ပြည်ပကုန်သွယ်မှုသတင်းများ

          အစိုးရ၏လှုံ့ဆော်မှုစီမံချက်များနှင့် တရုတ်စီးပွားရေးဆက်လက်ကြီးထွားလာမှုတို့ကြောင့် ၂၀၂၅ ခုနှစ်တွင် ထိုင်းနိုင်ငံ၏ စတီးလ်သုံးစွဲမှုမှာ ၃ ရာခိုင်နှုန်း မြင့်တက်သင့်ကြောင်း ထိုင်းနိုင်ငံ စက်မှုလုပ်ငန်းအသင်း (FTI) ၏ စတီးလုပ်ငန်းအသင်းက ပြောကြားခဲ့ပါသည်။ ၂၀၂၃ ခုနှစ်တွင် ထိုင်းနိုင်ငံ၏ စတီးလ် သုံးစွဲမှုသည် ခန့်မှန်းတန်ချိန် ၁၅-၁၆ သန်းရှိပြီး ၂၀၂၃ ခုနှစ်ကပမာဏနှင့် တူညီခဲ့ကြောင်း သိရပါသည်။ အသင်း၏ ဥက္ကဌဖြစ်သူ Nava Chantanasurakon က ဝယ်လို အား နှင့်ဈေးနှုန်းများကျဆင်းမှုနှင့် တရုတ်သွင်းကုန်များ၏ ပြင်းထန်သောပြိုင်ဆိုင်မှုများ ပါဝင် သည့် စိန်ခေါ်မှုများနောက်တွင် ၎င်းတို့သည် ၂၀၂၅ ခုနှစ်တွင် စတီးလ်ဈေးကွက်နှင့်ပတ်သတ်၍ အကောင်းမြင်လျှက်ရှိကြောင်းနှင့် GDP ကြီးထွားမှုနှင့် စတီးလ်ဝယ်လိုအားကောင်းမွန်ရေးတို့ ပါဝင်သည့် အစိုးရ၏စီးပွားရေးစီမံချက်များ၏ အသီးအပွင့်များကိုခံစားရရန်မျှော်လင့်ကြောင်း ပြောကြားခဲ့ပါသည်။ လွန်ခဲ့သည့်နှစ်တွင် အဆင်မပြေသည့်စီးပွားရေးအခြေအနေများမှ ကျော်ဖြတ် နိုင်ခဲ့ပြီးနောက် ဆောက်လုပ်ရေးကဏ္ဍတွင် ကုန်ကြမ်းပစ္စည်းအဖြစ်အသုံးပြုသည့် စတီးလ်အတွက် ဝယ်လိုအားမြင့်တက်ရန် မျှော်လင့်ရကြောင်း သိရပါသည်။ အသင်းသည်လည်း တရုတ်၏ စီးပွားရေးနာလံထူလာမှုကြောင့် စတီးလ်လိုအပ်ချက်မြင့်တက်လာနိုင်သောကြောင့် ယခုနှစ်တွင် စတီးလ်တင်ပို့မှုနည်းပါးမည်ဟု ယုံကြည်နေကြကြောင်း သိရပါသည်။ တရုတ်နိုင်ငံ တော် ကောင်စီ၏အဆိုအရ လွန်ခဲ့သည့်နှစ်တွင် တရုတ်နိုင်ငံ၏ GDP သည် အမေရိကန်ဒေါ်လာ ၁၈.၈ ထရီလီယံဖြင့် ၅ ရာခိုင်နှုန်းကြီးထွားခဲ့ကြောင်း သိရပါသည်။ တရုတ်နိုင်ငံထံမှ စတီးလ် တင်သွင်း မှု မြင့်တက်လာခြင်းသည် ထိုင်းနိုင်ငံမှ စတီးလ်ထုတ်လုပ်သူမျာကြား အဓိက စိုးရိမ်းစရာကိစ္စရပ် တစ်ခုဖြစ်ခဲ့ကြောင်း သိရပါသည်။ အိန္ဒိယနိုင်ငံ၏ အကြီးမားဆုံး စတီးလ် ထုတ်လုပ်သူ၏ လုပ်ငန်းခွဲ ဖြစ်သည့် Tata Steel (Thailand) Plc က