လနှင့် ယခုလနှိုင်းယှဉ်ပါက ယခုလတွင် အိတ်ရေ(၆၂,၀၀၀)၊ တန်အားဖြင့် (၃,၁၀၀) လျော့နည်း စီးထွက်ခဲ့ပါကြောင်း လေ့လာသိရှိရပါသည်။

DOCA(စစ်ကိုင်း)

     အောင်လံကုန်စည်ဒိုင်တွင် နှမ်းဈေးကွက်အနေဖြင့် သီးနှံအသစ်များဝင်ရောက်လျက်ရှိပြီး နှမ်းနက် (စမုံ)မှာ (၄၅)ပိဿာ(၁)အိတ်လျှင် ယခင်အပတ်(၂၀-၉-၂၀၂၃)ရက်နေ့တွင် ကျပ်(၂၆၀၀၀၀-၃၂၀၀၀၀) ဖြစ်ပြီး ယခုအပတ်(၂၆-၉-၂၀၂၃)ရက်နေ့တွင် ကျပ်(၂၇၀၀၀၀-၃၂၅၀၀၀)ဖြစ်၍ ကျပ်(၅၀၀၀-၁၀၀၀၀) ဈေးမြင့်တက်ခဲ့ပါသည်။ နှမ်းနီ ယခင်အပတ်တွင် ကျပ်(၃၀၀၀၀၀)ဖြစ်ပြီး ယခုအပတ်တွင်လည်း ကျပ် (၃၀၀၀၀၀)၊   နှမ်းဖြူ ယခင်အပတ်တွင် ကျပ်(၃၀၀၀၀၀)ဖြစ်ပြီး ယခုအပတ်တွင်လည်း ကျပ်(၃၀၀၀၀၀) ဖြစ်၍ ဈေးနှုန်းပြောင်းလဲမှုမရှိဘဲ နှမ်းပြာမှာ  ယခုအပတ်တွင် အနည်းငယ်ဝင်ရောက်လျက်ရှိပြီး ကျပ် (၂၇၅၀၀၀)ဖြင့်အရောင်းအဝယ်ရှိခဲ့ကြောင်း၊  အရောင်းအဝယ်ပမာဏအနေဖြင့် (၄၅)ပိဿာဝင်အိတ်များဖြင့် နှမ်းနက်(စမုံ)(၇၇၀၀)အိတ်၊ နှမ်းနီ(၁၂၀)အိတ်၊ နှမ်းဖြူ(၆၀)အိတ်၊ နှမ်းပြာ(၁၀၀)အိတ်တို့ အရောင်းအဝယ် ရှိခဲ့ပါကြောင်း အောင်လံကုန်စည်ဒိုင်မှ သိရှိရပါသည်။

    ပဲမျိုးစုံဈေးကွက်အနေဖြင့် ကုလားပဲ(မြကြေး) (၂၀)ပိဿာ(၁)တင်းလျှင် ယခင်အပတ်တွင် ကျပ်(၉၁၀၀၀)ဖြစ်ပြီး ယခုအပတ်တွင်ကျပ်(၉၁၅၀၀)ဖြစ်၍ ကျပ်(၅၀၀)ဈေးမြင့်ခဲ့ကြောင်း၊ မတ်ပဲ ယခင်အပတ်တွင် ကျပ်(၇၉၀၀၀)ဖြစ်ပြီး ယခုအပတ်တွင် ကျပ်(၈၃၀၀၀)ဖြစ်၍ ကျပ်(၄၀၀၀)စသည်ဖြင့် အသီးသီးဈေးမြင့်ခဲ့ပါသည်။ ပဲတီစိမ်းယခင်အပတ်တွင် ကျပ်(၅၅၀၀၀-၆၀၀၀၀)ဖြစ်ပြီး ယခုအပတ်တွင် ကျပ်(၅၅၀၀၀-၅၉၀၀၀)ဖြစ်၍ ကျပ်(၁၀၀၀)ဈေးလျော့ခဲ့ပြီး ပဲကြီးမှာယခင်အပတ်တွင် ကျပ်(၉၆၀၀၀-၁၀၀၀၀၀)ဖြစ်ပြီး ယခုအပတ်တွင်လည်း ကျပ်(၉၆၀၀၀-၁၀၀၀၀၀)၊ ကုလားပဲ(H-L) ယခင်အပတ်တွင် ကျပ်(၉၃၀၀၀)ဖြစ်ပြီး ယခုအပတ်တွင်လည်း ကျပ်(၉၃၀၀၀)ဖြစ်၍ ဈေးနှုန်းပြောင်းလဲမှုမရှိပဲ  အရောင်း အဝယ်ပမာဏအနေဖြင့်  (၃၀)ပိဿာဝင်အိတ်များဖြင့် ပဲတီစိမ်း(၉၀၀)အိတ်၊ မတ်ပဲ(၂၇၀)အိတ်၊ ကုလားပဲ (H-L)(၁၁၀၀)အိတ်၊ ကုလားပဲ(မြကြေး)(၇၀၀)အိတ်၊ ပဲကြီး(၃၅၀)အိတ်တို့ အရောင်းအဝယ်ဖြစ်ခဲ့ပါသည်။

