ပြည်တွင်းကုန်သွယ်မှုသတင်း

         ရန်ကုန်တိုင်းဒေသကြီး လှိုင်မြို့နယ်သီရိမင်္ဂလာဈေးတွင် ဖေဖေါ်ဝါရီလ ( ၂၂ ) ရက်နေ့မှ ဖေဖေါ်ဝါရီလ ( ၂၈ ) ရက်နေ့အထိဖြစ်ပေါ်ခဲ့သော သစ်သီးဝလံဈေးနှုန်းများမှာ ခရမ်း၊ ကျောင်းကုန်း၊ အသုတ် မှ ဖရဲသီး (၈၅၅) အလုံးကြီး ကျပ် ၈၀၀၀ ၊ အလုံးလတ် ကျပ် ၇၀၀၀ ၊ အလုံးသေး ကျပ် ၆၀၀၀ မှ ၃၀၀၀ ၊ ခရမ်း၊ ကျောင်းကုန်း၊ အသုတ် မှ ဖရဲသီး (၂၁၁) အလုံးကြီး ကျပ် ၅၀၀၀၊ အလုံးလတ် ကျပ် ၄၀၀၀ ၊ အလုံးသေး ကျပ် ၃၀၀၀ မှ ၂၀၀၀၊ မှော်ဘီ၊ တိုက်ကြီး မှ မာလကာသီး အလုံးကြီး ကျပ် ၅၀၀၊ အလုံးလတ် ကျပ်  ၄၀၀၊ အလုံးသေး ကျပ် ၃၀၀၊ တွံတေး မှ သခမသီး အလုံးကြီးတစ်ခြင်း အလုံး ၂၀ မှ ၃၅ ပါကျပ် ၁၈၀၀၀၊ အလုံးလတ်  အလုံး ၄၀ မှ ၄၅ ပါကျပ် ၁၆၀၀၀၊ အလုံးသေး အလုံး ၆၀ မှ ၉၀ ပါကျပ် ၁၅၀၀၀၊ သီပေါ မှ နာနတ်သီး အလုံးကြီး ကျပ် ၁၂၀၀ ၊ အလုံးလတ် ကျပ် ၁၀၀၀ ၊ အလုံးသေး  ကျပ် ၈၀၀ ၊ မော်လမြိုင် မှ ကျွဲကောသီး အလုံးကြီး ကျပ် ၁၈၀၀ မှ ၁၅၀၀၊ အလုံးလတ် ကျပ် ၁၃၀၀ မှ ၁၀၀၀ ၊ အလုံးသေး ကျပ် ၈၀၀ မှ ၅၀၀ ၊ ဆင်ဖြူကျွန်း မှ  ဇီးသီး (စလေ) အလုံးကြီးတစ်ခြင်း ၈ ပြည် ပါကျပ် ၁၁၅၀၀၊ ပြည်မှ ဇီးသီး (အချဉ်) အလုံးကြီးတစ်ခြင်း ၁၃ ပြည်ပါကျပ် ၁၂၀၀၀ ၊ ပဲခူး (ဘုရား ကြီး) မှ စိမ်းစားဥ အလုံးကြီး ၁ တွဲ ကျပ် ၇၀၀၊ အလုံးလတ် ကျပ် ၆၀၀ ၊ မြစ်သား မှ ပဲမြစ် တစ်ပိဿာ အလုံးကြီး ကျပ် ၂၇၀၀၊ အလုံးလတ် ကျပ် ၂၃၀၀ ၊ အလုံးသေး ကျပ် ၁၅၀၀၊ ပြင်ဦးလွင်မှ စတော် ဘယ်ရီ အလုံးကြီးတစ်ခြင်း ၅ ပိဿာပါ ကျပ် ၂၉၀၀၀ ၊ ပြင်ဦးလွင်မှ စတော်ဘယ်ရီ အလုံးကြီး တစ် ဗူး ၁၈ ကျပ်သားပါ ကျပ် ၁၂၀၀ ဈေးတို့ရှိကြောင်း သီရိမင်္ဂလာဈေးရှိ မြန်မာနိုင်ငံသစ်သီးဝလံ ၊ပန်းမန် ၊ဟင်းသီးဟင်းရွက်စိုက်ပျိုးထုတ်လုပ်တင်ပို့ရောင်းချသူများအသင်း (MFVP)  မှသိရှိရပါသည်။

DOCA(ရန်ကုန်)

