ပြည်တွင်းကုန်သွယ်မှုသတင်း

     ပြည်ကုန်စည်ဒိုင်တွင် အရောင်းအဝယ်ဖြစ်လျက်ရှိသော ပဲများမှာ ဒီဇင်ဘာ နောက်ဆုံးပတ်တွင် မတ်ပဲ၊ ပဲတီစိမ်းနှင့် ပဲစင်းငုံဈေးမှာကျနေပြီး ကုလားပဲဈေးမှာတက်နေကြောင်း သိရှိရပါသည်။ ယခင်နှစ်နှင့်ယခုနှစ် ဒီဇင်ဘာနောက်ဆုံးပတ် ပဲဈေးများကိုနှိုင်းယှဉ်ကြည့်လျှင် ယခင်နှစ်က ပဲဈေးမှာ ယခုနှစ်လောက် ဈေးကောင်းမရကြောင်း သိရှိရပါသည်။

       ပြည်ကုန်စည်ဒိုင် ယခုနှစ် စတုတ္တပတ်တွင် မတ်ပဲတစ်တင်းကို ၅၆၀၀၀-၅၅၇၀၀ကျပ်ဖြင့် တစ်ရက်ကို အိတ် ၂၀၀/၃၀၀ခန့် အဝင်ရှိပြီး လှောင်သမားနှင့်ရန်ကုန်အဝယ်ရှိပါသည်။ ပဲသစ်များ ပေါ်နေပြီဖြစ်၍ ပဲဟောင်းများ ထုတ်ရောင်းသူ များနေပါသည်။ ယခင်နှစ်ကဒီဇင်ဘာ စတုတ္တပတ်တွင် မတ်ပဲဈေးတစ်တင်းကို ၅၀၀၀၀ကျပ်ဖြင့် အရောင်းအဝယ်ရှိခဲ့ပြီး၊ ယခုနှစ်ပဲတစ်တင်းကို ၆၀၀၀၀ ကျပ်ခန့် ဈေးပိုရခဲ့ကြောင်း သိရှိရပါသည်။

      ပြည်ကုန်စည်ဒိုင်တွင် ယခုနှစ်ဒီဇင်ဘာ စတုတ္တပတ်တွင် ပဲတီစိမ်းတစ်တင်းကို ၄၆၀၀၀ ကျပ် ဖြင့် အရောင်းအဝယ်ဖြစ်လျက်ရှိပြီး တစ်ရက်ကိုအိတ် ၇၀၀/၈၀၀ခန့် ရန်ကုန်နှင့် မန္တလေးသို့တင်ပို့မှု ရှိခဲ့ပါသည်။ ယခင်နှစ်က ဒီဇင်ဘာစတုတ္တပတ်တွင် ပဲတီစိမ်းတစ်တင်းကို ၄၄၅၀၀ကျပ်ဖြင့် မန္တလေး ဝယ်လက်ရှိခဲ့ပြီး ယခုနှစ်ဈေးမှာ ယခင်နှစ်ထက် ၁၅၀၀ကျပ် ဈေးပိုရခဲ့ပါသည်။

       ဒီဇင်ဘာစတုတ္တပတ်၏ ပဲစင်းငုံ ယခုနှစ်ဈေးမှာ ပဲတစ်တင်းကို ၅၅၀၀၀ကျပ်ဖြင့် တစ်ရက်ကိုအိတ် ၂၀၀/၃၀၀ခန့် ပန်းတောင်းနှင့် ကံမဘက်မှ ပြည်သို့ ပဲသစ်များ အဝင်ရှိခဲ့ပါသည်။ အရောင်းအဝယ်မှာ ရန်ကုန်ဝယ်လက် တစ်ရက်ကိုအိတ် ၂၀၀/၃၀၀ခန့် အဝယ်ရှိခဲ့ပါသည်။ ယခင်နှစ်ဒီဇင်ဘာ စတုတ္တပတ်တွင်  ပဲစင်းငုံတစ်တင်းကို ၂၉၀၀၀ကျပ်ဖြင့် အဝယ်ရှိပြီး ယခုနှစ်ဈေးမှာ ၂၆၀၀၀ကျပ်ခန့် ဈေးပိုရခဲ့ကြောင်း သိရှိရပါသည်။