အစောပိုင်းကာလက တရုတ်လုပ်ငန်းများ သည် စတီးလ်းကို ထိုင်းနိုင်ငံသို့ တိုက်ရိုက်တင်ပို့ခြင်း သို့မဟုတ် အိမ်နီးခြင်း နိုင်ငံများမှတစ်ဆင့် ပြန်လည်တင်ပို့ခြင်းတို့ဆောင်ရွက်ခဲ့ကြောင်း ပြောကြားခဲ့ပါသည်။ ထိုသို့ တရုတ်နိုင်ငံထံမှ တိုက်ရိုက်နှင့် သွယ်ဝိုက် တင်ပို့ခြင်းသည် ၂၀၂၄ ခုနှစ်တွင် ၇ ရာခိုင်နှုန်း မြင့်တက်ခဲ့သည့်အတွက် ထိုင်းနိုင်ငံတွင် စတီးလ်ထုတ်လုပ်မှု ၂ ရာခိုင်နှုန်းကျဆင်းခဲ့ကြောင်း အသင်း၏အဆိုအရ သိရပါ သည်။ စတီးလ်ထုတ်လုပ်သည့်လုပ်ငန်းစဉ်များကြောင့် လေထုညစ်ညမ်းမှု ဖြစ်ပေါ်စေခြင်းနှင့် ‌ရောင်းလိုအားအလွန်များပြားမှုကို လျှော့ချရန် တရုတ်အစိုးရက၎င်းတို့၏ စတီးလ်ထုတ်လုပ်မှု ဖြတ်တောက်သည့် မူဝါဒကိုဖြေလျှော့ခဲ့ပြီးနောက် ၎င်းတို့သည် ၂၀၂၄ ခုနှစ်က ကမ္ဘာတစ်ဝှမ်း စတီးလ်တန်ချိန် ၁၀၅ သန်း တင်ပို့ခဲ့ကြောင်း သိရပါသည်။ FTI သည်လည်း ထိုင်းအစိုးရအား တရုတ်ကုမ္ပဏီများထံမှစတီးလ်များနှင့် ဈေးပေါသောအခြား သွင်းကုန်များ ထိုင်းဈေးကွက် အတွင်း လွှမ်းမိုးလာမှုကို ကာကွယ်ရန်ကြိုးပမ်းအားထုတ်မှုများကို အရှိန်အဟုန်မြှင့်တင်ပေးရန် အလိုရှိနေကြောင်း သိရပါသည်။

DOCA(ရန်ကုန်)

          Toshiba (Thailand) Co Ltd သည် ၂၀၂၅ ခုနှစ်တွင် ထိုင်းနိုင်ငံ၌ ရောင်းအား ၂၅ ရာခိုင်နှုန်း မြင့်တက်ပြီး ထုတ်ကုန်အမျိုးအစားသစ် ၅၀ ကျော်ကို မိတ်ဆက်ရန် စီစဉ်နေကြောင်း သိရပါသည်။ ကုမ္ပဏီ၏ ဒုတိယမန်နေးဂျင်းဒါရိုက်တာဖြစ်သူ Alex Ma က ၂၀၂၄ ခုနှစ်တွင် ထိုင်း နိုင်ငံ၏လျှပ်စစ်ပစ္စည်းဈေးကွက်သည် ဘတ် ၈၃ ဘီလီယံ တန်ဖိုးရှိခဲ့ပြီး ရောင်းချရသည့်ပမာဏ မှာအလုံးရေ ၂၁ သန်း ပတ်လည်ရှိခဲ့ကာ  ၂၀၂၃ ခုနှစ်ကထက် ၉ ရာခိုင်နှုန်းနှင့် ၄ ရာခိုင်နှုန်း အသီးသီး မြင့်တက်ခဲ့ကြောင်း ပြောကြားခဲ့ပါသည်။ ထိုရောင်းချသည့်ပစ္စည်းများတွင် ရေခဲ သေတ္တာများ၊ အဲကွန်းများ၊ အသေးစားအိမ်သုံးပစ္စည်းများ ပါဝင်ကြောင်း သိရပါသည်။ Mr Ma က ၂၀၂၅ ခုနှစ်တွင် ဈေးကွက်သည် ၅ ရာခိုင်နှုန်းကြီးထွားလိမ့်မည်ဖြစ်ကြောင်း