ပြည်တွင်းကုန်သွယ်မှုသတင်း

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၃၅/၂၀၂၃ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

          စစ်ကိုင်းတိုင်းဒေသကြီး၊ ကန့်ဘလူခရိုင်စီမံအုပ်ချုပ်ရေးအဖွဲ့၏ အစီအစဉ်ဖြင့် ကန့်ဘလူမြို့ နယ်အထွေထွေအုပ်ချုပ်ရေးဦးစီးဌာန၊ စားသုံးသူရေးရာဦးစီးဌာန၊ မြို့နယ်စည်ပင်သာယာရေးအဖွဲ့ နှင့် ဆီကုန်သည်များနှင့်ပူးပေါင်းကာ (၂၄.၉.၂၀၂၃)ရက်နေ့ နံနက် ၀၈:၀၀နာရီတွင် ကန့်ဘလူခရိုင်စု ပေါင်းရုံး၌ စားအုန်းဆီများကို ကန့်ဘလူမြို့တွင် တာဝန်ထမ်းဆောင်နေသည့် နိုင်ငံ့ဝန်ထမ်းများ၏ လက်ဝယ်အရောက် သက်သာဈေးနှုန်ဖြင့် ရောင်းချပေးခဲ့ကြောင်း သိရသည်။

          အဆိုပါ စားအုန်းဆီများရောင်းချပေးရာတွင် နိုင်ငံ့ဝန်ထမ်းများ သက်သာသောဈေးနှုန်းဖြင့် စားအုန်းဆီများဝယ်ယူရရှိစေရန်နှင့် စားဝတ်နေရေးအဆင်ပြေ ချောမွေ့စေရန်အတွက် စားအုန်းဆီ (၁)ပိဿာလျှင် (၅၃၀၀)ကျပ်နှုန်းဖြင့် နိုင်ငံ့ဝန်ထမ်းတစ်ဦးလျှင် (၁)ပိဿာနှုန်း (၅၃၀၀) ကျပ်ဖြင့် နိုင်ငံ့ဝန်ထမ်း(၁၈၇၀)ဦးအား ရောင်းချပေးခဲ့ကြောင်း ၊ စားသုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီကြပ်ရေးကော်မတီမှ ထုတ်ပြန်ပေးလျက်ရှိသော စားအုန်းဆီတစ်ပိဿာရည်ညွှန်း ဈေးဖြင့် ရရှိသည့်အပေါ်မူတည်၍ ဆက်လက်ရောင်းချပေးနိုင်ရေး စီမံဆောင်ရွက်လျက်ရှိကြောင်း ဆီကုန်သည် ဦးနွေဦး ထံမှသိရသည်။

DOCA(စစ်ကိုင်း)

     တောင်ငူမြို့ ညောင်ပင်ဈေးရှိ သစ်သီးအရောင်းဆိုင်များတွင် အနယ်နယ်အရပ်ရပ်မှ ဝင်ရောက်လာသောသစ်သီးများ ရောင်းချလျက်ရှိရာ ၂၀၂၃ခုနှစ် ၊စက်တင်ဘာလ(တတိယအပတ်)အတွင်း ပန်းသီးမှာ အရွယ်အစားအလိုက် တစ်လုံးလျှင် ၁၀၀၀ ကျပ်မှ ၃၅၀၀ ကျပ်အထိ အမျိုးအစား ၄ မျိုး ရောင်းချပါသည်။

    နို့ပန်းသီး တစ်လုံးလျှင် ၁၅၀၀ ကျပ်၊ သခွားမွှေးသီး တစ်လုံးလျှင် ၅၀၀၀ ကျပ်၊ နာနတ်သီး တစ်လုံးလျှင် ၃၀၀၀ ကျပ်နှင့် ပန်းသစ်တော်သီး တစ်လုံးလျှင် ၃၅၀၀ ကျပ်၊ ယိုးဒယားလိမ္မော်သီးမှာ တစ်ပိဿာလျှင် ၁၂၀၀၀ ကျပ်ဖြင့် ရောင်းချပါသည်။

