ပြည်ပကုန်သွယ်မှုသတင်းများ

          အီး-စီးကရက်နှင့် အပူပေးထားသော ဆေးရွက်ကြီးထွက်ကုန်သုံးစွဲသူတစ်ဦး ချင်းစီအား ဒဏ် ငွေ VND ၁ သန်းမှ ၂ သန်းကြား (အမေရိကန်‌‌ဒေါ်လာ ၄၀ မှ ၈၀) ကောက်ခံသွားမည် ဖြစ်ကြောင်း ဗီယက်နမ်ကျန်မာ‌ရေးဌာန၏ အဆိုပြုချက်အရသိရသည်။ ကျန်မာရေးစောင့်ရှောက် မှု ကဏ္ဍ၏ စီမံခန့်ခွဲ‌ရေးဆိုင်ရာ ပြစ်ဒဏ်များဆိုင်ရာ အမိန့်အမှတ် ၁၁၇ ကိုပြင်ဆင်ချက်မူကြမ်း တွင်ဖောက်ဖျက် ကျူးလွန်သူများ၏ အချက်အလက်များအားသက်ဆိုင်ရာအာဏာပိုင်များ သို့မဟုတ် စာသင်ကျောင်း များသို့ တိုင်ကြားမည်ဖြစ်ပြီးသိမ်းဆည်းခံရသည့်ထုတ်ကုန်များကို ဖျက်ဆီးသွားမည်ဖြစ်ကြောင်း သိရသည်။ အဆိုပါမူကြမ်းအား မတ်လဆန်းအထိ အများပြည်သူ များဘက်မှလည်းဆွေးနွေးညှိနှိုင်းနိုင် မည်ဖြစ်သည်။ ဗီယက်နမ်သည် ယခုနှစ်မှစတင်ကာ အီ-စီးကရက်နှင့်အပူပေးသောဆေးရွက်ကြီး ထွက်ကုန်များကိုတားမြစ်ပိတ်ပင်ခဲ့ပြီး အရေးယူ ဆောင်ရွက်မည့် ကမ္ဘာတစ်ဝှမ်းရှိနိုင်ငံပေါင်း ၄၃ နိုင်ငံ အနက်ခြောက်နိုင်ငံမြှောက် အာဆီယံနိုင် လည်းဖြစ်သည်။ ယခုနှစ်တွင်အဆိုပါပစ္စည်များကို တားမြစ်ထားသောကုန်ပစ္စည်းအဖြစ် အမျိုးအစားခွဲထားပြီး ဖောက်ဖျက်ပါက တည်ဆဲဥပဒေများအရအပြစ် ပေးအရေးယူ နိုင်မည် ဖြစ်သည်။ အဆိုပါထုတ်ကုန်များထုတ်လုပ်ခြင်း၊ ရောင်းဝယ်ခြင်း၊ သိုလှောင်ခြင်း၊ သယ်ယူ ပို့ဆောင်ခြင်းနှင့်ကြေညာခြင်းတို့အား ဒဏ်ငွေ VND သန်း ၁၀၀ မှ VND ၁ ဘီလီယံအထိ (အမေရိကန်‌ဒေါ်လာ ၄၀၀၀ မှ ၄၀၀၀၀) သို့မဟုတ် ၁ နှစ်မှ ၅ နှစ်အထိ ထောင်ဒဏ် ချမှတ် နိုင်သည်။ ဗီယက်နမ်တွင် အထူးသဖြင့်လူငယ်များကြားတွင်အီး-စီးကရက်သုံးစွဲမှု မှာမြင့်တက် လာခဲ့သည်။ ၂၀၁၅ ခုနှစ်မှ ၂၀၂ ခုနှစ်အထိအရွယ်ရောက်ပြီးသူများ (အသက် ၁၅ နှစ်နှင့်အထက်) တို့တွင် အီး-စီးကရက်သောက်သုံးမှုသည် ၀.၂% မှ ၃.၆% သို့မြင့်တက်လာခဲ့သည်။ အသက် ၁၃ နှစ်နှင့် ၁၇ နှစ်အကြားကျောင်းသားများအသုံးပြုမှုမှာ ၂၀၁၉ ခုနှစ်တွင် ၂.၆% ၂၀၂၃ ခုနှစ်တွင် ၈.၁% အထိ တိုးလာခဲ့သည်။ ပြည်နယ် ၁၁ ခုတွင် ပဏာမစစ်တမ်းများအရ ၂၀၂၃ ခုနှစ်တွင် အသက် ၁၁ နှစ်မှ ၁၈ နှစ်အကြား မိန်းကလေးများ အီး-စီးကရက်သုံးစွဲမှုနှုန်း ၄.၃% ရှိကြောင်း သိရသည်။ ၂၀၂၃ ခုနှစ်တွင် အာဏာပိုင်များမှ အမှုပေါင်း ၈၆ မှုအားတရားစွဲ‌ဆောင်ရွက်ခဲ့ကာ ၂၀၂၄ ခုနှစ် ပထမသုံးလပတ်တွင် အမှုပေါင်း ၃၃ ခုအား ဆောင်ရွက်ခဲ့ပြီး ၂၀၂၃ ခုနှစ် စုစုပေါင်း၏ ထက်ဝက်နီးပါးရှိကြောင်းသိရသည်။