ပြောကြားခဲ့ပါ သည်။ ကုမ္ပဏီသည် ၂၀၂၅ ခုနှစ်တွင် ထုတ်ကုန်သစ် ၅၃ ခု မိတ်ဆက်ရန်စီစဉ်ထားကြောင်း သိရပါသည်။ ၂၀၂၄ ခုနှစ်တွင် Toshiba သည် စံချိန်တင် ဝင်ငွေ ၂၄ ရာခိုင်နှုန်းမြင့်တက် ခဲ့ကြောင်း သိရပါသည်။ ရေခဲသေတ္တာကဏ္ဍသည် ၂၀၂၄ ခုနှစ်တွင် ကုမ္ပဏီ၏ ဝင်ငွေအများဆုံး ရရှိသည့် ကဏ္ဍဖြစ်ခဲ့ပြီး ၂၀ ရာခိုင်နှုန်းကြီးထွားခဲ့ကာ ၎င်းတို့နောက်တွင် အဝတ်လျှော်စက် ရပ်တည်နေပြီး ၃၉ ရာခိုင်နှုန်း ကြီးထွားခဲ့ကြောင်း သိရပါသည်။ မိုက်ခရိုဝေ့ဖ်မှ တင်ငွေရရှိမှုမှာ ၂၁ ရာခိုင်နှုန်းမြင့်တက်ခဲ့ပြီး၊ ထမင်းပေါင်းအိုးကဲ့သို့သော အသေးစားပစ္စည်းများမှ ဝင်ငွေရရှိမှုမှာ ၁၀ ရာခိုင်နှုန်းမြင့်တက်ခဲ့ကြောင်း သိရပါသည်။ ရေအပူပေးစက်အစရှိသည့် ရေနှင့်ဆက်စပ်သည့် ထုတ်ကုန်များ ရောင်းချရမှုမှာ ဆက်လက်တည်ငြိမ်လျှက်ရှိကြောင်း သိရပါသည်။ ၎င်းထုတ်ကုန် အားလုံးသည် ကုမ္ပဏီ၏ ရောင်းချရမှုတွင် သေးငယ်သောအစိတ်အပိုင်းမျှသာရှိပြီး အဲကွန်း ရောင်းချရမှုမှာ စံချိန်တင် ၈၂ ရာခိုင်နှုန်းအထိမြင့်တက်ခဲ့ကြောင်း သိရပါသည်။ ကုမ္ပဏီသည် ဖြန့်ဖြူးရေးနေရာများကို ၅၀၀ ထိ ထပ်တိုးခြင်းနှင့်အတူ ထပ်မံတိုးချဲ့ရန်စီစဉ်နေကြောင်း သိရပါသည်။ Online နှင့် Offline မီဒီယာများသည်လည်း မဟာဗျူဟာတွင် သိသာထင်ရှားသော ကဏ္ဍတွင် ပါဝင်နေကြောင်း သိရ ပါသည်။ Mr Ma က ယခုနှစ်တွင် ၎င်းတို့၏ Brand ambassador အား ဒေသတွင်းအဆင့်အထိ မြှင့်တင်သွားမည်ဖြစ်ပြီး ကြေညာမိတ်ဆက်မှု ဆောင်ရွက်ချက်များကို မောင်းနှင်ရန် များစွာသော အရောင်းမြှင့်တင်ခြင်း အစီအစဉ်များကို စီစဉ်ထားကြောင်း ပြောကြားခဲ့ပါသည်။ Toshiba ၏ ထုတ်ကုန်မော်ဒယ်အသစ် ၅၃ မျိုးတွင် ရေခဲသေတ္တာ ၁၁ မျိုး၊ အဝတ်လျှော်စက် ၁၉ မျိုး၊ မီးဖိုချောင်သုံးပစ္စည်း ၁၆ မျိုးနှင့် အိမ်သုံးပစ္စည်း ၇ မျိုးတို့ပါဝင်ကြောင်း သိရပါသည်။ ကုမ္ပဏီ၏ ထုတ်ကုန်မဟာဗျူဟာမန်နေဂျာ Ekdanai Tuntipumiamorn ကထိုင်းနိုင်ငံတွင်ထုတ်လုပ်သည့် ထုတ်ကုန်များသည် ၎င်းတို့၏ အရည်အသွေးနှင့်ပတ်သတ်၍ အသိအမှတ်ပြုခံထားရပြီး ဒေသ တစ်ဝှမ်းရှိ စားသုံးသူများ၏ ယုံကြည်ချကို ရရှိထားကြောင်း ပြောကြားခဲ့ပါသည်။ Mr Ma က ထိုင်းနိုင်ငံ၏ လျှပ်စစ်ပစ္စည်း ဈေးကွက်သည် ဈေးနှုန်းနှင့် တန်ဖိုးကွင်းဆက်တွင် ယှဉ်ပြိုင်မှု ပြင်းထန်လျှက်ရှိကြောင်းနှင့် ထိုယှဉ်ပြိုင်မှုသည် စားသုံးသူများအတွက် အကျိုးကျေးဇူးရှိကြောင်း ပြောကြားခဲ့ပါသည်။

DOCA(ရန်ကုန်)

          အင်ဒိုနီးရှားသမ္မတ Prabowo Subianto က အစားအစာဖူလုံရေးတွန်းအားပေး ဆောင်ရွက်မှု၏တစ်စိတ်တစ်ပိုင်းအနေဖြင့် ၎င်း၏အစိုးရသည် ၂၀၂၅ ခုနှစ်ကုန်တွင် ဆန်၊ ပြောင်း နှင့် ဆားတို့ကို တင်သွင်းရန်မလိုအပ်တော့ဟု အာမခံကြောင်း ဇန်နဝါရီလ ၂၂ ရက်နေ့က ပြောကြားခဲ့ပါသည်။ သမ္မတက အထက်လွှတ်တော်သို့ သတ်မှတ်ပေးထားသည့် အင်ဒိုနီးရှား၏ ကိုယ်တိုင်အစားအစာဖူလုံရေးသည် လေးနှစ်အတွင်းဖြစ်ကြောင်း သိရပါသည်။ သို့သော် ထိုရည်မှန်းချက်ကို ၂၀၂၅ ခုနှစ်ကုန်တွင်ပြည့်မြောက်နိုင်သည့်အတွက် ရည်မှန်းချက်ထက် သုံးနှစ် မြန်ဆန်စွာြပည့်မီခဲ့ကြောင်း သိရပါသည်။ ထိုအောင်မြင်မှုသည် အင်ဒိုနီးရှားပြည်သူများ အစား အစာတင်သွင်းရန်မလိုအပ်ပဲ ဖူလုံစေရေးအတွက် အစိုးရ၏ ကြိုးပမ်းအားထုတ်မှုနှင့် ဗျူဟာ မြောက်မူဝါဒများ၏ရလဒ်ဖြစ်ကြောင်း သမ္မတကပြောကြားခဲ့ပါသည်။ Prabowo သည် နည်းပညာထိုးဖောက်မှုများ၊ လူသားအရင်းအမြစ်များတွင်ရင်းနှီးမြှုပ်နှံမှုနှင့် ထုတ်လုပ်မှုမြှင့်တင် ရေးစီမံချက်များ၏ အရေးပါမှုကို အသားပေးပြောကြားခဲ့ကြောင်း သိရပါသည်။ အစားအစာနှင့် စွမ်းအင်ဖူလုံရေးသည် ဦးစားပေးကိစ္စရပ်တစ်ခုသာမက အလုပ်အကိုင်များဖန်တီးပေးခြင်း၊ ပြည်ပ ငွေစုဆောင်းခြင်းနှင့် အနာဂတ်တွင် နိုင်ငံတော်က ပြည်ပအမီအခိုကင်းလွတ်စေရေးတို့အတွက် အခြေခံအုတ်မြစ်ဖြစ်ကြောင်း သိရပါသည်။ အင်ဒိုနီးရှားနိုင်ငံ ညှိနှိုင်းဆွေးနွေးရေးဝန်ကြီးဖြစ်သူ Zulkifli Hasan က အင်ဒိုနီးရှား၏အစားအစာကုန်ပစ္စည်းများတင်သွင်းမှုရပ်တန့်ခြင်းသည် ပြည်တွင်းကုန်အစားအစာကုန်လက်ကျန်များနှင့် ဈေးနှုန်းများကိုသက်ရောက်မှုမရှိနိုင်ကြောင်း