    မြေပဲလုံးဆံဖြူ(၁)ပိဿာလျှင် ယခင်အပတ်တွင် ကျပ်(၆၆၀၀-၆၇၀၀)ဖြစ်ပြီး ယခုအပတ်တွင် ကျပ်(၆၄၀၀)ဖြစ်၍ ကျပ်(၂၀၀-၃၀၀)ဈေးလျော့ခဲ့ကြောင်း၊ မြေပဲလုံးဆံနီ(၁)ပိဿာလျှင် ယခင်အပတ်တွင် ကျပ်(၈၀၀၀-၈၃၀၀)ဖြစ်ပြီး ယခုအပတ်တွင် ကျပ်(၇၂၀၀)ဖြစ်၍ ကျပ်(၈၀၀-၁၁၀၀)ဈေးလျော့ခဲ့ကြောင်း၊ မြေပဲတောင့်အစို(၁)တင်းလျှင် ယခင်အပတ်တွင်  ကျပ်(၁၈၀၀၀-၂၂၀၀၀)ဖြစ်ပြီး ယခုအပတ် တွင် ကျပ်(၁၈၀၀၀-၂၀၀၀၀)ဖြစ်၍ ကျပ်(၂၀၀၀)စသည်ဖြင့် အသီးသီးဈေးလျော့ခဲ့ပြီး အရောင်းအဝယ်ပမာဏအနေဖြင့် (၃၀)ပိဿာဝင်အိတ်များဖြင့် မြေပဲလုံးဆံဖြူ(၄၈၀)အိတ်၊ မြေပဲလုံးဆံနီ(၂၀၀)အိတ်၊ မြေပဲတောင့် အစိုတင်း(၃၉၀၀)ခန့် အရောင်းအဝယ်ရှိခဲ့ပါကြောင်း၊ နှမ်းသီးနှံနှင့် ပဲတီစိမ်း၊ မြေပဲလုံးဆံနီ၊ မြေပဲလုံးဆံဖြူ၊ မြေပဲတောင့်အစိုတို့မှာ သီးနှံအသစ်များဝင်ရောက်လျက်ရှိပြီး ရန်ကုန်မြို့နှင့်မန္တလေးမြို့များသို့ တင်ပို့ရောင်းချလျက်ရှိကြောင်း အောင်လံကုန်စည်ဒိုင်မှ သိရှိရပါသည်။

DOCA(မကွေး)

