ပြည်ပကုန်သွယ်မှုသတင်းများ

          Asean+3 Macroeconomic Research Office (Amro) ၏ လေ့လာမှုတစ်ခုအရ ထိုင်းနိုင်ငံ၏ စီးပွားရေးသည် လာမည့်နှစ်တွင် ၁.၉ ရာခိုင်နှုန်းသို့ ကျဆင်းနိုင်ပြီး ယခုနှစ်တွင် ၂.၂ ရာခိုင်နှုန်းဖြင့် တိုးလာမည်ဟု ခန့်မှန်းထားသည်။ AMRO ဒါရိုက်တာ Yasuto Watanabe နှင့် စီးပွားရေးပညာရှင် Dong He ဦးဆောင်သော AMRO မှ ကိုယ်စားလှယ်အဖွဲ့သည် နှစ်စဉ်နှစ်တိုင်း ပြုလုပ်နေသည့် Amro ၏ ၂၀၂၅ ခုနှစ် နှစ်ပတ်လည် အတိုင်ပင်ခံအစီရင်ခံစာ တွေ့ရှိချက်များကို တင်ပြရန် ဘဏ္ဍာရေးမူဝါဒရုံး၏ အမှုဆောင်အရာရှိများနှင့် သြဂုတ်လ ၂၉ ရက်နေ့တွင် တွေ့ဆုံခဲ့ကြောင်း ဘဏ္ဍာရေးဝန်ကြီးဌာနမှ သတင်းရင်းမြစ်တစ်ခုက ပြောကြားခဲ့သည်။ AMRO သည် ၂၀၂၅ ခုနှစ် ပထမနှစ်ဝက်တွင် ထိုင်းနိုင်ငံ၏ စီးပွားရေးသည် မျှော်မှန်းထားသည်ထက် ပိုမိုလျင်မြန်စွာ တိုးတက်လာသော်လည်း ယခုနှစ်အစောပိုင်းတွင် အမေရိကန်၏ သွင်းကုန်အခွန် အကောက်များ အကောင်အထည်ဖော်ခြင်းမပြုမီပို့ကုန်များ ရှေ့တိုးလာပြီးနောက် ဒုတိယနှစ်ဝက်တွင် တိုးတက်မှုအရှိန်လျော့သွားဖွယ်ရှိကြောင်း ခန့်မှန်ထားသည်။ ထိုင်းနိုင်ငံ၏ စီးပွားရေးသည် ရင်းနှီးမြှုပ်နှံမှုအတွက် အစိုးရအသုံးစရိတ်ဗျူဟာများ ကူးပြောင်းခြင်းနှင့် လျှပ်စစ်ကားများ၊ လျှပ်စစ်ပစည်းများနှင့် ဒေတာစင်တာများကဲ့သို့သော ကဏ္ဍများတွင် အဆင့်မြင့်နည်းပညာများတွင် ရင်းနှီးမြှုပ်နှံမှုများ တိုးချဲ့ခြင်းအပါအဝင် အနာဂတ်တိုးတက်မှုကို အထောက်အကူပြုရန် သိသာထင်ရှားသော အသွင်ကူးပြောင်းမှုတစ်ရပ်ကို လုပ်ဆောင်နေကြောင်း၊ အဓိကအားဖြင့် ထောက်ပံ့ရေးဘက်ဆိုင်ရာအချက်များကြောင့် ၂၀၂၅ ခုနှစ်တွင် ၀.၅ ရာခိုင်နှုန်းနှင့် ၂၀၂၆  ခုနှစ် တွင် ၀.