ပြည်တွင်းကုန်သွယ်မှုသတင်း

       ကယားပြည်နယ်တွင် ဆီထွက်သီးနှံဖြစ်သည့်မြေပဲကို လွိုင်ကော်ခရိုင် လွိုင်ကော်မြို့နယ်၊ ဒီမောဆိုမြို့နယ် ၊ ဖရူဆိုမြို့နယ်များတွင် အများဆုံးစိုက်ပျိုးကြပါသည်။  မိုးမြေပဲကို မေလနှင့် ဇွန်လတွင်စိုက်ပျိုးကြပြီး အောက်တိုဘာလတွင်ထွက်ရှိကြောင်း ဆောင်းမြေပဲကို အောက်တိုဘာလနှင့် နိုဝင်ဘာလတွင် စိုက်ပျိုးကြပြီး ဖေဖော်ဝါရီလတွင် ထွက်ရှိကြောင်း ၊စိုက်ပျိုးရေးစာရင်းများအရ မြေပဲကို ၂၀၂၁-၂၀၂၂ ခုနှစ်တွင် မြေပဲစိုက်ဧက( ၉၈၀၆ )ဧကစိုက်ပျိုးပြီး ထွက်ရှိနှုန်းမှာ( ၄၄၁၅၃၂ ) တင်းထွက်ရှိပြီး ဆီထွက်နှုန်းမှာ( ၆၇၇၀၈၄ )ပိဿာထွက်ရှိနိုင်ကြောင်း၊ ယခု ဇန်နဝါရီလပထမပတ်တွင် ဈေးကွက်အတွင်း၌ ဖြစ်ပေါ်နေသောမြေပဲဆံဈေးနှုန်းမှာ မြေပဲဆံ တစ်ပိဿာလျှင်( ၅၀၀၀ )ကျပ်နှင့် မြေပဲဆီတစ်ပိဿာလျှင်( ၁၂၀၀၀ )ကျပ်ခန့်ရှိသည်ဟု မြေပဲဆီရောင်းချနေသောဆီစက်လုပ်ငန်းရှင်တစ်ဦးထံမှ သိရပါသည်။

DOCA(ကယား)

   ကယားပြည်နယ်၊ လွိုင်ကော်မြို့တွင် ၂၀၂၃ ခုနှစ်၊ ဇန်နဝါရီလပထမပတ်အတွင်းဖြစ်ပေါ်နေသော ဓါတ်မြေဩဇာဈေးနှုန်းများမှာ ယူးရီးယား(အာမို)တစ်အိတ်လျှင် (၁၁၃,၀၀၀)ကျပ်၊ ယူးရီးယား(ဩဘာ)တစ်အိတ်လျှင် (၁၁၀,၀၀၀)ကျပ်၊ တီစူပါ(သံကွင်း-တရုတ်)တစ်အိတ်လျှင် (၁၃၅,၀၀၀)ကျပ်၊ ပုလဲရွှေတောင်(တရုတ်)တစ်အိတ်လျှင် (၁၂၀,၀၀၀)ကျပ်၊ ရွှေကောမတ် (မြန်မာ့ဩဘာ)တစ်အိတ်လျှင်(၁၃၅,၀၀၀)ကျပ်၊ ပိုတက်(ဂျာမနီ)တစ်အိတ်လျှင်(၁၃၅,၀၀၀)ကျပ်၊ ကွန်ပေါင်း(အာမို)တစ်အိတ်လျှင်(၁၅၀,၀၀၀)ကျပ်၊ ကွန်ပေါင်း(ဩဘာ)တစ်အိတ်လျှင် (၁၅၀,၀၀၀) ကျပ်၊ ကွန်ပေါင်း ၁၅း၁၅း၁၅(ကောမတ်) တစ်အိတ်လျှင်(၁၆၀,၀၀၀)ကျပ်၊ အာမို ၁၆း၁၆း၁၆ (တရုတ်)တစ်အိတ်လျှင်(၁၆၀,၀၀၀)ကျပ်ခန့်နှင့် ပိုးသတ်ဆေးဈေးနှုန်းများ အနေဖြင့် ဘိုစတာ (၅၀၀ ဂရမ်) တစ်အိတ်လျှင် (၇,၅၀၀ )ကျပ်၊ ဆိုင်ဘာမတ်(၅၀၀ စီစီ)တစ်ဗူးလျှင် (၁၇,၀၀၀)ကျပ်၊ အာမိုစတား(၂၅၀ စီစီ)လျှင်(၉၀၀၀)ကျပ်၊ အာမိုစတား(၅၀၀ စီစီ)တစ်ဗူးလျှင် (၁၆,၅၀၀)ကျပ်၊ Essence(၅၀ စီစီ)တစ်ဗူးလျှင်(၂၂,၀၀၀)ကျပ်၊ ကျန်ကျောင်း(၂၅၀စီစီ) တစ်ဗူးလျှင်(၉,၀၀၀)ကျပ်၊ ဟက်တာ(၅၀၀ စီစီ)တစ်ဗူးလျှင် (၃၂,၀၀၀)ကျပ်၊ ဆိုင်ကလုံး(ဩဘာ) (၅၀၀ စီစီ) တစ်ဗူးလျှင် (၁၇,၀၀၀)ကျပ်၊ ပင်လုံးပြန့်(၅၀၀ စီစီ)တစ်ဗူးလျှင်(၁၉,၀၀၀)ကျပ်၊ ငှက်ကြီးတောင် (၁၀၀ စီစီ) တစ်ဗူးလျှင်(၁၅,၀၀၀)ကျပ်တို့ဖြင့် အရောင်းအဝယ်ဖြစ်လျက်ရှိပါကြောင်း လွိုင်ကော်မြို့ ဓါတ်မြေဩဇာနှင့် ပိုးသတ်ဆေးအရောင်းဆိုင်မှ သိရှိရပါသည်။