          ပြည်ထောင်စုမြန်မာနိုင်ငံတော်၌ လူမျိုးစု(၁၃၅)မျိုးရှိသည့်အနက် ယောလူမျိုးသည်လည်း တစ်ခုအပါအဝင်ဖြစ်ပေသည်။ ယောလူမျိုးတို့သည် ရှေးယခင်မှစ၍ယခုအချိန်ထိ အခြေချနေ ထိုင်ရာဖြစ်သည့်  ယောနကတိုင်း(ရှေးအခေါ်အဝေါ်) ယခုဂန့်ဂေါခရိုင်အတွင်း၌ အများဆုံးနေထိုင် ကြပါသည်။ ယောလူမျိုးတို့သည် ဂန့်ဂေါခရိုင်ရှိ ထီးလင်း၊ ဆော၊ ကျောက်ထုနှင့် ဂန့်ဂေါမြို့နယ် များတွင် အများဆုံးနေထိုင်ကြပါသည်။ ယောလူမျိုးတို့သည် မြန်မာအနွယ်ဝင်ဖြစ်၍ ဒေသအလိုက် ထုံးဓလေ့နှင့် စကားအသုံးအနှုန်းတို့မှာလည်း ခြားနားနေရခြင်းဖြစ်ပေသည်။ ရှေးအခါက ယောနကတိုင်း ဟူသောအမည်ဖြင့် မဇ္ဈိမဒေသမဂဓတိုင်း၊ ရာဇဂြိုဟ်ပြည်ကြီးရှင် ဘုရင်နဂဒါသမင်း၏ သားတော် ဇလာမိက မင်းသားအမှူးပြုသော သကျသာကီဝင်အဆက်အနွယ်တို့ အစပြု၍နေထိုင်ခဲ့ကြသည်ဟုဆိုသည်။

       မြန်မာနိုင်ငံတွင် ဒေသအလိုက်အထင်ကရ(ဒေသထွက်ကုန်) တစ်ခုခုရှိကြပေသည်။ အညာ ဒေသရှိ ပခုက္ကူမြို့နယ်တွင် နှမ်းဖတ်ချဉ်၊ ပုဂံညောင်ဦးမြို့နယ်များတွင် ပုန်းရည်ကြီး၊ မကွေးမြို့တွင်  မကွေးပဲလိပ်၊ မန္တလေးမြို့တွင် မန္တလေးထိုးမုန့် အစရှိသည်ဖြင့် အစားအသောက်များဖြင့် နာမည်ကြီး ပေသည်။ ထို့အတူ ယောဒေသတွင်လည်း ဒေသထွက်ကုန်များရှိပေသည်။ ယောဒေသမှထွက်ရှိသော ယောလုံချည်များမှာ ယောဒေသ၏အထင်ကရအမှတ်အသားဟု ဆိုနိုင်ပေသည်။

        ရှေးယခင်ကယောနယ်၌ အမျိုးသမီးတိုင်းချည်ငင်၊ မဲဆိုး၊ ရက်ကန်းယက် အတတ်ပညာများ ကို တတ်မြောက်ကြရသည်။ ထိုအတတ်ပညာများကိုမတတ်ကျွမ်းပါက အိမ်တွင်းမှုပညာများကို မတတ်သော မိန်းမဖျင်းဟူ၍ အထင်သေးကြပါသည်။ ယောနယ်၏ ပင်နီချောနှင့် ယောထဘီ လုပ်ငန်းသည် ရှေးယခင်ကတည်းကပင် ထင်ရှားကျော်ဇောခဲ့လေသည်။ ယခုအခါတွင် ယောထည် ယက်လုပ်သောလုပ်ငန်းကို ရှေးယခင်ကထက်ပိုမိုတွင်ကျယ်စွာ လုပ်ကိုင်လာကြပါသည်။

       မြန်မာနိုင်ငံတွင် လုံချည်လောကကို တစ်ခေတ်ဆန်းစေခဲ့သော ယောလုံချည်၏ မွေးဖွားရာ ဇာတိမှာ ဂန့်ဂေါခရိုင်ပင် ဖြစ်ပေသည်။ ယောလုံချည်၏ အတိတ်သမိုင်းသည် ခက်ခဲနက်နဲပြီး ယောသူ၊ ယောသားတို့၏ ကြိုးစားအားထုတ်မှု၊ တီထွင်ဖန်တီးမှုများကို ‌တွေ့ရပါသည်။ ကောဇာသက္ကရာဇ် ၁၃၂၀ ခုနှစ် မတိုင်မီကပင် ရက်ကန်းယက်လုပ်ထွန်းကားခဲ့ရာ နောက်ပိုင်းတွင် ယောလုံချည်များ  စတင်ယက်လုပ်လာကြသည်။ ချည်မျှင်ကောင်း မထုတ်လုပ်နိုင်ခြင်းကြောင့် အိန္ဒိယမှ တင်သွင်းသော အိန္ဒိယ(မာစလိုက်ချည်)ဖြင့် ယက်လုပ်ခဲ့ကြသည်။ အရောင်ရရှိရန် မဲနယ်ပင် စိုက်ပျိုး၍ မဲနယ်ရွက်ကို လှောင်အိုးကြီးများဖြင့် ဆေးစပ်ပြီး တစ်ပတ်ခန့် လှောင်ထားကြရသည်။ သို့သော်လည်း အိုးတိုင်း အရောင်မထွက်ပေ။ ဤကဲ့သို့ ခက်ခက်ခဲခဲတီထွင်ကြံဆ၍ ပြုလုပ်ခဲ့ကြပေသည်။

