ပြည်ပကုန်သွယ်မှုသတင်းများ

         ကမ္ဘောဒီးယားနိုင်ငံအတွင်းသို့ တင်သွင်းသည့် ဒီဇယ်လောင်စာဆီ၊ ဓာတ်ဆီနှင့် လောင်ကျွမ်းသောဓာတ်ငွေ့ စုစုပေါင်းသည် ၂၀၂၅ ခုနှစ် ပထမခုနစ်လတွင် ၁၃.၁ ရာခိုင်နှုန်း ကျဆင်းသွားကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန၏ သြဂုတ်လ ၂၁ ရက်နေ့တွင် ဖော်ပြချက်အရသိရသည်။ ဒီဇယ်လောင်စာ၊ ဓာတ်ဆီနှင့် လောင်ကျွမ်းဓာတ်ငွေ့ တင်သွင်းမှုတန်ဖိုးသည် ယခုနှစ် ဇန်နဝါရီလမှ ဇူလိုင်လအတွင်း အမေရိကန်ဒေါ်လာ ၁.၄၅ ဘီလီယံရှိပြီး ယမန်နှစ် အလားတူကာလထက် ဒေါ်လာ ၁.၆၇ ဘီလီယံဖိုးရှိကြောင်း အစီရင်ခံစာက ဆိုသည်။ နိုင်ငံတော်သည် ဒီဇယ်ဆီ တင်သွင်းမှုအတွက် ဒေါ်လာ ၇၈၆ သန်းသုံးစွဲခဲ့ပြီး ၁၂ ရာခိုင်နှုန်း ကျဆင်းခဲ့သည်။ ဓာတ်ဆီအတွက် ဒေါ်လာ ၄၅၉.၇ သန်း၊ ၂၀.၆ ရာခိုင်နှုန်း၊ လောင်ကျွမ်းသည့်ဓာတ်ငွေ့အတွက် ဒေါ်လာ ၂၀၄.၆ သန်း၊ ၆.၃ ရာခိုင်နှုန်း တိုးလာသည်ဟု အစီရင်ခံစာက ဆိုသည်။ လက်ရှိတွင် အရှေ့တောင်အာရှနိုင်ငံသည် ၎င်း၏ ပင်လယ်ကြမ်းပြင်၏ ရေနံသိုက်များကို ခေါင်းပုံဖြတ်ခြင်းမရှိသေးသောကြောင့် ရေနံနှင့် သဘာဝဓာတ်ငွေ့ တင်သွင်းမှုအပေါ် လုံးဝမှီခိုနေရသည်။ သတ္တုတွင်းနှင့် စွမ်းအင် ဝန်ကြီးဌာနသည် ကမ္ဘောဒီးယားနိုင်ငံရှိ ရေနံနှင့် သဘာဝဓာတ်ငွေ့ ၀ယ်လိုအားသည် ၂၀၃၀ ခုနှစ်တွင် တန်ချိန် ၄.၈ သန်းအထိ တိုးလာမည်ဖြစ်ပြီး ၂၀၂၀ ခုနှစ်တွင် တန်ချိန် ၂.၈ သန်းမှ တိုးလာမည်ဟု ခန့်မှန်းထားကြောင်း သိရှိရပါသည်။

Source : Xinhua

DOCA(ရန်ကုန်)

