ပြည်တွင်းကုန်သွယ်မှုသတင်း

   တောင်ငူမြို့၊ ညောင်ပင်လေးဈေးရှိ ဟင်းသီးဟင်းရွက်ဈေး၌ ၂၀၂၃ခုနှစ်၊ ဩဂုတ်လ၊ ဒုတိယအပတ်တွင် ငရုတ်သီးစိမ်း (မိုးထောင်သီး) မှာ တစ်ပိဿာလျှင် ၅၀၀၀ကျပ်မှ ၆၀၀၀ကျပ်အထိ၊ ကုလားအော်သီးမှာ တစ်ပိဿာလျှင် ၁၆၀၀၀ကျပ်မှ ၁၈၀၀၀ကျပ်၊ ငရုပ်သီးစိမ်း (ကျောက်စိမ်းသီး) မှာ တစ်ပိဿာလျှင် ၃၀၀၀ကျပ်မှ ၄၀၀၀ကျပ်အထိတို့ဖြင့် ဈေးနှုန်းတည်ငြိမ်နေပါသည်။ 

    ခရမ်းသီး (အဖြူ) မှာ ယခင်အပတ်တွင် တစ်ပိဿာလျှင် ၁၅၀၀ကျပ်မှ ၁၇၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၁၈၀၀ကျပ်မှ ၂၀၀၀ကျပ်အထိ၊ ခရမ်းသီး (အညို) မှာ ယခင်အပတ်တွင် တစ်ပိဿာလျှင်  ၁၈၀၀ကျပ်မှ ၂၀၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၂၀၀၀ကျပ်မှ ၂၅၀၀ကျပ်အထိတို့ဖြင့် ဈေးနှုန်းများဆက်လက်မြင့်တက်လာခဲ့ပါသည်။

      ဒေသသခွားသီးမှာ ယခင်အပတ်တွင် တစ်ပိဿာလျှင် ၇၀၀ကျပ်မှ ၈၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၅၀၀ကျပ်မှ ၆၀၀ကျပ်အထိ၊ ရှမ်းပြည်သခွားသီးမှာ ယခင်အပတ်တွင် တစ်ပိဿာလျှင် ၈၀၀ကျပ်မှ ၉၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၆၀၀ကျပ်မှ ၇၀ကျပ်အထိ၊ ဂေါ်ဖီမှာ ယခင်လကုန်ပိုင်းတွင် တစ်ပိဿာလျှင် ၁၂၀၀ကျပ်မှ ၁၅၀၀ကျပ်‌အထိရှိခဲ့ရာမှ ယခုအပတ်တွင် တစ်ပိဿာလျှင် ၉၀၀ကျပ်မှ ၁၁၀၀ကျပ်အထိတို့ဖြင့် ဈေးနှုန်းများအနည်းငယ်ကျဆင်းလာခဲ့ပါသည်။

      ခရမ်းချဉ်သီး (ရှမ်းပြည်သီး) မှာ ယခင်လကုန်ပိုင်းတွင် တစ်ပိဿာလျှင် ၁၅၀၀ကျပ်မှ ၁၇၀၀ကျပ်အထိရှိခဲ့ရာမှ ယခုအပတ်တွင် တစ်ပိဿာလျှင် ၁၇၀၀ကျပ်မှ ၂၀၀၀ကျပ်အထိတို့ဖြင့် ဈေးနှုန်းများအနည်းငယ်တက်နေပြီး ခရမ်းချဉ်သီး (ဒေသသီး) မှာ တစ်ပိဿာလျှင် ၃၂၀၀ကျပ်မှ ၃၅၀၀ကျပ်အထိတို့ရှိပါသည်။

