HighLight News

           စားသုံးသူရေးရာဦးစီးဌာန၊ တောင်ငူခရိုင်၊ ဖြူးမြို့နယ်တာဝန်ခံ ဒေါ်သန္တာစိုးသည် အောက်တိုဘာလ ၁၀ ရက်နေ့ နံနက်(၀၉:၀၀)နာရီအချိန်တွင် ဖြူးမြို့စည်ပင်သာယာဈေး၌ ဈေးသူ ဈေးသားများအား စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။

            ဟောပြောပွဲတွင် မြို့နယ်တာဝန်ခံက စားသုံးသူအခွင့်အရေးနှင့်တာဝန်များ၊ စားသုံးသူနစ်နာဆုံးရှုံးမှုဖြစ်ပေါ်ပါက တိုင်ကြားနိုင်ခြင်းများကိုလည်းကောင်း၊ အွန်လိုင်းဝန်ဆောင်မှုများနှင့် စပ်လျဉ်း၍ စားသုံးသူပြည်သူများ သိသင့်သိထိုက်သည့် အချက်များကိုလည်ကောင်း ဟောပြောဆွေးနွေးခဲ့ပါသည်။

            ထို့နောက်တက်ရောက်လာသည့် ဈေးသူဈေးသားများ၏ ဆွေးနွေးမေးမြန်းချက်များကို ပြန်လည်ရှင်းလင်းဆွေးနွေးခဲ့ကြောင်းနှင့် ဆွေးနွေးပွဲသို့ ဈေးကော်မတီဝင်နှင့် ဈေးသူဈေးသား (၁၈) ဦး တက်ရောက်ကြောင်း သိရှိရပါသည်။

DOCA(ပဲခူး)

           မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှဝန်ထမ်းများသည် (၁၁.၁၀.၂၀၂၄)ရက်နေ့၊ နံနက်(၀၉း၀၀)နာရီအချိန်တွင် အထွေထွေအုပ်ချုပ်ရေးဦးစီးဌာန၊ မြို့နယ်ရဲတပ်ဖွဲ့၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာန၊ ကျန်းမာရေးဦးစီးဌာနတို့နှင့် ပူးပေါင်း၍ သရက်မြို့ပေါ်ရှိ ဆေးဆိုင်များတွင် ဆေးနှင့်ဆေးဝါးပစ္စည်းများ ဈေးနှုန်းအဆမတန်မြှင့်တင်ရောင်းချမှုမရှိစေရေး၊ သက်တမ်းလွန်ဆေးဝါးများရောင်းချမှုမရှိစေရေး၊ တရားမဝင်ဆေးဝါးများရောင်းချမှုမရှိစေရေး၊ ဆေးဝါးပြတ်လပ်မှုရှိ/ မရှိ ဈေးကွက်စောင့်ကြည့်စစ်ဆေးခဲ့ကြောင်း သိရသည်။

            ဆေးဆိုင်များတွင် တရားမဝင်ဆေးဝါးများနှင့် သက်တမ်းလွန်ဆေးဝါးများ ရောင်းချခြင်းမရှိကြောင်း စစ်ဆေးတွေ့ရှိရပြီး သရက်မြို့နယ်တာဝန်ခံမှ မြန်မာဘာသာဖြင့် ဖော်ပြပါရှိသောကုန်စည်များသာရောင်းချရန်၊ ထုတ်လုပ်သည့်ရက်စွဲ၊ သက်တမ်းလွန်ရက်စွဲများကို အလေးထားကြည့်ရှု့ရောင်းချရန်၊ တရားမဝင်ဆေးဝါးများကို ဈေးကွက်အတွင်းတင်သွင်းရောင်းချခြင်း မပြုရန်နှင့် ဈေးနှုန်းအဆမတန် မြှင့်တင်ရောင်းချမှုမရှိစေရေး၊ ကျန်းမာရေးဦးစီးဌာနမှ ဆေးနှင့်ဆေးပစ္စည်းများ သန့်ရှင်းသပ်ရပ်စွာ ထားသိုသိမ်းဆည်းရန်၊ ခရိုင်အစားအသောက်နှင့် ဆေးဝါးကွပ်ကဲရေးဦးစီးဌာနမှ ဆေးဆိုင်အခန်းအပူချိန်အတွက် သာမိုမီတာများထားရှိရန်နှင့် ဆေးဆိုင်လိုင်စင်များအားစစ်ဆေးခြင်း၊ အထွေထွေအုပ်ချုပ်ရေးဦးစီးဌာနမှ တရားမဝင်ဆေးဝါးများရောင်းချခြင်းမပြုရန် အသိပညာပေးပြောကြားခဲ့ကြောင်း သိရှိရပါသည်။

