ပြည်တွင်းကုန်သွယ်မှုသတင်း

         ပဲခူးတိုင်းဒေသကြီး၊ တောင်ငူမြို့တွင် ယခင်အပတ်က 92 RON တစ်လီတာလျှင် ၂၄၅၀ ကျပ်၊ 95 RON တစ်လီတာလျှင် ၂၅၈၀ ကျပ်၊ ဒီဇယ် တစ်လီတာလျှင် ၂၆၁၅ ကျပ်နှင့် ပရီမီယံဒီဇယ် တစ်လီတာလျှင် ၂၆၉၀ ကျပ်ရှိပါသည်။

        ယခုအပတ်တွင် တောင်ငူမြို့ ဖြိုးဝေကျော်စက်သုံးဆီဆိုင်၌ 92 RON တစ်လီတာလျှင် ၂၃၂၅ ကျပ်၊ 95 RON တစ်လီတာလျှင် ၂၄၃၅ ကျပ်၊ ဒီဇယ် တစ်လီတာလျှင် ၂၆၂၀ ကျပ်နှင့် ပရီမီယံဒီဇယ် တစ်လီတာလျှင် ၂၆၉၅ ကျပ်ရှိပါသည်။

       အုတ်တွင်းမြို့ Petro K စက်သုံးဆီအရောင်းဆိုင်တွင်  92 RON တစ်လီတာလျှင် ၂၃၂၅ ကျပ်၊ 95 RON တစ်လီတာလျှင် ၂၄၃၅ ကျပ်၊ ဒီဇယ် တစ်လီတာ လျှင် ၂၆၂၅ ကျပ်နှင့် ပရီမီယံဒီဇယ် တစ်လီတာလျှင် ၂၇၀၀ ကျပ် ရှိပါသည်။

       ရေတာရှည်မြို့ အောင်မေတ္တာ စက်သုံးဆီအရောင်းဆိုင်တွင်  92 RON တစ်လီတာလျှင် ၂၃၃၀ ကျပ်၊ 95 RON တစ်လီတာလျှင် ၂၄၄၀ ကျပ်၊ ဒီဇယ် တစ်လီတာလျှင် ၂၆၃၀ ကျပ်နှင့် ပရီမီယံဒီဇယ် တစ်လီတာလျှင် ၂၇၀၅ ကျပ် ရှိပါသည်။

      သို့ဖြစ်၍ ယခုအပတ်တွင် 92 RON မှာ တစ်လီတာလျှင် ၁၂၅ ကျပ်၊ 95 RON တစ်လီတာလျှင် ၁၄၅ ကျပ် ဈေးနှုန်းကျဆင်းပြီး ဒီဇယ်နှင့် ပရီမီယံဒီဇယ်မှာ တစ်လီတာလျှင် ၅ ကျပ် မြင့်တက်ကြောင်း သိရပါသည်။

DOCA(ပဲခူး)

   စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်းဒေသကြီးဦးစီးမှူး၏လမ်းညွှန်မှုနှင့် ခရိုင်ဦးစီးမှူး၏ကြီးကြပ်မှုတို့ဖြင့် ပခုက္ကူခရိုင်ဦးစီးမှူးရုံးမှ ဒေါ်သူဇာကျော်(ဒု-ဦးစီးမှူး)သည် ပြည်တွင်းအသေးစားစက်မှုလက်မှုလုပ်ငန်းကဏ္ဍဖွံ့ဖြိုးတိုးတက်ရေးအတွက် (၂၅-၉-၂၀၂၃)ရက်နေ့၊ နံနက် (၁၀:၀၀)နာရီအချိန်တွင် "လဝန်း" ပဲကြော်လုပ်ငန်းရှင်နှင့်တွေ့ဆုံမေးမြန်းခဲ့ပါသည်။

