ပြည်ပကုန်သွယ်မှုသတင်းများ

      ကမ္ဘောဒီးယားနိုင်ငံ၊ အလုပ်သမားဝန်ကြီး Heng Sour က အထည်ချုပ်စက်မှုလုပ်ငန်း၊ လျှပ်စစ်ကားနည်းပညာနှင့် ဉာဏ်ရည်တု (AI) ဆိုင်ရာ လေ့ကျင့်ရေးအစီအစဉ်များကို ဦးစားပေးလုပ်ဆောင်ရန် Geely Talent Development Group ၏ ဥက္ကဌ Devin Lu Dan နှင့် ၄-၉-၂၀၂၅ ရက်နေ့က ဝန်ကြီးဌာနရုံးတွင် တွေ့ဆုံစဉ် တိုက်တွန်းခဲ့သည်။ အဆိုပါ စီမံချက်များကို ဝန်ကြီးဌာန၏ သက်မွေးဝမ်းကျောင်း လေ့ကျင့်ရေး အဖွဲ့အစည်းများနှင့် ပူးပေါင်း၍ ဆောင်ရွက်နိုင်ကြောင်း Heng Sour က ဆက်လက်ပြောကြားခဲ့သည်။ Dan က ဤအရေးကြီးသောကဏ္ဍများတွင် အောင်မြင်သောလေ့ကျင့်ရေးပူးပေါင်းဆောင်ရွက်မှုများတွင် Geely Talent Development Group  အနေဖြင့် ပံ့ပိုးကူညီသွားမည်ဖြစ်ကြောင်း ပြောကြားခဲ့သည်။ ဆက်လက်၍ Dan က လက်တွေ့သင်ကြားမှုနှင့် အွန်လိုင်းမှတဆင့် သင်ကြားမှုတို့တွင် အသက်မွေးဝမ်းကျောင်းပညာကို အားကောင်းစေရန် ရေးဆွဲထားသော ခေတ်မီလေ့ကျင့်ရေးအစီအစဉ်များကို တင်ပြခဲ့သည်။

DOCA (ရန်ကုန်)

         ကမ္ဘောဒီးယားနိုင်ငံ၊ကျန်းမာရေးကဏ္ဍတွင် ဒစ်ဂျစ်တယ်ချိတ်ဆက်မှု မြှင့်တင်ရာတွင် ပူးပေါင်းဆောင်ရွက်မှုအတွက် အခွင့်အလမ်းများကို ဆွေးနွေးရန် ဝန်ကြီးဌာနရှိ Starlink USA ၏ စျေးကွက်ရှာဖွေရေးဒါရိုက်တာ Rebecca Hunter နှင့် ကျန်းမာရေးဝန်ကြီး  Chheang Ra တို့ တွေ့ဆုံဆွေးနွေးမှုများ ပြုလုပ်ခဲ့ကြပြီး ဝန်ကြီးဌာနမှ အကြီးတန်းအရာရှိများ တက်ရောက်ခဲ့ကြ သည်။ Rebecca Hunter မှ Starlink သည် ဝေးလံပြီး ချို့တဲ့သောဒေသများသို့ ကျန်းမာရေး စောင့်ရှောက်မှုလက်လှမ်းမီမှုကို ပံ့ပိုးပေးရန်အတွက် ဆေးဝါး၊ e-health နှင့် မိုဘိုင်းကျန်းမာရေး ဝန်ဆောင်မှုများ အထူးသဖြင့် ဆက်သွယ်မှု ကွာဟ ချက်များအား ပေါင်းကူးဆက်သွယ်မှုများ ကူညီပေးရန် နည်းလမ်းများကို စူးစမ်းလေ့လာရန် စိတ်ဝင်စားသည်ဟု ပြောကြားခဲ့သည်။  အဆိုပါ အကြံပြုချက်ကို ကြိုဆိုသည့်အနေဖြင့် ဝန်ကြီး Chheang Ra က ပိုမိုကောင်းမွန်သော ဒစ်ဂျစ်တယ် ချိတ်ဆက်မှု အားကောင်းလာစေရေးသည် ကျန်းမာရေးစောင့်ရှောက်မှု ပံ့ပိုးပေးရာ တွင် အရေးကြီးသောအခန်းကဏ္ဍမှ ပါဝင်ကြောင်း၊ စနစ်ပိုမိုကောင်းမွန်လာစေရန်နှင့် နောက်ဆုံး တွင် ကမ္ဘောဒီးယားနိုင်ငံသားအားလုံးအတွက် ပိုမိုကောင်းမွန်သော ကျန်းမာရေးရလဒ်များကို အာမခံနိုင်မည်ဟု ယုံကြည်ကြောင်း ပြောကြားခဲ့သည်။

