ပြည်ပကုန်သွယ်မှုသတင်းများ
အမေရိကန်စိုက်ပျိုးရေးဦးစီးဌာန (USDA) ၏ လေ့လာဆန်းစစ်ချက်များအရ ဖိလစ်ပိုင်နိုင်ငံ
သည် ၂၀၂၄ ခုနှစ်တွင် ထိပ်တန်းဆန်တင်သွင်းသူအဖြစ် ဆက်လက် ရပ်တည်လျက်ရှိမည်ဖြစ် ကြောင်း သိရှိရသည်။
အမေရိကန်နိုင်ငံသို့ ရောက်ရှိနေသည့် ခရီးစဉ်ကာလအတွင်း ဆန်နှင့် စားသောက်ကုန်များ အား ဘတ်ငွေ ၁.၇၅ ဘီလီယံ တန်ဖိုးအထိ တိုးမြှင့်တင်ပို့နိုင်မည့် အခွင့်အလမ်းများကို ရှာဖွေ ဆောင်ရွက်သွားမည်ဖြစ်ကြောင်း ထိုင်းစီးပွားရေးနှင့်ကူးသန်းရောင်းဝယ်ရေးဝန်ကြီး Phumtham Wechayachai က ပြောကြားခဲ့ပါသည်။
၁၂။ အိန္ဒိယနိုင်ငံ၏ ဆန်တင်ပို့မှုအပေါ် တားမြစ်ကန့်သတ်ချက်များ ဆက်လက်တည်ရှိနေပြီး ရာသီအလိုက် ပွဲတော်ကာလများ၌ ဝယ်လိုအားမြင့်တက်မှုအရ ၂၀၂၄ ခုနှစ် နှစ်ဆန်းပိုင်း၌တွင် ကမ္ဘာ့ဆန်ဈေးကွက်မှာ ဆက်လက်တင်းကျပ်မှုဖြစ်ပေါ်လျက်ရှိပြီး ဈေးနှုန်းများ ပိုမိုမြင့်တက်မှုကို တွန်းအားပေးလျက်ရှိပါသည်။
အိန္ဒိယပဲစင်းငုံဈေးကွက်တွင် မြန်မာနိုင်ငံထံမှ တင်သွင်းရရှိမှု မြင့်မားလာနိုင်ခြေရှိသော် လည်း မိုဇမ်ဘစ်နိုင်ငံ၌ ကုမ္ပဏီကြီး ၂ ခု၏ အားပြိုင်မှုကြောင့် အိန္ဒိယသို့ ပဲစင်းငုံတင်ပို့နိုင်ခြင်း မရှိ သည့် အခြေအနေအရ ဈေးနှုန်းများ ဆက်လက်မြင့်တက်ဖွယ်ရှိကြောင်း သိရှိရသည်။
၁။ အာဖရိကတောင်ပိုင်းဒေသရှိနိုင်ငံများ၌ စားသောက်ကုန်နှင့် လူသုံးကုန်စည်များ ထောက်ပံ့ ပို့ဆောင်မှုလုပ်ကိုင်လျက်ရှိသော လုပ်ငန်းစုကြီးတစ်ခုဖြစ်သည့် Export Trading Group (ETG) က ပိုင်ဆိုင်သော ပဲစင်းငုံများအား အိန္ဒိယနိုင်ငံသို့တင်ပို့ခြင်းကို လုပ်ဆောင်နိုင်ခွင့်မရှိဟု မိုဇမ်ဘစ် နိုင်ငံရှိ တရားရုံးတစ်ခုက အမိန့်ချမှတ်ခဲ့ကြောင်း ရိုက်တာသတင်းဌာနက ၁၉-၁-၂၀၂၄ နေ့တွင် ဖော်ပြခဲ့ပါသည်။
အယ်လ်နီညို ရာသီဥတုဖြစ်စဉ်ကြောင့် ပြည်တွင်းစိုက်ပျိုးထုတ်လုပ်မှု လျော့ကျလျက် ဈေးကွက်လိုအပ်ချက်ဖြစ်ပေါ်မှုကို ဖြည့်ဆည်းနိုင်ရန်အတွက် ၂၀၂၄ ခုနှစ်အတွင်း ဆန်တန်ချိန် ၃ သန်းကို တင်သွင်းခွင့်ပြုမည်ဟု အင်ဒိုနီးရှား စီးပွားရေးပူးပေါင်းဆောင်ရွက်မှုဝန်ကြီး Airlangga Hartarto က ပြောကြားခဲ့ကြောင်း သိရှိရပါသည်။