ပြောကြားခဲ့ပါသည်။ Hasan က လတ်တလောတွင် အစားအစာကုန်ပစ္စည်းအများစုအတွက် ကုန်လက်ကျန်များနှင့် လုပ်ငန်းစဉ်များမှာ တည်ငြိမ်ပြီး စိတ်ချရကြောင်း ပြောကြားခဲ့ပါသည်။ နိုင်ငံတော်ပိုင်ထောက်ပံ့ ပို့ဆောင်ရေးကုမ္ပဏီ Bulog ၏ သိုလှောင်ရုံများတွင်ရှိသော အစိုးရ အရန်ဆန်များမှာ လတ်တလောတွင် တန်ချိန် ၂ သန်းခန့်ရှိကြောင်း သိရပါသည်။ အသားစား ကြက်များ၊ ကြက်ဥများ နှင့် ငရုတ်သီးအနီများမှာလည်း ဖူလုံလျှက်ရှိကြောင်း သိရပါသည်။

DOCA(ရန်ကုန်)

          ဈေးကွက်တွင်ယှဉ်ပြိုင်မှုများပြင်းထန်သော်လည်း ဗီယက်နမ်သည် ၂၀၂၄ ခုနှစ်တွင် စင်ကာပူသို့ စတုတ္ထအကြီးဆုံးပင်လယ်စာတင်ပို့သူအဖြစ် ဂျပန်ကိုကျော်ဖြတ်ကာရပ်တည်နိုင်ခဲ့ ကြောင်း သိရပါသည်။၂၀၂၄ ခုနှစ်တွင် စင်ကာပူသည် စင်ကာပူဒေါ်လာ ၁.၁၇ ဘီလီယံ တန်ဖိုးရှိ သော ပင်လယ်စာများကို နိုင်ငံနှင့်ဒေသပေါင်း ၁၀၀ နီးပါးမှ တင်သွင်းခဲ့ကြောင်း သိရပါသည်။ စင်ကာပူဈေးကွက်ကိုလွှမ်းမိုးထားသည့် အဓိကပင်လယ်စာထုတ်ကုန်များတွင် စုစုပေါင်းစားသုံးမှု ၏ ၂၃.၇၄ ရာခိုင်နှုန်းရှိသော ပုဇွန်နှင့်ဂဏန်း၊ ၁၈.၈၄ ရာခိုင်နှုန်းရှိသော အေးခဲငါး၊ ၁၈.၀၈ ရာခိုင် နှုန်းရှိသော လတ်ဆတ်သောငါး၊ ၁၆.၉၄ ရာခိုင်နှုန်းရှိသော ငါးအသားပြားများ နှင့် ၁၁.၂၉ ရာခိုင်နှုန်းရှိသော ကမာတို့ပါဝင်ကြောင်း သိရပါသည်။ အခြားအမျိုးအစားများဖြစ်သည့် လတ် ဆတ်သောငါး၊ ပြုပြင်ထားသောငါးနှင့် ရေထုတ်ကုန်တို့မှာ ဈေးကွက်ဝေစု၏ ၃.၃၆ ရာခိုင်နှုန်း၊ ၅.၀၄ ရာခိုင်နှုန်းနှင့် ၂.၇၁ ရာခိုင်နှုန်း ရှိကြောင်း သိရပါသည်။ စင်ကာပူသို့ ထိပ်တန်းပင်လယ်စာ တင်ပို့သူ ၁၅ နိုင်ငံတွင် မလေးရှားကဈေးကွက်ဝေစု၏ ၁၂.၉၈ ရာခိုင်နှုန်းဖြင့် ထိပ်ဆုံးတွင် ရပ်တည်နေပြီး ၎င်းတို့၏နောက်တွင် အင်ဒိုနီးရှား(၁၁.၀၅ ရာခိုင်နှုန်း)၊ နော်ဝေ(၁၀.၁၆ ရာခိုင်နှုန်း) တရုတ်(၉.၉၈ ရာခိုင်နှုန်း)နှင့် ဗီယက်နမ်(၉.၆၈ ရာခိုင်နှုန်း) တို့ ရပ်တည်နေကြောင်း သိရပါသည်။ ၂၀၂၄ ခုနှစ်တွင်ဗီယက်နမ်၏ စင်ကာပူသို့ ပင်လယ်စာတင်ပို့မှုတန်ဖိုးမှာ စင်ကာပူ ဒေါ်လာ ၁၁၃.