   နံနံပင်မှာ ယခင်အပတ်တွင် တစ်ဆယ်ကျပ်သားလျှင် ၅၀၀ကျပ်မှ ၆၀၀ကျပ်ရှိခဲ့ရာမှ ယခုအပတ်တွင် တစ်ပိဿာလျှင် ၄၀၀ကျပ်မှ ၅၀၀ကျပ်အထိ၊ မုန်ညင်းဖြူမှာ ယခင်အပတ်တွင် တစ်ပိဿာလျှင် ၁၈၀၀ကျပ်မှ ၂၀၀၀ကျပ်အထိတို့ရှိခဲ့ရာမှ ယခုအပတ်တွင် တစ်ပိဿာလျှင် ၁၅၀၀ကျပ်မှ ၁၈၀၀ကျပ်အထိတို့ဖြင့် ဈေးနှုန်းများအနည်းငယ်ကျဆင်းလာခဲ့ပြီး မုံလာဥဖြူမှာ ယခင်အပတ်တွင် တစ်ပိဿာလျှင် ၁၈၀၀ကျပ်မှ ၂၀၀၀ကျပ်အထိတို့ရှိခဲ့ရာမှ ယခုအပတ်တွင် တစ်ပိဿာလျှင် ၂၀၀၀ကျပ်မှ ၂၂၀၀ကျပ်အထိ၊ မုံလာဥနီမှာ ယခင်အပတ်တွင် တစ်ပိဿာလျှင် ၂၀၀၀ကျပ်မှ ၂၂၀၀ကျပ်အထိတို့ရှိခဲ့ရာမှ ယခုအပတ်တွင် တစ်ပိဿာလျှင် ၂၅၀၀ကျပ်မှ ၂၈၀၀ကျပ်အထိတို့ဖြင့် ဈေးနှုန်းများမြင့်တက်လာခဲ့ပါသည်။

    ကန်စွန်းရွက်မှာ တစ်စည်းလျှင် ၁၅၀ကျပ်၊ ၁၀စည်းယူလျှင် ၁၂၀၀ကျပ်၊ ချဉ်ပေါင်ရွက်မှာ တစ်စည်းလျှင် ၁၀၀ကျပ်၊ ၁၀စည်းယူလျှင် ၆၀၀ကျပ်၊ ကင်ပွန်းချဉ်ရွက်မှာ တစ်စည်းလျှင် ၁၅၀ကျပ်နှင့် ၁၀စည်းယူလျှင် ၁၂၀၀ကျပ်တို့ရှိကြောင်း သိရှိရပါသည်။

DOCA(ပဲခူး)

   တောင်ငူမြို့၌  ရွှေဘိုပေါ်ဆန်းမှာ ၂၀၂၃ခုနှစ်၊ ဩဂုတ်လ၊ ပထမအပတ်တွင် တစ်အိတ်လျှင် ၁၁၀၀၀၀ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၁၁၅၀၀ကျပ်၊ ဖျာပုံပေါ်ဆန်းမှာ ယခင်အပတ်တွင် တစ်အိတ်လျှင် ၁၀၃၀၀၀ ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၁၀၈၀၀၀ကျပ်၊ ဒေသပေါ်ဆန်းမှာ ယခင်အပတ်တွင် တစ်အိတ်လျှင် ၉၈၀၀၀ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၁၀၂၀၀၀ကျပ်၊ ဧည့်မထ (မိုးဆန်) မှာ ယခင်အပတ်တွင် တစ်အိတ်လျှင် ၇၄၀၀၀ကျပ်ရှိခဲ့ရာမှ ယခုအပတ်တွင် ၇၉၀၀၀ကျပ်၊ ဧည့်မထ (နွေဆန်) မှာ ယခင်အပတ်တွင် ၅၈၀၀၀ကျပ်ရှိခဲ့ရာမှ ယခုအပတ်တွင် တစ်အိတ်လျှင် ၆၁၀၀၀ကျပ်တို့ဖြင့် ဈေးနှုန်းများ မြင့်တက်လာခဲ့ပါသည်။   

     မိုးစပါးမှာ ယခင်အပတ်တွင် တင်း၁၀၀လျှင် ၂၂၀၀၀၀၀ကျပ်ဖြင့် ဈေးနှုန်းတည်ငြိမ်နေပြီး နွေစပါးမှာ ယခင်အပတ်တွင် တင်း၁၀၀လျှင် ၁၇၀၀၀၀၀ကျပ်ရှိခဲ့ရာမှ ယခုအပတ်တွင် တင်း၁၀၀လျှင် ၁၆၅၀၀၀၀ကျပ်ဖြင့် ဈေးနှုန်းအနည်းငယ်ကျဆင်းလာခဲ့ပါသည်။