DOCA(ရန်ကုန်)

အိန္ဒိယသည် လက်ရှိရာသီအတွင်း သကြားမက်ထရစ်တန်ချိန် ၁ သန်းကို ၂၀၂၅ ခုနှစ် စက်တင်ဘာလအထိ တင်ပို့ခွင့်ပြုခဲ့ပြီး ဆန်စက်များ၏ ပိုလျှံစတော့များ တင်ပို့မှုကို အထောက် အကူဖြစ်စေရန် နှင့် ပြည်တွင်းစျေးနှုန်းများ မြှင့်တင်ရန် ကူညီပေးခဲ့သည်။ ဈေးနှုန်းတည်ငြိမ်ရေး နှင့် ကြံစိုက်ပျိုးသူ သန်း ၅၀ ကို ပံ့ပိုးပေးခြင်းဖြင့် သကြားကဏ္ဍခိုင်မာစေရန် အစိုးရက ပို့ကုန်ခွဲတမ်းတစ်ရပ်ကို အတည်ပြုခဲ့ကြောင်း စားနပ်ရိက္ခာဝန်ကြီး Pralhad Joshi က ပြောကြားခဲ့သည်။ မကြာသေးမီလ များအတွင်း ဖိအားများကျရောက်ခဲ့သော ပြည်တွင်း သကြား ဈေးနှုန်းများကိုပံ့ပိုးပေးနိုင်ရန်နယူးဒေလီမှတင်ပို့မှုကိုခွင့်ပြုရန်စီစဉ်ထားကြောင်း  Reuters သတင်းတွင် ဖော်ပြထားသည်။ စားနပ် ရိက္ခာ ဝန်ကြီးဌာနသည် ဆန်စက်များအား ၎င်းတို့၏ သုံးနှစ် ပျမ်းမျှ ထုတ်လုပ်မှု၏ ၃.၁၇၄ ရာခိုင်နှုန်း ကို တစ်ပြေးညီ တင်ပို့သည့် ခွဲတမ်းကို ခွဲဝေပေးထားပြီး ၎င်းတို့သည် တိုက်ရိုက် သို့မဟုတ် ကုန်သည် တင်ပို့သူများမှတစ်ဆင့် တင်ပို့နိုင်သည်။ တင်ပို့မှုကို ခွင့်ပြုမည်ဟု ရက်သတ္တပတ်များအတွင်း ထင်ကြေးပေးမှုများရှိခဲ့သော်လည်း ယခုရာသီကုန်ထုတ် လုပ်မှုသည် ရှစ်နှစ်အတွင်း ပထမဆုံးအကြိမ်အဖြစ် စားသုံးမှုအောက်သို့ ကျဆင်းသွားဖွယ်ရှိသော ကြောင့် အဆိုပါ ဆုံးဖြတ်ချက်သည် ကုန်သည် အချို့ကို အံ့အားသင့်စေခဲ့သည်။ ထုတ်လုပ်မှု သည် ယမန်နှစ်တွင် တန်ချိန် ၃၂ သန်းမှ တန်ချိန် ၂၇ သန်းဝန်းကျင်နှင့် နှစ်စဉ်စားသုံးမှု တန်ချိန် ၂၉ သန်းအောက်သို့ ကျဆင်းသွားနိုင်ကြောင်း ကုန်သွယ်ရေး ထိပ်တန်းအိမ်များထံမှ သိရသည်။ အင်ဒိုနီးရှား၊ ဘင်္ဂလားဒေ့ရှ်နှင့် အာရပ်စော်ဘွားများ ပြည်ထောင်စုနိုင်ငံများသို့ သကြား ရောင်းချသည့် အိန္ဒိယနိုင်ငံသည် ၂၀၂၂-၂၃ ခုနှစ်အထိငါးနှစ် အတွင်း ကမ္ဘာ့နံပါတ် ၂ အဆင့်တင်ပို့သူဖြစ်ပြီး နှစ်စဉ် ပျမ်းမျှတန်ချိန် ၆.