ပြည်တွင်းကုန်သွယ်မှုသတင်း

      ပြည်မြို့ ကုန်စိမ်းဈေးကွက်အတွင်းသို့ အောင်ပန်းနှင့် တောင်ကြီးဘက်မှ ဂေါ်ဖီထုတ်နှင့် ပန်းဂေါ်ဖီများ ရက်ခြားဝင်ရောက်မှုရှိ၍ ဂေါ်ရခါးသီးကို မေမြို့ဘက်မှ ဝင်ရောက်ကြောင်း သိရှိရပါသည်။ ကုန်စိမ်းဈေးနှုန်းများအနေဖြင့် ဂေါ်ရခါးညွှန့်(၁)စီးလျှင် ၅၀၀ကျပ်၊ ကိုက်လန် (၁)စီး လျှင် ၅၀၀ကျပ်၊ ထိုင်ဝမ်မုန့်ညင်း(၁)စီးလျှင် ၃၀၀ကျပ်၊ ပန်းဂေါ်ဖီစိမ်းတစ်ပွင့်လျှင် ၇၀၀ကျပ်၊ ယိုးဒယား အပ်မှို(၁)ထုတ်လျှင် ၂၀၀၀ကျပ်၊ ကြာစွယ်တစ်ပိဿာလျှင် ၈၀၀၀ကျပ်၊ နှစ်တစ်ရာသီး(၁)ထုတ်လျှင် ၂၂၀၀ကျပ်၊ ဂျပန်တိုဟူးတစ်ထုတ်လျှင် ၇၀၀ကျပ်၊ ယိုးဒယားဥနီ (၁)ပိဿာလျှင် ၄၀၀၀ကျပ်၊ ဗမာဥနီ(၁)ပိဿာလျှင် ၂၅၀၀ကျပ်၊ ရွှေပဲသီး (၁)ပိဿာလျှင် ၁၃၀၀၀ ကျပ်၊ ဗိုလ်ပဲ တစ်ပိဿာလျှင် ၆၀၀၀ကျပ်၊ ဂေါ်ရခါးသီး(၁)လုံးလျှင် ၂၀၀ကျပ်၊ ငရုတ်ပွ (၁)ပိဿာ လျှင် ၆၀၀၀ကျပ်၊ မုံညင်း (၁)ပိဿာလျှင် ၁၄၀၀ကျပ်၊ ပန်းဂေါ်ဖီပွင့်(၁)ပွင့်လျှင် ၆၀၀ကျပ်၊ ဂေါ်ဖီထုတ်(၁)ထုတ်လျှင် ၁၀၀၀ ကျပ် နှင့် တရုတ်နံနံ (၁)စီးလျှင် ၅၀၀ကျပ်တို့ဖြင့် ပြည်ဈေးကွက်တွင် အရောင်းအဝယ် ဖြစ်လျက်ရှိကြောင်း သိရှိရပါသည်။

DOCA(ပဲခူး)

     ဈေးကွက်အတွင်းတွင် အိမ်ရှင်မများချက်ပြုတ်စားစရာ အရံဟင်းတစ်မျိုးဖြစ်သော ငွေနှင်းမှို တို့ကိုရောင်းချလျက်ရှိရာ တစ်ပိဿာ ၅၀၀၀ကျပ်ဈေးဖြင့် ဝယ်ယူစားသုံးလျက်ရှိပါသည်။ အဆိုပါ ငွေနှင်းမှိုအား စိုက်ပျိုး၍ရောင်းချသူများအနေဖြင့် မှိုမျိုးစေ့ထုတ်တစ်ထုတ်လျှင် ၇၅၀ကျပ်ဖြင့် ဝယ်ယူ၍ မိမိအိမ်တွင် တစ်ပိုင်တစ်နိုင်စိုက်ပျိုးရောင်းချသောကြောင့် တစ်ဖက်တစ်လမ်း ဝင်ငွေရရှိနေသော စီးပွားရေးလုပ်ငန်းလုပ်ငန်းတစ်ခုဖြစ်ပါသည်။ မှိုမျိုးစေ့ထုတ်များအား အမိုးရှိ၍အေး သောနေရာတွင်ထားပြီး အထုတ်စိုရုံ ရေကိုတစ်နေ့နှစ်ကြိမ်ဖျန်းပေးခြင်းအားဖြင့်  ထူးထူးခြားခြား ဆေးကျွေးစရာမလိုဘဲ အဖူးများထွက်ရှိလာကာ (၂)ရက်အကြာတွင် စတင်ခူးဆွတ်နိုင်ပါသည်။ မှိုမျိုးစေ့တစ်ထုတ်လျှင် အနည်းဆုံး ၃၀ကျပ်သားမှ ၅၀ကျပ်သားအထိထွက်ရှိပါသည်။ မှိုစေ့အထုတ်သက်တမ်းမှာ (၄)လခန့်ကြာပြီး တစ်လလျှင် (၄)ကြိမ်ပုံမှန်ခူးဆွတ်နိုင်သည်ဟု သိရှိရပါသည်။ ထိုသို့ မှိုကိုစိုက်ပျိုးရာတွင် နေရာအကျယ်အဝန်းများများစားစားမလို၊ အရင်းအနှီးလည်း နည်းနည်း ဖြင့် မိသားစုတစ်ပိုင်တစ်နိုင်ဝင်ငွေရရှိနိုင်သော ငွေနှင်းမှိုအား စိုက်ပျိုးသင့်ပါကြောင်း ရေးသားလိုက်ရပါသည်။

