ပြည်တွင်းကုန်သွယ်မှုသတင်း

          ပြည်ဈေးကွက်တွင် ၂၀၂၂ ခုနှစ် ၊ မေလတတိယပတ်တွင် နှမ်းသီးနှံဈေးများမှာ မေလ ပထမပတ် ကအတိုင်း နှမ်းနက် (၃)တင်း တစ်အိတ်လျှင် ၁၆၀၀၀၀ကျပ် ၊  စမုံနက်နှမ်း (၃)တင်း တစ်အိတ်လျှင် ၁၈၀၀၀၀ ကျပ်ဖြင့် စျေးငြိမ်နေခဲ့ပြီး အောင်လံနှင့် မန္တလေးဝယ်လက်များမှ နှမ်းနက်နှင့် စမုံနက် နှမ်းကို တခါတရံအဝယ်ရှိသဖြင့် အရောင်းအဝယ်ဖြစ်ပါက အိတ် ၂၀၀/၃၀၀ခန့် အရောင်းအဝယ် ဖြစ်လျက်ရှိပါသည်။ နှမ်းနီမှာ ဆီကြိတ်သည့် ဆီစက်သမားများက ဒေသတွင်းသာ ဆီကြိတ်၍ ရောင်းချရန်အတွက် အနည်းငယ်သာ အဝယ်ရှိသဖြင့် အိတ် ၄၀/၅၀ခန့်သာ အရောင်းအဝယ် ဖြစ်   လျှက် ရှိပါသည်။ နှမ်းနီဈေးမှာ မေလပထမပတ်ကအတိုင်း (၃)တင်းတစ်အိတ်လျှင် ၁၅၀၀၀၀ ကျပ်ဖြင့် ဈေးတန်းသာရှိပြီး တခါတရံမှသာအရောင်းအဝယ်ဖြစ်လျှက်ရှိပါသည်။

          ယခု မေလတတိယပတ်တွင် နှမ်းစျေးနှုန်းများငြိမ်၍ စျေးအေးနေသော်လည်း မြေပဲဆန် စျေးမှာ ဆက်လက် မြင့်တက်လျက်ရှိပါသည်။ မင်းတုန်းမြို့နှင့် ရခိုင်ပြည်နယ်ဘက်မှ မြေပဲဆန်အိတ် တစ်နေ့လျှင် ၆၀၀/၇၀၀ ခန့်အဝင်ရှိပြီး ဝင်သလောက်အရောင်းအဝယ်ဖြစ်လျှက်ရှိပါသည်။ လုံးဆန် အဖြူကို ရန်ကုန် ဝယ်လက်နှင့် မြဝတီသို့ တင်ပို့ရန်အဝယ်ရှိသဖြင့်  တစ်ပိဿာလျှင် ၄၁၀၀ကျပ်ထိ ဈေးမြင့်တက်လာခဲ့၍ လုံးဆန်အနီမှာ မြို့တွင်းပဲလှော်ဖိုသမားများနှင့် နယ်ဘက်ရှိ လက်လီသမားများက အဝယ်ရှိသဖြင့် တစ်ပိဿာလျှင် ၃၉၀၀ကျပ်ဖြင့် မေလပထမပတ်ထက်စာရင် ဈေးဆက်လက် မြင့်တက်လာခဲ့ပါသည်။ မြေပဲဆီကြိတ်ရန် ဝယ်ယူသည့် ဆီဆန်တစ်မျိုးသာ ဆီစက်လုပ်ငန်းရှင်များကဝယ်ယူမှုအားနည်းနေသဖြင့် တစ်ပိဿာလျှင် ၃၇၀၀ ကျပ်ဖြင့် မေလပထမပတ် စျေးအတိုင်း ဈေးငြိမ်နေကြောင်း သိရှိရပါသည်။

DOCA(ပဲခူး)

