ပြည်ပကုန်သွယ်မှုသတင်းများ

          ပါကစ္စတန်နိုင်ငံ ကုန်သွယ်မှုကော်ပိုရေးရှင်း (TCP) နှင့် ဘင်္ဂလားဒေ့ရှ်စားနပ်ရိက္ခာ ညွှန်ကြားရေးမှူးဦးစီးဌာနတို့သည် ပါကစ္စတန်မှ ဘင်္ဂလား‌ဒေ့ရှ်သို့ဆန်တင်ပို့ရန်အတွက် နားလည် မှုစာချွန်လွှာ (MOU) ကို အစိုးရချင်းအပြန်အလှန် လက်မှတ်ရေးထိုးခဲ့ကြကြောင်း သိရသည်။

          TCP ဥက္ကဌ Syed Rafeo Bashir Shah နှင့် ဘင်္ဂလားဒေ့ရှ်စားနပ်ရီက္ခာ ညွှန်ကြားရေးမှူးချုပ် Md Abdul Khaleque တို့သည် သက်ဆိုင်ရာနှစ်ဖက်ကိုယ်စား MOU ကို ၁၄.၁.၂၀၂၅ ရက်နေ့က ဒါကာ၌ လက်မှတ်ရေးထိုးခဲ့ကြကြောင်း ဝန်ကြီးဌာန၏ သတင်းထုတ်ပြန် ချက်တွင်ဖော်ပြထားသည်။

          အဆိုပါ နားလည်မှုစာချွန်လွှာသည် ပြည်တွင်းဆန်စျေးကွက်တည်ငြိမ်ရေးနှင့် စီးပွားရေး နှင့်ကုန်သွယ်မှုဆက်ဆံ‌ရေး ခိုင်မာစေရေးအတွက် နယ်ပယ်အသစ်များ ဖွင့်လှစ်ပေးနိုင်မည်ဟု မျှော်လင့်ထားကြောင်း ထုတ်ပြန်ချက်တွင် ဖော်ပြထားသည်။

DOCA(ရန်ကုန်)