      ပျားလိမ္မော်သီးမှာ အလုံးအကြီးအသေးအလိုက် တစ်ပိဿာလျှင် ၁၂၀၀၀ ကျပ်မှ ၂၀၀၀၀ ကျပ်အထိ၊ စပျစ်သီးမှာ အမျိုးအစားအလိုက် တစ်ပိဿာလျှင် ၁၂၀၀၀ ကျပ်မှ ၂၀၀၀၀ ကျပ်အထိ၊ ဩဇာသီးမှာ အကြီးအသေးပေါ်မူတည်၍ တစ်လုံးလျှင် ၄၀၀ ကျပ်မှ ၅၀၀ ကျပ်အထိရှိကြောင်းနှင့် အရောင်းအဝယ်မှာ ပုံမှန်အတိုင်းရှိကြောင်း သိရပါသည်။

DOCA(ပဲခူး)

     တောင်ငူမြို့၊ ရွှေဆံတော်ဘုရားဈေးတွင် မိုးရာသီ၌ ဒေသအနီး ကျေးရွာများမှ လာရောက်ရောင်းချနေသော ရာသီပေါ်ဒေသတွင်းငါးများ ဈေးကောင်းရရှိနေပါသည်။ ယခုလို မိုးနှောင်းကာလ ရောက်ချိန်တွင် ပေါ်လာသော ငါးစရစ်၊ ငါးသလဲထိုး၊ ငါးနုဆန်းငါးများမှာ ဈေးကောင်းလျက် ရှိပါသည်။

      ငါးလေးများ၏ ဈေးနှုန်းများအနေဖြင့် ငါးစရစ်၊ ငါးသလဲထိုး တစ်ဆယ်သားလျှင် ၃၅၀၀ ကျပ်  နှင့် ငါးနုဆန်း တစ်ဆယ်သားလျှင် ၂၅၀၀ ကျပ်ဖြင့် ဈေးကောင်းလျက်ရှိကြောင်း တောင်ငူမြို့ ရွှေဆံတော်ဘုရားဈေးရှိ ဒေသတွင်းကျေးရွာများမှ လာရောက်ရောင်းချသော ငါးရောင်းချသူများထံမှ သိရှိရပါသည်။

     ယခုလိုရာသီတွင်မှပေါ်သော ငါးလေးများကို အိုးကပ်ချက်စားပါက ခံတွင်းစေမြိန်သော ဟင်းတစ်ခွက်ဖြစ်ပါသည်။ ထို့ပြင် အရိုးပါစားနိုင်သော ငါးလေးများသည် ညီညွတ်မျှတသော အာဟာရဓါတ်များကို ရရှိနိုင်ပါသည်။ မိခင်ကိုယ်ဝန်ဆောင်ချိန်မှ ကလေးအသက် နှစ်နှစ်အထိ ရက်ပေါင်း ၁၀၀၀ အတွင်း ငါးကလေးများကို ပုံမှန်စားသုံးခြင်းဖြင့် အဟာရချို့တဲ့မှုကို ကာကွယ်နိုင်ကြောင်းလည်း လေ့လာသိရှိရပါသည်။ ထို့ကြောင့်နေ့စဉ်စားသုံးသော မိသားစုထမင်းဝိုင်းတွင် ရာသီပေါ် ဒေသတွင်းငါးလေးအိုးကပ်ဟင်းအား စားသုံးခြင်းဖြင့် ခံတွင်းမြိန်စေပြီး အာဟာရလည်းပြည့်ဝ ကျန်းမာရေးနှင့်လည်း ညီညွတ်မှုရှိနိုင်ကြောင်း လေ့လာသိရှိခဲ့ရပါသည်။

DOCA(ပဲခူး)

