ပြည်တွင်းကုန်သွယ်မှုသတင်း

             ပြည်ဈေးကွက်သို့ ယခုဇူလိုင်လဒုတိယပတ်တွင် မြေပဲဆန်များဝင်ရောက်မှုမရှိသော်လည်း လှောင်မြေပဲဆန်များဖြင့်သာ အရောင်းအဝယ်ဖြစ်လျှက်ရှိပါသည်။ မြေပဲဆန် လုံးဆန်(အဖြူ)ကို မြဝတီဘက်သို့ တင်ပို့ရန်အဝယ်ရှိသလို၊ မြေပဲဆန်လုံးဆန်(အနီ)ကို ဒေသတွင်း မြေပဲလှော်ဖို သမား များက ဝယ်ယူမှုရှိပါသည်။ ဆီကြိတ် မြေပဲဆန်ဖြစ်သော ရွေးဆန်များကို မြေပဲဆီကြိတ်သော ဆီစက်များနှင့် ဆုံဆီကြိတ်သောဆီစက်များက အဝယ်ရှိသလို မလုံလောက် ပါက မကွေးမြို့နှင့် ပခုက္ကူဘက် မှဝယ်ယူ၍ ကြိတ်ခွဲရပါသည်။ ယခုဇူလိုင်လ ဒုတိယပတ်ရှိ မြေပဲဆန်ဈေးနှုန်းများမှာ ဆီကြိတ်မြေပဲဆန် (အဖြူ၊ အနီ) ၂မျိုးစလုံးမှာ ဈေးတူနေပြီး တစ်ပိဿာလျှင် ၄၂၀၀ကျပ်၊ လုံးဆန်(အဖြူ၊ အနီ) တစ်ပိဿာလျှင် ၄၄၀၀ကျပ်ဖြင့် ဇွန်လ နောက်ဆုံးပတ်ကအတိုင်း ဈေးငြိမ်နေသည်ကို တွေ့ရှိရပါသည်။ မြေပဲဆီတစ်ပိဿာလျှင် ၉၅၀၀ကျပ်၊ ဆုံဆီတစ်ပိဿာလျှင် ၁၁၀၀၀ကျပ်ဖြင့် အရောင်းအဝယ် ဖြစ်လျှက်ရှိကြောင်း သိရှိရပါသည်။

DOCA(ပဲခူး)

          ပြည်ပဲဈေးကွက်သို့ မိုးပဲတီစိမ်းသစ်များ ဇူလိုင်လဆန်းရက်မှစ၍ ဝင်ရောက်လာခဲ့ရာ ယခုအချိန်ထိနေ့စဉ် ဝင်ရောက်မှုတဖြည်းဖြည်းများလာပြီး ပြည်အနီးတဝိုက် မင်းတုန်း၊ ကံမ၊ ပေါင်းတလည်၊ ပေါက်ခေါင်း ဒေသများမှ ဝင်ရောက်လာခဲ့ကြောင်း သိရှိရပါသည်။ ပဲတီစိမ်းသစ်ဈေးမှာ ပဲအရည်အသွေး ပေါ်မူတည်၍ ဈေးကွာခြားမှုရှိခဲ့ပါသည်။ ပဲသစ်အဖွင့်ဈေးမှာ တစ်တင်း ၄၆၀၀၀ ကျပ်ဖြင့် ဝယ်ယူခဲ့ကြပြီး ရိုးရိုးတစ်တင်း ၄၆၀၀၀ကျပ်၊ ထိပ်စတစ်တင်း ၄၇၀၀၀ကျပ်ဖြင့် အသီးသီးရောင်းဝယ်လျှက်ရှိရာ မန္တလေးလိုင်းသမားများ အဓိကထား ဝယ်ယူမှုရှိခဲ့ကြပါသည်။ ယခုနှစ်မိုးပဲတီစိမ်းဝင်ရောက်မှုစော ခဲ့သောကြောင့် ဇူလိုင်လအတွင်း နေ့စဉ်ဝင်ရောက်လျှက်ရှိနေသလို လကုန်ပတ်၊ ဩဂုတ်လဆန်းပိုင်း များတွင် ပဲအထွက်လှိုင်ချိန် ပဲဝင်ရောက်မှု ပိုများလာနိုင်သည်ဟု သိရှိရပါသည်။ ယခင်နှစ်က ဇူလိုင်လအတွင်း ပဲသစ်ဝင်ရောက်ခြင်းမရှိဘဲ ဩဂုတ်လ ဆန်းပိုင်းမှသာ ဝင်ရောက်ခဲ့ကာ ပဲတစ်တင်း ၃၅၀၀၀ကျပ်ဖြင့် အရောင်းအဝယ်ဖြစ်ခဲ့သည့်အတွက် ယခုနှစ် ပဲတီစိမ်းသစ်ဈေးမှာ ပဲသစ်ပေါ်စ အချိန်ကတည်းက ဈေးကောင်းရနေသော ပဲသီးနှံ ဖြစ်ခဲ့ပါသည်။

DOCA(ပဲခူး)