၈ သန်းဖြင့် တင်ပို့လျက်ရှိသည်။ ကမ္ဘာ့ ဈေးကွက်သို့ အိန္ဒိယ၏ ပြန်လည်ဝင်ရောက်မှုသည် အောက်တိုဘာလမှစတင်ကာ လာမည့် စျေးကွက်နှစ်တွင် တင်ပို့မှုသိသိသာသာမြင့်မားလာစေရန်အတွက် အဆင့်သတ်မှတ်လိုက် ကြောင်း Nirani Sugars မှ ဒါရိုက်တာ Vishal Nirani ကပြောသည်။

DOCA(ရန်ကုန်)

          မဲခေါင်ဒယ်တာမြို့တော် Can Tho သည်ဂျပန်ကုမ္ပဏီများ လေ့လာရန်၊ ရင်းနှီးမြှုပ်နှံရန ်နှင့် စီမံကိန်းများတည်ထောင်ရန်အတွက် အကောင်းဆုံးသောအခြေအနေများ ဖန်တီးပေးရန် အာမခံ ကြောင်း မြို့တော်စည်ပင်သာယာရေးပြည်သူ့ကော်မတီ၏ ဒုတိယဥက္ကဌ Duong Tan Hien က ဂျပန်နိုင်ငံသံရုံးနှင့် စီးပွားရေးလုပ်ငန်းများမှ ကိုယ်စားလှယ်များနှင့် ဇန်နဝါရီလ ၂၀ ရက်နေ့က ပြုလုပ်ခဲ့သည့် အစည်းအဝေးတွင် ပြောကြားခဲ့ပါသည်။ Hien က Can Tho နှင့် ဂျပန်ပြင်ပ ကုန်သွယ်ရေးအဖွဲ့အစည်း(JETRO) ကြားပူးပေါင်းဆောင်ရွက်မှု မြင့်တက်ရန်နှင့် ဂျပန်စီးပွားရေး လုပ်ငန်းများအား ရင်းနှီးမြှုပ်နှံမှုဆွဲဆောင်ရန် အခွင့်အလမ်းများကို ပံ့ပိုးပေးနိုင် ရန် မျှော်လင့်ကြောင်း ပြောကြားခဲ့ပါသည်။ Aeon Mall Vietnam နှင့် Marubeni ကော်ပို ရေးရှင်းကဲ့သို့သော ကုမ္ပဏီများ နှင့်ပတ်သတ်၍ Can Tho သည် မြို့အာဏာပိုင်များကြား ကိစ္စရပ်များကိုဖြေရှင်းရန် ၎င်းတို့နှင့် အနီးကပ်ညှိနှိုင်းဆွေးနွေးလျှက်ရှိကြောင်း သိရပါသည်။ မြို့တော်သည် Can Tho တွင် Aeon Mall ဈေးဝယ်စင်တာ စတင်ဆောက်လုပ်နိုင်ရေးအတွက် သက်ဆိုင်ရာအေဂျင်စီများနှင့် လုပ်ဆောင် လျှက်ရှိကြောင်း သိရပါသည်။ ထို့ပြင် Marubeni ကော်ပိုရေးရှင်းက အကောင်အထည်ဖော်လျှက် ရှိသည့် O Mon စွမ်းအင်စက်ရုံစီမံကိန်း ဆောက်လုပ်မှုနှင့်ဆက်စပ်သည့် အခက်အခဲများ ဖြေရှင်းနိုင်ရန် အားထုတ်မှုများ လုပ်ဆောင် လျှက်ရှိကြောင်း သိရပါသည်။ ဗီယက်နမ်နိုင်ငံဆိုင်ရာ ဂျပန် သံအမတ် Ito Naoki ကလည်း မြို့တော်၏ လျှင်မြန်သောဖွံ့ဖြိုးတိုးတက်မှုနှင့်ဒေသတွင်းအစိုးရ၏ ပြည်ပစီးပွားရေး လုပ်ငန်း များအား ပံ့ပိုးရန်အားထုတ်မှုများကို