DOCA(ပဲခူး)

         ကလေးမြို့ပေါ်တွင် ဒီဇင်ဘာလ၊ စတုတ္ထအပတ်အတွင်း ဈေးနှုန်းများမှာ ဧည့်မထစပါး ( ၁ ) တင်းလျှင် ( ၁၀၅၀၀ ) ကျပ်၊ ငစိန်စပါး ( ၁ ) တင်းလျှင် ( ၉၅၀၀ ) ကျပ်၊ ဧရာမင်းစပါး ( ၁ ) တင်းလျှင် ( ၁၃၅၀၀ ) ကျပ်၊ ဧည့်မထဆန် ( ၂၄ ) ပြည် ( ၁ ) အိတ်လျှင် ( ၄၄၀၀၀ ) ကျပ်၊ ငစိန်ဆန် ( ၂၄ ) ပြည် ( ၁ ) အိတ်လျှင် ( ၄၁၀၀၀ ) ကျပ်၊ ဧရာမင်းဆန် ( ၂၄ ) ပြည် ( ၁ ) အိတ်လျှင် ( ၅၅၀၀၀ ၅၅၀၀ ) ကျပ်၊ ပဲဆီ ( ၁ ) ပိဿာလျှင် ( ၁၁၀၀၀ ) ကျပ်၊ နှမ်းဆီ ( ၁ ) ပိဿာလျှင် ( ၁၀၀၀၀ ) ကျပ်၊ နေကြာဆီ ( ၁ ) ပိဿာလျှင် ( ၁၀၀၀၀ ) ကျပ်၊ စားအုန်းဆီ တစ်ပိဿာလျှင် ( ၅၈၀၀ ) ကျပ်၊ ကြက်သွန်နီ ( ဒေသထွက် ) တစ်ပိဿာလျှင် ( ၄၀၀၀ ) ကျပ်၊ ကြက်သွန်ဖြူ ( ရှမ်း ) တစ်ပိဿာလျှင် ( ၄၀၀၀ ) ကျပ်၊ ကြက်သွန်ဖြူ ( ကြူကုတ် ) တစ်ပိဿာလျှင် ( ၅၂၀၀ ) ကျပ်၊ ဂျင်းတက် တစ်ပိဿာလျှင် ( ၁၈၀၀ ) ကျပ်၊ ဆားတစ်ပိဿာလျှင် ( ၇၀၀ ) ကျပ်၊ ကုလားပဲ တစ်ပိဿာလျှင် ( ၄၆၀၀ ) ကျပ်၊ ငရုတ်ခြောက်ရှည် တစ်ပိဿာလျှင် ( ၂၂၀၀၀ ) ကျပ်၊ ငရုတ်ခြောက်ပု တစ်ပိဿာလျှင် ( ၃၂၀၀၀ ) ကျပ်၊ အာလူး တစ်ပိဿာလျှင် ( ၃၀၀၀ ) ကျပ်၊ မန်ကျည်းသီး ( အစေ့လွတ် ) တစ်ပိဿာလျှင် ( ၆၀၀၀ ) ကျပ်၊ ကြက်သား တစ်ပိဿာလျှင် ( ၁၂၀၀၀ ) ကျပ်၊ ဝက်သား တစ်ပိဿာလျှင် ( ၁၅၀၀၀ ) ကျပ်၊ အမဲသား တစ်ပိဿာလျှင် ( ၁၆၀၀၀ ) ကျပ်၊ ဆိတ်သား တစ်ပိဿာလျှင် ( ၂၄၀၀၀ ) ကျပ်၊ ငါးကြင်း တစ်ပိဿာလျှင် ( ၁၄၀၀၀ ) ကျပ် ပေါက်ဈေးနှုန်းများဖြင့် ဈေးကွက်အတွင်း ရောင်းချလျက်ရှိပါသည်။