            ပဲခူးတိုင်းဒေသကြီး၊စားသုံးသူရေးရာဦးစီးဌာန၊ ပြည်ခရိုင် ၊  ပေါင်းတည်မြို့နယ်မှ ဝန်ထမ်းများသည် (၁၃.၇.၂၀၂၂)ရက်နေ့ နေ့လယ် (၁၃:၃၀) အချိန်တွင် ပေါင်းတည်မြို့နယ်အတွင်းရှိ ဗိုလ်ကုန်းကျေးရွာရှိ ရုံပတီသီးစိုက်ပျိုးသောတောင်သူနှင့် တွေ့ဆုံ၍ ရုံးပတီသီးစိုက်ပျိုးထုတ်လုပ်မှု၊ တင်ပို့မှုနှင့် ဈေးနှုန်းဈေးကွက် အခြေအနေတို့အား မေးမြန်းခဲ့ပါသည်။

          ပေါင်းတည်မြို့နယ်၊ ဗိုလ်ကုန်းကျေးရွာရှိ ရုံးပတီသီးစိုက်ပျိုးသူမှ ရုံးပတီသီးကို မေလ (သို့မဟုတ်) ဇွန်လဆန်းတို့တွင် စတင်စိုက်ပျိုးပါသည်။ ရုံးပတီသီးစိုက်ပျိုးရာတွင် တစ်ဧကလျှင် အစေ့(၁၀၀၀)ခန့် စိုက်ပျိုးနိုင်ပြီး အစေ့များကို ဆွထားသည့် မြေကြီးတွင် တင်ရုံသာထား၍ စိုက်ပျိုးကြောင်းသိရပါသည်။ ရုံးပတီသီး တစ်ဧကစိုက်ပျိုးထုတ်လုပ်ကုန်ကျစရိတ်မှ ကျပ် (၃)သိန်း ခန့်ကုန်ကျပြီး စတင်စိုက်ပျိုးချိန်မှစ၍ အသီးများခူးဆွတ်ချိန်အထိ (၂)လခွဲခန့်ကြာမြင့်သည်ဟု သိရပါသည်။ အသီးသီးလျှင် ပျမ်းမျှအားဖြင့် တစ်ပင်လျှင် အသီးတောင့် (၂၀)ခန့်ထွက် ရှိသည်ဟု သိရပါသည်။ ရုံးပတီသီးစိုက်ပျိုးလျှင် တစ်ဧကဝင်ငွေမှာ (၄)သိန်းခွဲခန့်ရရှိပြီး အသားတင် အကျိုး အမြတ်အနေဖြင့် (၁)သိန်းခွဲခန့်ရရှိသည်ဟုသိရပါသည်။ ရုံးပတီခင်းမှထွက်ရှိသော အသီးများကို ဝက်ပုတ် ကုန်စည်ဒိုင်သို့ သွားရောက်ရောင်းချသလို ထိုမှတစ်ဆင့် ရန်ကုန်မြို့ရှိ ဟင်းသီးဟင်းရွက်ဈေးများသို့ တင်ပို့ရောင်းချကြောင်း သိရပါသည်။

DOCA(ပဲခူး)

          ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ ပြည်ခရိုင် ၊ ပေါင်းတည်မြို့နယ်တာဝန်ခံနှင့် ဝန်ထမ်းများသည် (၁၃.၇.၂၀၂၂)ရက်နေ့ နံနက် (၁၀:၃၀) အချိန်တွင် ပေါင်းတည်မြို့နယ်အတွင်း နတ်ပုတီးကျေးရွာရှိ မိုးနှမ်းစိုက်ပျိုးသောတောင်သူနှင့် တွေ့ဆုံ၍ တစ်ဧက ကုန်ကျစရိတ်၊ အကျိုးအမြတ်နှင့် ဈေးနှုန်းဈေးကွက်အခြေအနေများအား ကွင်းဆင်း လေ့လာခဲ့ပါသည်။