             ပြည်ကုန်စည်ဒိုင်တွင် အရောင်းအဝယ်ဖြစ်လျှက်ရှိသည့် မတ်ပဲဈေးနှုန်းမှာ မေလပထမပတ်တွင် ပိဿာ (၂၀)ဝင် ပဲတစ်တင်းကို ၄၈၀၀၀ကျပ်မှ ၄၇၆၀၀ ကျပ်ဈေးဖြစ်လာပြီး ဒုတိယပတ်တွင် ပဲတစ်တင်းကို ၄၈၀၀၀-၄၈၅၀၀ ကျပ်ထိဈေးတက်လာရာမှ ပဲတစ်တင်းကို ၄၆၀၀၀ ကျပ်ထိ ဈေးကျသွားပြီး ဝယ်လက်အနေဖြင့် ရန်ကုန်ဝယ်လက်ရှိသော်လည်း တစ်ရက်ကို အိတ် ၁၀၀/၁၅၀ ခန့်သာ အရောင်းအဝယ်ရှိခဲ့ပါသည်။ မေလတတိယပတ်တွင် ပဲတစ်တင်းကို ၄၆၇၀၀-၄၇၀၀၀ ကျပ်ဖြင့် ရန်ကုန်အဝယ် အနည်းငယ်ရှိခဲ့ပြီး မေလစတုတ္ထပတ်တွင် မတ်ပဲတစ်တင်းကို ၄၇၃၀၀ကျပ်ဖြင့် ရန်ကုန်အဝယ်ရှိခဲ့ပါသည်။

          မေလပထမပတ်တွင်  ကုလားပဲ (ဟော်လန်)တစ်တင်းကို ၄၅၀၀၀ ကျပ်၊ ကုလားပဲ (မြကြေးမှုံ) တစ်တင်းကို ၄၆၀၀၀-၄၆၃၀၀ ကျပ်ဈေးဖြင့် တစ်ရက်ကိုအိတ် ၂၀၀/၃၀၀ခန့် ခွဲစက်သမားများ အဝယ်ရှိခဲ့ပါသည်။ မေလဒုတိယပတ်တွင် ကုလားပဲဈေး အနည်းငယ်မြင့်တက်ခဲ့ကြောင်း၊ ကုလားပဲ (ဟော်လန်) တစ်တင်းကို ၄၅၀၀၀-၄၅၅၀၀-၄၆၀၀၀ ကျပ်၊ ကုလားပဲ(မြကြေးမှုံ) တစ်တင်းကို ၄၇၀၀၀ကျပ်ဖြင့် အရောင်းအဝယ်ဖြစ်ခဲ့ကြောင်း၊ ကုလားပဲဈေးမှာ ပိုကောင်းလာပြီး ကုလားပဲ (ဟော်လန်)တစ်တင်းကို ၄၆၅၀၀ ကျပ်၊ ကုလားပဲ(မြကြေးမှုံ)တစ်တင်းကို ၄၇၈၀၀-၄၈၀၀၀-၄၈၅၀၀ ကျပ်ဈေးထိဈေးတက်ခဲ့ကြောင်း၊ ခွဲစက်သမားများ မြို့တွင်းရောင်းဝယ်မှုနှင့် ရန်ကုန်အဝယ်ရှိခဲ့ကြောင်း၊ မေလတတိယပတ်တွင် ကုလားပဲ(ဟော်လန်) တစ်တင်းကို ၄၇၀၀၀-၄၇၂၀၀ ကျပ်၊ ကုလားပဲ(မြကြေးမှုံ) တစ်တင်းကို ၄၈၅၀၀-၄၉၀၀၀ကျပ်ထိ ဈေးမြင့်ခဲ့ကြောင်း၊ ရန်ကုန် အဝယ်ရှိခဲ့ကြောင်း၊  မေလစတုတ္ထပတ်တွင် ကုလားပဲ (ဟော်လန်)တစ်တင်းကို ၄၇၃၀၀ ကျပ်၊ ကုလားပဲ (မြကြေးမှုံ)တစ်တင်းကို ၄၈၇၀၀-၄၈၈၀၀ကျပ်ဖြင့် ခွဲစက်သမားနှင့် ရန်ကုန်အဝယ်ရှိခဲ့ကြောင်း သိရှိရပါသည်။