မြင်တွေ့ရကြောင်းနှင့် မြို့တော် ခေါင်းဆောင်များသည် လည်း ပြည်ပကုမ္ပဏီများအတွက် ရင်းနှီးမြှုပ်နှံမှုများဆက်လက်တိုးချဲ့ နိုင်ရန်နှင့် ဒေသဖွံ့ဖြိုး တိုးတက်ရေးအတွက် အကျိုးအမြတ်များပိုမိုရရှိရန် စီးပွားရေးနှင့်ရင်းနှီး မြှုပ်နှံမှုဝန်းကျင် မြင့်တက်ရေး ဆက်လက်လုပ်ဆောင်ရန် မျှော်လင့်ကြောင်း ပြောကြားခဲ့ပါသည်။ ဟိုချီမင်း မြို့တော်ရှိ JETRO ရုံး၏ ကိုယ်စားလှယ်အဖွဲ့ခေါင်းဆောင် Matsumoto Nobuyuki က JETRO အဖွဲ့ဝင်များသည် Can Tho တွင် ရင်းနှီးမြှုပ်နှံလျှက်ရှိကြောင်း၊ အနာဂတ်တွင်လည်း မြို့တော်သို့ ဂျပန်ရင်းနှီးမြှုပ်နှံမှုများ ဆက်လက်ဝင်ရောက်လာရန်မျှော်လင့်ကြောင်းနှင့် JETRO သည်လည်း မြို့တော်အုပ်ချုပ်ရေးအဖွဲ့က ဂျပန်ကုမ္ပဏီများအား မြို့တော်၏ အခွင့်အလမ်းများ ကို မိတ်ဆက်ရာတွင် ဆက်လက်ပံ့ပိုးပေးသွားရန် အဆင်သင့်ဖြစ်နေကြောင်း ပြောကြားခဲ့ပါ သည်။ ဒေသအာဏာပိုင်များ၏အဆိုအရ Can Tho တွင် အမေရိကန်ဒေါ်လာ ၂.၂ ဘီလီယံကျော် မတည် တန်ဖိုးရှိသော ပြည်ပတိုက်ရိုက်ရင်းနှီးမြှုပ်နှံမှုစီမံကိန်း ၈၀ ရှိကြောင်း သိရပါသည်။ ထိုပမာဏထဲ တွင် အမေရိကန်ဒေါ်လာ ၁.၃၅ ဘီလီယံတန်ဖိုးရှိသော ဂျပန်စီမံကိန်း ၈ ခုရှိပြီး အများစုမှာ ကုန်ထုတ်လုပ်ခြင်း-ပြုပြင်ထုတ်လုပ်ခြင်း၊ သတင်းအချက်အလက်နည်းပညာနှင့် လျှပ်စစ် ထုတ်လုပ်ခြင်း အစရှိသည့် ကဏ္ဍများတွင်လည်ပတ်လျှက်ရှိကြောင်း သိရပါသည်။

DOCA(ရန်ကုန်)

          ဗီယက်နမ်ရာဘာအသင်း (VRA) သည် ၂၀၂၅ ခုနှစ် ရာဘာတင်ပို့မှုမှာ ၂၀၂၄ ခုနှစ် က ထက် ၁၀ ရာခိုင်နှုန်းကြီးထွားကာ ဝင်ငွေအမေရိကန်ဒေါ်လာ ၁၁ ဘီလီယံကျော် ရရှိမည်ဟု ခန့်မှန်းပြီး ယုံကြည်ချက်ပြည့်ဝနေကြောင်း သိရပါသည်။ ထိုသုံးသပ်ချက်သည် တည်ငြိမ်သည့် သဘာဝပတ်ဝန်းကျင်နှင့်သင့်လျှော်သော ကုန်ကြမ်းပစ္စည်းများ၏တန်ဖိုးနှင့် ဆန်းသစ်တီထွင် သော ပြန်လည်သုံးစွဲမှုအလေ့အကျင့်များကြောင့်ဖြစ်ကြောင်း သိရပါသည်။ ၂၀၂၅ ခုနှစ်အစော ပိုင်းတွင် ရာဘာဈေးနှုန်းများမှာ ပြည်တွင်းတွင်သာမက ပြည်ပတွင်ပါ တရုတ်၏စီးပွားရေး မူဝါဒများ၏ လွှမ်းမိုးမှုခံရနိုင်ကြောင်း သိရပါသည်။ စက်မှုအခြေခံအဆောက်အအုံများတွင် ရင်းနှီးမြှုပ်နှံမှုအများအပြားပါဝင်သည့် တရုတ်၏စီးပွားရေးလှုံ့ဆော်မှုစီမံချက်များ စတင်ခြင်းနှင့် အတူ ရာဘာလုပ်ငန်းသည် ကောင်းမွန်သည့်သက်ရောက်မှုများ ရရှိခံစားလျှက်ရှိကြောင်း သိရပါ သည်။ ရာဘာသုံးစွဲမှုများပြားသည့် တရုတ်၏မော်တော်ကားလုပ်ငန်းသည် ပြည်တွင်းနှင့်ပြည်ပမှ ဝယ်လိုအားမြင့်တက်လာမှုကြောင့် ဆက်လက်တိုးချဲ့မည့် လမ်းကြောင်းပေါ်တွင်ရှိနေကြောင်း သိရပါသည်။ ဗီယက်နမ် Mercantile Exchange ၏ ဒုတိယအထွေထွေညွှန်ကြားရေးမှူး ဖြစ်သူ Nguyen Duc Dung က ဗီယက်နမ်ရာဘာထုတ်လုပ်သူများသည် ထိုလမ်းကြောင်းအလားအလာ အပေါ် အရင်းအနှီးပြုရန်အတွက် အဓိကနေရာတွင် ရပ်တည်နေကြောင်း ပြောကြားခဲ့ပါသည်။ တရုတ်နိုင်ငံထံမှသာမက ကမ္ဘာ့စီးပွားရေးနာလံထူလာမှုကြောင့် အိမ်နီးချင်းအာဆီယံနိုင်ငံများ ထံမှပါ ဝယ်လိုအားမြင့်တက်လာကြောင်း သိရပါသည်။ တရုတ်နိုင်ငံသည် ဗီယက်နမ် ရာဘာ တင်ပို့ မှုအတွက် အကြီးမားဆုံးဈေးကွက်အဖြစ် ဆက်လက်ရပ်တည်နေပြီး ၂၀၂၄ ခုနှစ်တွင် ဗီယက်နမ် ၏ စုစုပေါင်းတင်ပို့မှု၏ ၇၀.၅ ရာခိုင်နှုန်းပမာဏရှိသည့် အမေရိကန် ၂.၄ ဘီလီယံ တန်ဖိုးရှိသော ဗီယက်နမ်ရာဘာများတင်သွင်းခဲ့ကြောင်း သိရပါသည်။ ဗီယက်နမ်နိုင်ငံ အကောင်ခွန် အထွေထွေ ဦးစီးဌာန၏အဆိုအရ နိုင်ငံသည် လွန်ခဲ့သည့်နှစ်တွင် ရာဘာစေးတန်ချိန် ၂ သန်း တင်ပို့ရာမှ တစ်ဆင့် ဝင်ငွေအမေရိကန်ဒေါ်လာ ၃.၄ ဘီလီယံရရှိခဲ့ပြီး တင်ပို့သည့်ပမာဏတွင် ၆ ရာခိုင်နှုန်း ကျဆင်းခဲ့သော်လည်း တန်ဖိုးတွင် ၁၈ ရာခိုင်နှုန်းမြင့်တက်ခဲ့ကြောင်း သိရပါသည်။ တစ်ချိန်တည်း မှာပင် ၎င်းတို့သည် အမေရိကန်ဒေါ်လာ ၃ ဘီလီယံတန်ဖိုးရှိသော ရာဘာတန်ချိန် ၁.၉ သန်း တင်သွင်းခဲ့ပြီး ကုန်သွယ်ရေးဝင်ငွေ အမေရိကန်ဒေါ်လာ သန်း ၄၀၀ ရရှိခဲ့ကြောင်း သိရပါသည်။ VRA ၏ ဥက္ကဌဖြစ်သူ Le Thanh Hung က ၂၀၂၄ ခုနှစ်တွင် ပျမ်းမျှ တင်ပို့သည့် ဈေးနှုန်းသည် တစ်တန်ကို အမေရိကန်ဒေါ်လာ ၁၃၅၀ မှ ၁၇၀၁ သို့ မြင့်တက်လာခြင်းနှင့်အတူ တန်ဖိုးမြင့်တက် လာခြင်းသည် ဈေးနှုန်းမြင့်တက်လာခြင်း၏ တိုက်ရိုက်ရလဒ်ဖြစ်ကြောင်း ပြောကြားခဲ့ပါသည်။ ထိုဈေးနှုန်းမြင့်တက်လာမှုသည် ကမ္ဘာလုံးဆိုင်ရာ ရာဘာကုန်သွယ်မှု၏ အဓိကနေရာတွင်ရှိနေသည့် ဥရောပထံမှဝယ်လိုအားမြင့်တက်လာမှုကြောင့်ဖြစ်ကြောင်း သိရပါသည်။