    မတ်ပဲ ၃၀ပိဿာဝင် တစ်အိတ်လျှင် ၁၁၀၀၀၀ကျပ်၊ ပဲလွန်းဖြူ ၃၀ပိဿာဝင် တစ်အိတ်လျှင် ၇၀၀၀၀ကျပ်ဖြင့် ဈေးနှုန်းတည်ငြိမ်နေပါသည်။ ပဲတီစိမ်းမှာ ယခုအပတ်တွင်လည်း အရောင်းအဝယ်မရှိကြောင်းကို တောင်ငူမြို့ရှိ ဆန်၊ စပါး၊ ပဲပွဲရုံများမှသိရပါသည်။

DOCA(ပဲခူး)

   မြန်မာ့ရိုးရာအစားအစာများထဲတွင် ဘိန်းမုန့်သည်လည်း တစ်ခုအပါအဝင်ဖြစ်ပါသည်။ ဘိန်းမုန့်ကို နံနက်ခင်းဈေးများတွင် အများဆုံးတွေ့ရပါသည်။

    ဘိန်းမုန့်ပြုလုပ်ရန်အတွက် ဆန်ကိုရေစိမ်ပြီး မုန့်ကြိတ်ဆုံဖြင့်ကြိတ်ရပါသည်။ ၎င်းကြိတ်ထားသောမုန့်နှစ်ရည်ကို သကြား၊ ဆိုဒါတို့နှင့်ရောကာ သမအောင်မွှေရပါသည်။ ထို့နောက် ဒယ်အိုးထဲတွင်ထည့်ကာ မီးဖိုပေါ်တင်၍ နှမ်းနှင့်အုန်းသီးခြစ်များဖြူးပြီးနောက် အဖုံးအုပ်ထားရပါသည်။ ဒယ်အိုးဖုံးပေါ်မှလည်း မီးဖြင့်အပူပေးရပါသည်။ အထက်မီး၊ အောက်မီးတို့နှင့်ချက်ရပါသည်။

  တောင်ငူမြို့၌ ဘိန်းမုန့်ကို ဈေးများတွင် ဆိုင်ဖွင့်၍ရောင်းချခြင်းများရှိသကဲ့သို့ လက်တွန်းလှည်းဖြင့်တင်၍လည်း လူစည်ကားရာဈေးများတွင် ရောင်းချခြင်းအပြင် ရပ်ကွက်များသို့သွားရောက်၍လည်း လှည့်လည်ရောင်းချခြင်းများရှိပါသည်။ လက်ဖက်ရည်အမြည်းပန်းကန်အရွယ် ဘိန်းမုန့်တစ်ချပ်လျှင် ၃၀၀ကျပ်ဖြင့်ရောင်းချပါသည်။

  ဘိန်းမုန့်ကို နံနက်ခင်းအချိန်တွင် အဆာပြေစာအဖြစ် စားသုံးကြသကဲ့သို့ နေ့လယ်နေ့ခင်းတွင် အပျင်းပြေစေရန် ရေနွေးကြမ်းဖြင့်လည်းစားသုံးကြပါသည်။ ဘိန်းမုန့်သည် လူကြီး/ လူငယ်မရွေးကြိုက်နှစ်သက်သည့် အစားအစာတစ်ခုဖြစ်သဖြင့် ရောင်းရကြောင်း ဘိန်းမုန့်ရောင်းသူတစ်ဦးထံမှသိရပါသည်။

DOCA(ပဲခူး)