        ယခုအခါ တိုးတက်လာသောခေတ်နှင့်အညီ ပခုက္ကူဘက်မှလာသော ဆေးဆိုးရန် အရောင် အသွေးစုံကို ဝယ်ယူ၍ ပြုလုပ်လာကြပါသည်။ ပထမဆုံး တီထွင်ခဲ့သည့် အပွင့်အဆင်များမှာ မင်းကြီး၊

ကောင်စီ၊ ချည်ကွင်း စသည့်အဆင်များဖြစ်သည်။ လုံချည်ထည်များတွင် ချိတ်လုံချည်၊ အပွင့်အဆင် များမှာ နှင်းဆီပွင့်၊ စံပယ်ပွင့်၊ ကြာပွင့်၊ သဇင်နွယ် စသည့်ဖြင့် ခေတ်နှင့်အညီ အပွင့်အဆင်များကို တီထွင်ဆန်းသစ်၍ ယက်လုပ်လာကြသည်ကိုလည်း တွေ့ရှိရပါသည်။ အမျိုးသားဝတ် ပုဆိုးအဆင်များမှာလည်း အပွင့်အဆင်ဆန်းများဖြင့် ယက်လုပ်နေကြပြီဖြစ်သည်။ ယောလုံချည်တွင် အကွင်းကို ကန့်လန့်ဖြတ်ထားသော အမိတ်တွင် “GANGAW SPECIAL” “HTILIN SPECIAL”ဟူသော အသား တံဆိပ်သည် မပြောင်းလဲဘဲ အစဉ်အမြဲရပ်တည်နေသော တံဆိပ် ဖြစ်ပေသည်။ အပွင့်ဖောက်ခြင်း၊ စာတန်းဖော်ခြင်းများသည် ရက်ကန်းစင်တွင် အဆုံးသတ်ရပါသည်။ ယခုအခါတွင် လုံချည်သာမက အင်္ကျီ၊ လွယ်အိတ်များပါ ယက်လုပ်လာကြပါသည်။

        ယခုအခါ နာမည်ကြီးလုံချည် တံဆိပ်များကပင် ကောင်းသတင်းကျော်ဇောသော ယောလုံချည် ၏မူရင်းဒီဇိုင်းကို အတုခိုးပြီး စက်ဖြင့်ယက်လုပ်လာကြသော်လည်း အိန္ဒိယမှတင်သွင်းသော ချည်သား၊ ယောသူ၊ယောသားတို့၏ ရက်ကန်းအတတ်ဖြင့် ပေါင်းစပ်ထားသော အရည်အသွေးကိုကား မှီနိုင်ကြမည်မဟုတ်ပေ။ ထို့ကြောင့် ယောဒေသ ယောလူမျိုးများ၏ ဝတ်စုံကို တိုင်းရင်းသားလူမျိုး များပြခန်းနှင့် အခြားတိုင်းရင်းသား လူမျိုးများနည်းတူပြသခွင့်ရသည့်နေရာ (၃) ခုရှိနေပြီဖြစ်သည်။ ထို့ကြောင့် အများအမြင်မှာ ယောဟူသော လူမျိုးနှင့်ယောတို့၏ရိုးရာ၊ ယောဒေသထွက် ပင်နီချောနှင့် ယောချိတ်ထဘီကို သိခွင့်ရကြပြီဖြစ်သည်။ ယောရိုးရာဝတ်စုံကို ရန်ကုန်မြို့၊ မန္တလေးမြို့၊နေပြည် တော်မြို၏ တိုင်းရင်းသားလူမျိုးရေးရာဝန်ကြီးဌာနတွင်လည်းသွားရောက်၍ လေ့လာနိုင်ပေသည်။