DOCA(ကယား)

      စစ်ကိုင်းတိုင်းဒေသကြီး၊ မုံရွာမြို့နယ်တွင် ကွမ်းကို မိမိတို့အိမ်ခြံဝင်းအတွင်း တစ်နိုင်တပိုင်အနေဖြင့် လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကိုဆောင်းစိုက်နှင့် မိုးစိုက်ဟူ၍ နှစ်မျိုးခွဲစိုက်ပျိုးကြပြီး မိုးစိုက်သည် ပိုးကျလွယ်သည့်အတွက် အစိုက်နည်းပြီး ဆောင်းစိုက်ကိုသာ ပိုမိုစိုက်ပျိုးကြကြောင်းသိရသည်။

      ကွမ်းပင်များကို  ဝါဆိုလ(ဇွန်လ)တွင် စိုက်ပျိုးကြပြီး ကွမ်းပျိုးပင် တစ်ပင်လျှင် ကျပ်(၄၀၀-၅၀၀)ပေးဝယ်ရပြီး တစ်ဧကလျှင် ကွမ်းပင် (၃၀၀၀)ခန့် စိုက်ပျိုးရသည်။ စိုက်ပျိုးပြီး လေးလခန့်အရွယ်တွင် ခူးဆွတ်နိုင်ပြီး အစမ်းခူးသည့် အချိန်တွင် ပိဿာ(၄၅-၅၀)ထွက်ရှိကာ တစ်နှစ်ကျော်လျှင် အထွက်နှုန်းတိုးလာပြီး ပိဿာ(၂၀၀-၂၅၀)အထိထွက်ရကြောင်း၊ မြေပြုပြင်ခြင်း၊ မျိုး၊ စိုက်ပျိုးခြင်း၊ သွင်းအားစုနှင့် လုပ်သားခများအပါအဝင် ကွမ်းအပင်ရေ ၁၀၀၀ ခန့်အတွက် စိုက်ပျိုးထုတ်လုပ်မှု ကုန်ကျ စရိတ်မှာ ကျပ် ၁၅ သိန်းခန့်ကုန်ကျပြီး မြေဆီမြေသားကောင်းမွန်မှုနှင့် ဂရုစိုက်မှုပေါ်မူတည်၍ ကွမ်းသက်တမ်း ( သုံးနှစ်မှ ခုနှစ်နှစ်အထိ )ကြာမြင့်သောကြောင့် အကျိုးအမြတ်အနေဖြင့် ငွေကျပ် သိန်း ၃၀ နှင့်အထက်ရရှိကြောင်း သိရသည်။     

       မုံရွာမြို့နယ် ကွမ်းဈေးကွက်အနေဖြင့် ဒီဇင်ဘာ နောက်ဆုံးပတ်တွင် ကွမ်းတစ်ပိဿာလျှင် ကျပ်(၆၅၀၀-၈၀၀၀) ဈေးရရှိပြီး ယခုဇန်နဝါရီ ပထမအပတ်တွင် အရည်အသွေးအပေါ် မူတည်ပြီး တစ်ပိဿာလျှင် အနိမ့်ဆုံးဈေး ငွေကျပ် ၈၀၀၀ မှ အမြင့်ဆုံးဈေး ကျပ်(၁၀၅၀၀-၁၁၀၀၀) အထိ ရောင်းချရပြီး အရောင်းအဝယ်သွက်ကာ ကွမ်းစိုက်တောင်သူများ အဆင်ပြေနေကြောင်း တောင်သူများထံမှ စုံစမ်းသိရှိရသည်။    

DOCA(စစ်ကိုင်း)                                       