 DOCA(မကွေး)

           မကွေးတိုင်းဒေသကြီး၊ သရက်ခရိုင်ဦးစီးမှူးရုံးမှ ဝန်ထမ်းများသည် (၁၀.၁၀.၂၀၂၄)ရက်နေ့၊ နံနက်(၁၀း၀၀)နာရီအချိန်တွင် မိတ်ဖက်ဌာနများဖြစ်သည့် အထွေထွေအုပ်ချုပ်ရေးဦးစီးဌာန၊ ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်စည်ပင်ဌာနတို့နှင့်ပူးပေါင်း၍ သရက်မြို့၊ မြို့မစည်ပင်သာယာဈေးအတွင်းရှိ ကုန်စုံဆိုင်များတွင် အဖွားလက်ရာအမှတ်တံဆိပ်ဖြင့် ထုတ်လုပ်ထားသော အသားဟင်း၊ ငါးဟင်းဆီသွပ်ဗူးများရောင်းချခြင်းရှိ/ မရှိအား ဈေးကွက်စောင့်ကြည့်စစ်ဆေးခဲ့ကြောင်း သိရသည်။

              ကုန်စုံဆိုင်ရှင်များအား ကုန်စည်များတွင် ဖော်ပြပါရှိသော ကုန်အညွှန်းအမှတ်အသားများသည် စားသုံးသူများနားလည်လွယ်သည့် ကုန်အညွှန်းအမှတ်အသားများဖော်ပြပါရှိရမည်ဖြစ်ပြီး စားသုံးသူကာကွယ်ရေး ဥပဒေ အခန်း(၁၈)ပါ ကုန်အညွှန်းအမှတ်အသားများ ပြည့်စုံစွာပါရှိရမည်ဖြစ်ကြောင်းနှင့် စီးပွားရေးလုပ်ငန်းရှင်များ၏ တာဝန်များနှင့် ပြစ်မှုပြစ်ဒဏ်များအကြောင်း ဆိုင်ရှင်များအား အသေးစိတ်ရှင်းလင်းပြောကြား၍ အသိပညာပေးဆွေးနွေးခဲ့ပြီး ဈေးကွက်စောင့်ကြည့်စစ်ဆေးခြင်းလုပ်ငန်းများဆောင်ရွက်ခဲ့ရာ ဈေးကွက်အတွင်း ရောင်းချခြင်းမရှိကြောင်း တွေ့ရှိရပါသည်။

DOCA(မကွေး)

             ဧရာဝတီတိုင်းဒေသကြီး၊ ဟင်္သာတခရိုင်တွင် ဟင်္သာတမြို့နယ်နှင့် ဇလွန်မြို့နယ်ရှိ Gasifier  အသုံးပြုလည်ပတ်နေသော ဆန်စက်များအား ညွှန်ကြားချက်များနှင့်အညီ လိုက်နာသုံးစွဲမှု အခြေအနေများအား ကွင်းဆင်းစစ်ဆေးခြင်းကို ( ၁၅.၁၀.၂၀၂၄) နေ့တွင် ဆောင်ရွက်ခဲ့ပါသည်။ ထိုသို့စစ်ဆေးခြင်းကို စက်မှုကြီးကြပ်ရေးနှင့် စစ်ဆေးရေးဦးစီးဌာနမှ တိုင်းဒေသကြီးဦးစီးမှူး ညွှန်ကြားရေးမှူး ဦးရဲမြင့်ဦးဆောင်၍ ပတ်ဝန်းကျင်ထိန်းသိမ်းရေးဦးစီးဌာနမှ ဟင်္သာတခရိုင်ဦးစီးမှူး ဦးကျော်စွာဝင်း၊ စားသုံးသူရေးရာဦးစီးဌာနမှ ဒုခရိုင်ဦးစီးမှူး ဦးမောင်မောင်မြတ်ခိုင်တို့ ပါဝင်သောအဖွဲ့သည် ဟင်္သာတစက်မှုဇုန်ရှိ Gasifier အသုံးပြုဆန်စက် (၃) စက်၊ ဒူးယားမြို့ရှိ Gasifier အသုံးပြုဆန်စက် (၃) စက်၊ ဇလွန်မြို့နယ်ရှိ Gasifier အသုံးပြုဆန်စက် (၁) စက်တို့အား ကွင်းဆင်းစစ်ဆေးခဲ့ကြပါသည်။