     မွန်ပြည်နယ်၊ စားသုံးသူရေးရာဦးစီးဌာနမှ ဝန်ထမ်းများသည် ၂၁-၂-၂၀၂၃  ရက်နေ့တွင် ပေါင်မြို့နယ်၊ သဲဖြူကုန်းနှင့် မော်လမြိုင်မြို့နယ်ရှိ ကွင်းရပ်၊ ဈေးကြိုရပ်တို့တွင်လည်းကောင်း၊ ၂၂-၂-၂၀၂၃ ရက်နေ့တွင် ပေါင်မြို့နယ် မြေတံတား(မုတ္တမ)၊ မုဒုံမြို့နယ် နိုင်းပလိုင်ကျေးရွာ၊ မော်လမြိုင်မြို့နယ် လှိုင်(ဘဲကုန်း)တို့တွင်လည်းကောင်း၊ ၂၃-၂-၂၀၂၃ ရက်နေ့တွင် ပေါင်မြို့နယ် ပုသိမ်ကွင်း(မုတ္တမ)၊ မုဒုံမြို့နယ် ကွန်တာကျေးရွာ၊ မော်လမြိုင်မြို့နယ် ဒိုဘီချောင်ရပ်ကွက်တို့တွင်လည်းကောင်း၊ ၂၄-၂-၂၀၂၃ ရက်နေ့တွင် ပေါင်မြို့နယ် မုတ္တမ(မြို့သစ်)၊ မော်လမြိုင်မြို့နယ် သီရိမင်္ဂလာရပ်ကွက်၊ ငန်းတေးရပ်ကွက်တို့တွင်လည်းကောင်း၊ ၂၅-၂-၂၀၂၃ ရက်နေ့တွင် ကျိုက်မရောမြို့နယ် ပိန္နဲကုန်းရပ်ကွက်၊ မော်လမြိုင်မြို့ရှိ သီရိမြိုင်ရပ်ကွက်၊ မုပွန်ရပ်ကွက်တို့တွင်လည်းကောင်း ကုမ္ပဏီများက ဖြန့်ဖြူးရောင်းချသည့် စားအုန်းဆီများအား ဈေးကွက်အတွင်း လက်လီ/လက်ကား ဖြန့်ဖြူးရောင်းချခြင်းကို ကြပ်မတ်ဆောင်ရွက်ခဲ့ကြကြောင်း သိရှိရပါသည်။

    ထိုသို့ဆောင်ရွက်ရာတွင် စားသုံးဆီတင်သွင်းသည့် ကုမ္ပဏီများက လက်ကားကုန်သည်များသို့ ဖြန့်ဖြူးထုတ်ပေးခဲ့သည့်စားအုန်းဆီများကို ရန်ကုန်အထိုင်ဈေး ရည်ညွှန်းလက်ကားဈေးနှုန်းအပေါ် သယ်ယူပို့ဆောင်ခကုန်ကျစရိတ်များအား ထပ်ပေါင်း၍ ၂ ရာခိုင်နှုန်းအမြတ်ထက်မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချရမည်ဖြစ်ရာ လက်လီဈေးကွက်အတွင်း သင့်တင့်မျှတသောဈေးနှုန်းများဖြင့် ရောင်းချစေရေး၊ ဈေးနှုန်းအဆမတန်မြှင့်တင်ရောင်းချခြင်း မရှိစေရေးတို့အတွက် ကွင်းဆင်းကြပ်မတ်ဆောင်ရွက်ခဲ့ကြောင်း သိရှိရပါသည်။

DOCA(မွန်)

၂.၃.၂၀၂၃ ရက်နေ့တွင် တိုင်းဒေသကြီးနှင့်ပြည်နယ် မြို့နယ်အလိုက် ဆန်၊ ဆီ၊ မီးဖိုချောင်သုံးပစ္စည်းများ၊ သားငါး၊ စက်သုံးဆီ၊ ရွှေ၊ ဒေါ်လာ ဈေးနှုန်းများအား အောက်ပါ .pdf တွင် ဝင်ရောက်ကြည့်ရှုနိုင်ပါသည်-