          မေလပထမပတ်တွင် ပဲကြီး(ရွှေကျွန်း)တစ်တင်းကို ၆၀၀၀၀-၆၃၀၀၀-၆၅၀၀၀ ကျပ်၊ ဒုတိယပတ်တွင်  ပဲကြီး(ရွှေကျွန်း)တစ်တင်းကို ၆၀၀၀၀-၆၃၀၀၀-၆၅၀၀၀ ကျပ်ဖြင့် ဈေးအေးနေပြီး မြို့တွင်းပဲကြော်သမားများနှင့် ရန်ကုန်အဝယ်အနည်းငယ်ရှိပြီး တစ်ရက်ကိုအိတ် ၂၀၀/၃၀၀ခန့် အရောင်းအဝယ်ဖြစ်ခဲ့ပါသည်။ မေလတတိယပတ်တွင် ပဲကြီး ပုံမှန်အရောင်းအဝယ်ဖြစ်သော်လည်း ပဲဈေးမှာ အေးနေကြောင်း သိရပါသည်။ မေလစတုတ္ထပတ်တွင် ပဲကြီး(ရွှေကျွန်း) တစ်တင်းကို ၆၅၀၀၀ - ၆၇၀၀၀ကျပ်ဖြင့် ဈေးမြင့်ခဲ့ပြီး  မြို့တွင်းပဲကြော်သမားများ အဝယ်ရှိခဲ့ပါသည်။

          မေလအစတွင် စားတော်ပဲ (ကျွန်း) တစ်တင်းကို ၈၅၀၀၀ကျပ်ဖြင့် မြို့တွင်း ရောင်းဝယ်မှု ရှိခဲ့ပြီး၊ ဒုတိယပတ်တွင် ပဲတစ်တင်းကို ၈၅၀၀၀-၈၇၀၀၀ကျပ် ဈေးဖြင့် အနည်းငယ်ဈေးတက်ခဲ့၍ တစ်ရက်ကို အိတ် ၂၀/ ၂၅ခန့် အဝယ်ရှိခဲ့ပါသည်။ မေလတတိယပတ်တွင် ပဲတစ်တင်းကို ၈၃၀၀၀-၈၅၀၀၀ကျပ်ဈေးဖြင့် ဈေးအေးနေခဲ့ပြီး  မေလစတုတ္ထပတ်တွင် စားတော်ပဲ(ကျွန်း)တစ်တင်းကို ၈၅၀၀၀ ကျပ်ဖြင့် ဈေးငြိမ်၍ အရောင်းအဝယ်ဖြစ်လျှက်ရှိပါသည်။

          ဘိုကိတ်သီးနှံဈေးမှာ မေလပထမပတ်တွင် ပဲတစ်တင်းကို ၃၄၀၀၀ကျပ်ဖြင့် ဈေးအေးနေခဲ့ပြီး၊ ဒုတိယပတ်တွင် ပဲတစ်တင်းကို ၃၄၀၀၀ကျပ်ဖြင့် ဈေးအေးနေပြီး တစ်ရက်လျှင်အိတ်ရေ ၄၀/၅၀ခန့် ရန်ကုန်မှ အဝယ်ရှိခဲ့ပါသည်။ မေလ တတိယပတ်မှာတော့ ပဲတစ်တင်းကို ၃၅၀၀၀ကျပ်ဖြင့် ပုံမှန် အရောင်းအဝယ်ဖြစ်ခဲ့ပါသည်။ မေလစတုတ္ထပတ်တွင် ဘိုကိတ်တစ်တင်းကို ၃၅၀၀၀ကျပ်ဖြင့် ဈေးငြိမ်ပြီး တစ်ရက်ကို အိတ်၄၀/၅၀ခန့် အဝယ်ရှိပါသည်။