          သီရိလင်္ကာနိုင်ငံသည် ၂၀၂၆ နှင့် ၂၀၂၇ ခုနှစ်များတွင် ၂၆၀ မဂ္ဂါဝပ် ပေါင်းစပ်စွမ်းရည်ရှိသော ဘက်ထရီဓါတ်အားပေး စက်ရုံနှစ်ရုံကို တည်ဆောက်သွားမည်ဖြစ်ကြောင်း ဝန်ကြီးတစ်ဦးက သြဂုတ်လ ၂၁ ရက်နေ့တွင် ပြောကြားခဲ့သည်။ စွမ်းအင်ဝန်ကြီး Kumara Jayakody က စက်ရုံတစ်ရုံမှ မဂ္ဂါဝပ် ၁၆၀ ရှိပြီး အခြားစက်ရုံတစ်ရုံမှ မဂ္ဂါဝပ် ၁၀၀ ထုတ်လုပ်မည်ဖြစ်ကြောင်း လွှတ်တော်သို့ ပြောကြားခဲ့သည်။ ၁၆၀ မဂ္ဂါဝပ် စက်ရုံအတွက် တင်ဒါခေါ်ထားပြီး ဖြစ်ကာ ၁၀၀ မဂ္ဂါဝပ် စီမံကိန်းအတွက် တင်ဒါများကို မကြာမီ ကမ်းလှမ်းမည်ဖြစ်ကြောင်း ၎င်းက ပြောသည်။ မဂ္ဂါဝပ် ၁၀၀ ဓာတ်အားပေးစက်ရုံကို အာရှဖွံ့ဖြိုးရေးဘဏ် (ADB) ၏ ရန်ပုံငွေ ဖြင့် တည်ဆောက်မည်ဖြစ်သည်။ ဝန်ကြီး၏ အဆိုအရ အဆိုပါစီမံကိန်းများသည် ကျွန်းတစ်ကျွန်းလုံး လျှပ်စစ်မီးပျက်တောက်ခြင်းမှ ကာကွယ်ရန် အစိုးရ၏ ရေရှည်မဟာဗျူဟာ၏ တစ်စိတ်တစ်ပိုင်းဖြစ်ကြောင်း သိရသည်။ သီရိလင်္ကာနိုင်ငံသည် ၂၀၂၂ နှင့် ၂၀၂၅ ခုနှစ်တွင် တစ်နိုင်ငံလုံး လျှပ်စစ်မီးပြတ်တောက်မှု ကြုံတွေ့ခဲ့ရကြောင်း သိရှိရပါသည်။

Source : Xinhua

DOCA(ရန်ကုန်)

          နီပေါနိုင်ငံသည် လက်ရှိ ၂၀၂၅-၂၆ ဘဏ္ဍာနှစ်၏ ပထမလတွင် တစ်နှစ်ထက်တစ်နှစ် ၁၈.၇၅ ရာခိုင်နှုန်း တိုးလာကြောင်း အကောက်ခွန်ဦးစီးဌာနမှ သြဂုတ်လ ၂၂ ရက်နေ့တွင် ပြောကြားခဲ့သည်။

          ၂၀၂၄-၂၅ ဘဏ္ဍာနှစ် ပထမလတွင် ရူပီး ၁၄၀.၁၆ ဘီလီယံမှ ဇူလိုင်လလယ်နှင့် သြဂုတ် လလယ်ကြားတွင် နီပေါရူပီး ၁၆၆.၉၇ ဘီလီယံအထိ ရှိလာခဲ့သည်။

        ယင်းကာလအတွင်း နိုင်ငံ၏ ပို့ကုန်သည် ၉၅.၇၅ ရာခိုင်နှုန်း တိုးမြင့်ခဲ့ပြီး ရူပီး ၂၃.၉၃ ဘီလီယံ ရှိပြီး သွင်းကုန်မှာ ၁၁.၄၁ ရာခိုင်နှုန်းမှ ၁၄၃.၀၄ ဘီလီယံ ရူပီးသို့ မြင့်တက်ခဲ့ကြောင်း သိရှိရပါသည်။ 

Source : Xinhua

DOCA(ရန်ကုန်)

