ပြည်ပကုန်သွယ်မှုသတင်းများ

               ၂၀၂၅ ခုနှစ်၏ ပထမ ၈ လတွင် ဗီယက်နမ်သည် စိုက်ပျိုးမွေးမြူရေး-သစ်တော-ရေထွက်ကုန် တင်ပို့မှုမှတစ်ဆင့် ဝင်ငွေအမေရိကန်ဒေါ်လာ ၄၅.၃၇ ဘီလီယံ ရရှိခဲ့ပြီး ၂၀၂၄ ခုနှစ် တူညီသည့် ကာလနှင့်နှိုင်းယှဉ်ပါက ၁၂ ရာခိုင်နှုန်းမြင့်တက်ခဲ့ကြောင်း ဗီယက်နမ်နိုင်ငံ စိုက်ပျိုးမွေးမြူရေးနှင့် သဘာဝပတ်ဝန်းကျင်ဝန်ကြီးဌာန၏ အဆိုအရ သိရပါသည်။ ဩဂုတ်လတစ်လတည်းတွင် ဗီယက်နမ်သည် ဝင်ငွေခန့်မှန်း အမေရိကန်ဒေါ်လာ ၅.၇၁ ဘီလီယံ ရရှိခဲ့ပြီး ၂၀၂၄ ခုနှစ်ဩဂုတ်လ နှင့်နှိုင်းယှဉ်ပါက ၃ ရာခိုင်နှုန်းကျဆင်းခဲ့ကြောင်း သိရပါသည်။ ထိုသို့ကျဆင်းခဲ့သော်လည်း ထုတ်ကုန်အုပ်စုအမျာစုမှာတင်ပို့မှုကြီးထွားခဲ့ခြင်းနှင့်အတူ စုစုပေါင်း ၈ လတာစွမ်းဆောင်ရည်မှာ ဆက်လက်အပေါင်းလက္ခဏာဆောင်ခဲ့ကြောင်း သိရပါသည်။ ထို ၈ လတာကာလတွင် စိုက်ပျိုးရေးထုတ်ကုန်တင်ပို့မှုမှာ အမေရိကန်ဒေါ်လာ ၂၄.၄၂ ဘီလီယံဖြင့်အကြီးမားဆုံးဝေစုရရှိခဲ့ပြီး ၁၃.၈ ရာခိုင်နှုန်းမြင့်တက်ခဲ့ကြောင်း သိရပါသည်။ မွေးမြူရေးထုတ်ကုန်တင်ပို့မှုမှဝင်ငွေအမေရိကန်ဒေါ်လာ ၄၁၀.၇ သန်းဖြင့် ၂၄.၅ ရာခိုင်နှုန်း မြင့်တက်ခဲ့ပြီး ရေထွက်ကုန်တင်ပို့မှုမှဝင်ငွေ အမေရိကန်ဒေါ်လာ ၇.၀၃ ဘီလီယံဖြင့် ၁၁.၅ ရာခိုင်နှုန်းမြင့်တက်ခဲ့ ကြောင်း သိရပါသည်။ သစ်တောထုတ်ကုန်တင်ပို့မှုမှဝင်ငွေ အမေရိကန် ဒေါ်လာ ၁၁.၉ ဘီလီယံရရှိခဲ့ပြီး ၆.၆ ရာခိုင်နှုန်းမြင့်တက်ခဲ့ကြောင်း သိရပါသည်။ အာရှသည် ဗီယက်နမ်၏ စိုက်ပျိုးမွေးမြူရေး-သစ်တော-ရေထွက်ကုန်အဓိကဝယ်ယူရာဒေသဖြစ်ပြီး စုစုပေါင်း ဈေးကွက်ဝေစု၏ ၄၃.၁ ရာခိုင်နှုန်းရှိကြောင်း သိရပါသည်။ အာရှ၏နောက်တွင်အမေရိကက ၂၃.၂ ရာခိုင်နှုန်း၊ ဥရောပက ၁၄.၆ ရာခိုင်နှုန်း၊ အာဖရိကက ၃.၁ ရာခိုင်နှုန်းနှင့် သမုဒ္ဒရာပိုင်းဒေသက ၁.