DOCA (ရန်ကုန်)

           ၂၀၂၅ ခုနှစ်၏ ပထမ ၇ လတွင် ဗီယက်နမ်သည် ကော်ဖီတန်ချိန် ၁.၁ သန်းတင်ပို့ရာမှ ဝင်ငွေ အမေရိကန်ဒေါ်လာ ၆ ဘီလီယံကျော်ရရှိခဲ့ပြီး တင်ပို့သည့်ပမာဏတွင် ၈ ရာခိုင်နှုန်းနှင့် တင်ပို့သည့်တန်ဖိုးတွင် ၆၆ ရာခိုင်နှုန်းမြင့်တက်ခဲ့ကြောင်း သိရပါသည်။ ဥရောပသည်အကြီးမား ဆုံးဈေးကွက်အဖြစ်ဆက်လက်တည်ရှိနေပြီး အာရှတွင် အထူးသဖြင့် ကမ္ဘောဒီးယားတွင်လည်း ဝယ်လိုအားကြီးထွားလျှက်ရှိကြောင်း သိရပါသည်။ ဇူလိုင်လတွင် ဗီယက်နမ်သည် ကမ္ဘောဒီးယား သို့ အမေရိကန်ဒေါ်လာ ၂.၇ သန်းတန်ဖိုးရှိသော ကော်ဖီတန်ချိန် ၇၁၃ တန်တင်ပို့ခဲ့ပြီး တင်ပို့သည့် ပမာဏတွင် ၄၀၆ ရာခိုင်နှုန်းနှင့် တင်ပို့သည့်တန်ဖိုးတွင် ၄၆၀ ရာခိုင်နှုန်းမြင့်တက်ခဲ့ကြောင်း ဗီယက်နမ်နိုင်ငံအကောက်ခွန်ဦးစီးဌာန၏အဆိုအရ သိရပါသည်။ ဇန်နဝါရီမှ ဇူလိုင်လထိ ၇ လ တာကာလတွင် ဗီယက်နမ်သည် ကမ္ဘောဒီးယားသို့ ကော်ဖီတန်ချိန် ၂၂၃၁ တန်တင်ပို့ရာမှ ဝင်ငွေ အမေရိကန်ဒေါ်လာ ၁၀ သန်းရရှိခဲ့ပြီး ၂၀၂၄ ခုနှစ်တူညီသည့်ကာလနှင့်နှိုင်းယှဉ်ပါကပမာဏတွင် ၇၈ ရာခိုင်နှုန်းနှင့် တန်ဖိုးတွင် ၁၁၄ ရာခိုင်နှုန်း မြင့်တက်ခဲ့ကြောင်း သိရပါသည်။ စီးပွားရေး လုပ်ငန်းများသည်လည်း နှစ်နိုင်ငံကုန်သွယ်ရေးတည်ငြိမ်စွာမြင့်တက်ရေးတွင် ပူးပေါင်းပါဝင်လျှက် ရှိကြောင်း သိရပါသည်။ ၂၀၂၄ ခုနှစ်တွင် နှစ်နိုင်ငံကုန်သွယ်မှုတန်ဖိုးမှာ အမေရိကန်ဒေါ်လာ ၁၀ ဘီလီယံကျော်ရောက်ရှိခဲ့ပြီး ၂၀၂၅ ခုနှစ်၏ ပထမ ၇ လတွင် အမေရိကန်ဒေါ်လာ ၇ ဘီလီယံကို ကျော်ဖြတ်ခဲ့ကြောင်း သိရပါသည်။ ဗီယက်နမ်ကုန်ပစ္စည်းများသည် ၎င်းတို့၏အရည်အသွေးနှင့် ယှဉ်ပြိုင်နိုင်စွမ်းရှိသောဈေးနှုန်းတို့ကြောင့် ကမ္ဘောဒီးယားနိုင်ငံတွင် လူကြိုက်များကြောင်း