          ပြည်ကုန်စည်ဒိုင်တွင် မေလတွင် မတ်ပဲဈေးအတက်အကျ အနည်းငယ်သာရှိနေပြီး ကုလားပဲနှင့် ပဲကြီးသီးနှံမှာ ဈေးအနည်းငယ်မြင့်လာပြီး ကျန် စားတော်ပဲ၊ ဘိုကိတ် သီးနှံမှာတော့ ဈေးအေးနေကြောင်းသိရှိရပါသည်။

DOCA(ပဲခူး)

       ပဲခူးတိုင်းဒေသကြီး၊ ပြည်ခရိုင်၊ စားသုံးသူရေးရာဦးစီးဌာန၊ ပေါက်ခေါင်းမြို့နယ်တာဝန်ခံ ဦးကျော်ကျော်ထွန်းနှင့်အဖွဲ့သည် (၂၀.၅.၂၀၂၂)ရက်နေ့ နံနက် (၁၀:၀၀) အချိန်တွင် ပေါက်ခေါင်း မြို့နယ်၊ ကင်ပွန်းခြုံကျေးရွာအုပ်စု၊ ရေဖြူကျေးရွာသို့သွားရောက်၍ နွေစပါးစိုက်ပျိုးလျှင်ရရှိနိုင်သည့် တောင်သူအကျိုးအမြတ်၊ စပါးဈေးနှုန်းဈေးကွက် အခြေအနေများအား သိရှိနိုင်ပါရန် ကွင်းဆင်း လေ့လာခဲ့ပါသည်။

          ပြည်ခရိုင်တွင် ၂၀၂၁-၂၀၂၂ ခုနှစ် နွေစပါးစိုက်ဧကမှာ (၆၁၀၀၀)ခန့် စိုက်ပျိုးပြီး ပေါက်ခေါင်း မြို့နယ်အနေဖြင့် ဧက (၁၀၀၀၀)ကျော် စိုက်ပျိုးနိုင်ခဲ့ပါသည်။ နွေစပါးများစိုက်ပျိုးသော ရေဖြူ ကျေးရွာရှိ တောင်သူ ဦးဝင်းမောင် နှင့် တွေ့ဆုံမေးမြန်းရာ နွေစပါးစိုက်ဧက (၇)ဧက စိုက်ပျိုး ထား ရှိပြီး ယခုအချိန်တွင် စပါးများရိတ်သိမ်းနေပြီဖြစ်ကြောင်း၊ စိုက်ပျိုးသည့်  စပါးမျိုးများမှာ GW-11 မျိုးဖြစ်ပြီး အထွက်နှုန်းအနေဖြင့် တစ်ဧကလျှင် (၈၅)တင်းခန့်ထွက်ရှိကြောင်း၊ နွေစပါးတစ်ဧက စိုက်ပျိုးထုတ်လုပ်ကုန်ကျစရိတ်အနေဖြင့် ကျပ်(၃)သိန်းကျော်ကုန်ကျကြောင်း၊ ရိတ်သိမ်းခြွေလှေ့ခ အနေဖြင့် တစ်ဧကလျှင် (၇၀၀၀၀)ကျပ်ခန့် ကုန်ကျသဖြင့် စုစုပေါင်း ကုန်ကျစရိတ်မှာ (၃၇၀၀၀၀) ကျပ် ခန့်ကုန်ကျကြောင်း သိရပါသည်။ နွေစပါးဈေးအနေဖြင့် ပေါင် (၅၀)တင်း (၁၀၀)လျှင် ကွင်းဈေး (၇၁၀၀၀၀)ကျပ်ခန့်ရှိပြီး စက်အရောက်ဈေးမှာ ပေါင်(၅၀)တင်း (၁၀၀)လျှင် ကျပ်(၈)သိန်း ကျော်ရှိသည်ဟုသိရပါသည်။ တောင်သူအကျိုးအမြတ်အနေဖြင့် တစ်ဧကလျှင် ကျပ်(၃)သိန်းခန့် ရရှိသည်ဟု သိရပါသည်။