     ယခုနှစ် ဒီဇင်ဘာလ စတုတ္တပတ် ကုလားပဲ(HL) တစ်တင်း ၆၅၅၀၀ကျပ်ဖြင့် တစ်ရက်ကို အိတ် ၃၀၀/၄၀၀ခန့် ခွဲစက်သမားများနှင့် ရန်ကုန်အဝယ်ရှိခဲ့ပါသည်။ ကုလားပဲ လက်ကျန်လည်း နည်းနေပြီဖြစ်၍ ပဲဈေးမှာ တက်နေပြီး အရောင်းအဝယ်မှာ သွက်လျက်ရှိပါသည်။ ယခင်နှစ်ကုလားပဲ (HL)ဈေးမှာ တစ်တင်းကို ၃၀၀၀၀ကျပ်ဖြင့် အရောင်းအဝယ်ဖြစ်ပြီး ယခုနှစ်ထက် ၃၅၀၀၀ကျပ်ခန့် ဈေးပိုမြင့်ခဲ့ပါသည်။

       ပြည်ကုန်စည်ဒိုင်၏ ယခုနှစ်ဒီဇင်ဘာ စတုတ္တပတ်မှာ ဘိုကိတ်ပဲဈေးတစ်တင်းကို ၄၀၀၀၀ ကျပ်ဖြင့် မြို့တွင်းအဝယ်နှင့် ရန်ကုန်အဝယ်ရှိခဲ့ပြီး တစ်ရက်ကိုအိတ် ၅၀/၁၀၀ခန့် အဝယ်ရှိခဲ့ပါသည်။ ယခင်နှစ် ဒီဇင်ဘာ စတုတ္တပတ်တွင် ဘိုကိတ်ပဲတစ်တင်းကို ၂၉၅၀၀ကျပ်ဖြင့် မြို့တွင်း အဝယ် ရှိခဲ့ပါသည်။ ယခင်နှစ်နှင့် ယခုနှစ် ဒီဇင်ဘာစတုတ္တပတ် ဘိုကိတ်ပဲဈေးမှာ တစ်တင်းကို ၁၀၅၀၀ခန့် ဈေးပိုခဲ့ကြောင်း သိရှိရပါသည်။

       ပြည်ကုန်စည်ဒိုင်၏ ယခင်နှစ်က ပဲမျိုးစုံဈေးမှာ ယခုနှစ်လောက် ဈေးမကောင်းကြောင်း သိရှိရပါသည်။ ပဲအရောင်းအဝယ်ဖြစ်မှုမှာလည်း ယခုနှစ်ဒီဇင်ဘာ စတုတ္တပတ်က အရောင်းအဝယ် ပိုကောင်းကြောင်း သိရှိရပါသည်။

DOCA(ပဲခူး)

        စားဖိုဆောင်သီးနှံတစ်မျိုးဖြစ်သည့် အာလူးကို ကုန်းသာ၊ သေးဆူလဲကျေးရွာများမှ စိုက်ပျိုး ကြပြီးပြည်နယ်အတွင်း စားသုံးမှုလိုအပ်ချက်အရ ရှမ်းပြည်နယ်တောင်ပိုင်းပင်လောင်းမြို့၊ အောင်ပန်း မြို့၊ နောင်တယားမြို့တို့မှ ဝင်ရောက်လျက်ရှိကြောင်း၊  ဒီဇင်ဘာလ စတုတ္ထပတ်တွင် အာလူး တစ်ပိဿာလျှင် (၂၅၀၀)ကျပ်ဈေးရှိခဲ့ပြီး ဒီဇင်ဘာလ နောက်ဆုံးပတ်တွင် အာလူးတစ်ပိဿာလျှင် (၂၂၀၀) ကျပ်ဈေးဖြင့် အရောင်းအဝယ်ဖြစ်လျှက်ရှိရာ ယခင်ပတ် နှင့် ယခုပတ် နှိုင်းယှဉ်လျှင် တစ်ပိဿာ (၃၀၀)ကျပ်ခန့်ဈေးနှုန်းအနည်းငယ်ကျဆင်းလာကြောင်း၊ ဈေးနှုန်းအနည်းငယ်ကျဆင်းရခြင်းမှာ ဒေသထွက်အာလူးအသစ်များဈေးကွက်အတွင်း ဝင်ရောက်လာခြင်းကြောင့် ဈေးနှုန်းအနည်းငယ်ကျဆင်းရခြင်းဖြစ်သည်ဟုလွိုင်ကော်မြို့၊ နောင်ယားဈေးရှိအာလူးရောင်းချသော လုပ်ငန်းရှင်တစ်ဦးထံမှသိရ ပါသည်။

DOCA(ကယား)

