ပြည်တွင်းကုန်သွယ်မှုသတင်း

     ပြည်ခရိုင်အတွင်း မြို့နယ်အားလုံး ဖူးစားပြောင်းစိုက်ပျိုးလျက်ရှိပြီး ရွှေတောင်နှင့် ပန်းတောင်းမြို့နယ်မှ ဧကအများဆုံး စိုက်ပျိုးပါသည်။ ယခုနှစ် ၂၀၂၂-၂၀၂၃ ခုနှစ် ပြည်မြို့နယ်တွင် စိုက်ဧက (၁၁၅၃) ဧက၊ ပေါက်ခေါင်းမြို့နယ်တွင် (၉၉၅) ဧက၊ ပန်းတောင်းမြို့နယ်တွင်  (၈၇၂၃)ဧကနှင့် ရွှေတောင်မြို့နယ်တွင် (၆၈၈၉)ဧကဖြင့် စုစုပေါင်း (၁၇၇၆၀)ဧက စိုက်ပျိုးထားရှိပါသည်။ ဧက(၁၇၄၀၀)ကျော်ခန့် ရိတ်သိမ်းပြီး တစ်ဧကလျှင် အထွက်နှုန်းအနေဖြင့် (၂၄၇၈၀)ဖူးရှိ၍ (၄၃၁၁၇၂၀၀၀) ဖူးခန့် ထွက်ရှိကြောင်း သိရှိရပါသည်။ ဖူးစားပြောင်းကို ဒီဇင်ဘာလတွင် အများဆုံးစိုက်ပျိုးပြီး၊ ဖေဖော်ဝါရီလကုန်မှစ၍ ထွက်ပေါ်လျက်ရှိပါသည်။ ပြည်ခရိုင်အတွင်း အရောင်းအဝယ်ဖြစ်နေသည့် ဖူးစားပြောင်းသီးနှံ အရည်အသွေးပေါ်မူတည်၍ (၁)ဖူးလျှင် (၂၅၀-၃၀၀)ကျပ်ဈေးဖြင့် အရောင်းအဝယ်ဖြစ်ကြောင်း သိရှိရပါသည်။

DOCA(ပဲခူး)

     တောင်ငူခရိုင်၊ ဖြူးမြို့တွင် ရွှေဘိုပေါ်ဆန်း တစ်အိတ်လျှင် ၈၅၀၀၀ ကျပ်ဖြင့် ဈေးတည်ငြိမ်နေပါသည်။ ဧည့်မထဈေးနှုန်းမှာ ယခင်အပတ်က တစ်အိတ်လျှင် ၅၄၀၀၀ ကျပ်မှ ၅၆၀၀၀ ကျပ်အထိရှိပြီး ယခုအပတ်တွင် တစ်အိတ်လျှင် ၅၇၀၀ ကျပ်ဖြင့် ဈေးနှုန်း အနည်းငယ် မြင့်တက်ခဲ့ပါသည်။

        မြေပဲဆီမှာ တစ်ပိဿာလျှင် ၁၄၀၀၀ ကျပ်ဖြင့် ဈေးနှုန်းတည်ငြိမ်နေပြီး စားအုန်းဆီမှာ ယခင်အပတ်က တစ်ပိဿာလျှင် ၇၄၀၀ ကျပ်မှ ယခုအပတ်တွင် တစ်ပိဿာလျှင် ၆၈၀၀ ကျပ်မှ ၇၀၀၀ ကျပ်အထိ ဈေးအနည်းငယ် ကျဆင်းပါသည်။

        ကြက်သွန်နီမှာ အသေး တစ်ပိဿာ ၁၀၀၀ ကျပ်၊ အကြီးတစ်ပိဿာလျှင် ၁၂၀၀ ကျပ်ဖြင့် ဈေးနှုန်းတည်ငြိမ်နေပြီး ကြက်သွန်ဖြူမှာ ယခင်အပတ်က အသေး တစ်ပိဿာလျှင် ၅၀၀၀ ကျပ်၊ အလတ် ၅၅၀၀ ကျပ်နှင့် အကြီး ၅၈၀၀ ကျပ် ရှိရာမှ ယခုအပတ်တွင် အသေး ၄၀၀၀ ကျပ်၊ အလတ် ၄၅၀၀ ကျပ်နှင့် အသေး ၅၀၀၀ ကျပ်ဖြင့် ဈေးနှုန်းအနည်းငယ်ကျဆင်းပါသည်။