          ယခုနှစ်အနေဖြင့် စက်သုံးဆီဈေးများမြင့်တက်လာမှုကြောင့် ထွန်ယက်ရိတ်သိမ်း ခြွေလှေ့ခ ဈေးများ မြင့်တက်လာခြင်း၊ သွင်းအားစုဈေးနှုန်းများ ဈေးမြင့်လာခြင်းတို့ကြောင့် တစ်ဧကစိုက်ပျိုး ထုတ်လုပ်မှုကုန်ကျစရိတ်မှာ ယခင်နှစ်ကထက် ပိုမိုကုန်ကျသော်လည်း စပါးဈေးမှာ ယခင်နှစ်က ထက် ပိုမိုရရှိသည့်အတွက် စပါးစိုက်တောင်သူများ အကျိုးအမြတ်ရရှိသော်လည်း သွင်းအားစုဈေးနှုန်းများ ဈေးသက်သာစွာရရှိမည်ဆိုပါက ယခုထက်ပိုမို၍ တောင်သူများအကျိုးအမြတ် ပိုမိုရရှိလာမည်ဖြစ်ကြောင်း လေ့လာသိရှိရပါသည်။

DOCA(ပဲခူး)

               ကော်ဖီသောက်ခြင်း အလေ့အထသည် အနောက်နိုင်ငံများတွင်သာမက တစ်ကမ္ဘာလုံးကို ပျံ့နှံ့နေပါသည်။ မြန်မာနိုင်ငံတွင်လည်း မြို့ကြီးများတွင်သာမက တောရွာများတွင်ပါ ကော်ဖီသောက်ခြင်းဓလေ့သည် ပေါ်ပြူလာဖြစ်နေပါသည်။ ဆွမ်းကျွေး၊ အလှူများတွင် ထမင်းကျွေးပြီး ကော်ဖီ၊ လက်ဖက်ရည်ကို အချိုပွဲများအဖြစ် တည်ခင်းဧည့်ခံနေကြပါသည်။

              ၁၉၀၁ ခုနှစ်တွင် ဂျပန်လူမျိုး ဆာတိုရီကီဆိုသူက Instant Coffee ကို အမေရိကန်နိုင်ငံ ချီကာဂိုမြို့တွင် စတင်တည်ထွင်ခဲ့ပါသည်။ ၁၉၃၈ ခုနှစ်တွင် Nescafe ဆိုသောနာမည်ဖြင့် တစ်ကမ္ဘာလုံးသို့ ထိုးဖောက်နိုင်ခဲ့ပါသည်။ ပဲခူးတိုင်းဒေသကြီး၊ တောင်ငူခရိုင်၊ တောင်ငူမြို့တွင်လည်း Linn Coffee ၊ ပဒေသာကော်ဖီ၊ ဖိုးလမင်းကော်ဖီမှုန့်လုပ်ငန်းများသည် တောင်ငူမြို့ထွက် ကော်ဖီမှုန့်များအဖြစ် လူသိများကြပါသည်။

              ကော်ဖီမှုန့်ကြိတ်ရန် ကော်ဖီစေ့ကုန်ကြမ်းများကို ကရင်ပြည်နယ် သံတောင်ကြီး၊ လိပ်သို၊ ချင်းပြည်နယ် မင်းတပ်နှင့် ရှမ်းပြည်နယ် ရွာငံဒေသတို့မှ မှာယူရသည်ဟု သိရှိရပါသည်။ ကော်ဖီသီးများကို ဒီဇင်ဘာလတွင် စတင်ဆွတ်ခူးပြီး ဖေဖော်ဝါရီ၊ မတ်လများသည် ကော်ဖီလှိုင်လှိုင်ပေါ်သည့်လများအဖြစ် သိရှိရပါသည်။