၃ ရာခိုင်နှုန်းဖြင့် အသီးသီးရပ်တည်နေကြောင်း သိရပါသည်။ ၂၀၂၄ ခုနှစ်တူညီသည့်ကာလနှင့် နှိုင်းယှဉ်ပါက ဥရောပသို့တင်ပို့မှုမှာ ၃၈.၇ ရာခိုင်နှုန်းမြင့်တက်ခဲ့ပြီး အမေရိကသို့တင်ပို့မှုမှာ ၁၀.၆ ရာခိုင်နှုန်း၊ အာရှသို့တင်ပို့မှုမှာ ၁.၂ ရာခိုင်နှုန်း၊ အာဖရိကသို့တင်ပို့မှုမှာ ၂ ဆနှင့် သမုဒ္ဒရာပိုင်း ဒေသသို့တင်ပို့မှုမှာ ၂.၈ ရာခိုင်နှုန်း အသီးသီးမြင့်တက်ခဲ့ကြောင်း သိရပါသည်။ အမေရိကန်၊ တရုတ်နှင့်ဂျပန်တို့မှာ အကြီးမားဆုံးဈေးကွက်များဖြစ်ပြီး စုစုပေါင်းတန်ဖိုး၏ ၂၀.၉ ရာခိုင်နှုန်း၊ ၁၉ ရာခိုင်နှုန်းနှင့် ၇.၁ ရာခိုင်နှုန်း အသီးသီးရှိကြောင်း သိရပါသည်။ ကော်ဖီမှာပို့ကုန်အမျိုးအစား အားလုံးတွင်ကြီးထွားမှုအများဆုံးဖြစ်ကြောင်း သိရပါသည်။ ၂၀၂၅ ခုနှစ်၏ ပထမ ၈ လတာ ကာလတွင် ဗီယက်နမ်သည် ကော်ဖီတန်ချိန် ၁.၂ သန်းတင်ပို့ရာမှ ဝင်ငွေအမေရိကန်ဒေါ်လာ ၆.၄၂ ဘီလီယံရရှိခဲ့ပြီး တင်ပို့သည့်ပမာဏတွင် ၈.၇ ရာခိုင်နှုန်းကျဆင်းခဲ့သော်လည်း တန်ဖိုးတွင် ၅၉.၁ ရာခိုင်နှုန်းမြင့်တက်ခဲ့ကြောင်း သိရပါသည်။ ထို ၈ လတာကာလတွင်ရာဘာတန်ချိန် ၁.၁ သန်းတင်ပို့မှုမှ ဝင်ငွေ အမေရိကန်ဒေါ်လာ ၁.၉၄ ဘီလီယံ၊ သီဟိုဠ်စေ့တင်ပို့မှုမှ ဝင်ငွေ အမေရိကန်ဒေါ်လာ ၃.၂၄ ဘီလီယံ၊ ငရုတ်ကောင်းတင်ပို့မှုမှ ဝင်ငွေအမေရိကန်‌ဒေါ်လာ ၁.၁၂ ဘီလီယံ၊ လက်ဖက်တန်ချိန် ၈၆၆၀၀ တင်ပို့မှုမှ ဝင်ငွေ အမေရိကန်ဒေါ်လာ ၁၄၄.၇ သန်းရရှိခဲ့ကြောင်း သိရပါသည်။  သစ်သီးနှင့် ဟင်းသီးဟင်းရွက်တင်ပို့မှုမှာ အမေရိကန်ဒေါ်လာ ၄.၆၂ ဘီလီယံရရှိခဲ့ပြီး ၂၀၂၄ ခုနှစ် ပထမ ၈ လနှင့်နှိုင်းယှဉ်ပါက ၂.၂ ရာခိုင်နှုန်းကျဆင်းခဲ့ကြောင်း သိရပါသည်။ ထိုသို့ကျဆင်းမှုမှာ ဗီယက်နမ်၏စုစုပေါင်းသစ်သီးနှင့် ဟင်းသီးဟင်းရွက်တင်ပို့မှုများ ၏ ထက်ဝက်ကျော်ရှိသည့် တရုတ်ဈေးကွက်သို့တင်ပို့မှု ၁၅.၁ ရာခိုင်နှုန်းကျဆင်းမှုက အဓိက နေရာတွင်ရှိနေကြောင်း သိရပါသည်။