သိရပါ သည်။ တရုတ်နိုင်ငံတွင်ကျင်းပခဲ့သည့် ရှန်ဟိုင်းပူးပေါင်းဆောင်ရွက်ရေးအဖွဲ့အစည်းညီလာခံတွင် ကမ္ဘောဒီးယားဝန်ကြီးချုပ် Hun Manet နှင့် အစည်းအဝေးအတွင် ဗီယက်နမ်ဝန်ကြီးချုပ် Pham Minh Chinh က သယ်ယူပို့ဆောင်ရေးအားကောင်းရန်၊ နယ်စပ်လုပ်ငန်းစဉ်များမြန်ဆန်ရန်နှင့် နှစ်နိုင်ငံအပြန်အလှန်ကုန်သွယ်ရေးအမေရိကန်ဒေါ်လာ ၂၀ ဘီလီယံထိရောက်ရှိရန် အဆိုပြုခဲ့ ကြောင်း သိရပါသည်။ ကမ္ဘောဒီးယားနိုင်ငံရှိ ဗီယက်နမ်ကုန်သွယ်ရေးအတိုင်ပင်ခံ Do Viet Phuong က များစွာသောပို့ကုန်-သွင်းကုန်အမျိုးအစားများမှာ အားကောင်းသောအလားအလာကို ပြသနေခြင်းနှင့်အတူ နှစ်နိုင်ငံစီးပွားရေးသည်မြင့်မားစွာလိုက်ဖက်မှုရှိနေကြောင်းနှင့် ထိုမှ တစ်ဆင့် နှစ်ဖက်အစိုးရချမှတ်ထားသည့် အမေရိကန်ဒေါ်လာ ၂၀ ဘီလီယံရည်မှန်းချက်ကို အကောင်အထည်ဖော်နိုင်မည်ဟု ပြောကြားခဲ့ပါသည်။ ထိုအလားအလာကို အကောင်အထည် ဖော်ရန်အတွက် ဗီယက်နမ်နိုင်ငံစက်မှုနှင့်ကုန်သွယ်ရေးဝန်ကြီးဌာနနှင့် ကမ္ဘောဒီးယားနိုင်ငံ စီးပွား ကူးသန်းဝန်ကြီးဌာနတို့သည် ဗီယက်နမ်-ကမ္ဘောဒီးယားစီးပွားရေးချိတ်ဆက်မှုကွန်းဖရန့်ကို ဩဂုတ်လတွင် ဖနွမ်းပင်မြို့၌ ကျင်းပပြုလုပ်ခဲ့ကြောင်း သိရပါသည်။ ထိုအခမ်းအနားတွင် ဗီယက်နမ်သည် ကမ္ဘောဒီးယားအသင်းအဖွဲ့များ၊ ဖြန့်ဖြူးရေးစနစ်များနှင့် သွင်းကုန်လုပ်ငန်းရှင် များနှင့်ချိတ်ဆက်မှုအားကောင်းရန်နှင့် ကုန်သွယ်ရေးပိုမိုညီမျှရန်နှင့် ချောမွေ့ရန်အတွက် နည်းစနစ်အတားအဆီးများကိုဖယ်ရှားရေး အတူတကွလုပ်ဆောင်ရန် တောင်းဆိုခဲ့ကြောင်း သိရပါသည်။

