ပြည်ပကုန်သွယ်မှုသတင်းများ

    တရုတ်နိုင်ငံနှင့် အမေရိကန်နိုင်ငံတို့မှ ကုန်သွယ်ရေးဆိုင်ရာ ကိုယ်စားလှယ်အဖွဲ့များသည် စပိန်နိုင်ငံ မက်ဒရစ်မြို့၌စတုတ္ထအကြိမ် ကုန်သွယ်ရေး ဆွေးနွေးမှုကိုစတင် လုပ်ဆောင်ကြောင်း သိရသည်။

     တရုတ်ဒုတိယဝန်ကြီးချုပ် ဟီလိုင်ဖန်းနှင့် အမေရိကန်ဘဏ္ဍာရေး ဝန်ကြီး စကော့ဘတ်ဆန့် တို့ ဦးဆောင်သော ကုန်သွယ်ရေး ကိုယ်စားလှယ်အဖွဲ့များသည် စက်တင်ဘာလ ၁၄ ရက်တွင် စပိန်နိုင်ငံ မက်ဒရစ်မြို့သို့ ရောက်ရှိလာခြင်းဖြစ်သည်။

    အဆိုပါကုန်သွယ်ရေး ကိုယ်စားလှယ်များသည် နှစ်နိုင်ငံကြားသွင်းကုန် အခွန်တိုးမြှင့်မှု ခေတ္တဆိုင်းငံ့သည့် သဘောတူညီချက်သက်တမ်း ကုန်ဆုံးမည့် နိုဝင်ဘာလမတိုင်မီ ယခုကဲ့သို့ ဆွေးနွေးမှုများ လုပ်ဆောင်ခြင်းဖြစ်သည်။ ဆွေးနွေးမှုတွင် အမျိုးသားလုံခြုံရေး၊ အပြန်အလှန် အကျိုးစီးပွားများနှင့် စပ်လျဉ်းသည့် စီးပွားရေးနှင့် ကုန်သွယ်ရေးကိစ္စရပ်များ ပါဝင်မည်ဖြစ်ကြောင်း သိရသည်။    

DOCA(ပြည်ထောင်စုနယ်မြေ)

    တရုတ်နိုင်ငံက ပြည့်ဖြိုးမြဲစွမ်းအင်များကို ပိုမိုတိုးမြှင့်အသုံးပြုလာခြင်းနှင့် လျှပ်စစ်စွမ်းအင် အပေါ်သာ မှီခိုလာခြင်းတို့ကြောင့် ငါးနှစ်အတွင်း ကမ္ဘာ့ရုပ်ကြွင်းလောင်စာ အသုံးပြုမှု သိသာစွာ ကျဆင်း လာနိုင်သည်ဟု သန့်ရှင်းစွမ်းအင်ဆိုင်ရာ တတ်သိပညာရှင်အဖွဲ့တစ်ဖွဲ့ဖြစ်သော Ember အဖွဲ့ကထုတ် ပြန်ထားသည်။

    သုတေသနပညာရှင်များသည် တရုတ်နိုင်ငံက အစိမ်းရောင်စွမ်းအင်သို့ ပြောင်းလဲအသုံးပြုမှု ပမာဏနှင့်အချိန်ကာလ၊ အခြားနိုင်ငံများသို့ တရုတ်နိုင်ငံမှ အစိမ်းရောင်စွမ်းအင်တင်ပို့မှုတွင် နေရာယူ ထားမှုတို့ကို ချိန်ထိုး၍ ယခုကဲ့သို့ ထုတ်ပြန်လာခြင်းဖြစ်သည်။

     ၂၀၂၃ ခုနှစ်တွင် တရုတ်နိုင်ငံမှ ကုန်ကျစရိတ်သက်သာသော သန့်ရှင်းစွမ်းအင်နည်းပညာများ ကြောင့် ဖွံ့ဖြိုးဆဲနိုင်ငံများအနက် လေးပုံတစ်ပုံက စီးပွားရေးလုပ်ငန်းများအတွက် လျှပ်စစ်စွမ်းအင်ကို အသုံးပြုမှုသည် အမေရိကန်နိုင်ငံကိုပင် ကျော်တက်သွားကြောင်း ထုတ်ပြန်ချက်တွင်ဖော်ပြထားသည်။