              လတ်တလောတွင် ဖိလစ်ပိုင်ထံမှဆန်တင်သွင်းမှုယာယီရပ်တန့်နေသော်လည်း ဘင်္ဂလားဒေ့ရှ်၊ တရုတ်နှင့် တောင်အာဖရိကအစရှိသည့်‌ဈေးကွက်များသို့ တင်ပို့မှုမြင့်တက်လာသောကြောင့် ၂၀၂၅ ခုနှစ်တွင် ဗီယက်နမ်သည်ဆန်တန်တင်ပို့မှု တန်ချိန် ၈.၂ သန်းကျော်ရန် ခန့်မှန်းရကြောင်း သိရပါသည်။ ကမ္ဘာ့အကြီးမားဆုံးဆန်တင်သွင်းသူဖြစ်သည့် ဖိလစ်ပိုင်သည် ၂၀၂၄ ခုနှစ် က ဆန်တန်ချိန် ၄.၈ သန်းတင်သွင်းခဲ့ပြီး ဗီယက်နမ်ထံမှဆန်တန်ချိန် ၃.၆ သန်းတင်သွင်းခဲ့ကြောင်း သိရပါသည်။ ယခုနှစ်၏ ပထမ ၇ လတာကာလတွင် ဗီယက်နမ်သည် ဆန်တန်ချိန် ၅.၅ သန်းတင်ပို့ရာမှ ဝင်ငွေ အမေရိကန်ဒေါ်လာ ၂.၈၁ ဘီလီယံရရှိခဲ့ပြီး ဖိလစ်ပိုင်ကအကြီးမားဆုံး ဝယ်ယူသူဖြစ်ကြောင်း သိရပါသည်။ သို့သော်ဝင်ငွေရရှိမှုမှာ ၂၀၂၄ ခုနှစ် ပထမ ၇ လတာကာလ နှင့်နှိုင်းယှဉ်ပါက ၁၃.၅ ရာခိုင်နှုန်းကျဆင်းခဲ့ကြောင်း သိရပါသည်။ ပို့ကုန်လုပ်ငန်းရှင်များက ဖိလစ်ပိုင်သို့တင်ပို့မှုနှေးကွေးခဲ့သော်လည်း ၎င်းတို့သည် သိသာစွာတိုးတက်လာသောဈေးနှုန်းများဖြင့် စာချုပ်သစ်များလက်မှတ်ရေးထိုးခဲ့ပြီး အာဆီယံနှင့် တောင်အာဖရိကဈေးကွက်များသို့ တိုးချဲ့ နိုင်ခဲ့ကြောင်း သိရပါသည်။ ယခုလအစောပိုင်းတွင် ဖိလစ်ပိုင်အစိုးရသည် ပြည်တွင်းဆန်‌ဈေးနှုန်း များကျဆင်းမှုကြောင့် စက်တင်ဘာလ ၁ ရက်နေ့မှစ၍ ဆန်တင်သွင်းမှု ၂ လပိတ်ပင်ကြောင်း ကြေညာခဲ့ပါသည်။ သို့သော်ဈေးကွက်ကျွမ်းကျင်သူများက အခြားဒေသများတွင်ဝယ်လိုအား ကြီးထွားလာမှု၏ကျေးဇူးကြောင့် စုစုပေါင်းတင်ပို့မှုမှာဆက်လက်မြင့်တက်နိုင်ကြောင်းခန့်မှန်းခဲ့ ကြပါသည်။ အမေရိကန်စိုက်ပျိုးရေးဦးစီးဌာနက ယခုနှစ်အတွက် ဗီယက်နမ်၏ စုစုပေါင်းဆန် တင်ပို့မှုကို တန်ချိန် ၈.၂ သန်းကျော်ရန်ခန့်မှန်းထားပြီး ယခင်ခန့်မှန်းချက်ထက် တန်ချိန် ၃၀၀၀၀၀ မြင့်တက်ခဲ့ကြောင်း သိရပါသည်။ အာဖရိကနှင့် တရုတ်ထံမှ ဝယ်လိုအားမြင့်တက်လာ မှုကြောင့် တင်ပို့မှုများမှာ နှစ်ကုန်တွင်မြင့်တက်လာနိုင်ကြောင်း သိရပါသည်။ တစ်ချိန်တည်းမှာ ပင် ဖိလစ်ပိုင်၏ ဆန်တင်သွင်းမှုပိတ်ပင်မှုသည် နိုင်ငံ၏ဝယ်ယူမှုကို တန်ချိန် ၅၀၀၀၀၀ ခန့် လျှော့ကျသွားရန်ခန့်မှန်းရသော်လည်း ယခုနှစ်အတွက် ဖိလစ်ပိုင်၏ဆန်တင်သွင်းမှုသည် ကမ္ဘာပေါ်တွင် အမြင့်ဆုံးဖြစ်သည့် တန်ချိန် ၄.၉ သန်း တွင် ဆက်လက်တည်ရှိနိုင်ကြောင်း သိရပါ သည်။ ဗီယက်နမ်အစားအစာအသင်း၏ဥက္ကဌဖြစ်သူ Do Ha Nam က ၇ လတာကာလအတွင်း အားကောင်းသည့်ရလဒ်များကြောင့် ယခုနှစ်အတွက် ဆန်တင်ပို့မှုတန်ချိန် ၈ သန်းကိုကျော်ဖြတ်နိုင်မည်ဟု ယုံကြည်ချက်ရှိကြောင်းနှင့် နိုင်ငံသည် ၎င်းတို့၏ ကိုယ်ပိုင်အမှတ်တံဆိပ်လက္ခဏာနှင့် နိုင်ငံတကာဈေးကွက်များတွင် အသိအမှတ်ပြုမှုမြင့်တက်လာမှုကြောင့် ကမ္ဘာ့ဒုတိယအကြီးမားဆုံး ဆန်တင်ပို့သူအဖြစ်တည်ရှိမှုကို ဆက်လက်ခိုင်မာစေမည်ဖြစ်ကြောင်း ပြောကြားခဲ့ပါသည်။