DOCA (ရန်ကုန်)

         မလေးရှားနိုင်ငံ၏ လက်လီရောင်းချသော လုပ်ငန်းများသည် ၂၀၂၄ ခုနှစ် အလားတူကာလ နှင့် နှိုင်းယှဉ်ပါက ခန့်မှန်းထားခြင်းတက်လျော့သော -၃ ရာခိုင်နှုန်းကို ရရှိခဲ့ကြောင်း Retail Group Malaysia (RGM) က စက်တင်ဘာလ ၅ ရက်နေ့က ပြောကြားခဲ့ပါသည်။

          နောက်ဆုံးသုံးလပတ်တွင် မလေးရှားရှိ အိမ်ထောင်စုများ၏ နေထိုင်မှုစရိတ်မြင့်မာလာ ခြင်း နှင့် ဝယ်ယူနိုင်စွမ်းကျဆင်းလာခြင်းတို့ကို ဖော်ပြနေကြောင်း RGM က‌ ပြေားကြားခဲ့ပါသည်။

          မလေးရှားစားသုံးသူများ၊ အထူးသဖြင့် မြို့ကြီးများတွင် နေထိုင်သူများသည် နေထိုင်မှုပုံစံကို ထိန်းသိမ်းရန်အတွက် လစဉ်အသုံးစရိတ်များကို ဂရုပြုကြရန် လိုအပ်ကြောင်း သိရှိရပါသည်။

          ၂၀၂၅ ခုနှစ်၏ ဒုတိယသုံးလပတ်အတွင်း မရှိမဖြစ်လိုအပ်သော ကုန်စည်နှင့် ဝန်ဆောင်မှု များ၏ လက်လီဈေးနှုန်းများ ဆက်တိုက်မြင့်တက်ခဲ့ပါသည်။ ဤကာလအတွင်း ထောက်ပံ့ရေး ကွင်းဆက်များ ပြတ်တောက်မှုကြောင့် သွင်းကုန်စရိတ် မြင့်တက်လာစေပြီး လက်လီဈေးနှုန်းများ ဆက်လက်မြင့်တက်ခဲ့ကြောင်း သိရှိရပါသည်။

          ယခုနှစ်၏ ပထမ ၆ လအတွင်းတွင် မလေးရှားနိုင်းငံ၏ လက်လီလုပ်ငန်းများသည် ၂၀၂၄ ခုနှစ် အလားတူကာလနှင့် နှိုင်းယှဉ်ပါက ၁.၅ ရာခိုင်နှုန်း တိုးတက်ခဲ့ကြောင်း သိရှိရပါသည်။ ထုတ်ပြန်ချက်အရ ၂၀၂၅ ၏ တတိယသုံးလပတ်အတွင်း နိုင်ငံ၏လက်လီရောင်းအားသည် ၂.၆ ရာခိုင်နှုန်း တိုးတက်ရန် ခန့်မှန်းထားပါသည်။

          ၂၀၂၅ ခုနှစ် နောက်ဆုံးသုံးလပတ်အတွက် မလေးရှား၏ လက်လီလုပ်ငန်းသည် နှစ်ကုန်ပိုင်း အားလပ်ရက်များနှင့်အတူ ၃.၅ ရာခိုင်နှုန်း တိုးတက်မှုနှုန်းကို မျှော်လင့်ထားကြောင်း RGM မှ ပြောကြားခဲ့ပါသည်။

DOCA (ရန်ကုန်)