          အယ်ဂျီးရီးယားနိုင်ငံရှိဗီယက်နမ်ကုန်သွယ်ရေးရုံးသည် များစွာသောအယ်ဂျီးရီးယား ကုန်သွယ်မှုမြှင့်တင်ရေးအဖွဲ့အစည်းများ၊ စီးပွားရေးလုပ်ငန်းများမှ တာဝန်ရှိသူများနှင့် အပြန် အလှန်ကုန်သွယ်ရေးနှင့် အနာဂတ်ပူးပေါင်းဆောင်ရွက်မှုများနှင့် ပတ်သတ်၍ အစည်းအဝေးကို ဇန်နဝါရီလ ၁၅ ရက်နေ့က ကျင်းပပြုလုပ်ခဲ့ပါသည်။ အခမ်းအနားကို အယ်ဂျီးရီးယား နိုင်ငံတော် စီးပွားရေးဖွံ့ဖြိုးတိုးတက်ရေးအဖွဲ့အစည်း (ONDE)၊ အာရပ်-အာဖရိကန်ရင်းနှီးမြှုပ်နှံမှုနှင့် ဖွံ့ဖြိုး တိုးတက်ရေးစင်တာ(CAAID)၊ သွင်းကုန်၊ ပို့ကုန်၊ နိုင်ငံတကာကုန်သွယ်ရေးနှင့်ရင်းနှီးမြှုပ်နှံမှု အယ်ဂျီးရီးယားဖိုရမ်(AFIETI) နှင့် စီးပွားရေးလုပ်ငန်း ၁၅ ခုမှ ကိုယ်စားလှယ်များ တက်ရောက်ခဲ့ ကြပြီး ကုန်သွယ်ရေး၊ စိုက်ပျိုးမွေးမြူရေးနှင့်အစားအစာထုတ်ကုန်၊ သစ်တောနှင့်စက်မှု ထုတ်ကုန် ပို့ကုန်-သွင်းကုန်ကဏ္ဍနှင့် ပတ်သတ်၍ ဆွေးနွေးခဲ့ကြကြောင်း သိရပါသည်။ ဗီယက်နမ်ကုန်သွယ်ရေး အတိုင်ပင်ခံပုဂ္ဂိုလ် Hoang Duc Nhuan က ၂၀၂၄ ခုနှစ်တွင် အပြန်အလှန်ကုန်သွယ်မှုတန်ဖိုးသည် အမေရိကန်ဒေါ်လာ သန်း ၂၂၀ ရှိခဲ့ကြောင်းနှင့် ဗီယက်နမ် ၏ PetrolVietnam ၊ ထိုင်းနိုင်ငံ၏ PTTEP နှင့် အယ်ဂျီးရီးယား၏ Sonatrach တို့ ဩဂုတ်လ ၂၀၁၅ မှစ၍ ပူးပေါင်းထုတ်လုပ်သည့် တစ်နေ့လျှင် စည် ၁၆၀၀၀-၁၈၀၀၀ ထွက်ရှိသော Bir Seba ရေနံလုပ်ငန်းသည် အောင်မြင်သော ပူးပေါင်းဆောင်ရွက်မှုကို ပြသနေကြောင်း ပြောကြားခဲ့ပါသည်။ Nhuan က အယ်ဂျီးရီးယား အေဂျင်စီများနှင့် ကုမ္ပဏီများအား ယခုနှစ်တွင် ဗီယက်နမ်၌ ကျင်းပမည့် များစွာသောနိုင်ငံတကာ ကုန်သွယ်ရေးအခမ်းအနားများကို တက်ရောက်ရန် ဖိတ်ကြားခဲ့ကြောင်း သိရပါသည်။ အယ်ဂျီးရီးယားလုပ်ငန်းများသည်လည်း ဗီယက်နမ်၏ ကော်ဖီကြမ်း၊ သီဟိုဠ်စေ့၊ အယ်လ်မွန်သီး၊ သစ်နှင့် သစ်ထုတ်ကုန်များအား တင်သွင်းရန် စိတ်ဝင်စားမှုကို ပြသခဲ့ကြပြီး အယ်ဂျီးရီးယား သံလွင်ဆီ နှင့် ကြက်ခြေထောက်များကို တင်ပို့လိုကြောင်း ပြောကြားခဲ့သည်ဟု သိရပါသည်။ AFIETI မှ Nabil က အယ်ဂျီးရီးယားသည် ဧပြီလတွင်ကျင်းပမည့် ဗီယက်နမ်ကုန်စည်ပြပွဲသို့ ကိုယ်စားလှယ် စေလွှတ်မည်ဖြစ်ကြောင်းနှင့် အယ်ဂျီးရီးယားကုမ္ပဏီများသည် ပြည်တွင်း ဈေးကွက်အတွက် သာမက ကျယ်ပြန့်သော အာဖရိကကွန်တီနန်တယ် လွတ်လပ်သော ကုန်သွယ်ရေး ဧရိယာ အတွက်ပါရည်ရွယ်၍ ဖိနပ်၊ အဝတ်အထည်၊ ဆေးဝါးများနှင့် ဓာတုပစ္စည်း များထုတ်လုပ်ရန် အတွက် ဗီယက်နမ်မိတ်ဖက်များကို ရှာဖွေနေ‌ကြောင်း ပြောကြားခဲ့ပါသည်။ Nhuan က စဉ်ဆက်မပြတ်ဆွေးနွေးမှု၊ နိုင်ငံတကာကုန်စည်ပြပွဲများတက်‌ရောက်ခြင်း၊ ဈေးကွက် အချက်အလက်များမျှဝေခြင်း၊ စီးပွားရေးချိတ်ဆက်ပေးခြင်း၊ မိတ်ဖက်စိစစ်ရွေးချယ်ခြင်းနှင့် ပူးပေါင်းဆောင်ရွက်စဉ်အတွင်းဖြစ်ပေါ်လာသည့် အငြင်းပွားမှုမှန်သမျှကျေ‌အေးခြင်းတို့၏ အရေး ပါမှုကို ပြောကြားခဲ့ကြောင်း သိရပါသည်။

