ပြည်တွင်းကုန်သွယ်မှုသတင်း

     မင်းဘူးမြို့မဈေး၌ ရောင်းချလျက်ရှိသောရေထွက်ပစ္စည်းများမှာ မေလ(စတုတ္ထပတ်)တွင် ငါးကြင်းဖြူ(၁)ပိဿာလျှင် ကျပ်(၁၆၀၀၀-၁၈၀၀၀)၊ ငါးသေတ္တာခြောက်(၁)ပိဿာလျှင် ကျပ်(၁၁၀၀၀-၁၂၀၀၀)၊ ငါးနီတူး(၁)ပိဿာလျှင် ကျပ်(၁၂၀၀၀-၁၆၀၀၀)၊ ငါးပုတ်သင်ကြီး/သေး(၁)ပိဿာလျှင် ကျပ်(၁၆၀၀၀၊၁၄၀၀၀)၊ ငါးမဲလုံး(၁)ပိဿာလျှင် ကျပ်(၁၄၀၀၀-၁၆၅၀၀)၊ အာဗြဲခြောက်(၁)ပိဿာလျှင် ကျပ်(၂၅၀၀၀-၃၀၀၀၀)၊ ငါးတံခွန်(၁)ပိဿာလျှင် ကျပ်(၁၄၀၀၀-၁၆၀၀၀)၊ ငါးရံလုံး(၁)ပိဿာလျှင် ကျပ်(၄၅၀၀၀)၊ ငါးရံ့ပြားသေး(၁)ပိဿာလျှင် ကျပ်(၅၅၀၀၀-၅၈၀၀၀)၊ ပုစွန်ခြောက်(၁)ပိဿာလျှင် ကျပ်(၄၅၀၀၀-၆၀၀၀၀-၉၀၀၀၀)ထိဖြစ်ကြောင်းနှင့် ပုစွန်ခြောက်သည် ဆားအပေါ့/အငန်အပေါ်မူတည်၍ ဈေးနှုန်းကွာခြားရခြင်းဖြစ်ကြောင်း သိရှိရပါသည်။

  ပုစွန်ခြောက်များကို ရခိုင်ပြည်နယ်မှဝယ်ယူ၍ ငါးခြောက်များကို ရန်ကုန်မြို့၊ ဘုရင့်နောင်ပွဲရုံနှင့် ရခိုင်ပြည်နယ်တို့မှလည်းကောင်း ဝယ်ယူရောင်းချလျက်ရှိကြောင်း ကွင်းဆင်းမေးမြန်းမှုအရ သိရှိရပါသည်။

DOCA(မကွေး)

     မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်၏အနောက်ဘက် (၁၂)မိုင်အကွာ၊ ဗိဿနိုးမြို့ဟောင်းအနောက်ဘက်တွင်ရှိသော ကုက္ကိုခွကျေးရွာသည် ဘိုးဘွားအစဉ်အဆက် မိရိုးဖလာရိုးရာလက်မှုလုပ်ငန်းအတတ်ပညာတစ်ခုဖြစ်သောအိုးလုပ်ငန်းကို လုပ်ကိုင်လျက်ရှိ ကြောင်း သိရှိရပါ သည်။

