ပြည်တွင်းကုန်သွယ်မှုသတင်း

        စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံး အနေဖြင့်စားသုံးသူကာကွယ်ရေးလုပ်ငန်းများအပြင် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများ ဆောင်ရွက်လျက်ရှိပြီး ပုဂ္ဂလိကကဏ္ဍဖွံ့ဖြိုးတိုးတက်ရေးအတွက် စီးပွားရေးလုပ်ငန်းရှင်များနှင့်တွေ့ဆုံ၍ အခြေခံစားကုန်ဈေးနှုန်းများ၊ ဓါတ်မြေဩဇာနှင့် ပိုးသတ်ဆေးဈေးနှုန်းများအား အပတ်စဉ်တင်ပြလျက်ရှိပါသည်။

          ရွှေဘိုခရိုင်အနေဖြင့် စိုက်ပျိုးရေးကို အဓိကဆောင်ရွက်သော ခရိုင်တစ်ခုဖြစ်သဖြင့် စိုက်ပျိုးရေးလုပ်ငန်းတွင် အဓိကအသုံးပြုရသည့် ဓါတ်မြေဩဇာနှင့် ပိုးသတ်ဆေးဈေးနှုန်းများကို အရောင်းဆိုင်များမှ တာဝန်ရှိသူများနှင့် ဆက်သွယ်မေးမြန်းခဲ့ရာ၂၀၂၃ ခုနှစ် စက်တင်ဘာလ၊ တတိယပတ်တွင် ရွှေဘိုမြို့၌ရောင်းချလျက်ရှိသော ဓါတ်မြေဩဇာဈေးနှုန်းများမှာ အာမို၊ ကျွဲနက်တံဆိပ် (၁၅:၁၅:၁၅)ကွန်ပေါင်း ဓါတ်မြေဩဇာ 50kgတစ်အိတ်လျှင်(၁၅၆၀၀ဝိ/-)ကျပ်၊ MCတံဆိပ် (၁၅:၁၅:၁၅) ကွန်ပေါင်းဓါတ်မြေဩဇာ 50kg တစ်အိတ်လျှင် (၁၄၀၀၀ဝိ/-)ကျပ်၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာ50kg တစ်အိတ်လျှင်(၇၀၀၀ဝိ/-)ကျပ်၊ အာမို၊ ပုလဲတံဆိပ် ကွန်ပေါင်းဓါတ်မြေဩဇာ 50kg တစ်အိတ်လျှင်(၈၃၀၀ဝိ/-)ကျပ်၊ ပန်းဖူးတံဆိပ် ဓါတ်မြေဩဇာ 50kgတစ်အိတ်လျှင်(၈၀၀၀ဝိ/-)ကျပ် ဖြစ်ပြီး ပိုးသတ်ဆေးဈေးနှုန်းများမှာ ရှောင်လင်တံဆိပ် ထိသေ/စားသေ (အဆိပ်ငွေ့) 1Liter တစ်ဘူးလျှင် (၁၅၅၀ဝိ/-)၊ ဒီမွန် 1.8တံဆိပ် ထိသေ/စားသေ(အဆိပ်ငွေ့) 500cc တစ်ဘူးလျှင် (၁၂၅၀ဝိ/-)၊ ငှက်ကြီးတောင်တံဆိပ် ထိသေ/စားသေ(အဆိပ်ငွေ့) 250cc တစ်ဘူးလျှင် (၂၈၅၀ဝိ/-)၊ ဇိုင်ကလုံးတံဆိပ် ပင်လုံးပြန့် 1Liter တစ်ဗူးလျင်(၂၉၅၀ဝိ/-)၊ အင်ဖာနိုတံဆိပ် ပင်လုံးပြန့် 500g တစ်ဘူးလျှင် (၉၀၀ဝိ/-)ဖြစ်ကြောင်း၊ ယခုတစ်ပတ်တွင် ယခင်အပတ်ထက် အာမို၊ကျွဲနက်တံဆိပ် (၁၅:၁၅)ကွန်ပေါင်း ဓါတ်မြေဩဇာတစ်အိတ်လျှင် (၁၂၀၀ဝိ/-)၊ MCတံဆိပ်(၁၅:၁၅:၁၅) ကွန်ပေါင်းဓါတ်မြေဩဇာ တစ်အိတ် လျှင်(၂၀၀၀ဝိ/-) ကျပ် ၊ ဇာမဏီတံဆိပ်(၁၃:၅:၇) ကွန်ပေါင်းဓါတ်မြေဩဇာတစ်အိတ်လျှင်(၄၅၀ဝိ/-) ကျပ် ၊  အာမို၊ ပုလဲ တံဆိပ်ကွန်ပေါင်းဓါတ်မြေဩဇာ တစ်အိတ်လျှင်(၂၅၀ဝိ/-)နှင့် ပန်းဖူးတံဆိပ်ဓါတ်မြေဩဇာတစ်အိတ်လျှင် (၂၀၀ဝိ/-)ကျပ် အသီးသီးဈေးနှုန်းမြှင့်တက်ခဲ့ပြီး ပိုးသတ်ဆေးဈေးနှုန်းများမှာ ယခင်အပတ်ဈေးနှုန်းများအတိုင်း အတက်၊အကျမရှိဘဲ ဈေးငြိမ်နေကြောင်း၊  အရောင်းအဝယ်ဖြစ်မှုအနေဖြင့် ယခင်အပတ်ကဲ့သို့ အရောင်းအဝယ်ဖြစ်လျက်ရှိကြောင်း သတင်းရရှိပါသည်။