              အခြောက်ခံပြီး သံတောင်ဒေသထွက် ကော်ဖီသီး တစ်ပိဿာလျှင် ၄၅၀၀ ကျပ်မှ ၆၅၀၀ ကျပ်၊ ရွာငံဒေသထွက် အလုံးကြီးကော်ဖီသီးဆိုလျှင် ကုန်ကြမ်းတစ်ပိဿာ ၇၀၀၀ ကျပ်ထိ ဝယ်ယူရကြောင်း၊ သံတောင်ကြီးဒေသ ကော်ဖီခြံရှင်များက ကော်ဖီမှုန့်ကြိတ်သည့် နေရာများသို့ တိုက်ရိုက်လာရောက်ရောင်းချသူများလည်းရှိကြောင်း၊ ကော်ဖီမှုန့်ကြိတ်ရန် လိုအပ်သည့် ကုန်ကြမ်းများကိုလည်း ပွဲရုံများမှ ဝယ်ယူရကြောင်း၊ ကော်ဖီမှုန့်ကြိတ်ရန် ကော်ဖီစေ့ကုန်ကြမ်း လိုအပ်ချက်မှာ လုပ်ငန်းရှင်တစ်ဦးလျှင် ၁၀ တန်ခန့်ရှိကြောင်း၊ ဒေသအလိုက် ကုန်ကြမ်းဝယ်ယူရာတွင်လည်း ခက်ခဲမှုမရှိကြောင်း သိရပါသည်။

              ကော်ဖီကြိတ်ရန် အခြောက်ခံထားပြီးသော ကော်ဖီစေ့များကို ပြန်လှော်ရကြောင်း၊ ကော်ဖီစေ့ တစ်ပိဿာလှော်လျှင် အမှုန့်ကြိတ်ရန် ကော်ဖီ ၇၀ ကျပ်သား ရရှိကြောင်း၊ ၃၀ ကျပ်သားခန့်မှာ လှော်လိုက်သည့်အတွက် အခွံများကျွတ်သွားကြောင်း၊ လှော်ပြီးသား ကော်ဖီစေ့ ၇၀ ကျပ်သားကို ကြိတ်စက်ထဲထည့်ကြိတ်လျှင် လျော့နည်းမှုမရှိဘဲ ၇၀ ကျပ်သားခန့် ပြန်လည်ရရှိကြောင်း၊ ထွက်ရှိလာသည့် ကော်ဖီမှုန့်များကို တစ်ပိဿာလျှင် ၁၅၀၀၀ ကျပ် ရောင်းရကြောင်း၊ ကြိတ်ခွဲထားသည့် ကော်ဖီမှုန့်ကုန်ချောများကို ရန်ကုန်၊ ပြည်၊ မန္တလေး၊ ဘားအံ၊ မြဝတီ၊ ပုသိမ်၊ လွိုင်ကော်မြို့များသို့ တင်ပို့ရောင်းချရကြောင်း၊ လုပ်သားခ၊ လျှပ်စစ်မီတာခ၊ ထုပ်ပိုးခများစသည့် ကုန်ကျစရိတ်များရှိသော်လည်း ထိုက်သင့်သည့် အကျိုးအမြတ်ရရှိပါကြောင်း ကော်ဖီမှုန့်လုပ်ငန်းရှင်တစ်ဦး၏ ပြောပြချက်အရ သိရပါသည်။

DOCA(ပဲခူး)