       ငရုတ်သီး အရှည်တောင့်မှာ ယခင်အပတ်က တစ်ပိဿာလျှင် ၁၃၀၀၀ ကျပ်မှ ၁၄၀၀၀ ကျပ်ရှိရာမှ ယခုအပတ်တွင် တစ်ပိဿာလျှင် ၁၂၅၀၀ ကျပ်မှ ၁၃၀၀၀ ကျပ်ဖြင့် ဈေးနှုန်းအနည်းငယ် ကျဆင်းပါသည်။ အာလူးမှာလည်း တစ်ပိဿာလျှင် ၂၀၀၀ ကျပ်မှ ၂၂၀၀ ကျပ်အထိဖြင့် ဈေးနှုန်း တည်ငြိမ်နေပါသည်။

       မြေပဲဆံအနီမှာ  ယခင်အပတ်က တစ်ပိဿာလျှင် ၇၅၀၀ ကျပ်ရှိရာမှ ယခုအပတ်တွင် ၇၆၀၀ ကျပ်မှ ၈၀၀၀ ကျပ်အထိ ဈေးနှုန်းအနည်းငယ်မြင့်တက်ပြီး မြေပဲဆံအဖြူမှာ တစ်ပိဿာလျှင် ၇၀၀၀ ကျပ်၊ ကုလားပဲခြမ်းမှာ တစ်ပိဿာလျှင် ၅၀၀၀ ကျပ်၊ ကုလားပဲလုံးမှာ တစ်ပိဿာလျှင် ၄၀၀၀ ကျပ်နှုန်းဖြင့် ဈေးနှုန်းတည်ငြိမ်နေကြောင်း သိရှိရပါသည်။

DOCA(ပဲခူး)

      ပခုက္ကူကုန်စည်ဒိုင်တွင် အညာဒေသထွက် ပဲမျိုးစုံများဖြစ်သော ပဲစဉ်းငုံနီ၊ ကုလားပဲအမျိုးမျိုး၊ စွန်တာနီ၊ ပဲဇီးကွက်၊ ပဲယင်း၊ ထောပတ်ပဲနှင့် အခြားပဲမျိုးစုံအရောင်းဝယ် ဖြစ်လျက်ရှိပါသည်။ ၂၀၂၃ ခုနှစ် ဧပြီလ ပထမပတ်တွင် ပဲဈေးနှုန်းများမှာ ပဲစဉ်းငုံနီ တစ်တင်းလျှင်  ကျပ်(၇၅၅၀၀)၊  ကုလားပဲဖြူလုံးကြီး (v2)တစ်တင်းလျှင် ကျပ်(၆၇၅၀၀-၆၇၆၀၀)၊  ကုလားပဲဝါလုံးကြီး(929) တစ်တင်းလျှင် ကျပ်(၆၇၆၀၀-၆၇၈၀၀)၊ စွန်တာနီကျွန်း တစ်တင်းလျှင် ကျပ်(၄၄၆၀၀-၄၃၈၀၀)၊ ပဲဇီးကွက် တစ်တင်းလျှင် ကျပ် (၄၀၈၀၀)၊ ထောပတ်ပဲဖြူကျွန်း တစ်တင်းလျှင်ကျပ်(၇၆၈၀၀)၊ ပြောင်းဖူးစေ့(cp) တစ်တင်းလျှင် ကျပ်(၁၉၇၀၀)၊ ကြက်ဆူ တစ်ပိဿာလျှင် ကျပ်(၃၅၅၀)၊ မန်ကျည်းတောင့် တစ်ပိဿာလျှင် ကျပ် (၁၁၂၀)ဖြင့် ဥပုသ်နေ့မှလွဲ၍ အရောင်းအဝယ်ဖြစ်နေပါသည်။