၈ ရာခိုင်နှုန်းအထိ ငွေကြေးဖောင်းပွမှု နည်းပါးနေမည်ဟု ခန့်မှန်းထားသည်။ ငွေကြေး မူဝါဒနှင့်ပတ်သက်၍ AMRO က ငွေကြေးမူဝါဒသည် လက်ရှိကြွေးမြီအားနည်းချက်များကို စီမံခန့်ခွဲခြင်းနှင့် တိုးတက်မှုအလားအလာရှိသော စီးပွားရေးလုပ်ငန်းများထံ အကြွေးအသစ် စီးဆင်းမှုကို မြှင့်တင်ပေးခြင်းတို့အကြား ဟန်ချက်ညီအောင် ဆောင်ရွက်ရပါမည်ဖြစ်ကြောင်း၊ ဘဏ္ဍာရေးမူဝါဒအရ၊ အေဂျင်စီသည် ဘဏ္ဍာရေးဆိုင်ရာ ရေရှည်တည်တံ့မှုသေချာစေရန် ကာလလတ်တွင် ဘတ်ဂျက်လိုငွေပြမှုကို လျှော့ချရန် ခြေလှမ်းများလုပ်ဆောင်နေစဉ်တွင် အားနည်းချက်ရှိသောအုပ်စုများကို အာရုံစိုက်ကာ ပံ့ပိုးကူညီမှုအစီအမံများကို ဆက်လက်လုပ်ဆောင်ရန် အကြံပြုထားသည်။ ထို့အပြင်၊ ဖွဲ့စည်းတည်ဆောက်ပုံဆိုင်ရာမူဝါဒများသည် ထိုင်းနိုင်ငံ၏ရေရှည်တိုးတက်မှုအလားအလာကို အားကောင်းစေရန်နှင့် နိုင်ငံအား လိုက်လျောညီထွေဖြစ်အောင် ကူညီပေးရာတွင် အရေးကြီးသောအခန်းကဏ္ဍမှ ပါဝင်မည်ဖြစ်ကြောင်း AMRO က ပြောကြားထုတ်ပြန်ခဲ့သည်။ ဆန်းသစ်တီထွင်မှု၊ လူ့စွမ်းအားအရင်းအနှီး ဖွံ့ဖြိုးတိုးတက်ရေးနှင့် အခြေခံအဆောက်အအုံ တိုးချဲ့ရေးတို့တွင် အရှိန်အဟုန်ဖြင့် ပြုပြင်ပြောင်းလဲမှုများကို ဦးစားပေးဆောင်ရွက်သင့်ပြီး  နိုင်ငံခြားတိုက်ရိုက်ရင်းနှီးမြှုပ်နှံမှုကို မြှင့်တင်ခြင်းသည် လုပ်သားအင်အားတိုးမြှင့်ရန်၊ နည်းပညာလွှဲပြောင်းမှု လွယ်ကူချောမွေ့စေရေးနှင့် ပြည်တွင်းစီးပွားရေးလုပ်ငန်းများနှင့် နက်ရှိုင်းစွာချိတ်ဆက်နိုင်ရန် အဓိက ယန္တရားတစ်ခုအဖြစ် ဆောင်ရွက်မည်ဖြစ်သည်။ အဆိုပါကြိုးပမ်းမှုများသည် အားလုံးပါဝင်နိုင်သော တိုးတက်မှုကို တွန်းအားပေးမည်ဖြစ်ပြီး စက်မှုနှင့် ဝန်ဆောင်မှုကဏ္ဍများတွင် စွမ်းဆောင်ရည်ကို မြှင့်တင်ပေးမည်ဖြစ်ပြီး အထူးသဖြင့် မော်တော်ယာဉ်၊ လျှပ်စစ်ပစ္စည်း၊ ဒစ်ဂျစ်တယ်ဝန်ဆောင်မှုများနှင့် ကမ္ဘာ့စင်မြင့်တွင် ထိုင်းနိုင်ငံ၏ ယှဉ်ပြိုင်နိုင်စွမ်းကို အားကောင်းစေမည်ဖြစ်ကြောင်း AMRO က မှတ်ချက်ပြုခဲ့ကြောင်း သိရှိရပါသည်။