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မကွေးတိုင်းဒေသကြီး၊ တိုင်း‌ဒေသကြီးဦးစီးမှူး ဦးမြင့်ဝင်းသည် မကွေးတိုင်းဒေသကြီးအစိုးရအဖွဲ့၏ လမ်းညွှန်မှုဖြင့် မကွေးတိုင်းအတွင်းရှိ စားသုံးသူပြည်သူများသို့အများစားသုံးသော ဆန်များအားစျေးကွက်ပေါက်စျေး အောက်သင့်တင့်မျှတသော စျေးနှုန်းဖြင့် ရောင်းချပေး‌နိုင်ရေးအတွက် (၃.၈.၂၀၂၃) ရက်နေ့ နေ့လည် (၁၄:၀၀)နာရီတွင် မကွေးတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း (မကွေးကုန်စည်ဒိုင်)၌ မကွေးမြို့နယ်ရှိဆန်/စပါးရောင်းဝယ်ဖောက်ကားသူ ကုန်သည်များနှင့်တွေ့ဆုံပြီး ပြည်သူများသို့ အခြေခံစားကုန်ဖြစ်သည့် ဆန်များအား သက်သာသော စျေးနှုန်းဖြင့် ရောင်းချပေးရေး ဆွေးနွေးခဲ့ပါသည်။

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် ဆန်၊ စားသုံးဆီနှင့် အခြေခံစားသောက်ကုန်များ၊ စက်သုံးဆီ၊ ဆေးဝါးနှင့်‌ ဆေးပစ္စည်းများ ကုန်စျေးနှုန်း တည်ငြိမ်ရေးအတွက် နေ့စဉ်ရောင်းချ သည့် စျေးနှုန်းများအား ကောက်ယူပြီး ပြည်ထောင်စုကုန်စျေးနှုန်း တည်ငြိမ်ရေးကော်မတီသို့ နေ့စဉ်တင်ပြပေးလျှက်ရှိပါကြောင်း မကွေးတိုင်းအတွင်းရှိ မြို့နယ်အသီးသီး၌ မကွေးတိုင်းဒေသကြီးအစိုးရအဖွဲ့၏ ကြီးကြပ်မှုဖြင့် တစ်ပါတ်လျှင်တစ်ကြိမ် အခြေခံစားကုန်များဖြစ်သည့် (ဆန်၊ ဆီ၊ ကုလားပဲ၊ ဆား၊ ဟင်းသီးဟင်းရွက်၊ ကြက်ဥ၊ အသားများလည်း ရောင်းချပေးလျှက် ရှိနေပါကြောင်း မကွေးမြို့နယ်ဆန်ကုန်သည်များအသင်းမှလည်း ပြည်သူများအား ဆန်များကို စျေးကွက်ပေါက်စျေးအောက် သင့်တင့်မျှတသော စျေးနှုန်းဖြင့် စျေးနှုန်းသက်သာစွာ ရောင်းချပေးရန် ဆွေးနွေးညှိနှိုင်းခဲ့ပါသည်။

   အဆိုပါဆွေးနွေးပွဲသို့ မကွေးတိုင်းဒေသကြီးကုန်သည်များနှင့် စက်မှုလက်မှုလုပ်ငန်းရှင်များ အသင်းဥက္ကဌ၊ ဒုတိယဥက္ကဌနှင့် အတွင်းရေးမှူးနှင့်ညီနောင်အသင်းဖြစ်သည့် မကွေးမြို့နယ် ဆန်ကုန်သည်များအသင်း ဥက္ကဌ ဦးညွှန့်ဝင်းနှင့် အသင်းသူ/အသင်းသား (၃၀)ဦး တက်ရောက်ခဲ့ပြီး နှစ်စဉ် (၈)လ ပိုင်း(၉)လပိုင်းကာလများသည် ဆန်‌ဟောင်းရှားပါးပြီး ဆန်သစ်မပေါ်မီကာလဖြစ်၍ ဆန်စျေးနှုန်း အနည်းငယ်မြင့်တက်နေကြဖြစ်ပါကြောင်း လက်ရှိကုန်စျေးနှုန်းများ မြင့်တက်နေချိန် ပြည်သူများ သက်သာစေရန် မကွေးမြို့နယ် ဆန်ကုန်သည်များအသင်းမှ အခြေခံလူတန်းစားများ အများဆုံး ဝယ်ယူစားသုံးသော ဆန်(၂၄)ပြည် တစ်အိတ်လျှင် (၇၂၀၀၀)ကျပ်အား လူတစ်ဦးလျှင် ဆန်တစ်ပြည် (၂၅၀၀)ကျပ်ဖြင့် ဆန်တစ်အိတ် (၁၂၀၀၀)ကျပ် အရှုံးခံပြီး တစ်ပတ်လျှင် ဆန်(၁၅)အိတ်အား ရောင်းချပေးသွားမည်ဖြစ်ကြောင်း သိရှိရပါသည်။