    အိုးလုပ်ငန်းကို မိုးရာသီအကုန် သီတင်းကျွတ်လတွင် စတင်လုပ်ကိုင်ကြကြောင်း၊ အိုးလုပ်ငန်းလုပ်ကိုင်ရာတွင် ပထမဦးစွာ ရွှံ့ခူးပြီး ရွှံ့များအား ထုချေကာ နေလှန်းရကြောင်း၊ လှည်းတစ်စီးစာ မြေကြီးနှင့်  သဲ(၃)အိတ်ခန့်ရောစပ်ပြီး ရေစိမ်ကာ ရွှံ့နှပ်ခြင်းလုပ်ငန်းကိုဆောင်ရွက်ရကြောင်း၊  နှပ်ပြီးသားရွှံ့များအား မိုးကာခင်းကာ အစေးပေါက်အောင် ခြေထောက်ဖြင့်နင်းရကြောင်း၊ ထို့နောက် အိုးထိန်းစက်ဖြင့် အိုးပုံဖော်ခြင်း၊ အိုးဖော်ခြင်း၊ တစ်ဆင့်ပြန်ခွာခြင်း၊ ပန်းရိုက်ခြင်းလုပ်ငန်းများကို ဆောင်ရွက်ရပါကြောင်း၊ အိုးများကို အရိပ်ထဲတွင် (၂)ညအိပ်/(၃)ညအိပ်ထားပြီးနောက် နေပူပူတွင် (၃)ရက်ခန့် ထပ်မံထုတ်လှန်းရပါကြောင်း၊ နေလှန်းပြီးအိုးများကို နွားလှည်းဖြင့် စနစ်တကျသယ်ဆောင်ပြီး အိုးများကို မီးဖုတ်သောအိုးဖိုသို့ သယ်ယူပါကြောင်း၊ အိုးဖိုနေရာတွင် အိုးများစနစ်တကျခွေပြီး အိုးဖိုပတ်လည်တွင် ထင်းစည်းနှင့် ကောက်ရိုးများဖြင့် ဖုံးအုပ်ခြင်းများဆောင်ရွက်ရပါကြောင်း၊ အိုးမီးဖုတ်ရာတွင် သတ်မှတ်ထင်းအမျိုးအစား၊ မီးအပူချိန်ကိုချိန်ဆရပြီး မီးအပူချိန်ချိန်ဆမှုမှားပါက အိုးများအဖက်မတင်ဖြစ်တတ်ပါကြောင်း၊ အိုးမီးဖုတ်ရာတွင် တစ်ညအိပ်ဖုတ်ရပါကြောင်း၊ နောက်တစ်နေ့၏ နံနက်သို့ရောက်လျှင် အိုးများကိုဖော်ယူပြီး စျေးကွက်သို့ တင်ပို့ရောင်းချနိုင်ပြီဖြစ်ပါကြောင်း၊ အဓိကပြုလုပ်သည့်အိုးများမှာ သောက်ရေအိုးဖြစ်ပြီး တစ်နေ့လျှင် အိုး(၃၃)လုံးခန့်ဆောင်ရွက်ပြီးစီးပါကြောင်း၊ သောက်ရေအိုးအပြင် ကောက်ညှင်းပေါင်းအိုး၊ မြေဟင်းအိုး၊ ရွက်အိုးအလတ်၊ ထန်းရည်မြူအိုး၊ ဘုရာအိုး အစရှိသည့်အိုးများလည်းလုပ်ကိုင်လျက်ရှိပါကြောင်း၊ သောက်ရေအိုးတစ်လုံးလျှင် (၁၀၀၀) ကျပ်နှုန်းဖြင့် ဖောက်သည်ပြန်လည်ပေးရပြီး ဈေးကွက်အနေဖြင့် တောင်တွင်းကြီးမြို့အပြင် မကွေး၊ မင်းဘူး၊ မြို့သစ်၊ နတ်မောက်၊ အောင်လံ၊ ကိုးပင်၊ မလွန်၊ မိချောင်းရဲ၊ ပြည်အစရှိသည့်မြို့များအထိ တင်ပို့ရောင်းချလျက်ရှိကြောင်း ကုက္ကိုခွကျေးရွာ၌ အိုးလုပ်ငန်းလုပ်ကိုင်သည့်လုပ်ငန်းရှင်တစ်ဦးထံမှ သိရှိရပါသည်။

DOCA(မကွေး)

    တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၁၈/၂၀၂၃ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

   ၂၀၂၃ခုနှစ်၊ မေလ၊ စတုတ္ထအပတ်အတွင်း ကန့်ဘလူ၊ ကျွန်းလှမြို့နယ်တွင် အခြေခံစားကုန်များဖြစ်သော ရွှေဘိုပေါ်ဆန်းတစ်ပြည်လျှင် (၄၅၀၀) ကျပ်(ယခင်အပတ်တိုင်း တည်ငြိမ်လျက်ရှိ)နှင့် ဧရာမင်းတစ်ပြည်လျှင် (၃၅၀၀) ကျပ်တို့ဖြင့်အရောင်းအဝယ်ဖြစ်လျက်ရှိပါသည်။ ကြက်သွန်နီ မြစ်သားအမျိုးအစားလက်လီဈေးမှာ (အကြီး)တစ်ပိဿာလျှင် (၃၀၀၀) ကျပ်၊ (အလတ်)တစ်ပိဿာလျှင် (၂၅၀၀) ကျပ်နှင့် (အသေး)တစ်ပိဿာလျှင် (၂၃၀၀) ကျပ်(ယခင်အပတ်ထက် အနည်းငယ်မြင့်တက်ပြီး)တို့ဖြင့် အရောင်းအဝယ်ဖြစ်လျက်ရှိပါသည်။ ကြက်သွန်ဖြူလက်လီဈေးမှာ(ဗမာ)အလုံးကြီးတစ်ပိဿာလျှင် (၈၀၀၀) ကျပ်၊ ကြက်သွန်ဖြူလက်လီဈေးမှာ (ဗမာ)အလုံးသေးတစ်ပိဿာလျှင် (၆၅၀၀) ကျပ်၊ ကြူကုတ်တစ်ပိဿာလျှင် (၈၀၀၀) ကျပ်(ယခင်အပတ်ထက် အနည်းငယ်မြင့်တက်)၊ ချင်းတစ်ပိဿာလျှင် (၄၀၀၀) ကျပ်ဖြစ်နေပြီး ယခင်အပတ်အတိုင်း ဈေးနှုန်းတည်ငြိမ်လျက်ရှိပါသည်။ ငရုတ်သီးခြောက်တစ်ပိဿာလျှင် (၁၇၀၀၀) ကျပ်(ယခင်အပတ်ထက် ၁၀၀၀ကျပ်မြင့်တက်)၊ အာလူးတစ်ပိဿာလျှင်  (၂၅၀၀) ကျပ်(ယခင်အပတ်ထက် တစ်ပိသာလျှင် ၃၀၀ကျပ်မြင့်တက်ပြီး)တို့ဖြင့် အရောင်းအဝယ်ဖြစ်လျက်ရှိပါသည်။