DOCA(ရန်ကုန်)

          ဗီယက်နမ်နိုင်ငံဝန်ကြီးချုပ်သည် Hai Phong ဆိပ်ကမ်းမြို့ရှိ Nam Trang Cat စက်မှုဇုန်၌ အခြေခံအဆောက်အအုံဖွံ့ဖြိုးတိုးတက်ရေးအတွက် ရင်းနှီးမြှုပ်နှံမှုမူဝါဒကို ခွင့်ပြုပေးခဲ့ကြောင်း သိရပါသည်။ Vinhomes Industrial Zone Investment JSC ကဦးစီးဦးဆောင်ပြုသည့် စီမံကိန်း သည် Vinhomes က ဗီယက်နမ်ဒေါင် ၃၃၇.၉ ဘီလီယံရင်းနှီးမြှုပ်နှံမှုနှင့်အတူ စုစုပေါင်း ရင်းနှီး မြှုပ်နှံမှု ဗီယက်နမ်ဒေါင် ၂.၂၅ ထရီလီယံ ကျော်ထိ မြှင့်တင်ပေးနိုင်မည်ဟု သိရပါသည်။ ထိုစီမံကိန်းသည် ၂၀၂၅ ခုနှစ် ဇန်နဝါရီလမှစ၍ နှစ်ငါးဆယ်ကြာ လည်ပတ်မည်ဟု သိရပါသည်။ Hai Phong စီးပွားရေးဇုန်အာဏာပိုင်အဖွဲ့ (HEZA) သည် ၂၀၂၅ ခုနှစ်တွင် ပြည်ပတိုက်ရိုက်ရင်းနှီး မြှုပ်နှံမှု (FDI) အမေရိကန်‌ဒေါ်လာ၃-၃.၅ ဘီလီယံ ဆွဲဆောင်နိုင်ရန်ရည်ရွယ်ထားကြောင်း သိရ ပါသည်။ HEZA ၏ဖော်ပြချက်အရ ၂၀၂၄ ခုနှစ်တွင် စက်မှုနှင့်စီးပွားရေးဇုန်များသို့ FDI ဝင်ရောက် မှုမှာ အမေရိကန်ဒေါ်လာ ၄.၃၅ ဘီလီယံရှိခဲ့ကြောင်း သိရပါသည်။ ထို့ကြောင့် ထိုဇုန်များသို့ စုစုပေါင်း FDI ဝင်ရောက်မှုမှာ အမေရိကန်ဒေါ်လာ ၃၀.၃ ဘီလီယံထိ တစ်ဖြည်းဖြည်းများပြားလာ ပြီး စီမံကိန်းများ၏ ၇၇ ရာခိုင်နှုန်းမှာ နည်းပညာမြင့်များ၊ ကုန်ထုတ်လုပ်ခြင်း၊ ပြုပြင်ထုတ်လုပ် ခြင်းနှင့် ထောက်ပံ့ပို့ဆောင်ရေးတို့တွင်ဖြစ်ကြောင်း သိရပါသည်။ ၂၀၂၄ ခုနှစ်တွင် ဒေသတွင်း စက်မှုနှင့်စီးပွားရေးဇုန်များတွင် လည်ပတ်နေသည့် လုပ်ငန်းများသည် စုစုပေါင်းဝင်ငွေ အမေရိကန် ‌ဒေါ်လာ ၃၃.၅ ဘီလီယံ ရရှိခဲ့ကြောင်း သိရပါသည်။ ၎င်းတို့၏တင်ပို့မှုမှာ ခန့်မှန်း အမေရိကန်ဒေါ်လာ ၂၈.၅ ဘီလီယံရှိခဲ့ပြီး တင်သွင်းမှုမှာ စုစုပေါင်းအမေရိကန်ဒေါ်လာ ၂၂.၈ ဘီလီယံရှိကြောင်း သိရပါသည်။ နိုင်ငံတော်ဘက်ဂျက်သို့ ၎င်းတို့၏အခွန်ငွေပေးဆောင်မှုမှာ အမေရိကန်ဒေါ်လာ ၄၉၄ သန်းရှိကြောင်း သိရပါသည်။ အလုပ်အကိုင်အခွင့်အလမ်းအနေဖြင့် လုပ်သား ၂၁၀၁၈၂ ဦး ခန့်အပ်ထားပြီး တစ်ဦးလျှင် ပျမ်းမျှတစ်လလျှင် ဗီယက်နမ်ဒေါင် ၁၁.၅၂ သန်း ရရှိကြောင်းသိရပါသည်။