            မော်လမြိုင်မြို့ ဘိလပ်မြေဈေးကွက်၌ တည်ဆောက်ရေးလုပ်ငန်းများကြောင့်  အရောင်းအဝယ်ကောင်းနေကြောင်း အိမ်ဆောက်ပစ္စည်းဆိုင်မှ တာဝန်ရှိသူတစ်ဦးက ပြောသည်။ ယခုတစ်ပတ် ဆင်(ထိုင်း) ဘိလပ်မြေက ကျပ် (၁၀၀၀)ဈေးတက်လာကြောင်း သိရှိရသည်။  ဈေးကွက်ထဲအရောင်းအဝယ်  ဖြစ်နေတဲ့ဈေးမှာ  ယခုအပတ်တွင် ကြံ့နှစ်ကောင်(အနီ) ကျပ်၉၈၀၀၊ ဆင်(ထိုင်း) ကျပ် ၁၁၅၀၀၊ ကြံ့တံဆိပ်(အဝါ) ကျပ် ၉၅၀၀ဖြင့် အရောင်းအဝယ်ဖြစ်နေပြီး၊ မော်လမြိုင်မြို့၌ ဓါတ်မြေဩဇာ ထုတ်လုပ်ရာတွင်ကုန်ကြမ်းများ ဈေးနှုန်းတက်လာသောကြောင့် ဓါတ်မြေဩဇာမှာ ဈေးနှုန်းတက်လာပြီး၊  အရောင်းအဝယ်အေးနေကြောင်း သိရှိရသည်။

             အရောင်းအဝယ်ဖြစ်နေသောဈေးမှာ ယခင်အပတ်တွင် ကွန်ပေါင်း (မြန်မာ့ဩဘာ ရွှေကောမက်) ၁၅:၁၅:၁၅ 50kg ပါ တစ်အိတ်မှာ ကျပ် ၁၀၅၉၀၀၊ကွန်ပေါင်း ၂၀:၁၂:၁၂ 50kg ပါ တစ်အိတ်မှာ ကျပ် ၁၀၈၀၀၀၊ ကွန်ပေါင်း(Thai Grow How) ၁၅:၁၅:၁၅ 50kg ပါ တစ်အိတ်မှာ ကျပ် ၁၀၂၀၀၀၊ ပုလဲ(အသေး) ၄၆%  မြန်မာ (MPE) 50kg ပါ တစ်အိတ် မှာ ကျပ်၆၂၀၀၀၊ ပုလဲ(အကြီး) ၄၆% ထိုင်း(မြင်းပျံ) 50kg ပါ တစ်အိတ်မှာ ကျပ်၉၆၀၀၀၊ ရှိခဲ့ပြီး ယခုပတ်တွင် ကွန်ပေါင်း (မြန်မာ့ဩဘာ ရွှေကောမက်) ၁၅:၁၅:၁၅ 50kg ပါ တစ်အိတ်မှာ ကျပ် ၁၁၇၀၀၀၊ကွန်ပေါင်း ၂၀:၁၂:၁၂ 50kg ပါ တစ်အိတ်မှာ ကျပ် ၁၁၃၂၀၀၊ ကွန်ပေါင်း(Thai Grow How) ၁၅:၁၅:၁၅ 50kg ပါ တစ်အိတ်မှာ ကျပ် ၁၁၀၀၀၀၊ ပုလဲ(အသေး) ၄၆%  မြန်မာ (MPE) 50kg ပါ တစ်အိတ်မှာ ကျပ်၆၅၀၀၀၊ ပုလဲ(အကြီး) ၄၆% ထိုင်း(မြင်းပျံ) 50kg ပါ တစ်အိတ်မှာ ကျပ်၉၈၀၀၀၊ ဖြင့် ဈေးနှုန်းပေါက်နေပီး ဝယ်ယူမှုနည်းပါးနေကြောင်း ဈေးကွက်အတွင်း ဓါတ်မြေဩဇာဆိုင်များမှ သိရှိရသည်။

DOCA(မွန်)