DOCA(ရန်ကုန်)

          အင်ဒိုနီးရှားနိုင်ငံ စွမ်းအင်နှင့်သတ္ထုတွင်းထွက်ပစ္စည်းဝန်ကြီး Bahlil Lahadalia က တင်သွင်းမှုလျှော့ချရန်အတွက် ပြည်တွင်း Liquefied petroleum gas (LPG) လုပ်ငန်းနယ်ပယ် ဖွံ့ဖြိုးတိုးတက်ရန် အရေးပါကြောင်း ဇန်နဝါရီလ ၁၇ ရက်နေ့က ပြောကြားခဲ့ပါသည်။ ဝန်ကြီးက ပြည်သူလူထု၏လိုအပ်ချက်ကိုဖြည့်စည်းရန်အတွက ၎င်းတို့သည် C3 နှင့် C4 ဂတ်စ် အသုံးပြု နိုင်မည့် LPG စက်မှုလုပ်ငန်းတည်ထောင်ရန်နှင့် အိမ်ထောင်စုဂတ်စ်ကွန်ယက်အတွက် တွန်းအား ပေးဆောင်ရွက်ရန် လိုအပ်ကြောင်း ပြောကြားခဲ့ပါသည်။ ဝန်ကြီး၏အဆိုအရ ပြည်တွင်း LPG သုံးစွဲမှုသည် တစ်နှစ်လျှင် တန်ချိန် ၈ သန်းရှိပြီး ပြည်တွင်းထုတ်လုပ်နိုင်မှုမှာ တန်ချိန် ၁.၄ သန်း သာ ရှိသဖြင့် နှစ်စဉ် တန်ချိန် ၆ သန်းမှ ၇ သန်းကြား တင်သွင်းနေရကြောင်း သိရပါသည်။ ထို့ကြောင့် သမ္မတ Prabowo Subianto က LPG တင်သွင်းမှုလျှော့ချရန် ကြိုးပမ်းအားထုတ်မှု များကို အရှိန်မြှင့်တင်သွားရန် တောင်းဆိုခဲ့ကြောင်း သိရပါသည်။ ထိုခြေလှမ်းသည် နိုင်ငံ၏ စီးပွားရေးမျှခြေ ထိန်းသိမ်းရန်နှင့် ကုန်သွယ်ရေးမျှခြေနှင့် နိုင်ငံခြားငွေလိုငွေပြမှုကို လျှော့ချရာ တွင်အရေးပါကြောင်း သိရပါသည်။ လတ်တလောတွင် အင်ဒိုနီးရှားသည် LPG ပါဝင်သော ဂတ်စ် နှင့် ရေနံဝယ်ယူရန် နှစ်စဉ် ရူပီး ၄၅၀ ထရီလီယံသုံးစွဲမှုနှင့်အတူ LPG တင်သွင်းမှုအတွက် နိုင်ငံခြားငွေများကို သိသာစွာသုံးစွဲနေရကြောင်း သိရပါသည်။ ထိုပမာဏသည် နိုင်ငံ၏ ကုန်သွယ် ရေးမျှခြေနှင့် ပေးချေမှုများကို တိုက်ရိုက်သက်ရောက်မှုရှိခဲ့ပြီး ထိုဝန်ထုပ်ဝန်ပိုးကို လျှော့ပါး သက်သာစေရန် ပြည်တွင်းလုပ်ငန်းဖွံ့ဖြိုးတိုးတက်ရေးသည် မှန်ကန်သောဖြေရှင်းချက် ဖြစ်သည် ဟု ယူဆရကြောင်း သိရပါသည်။ Lahadalia ကလူထုသို့ အစိုးရ၏ဝန်ဆောင်မှု တစ်စိတ်တစ်ပိုင်းဖြစ်သည့် အိမ်ထောင်စုဂတ်စ်ကွန်ယက်ဖွံ့ဖြိုးတိုးတက်ရေး၏ အရေးပါမှုကို လည်း အသားပေး ပြောကြားခဲ့ကြောင်း သိရပါသည်။

DOCA(ရန်ကုန်)