      ဧပြီလပထမပတ်တွင် အရောင်းအဝယ်ဖြစ်မှုအိတ်ရေမှာ ပဲစဉ်းငုံနီ (၁၅၀၀)အိတ်၊ ကုလားပဲ ဖြူလုံးကြီး (v2)(၃၀၀)အိတ် ကုလားပဲဖြူလုံးကြီး(V6) (၄၅၀)အိတ်၊ စွန်တာနီ (၅၀၀)အိတ်၊ ပဲဇီးကွက် (၅၀၀)အိတ်၊ ထောပတ်ပဲဖြူ(၈၀၀)အိတ်၊ ပြောင်းဖူးစေ့(၇၀၀) အိတ်၊ ကြက်ဆူ(၅၀၀၀)ပိဿာ၊ မန်ကျည်းသီးမှည့် ပိဿာချိန် (၂၀၀၀၀) ခန့်အရောင်းအဝယ်ဖြစ်နေပြီး တင်ပို့မှုအနေဖြင့် မြန်မာပြည် အောက်ပိုင်းနှင့် ပြည်ပနိုင်ငံများသို့ တင်ပို့လျက်ရှိပါသည်။

DOCA( မကွေး)

        ပခုက္ကူမြေပဲဈေးကွက်အနေဖြင့် ဧပြီလ(ပထမ)ပတ်အတွင်း မြေပဲဈေးများ မြင့်တက်လျက်ရှိပြီး အရောင်းအဝယ်ဖြစ်လျက်ရှိပါသည်။ ယခုတစ်ပတ်တွင် ကျွန်းမြေပဲများ ဝင်ရောက်လျက်ရှိပြီး ဈေးကွက် အနေဖြင့် ဝင်ရောက်မှုနည်းပါးကြောင်း သိရှိရသည်။ မြေပဲတောင့်(အစို)တစ်ပိဿာလျှင်  ကျပ် (၂၁၀၀ မှ ၃၁၀၀ အထိ) ရှိပြီး မြေပဲတောင့်(အခြောက်) တစ်ပိဿာလျှင် ကျပ်(၄၀၀၀ မှ ၄၁၀၀) ဈေးရှိ၍ မြေပဲဆံမှာ ဝင်ရောက်မှု နည်းပြီး ဈေးကွက်အနေဖြင့် ယခုတစ်ပတ်အတွင်း မြေပဲဆံ ပဲကြီးဆံ(ပြန့်) တစ်ပိဿာလျှင် ကျပ်(၆၄၀၀ မှ ၆၁၀၀ ထိ)ဈေးဖြင့် အရောင်းအဝယ် ဖြစ်လျက်ရှိ ကြောင်း သိရှိရသည်။

        ဈေးကွက်အတွင်းရှိ မြေပဲများကို မြို့ပေါ်ရှိလုပ်ငန်းရှင်များနှင့် မြေပဲဆုံဆီ၊ စက်ဆီလုပ်ငန်း ရှင်များမှ ဝယ်ယူလျက်ရှိပြီး ဆီစက်လုပ်ငန်းရှင်များ၊ မြေပဲဆားလှော်၊ မြေပဲကြက်ဥလုပ်ငန်းရှင်များမှ ဝယ်ယူပြီး ပြည်တွင်းရှိ နေရာဒေသအနှံ့အပြား အမြို့မြို့အနယ်နယ်သို့လည်း တင်ပို့ဖြန့်ဖြူးလျက်ရှိ ကြောင်းသိရှိရပြီး ယခုတစ်ပတ်အတွင်းတွင် မြေပဲ ဈေးနှုန်းများမြင့်တက်လျက်ရှိသော်လည်း ဈေးကွက်အေး၍ အရောင်းအဝယ်ဖြစ်လျက်ရှိကြောင်း သိရှိရပါသည်။

DOCA(မကွေး)

