ပြည်ပကုန်သွယ်မှုသတင်းများ
၂၀၂၂ ခုနှစ်၊ ဧပြီလတွင် အိန္ဒိယနိုင်ငံ၌ နေကြာဆီ ဆိပ်ကမ်းအရောက်တစ်တန်ဈေးနှုန်းမှာ အမေရိကန်ဒေါ်လာ ၂၁၅၅ နှင့် ပဲပုပ်ဆီ ဆိပ်ကမ်းအရောက်တစ်တန်လျှင် အမေရိကန်ဒေါ်လာ ၁၉၀၉ ဖြစ်ပေါ်ခဲ့ပါသည်။ သို့ရာတွင် ၂၀၂၂ ခုနှစ်၊ ဇူလိုင်လတွင် ကုလသမဂ္ဂနှင့် တူရကီနိုင်ငံတို့၏ ကြားဝင်ဆောင်ရွက်မှုကြောင့် ရှရှားနှင့် ယူကရိန်း ကြား ပင်လယ်နက်ဒေသ ကောက်ပဲသီးနှံများ လွတ်လပ်စွာ တင်ပို့မှုဆိုင်ရာ သဘောတူ စာချုပ်ချုပ်ဆိုခဲ့ပြီး အခြေအနေများပြောင်းလဲမှု ဖြစ်ပေါ်ခဲ့ပါသည်။ အဆိုပါသဘောတူစာချုပ်အရ ယူကရိန်းနိုင်ငံရှိ ကောက်ပဲသီးနှံများ၊ နေကြာဆီ၊ အသားနှင့် အစေ့အဆန်များကို လွတ်လပ်စွာ သင်္ဘောတင်ဆောင်၊ ဖြတ်သန်းသွားလာခွင့်ရရ
စားအုန်းဆီအစား ပဲပုပ်ဆီ၊ နေကြာဆီတို့ဖြင့် အစားထိုးလာမှုကြောင့် အိန္ဒိယနိုင်ငံ၏ စားအုန်းဆီ တင်သွင်းမှုသည် ၂၀၂၃ ခုနှစ် မေလ၌ ၂၇ လအတွင်း အနည်းဆုံးပမာဏသို့ ရောက်ရှိခဲ့ကြောင်း သိရပါသည်။ ၂၀၂၃ ခုနှစ်၊ မေလ ၁ ရက်မှ ၂၀ ရက်အတွင်း အိန္ဒိယနိုင်ငံ၌ စားအုန်းဆီတန်ချိန် ၂၆၁၀၀၀ ခန့်ကို သက်ဆိုင်ရာဆိပ်ကမ်းများတွင် သင်္ဘောဆီချနိုင်ခဲ့ပြီး မေလကုန်အထိ လက်ကျန် ၁၁ ရက်အတွင်း တန်ချိန် ၁၅၀၀၀၀ ထပ်မံဝင်ရောက်နိုင်ပြီး စုစုပေါင်း စားအုန်းဆီတန်ချိန် ၄၁၁၀၀၀ ခန့်ရှိနိုင်သည်ဟု အိန္ဒိယကုန်သည်များနှင့် ကုန်စည်ပို့ဆောင်ရေးလုပ်ငန်းများက ခန့်မှန်းထားပါသည်။ အိန္ဒိယဆီစက်လုပ်ငန်းရှင်များအသင်း၏ အချက်အလက်များအရ ၂၀၂၂-
အိန္ဒိယနိုင်ငံတွင် ယခင်နှစ် ဝါဂွမ်းဈေးနှုန်းသို့ မြင့်တက်ရောက်ရှိရန် မျှော်မှန်းပြီး သိုလှောင်ထားခဲ့ကြသော ဝါဂွမ်းများကို လယ်သမားများမှ ဈေးကွက်သို့ပို့ဆောင် ရောင်းချမှုများပြားလာသဖြင့် ဝါဂွမ်းဈေးနှုန်းများမှာ ၈% မှ ၁၂% အကြား အသီးသီးလျော့နည်းကျဆင်းခဲ့ကြောင်း သိရှိရပါသည်။