DOCA(မကွေး)

        မြန်မာနိုင်ငံစက်သုံးဆီတင်သွင်း၊ သိုလှောင်၊ ဖြန့်ဖြူးခြင်းလုပ်ငန်းကြီးကြပ်ရေးကော်မတီမှ တိုင်းဒေသကြီး/ပြည်နယ်အလိုက် မြို့ကြီးများ၏ စက်သုံးဆီရည်ညွှန်းလက်ကားစျေးနှုန်းများအား နေ့စဉ်ထုတ်ပြန်ပေးလျှက်ရှိပါသည်။

       မကွေးမြို့နယ်တွင် စက်သုံးဆီဆိုင်(၂၃)ဆိုင်ရှိရာ ဆိုင်များအားလုံး ပုံမှန်ဖွင့်လှစ်ရောင်းချလျှက်ရှိပြီး ၂၀၂၃-ခုနှစ်၊ ဇူလိုင်လ (စတုတ္ထအပတ်)တွင်ဖြစ်ပေါ်ခဲ့သော စက်သုံးဆီစျေးနှုန်းများမှာ ဓါတ်ဆီ (92) (၁)လီတာလျှင် (၂၂၈၀) ကျပ်၊ ဓါတ်ဆီ (95)(၁)လီတာလျှင် (၂၃၉၀)ကျပ်၊ ဒီဇယ်(ရိုးရိုး) (၁)လီတာလျှင် (၂၃၆၀)ကျပ်နှင့် ပရီမီယံ (ဒီဇယ်) (၁)လီတာလျှင် (၂၄၃၅)ကျပ်နှုန်းဖြင့် ရောင်းချခဲ့ပါသည်။

       ၂၀၂၃-ခုနှစ်၊ ဩဂုတ်လ(ပထမအပတ်)တွင်ဖြစ်ပေါ်လျှက်ရှိသော စက်သုံးဆီစျေးနှုန်းများမှာ ဓါတ်ဆီ (92) (၁)လီတာလျှင် (၂၃၀၅)ကျပ်၊ ဓါတ်ဆီ (95)(၁)လီတာလျှင် (၂၄၁၅)ကျပ်၊ ဒီဇယ်(ရိုးရိုး) (၁)လီတာလျှင် (၂၄၅၅)ကျပ်နှင့် ပရီမီယံ (ဒီဇယ်) (၁)လီတာလျှင် (၂၅၃၀)ကျပ်ဖြစ်၍ ယခင်အပတ်နှင့် နှိုင်းယှဉ်ပါက ဓါတ်ဆီ (92) (၁)လီတာလျှင် (၂၅)ကျပ်၊ ဓါတ်ဆီ (95)(၁)လီတာလျှင် (၂၅)ကျပ်၊ ဒီဇယ်(ရိုးရိုး) (၁)လီတာလျှင် (၉၅)ကျပ်နှင့် ပရီမီယံ (ဒီဇယ်) (၁)လီတာလျှင် (၉၅)ကျပ်ဖြင့် စျေးနှုန်း အသီးသီးမြင့်တက်လျှက်ရှိပြီး စက်သုံးဆီလက်ကျန်အနေဖြင့် နေ့စဉ်လည်ပတ်ရောင်းချအောင် ကျန်ရှိနေကြောင်းနှင့် စက်သုံးဆီစျေးနှုန်းအနည်းငယ်မြင့်တက်လာသဖြင့် ဆိုင်များအနေဖြင့် နေ့စဉ်ရောင်းချရသည့် အရေအတွက်ထက် အနည်းငယ်ရောင်းအားကျလာကြောင်း လေ့လာသိရှိရပါသည်။

DOCA (မကွေး)