    စစ်ကိုင်းတိုင်းဒေသကြီး မုံရွာမြို့ရှိ ဈေးများတွင် ယခုရက်သတ္တပတ်အတွင်း ‌ရွှေဘိုပေါ်ဆန်း(ဆန်)(သစ်)တစ်အိတ်လျှင် ၇၅၀၀၀ကျပ်၊  ဧရာမင်း(ဆန်)(သစ်)(တစ်အိတ်)လျှင် ၆၅၀၀၀ကျပ်၊ ဧည့်မထ(ဆန်)(သစ်)တစ်အိတ်လျှင် ၅၀၀၀၀ကျပ်၊ ပဲဆီတစ်ပိဿာလျှင် (၁၁၉၅၀-၁၂၀၀၀) ကျပ်၊ နှမ်းဆီတစ်ပိဿာလျှင် ၁၁၀၀၀ကျပ်၊ နေကြာဆီတစ်ပိဿာလျှင် ၁၂၀၀၀ကျပ်၊ စားအုန်းဆီတစ်ပိဿာလျှင် (၇၇၅၀ - ၇၈၀၀) ကျပ်၊ ဆားတစ်ပိဿာလျှင် (၆၀၀ - ၇၀၀) ကျပ်၊ ငရုတ်ခြောက်တစ်ပိဿာလျှင် (၁၈၀၀၀ - ၁၉၀၀၀) ကျပ်၊ ကြက်သွန်နီ(အသစ်)တစ်ပိဿာလျှင် (၁၅၀၀ - ၁၈၀၀) ကျပ်၊ ကြက်သွန်ဖြူ(ရှမ်းစ)တစ်ပိဿာလျှင် (၅၈၀၀ - ၆၀၀၀) ကျပ်၊ ကြက်သွန်ဖြူ (ကြူကုတ်)တစ်ပိဿာလျှင် (၅၂၀၀ - ၅၃၀၀) ကျပ်၊ အားလူးတစ်ပိဿာလျှင် (၂၄၀၀ - ၂၆၀၀) ကျပ်၊ မန်ကျည်းသီးမှည့်တစ်ပိဿာလျှင် (၄၀၀၀ - ၄၃၀၀) ကျပ်၊ နနွင်းတက်တစ်ပိဿာလျှင် (၅၂၀၀ - ၅၃၀၀) ကျပ်၊ ခရမ်းချဉ်သီးတစ်ပိဿာလျှင် ၁၆၀၀ကျပ်၊ ဂေါ်ဖီထုပ်တစ်ထုပ်လျှင် ၆၀၀ကျပ်၊ ပဲသီး(ပဲထောင့်ရှည်)တစ်စည်းလျှင် ၅၀၀ကျပ်၊ ကြက်သားတစ်ပိဿာလျှင် (၁၀၀၀၀ - ၁၂၀၀၀) ကျပ်၊ ဝက်သားတစ်ပိဿာလျှင် (၁၅၀၀၀ - ၁၆၀၀၀) ကျပ်၊ အမဲသားတစ်ပိဿာလျှင် (၁၆၀၀၀ - ၁၇၀၀၀) ကျပ်၊ ဆိတ်သားတစ်ပိဿာလျှင် (၂၄၀၀၀ - ၂၆၀၀၀) ကျပ်၊ ငါးမြစ်ချင်းတစ်ပိဿာလျှင် (၇၅၀၀ - ၈၀၀၀) ကျပ်၊ ကြက်ဥ(၁)လုံးလျှင် ၂၅၀ကျပ်၊ ဘဲဥ(၁)လုံးလျှင် ၃၀၀ကျပ်၊ ဖရဲသီး(ကျောက်စိမ်း) (၁)လုံးလျှင် (၁၅၀၀ - ၂၀၀၀) ကျပ်၊ ဖရဲသီး(၂၁၁)(၁)လုံးလျှင် ၄၀၀၀ကျပ်၊ သခွားမွှေး(၁)လုံးလျှင် (၁၀၀၀ - ၁၅၀၀ ) ကျပ်အတွင်း အသီသီးဈေးရှိကြောင်း သိရပါသည်။

          ယခင်အပတ်နှင့်နှိုင်းယှဉ်ပါက ဆန်ဈေးနှုန်းများမှာ ဈေးနှုန်းအနည်းငယ်မြင့်တက်နေပြီး မန်ကျည်းသီးမှည့်အသစ်များ စတင်ထွက်ပေါ်နေပြီဖြစ်သည့်အတွက် ဈေးနှုန်းအနည်းငယ်ကျဆင်းနေပါကြောင်း သိရှိရပါသည်။ ကြက်သွန်နီ(သစ်)ဈေးနှုန်းများမှာ အရည်အသွေးအပေါ်မူတည်၍ ဈေးနှုန်းပြောင်းလဲမှုရှိပါသည်။ ယခုအချိန်တွင် စားအုန်းဆီရည်ညွှန်းဈေးအပေါ်မူတည်၍ ဈေးနှုန်းအပြောင်းအလဲရှိပါကြောင်း ချင်းတွင်းရတနာဈေးရှိ လက်လီလက်ကား ရောင်းဝယ်ဖောက်ကားရောင်းချနေသော ကုန်သည်များထံမှ သိရှိရပါသည်။

DOCA(စစ်ကိုင်း)      