DOCA(ရန်ကုန်)

          BYD သည် ၂၀၂၄ ခုနှစ်က ၎င်း၏လျှပ်စစ်ကားအားလုံးရောင်းချမှုတွင် Toyota ကိုကျော်တက်သွားခဲ့သည်။ ၂၀၂၄ ခုနှစ်တွင် ဂျပန်နိုင်ငံသည် လျှပ်စစ်ကားပေါင်း ၅၉၇၃၆ စီးရောင်းချခဲ့ပြီး ၂၀၂၃ ခုနှစ်ကထက် ၃၃% ကျဆင်းခဲ့ကာ လေးနှစ်အတွင်း ပထမဆုံးအကြိမ်ကျ ဆင်းခဲ့ခြင်းဖြစ်သည်။ BYD သည် ၂၀၂၄ ခုနှစ်တွင် လျှပ်စစ်ကားအစီးရေ ၂၂၂၃ စီးရောင်းချခဲ့ပြီး ၂၀၂၃ ခုနှစ်ကထက် ၅၄% တိုးလာခဲ့သည်။ Toyota ၏ EV ရောင်းအားမှာ အစီးရေ ၂၀၃၈ စီးရှိပြီး ၃၀% ကျဆင်းသွားခဲ့ကြောင်း Japan Automobile Dealer Association ထုတ်ပြန်ချက်အရသိရသည်။ BYD သည် Atto 3 crossover နှင့် Dolphin hatchback တို့ဖြင့် ၂၀၂၄ ခုနှစ်တွင် Toyota ၏အိမ်စျေးကွက်သို့ဝင်ရောက်လာခဲ့သည်။ Atto 3 သည် Yuan Plus ၏ နိုင်ငံတကာအမည်ဖြစ်သည်။  နောက်ပိုင်းတွင် BYD Seal EV sedan သည်၎င်းနှင့်ပူးပေါင်းခဲ့သည်။ ၂၀၂၅ ခုနှစ်တွင် Shenzhen အခြေစိုက်ကားထုတ်လုပ်သူသည် ဂျပန်နိုင်ငံတွင် ၎င်း၏စတုတ္တ မြောက်ကားဖြစ်သော BYD Sealion 07 EV ကိုမိတ်ဆက်သွားမည်ဖြစ်သည်။ BYD Dolphin သည် ယန် ၂.၉၉  သန်း (၁၉၀၀၀ USD) စျေးနှုန်းဖြင့်စတင်‌ရောင်းချခဲ့သည်။ EV ရှယ်ယာများသည် ၂၀၂၄ ခုနှစ်တွင် ၂% အောက်ကျဆင်းသွားပြီး ဖွံ့ဖြိုးပြီးစျေးကွက်များကြားတွင်အနိမ့်ဆုံးဖြစ်သည်။ Toyota ၏ ပထမဆုံး EV ကားဖြစ်သည့် bZ4x crossover သည် ၂၀၂၄ ခုနှစ်တွင်ကားအစီးရေ ၁၀၁၂ စီးမှ ၁၀% တိုးလာခဲ့သည်။ ထိုကားသည် ဂျပန်တွင်သန်း ၅.၅ သန်း (34800 USD) ဖြင့်စတင် ရောင်းချခဲ့သည်။ Nissan Motor သည် EV စျေးကွက်၏ ၅၀% ခန့်ကိုထိန်းချုပ်ထားပြီးဂျပန်နိုင်ငံ တွင် စျေးကွက်ဦးဆောင်သူဖြစ်ခဲ့သည်။ သို့သော် Nissan ၏ ရောင်းအားမှာ ၂၀၂၁ ခုနှစ် နောက်ပိုင်း အနိမ့်ဆုံးဖြစ်သော အစီး‌ရေ ၃၀၇၄၉ စီးသို့ ၄၄% ကျဆင်းသွားခဲ့သည်။ ဂျပန်နိုင်ငံ၏ အထင်ကရအပေါ့စားမီနီကားများကို ပေါင်းစပ်ထားသည့် လျှပ်စစ်ကား kei ‌ရောင်းအားမှာ ၃၈% မှ ၂၂၉၂၆ စီးအထိသိသိသာသာကျဆင်လာသည်ကို တွေ့မြင်ရသည်။ ဂျပန်နိုင်ငံသို့ တင်သွင်းသော EV အမှတ်တံဆိပ်များတွင် Telsa သည် ပြတ်သားစွာစျေးကွက်ကို ဦးဆောင်နေသူဖြစ်ပြီး BYD သည် ဂျပန်နိုင်ငံ၏ရောင်းအား၏ ၄၀% ခန့်ရှိသည်။ BYD သည်၂၀၂၅ ခုနှစ်တွင်ဂျပန်နိုင်ငံ၌ စတိုးဆိုင်ပေါင်း ၁၀၀ ဖွင့်လှစ်ရန်စီစဥ်ထားကြောင်းယခင်က ကြေညာချက်အရသိရသည်။