    တောင်ငူမြို့ ညောင်ပင်ဈေးရှိ သားငါးဆိုင်များတွင် ကြက်သား (အိမ်မွေးကြက်)မှာ ယခင်အပတ်က အကောင်လိုက်ဈေး ၁၅၀၀၀ ကျပ်၊ အခြမ်းလိုက်ဈေး ၁၈၀၀၀ ကျပ်ရှိရာမှ ယခုစက်တင်ဘာလ တတိယပတ်တွင် အကောင်လိုက်ဈေး ၁၆၀၀၀ ကျပ်၊ အခြမ်းလိုက်ဈေး ၂၀၀၀၀ ကျပ်၊ စီပီကြက်မှာ ယခင်အပတ်က အကောင်လိုက်ဈေး တစ်ပိဿာလျှင် ၈၀၀၀ ကျပ်၊ အခြမ်း လိုက်ဈေး တစ်ပိဿာလျှင် ၁၀၀၀၀ ကျပ်ရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် အကောင်လိုက်ဈေး ၁၀၀၀၀ ကျပ်၊ အခြမ်းလိုက်ဈေး ၁၂၀၀၀ ကျပ်ဖြင့် ဈေးနှုန်း အနည်းငယ် တက်ပါသည်။

    ဝက်သား(ရေလွတ်သား) သုံးထပ်သား တစ်ပိဿာလျှင် ၁၆၀၀၀ ကျပ်၊ ပေါင်သား တစ်ပိဿာလျှင် ၁၈၀၀၀ ကျပ်၊ အသားသီးသန့် တစ်ပိဿာလျှင် ၂၀၀၀၀ ကျပ်၊ ငါးကြင်းမှာ အကောင်လိုက်ဈေး တစ်ပိဿာလျှင် ၁၀၀၀၀ ကျပ်၊ အသားသီးသန့် တစ်ပိဿာလျှင် ၁၄၀၀၀ ကျပ်၊ ငါးကြင်းဖြူမှာ အကောင်လိုက်ဈေး တစ်ပိဿာလျှင် ၁၇၀၀၀ ကျပ်၊ အမြီးလွတ်၊ ခေါင်းလွတ် တစ်ပိဿာလျှင် ၂၀၀၀၀ ကျပ်ဖြင့် ဈေးနှုန်းတည်ငြိမ်နေပါသည်။

    ငါးရံ့မှာ ယခင်အပတ်က တစ်ပိဿာလျှင် ၂၅၀၀၀ ကျပ်အထိရှိရာမှ ယခုစက်တင်ဘာ လ တတိယပတ်တွင် တစ်ပိဿာလျှင် ၂၅၀၀၀ အသေး ၁၂၀၀၀ ကျပ်၊ အလတ် ၁၄၀၀၀ ကျပ်နှင့် အကြီး ၁၆၀၀၀ ကျပ်၊ ငါးခူမှာ ယခင်အပတ်က တစ်ပိဿာလျှင် ၃၀၀၀၀ ကျပ်အထိရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် အသေး ၁၈၀၀၀ ကျပ်၊ အလတ် ၂၀၀၀၀ ကျပ်နှင့် အကြီး ၂၂၀၀၀ ကျပ်ဖြင့် ဈေးနှုန်းကျဆင်းပါသည်။

   ပုစွန်ဆိတ် တစ်ပိဿာလျှင် ၁၂၀၀၀ ကျပ်၊ ပုစွန်ကျော့မှာ တစ်ပိဿာလျှင် ၁၄၀၀၀ ကျပ်ဖြင့် ဈေးနှုန်းတည်ငြိမ်နေပြီး ပုစွန်အသေးမှာ ယခင်အပတ်က တစ်ပိဿာလျှင် ၂၄၀၀၀ ကျပ်မှ ယခုစက်တင်ဘာလ တတိယပတ်တွင် တစ်ပိဿာလျှင် ၂၀၀၀၀ ကျပ်၊ ပုစွန်အလတ်မှာ ယခင်အပတ်က တစ်ပိဿာလျှင် ၂၇၀၀၀ ကျပ်ရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် ၂၄၀၀၀ ကျပ်နှင့် ပုစွန်အကြီးမှာ ယခင်အပတ်က ၃၀၀၀၀ ကျပ်ရှိရာမှ ယခုစက်တင်ဘာလ တတိယပတ်တွင် တစ်ပိဿာလျှင် ၂၈၀၀၀ ကျပ်ဖြင့် ဈေးနှုန်း အနည်းငယ် ကျဆင်းကြောင်း သိရပါသည်။

DOCA(ပဲခူး)