DOCA(စစ်ကိုင်း)

    တောင်ငူမြို့ ညောင်ပင်လေးဈေးရှိ ဟင်းသီးဟင်းရွက်ဈေးတွင် ငရုပ်သီးစိမ်း (ကျောက်စိမ်းသီး)မှာ တစ်ပိဿာလျှင် ၂၅၀၀ ကျပ်မှ ၃၀၀၀ ကျပ်ဖြင့် ဈေးနှုန်းတည်ငြိမ်နေပြီး ငရုပ်သီးစိမ်း (မိုးထောင်သီး)မှာ ယခင်အပတ်က တစ်ပိဿာလျှင် ၆၀၀၀ ကျပ်မှ ၇၀၀၀ ကျပ် ရှိရာမှ ယခုအပတ်တွင် တစ်ပိဿာလျှင် ၄၀၀၀ ကျပ်မှ ၅၀၀၀ ကျပ်အထိ၊ ကုလားအော်သီးမှာ ယခင်အပတ်က တစ်ပိဿာလျှင် ၁၆၀၀၀ ကျပ်မှ ၁၈၀၀၀ ကျပ်အထိရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် ၁၃၀၀၀ ကျပ်မှ ၁၅၀၀၀ ကျပ်အထိဖြင့် ဈေးနှုန်းအနည်းငယ် ကျဆင်းပါသည်။        

     ခရမ်းသီး (အဖြူ)မှာ ယခင်အပတ်က တစ်ပိဿာလျှင် ၁၀၀၀ ကျပ်မှ ၁၅၀၀ ကျပ် ရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် ၁၇၀၀ ကျပ်မှ ၂၂၀၀ ကျပ်အထိ၊ ခရမ်းသီး(အညို)မှာ ယခင်အပတ်က တစ်ပိဿာလျှင် ၁၂၀၀ ကျပ်မှ ၁၇၀၀ ကျပ်အထိရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင်  ၂၂၀၀ ကျပ်မှ ၂၅၀၀ ကျပ်အထိဖြင့် ဈေးနှုန်းတက်ပါသည်။

    ဒေသသခွားသီးမှာ ယခင်အပတ်က တစ်ပိဿာလျှင် ၁၁၀၀ ကျပ်မှ ၁၃၀၀ ကျပ်ရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် ၁၂၀၀ ကျပ်မှ ၁၅၀၀ ကျပ်အထိ၊ ရှမ်းပြည်သခွားသီးမှာ ယခင်အပတ်က တစ်ပိဿာလျှင် ၁၃၀၀ ကျပ်မှ ၁၅၀၀ ကျပ်အထိရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် ၁၅၀၀ ကျပ်မှ ၁၈၀၀ ကျပ်အထိဖြင့် ဈေးနှုန်းအနည်းငယ်တက်ပါသည်။

   ခရမ်းချဉ်သီး(ရှမ်းပြည်သီး)မှာ ယခင်အပတ်က တစ်ပိဿာလျှင် ၁၄၀၀ ကျပ်မှ ၂၀၀၀ ကျပ်ရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် ၂၀၀၀ ကျပ်မှ ၃၂၀၀ ကျပ်အထိဖြင့် ဈေးနှုန်းအနည်း ငယ်တက်သွားပြီး ခရမ်းချဉ်သီး (ဒေသသီး)မှာ တစ်ပိဿာလျှင် ၃၂၀၀ ကျပ်မှ ၃၅၀၀ ကျပ်အထိ ဖြင့် ဈေးနှုန်းတည်ငြိမ်နေပါသည်။