Vietnam Plus 

DOCA (ရန်ကုန်)                                                                           

            အမေရိကန်နိုင်ငံသို့ ထိုင်းနိုင်ငံ၏ ပင်လယ်စာတင်ပို့မှုများသည် Washington မှ ပင်လယ်စာအဓိကထုတ်ကုန်များဖြစ်သည့် ပုဇွန်နှင့်တူနာငါးအပေါ်အခွန် ၁၉ ရာခိုင်နှုန်း တိုးမြှင့်ကောက်ခံမှု အပြီးတွင် ဘတ် ၄.၈ ဘီလီယံခန့် ဆုံးရှုံးနိုင်ဖွယ်ရှိကြောင်း သိရပါသည်။ အမေရိကန် နိုင်ငံသည် ထိုင်းနိုင်ငံ၏ အကြီးဆုံး ပင်လယ်စာတင်ပို့သည့်စျေးကွက်ဖြစ်ပြီး ယခင်ဆယ်စုနှစ် အတွင်းတွင် ဘတ် ၈၁၁ ဘီလီယံဝန်းကျင်ခန့်၊ နှစ်စဥ် တန်ချိန်ပေါင်း ၃ သန်းခန့် ဝယ်ယူ တင်သွင်းခဲ့ သည့် ကမ္ဘာ့ထိပ်သီးတင်သွင်းသည့် နိုင်ငံဖြစ်ပါသည်။ ထိုင်းနိုင်ငံသည် ၂၀၁၅ ခုနှစ်မှ ၂၀၂၄ ခုနှစ် အတွင်းတွင် နှစ်စဥ် ဘတ် ၄၀.၅၅ ဘီလီယံခန့်တန်ကြေးရှိသော ပင်လယ်စာကုန်သွယ်မှုနှင့်အတူ ကုန်သွယ်ရေးမြှင့်တင်မှုများကို ဆက်လက်ထိန်းသိမ်းလျက်ရှိကြောင်း သိရပါသည်။ ငါးလုပ်ငန်း ဦးစီးဌာနရှိ အပြည်ပြည်ဆိုင်ရာပင်လယ်စာကုန်သွယ်မှုလေ့လာရေးအဖွဲ့အစည်း၏ ဥက္ကဌဆိုသူ Praphan Noradee ၏ ပြောကြားချက်အရ အမေရိကန်နိုင်ငံသို့ ထိုင်းနိုင်ငံပင်လယ်စာတင်ပို့မှု သည်  နှစ်စဥ် ဘတ် ၄၆.၄၁ ဘီလီယံတန်ကြေးရှိသောတန်ချိန်ပေါင်း ၂၃၆၂၅၅ တန်ခန့်၊ တင်ပို့မှုများ၏ ၂၁.၇၉ ရာခိုင်နှုန်းအထိ ဖြစ်ကြောင်း သိရပါသည်။ နှစ်စဥ်တင်ပို့မှုနှုန်း ၃.၀၉ ရာခိုင် နှုန်းမြင့်တက်မှုနှင့်အတူ တန်ဖိုးသည်လည်း ၂.၂၆ ရာခိုင်နှုန်းခန့် မြင့်တက်လာကြောင်းသိရပါ သည်။ အဓိက တင်ပို့သည့် ပင်လယ်စာများမှာ ပုဇွန်၊ ပင်လယ်ငါး၊ တူနာငါးတို့ဖြစ်ကြောင်း သိရပါ သည်။ Praphan က ထိုင်းနိုင်ငံသည် တစ်ခြားယှဥ်ပြိုင်သူများနှင့် နှိုင်းယှဥ်လျှင် ရလဒ်ဆိုးများ မရရှိသော်လည်း အမေရိကန်နိုင်ငံ၏ အခွန်တိုးမြင့်ကောက်ခံမှုကြောင့် ဝယ်လိုအားများကျဆင်း လာနိုင်ပြီး တင်ပို့မှု ကုန်ကျစရိတ်များ မြင့်တက်လာနိုင်ကြောင်း သိရပါသည်။ ထိုင်းပုဇွန်တင်ပို့မှု ကဏ္ဍသည် အကောက်ခွန် ၁၉ ရာခိုင်နှုန်းတိုးမြင့်မှုအပြင် ထပ်ဆောင်းအခွန်ငွေ ၀.၈၁ ရာခိုင်နှုန်း ပေးဆောင်ရမှုနှင့် ရင်ဆိုင်နေရကြောင်း သိရပါသည်။ တစ်ခြားတစ်ဖက်တွင် ထိုင်းနိုင်ငံသည် အမေရိကန်နိုင်ငံမှ ဆဲလ်မွန်ငါး၊ Alaskan ငါးနှင့် ရေခဲထားသော လတ်ဆတ်သည့် တူနာငါးများ ဝယ်ယူလျက်ရှိကြောင်း သိရပါသည်။ ၂၀၂၅ ခုနှစ် ပထမနှစ်ဝက်အတွင်းတွင် ထိုင်းနိုင်ငံ၏ ပင်လယ်စာကုန်သွယ်မှုသည် စုစုပေါင်း ဘတ် ၁၈၇.၂၂ ဘီလီယံခန့်ရောက်ရှိခဲ့ပြီး တစ်နှစ်ထက် တစ်နှစ် ၀.၇ ရာခိုင်နှုန်းခန့် ကျဆင်းလျက်ရှိကြောင်း သိရပါသည်။ တင်ပို့မှုတန်ဖိုးသည် ဘတ် ၁၀၉.၅၅ ဘီလီယံခန့်ရောက်ရှိခဲ့ပြီး တင်သွင်းမှုတန်ဖိုးသည် ဘတ် ၇၇.၆၆ ဘီလီယံခန့်ရောက်ရှိကာ ကုန်သွယ်မှုဝင်‌ငွေသည် ၃၁.၈၈ ဘီလီယံခန့်အထိဖြစ်လာကြောင်း သိရပါသည်။

Source: Nation Thailand

DOCA (ရန်ကုန်)