    ပခုက္ကူမြို့တွင် ဒေသအစားအစာတစ်ခုဖြစ်သည့် ပဲကြော်လုပ်ငန်းမှာ လူကြိုက်များ၍ ရောင်းအားကောင်းလျက်ရှိကြောင်းသိရှိရပါသည်။ ပဲကြော်လုပ်ငန်းရှင်နှင့် လတ်တလောပဲကြော် လုပ်ငန်း၏အခြေအနေကိုမေးမြန်းရာ ပဲကြော်လုပ်ငန်းတွင် ပဲကြီးကိုသာအသုံးပြုပြီး ပဲကြီးကို မုံရွာမြို့မှဝယ်ယူရကြောင်း၊ တစ်တင်းလျှင်  ပခုက္ကူမြို့အရောက် ကျပ်(၁၁၀၀၀၀) ပေးရပါကြောင်း၊ ပဲမကြော်မီ တစ်ညရေစိမ်ပြီးမှသာ အခွံချွတ်ရကြောင်း၊ တစ်တင်းခွဲအိတ်တစ်အိတ်လျှင် ကျပ် (၁၂၀၀၀) ပဲချွတ်ခပေးရပြီး ပဲချွတ်သည့်လုပ်သားတစ်ဦးမှာ တစ်နေ့လျှင် (၁၀)ပြည်ခန့်ပြီး၍  မိသားစုလိုက်ပဲချွတ်လျှင် တစ်အိတ်ခန့်ပြီးကြောင်း၊ ပဲကြော်လုပ်ငန်းများ အဆင်ပြေစွာလည်ပတ်နိုင်လျှင် ပဲချွတ်သည့်မိသားစုများမှာ အလုပ်အကိုင်အခွင့်အလမ်းများ အဆင်ပြေနိုင်ကြောင်း၊ ပဲကြော်ကို ဝါစေ့ဆီဖြင့်ကြော်ပြီး ဆီတစ်ပိဿာလျှင် ကျပ်(၉၅၀၀)ပေးရကြောင်း၊ တစ်တင်းခွဲအိတ်တစ်အိတ်ကြော်လျှင် ပဲကြော်(၂၆)ပိဿာခန့်ထွက်ရှိကြောင်း၊ လုပ်သားအနေဖြင့် (၇)ဦးခန့်ရှိပြီး လုပ်အားခကို အမျိုးသားတစ်ဦးလျှင် ကျပ်(၁၀၀၀၀)၊ အမျိုးသမီးတစ်ဦးလျှင် ကျပ်(၆၀၀၀)ပေးရကြောင်း၊ ဈေးကွက်အနေဖြင့် ယခင်တွင် မြိုင်နယ်သို့အဓိကထားပို့ကြောင်း၊ ယခုလတ်တလောအခြေအနေအရ တင်ပို့မှုမရှိဘဲ ပခုက္ကူမြို့တွင်းသာရောင်းချရကြောင်း၊ အကျိုးအမြတ်အနေဖြင့် ပဲကြော်တစ်တင်းခွဲအိတ်တစ်အိတ်လျှင် ကျပ်(၁၅၀၀-၂၀၀၀)ခန့်သာကျန်ရှိကြောင်း ပဲကြော်လုပ်ငန်းရှင်တစ်ဦး၏ပြောပြချက်အရသိရှိရပါသည်။

DOCA(မကွေး)

   ကသာမြို့နယ်အတွင်း ၂၀၂၃-ခုနှစ် စက်တင်ဘာလ နောက်ဆုံးအပတ်အတွင်း  ဈေးကွက်အသီးသီး၌ ရောင်းချလျက်ရှိသော ဆန်ဈေးနှုန်းများမှာ ရွှေဘိုပေါ်ဆန်းတစ်အိတ်လျှင် (၁၅၅၀၀၀)ကျပ်၊ ဧရာမင်းဆန်တစ်အိတ် (၁၂၀၀၀၀)ကျပ်၊ ဧည့်မထ(ဆင်း-၃) တစ်အိတ်လျှင် (၉၀၀၀၀)ကျပ်ဖြင့် ရောင်းချလျက်ရှိပြီး စားသုံးဆီဈေးနှုန်းမှာ မြေပဲဆီတစ်ပိဿာ (၁၅၀၀၀)ကျပ်၊ နှမ်းဆီ တစ်ပိဿာ (၁၅၀၀၀) ကျပ်ရှိကြောင်း သိရသည်။ စက်တင်ဘာလ တတိယအပတ်ရှိ ဈေးနှုန်းများနှင့် နှိုင်းယှဉ်ကြည့်ပါက စားသုံးဆီဈေးနှုန်းများမှာ တည်ငြိမ်လျက်ရှိပြီး ဆန်ဈေးနှုန်းများမှာ ရွှေဘိုပေါ်ဆန်းဈေးနှုန်းမှာ (၁၂၀၀၀) ကျပ်ခန့်မြင့်တက်လာပြီး ကျန်ဆန်ဈေးနှုန်းများမှာ တည်ငြိမ်လျက်ရှိသည်ကို သိရှိရသည်။