DOCA(ရန်ကုန်)

          အာဖဂန်နစ္စတန်နိုင်ငံ၏ အသားနှင့်ဥများဖူလုံစွာထုတ်လုပ်နိုင်ရေးအတွက် အာဖဂန်နစ္စ တန်နိုင်ငံရှိ ကြက်မွေးမြူရေးကဏ္ဍတွင် ကန်ဒေါ်လာ ၁ ဘီလီယံကျော်ရင်းနှီးမြုပ်နှံ ထားကြောင်း လယ်ယာစိုက်ပျိုးရေးနှင့် ဆည်မြောင်းဝန်ကြီးဌာနမှ ပြောရေးဆိုခွင့်ရှိသူ ကဘူးလ်နှင့်မွေးမြူရေး လုပ်ငန်းရှင်များကဆိုသည်။

          ပုဂ္ဂလိက စီးပွားရေးလုပ်ငန်းများသည် ကြက်မွေးမြူရေးကဏ္ဍတွင်ဒေါ်လာ ၁ ဘီလီယံ ကျော်ရင်းနှီးမြုပ်နှံထားပြီး လက်ရှိတွင် အာဖဂန်နစ္စတန်၌ကြက်ခြံပေါင်း ၁၅၀၀၀ ကျော်ရှိကြောင်း ဒေသတွင်း မီဒီယာ Tolonews မှ Misbahuddin Mustaeen ၏ ပြောကြားချက်ကို ကိုးကား၍ ၁၂.၁.၂၀၂၅ ရက်နေ့ကဖော်ပြခဲ့သည်။ ဝန်ကြီးဌာနသည် ကြက်မွေးမြူရေးသမားများအားဆက် လက်ပံ့ပိုးပေးသွားမည် ဖြစ်ကြောင်း အဆိုပါတာဝန်ရှိသူထံမှ သိရသည်။

          တစ်ချိန်တည်းတွင် စိုက်ပျိုးရေးနှင့်မွေးမြူရေကုန်သည်များအသင်းမှ လက်ထောက်ဖြစ်သူ Mirwais Haji Zada က ရင်းနှီးမြုပ်နှံသူများထံသို့ မြေယာများထပ်မံဖြန့်ဝေပြီး နှစ်ရှည်ငှားရမ်းပါက နိုင်ငံအတွင်းကြက်မွေးမြူရေးလုပ်ငန်းမြှင့်တင်ရေးအတွက် ကြက်မွေးမြူရေးကဏ္ဍတွင် ပိုမိုရင်းနှီး မြုပ်နှံမှုများ ပြုလုပ်လာကြမည်ဖြစ်ကြောင်း Tolonews သို့ ပြောကြားခဲ့သည်။

DOCA(ရန်ကုန်)