၂ဝ၂၃ ခုနှစ် မေလ ၁၆ ရက်နေ့မှစတင်၍ အမေရိကန်နိုင်ငံမှ တင်သွင်းသည့် ဝါဂွမ်းများအပေါ် ပိုးသတ်ပေးရန်လိုအပ်ချက်ကို ဘင်္ဂလားဒေ့ရှ်အစိုးရက ပယ်ဖျက်ပေးခဲ့သည့်အတွက် ဘင်္ဂလားဒေ့ရှ်နိုင်ငံမှ တင်သွင်းသူများအတွက် ဒေါ်လာသန်းပေါင်းများစွာ ဆုံးရှုံးမှုနှင့် ၅ ရက်တာစောင့်ဆိုင်းနေရမှုကို လျော့နည်းသက်သာစေခဲ့ကြောင်း ဒါကာမြို့ရှိ အမေရိကန်သံရုံးက ပြောကြားခဲ့ပါသည်။ ထိုသို့ဆောင်ရွက်ခဲ့မှုသည် ဘင်္ဂလားဒေ့ရှ်နိုင်ငံ၊ လယ်ယာစိုက်ပျိုးရေးဝန်ကြီးဌာနမှ နည်းပညာကိုယ်စားလှယ်အဖွဲ့၏ ၂ဝ၂၂ ခုနှစ် နိုဝင်ဘာလ၌ အမေရိကန်နိုင်ငံသို့ သွားရောက်သည့် ခရီးစဉ်အပြီးတွင် ဖြစ်ပေါ်လာခဲ့ခြင်းဖြစ်ပါသည်။ အဆိုပါကိုယ်စားလှယ်အဖွဲ့၏ ခရ
အစားအသောက် ဘေးကင်းလုံခြုံ စိတ်ချရမှုရှိစေရေးနှင့် အထူးသဖြင့် အမျိုးသမီးများ ပါဝင်လုပ်ကိုင်လျက်ရှိသော လုပ်ကွက်ငယ်လယ်သမားပေါင်း ၁၂၃၀၀၀ ကျော်၏ ဝင်ငွေတိုးတက်ရရှိစေရေးအတွက် ဘင်္ဂလားဒေ့ရှ်နိုင်ငံ၌ ပြောင်းလဲမှုများကို ခံနိုင်ရည်ရှိသော ဆန်စပါးဈေးကွက်အဖြစ် မြှင့်တင်နိုင်ရန် နိုင်ငံတကာငွေကြေးကော်ပိုရေးရှင်း (IFC) သည် Meghna Group of Industries (MGI) ၏ လက်အောက်ခံ ကုမ္ပဏီဖြစ်သော Tanveer Food Limited (TFL) သို့ ဒေါ်လာ ၃၅ သန်း ထည့်ဝင်ရင်းနှီးမြှုပ်နှံမည်ဖြစ်ကြောင်း သိရှိရပါသည်။
ထိုင်းနိုင်ငံအနေဖြင့် ၂၀၂၃ ခုနှစ် ဇန်နဝါရီလမှ ဧပြီလအတွင်း ဆန်တန်ချိန် ၂.၇၉ သန်း တန်ဖိုးအားဖြင့် အမေရိကန်ဒေါ်လာ ၁.၅ ဘီလီယံ (ဘတ်ငွေ ၅၁.၂ ဘီလီယံ) တင်ပို့နိုင်ခဲ့ပြီး ယခင်နှစ်ကာလတူ တင်ပို့မှုထက် ၂၃% တိုးတက်ခဲ့ကြောင်း သိရှိရပါသည်။
ကမ္ဘောဒီးယားနိုင်ငံ၌ ကုန်သွယ်မှုလုပ်ငန်းများ မြန်ဆန်လွယ်ကူစေရေးနှင့် တိုးတက်စေရေး ကူညီပံ့ပိုးရန် ရည်ရွယ်လျက် ပင်ရင်းနိုင်ငံစည်းမျဉ်း (Rules of Origin) ဥပဒေမူကြမ်းကို အစိုးရအဖွဲ့၏ မေလ ၁၉ ရက်နေ့ အပတ်စဉ် အစည်းအဝေးတွင် အတည်ပြုခဲ့သည်။
ပီလောပီနံနှင့် စားအုန်းဆီ ကဲ့သို့သော သီးနှံများအတွက် ဝင်ငွေအာမခံချက်ရှိစေမည့် အစီ အမံများကို ဆက်လက်ဆောင်ရွက်ခြင်း မရှိသောကြောင့် အဆိုပါသီးနှံများနှင့်စပ်လျဉ်း၍ အစိုးရအသစ်၏ မူဝါဒကို စောင့်ဆိုင်းနေချိန်၌ လယ်ယာထွက်ကုန်နှင့် ဈေးနှုန်းစီမံခန့်ခွဲမှုစနစ်အား ထိန်းကျောင်းသွားမည်ဟု ထိုင်းစီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ကတိပြုပြောကြားပါသည်။