    စားဖိုဆောင်သီးနှံ လက်လီဈေးနှုန်းများမှာ ကြက်သွန်နီ (အသစ်) အလုံး (အသေး/အကြီး) ပေါ် မူတည်၍ တစ်ပိဿာ (၃၇၀၀မှ ၄၂၀၀)ကျပ်၊ ကြက်သွန်ဖြူ(ရှမ်း) တစ်ပိဿာ (၁၂၀၀၀) ကျပ်၊ အာလူး တစ်ပိဿာ (၃၅၀၀)ကျပ်၊ ခရမ်းချဉ်သီးတစ်ပိဿာ အလုံး အသေး/အကြီးပေါ် မူတည်၍ (၃၅၀၀ မှ ၃၈၀၀)ကျပ်၊ ဂျင်းတစ်ပိဿာ (၁၀၀၀၀) ကျပ်၊ ကုလားပဲ တစ်ပိဿာ (၆၈၀၀)ကျပ်၊ ပဲနီလေး တစ်ပိဿာ (၈၀၀၀)ကျပ်၊ ငရုတ်သီးခြောက်(ပု) တစ်ပိဿာ (၂၅၀၀၀) ကျပ်၊ ငရုတ်(စို) တစ်ပိဿာ (၄၅၀၀)ကျပ် ဖြင့် ရောင်းချလျက်ရှိသည်။

     အသား /ငါး ဈေးနှုန်းများမှာ ကြက်သား(CP) တစ်ပိဿာ (၁၀၀၀၀ မှ ၁၁၀၀၀)ကျပ်၊ ဝက်သား တစ်ပိဿာ (၂၂၀၀၀) ကျပ်၊ အမဲသား တစ်ပိဿာ(၁၆၀၀၀)ကျပ်၊ ဆိတ်သားတစ်ပိဿာ (၂၄၀၀၀) ကျပ် နှင့် ငါးကြင်း တစ်ပိဿာ(၉၀၀၀)ကျပ်၊ ကြက်ဥတစ်လုံး အလုံး (အသေး/အကြီး)ပေါ် မူတည်၍ (၂၆၀/ ၂၈၀/၃၀၀)ကျပ်နှင့် ဘဲဥတစ်လုံး(၃၅၀)ကျပ်ဖြင့် ရောင်းချလျက်ရှိသည်။ အခြေခံစားသောက်ကုန် ဈေးနှုန်းများမှာ စက်တင်ဘာလ တတိယအပတ်ရှိ ဈေးနှုန်းများနှင့် နှိုင်းယှဉ်ကြည့်ပါက ငရုတ်(စို) ဈေးနှုန်းမှာ ကျပ်(၅၀၀)ခန့် ကျဆင်းကာ အသား/ငါးဈေးနှုန်းနှင့် ကျန်အခြေခံစားသောက်ကုန်များမှာ ဈေးနှုန်းတည်ငြိမ်လျက်ရှိကြောင်း သိရှိရသည်။

DOCA(စစ်ကိုင်း)