DOCA (ရန်ကုန်)

      ၂၀၂၅ ခုနှစ်၏ ပထမ ၈ လတာကာလတွင် တိုယိုတာဗီယက်နမ်သည် ကားအစီးရေ ၄၁၀၀၀ စီးရောင်းချခဲ့ရပြီး ၂၀၂၄ ခုနှစ်တူညီသည့်ကာလထက် ၂၃ ရာခိုင်နှုန်းမြင့်တက်ခဲ့ကြောင်း သိရပါသည်။ ဩဂုတ်လတစ်လတည်းတွင် တိုယိုတာအမှတ်တံဆိပ်မော်‌တော်ယာဉ် ၅၁၇၁ စီးရောင်းချခဲ့ရပြီး ၁၅၉၃ စီးမှာ ပြည်တွင်း၌ တပ်ဆင်သည့်ကားများဖြစ်ပြီး ၃၅၇၈ စီးမှာ အပြည့် အဝတပ်ဆင်ပြီးပြည်ပမှတင်သွင်းလာသည့်ကားများဖြစ်ကြောင်း သိရပါသည်။ ဈေးကွက်အတွင်း ယာယီနှေးကွေးခဲ့သော်လည်း တိုယိုတာသည် ကွဲပြားသောထုတ်ကုန်အမျိုးအစားနှင့် များစွာသော ကဏ္ဍများတွင် အားကောင်းသောဆွဲဆောင်မှုတို့ကြောင့် ၎င်းတို့၏ကြီးထွားမှုအဟုန်ကို ထိန်းသိမ်း နိုင်ခဲ့ကြောင်း သိရပါသည်။ ဩဂုတ်လတွင် Hybrid မော်ဒယ်များရောင်းချရမှုမှာစံချိန်တင် ကြီးထွား အစီးရေ ၇၀၄ စီးရောင်းချခဲ့ရကာ ၂၀၂၄ ခုနှစ် ဩဂုတ်လနှင့်နှိုင်းယှဉ်ပါက ၂ ဆမြင့်တက် ခဲ့ကြောင်း သိရပါသည်။ ၎င်းသည် စားသုံးသူများက လောင်စာသက်သာပြီး ကာဗွန်ထုတ်လွှင့်မှု နည်းပါးကာ သဘာဝပတ်ဝန်းကျင်နှင့် သင့်လျော်သော်မော်တော်ယာဉ်များသို့ အသွင်ကူးပြောင်းမှု မြင့်တက်လာခြင်းကို ပြသနေကြောင်း သိရပါသည်။  ဇိမ်ခံကားကဏ္ဍတွင် Luxus သည်အစီးရေ ၂၃၅ စီးရောင်းချခဲ့ရပြီး ၎င်း၏တည်နေရာကို ထိန်းထားနိုင်ကြောင်း သိရပါသည်။ ထို့ကြောင့် Luxus ဗီယက်နမ်တွင် စတင်မိတ်ဖက်ပြီးချိန်မှ ယခုအချိန်ထိ အစီးရော ၁၅၀၂၄ စီး ရောင်းချခဲ့ပြီး ဖြစ်ကြောင်း သိရပါသည်။ အဓိကထုတ်ကုန်များကြားတွင် Yaris Cross သည် အစီးရေ ၁၀၁၂ စီး ဖြင့် ရောင်းချရမှုတွင် ၎င်း၏ဦးဆောင်မှုကို ဆက်လက်ထိန်းထားနိုင်ခဲ့ကြောင်း သိရပါသည်။

DOCA (ရန်ကုန်)