Source: Bangkok Post

DOCA(ရန်ကုန်)

          ၅-၉-၂၀၂၅ ရက်နေ့တွင် ဗီယက်နမ်နိုင်ငံ၊ ဟိုချီမင်းမြို့ရှိ Rex Hotel ၌ ကမ္ဘောဒီးယားနိုင်ငံ ခရီးသွားလာရေးဝန်ကြီး Huot Hak သည် ဗီယက်နမ်ခရီးသွားလုပ်ငန်းအဖွဲ့ဥက္ကဋ္ဌ NGUYEN Hong Hai ဦးဆောင်သော ကိုယ်စားလှယ်အဖွဲ့နှင့်အတူ တွေ့ဆုံဆွေးနွေးမှုများ ပြုလုပ်ခဲ့သည်။ အစည်းအဝေးတွင် ဗီယက်နမ်နိုင်ငံမှ အဖွဲ့ဝင်များထံမှ အကြံပြုချက်သစ်များနှင့် အဓိကတောင်းဆိုချက်များကိုတင်ပြခဲ့ပြီး နှစ်နိုင်ငံခရီးသွားလုပ်ငန်း ပူးပေါင်းဆောင်ရွက်မှု တိုးမြှင့်ရေးတို့ကို အဓိကထား ဆွေးနွေးခဲ့ကြသည်။ ကမ္ဘောဒီးယားနိုင်ငံသို့ ကမ္ဘာလှည့်ခရီးသည် တိုးလာရေဂမြှင့်တင်ရာတွင် တက်ကြွစွာပါဝင်ဆောင်ရွက်ခဲ့ကြသော ဗီယက်နမ်ခရီးသွားလုပ်ငန်း အဖွဲ့နှင့် အဖွဲ့ဝင်များအား ကျေးဇူးတင်ရှိကြောင်း ဝန်ကြီး Huot Hak ကပြောကြားခဲ့ပါသည်။ ကမ္ဘောဒီးယားနိုင်ငံသည် ၂၀၂၅ ခုနှစ်၊ ပထမ ၈ လတွင် ဗီယက်နမ်နှင့် နိုင်ငံတကာဧည့်သည် တစ်သန်းနီးပါးဝင်ရောက်ခဲ့ပြီး ဆက်လက်ပူးပေါင်းဆောင်ရွက်ရေး၏ အရေးပါမှုကို ရှင်းလင်းပြောကြားခဲ့သည်။ ခရီးသွားလုပ်ငန်း ပိုမိုခိုင်မာလာစေရန် ရည်ရွယ်သည့် အသင်း၏ အဆိုပြုချက်များအား ဝန်ကြီးက ကြိုဆိုခဲ့ပြီး ၎င်းတို့တွင် ကမ္ဘောဒီးယား၏ ခရီးသွားလုပ်ငန်း ကမ်းလှမ်းမှုများကို ပြသရန် ရင်းနှီးကျွမ်းဝင်မှုခရီးစဉ်များ (Famtrips) များစီစဉ်ခြင်း၊ အပြိုင်အဆိုင် ခရီးစဉ် ပက်ကေ့ဂျ်များ ဖွံ့ဖြိုးတိုးတက်စေရန် ကမ္ဘောဒီးယား ပုဂ္ဂလိကကဏ္ဍနှင့် ပိုမိုနီးကပ်စွာထိတွေ့ဆက်ဆံခြင်း၊ နိုင်ငံ၏ ကြွယ်ဝသောယဉ်ကျေးမှုပိုင်ဆိုင်မှုများ၊ ဗီယက်နမ်နှင့် ကမ္ဘာလှည့်ခရီးသွားများအတွက် ကျော်ကြားသော ဧည့်ဝတ်ပြုမှုတို့ ပါဝင်ကြောင်း ဆက်လက်ပြောကြားခဲ့သည်။ နှစ်ဖက်လုံးမှ ဒေသတွင်း ခရီးသွားကဏ္ဍတွင် ရေရှည်တည်တံ့ ခိုင်မြဲသော အကျိုးစီးပွားများ မြှင့်တင်ရန်နှင့် မျှဝေသည့် ရည်မှန်းချက်ဖြင့် "ကမ္ဘောဒီးယား-ဗီယက်နမ် ခရီးသွားလုပ်ငန်း ပူးပေါင်းဆောင်ရွက်မှု" မူဘောင်အောက်တွင် ခရီးသွားလုပ်ငန်း ပူးပေါင်းဆောင်ရွက်မှုကို နက်ရှိုင်းစေမည့် ကတိကဝတ်များကို အတည်ပြုခဲ့ကြောင်းသိရှိရပါသည်။

Source: Khmer Times

DOCA(ရန်ကုန်)