          ၂၀၂၂ခုနှစ် ဒီဇင်ဘာလ နောက်ဆုံးပတ်အတွင်း ရွှေဘိုမြို့နယ်တွင် အခြေခံစားကုန်များ ဖြစ်သော ရွှေဘိုပေါ်ဆန်းဆန်(ဟောင်း) တစ်ပြည် ၃၇၀၀ကျပ်၊ ဧရာမင်းဆန်(ဟောင်း) တစ်ပြည် ၂၈၀၀ကျပ်၊ရွှေဘိုပေါ်ဆန်းဆန်(သစ်) တစ်ပြည် ၂၃၀၀ကျပ်၊ ဧရာမင်းဆန်(သစ်) တစ်ပြည် ၁၉၀၀ကျပ်ဖြင့် အရောင်းအဝယ်ဖြစ်လျက်ရှိသည်။ကြက်သွန်နီ(သစ်) လက်လီဈေးမှာ (ကြီး) တစ်ပိဿာ ၂၅၀၀ကျပ်၊ (လတ်) တစ်ပိဿာ ၂၂၀၀ကျပ်၊ (သေး)တစ်ပိဿာ ၁၅၀၀ကျပ်နှုန်းဖြင့် အရောင်းအဝယ် ဖြစ်လျက်ရှိသည်။ ကြက်သွန်ဖြူလက်လီဈေးမှာ (ဗမာ)တစ်ပိဿာလျင် ၃၅၀၀ကျပ်မှ ၄၀၀၀ကျပ်ထိ၊ ရှမ်း ကြက်သွန်ဖြူ တစ်ပိဿာ ၄၅၀၀ကျပ်မှ ၅၀၀၀ကျပ်ထိ ၊ (ကြူကုပ်) တစ်ပိဿာ ၅၀၀၀ကျပ်မှ ၆၀၀၀ကျပ်ထိ၊ ချင်းတစ်ပိဿာ ၁၃၀၀ကျပ်မှ ၁၅၀၀ကျပ်ထိ ၊ ငရုတ်သီးခြောက် အမျိုးအစားအလိုက် ၁၇၀၀၀ကျပ်မှ ၁၈၀၀၀ကျပ်ထိ အာလူး တစ်ပိဿာ ၁၈၀၀ကျပ်မှ ၂၆၀၀ကျပ်ထိ၊ ခရမ်းချဉ်သီး တစ်ပိဿာ ၁၀၀၀ကျပ်ဖြင့် အရောင်းအဝယ် ဖြစ်နေပါသည်။

          ကြက်ဥ လက်လီဈေးနှုန်းမှာ (ကြီး)တစ်လုံး ၂၅၀ကျပ်၊ (သေး) တစ်လုံး ၂၀၀ကျပ် ၊ ဘဲဥ (ကြီး) တစ်လုံး (၃၀၀)ကျပ်၊ (သေး)တစ်လုံး (၂၅၀)ကျပ်ရှိသည်။ ရွှေဘိုမြို့၏ အသား/ငါး ဈေးနှုန်းများမှာ ကြက်သား(CP)  တစ်ပိဿာ ၉၀၀၀ကျပ်မှ ၁၀၀၀၀ကျပ်ထိ၊ကြက်သား (ဗမာ)တစ်ပိဿာ ၁၀၀၀၀ ကျပ်မှ ၁၃၀၀၀ကျပ်ထိ၊  ဝက်သား တစ်ပိဿာ ၁၄၀၀၀ကျပ်မှ ၁၈၀၀၀ကျပ်ထိ၊ အမဲသားတစ်ပိဿာ ၁၄၀၀၀ကျပ်မှ ၁၆၀၀၀ကျပ်ထိ၊  ငါးမြစ်ချင်း တစ်ပိဿာ ၇၀၀၀ကျပ်၊ ငါးကြင်း တစ်ပိဿာ ၆၀၀၀ကျပ်ဖြင့် ရောင်းဝယ်နေကြောင်း သိရသည်။

          စားသုံးဆီ ဈေးနှုန်းများမှာ ပဲဆီသန့် တစ်ပိဿာလျှင် ၈၅၀၀ကျပ်မှ ၉၀၀၀ကျပ်ထိ၊  စားအုန်းဆီ တစ်ပိဿာလျှင် ၅၃၀၀ကျပ်နှင့် နှမ်းဆီ တစ်ပိဿာလျှင် ၉၀၀၀ကျပ်ဖြင့် အရောင်းအဝယ် ဖြစ်နေကြောင်း သိရသည်။

DOCA(စစ်ကိုင်း)

     ပြည်ဈေးကွက်သို့ အောင်ပန်းချင်းများ တစ်ပတ်အတွင်း ပိဿာချိန် ၁၀၀၀ခန့် အဝင်ရှိကာဒေသတွင်း အရောင်းအဝယ်သမားများနှင့် လက်လီဈေးရောင်းချသူများ အဝယ်ရှိနေပြီး၊ ဈေးနှုန်းမှာ ယခင်အပတ်ဈေးထက် ၂၀၀ကျပ် ဈေးမြင့်ပြီး ရောင်းချလျက်ရှိပါသည်။ ယခုတစ်ပတ် ချင်း တစ်ပိဿာ (ပွဲရုံဈေး) မှာ ၂၀၀၀-၂၂၀၀ကျပ်၊ (အိတ်စွဲ)ဈေးဖြစ်ပြီး ချင်းသန့်လက်လီဈေးများတွင် တစ်ပိဿာကို ချင်းသန့် ၂၈၀၀-၃၂၀၀ကျပ်ဈေးတို့ဖြင့် ရောင်းချလျှက်ရှိနေပါသည်။ ဒါလှီးချင်း(ဖတ်) တစ်ပိဿာဈေး ၂၈၀၀ကျပ်တို့ဖြင့် ရောင်းဝယ်လျှက်ရှိပါသည်။

