HighLight News

     (၁၁-၆-၂၀၂၄) ရက်နေ့၊ နံနက် (၀၉း၀၀)နာရီအချိန်တွင် စစ်ကိုင်းတိုင်းဒေသကြီးအစိုးရအဖွဲ့၏လမ်းညွှန်မှုနှင့်အတူ တိုင်းဒေသကြီးစိုက်ပျိုးရေးဦးစီးမှူးရုံးအနေဖြင့် စိုက်ပျိုးရာသီစိုက်ဧကပြည့်မီစွာစိုက်ပျိုးရေးအတွက် မျိုးစေ့၊ သွင်းအားစုများပေးအပ်ပွဲနှင့် စားသုံးသူကာကွယ်ရေးဆိုင်ရာ အသိပညာပေးပြခန်းကို ပူးပေါင်းပါဝင်ပြသခြင်းများဆောင်ရွက်ခဲ့ကြောင်း သတင်းရရှိပါသည်။

        ယင်းသို့ဆောင်ရွက်ရာတွင် စစ်ကိုင်းတိုင်း‌ဒေသကြီးအစိုးရအဖွဲ့၏ လမ်းညွှန်မှုနှင့်အတူ တိုင်းအဆင့် ဌာနဆိုင်ရာများဖြစ်ကြသော စိုက်ပျိုးရေးဦးစီးဌာန၊ မွေးမြူရေးနှင့်ကုသရေးဦးစီးဌာန၊ ပျားမွေးမြူရေးဦးစီးဌာန၊ ငါးမွေးမူရေးဦးစီးဌာန၊ စားသုံးသူရေးရာဦးစီးဌာနတို့ပူးပေါင်း၍ မိမိတို့ဌာနနှင့်သက်ဆိုင်သည့် ပြည်သူအကျိုးပြုစိုက်ပျိုးသည်မှ စားသုံးသည်ထိ ဘေးအန္တရာယ်ကင်းရှင်းစွာသုံးစွဲနိုင်ရေး၊ လယ်ယာထွက်ကုန်စိုက်ပျိုးသီးနှံများ ထုတ်လုပ်တင်ပို့ရောင်းချရာတွင် စီးပွာရေးလုပ်ငန်းရှင်များလိုက်နာဆောင်ရွက်ရမည့် စည်းကမ်း၊ ယနေ့ခေတ် အွန်လိုင်းစနစ်ဖြင့် ကြော်ငြာရောင်းချသူများမှတ်ပုံတင်ခြင်း၊ လိပ်စာ ဖုန်းပြည့်စုံစွာဖော်ပြပါရှိရန်၊ ဝယ်ယူသူများသိသင့်သည့်အချက်အလက်များ၊ အားကာတွန်းသရုပ်ဖော်ပြသခြင်း၊ ပညာပေးလက်ကမ်းစာစောင်ဖြန့်ဝေခြင်း၊ ကုန်အညွှန်းအမှတ်သားများပြည့်စုံစွာဖော်ပြရန်နှင့် အီလက်ထ‌‌ရောနစ်အငွေ့ရှူစက်နှင့်ပတ်သက်၍ အသိပညာပေးကာတွန်းဆောင်ပုဒ်များပြသခြင်းများကို ကျယ်ကျယ်ပြန့်ပြန့်ဆောင်ရွက်ခဲ့ကြောင်း သတင်းရရှိပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူးရုံးအနေဖြင့် စားသုံးသူကာကွယ်ရေးအသိပညာပေးဟောပြောပွဲများ၊ စီးပွားရေးလုပ်ငန်းရှင်များနှင့်တွေ့ဆုံပြီး ဥပဒေ၊ အမိန့်နှင့်ညွှန်ကြားချက်များအား ရှင်းလင်းဆွေးနွေးခြင်းများဆောင်ရွက်လျက်ရာ စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏ လမ်းညွှန်ချက်ဖြင့်  ၂၀၂၄ခုနှစ်၊ ဇွန်လ (၂၆)ရက်နေ့နှင့် (၂၇)ရက်နေ့၊ နံနက် (၁၀:၀၀) နာရီအချိန်တွင် ခရိုင်ကုန်ဈေးနှုန်းတည်ငြိမ်ရေးအဖွဲ့၊ အထွေထွေအုပ်ချုပ်ရေးဦးစီးဌာန၊ ခရိုင်စိုက်ပျိုးရေးဦးစီးဌာန၊ မြို့နယ်စည်ပင်သာယာရေးအဖွဲ့တို့နှင့်ပူးပေါင်း၍ မိတ္ထီလာမြို့ပေါ်ရှိ ဆန်ပွဲရုံ (၄)နှင့် ဆန်ဆိုင် (၁၁) ဆိုင်တို့သို့သွားရောက်၍ ဆန်လက်ကျန်အခြေအနေ၊ ဆန်သိုလှောင်ထားရှိမှုအခြေအနေ၊ ဆန်ဈေးနှုန်းဈေးကွက်၊ ဈေးနှုန်းမကြီးမြှင့်စေရေးအတွက် ကွင်းဆင်းစစ်ဆေးဆောင်ရွက်ခဲ့ပါသည်။