            ဗီယက်နမ်နိုင်ငံ၊ ဟိုချီမင်းမြို့တွင် ကျင်းပပြုလုပ်ခဲ့သော “၁၉ ကြိမ်မြောက် ဟိုချီမင်းမြို့တော်နိုင်ငံတကာ ခရီးသွားကုန်စည်ပြပွဲ” တွင် အရှေ့အလယ်ပိုင်းနိုင်ငံတွေက ရင်းနှီးမြှုပ်နှံသူ အုပ်စုအတွက် ကမ္ဘောဒီးယားနိုင်ငံ၏ နိုင်ငံရေး၊ လူ့အဖွဲ့အစည်းနှင့် စီးပွားရေးနှင့် ကမ္ဘောဒီးယားနိုင်ငံရှိ ရင်းနှီးမြှုပ်နှံမှု အခွင့်အလမ်းများကို ဆွေးနွေးရန် ရည်ရွယ်ထားကြောင်း ပြောကြားခဲ့သည်။  ဤတွေ့ဆုံပွဲအခမ်းအနားတွင် Hak မှ ခရီးသွားလုပ်ငန်း အလားအလာများ အထူးသဖြင့် Friendly Tourism နှင့် ကမ္ဘောဒီးယားတွင် ရင်းနှီးမြှုပ်နှံမှု အခွင့်အလမ်းများကို စူးစမ်းလေ့လာရန် စိတ်ပါဝင်စားသည့် ရင်းနှီးမြှုပ်နှံသူများအား ကျေးဇူးတင်ရှိကြောင်း ပြောကြားခဲ့သည်။ ငြိမ်းချမ်းရေး၊ နိုင်ငံရေးနှင့် လူမှုရေးတည်ငြိမ်ရေး၊ ဘေးကင်းရေးနှင့် နိုင်ငံတကာ ခရီးသွားများအတွက် မက်လုံးပေးမှု ယန္တရားများနှင့် အာမခံချက်များ အပါအဝင် ရင်းနှီးမြှုပ်နှံသူများနှင့် နိုင်ငံတကာ ခရီးသွားများအတွက် လုံခြုံရေးတို့ကို ပံ့ပိုးပေးသည့် အဓိကအချက်များစွာကို ဝန်ကြီးက ပြောကြားခဲ့သည်။ ထို့အပြင် နိုင်ငံသည် ထွန်းသစ်စ စျေးကွက်၊ တက်ကြွပြီး အရည်အသွေးပြည့်ဝသော လုပ်သားအင်အားနှင့် ကောင်းမွန်စွာ ဖွံ့ဖြိုးတိုးတက်သော အခြေခံအဆောက်အအုံများအဖြစ် ခိုင်မာသောခရီးသွားလုပ်ငန်း အလားအလာများကို ဆက်လက်ပြောကြားခဲ့သည်။ Hak က ကမ္ဘောဒီးယားသည် ဘေးကင်းလုံခြုံပြီးဖော်ရွမှု၊ နွေးထွေးပြီး ဆွဲဆောင်မှုရှိသော နိုင်ငံတကာ ခရီးသွားနေရာတစ်ခုဖြစ်ကြောင်း အလေးပေးပြောကြားခဲ့ပြီး  ကမ္ဘောဒီးယားနိုင်ငံသည် အခြေအနေအရပ်ရပ်တွင် ငြိမ်းချမ်းရေး၊ ချစ်ကြည်ရင်းနှီးမှုနှင့် ကောင်းမွန်သော ပူးပေါင်းဆောင်ရွက်မှုကို ထိန်းသိမ်းကာ စီးပွားရေးနှင့် လူမှုရေးကဏ္ဍအားလုံးတွင် အလေးပေးဆောင်ရွက်လျက်ရှိကြောင်း ထပ်လောင်းပြောကြားခဲ့ကြောင်းသိရှိရပါသည်။

Source: Khmer Times

DOCA(ရန်ကုန်)