    ၂၀၂၄ ခုနှစ်တွင် တရုတ်နိုင်ငံသည် သန့်ရှင်းစွမ်းအင်ကဏ္ဍ၌    အမေရိကန်ဒေါ်လာ ၆၂၅ ဘီလီယံ အထိ ရင်းနှီးမြှုပ်နှံမှုများ လုပ်ဆောင်ခဲ့ကြောင်း၊    ထိုပမာဏသည် တစ်ကမ္ဘာလုံးရှိနိုင်ငံများက သန့်ရှင်း စွမ်းအင်တွင် ရင်းနှီးမြှုပ်နှံမှု၏ သုံးပုံတစ်ပုံရှိကြောင်း၊၂၀၂၅ ခုနှစ်တွင် တရုတ်နိုင်ငံ၏ နေရောင်ခြည် စွမ်းအင်နှင့် လေစွမ်းအင်သုံး လျှပ်စစ်ဓာတ်အား  ထုတ်လုပ်မှုပမာဏ မျှော်လင့်ထားသည်ထက်ပင်  သာ လွန်ခဲ့ခြင်းကြောင့် ရုပ်ကြွင်းလောင်စာအသုံးပြုမှုကို နှစ်ရာခိုင်နှုန်း လျှော့ချနိုင်ခဲ့ကြောင်း သုတေသီများက ပြောသည်။

    ထို့ကြောင့် လက်ရှိအခြေအနေအတိုင်းသာ ဆက်သွားမည်ဆိုပါက ၂၀၃၀ ပြည့်နှစ်အရောက်တွင် တစ်ကမ္ဘာလုံးအနေဖြင့် ရုပ်ကြွင်းလောင်စာအသုံးပြုမှု လျော့ကျသွားမည်ဖြစ်ကြောင်း သိရသည်။

DOCA(ပြည်ထောင်စုနယ်မြေ)

    ၂၀၂၅ခုနှစ် တရုတ်-နိုင်ငံတကာဝန်ဆောင်မှု   ကူးသန်းရောင်းဝယ်ရေးပြပွဲ (China International Fairfor Trade in Services- CIFTIS) ကို စက်တင်ဘာ ၁၀ ရက်မှ ၁၄ ရက်အထိ  တရုတ်ပြည်သူ့သမ္မတ နိုင်ငံ ပေကျင်းမြို့ Shaunang ပန်းခြံ၌ ကျင်းပလျက်ရှိပြီး ယခုနှစ်တွင် နိုင်ငံတကာ အဖွဲ့အစည်း ၇၀ ကျော်မှ ပြပွဲများနှင့် တရုတ်နိုင်ငံအတွင်း ကုမ္ပဏီရာနှင့်ချီတို့က ထုတ်ကုန် အသစ်များနှင့် တီထွင်ဖန်တီးမှု ၂၀၀ နီးပါးကို တင်ဆက်ပြသထားသည်။

    ယခုနှစ်တွင် ကမ္ဘာ့ဝန်ဆောင်မှု ကုန်သွယ်မှုဆိုင်ရာ ထိပ်သီးညီလာခံများ၊ ပြပွဲများ၊ ဖိုရမ်များ စသည်ဖြင့် လှုပ်ရှားမှုများ  ထည့်သွင်းထားသည်။ ဆက်သွယ်ရေးဝန်ဆောင်မှု၊ ဒစ်ဂျစ်တယ်နည်းပညာ၊    ဉာဏ်ရည်တုနည်းပညာ၊  နက်ဝေါ့ခ် နည်းပညာ၊  စက်ရုပ်တီထွင်မှုနှင့် စက်မှုလုပ်ငန်း သုံးစက်ကိရိယာ၊ အပြည်ပြည်ဆိုင်ရာ စွန့်ဦးတီထွင်မှုများကို   အများဆုံး မြင်တွေ့ရသည်။ ထို့အပြင် ကဏ္ဍအလိုက် တီထွင် ဆန်းသစ်မှုများဖြစ်သည့် ဆောက်လုပ်ရေးကဏ္ဍတွင် ဉာဏ်ရည်တုစက်မှု နည်းပညာအသုံးချခြင်း၊ ပတ်ဝန်းကျင်ထိန်းသိမ်းခြင်းနှင့် စုပေါင်းအဆောက်အအုံများ တည်ဆောက်ခြင်းဆိုင်ရာ၊ မြို့ပြတည် ဆောက်ရေး  စီမံကိန်းစသည်တို့ကို တရုတ်နှင့် နိုင်ငံတကာဆောက်လုပ်ရေးလုပ်ငန်းများက ဆန်းသစ် ဖော်ထုတ်ထားသည့် ပြခန်းများပါဝင်သည်။