ဘင်္ဂလားဒေ့ရှ်နိုင်ငံ၌ ပြည်တွင်းဈေးကွက်အတွင်း ဒေါ်လာငွေပြတ်လပ်မှု ဖြစ်ပေါ်ခြင်းက ပေးဆပ်ရန်အကြွေးငွေ ဒေါ်လာသန်း ၃၀၀ ကျော် တင်ရှိနေမှုနှင့်အတူ နိုင်ငံပိုင် စီးပွားရေးလုပ်ငန်းဖြစ်သော ဘင်္ဂလားဒေ့ရှ် ရေနံထွက်ကုန်ပစ္စည်းကော်ပိုရေးရှင်း (BPC) အနေဖြင့် စက်သုံးဆီ တင်သွင်းမှုစရိတ်များ ပေးချေနိုင်ရေး အပြင်းအထန် ကြိုးစားနေရကြောင်း ရိုက်တာသတင်းဌာနက ဖော်ပြပါသည်။
ပြည်တွင်း၌ ရောင်းလိုအားအပိုင်းကို မြှင့်တင်နိုင်ရန်နှင့် ဈေးနှုန်းများအား ထိန်းချုပ်နိုင်ရန်အတွက် အိန္ဒိယအစိုးရသည် ဘရာဇီးနိုင်ငံထံမှ မတ်ပဲများ ဝယ်ယူတင်သွင်းနိုင်မည့်အခြေအနေကို ကြိုတင်ညှိနှိုင်းဆွေးနွေးလျက်ရှိကြောင်း သိရှိရသည်။
အိန္ဒိယပြည်တွင်းဈေးကွက်၌ ရောင်းလိုအားပိုင်း ကျပ်တည်းမှုနှင့်အတူ ဈေးနှုန်းများ မြင့်တက်လျက်ရှိသည့် အခြေအနေတွင် ပဲမျိုးစုံရောင်းဝယ်သည့် ကုန်သည်များအနေဖြင့် ပြည်ပမှ တင်သွင်းလာသော ပဲစင်းငုံနှင့် မတ်ပဲတို့ကို အကောက်ခွန်ရှင်းလင်းမှု ပြီးစီးသည့်နေ့မှ ရက်ပေါင်း ၃၀ ထက်ပိုမို၍ လက်ဝယ်သိုလှောင်ထားရှိခြင်းမပြုပဲ ဈေးကွက်သို့ ဖြန့်ဖြူးရောင်းချရန် အစိုးရက ညွှန်ကြားထားကြောင်း သိရှိရပါသည်။ အိန္ဒိယနိုင်ငံ၌ မိုးသီးနှံရာသီ ပဲမျိုးစုံစိုက်ပျိုးထုတ်လုပ်မှုတွင် သုံးပုံနှစ်ပုံခန့် ပါဝင်သော ပဲစင်းငုံနှင့်မတ်ပဲတို့သည် ပြည်ပမှတင်သွင်းရသည့် ပဲမျိုးစုံတွင်လည်း ၇၀% ပါဝင်လျက်ရှိသည်။
အိန္ဒိယနိုင်ငံတွင် ၂၀၂၂-၂၃ သီးနှံစိုက်ပျိုးရေးရာသီ၌ ပဲစင်းငုံ စိုက်ပျိုးထွက်ရှိမှုမှာ ယခင်နှစ် ထုတ်လုပ်မှုအောက် ၁၄% ခန့် လျော့ကျမည်ဟု အစိုးရက ခန့်မှန်းထားပြီး ကုန်သည်လုပ်ငန်းရှင် အသိုင်းအဝိုင်းကမူ အထွက်လျော့ကျမှုမှာ ၂၀% ထက်ပိုမိုမည်ဟု ခန့်မှန်းကြပါသည်။ ပြည်တွင်း၌ ပဲစင်းငုံ လက်လီဈေးနှုန်းများမှာ မြင့်တက်လျက်ရှိပြီး အိန္ဒိယစားသုံးသူရေးရာဝန်ကြီးဌာန၏ စာရင်းများအရ ဒေလီမြို့တော်တွင် ၁ နှစ်အတွင်း ၂၇% နှင့် ၆ လအတွင်း ၁၀% အထိ ဈေးနှုန်းမြင့်တက်ခဲ့ကြောင်း တွေ့ရှိရသည်။ သို့ဖြစ်ရာ အိန္ဒိယပဲမျိုးစုံနှင့်ကောက်ပဲသီးနှံ လုပ်ငန်းရှင်များအသင်း (IPGA) က ပဲစင်းငုံ၏နေရာတွင် ပဲနီလေး၊ ကုလားပဲ၊ ပ