         ယခုလအတွင်းတွင် အခြေခံစားသောက်ကုန်ဈေးနှုန်းများမှာ ထူးခြားမြှင့်တက်မှုများအနေဖြင့် ဝက်သားတစ်ပိဿာလျှင် ( ၁၀၀၀ ) ကျပ်နှင့် ငါးကြင်းတစ်ပိသာလျှင် ( ၂၀၀၀ ) ကျပ်  အနည်းငယ်မြှင့်တက်ခဲ့ပါကြောင်းနှင့် စားအုန်းဆီတစ်ပိဿာလျှင် ( ၇၀၀ ) ကျပ်၊ ကြက်သွန်ဖြူ ( ကြူကုတ် ) တစ်ပိဿာလျှင် ( ၈၀၀ ) ကျပ် ဈေးနှုန်းများဖြင့် အနည်းငယ်ဈေးနှုန်း မြှင့်တက်ခဲ့ကြောင်း ဈေးကွက်အတွင်းမှ စုံစမ်းသိရှိရပါသည်။

DOCA(စစ်ကိုင်း)

        မြင်းခြံဈေးကွက်အတွင်းသို့ နိုဝင်ဘာနောက်ဆုံးပတ်မှစ၍ နွားစားပြောင်းမှ ရရှိသော နှံစားပြောင်းများ ဈေးကွက်အတွင်းသို့ စတင်ဝင်ရောက်လာခဲ့ပြီး တစ်ပိဿာဈေး ၁၁၅၀/- ကျပ် ဈေးဖွင့်ရောင်းဝယ်ခဲ့ကြသည်ဟု သိရှိရပါသည်။ နှံစားပြောင်းဟုဆိုရာတွင် နှံစားပြောင်းအနီနှင့် အဖြူဟူ၍ နှစ်မျိုး ရှိပါကြောင်း၊ နှံစားပြောင်းအနီကို ဈေးကွက်အခေါ်အရ ရွှေနီပြောင်းဟူ၍ လည်းကောင်း၊ နှံစားပြောင်း အဖြူကို ဆန်ပြောင်းဟူ၍လည်းကောင်း ခေါ်ဆိုရောင်းဝယ်လျက်ရှိ ကြောင်းသိရှိရပါသည်။ လက်ရှိဈေးကွက်အတွင်းတွင် ရွှေနီပြောင်းကိုသာတွေ့ရှိရပြီး ဆန်ပြောင်း ကိုတော့ လှိုင်လှိုင်မပေါ် သေးသည့်အတွက် ဈေးကွက်အတွင်း အနည်းငယ်မျှသာ တွေ့ရှိရပါသည်။ သက်ဆိုင်ရာဌာန၏ စိုက်ပျိုးထားရှိမှုစာရင်းတွင်  မြင်းခြံမြို့နယ်အနေဖြင့် ၁၇၃၂၀ ဧက၊ တောင်သာမြို့နယ်အနေဖြင့် ၃၉၇၉၀ ဧကနှင့်နွားထိုးကြီးမြို့နယ်အနေဖြင့် ၂၃၄၈၈ ဧကစိုက်ပျိုး ထားရှိသည့်အတွက် စုစုပေါင်း ၇၆၅၉၈ ဧကစိုက်ပျိုးခဲ့ကြောင်း ယခင်နှစ်စိုက်ပျိုးမှုမှာ ၇၇၇၈၀ ဖြစ်ပြီး ၁၁၈၂ ဧက စိုက်ပျိုးမှုလျော့နည်းခဲ့ကြောင်းသိရှိရပါသည်။