      ငရုတ်သီးစိမ်းတစ်ပိဿာလျှင် (၃၀၀၀) ကျပ်ဖြစ်၍ ယခင်မေလ(တတိယပတ်)ထက် တစ်ပိဿာလျှင် (၃၃၀၀ ) ကျပ်ပြန်လျော့ကျကြောင်း၊ ခရမ်းချဉ်သီးတစ်ပိဿာလျှင် (၁၇၀၀) ကျပ်ဖြစ်နေပြီး ယခင် ပထမအပတ်အတိုင်း တည်ငြိမ်လျက်ရှိပါကြောင်း၊ ခရမ်းသီးတစ်ပိဿာလျှင် (၂၀၀၀) ကျပ်ဖြစ်၍ ယခင်ဈေးအတိုင်း တည်ငြိမ်လျက်ရှိကာ အရောင်းအဝယ်ဖြစ်လျက်ရှိပါသည်။  ပန်းဂေါ်ဖီတစ်ပွင့်လျှင်  (၁၈၀၀) ကျပ်၊ ဂေါ်ဖီထုပ်တစ်ထုပ်လျှင် (၂၀၀၀) ကျပ်ဖြစ်၍ ယခင်ထက် အနည်းငယ်လျော့ကျလျက်ရှိကြောင်း၊ ခါကြက်ဥ(တရုတ်)တစ်ပိဿာလျှင် (၅၀၀၀) ကျပ်၊ ခါကြက်ဥ(ဗမာ)တစ်ပိသာလျှင် (၃၀၀၀) ကျပ်ဖြစ်၍ ယခင်အပတ်အတိုင်း တည်ငြိမ်နေကြောင်း၊ သံပရာသီးတစ်လုံးလျှင် (၂၀၀) ကျပ်မှ (၃၀၀) ကျပ်နှင့် ကန်ဇွန်းရွက်တစ်စည်းလျှင် (၁၀၀) ကျပ်နှုန်းတို့ဖြင့် အရောင်းအဝယ်ဖြစ်နေကာ  ကုန်ဈေးနှုန်းများအနည်းငယ်မြင့်တက်လာကြောင်း ဈေးသည်တစ်ဦးထံမှ သိရှိရပါသည်။

       ကြက်ဥလက်လီဈေးနှုန်းမှာ (အကြီး)တစ်လုံးလျှင် (၃၀၀)ကျပ်၊ (အသေး)တစ်လုံးလျှင် (၂၅၀) ကျပ်နှင့် ဘဲဥတစ်လုံးလျှင် (၃၅၀) ကျပ်တို့ရှိပါသည်။  ကန့်ဘလူ၊ ကျွန်းလှမြို့တို့၏ အသားငါးဈေးနှုန်းများမှာ ကြက်သား (cp) တစ်ပိဿာလျှင် (၁၂၀၀၀) ကျပ်မှ (၁၄၀၀၀) ကျပ်၊ ကြက်သား(ဗမာ) တစ်ပိဿာလျှင် (၁၈၀၀၀) ကျပ်မှ (၂၀၀၀၀) ကျပ်၊ ဝက်သားတစ်ပိဿာလျှင် (၁၈၀၀၀) ကျပ်မှ (၂၂၀၀၀) ကျပ်၊ အမဲသားတစ်ပိဿာလျှင် (၁၁၀၀၀) ကျပ်မှ (၁၄၀၀၀) ကျပ်ထိ၊ ငါးကြင်းတစ်ပိဿာလျှင် (၆၀၀၀) ကျပ်မှ (၈၅၀၀) ကျပ်၊ တီလားဗီးယားငါးတစ်ပိဿာလျှင် (၄၀၀၀) ကျပ်မှ (၆၅၀၀) ကျပ်ဖြစ်၍  ယခင်အပတ်ထက် အမဲသားရှယ်ဈေးအနည်းငယ်မြင့်တက်ပြီး အခြားအသားငါးဈေးနှုန်းများမှာမူ တည်ငြိမ်လျက်ရှိကာ ရောင်းဝယ်နေကြကြောင်း သိရပါသည်။

     စားသုံးဆီဈေးနှုန်းမှာ မြေပဲဆီသန့်တစ်ပိဿာလျှင် (၁၄၀၀၀) ကျပ်ဖြစ်၍ ယခင်အပတ်များနှင့်အတူ ဈေးနှုန်းတည်ငြိမ်လျက်ရှိပါသည်။ စားအုံးဆီတစ်ပိဿာလျှင် (၆၈၀၀) ကျပ်၊ ဆယ်ပိဿာတစ်ပုံးလျှင် (၆၇၀၀၀) ကျပ်ဖြစ်၍  ယခင် မေလ(တတိယပတ်)အတိုင်း တည်ငြိမ်လျက်ရှိကာ အရောင်းအဝယ်ဖြစ်နေကြောင်း ဈေးသည်တစ်ဦးထံမှ သိရှိရပါသည်။

DOCA(စစ်ကိုင်း)