                တရုတ်နိုင်ငံ အနောက်တောင်ပိုင်းရှိ Xi Zang ကိုယ်ပိုင်အုပ်ချုပ်ခွင့်ရဒေသသည် နီပေါနိုင်ငံ နှင့် ၂၀၂၅ ခုနှစ် ပထမခုနှစ်လအတွင်း နိုင်ငံခြားကုန်သွယ်မှုတွင် အားကောင်းလာကြောင်း အစီအရင် ခံတင်ပြခဲ့ပြီး ၎င်း၏စုစုပေါင်းပို့ကုန်နှင့် သွင်းကုန်တန်ဖိုးသည် ယန်ငွေ ၂.၅၇၈ ဘီလီယံ(အမေရိကန် ဒေါ်လာ ၃၆၂.၉ သန်း) ဖြင့်တစ်နှစ်ထက်တစ်နှစ် ၂၄.၄ ရာခိုင်နှုန်း တိုးတက်လာခဲ့သည်။ Xi Zang ၏ နီပေါသို့ စွမ်းအင်သုံးကားသစ်များတင်ပို့မှုသည် ၁၇.၆ ရာခိုင်နှုန်း မြင့်တက်ခဲ့ပြီး ယွမ် ၁.၀၁၅ ဘီလီ ယံအထိရှိခဲ့သည်။ ကုန်သွယ်မှုတိုးတက်မှုသည် နီပေါ၏ ပြင်းထန်သော ဝယ်လိုအားနှင့် Lhasa အကောက်ခွန်မှ အကောင်အထည်ဖော်သော အကောက်ခွန်လုပ်ထုံးလုပ်နည်းများကို ချော့မွေ့စေ ခြင်းကြောင့်ဟု ယူဆထားကြပါသည်။ သွင်းကုန်ဘက်တွင် Xi Zang သည်နီပေါနိုင်ငံမှ ယွမ်း ၇၉၀၀၀၀ တန်ဖိုးရှိသော တိရိစ္ဆာန်အစာ ၁၁၀၄.၃ တန်ကို တင်သွင်းခဲ့ပြီး ပမာဏအားဖြင့် တိုးတက်မှု ၈၃ ရာခိုင်နှုန်းနှင့်် တန်ဖိုးအားဖြင့် ၈၄.၆၈ ရာခိုင်နှုန်း တိုးတက်မှုကို ကိုယ်စားပြုကြောင်းသိရသည်။ တိုးတက်လာသော ကုန်သွယ်မှုစွမ်းဆောင်ရည်သည် တရုတ်နှင့်နီပေါကြား ဆောင်ရွက်မှုကို ထင်း ဟပ်စေပြီး နိုင်ငံခေါင်းဆောင်များ ဖလှယ်ခြင်း၏ ရလဒ်များကို တည်ဆောက်သည့် သဘောလည်း သက်ရောက်ကြောင်းသိရသည်။

DOCA (ရန်ကုန်)

           ကမ္ဘောဒီးယားနိုင်ငံ၊ စီးပွားရေးနှင့် ဘဏ္ဍာရေးဝန်ကြီးဌာန (MEF) သည် ၂၀၂၄ ဘဏ္ဍာရေး နှစ်အတွက် အထွေထွေဘဏ္ဍာရေးနှစ်အတွက် ဘဏ္ဍာငွေအရအသုံးဆိုင်ရာဖြေရှင်းရေးဥပဒေအား ပြန်လည်သုံးသပ်ရန် အစည်းအဝေးတစ်ရပ်ကို ကျင်းပပြုလုပ်ခဲ့ပြီး ဘဏ္ဍာရေးထိရောက်မှု၊ ဝင်ငွေ စီမံခန့်ခွဲမှုနှင့် စီးပွားရေးတည်ငြိမ်မှုတို့ကို အဓိကထား ဆွေးနွေးခဲ့သည်။ အဆိုပါ ဆွေးနွေးပွဲကို စက်တင်ဘာ ၃ ရက်တွင် MEF ဝန်ကြီးဌာန ၀န်ကြီး Aun Pornmoniroth က ဦးဆောင်ကျင်းပ ခဲ့ပြီး သက်ဆိုင်ရာဌာနများမှ အကြီးတန်းခေါင်းဆောင်များနှင့် တာဝန်ရှိသူများ က Virual စနစ်ဖြင့် တက်ရောက်ခဲ့ကြသည်။ ဘဏ္ဍာနှစ်ရလဒ်များကို အကဲဖြတ်ခြင်း၊ ဝင်ငွေနှင့် ခန့်မှန်းခြေ အသုံးစရိတ်ထိရောက်မှု မြှင့်တင်ခြင်းနှင့် ပြည်သူ့အသုံးစရိတ်၊ ဝင်ငွေစီမံခန့်ခွဲမှုနှင့် စီးပွားရေး တည်ငြိမ်မှုတို့အတွက် အစိုးရ၏ ကတိကဝတ်များကို အဓိကထား ဆွေးနွေးခဲ့ကြသည်။

DOCA (ရန်ကုန်)