          နှံစားပြောင်းကို စိုက်ပျိုးမြေ တစ်နေရာတည်းတွင် နှစ်ထပ်စိုက်ပျိုးလေ့ မရှိကြောင်းလဲသိရှိရပါသည်။ နှံစားပြောင်းသည် ထုတ်လုပ်မှုကုန်ကျစရိတ် ၁ သိန်းဝန်းကျင်သာရှိပြီး တောင်သူများနွားစာအဖြစ် စိုက်ပျိုးရာမှ ထွက်ရှိသောအနှံ(အဆံ)ကို ဈေးကွက်တင် ရောင်းချရသည့်အတွက် နွားစာအပြင် အပိုဝင်ငွေလဲ ရရှိသည့် သီးနှံတစ်ခုလည်းဖြစ်တယ်လို့ သိရှိရပါသည်။ ရွှေနီပြောင်း၏ စိုက်ပျိုးထွက်ရှိမှု သက်တမ်း မှာ (၅) လရှိပြီး ၊ ဆန်ပြောင်းမှာ (၆) လသက်တမ်းခန့်ရှိပါကြောင်း ရွှေနီပြောင်းသည် အချိုဓါတ်ရှိပြီး နွားစာတွင်လည်းပိုပြီးအဟာရဖြစ်ပြီး သက်တမ်းလည်း တိုသည့်အတွက် နောက်ပိုင်းတွင် ရွှေနီ ပြောင်းကိုသာ စိုက်ပျိုးမှုများပြားလာပါကြောင်း နွားစာပြောင်း တစ်ဧကလျှင် နွားစာတင်း ၄၀၀ / ၄၅၀ ခန့်ရရှိပါကြောင်း နှံစာပြောင်းအနှံအနေဖြင့် ၁၀ တင်း မှ ၁၂ တင်းခန့်ထွက်ရှိကြောင်းသိရပြီး တစ်တင်းလျှင် အလေးချိန် (၁၈) ပိဿာခန့်ရှိကြောင်းလည်း သိရှိရပါသည်။ လတ်တလော ရွှေနီ ပြောင်းဈေးကွက်အနေဖြင့် တစ်ပိဿာ ၁၁၂၀/- ကျပ်နှင့် ဆန်ပြောင်းတစ်ပိဿာ ၁၀၀၀/-ကျပ် ၊ ၁၀၅၀/- ကျပ် အရောင်းအဝယ်ရှိပြီး ဈေးငြိမ်နေကြောင်းသိရှိရပါသည်။ သီးနှံအမျိူးအစားအလိုက် တစ်ဧကလျှင် ၁၈၀၀၀၀/- ကျပ်မှ ၂၄၀၀၀၀/-ကျပ် ရရှိပါကြောင်း ၊ ဈေးကွက်ဝင်ရောက်မှုအနေဖြင့် တင်း ၁၅၀ / ၂၀၀ ခန့်ရှိကြောင်းနှင့်ပုံမှန်အဝယ်ရှိပြီး မန္တလေးဈေးကွက်သို့တင်ပို့ပြီး တရုတ်ဈေး ကွက်သို့ ဆက်လက်တင်ပို့လျက်ရှိကြောင်း ကုန်သည် အသိုင်းအဝိုင်းမှသိရပါသည်။ သုံးစွဲမှုအနေဖြင့် တိရိစ္ဆာန်အစာအဖြစ်လည်ကောင်း၊ မုန့်လုပ်ရာတွင် လည်းကောင်း ထည့်သွင်းအသုံးပြုကြောင်းသိရှိ ရပါသည်။ ပြောင်းပင်ရိုးကိုလည်း အခြောက်ခံ၍ နွားစာအဖြစ် ပြောင်းရိုးဆင်းစက်တင်ပြီးပါက တစ်တင်းကို ၁၀၀၀/- ကျပ်ရောင်းချရသည့်အတွက်  (၄) သိန်း နှင့် (၅) သိန်းအကြား ဝင်ငွေရရှိ သည့်အတွက် ကုန်ကျစရိတ်နည်းသည့် နှံစာပြောင်း (နွားစာပြောင်း) သည် တောင်သူများကို အမှန် တစ်ကယ်အကျိုးပြုသီးနှံဖြစ်ပါ၍ ဖူးတံပွင့်ချိန် အလေးထားလို့ ကျေးငှက်ရန်ကို ကာကွယ် စောင့်ရှောက်မည်ဆိုက အထွက်တိုးလို့ အမှန်ပင် ဝင်ငွေတိုးပွားစေသည့် သီးနှံပင်ဖြစ်ပါကြောင်း လေ့လာတင်ပြလိုက်ရပါသည်။