    ထို့အတူ   ငွေကြေးနှင့် ဘဏ်လုပ်ငန်းဝန်ဆောင်မှု ပြခန်းများ၌ ဘဏ်လုပ်ငန်းဆိုင်ရာ နည်းပညာ၊ လူထုအကျိုးစီးပွား  စောင့်ရှောက်ခြင်းစီမံကိန်းများ၊ ဒစ်ဂျစ်တယ် ဘဏ်စနစ်များကို အဓိကပြသထား သကဲ့သို့   ယဉ်ကျေးမှုပြခန်းများ၌  နိုင်ငံတကာယဉ်ကျေးမှုစင်တာများ တည်ဆောက်ခြင်းဆိုင်ရာ စီမံ ကိန်းများကို မြင်တွေ့ရသည်။ ပြပွဲ၌  ပညာရေးဆိုင်ရာ ဝန်ဆောင်မှုများကိုလည်း မြင်တွေ့ရပြီး  တရုတ်နှင့် နိုင်ငံတကာတက္ကသိုလ်များ၏  နည်းပညာနှင့် သုတေသန  အောင်မြင်မှုများ၊ သက်မွေးပညာကျောင်းများ ပေါင်းစပ်ဖွံ့ဖြိုးနိုင်မှုနည်းလမ်းများနှင့် ပညာရေးအခွင့်အလမ်းအချို့ ထုတ်ဖော်ပြသထားသည်။ ကျန်းမာ ရေး၊    အားကစားနှင့် သယ်ယူပို့ဆောင်ရေး၊ စီးပွားရေး၊   လူထုအကျိုးပြုလုပ်ငန်းများအပြင် တရုတ်နိုင်ငံ ၏ ယဉ်ကျေးမှုလက်ရာများ  ဖော်ထုတ်ခြင်းစသည့် ဝန်ဆောင်မှုပြခန်းများစွာကိုလည်း ပြသထားသည်။

   ပြပွဲရက်များအတွင်း  နိုင်ငံတကာအဖွဲ့အစည်းများ၊  နိုင်ငံများနှင့် ချိတ်ဆက်၍ တရုတ်နိုင်ငံမှ စီးပွားရေး မဟာဗျူဟာများကို ပေါင်းစပ်ကာ နိုင်ငံတကာ ရင်းနှီးမြှုပ်နှံမှုတိုးချဲ့နိုင်ရေး ဆန္ဒရှိကြောင်း၊  တရုတ်နိုင်ငံ မှပြည်နယ် မြို့တော်များနှင့် ဟောင်ကောင်၊ မကာအို၊ တရုတ်(တိုင်ပေ)တို့မှ  လုပ်ငန်းရှင်များလည်း ပူးပေါင်းပါဝင်ကြကြောင်း ဟောင်ကောင်တိုးတက်မှုပြခန်းတာဝန်ရှိသူကပြောသည်။ အဆိုပါပြပွဲကို  ၂၀၁၂ ခုနှစ်တွင် ပထမအကြိမ်  ကျင်းပခဲ့ပြီး ယခုအချိန်အထိ နိုင်ငံပေါင်း ၁၉၈ နိုင်ငံမှ  အပြည်ပြည်ဆိုင်ရာ စက်မှုလုပ်ငန်းများနှင့် လုပ်ငန်းရှင် ၁ ဒသမ ၁၉ သန်းခန့်ကို ပူးပေါင်းရန် ဆွဲဆောင်နိုင်ခဲ့ကြောင်း သိရသည်။

Source: ခင်ရတနာ                                                                                    

 Doca(ပြည်ထောင်စုနယ်မြေ)