       အင်ဒိုနီးရှားနိုင်ငံ၏ Halal Product Assurance Organizing Agency (BPJPH) က ဟာလာအသိအမှတ်ပြုလက်မှတ်သည် ထုတ်ကုန်တန်ဖိုးကိုမြှင့်တင်ပေးပြီး စားသုံးသူများကို ကာကွယ်ပေးကာ အစိုးရသည်လည်း စီးပွားရေးလုပ်ငန်းရှင်များကြား ပိုမိုကျယ်ပြန့်သော နားလည်အသိရရှိစေရန် တွန်းအားပေး လုပ်ဆောင်နေကြောင်း ပြောကြားခဲ့ပါသည်။  BPJPH ၏ ဒုတိယအကြီးအကဲဖြစ်သူ Afriansyah  Noor က အသိအမှတ်ပြုလက်မှတ်ရယူသည့်လုပ်ငန်းစဉ် များသည် ဥပဒေအရလိုအပ်သကဲ့သို့ ထုတ်ကုန်ယှဉ်ပြိုင်နိုင်စွမ်းကိုမြင့်တက်စေမည်ဖြစ်ကြောင်း၊ ဥပဒေနံပါတ် ၃၃-၂၀၁၄ အရ ဟာလာအသိအမှတ်ပြုလက်မှတ်ရယူခြင်းသည် အင်ဒိုနီးရှားတွင် ကုန်ပစ္စည်းများဖြန့်ဖြူးနေသည့် စီးပွားရေးလုပ်ငန်းအားလုံးအတွက် မဖြစ်မနေဆောင်ရွက်ရမည့် စည်းမျဉ်းဖြစ်ကြောင်းနှင့် အစိုးရသည်လည်း အစားအစာနှင့် အလှကုန်အစရှိသည့်ကဏ္ဍများတွင် ဟာလာစံနှုန်းများနှင့်ပတ်သတ်၍ နားလည်သဘောပေါက်မှုအသိရှိစေရန် ဒေသများတွင် ပညာ ပေးရန်ကြိုးပမ်းအားထုတ်သင့်ကြောင်း ပြောကြားခဲ့ပါသည်။ ၂၀၂၆ ခုနှစ်မှ၍ အလှကုန်အားလုံး သည်ဟာလာအသိအမှတ်ပြုလက်မှတ်ရှိရမည်ဖြစ်ပြီး ထုတ်ကုန်အားလုံးသည် ၎င်းတို့၏ဟာလာ အဆင့်အတန်းကို ရှင်းလင်းစွာဖော်ပြရမည်ဖြစ်ကြောင်း သိရပါသည်။ ထိုကြိုးပမ်းအားထုတ်မှုများ ၏ တစ်စိတ်တစ်ပိုင်းအနေဖြင့် BPJPH သည် အင်ဒိုနီးရှား ကြက်ဘဲမွေးမြူရေးသမားများအသင်း နှင့်ပူးပေါင်း၍ Kwala Bingai၊ Stabat Subdistrict၊ Langkat District နှင့် North Sumatra တို့ တွင်  ပညာပေးဆောင်ရွက်မှုများပြုလုပ်သွားမည်ဟု သိရပါသည်။ ကြက်ဘဲမွေးမြူရေးသမားများ နှင့် ပတ်သတ်၍ Afriansyah က ပြုပြင်ထုတ်လုပ်ထားသည့်ကြက်ဘဲနှင့် ဥများကဲ့သို့ထုတ်ကုန် များတွင် ဟာလာ၏အရေးပါမှုကိုအသားပေးပြောကြားခဲ့ပြီး ဟာလာအသိမှတ်ပြုလက်မှတ်ရရှိ ခြင်းသည် အရည်အသွေး၊ ကျန်းမာရေးညီညွတ်မှုနှင့် သန့်ရှင်းမှုတို့အတွက် အာမခံချက်ဖြစ် ကြောင်း ပြောကြားခဲ့ပါသည်။ အခမ်းအနားတွင် BPJPH သည် အငယ်စားနှင့် အသေးစားလုပ်ငန်း များအတွက် ဟာလာအသိအမှတ်ပြုလက်မှတ်အခမဲ့ထုတ်ပေးမည့် အစိုးရ၏ပရိုဂရမ်ကို ကြေညာခဲ့ကြောင်း သိရပါသည်။

DOCA (ရန်ကုန်)