၃၇ သန်း နီးပါးဖြင့် ၂၀၂၃ ခုနှစ်ကထက် ၄.၉၉ ရာခိုင်နှုန်းမြင့်တက်ခဲ့ကြောင်း သိရ ပါသည်။ ခရု၊ကမာတင်ပို့မှုမှာ ၁၁၇.၉၂ ရာခိုင်နှုန်း မြင့်တက်ခဲ့သော်လည်း လတ်ဆတ်သောငါး၊ အေးခဲငါးနှင့် ရေထွက်ကုန်တင်ပို့မှုမှာ ၄၈.၅၉ ရာခိုင်နှုန်း၊ ၃၀.၁ ရာခိုင်နှုန်းနှင့် ၃၁.၈၂ ရာခိုင်နှုန်း အသီးသီး စံချိန်တင်ကျဆင်းခဲ့ကြောင်း သိရပါသည်။ စင်ကာပူရှိ ဗီယက်နမ်၏ ကုန်သွယ်ရေး အတိုင်ပင်ခံပုဂ္ဂိုလ် Cao Xuan Thang က ဈေးကွက်အတွင်း ဗီယက်နမ်၏ အရေးပါသောအခန်း ကဏ္ဍကို အသားပေးပြောကြားခဲ့ကြောင်း သိရပါသည်။ သို့သော် ၎င်းတို့၏ဈေးကွက်ဝေစုနှင့် တင်ပို့မှုတန်ဖိုး တည်ငြိမ်စွာမြင့်တက်ရန်အတွက် ဗီယက်နမ်သည် ထုတ်ကုန်အရည်အသွေး ဆက်လက်မြှင့်တင်ရန်၊ ထောက်ပံ့ပို့ဆောင်ရေးအားသာချက်ကိုအသုံးချနိုင်ရန်နှင့် ကုန်ကျစရိတ် များ လျှော့ချရန်လိုအပ်ကြောင်း Thang ကပြောကြားခဲ့ပါသည်။

DOCA(ရန်ကုန်)

          ကမ္ဘောဒီးယားနိုင်ငံသည် ၂၀၂၄ ခုနှစ်တွင်သဘာဝရာဘာ အစေးတင်ပို့မှုမှ ဝင်ငွေအမေရိကန် ဒေါ်လာ ၆၆၆.၂ သန်းရရှိခဲ့ပြီး ယခင်နှစ်က ရရှိခဲ့သော အမေရိကန်ဒေါ်လာ ၄၉၂ သန်းထက် ၃၅.၄ ရာခိုင်နှုန်းတိုးလာကြောင်း ကမ္ဘောဒီးယားရာဘာညွှန်ကြားရေးမှူးဦးစီးဌာနက ဇန်နဝါရီ ၂၂ ရက်နေ့က ထုတ်ပြန်ချက်အရသိရသည်။ ရာဘာစေးတစ်တန်သည် ပျမ်းမျှအားဖြင့် ၂၀၂၄ ခုနှစ်တွင် ကန်ဒေါ်လာ ၁၉၇၁ ရှိပြီး ၂၀၂၃ ခုနှစ်ကထက် ၆၃၄ ဒေါ်လာခန့်ပိုများကြောင်းရာဘာညွှန်ကြား ရေးမှူးဦးစီးဌာန ယာယီညွှန်ကြားရေးမှူးချုပ် Khun Kakada ကအစီအရင်ခံစာတွင် ဖော်ပြထားသည်။ ကမ္ဘောဒီးယား နိုင်ငံသည် မလေးရှား၊ ဗီယက်နမ်၊ စင်္ကာပူနှင့် တရုတ်နိုင်ငံသို့ကုန်ပစ္စည်းများကို အဓိကတင်ပို့သည်။ ကမ္ဘောဒီးယားနိုင်ငံသည် စုစုပေါင်းဧရိယာ ၄၂၅၄၄၃ ဟတ်တာတွင်ရာဘာပင် များကို စိုက်ပျိုးထားပြီး ၎င်းမှ ၃၃၀၂၅၉ ဟတ်တာ သို့မဟုတ် ၇၇.၆ ရာခိုင်နှုန်းသည် အစေးချရန် အတွက်လုံလောက်သော အရွယ်ရှိပြီဖြစ်ကြောင်း အစီအရင်ခံစာကဆိုသည်။

DOCA(ရန်ကုန်)