      ကမ္ဘောဒီးယားနှင့် ဂျပန်နိုင်ငံတို့သည် ကမ္ဘောဒီးယားနိုင်ငံ ဖွံ့ဖြိုးတိုးတက်ရေးကောင်စီ (CDC) ၏ ရုံးတွင် ၃-၉-၂၀၂၅ ရက်နေ့တွင် ကျင်းပပြုလုပ်ခဲ့သည့် အကြိမ် ၃၀ မြောက် ကမ္ဘောဒီးယား-ဂျပန် ပူးတွဲကော်မတီ၏ အစည်းအဝေးအပြီးတွင် စီးပွားရေးဆက်ဆံမှု အားကောင်းလာစေရန်နှင့် ရင်းနှီးမြှုပ်နှံမှုအခြေအနေမြှင့်တင်ရန် ကတိကဝတ်ပြုခဲ့ကြသည်။ အဆိုပါ အစည်းအဝေးကို CDC ၏ ဒုတိယ ဥက္ကဋ္ဌ Sun Chanthol   နှင့် ကမ္ဘောဒီးယားနိုင်ငံ ဆိုင်ရာဂျပန်သံအမတ် Ueno Atsushi တို့ ပူးတွဲသဘာပတိအဖြစ် ဆောင်ရွက်ခဲ့ကြပြီး ဝန်ကြီး ဌာနများမှ တာဝန်ရှိသူများ၊ အဖွဲ့အစည်းများ၊ ကမ္ဘောဒီးယားနိုင်ငံရှိ ဂျပန်စီးပွားရေးအသင်း (JBAC)၊ JETRO၊ JICA၊ AMEICC နှင့် ဂျပန်ကုမ္ပဏီများမှ ကိုယ်စားလှယ် ၂၀၀ ကျော် တက်ရောက်ခဲ့ကြသည်။ ရင်းနှီးမြှုပ်နှံမှုမြှင့်တင်ရေးနှင့် အကာအကွယ်ပေးရေး သဘောတူညီချက် မူဘောင်အောက်တွင် တည်ထောင်ထားသည့် ပူးပေါင်းကော်မတီသည် ကမ္ဘောဒီးယားအစိုးရနှင့် ဂျပန်ရင်းနှီးမြှုပ်နှံသူများကြား တိုက်ရိုက်တွေ့ဆုံဆွေးနွေးရေးတို့ကို ဆောင်ရွက်လျက်ရှိသည်။ အဆိုပါ အစည်းအဝေးတွင် အကောက်ခွန်၊ ထောက်ပံ့ပို့ဆောင်ရေး၊ စွမ်းအင်၊ ကုန်သွယ်မှု၊ သဘာဝပတ်ဝန်းကျင်ဆိုင်ရာ စည်းမျဉ်းများ၊ အလုပ်သမားနှင့် လုံခြုံရေး၊ အဓိကစီးပွားရေး စိန်ခေါ်မှုများနှင့် အခွင့်အလမ်းများကို အဓိကထား ဆွေးနွေးခဲ့ကြသည်။ ဒုတိယ ဥက္ကဋ္ဌ Sun Chanthol   က ဂျပန်ကိုယ်စားလှယ်အဖွဲ့အား ကြိုဆိုခဲ့ပြီး ဂျပန်ရင်းနှီးမြှုပ်နှံသူများ ပြသခဲ့သည့် ယုံကြည်မှုအတွက် ကျေးဇူးတင်ရှိကြောင်း ပြောကြားခဲ့သည်။  သံအမတ်ကြီး Atsushi က ကမ္ဘောဒီးယား ငြိမ်းချမ်းရေးနှင့် တည်ငြိမ်ရေးအတွက် ဂျပန်နိုင်ငံ၏ ဆက်လက်ပံ့ပိုးကူညီမှုကို အလေးပေးပြောကြားခဲ့ပြီး ကမ္ဘောဒီးယားအစိုးရ၏ ရင်းနှီးမြှုပ်နှံသူများအပေါ် တုံ့ပြန် ဆောင်ရွက်မှုအတွက် ကျေးဇူးတင်ရှိကြောင်း ဖော်ပြခဲ့သည်။ ရင်းနှီးမြှပ်နှံမှုမြှင့်တင်ရေးအစီအစဉ် များကို တိုးချဲ့ဆောင်ရွက်ရန် နှစ်ဖက်သဘောတူခဲ့ကြပြီး Chanthol က ကမ္ဘောဒီးယား၏ ရင်းနှီးမြှုပ်နှံမှု မက်လုံးများနှင့် အခွင့်အလမ်းများကို ပိုမိုကျယ်ပြန့်သော ဂျပန်စီးပွားရေးလုပ်ငန်းစုများကြားတွင် ကျယ်ကျယ်ပြန့်ပြန့်သိရှိလာစေရန် ဂျပန်သံရုံးအား ကမ္ဘောဒီးယားအစိုးရနှင့် လက်တွဲဆောင်ရွက်ရန် တိုက်တွန်းခဲ့သည်။

DOCA (ရန်ကုန်)