         တမူးနယ်စပ်ကုန်သွယ်ရေးစခန်းအနေဖြင့်  ၂၀၂၂-၂၀၂၃ ဘဏ္ဍာနှစ်အတွက် ကုန်သွယ်မှုလျာ ထားချက်မှာပို့ကုန်ပမာဏ အမေရိကန်ဒေါ်လာသန်းပေါင်း(၇၀.၀၀၀)၊ သွင်းကုန်ပမာဏ အမေရိကန် ဒေါ်လာသန်းပေါင်း(၃.၀၀၀)၊  စုစုပေါင်း ကုန်သွယ်မှုပမာဏအမေရိကန်ဒေါ်လာ သန်း(၇၃.၀၀၀)ဖြစ်ပါသည်။ တမူး နယ်စပ်ကုန်သွယ်ရေးစခန်းမှ အိန္ဒိယနိုင်ငံသို့ကုန်သွယ်မှုအနေဖြင့် ၂၀၂၂ ခုနှစ်၊ ဧပြီလမှ ၂၀၂၃ခုနှစ်၊ ဇန်နဝါရီလ အထိ(၁၀)လတာကာလအတွင်း ပို့ကုန်ပမာဏ အမေရိကန်ဒေါ်လာသန်း(၈.၈၆၇)၊ သွင်း ကုန်ပမာဏအမေရိကန်ဒေါ်လာသန်း(၅.၀၇၀)၊ စုစုပေါင်းကုန်သွယ်မှုပမာဏ အမေရိကန်ဒေါ်လာ(၁၃.၇၅၇)ဆောင်ရွက် နိုင်ခဲ့ပါသည်။ ၂၀၂၃ ခုနှစ်၊ ဖေဖော်ဝါရီလ(၂၄)ရက်နေ့အထိ ပို့ကုန်ပမာဏ အမေရိကန်ဒေါ်လာသန်း (၀.၇၆၇)၊ သွင်းကုန်ပမာဏအမေရိကန်ဒေါ်လာသန်း(၀.၁၈၈) စုစုပေါင်း ကုန်သွယ်မှုပမာဏအမေရိ ကန်ဒေါ်လာသန်း(၀.၉၅၅) ဆောင်ရွက်နိုင်ခဲ့သည့်အတွက် (၁၁)လတာကာလအတွင်း စုစုပေါင်း ပို့ကုန်ပမာဏ အမေရိကန်ဒေါ်လာသန်း(၉.၄၅၄)၊ သွင်းကုန်ပမာဏ အမေရိကန်ဒေါ်လာသန်း(၅.၂၅၈)၊ ကုန်သွယ်မှုပမာဏ အမေရိကန် ဒေါ်လာသန်း (၁၄.၇၁၂)ဖြစ်၍ (၁)နှစ်စာ လျာထားချက်အပေါ်  (၂၀.၁၅၃)% ဆောင်ရွက်နိုင်ခဲ့ပြီး၊၂၀၂၂ ခုနှစ်၊ ဧပြီလမှ ၂၀၂၃ ခုနှစ်၊ ဖေဖော်ဝါရီလ (၂၄)ရက်နေ့အထိ (၁၁)လတာ လျာထားချက်အပေါ် (၂၂.၉၈၈)% ဆောင်ရွက်နိုင်ခဲ့ပြီးဖြစ်ကြောင်း တမူးနယ်စပ် ကုန်သွယ်ရေးစခန်း၏စာရင်းများအရ သိရပါသည်။

          အများဆုံးပို့ကုန်များအနေဖြင့် ကွမ်းသီး၊ မက်မန်းသီး၊ မြေပဲဆံ၊ ကြက်သွန်နီ၊ နန့်ဖာလုံ ကုန်စုံ၊ ငရုတ်ကောင်းနှင့်စီးကရက်(အမျိုးမျိုး)တို့ဖြစ်ပြီး သွင်းကုန်များအနေဖြင့် ဓါတ်မြေဩဇာနှင့်ဆံပင်တို့ ဖြစ်ကြောင်း သိရှိရပါသည်။

         တမူးကုန်သွယ်ရေးစခန်းအနေဖြင့် ကုန်သွယ်ရေးဦးစီးဌာန(ရုံးချုပ်)၏ ညွှန်ကြားချက်များနှင့်အညီကုန်သွယ်မှုတွင် ကြုံတွေ့နေရသော အခက်အခဲများအား ကုန်သွယ်ရေးဦးစီးဌာန(ရုံးချုပ်)သို့အချိန်နှင့်တပြေးညီတင်ပြခြင်း၊ ဒေသအာဏာပိုင်အဖွဲ့အစည်းများ၊ ဆက်စပ်ဌာနဆိုင်ရာများ၊ OSS ဌာနဆိုင်ရာများ၊ ကုန်သည်အသင်းအဖွဲ့များ၊ ကုမ္ပဏီလုပ်ငန်းများနှင့်ပေါင်းစပ်ညှိနှိုင်း ဆောင်ရွက်ပေးခြင်းများဖြင့် ကုန်သွယ်မှုလျင်မြန်ချောမွေ့စေရေးနှင့်ကုန်သွယ်မှုလျာထားချက် ပြည့်မှီစေရေးဆောင်ရွက်လျက်ရှိကြောင်း သိရှိရပါသည်။

DOCA(စစ်ကိုင်း)