          ပေါင်းတည်မြို့နယ်၊ နတ်ပုတီးကျေးရွာရှိ မိုးနှမ်းစိုက်ပျိုးသူ တောင်သူနှင့် တွေ့ဆုံဆွေးနွေးရာ နှမ်းတစ်ဧကစိုက်ပျိုးရာတွင် ထွန်ယက်စိုက်ပျိုးခနှုန်းထားမှာ (၆၅၀၀၀)ကျပ်ခန့်ရှိပြီး တစ်ဧကလျှင် မျိုးနှမ်း(၄)ပြည် ကျဲပက်ရပြီး မျိုးနှမ်းတစ်ပြည်လျှင် (၈၀၀၀)ကျပ်ဖြင့် ဝယ်ယူကျဲပက်ရပါသည်။ သွင်းအားစုအနေဖြင့် အပင်ငယ်မှစ၍ အပင်ကြီး၍ နှုတ်သိမ်းချိန်အထိ (၉၅၀၀၀)ကျပ်ခန့် ကုန်ကျ ကြောင်းသိရပါသည်။ စိုက်ပျိုးပြီး (၃)လအကြာတွင် နှမ်းများစတင်ရိတ်သိမ်းရပြီး နှမ်းတစ်ဧက ရိတ်သိမ်းခမှာ (၂၅၀၀၀)ကျပ်နှင့် နှမ်းစည်းခမှာ (၂၀၀၀၀)ကျပ်ခန့် ကုန်ကျကြောင်းသိရပါသည်။ နှမ်းတစ်ဧက စိုက်ပျိုးထုတ်လုပ် ကုန်ကျစရိတ်မှာ (၂၃၇၀၀၀)ကျပ်ခန့်ရှိကြောင်းသိရပါသည်။ တစ်ဧကလျှင် နှမ်းအထွက်နှုန်းမှာ ပျမ်းမျှအားဖြင့် ၁၀ တင်းခန့်ထွက်ရှိပြီး၊ နှမ်းကောင်းလျှင် ၁၂တင်း ခန့်ထွက်ရှိသည်ဟု သိရပါသည်။ မိုးနှမ်းတစ်တင်းလျှင် ၈၀၀၀၀ကျပ်မှ ၁၀၀၀၀၀ကျပ် အထိရရှိ၍ တစ်ဧကဝင်ငွေမှာ (၁၀)သိန်းကျပ်ခန့်ရရှိသည်ဟုသိရပါသည်။ တောင်သူတစ်ဧက အသားတင် အကျိုးအမြတ်အနေဖြင့် (၇၆၀၀၀၀)ခန့်ရရှိသည်ဟု သိရှိရပါသည်။

          ပြည်တွင်းစားသုံးဆီဖူလှုံရန်အတွက် ဆီထွက်သီးနှံဖြစ်သော နှမ်းကို ပိုမိုတိုးချဲ့ စိုက်ပျိုးလျှင် တောင်သူများအနေဖြင့် အကျိုးအမြတ်ပိုမိုရရှိနိုင်ပြီး နိုင်ငံအတွက်လည်း စားသုံးဆီဖူလှုံ လာနိုင်မည်ဖြစ်ကြောင်း ရေးသားတင်ပြလိုက်ပါသည်။

DOCA(ပဲခူး)

         ဇူလိုင်လ ဒုတိယပတ်အတွင်း မကွေးကုန်စည်ဒိုင်ရှိ ပဲမျိုးစုံဈေးကွက်သည် စျေးနှုန်းတည်ငြိမ်လျက် ရှိကြောင်းသိရသည်။ ပဲနောက်(၁၉)ပိဿာ(၁)တင်းလျှင် (၄၁၀၀ဝိ/-)၊ ပဲလွန်းဝါ(၁၉)ပိဿာ(၁)တင်းလျှင် (၄၁၀၀ဝိ/-) ကျပ်၊ ကုလားပဲကြီး(929)ပိဿာ(၁)တင်းလျှင် (၄၈၅၀ဝိ/-)ကျပ်၊ ကုလားပဲလုံးသေး(၁၉)ပိဿာ (၁)တင်း လျှင် (၄၄၅၀ဝိ/-)ကျပ်၊ ပဲကြီးဖြူ (၁၉)ပိဿာ(၁)တင်းလျှင်(၆၂၀၀ဝိ/-)ကျပ်၊ ပဲကြီးမဲ(၁၉) ပိဿာ (၁)တင်း လျှင်(၅၅၀၀ဝိ/-)ကျပ်၊ ပဲထောပတ် (၁၉)ပိဿာ(၁)တင်းလျှင်(၄၂၀၀ဝိ/-)ကျပ်၊ ပဲတီစိမ်း (၁၉) ပိဿာ (၁)တင်းလျှင်(၄၇၀၀ဝိ/-)ကျပ်၊ မတ်ပဲ(၂၀)ပိဿာ(၁)တင်းလျှင် (၅၃၀၀ဝိ/-)ကျပ်တို့ဖြင့် စျေးနှုန်း တည်ငြိမ်လျက်ရှိပြီး ပဲစဉ်းငုံနီ(၂၀)ပိဿာ(၁)တင်းလျှင်(၄၆၀၀ဝိ/-)ကျပ်နှင့် စားတော်ပဲ(၂၀) ပိဿာ(၁) တင်းလျှင် (၁၀၃၀၀ဝိ/-)ကျပ်တို့ဖြင့် ပဲစဉ်းငုံနှင့် စားတော်ပဲတို့သည် စျေးနှုန်းအနည်းငယ် မြင့်တက်လာ ကြောင်းသိရသည်။

            ယခုအပတ်တွင် ပဲတီစိမ်း တန်ချိန်(၂၀၀.၈၃)ခန့်၊ ကုလားပဲ တန်ချိန်(၂၀၀.၀၀)ခန့်၊ ပဲကြီးဖြူ (၃၅.၄၂)ခန့်၊ စားတော်ပဲ တန်ချိန်(၂၀.၆၃)ခန့်၊ မတ်ပဲ တန်ချိန်(၅၀.၇၂)ခန့်သာ အရောင်းအဝယ်ဖြစ်ခဲ့ကြောင်း မကွေးကုန်စည်ဒိုင်မှ လေ့လာသိရှိရပါသည်။

DOCA(မကွေး)