      ပြည်ဈေးကွက်တွင် အာလူးမှာ ဒီဇင်ဘာလဆန်းမှစ၍ ဈေးငြိမ်နေခဲ့ရာမှ နောက်အပတ်တွင် ဈေးအနည်းငယ်မြင့်၍ ယခုနောက်ဆုံးပတ်တွင် ဈေးငြိမ်ပြီး ပုံမှန်အရောင်းအဝယ် ဖြစ်လျက်ရှိပါ သည်။ လက်ကား(ပွဲရုံ)ဈေး တစ်ပိဿာလျှင် ၂၄၀၀-၂၆၀၀ ကျပ်၊ လက်လီဈေး ကျပ် ၂၈၀၀-၃၀၀၀ ဈေးရှိပါသည်။ ပြည်ဈေးကွက်သို့ ရှမ်းအာလူးများ အဝင်နည်းလျက်ရှိပြီး မန္တလေးမှတစ်ဆင့် တရုတ် အာလူးများ အဝင်များကြောင်းသိရှိရပါသည်။ တစ်ပတ်လျှင် အိတ်၃၀၀ခန့် အဝင်ရှိနေကြောင်း သိရှိရပါသည်။

DOCA(ပဲခူး)

          ရွှေဘိုခရိုင်အတွင်းရှိ မြို့နယ်များ၌ ဒီဇင်ဘာလ ‌နောက်ဆုံးပတ်တွင် စပါး /ဆန် ဈေးနှုန်းမှာ တည်ငြိမ်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဒီဇင်ဘာလ တတိယပတ်တွင် ရန်ကုန်သို့ အိတ်ရေ ၃၆၀၀၀ ၊ မန္တလေးသို့ အိတ်ရေ၄၄၆၀၀၊ နေပြည်တော်သို့ အိတ်ရေ ၁၀၅၀၀၊ ရှမ်း(တောင်)သို့ အိတ်ရေ ၉၅၀၀၊ ရှမ်း(မြောက်)သို့ အိတ်ရေ ၉၅၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၁၁၁၀၀၊ တန်အားဖြင့် ၅၅၅၅တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၃၉၀၀၀၊ မန္တလေးသို့ အိတ်ရေ ၅၁၆၀၀၊ နေပြည်တော်သို့ အိတ်ရေ၁၁၀၀၀ ၊ ရှမ်း(တောင်)သို့ အိတ်ရေ၁၀၀၀၀ ၊ ရှမ်း(မြောက်)သို့ အိတ်ရေ ၁၀၀၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၂၂၆၀၀ ၊ တန်အားဖြင့် ၆၁၃၀တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်ပါက ယခုအပတ်အတွင်း အိတ်ရေ ၁၁၅၀၀၊ တန်အားဖြင့် ၅၇၅တန် ပို၍ စီးထွက်ခဲ့ပါသည်။

          ရွှေဘိုမြို့၏ ဒီဇင်ဘာလ နောက်ဆုံးပတ်တွင် ဖြစ်ပေါ်နေသော စပါး/ဆန်  ဈေးနှုန်းများ မှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၆၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၈၈၀၀၀၊ ဧရာမင်းစပါး တင်း၁၀၀လျှင် ကျပ်၁၄၅၀၀၀၀၊ ဧရာမင်းဆန် ၂၄ပြည်ပါ တစ်အိတ်လျှင် ကျပ်၆၅၀၀၀၊ ရွှေဘိုပေါ်ဆန်းစပါး(သစ်) တင်း၁၀၀လျှင် ကျပ် ၁၅၈၀၀၀၀၊ ရွှေဘိုပေါ်ဆန်းဆန်(သစ်) ၂၄ပြည်ပါ တစ်အိတ်လျှင် ကျပ်၅၅၀၀၀ ၊ ဧရာမင်း စပါး (သစ်) တင်း၁၀၀လျှင် ကျပ် ၁၀၅၀၀၀၀၊ ဧရာမင်းဆန် (သစ်)၂၄ပြည်ပါ တစ်အိတ်လျှင် ကျပ်၄၅၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)