                ဗြိတိန်နိုင်ငံလျှပ်စစ်ကား (BEV) မှတ်ပုံတင်ခြင်းများသည် တစ်နှစ်ထက်တစ်နှစ် ၁၄.၉ ရာခိုင်နှုန်းခန့် မြင့်တက်လျက်ရှိရာ သြဂုတ်လတွင် ရှယ်ယာများသည်အမြင့်ဆုံးစံချိန်အဖြစ် ရောက်ရှိခဲ့ကြောင်း မော်တော်ကားထုတ်လုပ်ရေးနှင့်ရောင်းဝယ်ရေးအဖွဲ့အစည်း (SMMT) မှ ထုတ်ပြန်သော အချက်အလက်များအရ သိရပါသည်။ စျေးကွက်ရှယ်ယာများသည် သြဂုတ်လ တွင် ၂၆.၅ ရာခိုင်နှုန်းဖြင့် ရပ်တည်လျက်ရှိပြီး ၄ ကြိမ်မြောက်အမြင့်ဆုံးစံချိန်ဖြစ်ကြောင်း  SMMT အစီရင်ခံစာများအရ သိရပါသည်။ ယခုနှစ် ပထမ ၈ လအတွင်းတွင် ဗြီတိန်နိုင်ငံကားအသစ်စျေး ကွက်သည် ၂.၁ ရာခိုင်နှုန်းခန့် ချဲ့ထွင်နိုင်ခဲ့ကြောင်း သိရပါသည်။ ဇူလိုင်လလယ်တွင် ဗြီတိန်နိုင်ငံ အစိုးရသည် ဓာတ်ငွေ့ထုတ်လုပ်မှု ကင်းစင်သောမော်တော်ကားများအသွင်သို့ကူးပြောင်းမှုကို ထောက်ပံ့ရန်နှင့် ရေရှည်တည်တံ့သော မော်တော်ကားထုတ်လုပ်မှုများကို နှိုးဆော်ခဲ့ကြောင်း သိရပါသည်။ အစိုးရသည် စုစုပေါင်းတန်ကြေး ပေါင် ၆၅၀ သန်း (အမေရိကန်ဒေါ်လာ ၈၇၈ သန်းခန့်) တန်ကြေးရှိသော ဓာတ်ငွေ့ထုတ်လုပ်မှုကင်းစင်သော မော်တော်ကားများကို တစ်စီး လျှင် ပေါင် ၃၇၀၀၀ အောက်တွင် ‌ရောင်းချနိုင်ရန်အတွက် စီစဥ်လျက်ရှိကြောင်း သိရပါသည်။

Source: Xinhua  

DOCA (ရန်ကုန်)                                                                     