DOCA(မန္တလေး)

          မိတ္ထီလာခရိုင်  ဝမ်းတွင်းမြို့နယ် ဝမ်းတွင်း၊ လျော်ပင်၊ တမာကုန်း၊ သဲတော‌ ကျေးရွာများတွင် ချည်ထည်လုပ်ငန်းကို ဒေသထွက်ကုန်တစ်မျိုးအဖြစ် ထုတ်လုပ်ရောင်းချလျက်ရှိပါသည်။ ကုန်ကြမ်း ချည်များကို မန္တလေးမှ တရုတ်ချည်၊ အိန္ဒိယချည်များဝယ်ယူထုတ်လုပ်လျက်ရှိပြီး ထွက်ရှိသော အထည်များကို ရန်ကုန်၊ မန္တလေးသို့ အဓိကထားတင်ပို့ပြီး အခြားမြို့များသို့လည်းတင်ပို့ ရောင်းချ လျက်ရှိကြောင်း သိရှိရပါသည်။

          အမျိုးသမီးဝတ်လုံချည်/ အမျိုးသားဝတ်ပုဆိုး အဆင့်မြင့်နှင့် အမျိုးသား / အမျိုးသမီးဝတ် ရိုးရိုး၊ အင်္ကျီစများကို ထုတ်လုပ်ရောင်းချကြရာ ယခုနှစ် ဒီဇင်ဘာလတွင် စျေးကွက်တွင် ဖြစ်ပေါ် နေသော ဈေးနှုန်းများမှာ အမျိုးသားဝတ်အဆင့်မြင့်ပုဆိုး တစ်ကွင်းလျှင်(၈၀၀၀)ကျပ်၊ အမျိုးသမီး ဝတ်အဆင့်မြင့်လုံချည် တစ်ကွင်းလျှင် (၁၀၀၀၀)ကျပ်၊ အမျိုးသားဝတ် ရိုးရိုးပုဆိုးတစ်ကွင်းလျှင် (၆၅၀၀)ကျပ်၊ အမျိုး သမီးဝတ် ရိုးရိုးလုံချည် တစ်ကွင်းလျှင် (၃၅၀၀)ကျပ်၊ အင်္ကျီစ တစ်ကိုက်လျှင် (၃၀၀၀)ကျပ်၊ ယခင်နှစ် ဒီဇင်ဘာလတွင် အမျိုးသားဝတ် အဆင့်မြင့်ပုဆိုး တစ်ကွင်းလျှင် (၅၀၀၀) ကျပ်၊ အမျိုးသမီးဝတ် အဆင့်မြင့်လုံချည် တစ်ကွင်းလျှင် (၈၀၀၀)ကျပ်၊ အမျိုးသားဝတ် ရိုးရိုးလုံချည် တစ်ကွင်းလျှင် (၃၅၀၀) ကျပ်၊ အမျိုးသမီးဝတ် ရိုးရိုးလုံချည် တစ်ကွင်းလျှင် (၂၅၀၀)ကျပ်၊ အင်္ကျီစ တစ်ကိုက်လျှင် (၂၀၀၀) ကျပ် ဈေးရှိခဲ့ပြီး  ယခင်နှစ်နှင့် ယခုနှစ် နှိုင်းယှဉ်ပါက အမျိုးသားဝတ် အဆင့်မြင့်ပုဆိုး တစ်ကွင်းလျှင် (၃၀၀၀)ကျပ်၊ အမျိုးသမီးဝတ် လုံချည် တစ်ကွင်းလျှင် (၂၀၀၀)ကျပ်၊ အမျိုး သားဝတ် ရိုးရိုးပုဆိုး တစ်ကွင်းလျှင် (၃၀၀၀)ကျပ်၊ အမျိုးသမီးဝတ် ရိုးရိုးလုံချည်တစ်ကွင်းလျှင် (၁၀၀၀)ကျပ်၊ အင်္ကျီစတစ်ကိုက်လျှင်(၁၀၀၀)ကျပ်ခန့် ဈေးနှုန်း မြှင့်တက်လာကြောင်း၊ ဈေးနှုန်းမြှင့် တက်လာရခြင်းမှာ ကုန်ကြမ်းဈေးနှုန်း၊ သယ်ယူစရိတ် မြှင့်တက်လာခြင်းကြောင့်ဖြစ်ကြောင်း သိရှိရပါသည်။

DOCA(မန္တလေး)