     နံနံပင်မှာ တစ်ဆယ်ကျပ်သားလျှင် ၄၀၀ ကျပ်ဖြင့် ဈေးနှုန်းတည်ငြိမ်နေပြီး မုန်ညှင်းဖြူမှာ ယခင်အပတ်က တစ်ပိဿာလျှင် ၁၈၀၀ ကျပ်မှ ၂၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၅၀၀ ကျပ်မှ ၁၈၀၀ ကျပ်ဖြင့် ဈေးနှုန်းအနည်ငယ်ကျဆင်းပြီး မုံလာဥဖြူမှာ ယခင်အပတ်က တစ်ပိဿာလျှင် ၁၆၀၀ ကျပ်မှ ၂၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၂၀၀၀ ကျပ်မှ ၂၅၀၀ ကျပ်အထိ၊  မုံလာဥနီမှာ ယခင်အပတ်က တစ်ပိဿာလျှင် ၂၅၀၀ ကျပ်မှ ၂၈၀၀ ကျပ်အထိရှိရာမှ ယခုအပတ်တွင် တစ်ပိဿာလျှင် ၄၀၀၀ ကျပ်မှ ၅၀၀၀ ကျပ်အထိဖြင့် ဈေးနှုန်း အနည်းငယ်တက်ပါသည်။

   ကန်စွန်းရွက်မှာ တစ်စည်း ၁၅၀ ကျပ်၊ ၁၀ စည်းယူလျှင် ၁၂၀၀ ကျပ်၊ ချဉ်ပေါင်ရွက်မှာ တစ်စည်း ၁၀၀ ကျပ်၊ ၁၀ စည်းယူလျှင် ၇၀၀ ကျပ်၊ ကင်မွန်းချဉ်ရွက်မှာ တစ်စည်းလျှင် ၂၀၀ ကျပ်၊ ၁၀ စည်းယူလျှင် ၁၈၀၀ ကျပ်ရှိကြောင်း သိရပါသည်။

DOCA(ပဲခူး)

     တောင်ငူမြို့တွင် ၂၀၂၃ခုနှစ်၊ စက်တင်ဘာလ တတိယပတ်တွင် ရွှေဘိုပေါ်ဆန်းမှာ တစ်အိတ်လျှင် ၁၄၀၀၀၀ ကျပ်၊ ဖျာပုံပေါ်ဆန်းမှာ ယခင်အပတ်က တစ်အိတ်လျှင် ၁၃၀၀၀၀ ကျပ်၊ ဒေသ ပေါ်ဆန်းမှာ တစ်အိတ်လျှင် ၁၂၀၀၀၀ ကျပ်ဖြင့် ဈေးနှုန်းတည်ငြိမ်နေပါသည်။ ဧည့်မထ (မိုးဆန်)မှာ စက်တင်ဘာလ တတိယပတ်တွင် တစ်အိတ်လျှင် ၈၂၀၀၀ ကျပ်မှ ၈၆၀၀၀ ကျပ်၊ ဧည့်မထ (နွေဆန်)မှာ တစ်အိတ်လျှင် ၆၇၀၀၀ ကျပ်ရှိပါသည်။

       မိုးစပါးမှာ ယခင်အပတ်က တင်း ၁၀၀ လျှင် ၂၃၀၀၀၀၀ ကျပ်မှ ယခုစက်တင်ဘာလ တတိယပတ်တွင် ၂၂၀၀၀၀၀ ကျပ်၊ နွေစပါးမှာ ယခင်အပတ်က တင်း ၁၀၀ လျှင် ၂၀၀၀၀၀၀ ကျပ်မှ စက်တင်ဘာလ တတိယပတ်တွင် ၁၈၀၀၀၀၀ ကျပ်ဖြင့် ဈေးနှုန်းအနည်းငယ် ကျဆင်း ပါသည်။

     စက်တင်ဘာလ တတိယပတ်တွင် ဆန်ကွဲကြီး တစ်အိတ်လျှင် ၄၈၀၀၀ ကျပ်၊ ဆန်ကွဲသေး တစ်အိတ်လျှင် ၄၅၀၀၀ ကျပ်၊ ဖွဲနုမှာ ၂၉၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