     ယခုအခါတွင် ယောပုဆိုးတစ်ထည်လျှင် ကျပ်(၃၀၀၀၀)ဝန်းကျင်ခန့် ရောင်းချကြပြီး၊ ယောလုံချည်တစ်ထည်လျှင် ကျပ်(၁၆၀၀၀)ဝန်းကျင်ခန့်၊ အမျိုးသမီးဝတ်ဝမ်းဆက်တစ်စုံလျှင် ကျပ် (၂၅၀၀၀မှ၂၈၀၀၀)ခန့် ရောင်းချနေကြပြီဖြစ်သည်။ အမျိုးသမီးဝတ်ချိတ်လုံချည်တစ်ကွင်းလျှင် ကျပ်(၃၀၀၀၀မှ ၃၅၀၀၀)ခန့်၊ ချိတ်ဝမ်းဆက်တစ်စုံလျှင် ကျပ်(၄၅၀၀၀ မှ ၅၅၀၀၀)အထိ ဈေးကွက် တွင် ရောင်းချနေကြပြီဖြစ်သည်။ ထို့ကြောင့် ယခုအခါတွင်ဈေးကောင်းရသောကြောင့်  ဈေးကွက် ဝင်ယောထည်များကို ဂန့်ဂေါ၊ ထီးလင်း၊ ပျားရွာစသည့်မြို့နယ်များတွင် ယခင်ကထက်ပိုမို တွင်ကျယ်စွာယက်လုပ်နေကြကြောင်း လေ့လာသိရှိရပါသည်။

DOCA(မကွေး)

      ပခုက္ကူကြက်သွန်နီ ကုန်ဝယ်ဒိုင်တွင် နယ်မှဝင်ရောက်မှုမှာနည်းပါးနေပြီး မြိုပေါ်ရှိကြက်သွန်နီ လက်ကျန်များသာ အရောင်းအဝယ်ဖြစ်နေကြောင်း ကြက်သွန်နီကုန်စည်ဒိုင်မှ သိရှိရပါသည်။  ၂၀၂၃ခုနှစ်၊ စက်တင်ဘာလ(တတိယပတ်)တွင်  ကြက်သွန်နီဈေးမှာလည်း ယခင်အပတ်ထက်  တစ်ပိဿာလျှင် ကျပ်(၂၀၀-၂၅၀)ဈေးနှုန်းကျဆင်းခဲ့ပါသည်။

          ၂၀၂၃ခုနှစ်၊ စက်တင်ဘာလ(တတိယပတ်)တွင် အရောင်းအဝယ်ဖြစ်ပေါ်ခဲ့သည့်ဈေးမှာ အရည်အသွေးပေါ်မူတည်၍  ထိပ်စတစ်ပိဿာ လျှင် ကျပ်(၂၆၀၀)၊ အလတ်စ တစ်ပိဿာလျှင် ကျပ် (၂၄၀၀)၊ အနိမ့်စ တစ်ပိဿာလျှင် ကျပ်(၂၀၀၀ မှ ၁၉၀၀)ဖြစ်ပြီး ကြက်သွန်နီကာလာပျက်    တစ်ပိဿာလျှင် ကျပ်(၂၄၅၀- မှ ၂၃၀၀)၊ အခွံကျွတ်အမဲစ တစ်ပိဿာလျှင် ကျပ်(၂၀၀၀)၊ အကျ တစ်ပိဿာလျှင် ကျပ်(၇၀၀ မှ ၁၀၀၀)ဖြစ်ပြီး နေ့စဉ်ကုန်ချိန်အဝင်မှာလည်း ယခင်ရက်များက  (၅၀၀၀၀ မှ ၁၀၀၀၀၀)ထိ အရောင်းအဝယ်ဖြစ်နေကြောင်း ယခုရက်များတွင်  ကုန်အဝင်မှာ (၁၀၀၀၀ မှ ၃၀၀၀၀)ကျော်ထိသာ အရောင်းအဝယ်ဖြစ်နေကြောင်း တင်ပို့မှုအနေဖြင့် ပြည်တွင်း၌ သာတင်ပို့နေကြောင်း ကုန်သည်များထံမှ သိရှိရပါသည်။

DOCA(မကွေး)