ပြည်တွင်းကုန်သွယ်မှုသတင်း

   တိုင်းဒေသကြီး/ပြည်နယ်များရှိ ကုန်စည်ဒိုင်များတွင် ဖြစ်ပေါ်နေသော မတ်ပဲ၊ ပဲတီစိမ်း နှင့် ပဲစဉ်းငုံ တစ်တန် ဈေးနှုန်းများအား ယခင်နှစ်၊ ယခင်လ၊ ယခင်အပတ်၊ ယခင်နေ့၊ ကာလတူ ဈေးနှုန်းစာရင်းအား နှိုင်းယှဉ်ပြုစု တင်ပြအပ်ပါသည်။

     ရှမ်းပြည်နယ်(တောင်ပိုင်း)ဈေးကွက်ထဲသို့ ရာသီ‌ပေါ်သီးနှံတစ်မျိုးဖြစ်သည့် မရမ်းချိုသီးများ ဈေးကွက်တွင်းသို့ ဝင်ရောက်လျက်ရှိပါသည်၊ မရမ်းချိုသီးများမှာ ရန်ကုန်၊ နေပြည်တော် စသည့်ဒေသများဘက်မှထွက်ရှိပြီး နှစ်စဉ် တန်ခူးလတွင် စတင်ထွက်ပေါ်လာပြီး ရာသီချိန်ခဏသာထွက်ရှိသည့်သီးနှံဖြစ်၍ တန်ခူးလကုန်ပြီးလျှင် သီးနှံအထွက်ရပ်သွားသည်ဟုလည်း သိရှိရပါသည်။ သီးနှံစတင်ထွက်ပေါ်ချိန်တွင် တစ်ပိဿာလျှင် (၈၀၀ဝိ/-)ကျပ်ရှိပြီး သီးနှံအဝင်များလာချိန်တွင် တစ်ပိဿာလျှင် (၇၀၀ဝိ/-)ကျပ်ဈေးရှိကြောင်း၊ နေ့စဉ် ဈေးကွက်အတွင်းသို့ တစ်ခြင်းလျှင် (၁၃)ပိဿာဝင် ပလတ်စတစ်ခြင်းများဖြင့် ခြင်း(၂၀/၃၀)ခန့်အဝင်ရှိနေပြီး လူကြိုက်များ၍ အရောင်းအဝယ်သွက်လျက်ရှိကြောင်း သိရှိရပါသည်။

DOCA(ရှမ်း)

     ပြည်တွင်းကုန်သွယ်ဖွံ့ဖြိုးရေး အထောက်အကူပြုစေရန်အတွက် စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံးအနေဖြင့် သီးနှံဈေးနှုန်း၊ ဈေးကွက်နှင့် ကုန်စည်စီးဝင်/စီးထွက်မှုအခြေအနေများကို စာရင်းကောက်ယူလျက်ရှိရာ ကရင်ပြည်နယ်အတွင်း ၂၀၂၃ခုနှစ်၊ မတ်လအတွက် ဆန်စီးဝင်စီးထွက်များကို စုစည်းဖော်ပြလိုက်ရပါသည်။                                                

    ကရင်ပြည်နယ်ရှိ ဘားအံမြို့၌ မတ်လ (တတိယပတ်) တွင် ကရင်ပြည်နယ်၊ ဘားအံမြို့နယ်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၇၁၁၀အိတ်၊ သထုံသို့ အိတ်ရေ ၃၂၀၅အိတ်၊ ဝေါသို့ အိတ်ရေ ၆၅၀အိတ်၊ ပဲခူးသို့ အိတ်ရေ ၄၀၀အိတ်၊ စုစုပေါင်းအိတ်‌ရေ ၁၁၃၆၅အိတ်၊ တန်အားဖြင့် ၅၆၈တန်စီးထွက်ခဲ့ပါသည်။                                                                                              

     ယခုမတ်လ (စတုတ္တပတ်) တွင် ကရင်ပြည်နယ်၊ ဘားအံမြို့မှ အခြားတိုင်းဒေသကြီးသို့ ဆန်စီးထွက်မှုမှာ ရန်ကုန်သို့ အိတ်ရေ ၅၉၂၅အိတ်၊ သထုံသို့ အိတ်ရေ ၂၈၁၅အိတ်၊ ဝေါသို့ အိတ်ရေ ၈၀၅အိတ်၊ ပဲခူးသို့ အိတ်ရေ ၁၅၂၀အိတ်၊ စုစုပေါင်းအိတ်ရေ ၁၁၀၆၅အိတ်၊ တန်အားဖြင့် ၅၅၃တန်စီးထွက်ခဲ့သည့်အတွက် ယခင်အပတ်နှင့်နှိုင်းယှဉ်လျှင် ယခုတစ်ပတ်အတွင်း အိတ်ရေ ၃၀၀အိတ်၊ တန်အားဖြင့် ၁၅တန်လျော့၍စီးထွက်ခဲ့ကြောင်း သံလွင်တံတားမှပေးပို့လာသော စာရင်းဇယားများအရ  သတင်းရရှိပါသည်။

DOCA(ကရင်)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဝန်ကြီးရုံး၏ ရည်ညွှန်းပါစာလမ်းညွှန်ချက်အရ ဆန်စပါးဆိုင်ရာ အပတ်စဉ်လေ့လာသုံးသပ်ချက်(အကျဉ်းချုပ်) ၁၂/၂၀၂၃ အား သိရှိလမ်းညွှန်မှုပြုနိုင်ပါရန် တင်ပြအပ်ပါသည်။

    ၄.၄.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-