      ကယားပြည်နယ်၊ လွိုင်ကော်မြို့တွင် စက်သုံးဆီ အရောင်းဆိုင်(၁၄)ဆိုင်ဖွင့်လှစ်ရောင်းချလျက်ရှိပြီး ယခုဇန်နဝါရီလပထမပတ်အတွင်း ဒီဇယ်(ရိုးရိုး)တစ်လီတာလျှင် (၂၃၁၅/-) ကျပ်၊ ဒီဇယ် (ပရီမီယမ်) တစ်လီတာလျှင် (၂၃၉၅/-) ကျပ်၊ ဓါတ်ဆီ(92)တစ်လီတာလျှင်(၂၀၃၀/-) ကျပ်နှင့် ဓါတ်ဆီ (95) တစ်လီတာလျှင် (၂၀၉၅/-) ကျပ်တို့ဖြင့်ရောင်းချလျှက်ရှိပြီး ယခင်အပတ်နှင့် နှိုင်းယှဉ်ကြည့်လျှင် ဒီဇယ် (ရိုးရိုး) တစ်လီတာလျှင် (၁၂၅) ကျပ်၊ ဒီဇယ်(ပရီမီယမ်) တစ်လီတာလျှင် (၁၁၅) ကျပ်၊ ဓါတ်ဆီ (92)တစ်လီတာလျှင်(၁၁၅) ကျပ် ၊ဓါတ်ဆီ (95) တစ်လီတာလျှင် (၁၁၀)ကျပ်တို့ဖြင့် ဈေးနှုန်းကျဆင်းလျက်ရှိကြောင်း စက်သုံးဆီအရောင်းဆိုင်မှ သိရှိရပါသည်။

DOCA(ကယား)

        ရွှေဘိုခရိုင်အတွင်းရှိ မြို့နယ်များ၌ ဇန်နဝါရီလ ‌ပထမဆုံးပတ်တွင် စပါး /ဆန် ဈေးနှုန်းမှာ တည်ငြိမ်နေပါသည်။ ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ဒီဇင်ဘာလ နောက်ဆုံးပတ်တွင် ရန်ကုန်သို့ အိတ်ရေ ၃၉၀၀၀ ၊ မန္တလေးသို့ အိတ်ရေ၅၁၆၀၀၊ နေပြည်တော်သို့ အိတ်ရေ ၁၁၀၀၀၊ ရှမ်း(တောင်)သို့ အိတ်ရေ ၁၀၀၀၀၊ ရှမ်း(မြောက်)သို့ အိတ်ရေ ၁၀၀၀၀၊ ပခုက္ကူသို့ အိတ်ရေ ၁၀၀၀၊ စုစုပေါင်းအိတ်ရေ ၁၂၂၆၀၀၊ တန်အားဖြင့် ၆၁၃၀တန် စီးထွက်ခဲ့ပါသည်။ယခုအပတ်တွင် ရွှေဘိုခရိုင်မှ အခြားတိုင်းဒေသကြီးများသို့ ဆန်စီးထွက်မှုမှာ ရန်ကုန်သို့ အိတ်ရေ ၅၀၆၀၀၊ မန္တလေးသို့ အိတ်ရေ ၄၁၀၀၀၊ နေပြည်တော်သို့ အိတ်ရေ၁၂၀၀၀ ၊ ရှမ်း(တောင်)သို့ အိတ်ရေ၁၀၅၀၀ ၊ ရှမ်း(မြောက်)သို့ အိတ်ရေ ၁၀၅၀၀၊ပခုက္ကူသို့ အိတ်ရေ ၁၀၀၀ ၊ စုစုပေါင်းအိတ်ရေ ၁၂၅၆၀၀၊ တန်အားဖြင့် ၆၂၈၀တန် စီးထွက်ခဲ့သည့် အတွက် ယခင်အပတ်နှင့် နှိုင်းယှဉ်ပါက ယခုအပတ်အတွင်း အိတ်ရေ ၃၀၀၀၊ တန်အားဖြင့် ၁၅၀တန် ပို၍ စီးထွက်ခဲ့ပါသည်။

      ရွှေဘိုမြို့၏ ဇန်နဝါရီလ ပထမပတ်တွင် ဖြစ်ပေါ်နေသော စပါး/ဆန်  ဈေးနှုန်းများ မှာ ရွှေဘိုပေါ်ဆန်းစပါး တင်း၁၀၀လျှင် ကျပ်၂၆၀၀၀၀၀၊ ရွှေဘိုပေါ်ဆန်း ဆန်၂၄ပြည်ပါ တစ်အိတ်လျှင် ကျပ်၈၈၀၀၀၊ ဧရာမင်းစပါး တင်း၁၀၀လျှင် ကျပ်၁၄၅၀၀၀၀၊ ဧရာမင်းဆန် ၂၄ပြည်ပါ တစ်အိတ်လျှင် ကျပ်၆၅၀၀၀၊ ရွှေဘိုပေါ်ဆန်းစပါး(သစ်) တင်း၁၀၀လျှင်ကျပ် ၁၅၅၀၀၀၀၊ ရွှေဘိုပေါ်ဆန်းဆန်(သစ်) ၂၄ပြည်ပါ တစ်အိတ်လျှင် ကျပ်၅၅၀၀၀ ၊ ဧရာမင်း စပါး (သစ်) တင်း၁၀၀လျှင် ကျပ် ၁၀၅၀၀၀၀၊ ဧရာမင်းဆန် (သစ်)၂၄ပြည်ပါ တစ်အိတ်လျှင်ကျပ်၄၅၀၀၀ဖြင့် အရောင်းအဝယ်ဖြစ်နေကြောင်း သိရှိရပါသည်။

DOCA(စစ်ကိုင်း)