           ဘင်္ဂလားဒေ့ရှ်နိုင်ငံ အဝတ်အစားတင်ပို့သူများသည် အမေရိကန်နိုင်ငံသို့ တင်ပို့မှုများသည် ၂၀၂၄-၂၀၂၅ ဘဏ္ဍာနှစ်အဆုံးသတ်တွင် အမြင့်ဆုံးစံချိန်သို့ရောက်ရှိခဲ့ကြောင်း အစီရင်ခံစာတင်ခဲ့ပြီး အဆိုပါမြင့်တက်ခြင်းသည် အဓိကအားဖြင့် တရုတ်နိုင်ငံမှ အလုပ်အော်ဒါများလက်ခံရရှိခြင်းကြောင့်ဖြစ်ကြောင်း သိရပါသည်။ ဘင်္ဂလားဒေ့ရှ်နိုင်ငံသည် ယခင်နှစ် ဘဏ္ဍာနှစ်တွင် အမေရိကန် ဒေါ်လာ ၇.၅၄ ဘီလီယံခန့်တန်ကြေးရှိသော အဝတ်အထည်များကို တင်ပို့ခဲ့ပြီး တစ်နှစ်ထက် တစ်နှစ် ၁၄ ရာခိုင်နှုန်းမြင့်တက်လာကြောင်း တင်ပြခဲ့ပါသည်။ အဆိုပါမြင့်တက်မှုများရှိသော်လည်း အမေရိကန်နိုင်ငံသို့တင်ပို့သော အဝတ်အထည်တင်ပို့မှုအားလုံး၏ ရှယ်ယာများသည် တစ်နှစ်ထက်တစ်နှစ် ၁၉.၁၈ ရာခိုင်နှုန်းခန့်သာ မြင့်တက်လျက်ရှိကြောင်း တင်ပို့မှုမြှင့်တင်ရေး ဗျူရို (EPB) ၏ ဖော်ပြချက်များအရ သိရပါသည်။ ၂၀၂၅ ဘဏ္ဍာနှစ်တွင် အမေရိကန်နိုင်ငံသို့ တင်ပို့မှုများ၏ အများစုသည် ရက်လုပ်ထားသော အဝတ်အထည်များသာဖြစ်ပြီး ဘင်္ဂလားဒေ့ရှ် နိုင်ငံ၏ တစ်ခုတည်းသော အကြီးမားဆုံးစျေးကွက်ဖြစ်ကြောင်း သိရပါသည်။ ရက်လုပ်အဝတ်အထည် တင်ပို့မှုသည် တစ်နှစ်ထက်တစ်နှစ် ၁၃ ရာခိုင်နှုန်းခန့်မြင့်တက်လျက်ရှိကြောင်း သိရပါသည်။ သို့ရာတွင် အဆိုပါကာလအတွင် ဇာထိုးအထည် ပြုလုပ်သူများ တင်ပို့မှုသည် တစ်နှစ်ထက်တစ်နှစ် အမေရိကန်ဒေါ်လာ ၂.၅၉ ဘီလီယံခန့် ၁၅ ရာခိုင်နှုန်းမြင့်တက်လာကြောင်း သိရပါသည်။ ဥရောပသမဂ္ဂ (EU) သည် တရုတ်နိုင်ငံပြီးနောက် ဒုတိယအကြီးမားဆုံး အဝတ်အထည် စျေးကွက်ဖြစ်သော တောင်အာရှနိုင်ငံများမှ ‌ရောင်းချသော အဝတ်အထည်များ၏ တစ်ဝက်ခန့်ကို ဝယ်ယူခဲ့ကြောင်း သိရပါသည်။ ၂၀၂၅ ဘဏ္ဍာနှစ်တွင် EU သို့တင်ပို့သော အဝတ် အထည်တင်ပို့မှုသည် ၉ ရာခိုင်နှုန်းခန့် အမေရိကန်ဒေါ်လာ ၁၉.၇ ဘီလီယံခန့် မြင့်တက်လာကြောင်း သိရပါသည်။ EU စျေးကွက်အတွင်းတွင် ဘင်္ဂလားဒေ့ရှ်နိုင်ငံမှ ကုန်ပစ္စည်းများသည် အခွန် ကင်းလွတ်ခွင့်များရရှိပြီး ဂျာမနီနိုင်ငံသည် အဓိကပန်းတိုင်ဖြစ်ပြီး တစ်ခြားအလေး ထားတင်ပို့သော နိုင်ငံများမှာ စပိန်၊ ပြင်သစ်နှင့် နယ်သာလန်နိုင်ငံများဖြစ်ကြောင်း EFB ၏ ပြောကြားချက်များအရ သိရပါသည်။ ဘင်္ဂလားဒေ့ရှ်နိုင်ငံ အဝတ်အထည်ရောင်းဝယ်ရေး၏ စီမံခန့်ခွဲရေး ညွှန်ကြားရေးမှူး ဆိုသူ Mohiuddin Rubel က ကနဦးလုပ်ဆောင်ချက်အနေဖြင့် ပြည်တွင်း အဝတ်အထည်နှင့် အထည်အလိပ်များကို မြှင့်တင်ရမည်ဖြစ်ကြောင်းနှင့် ပြည်ပ စျေးကွက်၏ ပြောင်းလဲမှု အခြေအနေများကို အမြဲစောင့်ကြည့်နေရန် ပြောကြားခဲ့ကြောင်း သိရပါသည်။ Rubel က အမေရိကန်နိုင်ငံ၏ စီးပွားရေးသည်  EU ထက်ပိုမိုလျှင်မြန်စွာ ပြန်လည်  ကောင်းမွန်လာပြီဖြစ်ကြောင်းနှင့် အမေရိကန်နိုင်ငံသည် ဘင်္ဂလားဒေ့ရှ်နိုင်ငံအတွက် အကျိုးရှိစေ သည့် တရုတ်နိုင်ငံမှ ငြင်းပယ်လိုက်သောပစ္စည်းများကို ဝယ်ယူလျက်ရှိကြောင်း သိရပါသည်။ ၂၀၂၅ ခုနှစ် ဇန်နဝါရီလတွင် အမေရိကန်နိုင်ငံသို့တင်ပို့မှုသည် တစ်နှစ်ထက်တစ်နှစ် ၄၆ ရာခိုင်နှုန်းခန့်မြင့်တက်လျက်ရှိပြီး လက်လီရောင်းသူများ ယုံကြည်မှု ပြန်လည်ဖြစ်ပေါ်စေနိုင် ကြောင်း Envoy Textiles ကုမ္ပဏီမှ စီမံခန့်ခွဲ‌ရေးညွှန်းကြားရေးမှူးဆိုသူ Tanvir Ahmed က ပြောကြားခဲ့ပါသည်။

Source: The Daily Star

DOCA (ရန်ကုန်)