       အင်းစိန်မြို့နယ်ရှိ တညင်းကုန်းလက်ကားဈေးကြီးအတွင်းသို့  ၂၀၂၃ခုနှစ်၊ စက်တင်ဘာလ (၂၀) ရက်နေ့မှ စက်တင်ဘာလ(၂၆)ရက်အတွင်း ညောင်တုန်း၊ မှော်ဘီ၊ သာရဝေါ၊ ညောင်နှစ်ပင် ကျေးရွာ၊ ကြာကန်စု ကျေးရွာ၊ နေပြည်တော်၊ တပ်ကုန်း၊ ရွှေဒါး၊  မင်္ဂလာဒုံ၊ အင်းစိန်၊ ခရမ်း၊ သုံးခွ၊ ပြည်၊ လက်ပံတန်း၊ မင်းလှ၊ ဝါးနက်ချောင်း၊ မော်လမြိုင်၊ မန္တလေး၊ အုတ်ဖိုနှင့် ရှမ်းပြည်နယ်တို့မှ ဟင်းသီးဟင်းရွက်နှင့် သစ်သီးဝလံပန်းမန်များ အများဆုံးဝင်ရောက် ရောင်းချလျက်ရှိပါသည်။ ထိုသို့ဝင်ရောက်ရာတွင် ယခုရက်သတ္တပတ် အတွင်း ခရမ်းချဉ်သီး ထိုင်ဝမ်(ပိဿာ)ကျပ် ၁၀၀၀ မှ ၂၂၀၀ အတွင်း၊ ဂေါ်ဖီထုပ်(တစ်ထုပ်)ကျပ် ၃၀၀ မှ ၁၀၀၀ အတွင်း၊ ပန်းဂေါ်ဖီ(ထုပ်)ကျပ် ၅၀၀ မှ ၁၅၀၀ အတွင်း၊ အာလူး(ပိဿာ)ကျပ် ၁၉၀၀ မှ ၂၃၀၀ အတွင်း၊ မုန်လာဥနီ(ပိဿာ) ကျပ် ၃၅၀၀ မှ ၄၀၀၀ အတွင်း ရွှေဖရုံသီး(လုံး)ကျပ် ၂၀၀၀ မှ ၅၀၀၀ အတွင်း၊ ဘူးသီး(လုံး) ကျပ် ၈၀၀ မှ ၂၀၀၀ အတွင်း၊ မုန်ညှင်း(ထုပ်)(ပိဿာ)ကျပ် ၂၂၀၀ မှ ၃၆၀၀ အတွင်း၊ ကြက်သွန်နီ(ဆိပ်ဖြူ)ကျပ် ၂၅၀၀ မှ ၃၀၀၀ အတွင်း၊ ကြက်သွန်ဖြူ (ရှမ်း)(ပိဿာ)ကျပ် ၇၅၀၀ မှ ၈၀၀၀ အတွင်း၊ ကြက်သွန်ဖြူ (ကြူကုတ်) (ပိဿာ) ကျပ် ၇၀၀၀ မှ ၇၈၀၀ အတွင်း၊ ချင်း(ပိဿာ)ကျပ် ၅၀၀၀ မှ ၇၀၀၀ အတွင်း၊ ဆလပ်ရွက် (စည်း) ကျပ် ၂၀၀ မှ ၃၀၀ အတွင်း၊ ချဉ်ပေါင်ရွက်(စည်း) ကျပ် ၅၀ မှ ၁၅၀ အတွင်း၊ ခရမ်းသီး  (ရှည်) (ပိဿာ)ကျပ် ၁၂၀၀ မှ ၂၂၀၀ အတွင်း၊ သံပရာသီး(လုံး)ကျပ် ၄၀ မှ ၁၀၀ အတွင်း၊ ငရုတ်သီးစိမ်း (ကျောက်စိမ်း) (ပိဿာ)ကျပ် ၈၀၀ မှ ၁၈၀၀ အတွင်း၊ ဖရဲသီး (အကြီး၊ အလတ်၊ အသေး)ကျပ် ၁၅၀၀ မှ ၄၅၀၀ အတွင်း အရောင်းအဝယ်ဖြစ်လျက်ရှိပါသည်။ တညင်းကုန်းလက်ကားဈေးကြီးအတွင်းသို့ ယခုရက်သတ္တပတ်အတွင်း သံပုရာသီးအလုံးပေါင်း (၄၂၇၈၅၀)ကျော်၊ ခရမ်းသီး(ရှည်) (ပိဿာ) (၁၈၂၄၀)ကျော်၊ ဘူးသီးအလုံးပေါင်း (၁၂၃၀)ကျော်၊ ရွှေဖရုံသီးအလုံးပေါင်း (၁၂၃၄၅)ကျော်၊ ဂေါ်ဖီထုပ်ပေါင်း (၅၅၂၀၀)ကျော်၊ ပန်းဂေါ်ဖီထုပ်ပေါင်း (၃၇၅၀၀)ကျော်၊ မုန်ညှင်းထုပ် (ပိဿာ) ပေါင်း (၉၄၉၅)ကျော်၊ ဖရဲသီးလုံးပေါင်း (၁၃၆၀၀)ကျော်  အသီးသီးကုန်အဝင်ရှိကြောင်း သိရပါသည်။

DOCA(ရန်ကုန်)

   ၃.၁၀.၂၀၂၃ ရက်နေ့တွင်  တိုင်းဒေသကြီး/ပြည်နယ်များ၏ စပါးဆန် ဈေးနှုန်းများအား ယခင်နှစ်၊ ယခင်လ၊ ယနေ့ ကာလတူ နှိုင်းယှဉ်ပြုစုတင်ပြအပ်ပါသည်။