           ကမ္ဘောဒီးယားနှင့် ဗီယက်နမ်နိုင်ငံတို့သည် ပူးပေါင်းဆောင်ရွက်မှု ပိုမိုခိုင်မာပြီး တက်ကြွစွာပူးပေါင်းဆောင်ရွက်မှု ပိုမိုနက်ရှိုင်းလာစေရန် ရည်ရွယ်သည့် နားလည်မှုစာချွန်လွှာ (MoU) အသစ်ကို လက်မှတ်ရေးထိုးခြင်းဖြင့် ခရီးသွားလုပ်ငန်း ပူးပေါင်းဆောင်ရွက်မှုကို ခိုင်ခိုင်မာမာ တိုးချဲ့သွားရန် စီစဉ်လျက်ရှိသည်။ “၁၉ ကြိမ်မြောက် ဟိုချီမင်းမြို့တော်နိုင်ငံတကာ ခရီးသွားကုန်စည်ပြပွဲ” တွင် ခရီးသွားလာရေးဝန်ကြီး Huot Hak နှင့် ဗီယက်နမ်ယဉ်ကျေးမှု၊ အားကစားနှင့် ခရီးသွားလာရေးဝန်ကြီး Nguyễn Văn Hùng တို့အကြား ဆွေးနွေးခဲ့ကြောင်း ကမ္ဘောဒီးယားနိုင်ငံ၊ ခရီးသွားလာရေး ဝန်ကြီးဌာန၏ ထုတ်ပြန်ချက်အရ သိရသည်။ တွေ့ဆုံစဉ် နှစ်ဖက်စလုံးမှ လက်ရှိ နားလည်မှုစာချွန်လွှာ MoU ၏ တိုးတက်မှုကို ပြန်လည်သုံးသပ်ပြီး ယနေ့အထိ အောင်မြင်မှုများကို အကဲဖြတ်ကာ ခရီးသွားလုပ်ငန်းကဏ္ဍတွင် ပူးပေါင်း ဆောင်ရွက်မှုကို ပိုမိုမြှင့်တင်ရန် လမ်းညွှန်ချက်အသစ်များကို သဘောတူညီခဲ့ကြသည်။ သဘော တူညီချက်အသစ်သည် ရှေးဟောင်းယဉ်ကျေးမှုနှင့် ကမ္ဘာ့အမွေအနှစ်များ၊ ရိုးရာဓလေ့များ၊ ခိုင်မာသောဘေးကင်းရေးစံနှုန်းများနှင့် ဒေသခံပြည်သူများ၏ နွေးထွေးပျူငှာသော ဧည့်ဝတ်ကျေပွန်မှုတို့အပါအဝင် နှစ်နိုင်ငံ၏ ကြွယ်ဝသော ခရီးသွားလုပ်ငန်း အလားအလာများကို မြှင့်တင်ရင်း ခရီးသွားလုပ်ငန်းကဏ္ဍတွင် ပူးပေါင်းဆောင်ရွက်မှုကို ပိုမိုချဲ့ထွင်ပြီး နက်ရှိုင်းစွာ ပူးပေါင်းဆောင်ရွက်သွားရန် ရည်မှန်းထားကြောင်း ထုတ်ပြန်ထားသည်။ နှစ်နိုင်ငံလုံးသည် ရေရှည်တည်တံ့မှု၊ ဆန်းသစ်တီထွင်မှုနှင့် ပေါင်းစည်းမှုတို့ကို အဓိကထား၍ ပြည်တွင်းပြည်ပ ခရီးသွားများ လိုအပ်ချက်နှင့် ဖြည့်ဆည်းပေးမည့် ဆွဲဆောင်မှုရှိသော၊ ယှဉ်ပြိုင်နိုင်သော ခရီးသွားလုပ်ငန်း အခွင့်အလမ်းအသစ်များ ဖော်ဆောင်သွားရန် ကတိပြုခဲ့ကြောင်း သိရှိရပါသည်။

Source: Khmer Times

DOCA(ရန်ကုန်)