တရုတ်နိုင်ငံ လယ်ယာစိုက်ပျိုးရေးဝန်ကြီးဌာနမှ ၁၂-၁-၂၀၂၄ နေ့၌ ဇန်နဝါရီလ သီးနှံ အလားအလာခန့်မှန်းချက် ထုတ်ပြန်ရာတွင် ၂ဝ၂၃-၂၄ ခုနှစ် သီးနှံရာသီ၌ ပြောင်းထုတ်လုပ်မှုမြင့် တက်မည်ဖြစ်သော်လည်း ပဲပုပ်စေ့ထုတ်လုပ်မှု ကျဆင်းမည်ဟု ဖော်ပြပါသည်။
ကမ္ဘောဒီးယားနိုင်ငံနှင့် တရုတ်နိုင်ငံတို့မှ အရာရှိများသည် ဒေါ်လာ ၁ ဘီလီယံ တန်ဖိုးရှိသည့် ရော်ဘာနှင့်တာယာစီမံကိန်းဆိုင်ရာ နားလည်မှုစာချွန်လွှာတစ်စောင်ကို လက်မှတ်ရေးထိုးခဲ့ကြောင်း ကမ္ဘောဒီးယားဖွံ့ဖြိုးတိုးတက်မှုကောင်စီ၏ ထုတ်ပြန်ကြေညာချက်အရ သိရှိရပါသည်။
ကမ္ဘာ့ထိပ်တန်းစားသုံးဆီတင်သွင်းသည့် အိန္ဒိယနိုင်ငံ၌ အစိုးရသည် ရွေးကောက်ပွဲများ ကျင်းပပြုလုပ်သည့် ကာလမတိုင်မီ ပြည်ပမှစားသုံးဆီဝယ်ယူမှုများကို အထောက်အပံ့ပေးအပ်နိုင်ရန်နှင့် ဈေးနှုန်းများကို ထိန်းချုပ်နိုင်ရန်တို့အတွက် စားအုန်းဆီကြမ်း၊ ပဲပုပ်ဆီနှင့် နေကြာဆီများကို အခွန်လျှော့ချတင်သွင်းခွင့် ၁ နှစ်သက်တမ်းတိုးမြှင့်လိုက်ကြောင်း သိရှိရပါသည်။
မလေးရှားနိုင်ငံ၏ စားအုန်းဆီလက်ကျန်ပမာဏသည် ၂၀၂၃ ခုနှစ်တွင် တန်ချိန် ၂.၂၉ သန်း ရှိခဲ့ရာမှ ၂၀၂၄ ခုနှစ်တွင် ၁၄.၈% လျော့ကျလျက် တန်ချိန် ၁.၉၅ သန်းသို့ ရောက်ရှိနိုင်ကြောင်း မလေးရှား စားအုန်းဆီဘုတ်အဖွဲ့ (MPOB) မှ ညွှန်ကြားရေးမှူးချုပ် Dr. Ahmad Parveez Ghulam Kadir က ပြောကြားခဲ့သည်။
မလေးရှား စားအုန်းဆီ ဈေးနှုန်းသည် ကမ္ဘာ့ထိပ်တန်း စားအုန်းဆီ တင်သွင်းသည့်နိုင်ငံဖြစ်သော အိန္ဒိယက စားသုံးဆီတင်သွင်းမှုအတွက် အခွန်သက်သာခွင့်အား ၂၀၂၅ ခုနှစ်၊ မတ်လအထိ တိုးမြှင့် ခွင့်ပြုပေးလျက်ရှိခြင်းကြောင့် ၁၆-၁-၂၀၂၄ ရက်၊ အင်္ဂါနေ့တွင် ဈေးနှုန်းမြင့်တက်ခဲ့ခြင်း ဖြစ်ကြောင်းနှင့် အနာဂတ်ကာလ၌ဈေးနှုန်းမြင့်တက်နိုင်ကြောင်း NASDAQ သတင်းဌာနက ဖော်ပြ ပါသည်။
နယ်သာလန်ဖွံ့ဖြိုးတိုးတက်ရေးအဖွဲ့ (SNV) သည် မဲခေါင်မြစ်ဝကျွန်းပေါ်ဒေသတွင် ရာသီဥတုဒဏ်ခံနိုင်စေရန်နှင့် စဉ်ဆက်မပြတ်ဖွံ့ဖြိုး တိုးတက်ရေးတို့အတွက် ဆန်စပါး တန်ဖိုးကွင်း ဆက်များ အသွင်ပြောင်းခြင်းဟု ခေါ်ဆိုသည့် စီမံကိန်းအား ဆက်စပ်အဖွဲ့အစည်းများနှင့် ပူးပေါင်း ၍ အကောင်အထည်ဖော် ဆောင်ရွက်မည်ဖြစ်ကြောင်း ၁၆-၁-၂၀၂၄ ရက်၊ အင်္ဂါနေ့၌ ကျင်းပသော အလုပ်ရုံဆွေးနွေးပွဲတစ်ခုတွင် ထုတ်ဖော်ကြေညာခဲ့သည်။