   မတ်ပဲ(၃၀ ပိဿာအိတ်) ယခင်အပတ်က တစ်အိတ်လျှင် ၁၁၇၀၀၀ ကျပ်ရှိရာမှ စက်တင်ဘာလ တတိယပတ်တွင် ၁၂၁၀၀၀ ကျပ်ဖြင့် ဈေးအနည်းငယ်ပြန်တက်ပါသည်။ ပဲလွန်းဖြူနှင့် ပဲတီစိမ်းမှာ အရောင်းအဝယ်မရှိကြောင်း တောင်ငူမြို့ရှိ ဆန်၊ စပါး၊ ပဲပွဲရုံများမှ သိရပါသည်။

DOCA(ပဲခူး)

 မကွေးတိုင်းဒေသကြီးအစိုးရအဖွဲ့၏စီစဉ်မှုဖြင့် မြန်မာနိုင်ငံဆီကုန်သည်နှင့်ဆီလုပ်ငန်းရှင်များအသင်းမှ စျေးနှုန်းသက်သာစွာဝယ်ယူရရှိသောစားအုန်းဆီများအား မကွေးတိုင်းဒေသကြီးဆီကုန်သည်နှင့်ဆီလုပ်ငန်းရှင်များအသင်းသည် မကွေးမြို့နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ စည်ပင်သာယာရေးအဖွဲ့တို့၏ကြီးကြပ်မှုဖြင့် (၂၁-၉-၂၀၂၃)ရက်နေ့၊ နံနက်(၀၉:၀၀)နာရီအချိန်တွင် မကွေးမြို့၊ ကန်သာရပ်ကွက်၊ အုပ်ချုပ်ရေးမှူးရုံးရှေ့၌ စားအုန်းဆီ(၁)ပိဿာလျှင် ကျပ် (၄၅၀၀)နှုန်းဖြင့် အိမ်ထောင်စု (၅၅၀)စုအတွက် စားအုန်းဆီ(၅၅၀)ပိဿာရောင်းချပေးခဲ့ပါသည်။

  ထိုသို့ရောင်းချပေးရာတွင် စနစ်တကျရှိစေရေးအတွက် ရပ်ကွက်အုပ်ချုပ်ရေးမှူးက အိမ်ထောင်စုတစ်စုလျှင် တိုကင်(၁)ခုနှုန်း ကြိုတင်ပေးထားကြောင်းနှင့် ကျန်ရှိသောရပ်ကွက်များသို့လည်း အလှည့်ကျရောင်းချသွားမည်ဖြစ်ကြောင်းသိရှိရပါသည်။

DOCA(မကွေး)

     တောင်ငူမြို့ရှိ သစ်သီးဆိုင်များတွင် လိမ္မော်သီးနှင့် တုန်ချဉ်သီးများ ရောင်းချလျက်ရှိပါသည်။ ၂၀၂၃ခုနှစ်၊ စက်တင်ဘာလ(တတိယပတ်)လိမ္မော်သီး အကြီး တစ်ပိဿာလျှင် ၁၂၀၀၀ ကျပ်၊ အလတ် တစ်ပိဿာလျှင် ၁၀၀၀၀ ကျပ်နှင့် အသေး တစ်ပိဿာလျှင် ၉၀၀၀ ကျပ် ရှိပါသည်။ သုံးပိဿာနှင့်အထက် ဝယ်ပါက ဈေးလျော့နည်းပါသည်။

     တုန်ချဉ်သီးမှာ ဖျော်ရည်ဖျော်သောက်သည့် အသီးတစ်မျိုးဖြစ်ပြီး တစ်ပိဿာလျှင် အကြီး ၁၇၀၀ ကျပ်၊ အလတ် ၁၅၀၀ ကျပ်နှင့် အသေး ၁၂၀၀ ကျပ်ရှိပါသည်။ ယခုအခါ ပေါ်ခါစဖြစ်ပြီး လှိုင်လှိုင်ပေါ်လျှင် ဈေးနှုန်းကျဆင်းနိုင်ပါသည်။  လိမ္မော်သီးနှင့် တုန်ချဉ်သီးဟု ခေါ်ကြသော်လည်း နှစ်မျိုးလုံးမှာ လိမ္မော်မျိုးရင်းဖြစ်ကြောင်း သိရပါသည်။ မြန်မာတို့က ခွံပွလိမ္မော်ကို လိမ္မော်သီးဟုခေါ်ပြီး ခွံကျစ်လိမ္မော်ကို တုန်ချဉ်သီး ဟုခေါ်ပါသည်။ တုံချဉ်သီးကို ကမ္ပလာသီးဟုလည်း ခေါ်ပါသည်။ လိမ္မော်သီးမှာ တုန်ချဉ်သီးထက် ရောင်းအားပိုကောင်းကြောင်း သိရပါသည်။

DOCA(ပဲခူး)