         မကွေးတိုင်းဒေသကြီး၊ ပခုက္ကူခရိုင်၊ ဆိပ်ဖြူမြို့ ပတ္တမြားဈေးကြီးအတွင်းတွင် သီးနှံမျိုးစုံအများဆုံး စိုက်ပျိုးထွက်ရှိသော ရေလယ်ကျွန်း၊ သံဇလုံ၊ ချင်တောင်၊ ချောင်းမကြီး၊ မယ်ဇလီကွေ့၊ တူရွင်းမျော၊ ဂွေးပင်ကျေးရွာများမှ အများဆုံးဝင်ရောက် ရောင်းချလျက်ရှိသည့်အပြင် ချောက်၊ ဆင်ဖြူကျွန်း၊ စလင်း၊ ပွင့်ဖြူ၊ ကျောက်ပန်းတောင်း၊ ပုပ္ပါး၊ ရှမ်းပြည်နယ် အင်းလေးဒေသထွက် ဟင်းသီးဟင်းရွက် သစ်သီးဝလံများ ဝင်ရောက်လျက်ရှိပြီး ဒေသခံပြည်သူများ ရောင်းဝယ်ဖောက်ကားရာ ဈေးဖြစ်ပါသည်။

          ဆိပ်ဖြူမြို့ ပတ္တမြားဈေးအတွင်း၌ (၂၀၂၃)ခုနှစ်၊ ဧပြီလ(၁)ရက် မှ (၄)ရက်နေ့ထိ အရောင်းအဝယ်ဖြစ်လျက်ရှိသော အခြေခံစားကုန် ဈေးနှုန်းများမှာ ခရမ်းချဉ်သီး(၁)ပိဿာလျှင် ကျပ်(၁၆၀၀ မှ ၁၈၀၀)၊ ခရမ်းသီး (၁)ပိဿာလျှင်ကျပ်(၁၂၀၀ မှ ၁၃၀၀)၊ အာလူး(၁)ပိဿာလျှင် ကျပ်(၂၂၀၀ မှ ၂၄၀၀)၊ မျှစ်ပေါက် (၁)ပိဿာလျှင် ကျပ်(၃၅၀၀)၊ ငရုတ်သီး (စိမ်း) (၁)ပိဿာလျှင် ကျပ်(၄၀၀၀)၊ ငရုတ်သီး(ခြောက်) (၁)ပိဿာလျှင်ကျပ်(၁၇၀၀၀ မှ ၁၈၀၀၀)၊ ဂေါ်ဖီ(၁)ထုပ်လျှင်ကျပ်(၇၀၀ မှ ၁၀၀၀)၊ မုန်လာဥဖြူ(၁)ဥလျှင် ကျပ်(၁၅၀)၊ သကြားပြောင်းဖူး(၁)ဖူးလျှင် ကျပ်(၃၅၀)၊  ပန်းမုန်လာ(၁) ပွင့်လျှင်ကျပ်(၅၀၀ မှ ၇၀၀)၊ ဂျင်းတက်(၁)ပိဿာလျှင် ကျပ်(၂၂၀၀)၊ ဂျင်းပေါက် (၁)ပိဿာလျှင် ကျပ်(၁၈၀၀)၊ ကန်စွန်းဥ(၁)ပိဿာလျှင် ကျပ်(၁၃၀၀မှ ၁၅၀၀)ဈေးဖြင့် အရောင်း အဝယ်ဖြစ်လျက်ရှိသည်။

          ဆိပ်ဖြူမြို့ အသားငါးဈေးနှုန်းများမှာ မွေးမြူရေး CP ကြက်သား (၁)ပိဿာလျှင် ကျပ်(၉၀၀၀ မှ ၁၀၀၀၀)၊ ဗမာကြက်သား (၁)ပိဿာလျှင် ကျပ်(၁၆၀၀၀)၊ ဝက်သား (၁)ပိဿာလျှင် ကျပ်(၁၇၀၀၀)၊ ဆိတ်သား (၁)ပိဿာလျှင် ကျပ်(၂၂၀၀၀)၊ ငါးကြင်း(၁)ပိဿာလျှင် ကျပ်(၉၀၀၀)  ဈေးနှုန်း အသီးသီးဖြင့် အရောင်းအဝယ်ဖြစ်နေကြောင်း သိရှိရသည်။

DOCA(မကွေး)