        လေကြောင်းဆက်သွယ်မှု၊ ခရီးသွားလုပ်ငန်း၊ စိုက်ပျိုးရေးနှင့် အဆင့်မြင့်ပညာရေးအပါအဝင် အဓိကစီးပွားရေးဆိုင်ရာ သဘောတူညီချက်များကို ဖိလစ်ပိုင်သမ္မတ Ferdina R Marcos Jr သည် ၎င်း၏ နိုင်ငံတော်ခရီးစဉ်ကို ၆-၉-၂၀၂၅ ရက်နေ့က စတင်ခဲ့ပြီး ကမ္ဘောဒီးယား နှင့် ဖိလစ်ပိုင်နိုင်ငံတို့ကြား သဘောတူစာချုပ်တွင် လက်မှတ်ရေးထိုးနိုင်ဖွယ်ရှိသည်။ ဖနွမ်းပင် အပြည်ပြည်ဆိုင်ရာလေဆိပ်သို့ ရောက်ရှိချိန်တွင် Marcos Jr နှင့်အတူ ၎င်း၏ကိုယ်စားလှယ်အဖွဲ့ အား ကမ္ဘောဒီးယားနိုင်ငံ၊ ခရီးသွားလာရေးဝန်ကြီး Huot Hak နှင့် ဝန်ကြီးဌာနအသီးသီးမှ အစိုးရအရာရှိကြီးများက လက်ခံတွေ့ဆုံခဲ့ကြသည်။ သောကြာနေ့ အစောပိုင်းက ဖိလစ်ပိုင် သမ္မတ၏ ရုံးဖြစ်သော Malacañang တွင် သတင်းစာရှင်းလင်းပွဲတစ်ခု၌ ဖိလစ်ပိုင် နိုင်ငံခြားရေး ဌာန (DFA) မှ ပြောရေးဆိုခွင့်ရှိသူ Escalona က နှစ်နိုင်ငံသဘောတူစာချုပ်တွင် စီးပွားရေးကဏ္ဍ အသီးသီးပါဝင်သည်ဟု ဆိုသည်။ ယခုခရီးစဉ်သည် ဖိလစ်ပိုင်နှင့်ကမ္ဘောဒီးယား နှစ်နိုင်ငံစလုံး အတွက် ပူးပေါင်းဆောင်ရွက်မှုကိုချဲ့ထွင်ပြီး အကျိုးကျေးဇူးများစွာ ဆောင်ကြဉ်း ပေးနိုင်မည့် သဘောတူညီချက်များနှင့် အစပြုမှုများ ပေါ်ထွက်ထွက်စေရန် မျှော်မှန်းထား ကြောင်း Escalona က ပြောကြားခဲ့သည်။ နိုင်ငံတော်သမ္မတ၏ နိုင်ငံတော် ခရီးစဉ်သည် နှစ်နိုင်ငံကြား ကုန်သွယ်မှုနှင့် စီးပွားရေးဆက်ဆံမှု ကွဲပြားစေရန်၊ နိုင်ငံဖြတ်ကျော် ရာဇ၀တ်မှုများ ဖြေရှင်းရာတွင် ပူးပေါင်းဆောင်ရွက်မှု အားကောင်းလာစေရန်နှင့် ၂၀၂၆ ခုနှစ်တွင် ဖိလစ်ပိုင်၏ အာဆီယံ ဥက္ကဋ္ဌတာဝန်အတွက် ကမ္ဘောဒီးယား၏ ထောက်ခံမှုကို ရယူရန် ရည်ရွယ်ထားကြောင်း DFA မှ ထုတ်ပြန်ထားသည်။  ဖိလစ်ပိုင်နှင့် ကမ္ဘောဒီးယားစီးပွားရေးခေါင်းဆောင်နှစ်ဦးစလုံးသည် မနီလာနှင့် ဖနွမ်းပင်ကြား ဒေသတွင်း ထုတ်ကုန်များ လိုင်စင်ထုတ်ပေးခြင်းများနှင့် ခရီးသွားဖလှယ်မှုများ တိုးချဲ့လုပ်ဆောင်ရန် မျှော်လင့်ထားကြောင်း ဖိလစ်ပိုင်အမျိုးသားသတင်း အေဂျင်စီ က ဖော်ပြထားသည်။ ကမ္ဘောဒီးယားသည် ထောက်ပံ့ရေးကွင်းဆက် ကွဲပြားခြင်း အတွက် အလားအလာရှိသော အခြားရွေးချယ်စရာတစ်ခုအဖြစ် ပေါ်ထွက်နေသောကြောင့် မနီလာနှင့် ဖနွမ်းပင်ကြားတွင် စီးပွားရေးဆက်ဆံမှု ပိုမိုနက်ရှိုင်းလာစေရန် နှစ်နိုင်ငံအတွက် အခွင့်အလမ်းကောင်းတစ်ခု ပေးဆောင်ခဲ့ကြောင်း ဖိလစ်ပိုင်နိုင်ငံမှ စီးပွားရေးလေ့လာ သုံးသပ် သူများထံမှ သိရသည်။ ဖိလစ်ပိုင်အတွက် ကုန်ပစ္စည်းများ တည်ငြိမ်သော ထောက်ပံ့မှုနှင့် ရာသီဥတုဆိုင်ရာ အန္တရာယ်များကြားတွင် ၎င်း၏ စားနပ်ရိက္ခာဖူလုံမှုကို အာမခံချက်ပေးကာ မဲခေါင် စိုက်ပျိုးရေးတန်ဖိုးကွင်းဆက်တွင် အဓိကကျသော အခန်းကဏ္ဍမှ ပါဝင်လာစေရန် ဖိလစ်ပိုင် လယ်ယာလုပ်ငန်းကုမ္ပဏီများသည် ကမ္ဘောဒီးယား စိုက်ပျိုးထုတ်လုပ်သည့် စက်ရုံများတွင် ရင်းနှီးမြှုပ်နှံနိုင်ကြောင်း စီးပွားရေးလေ့လာသုံးသပ်သူများက ခန့်မှန်းထားကြကြောင်း သိရှိရပါသည်။

Source: Khmer Times

DOCA(ရန်ကုန်)