         အဆိုပါ ဆန်စက်များတွင် အသုံးပြုနေသော Gasifier များရေဆိုးစွန့်ပစ်ရာတွင် လိုက်နာဆောင်ရွက်ရမည့် ရေစစ်ကန် ၃ကန် ပြုလုပ်ထားရှိမှု၊ ရေစစ်ကန်များတွင် အဆင့်လိုက် အသုံးပြုရမည့် အုတ်ခဲကျိုး၊ ကျောက်စရစ်၊ မီးသွေးတို့ကို အဆင့်ဆင့်ဖြတ်သန်းပြီးမှ ပတ်ဝန်းကျင်သို့ စွန့်ထုတ်စေမှုအခြေအနေများအားစစ်ဆေးခဲ့ပြီး၊ ရေစစ်ရာတွင်အသုံးပြုသော အုတ်ခဲကျိုး၊ ကျောက်စရစ်၊ မီးသွေးတို့ကို လဲလှယ်အသုံးပြုရန်နှင့် ရေဆိုးများကို ညွှန်ကြာချက်များနှင့်အညီလိုက်နာ၍ စနစ်တကျစစ်ထုတ်ပြီးသောရေများကိုသာ စွန့်ထုတ်စေရေးတို့ကို စိစစ်လမ်းညွှန်ခဲ့ကြောင်း သိရှိရပါသည်။

DOCA(ဧရာဝတီ)

         စားသုံးသူရေးရာဦးစီးဌာန၊ အင်္ဂပူမြို့နယ်တာဝန်ခံသည် (၁၅.၁၀.၂၀၂၄)ရက်နေ့၊ နံနက် (၁၀:၀၀) နာရီအချိန်တွင်  မြို့မတဲကြီးကုန်းလမ်း၊ အမှတ်(၁)ရပ်ကွက်အတွင်းရှိ Online စနစ်ဖြင့် ရောင်းချလျက်ရှိသော အထည်အမျိုးမျိုးနှင့် အလှကုန်ပစ္စည်းအမျိုးမျိုးရောင်းချသောဆိုင်များသို့ အွန်လိုင်းမှတ်ပုံတင်ထားမှုရှိ/ မရှိ ကွင်းဆင်းစစ်ဆေးခြင်းများ ဆောင်ရွက်ခဲ့ပါသည်။

        ထိုသို့ကွင်းဆင်းရာတွင် မြန်အောင်မြို့နယ်တာဝန်ခံ ဦးမြင့်အောင်မှ Online စနစ်ဖြင့်ရောင်းချနေသော အ‌ရောင်းဆိုင်များသို့ မှတ်ပုံတင်လက်မှတ်လျှောက်ထားမှုနှင့် စပ်လျဉ်း၍ မြေပြင်ကွင်းဆင်းဆောင်ရွက်ရာတွင် လုပ်ငန်းရှင်များ လျှောက်လွှာပုံစံတွင် ဖြည့်သွင်းထားသည့်လိပ်စာအတိုင်း လုပ်ငန်းအမှန်တစ်ကယ်တည်ရှိခြင်းရှိ/ မရှိ၊ မှတ်ပုံတင်လက်မှတ်လျှောက်ထားစဉ်က ရောင်းချရန်တင်ပြထားသော ကုန်စည်(သို့)ဝန်ဆောင်မှု အမျိုးအစားစာရင်းအတိုင်း မြေပြင်တွင် အမှန်တစ်ကယ်ရောင်းချနေသောစာရင်းကိုက်ညီမှုရှိ/ မရှိတို့ကို စစ်ဆေးခဲ့ပြီး၊ မှတ်ပုံတင်လက်မှတ်ရရှိသူ၏ တာဝန်ဖောက်ဖျက်မှုရှိ/ မရှိတို့ကို ကွင်းဆင်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)