         ထိုသို့ကွင်းဆင်းစစ်ဆေးဆောင်ရွက်ရာ ဆန်ဂိုဒေါင်၊ ဆန်ဆိုင်ကြီးများအားတွင် ရွှေဘိုပေါ်ဆန်း၊ မဂျမ်းတော၊ မနောသုခ၊ ဧရာပဒေသာ၊ ဧည့်မထ၊ ရွှေသွယ်ရင်၊ ရက် ၉၀၊ ထိုင်းနှမ်ကောက်ဆန်အမျိုးအစားများရောင်းချနေကြောင်းသိရှိရပြီး၊ ဆန်ရောင်းချသူလုပ်ငန်းရှင်များကို မြို့နယ်တာဝန်ခံက အလေးချိန်မှန်ကန်စွာရောင်းချရန်၊ ဒေသတွင်းဖြစ်သင့် ဖြစ်ထိုက်သောဈေးနှုန်းဖြင့်သာရောင်းချရန်နှင့် ဈေးနှုန်းမြှင့်တင်ရောင်းချခြင်းမပြုရန်၊ ဈေးနှုန်းမြှင့်တက်လိုသောရည်ရွယ်ချက်ဖြင့် သိုလှောင်ခြင်းမပြုရန် ပြောကြားခဲ့ကြောင်းသိရှိရပါသည်။ 

DOCA(မန္တလေး)

      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနသည် စားသုံးသူကာကွယ်ပေးရေးဥပဒေအရ ကုန်စည် (သို့) ဝန်ဆောင်မှုလုပ်ငန်းများနှင့်စပ်လျဉ်း၍ စားသုံးသူနစ်နာဆုံးရှုံးမှုများအပေါ် တိုင်ကြားလာ၍သော်လည်းကောင်း၊ စားသုံးသူများဘေးအန္တရာယ်ရှိသည်ဟု ထင်မြင်ယူဆရသော ကုန်စည် (သို့) ဝန်ဆောင်မှုနှင့်စပ်လျဉ်း၍သော်လည်းကောင်း  စုံစမ်းစစ်ဆေးမှုများပြုလုပ်၍ စားသုံးသူကာကွယ်ရေးဥပဒေနှင့်အညီ ဖြေရှင်းဆောင်ရွက်ပေးလျက်ရှိပါသည်။

  စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူး၏ လမ်းညွှန်ချက်ဖြင့် စစ်ဆေးရေးအရာရှိဦးဆောင်သော ဈေးကွက်စောင့်ကြည့်စစ်ဆေးရေးအဖွဲ့သည် အထွေထွေအုပ်ချုပ်ရေးဦးစီးဌာန၊ ခရိုင် အစားအသောက်နှင့်ဆေးဝါးကွပ်ကဲရေးဦးစီးဌာန၊ မြို့နယ်ပြည်သူ့ကျန်းမာရေး၊ မြို့နယ်စည်ပင်သာယာရေးအဖွဲ့နှင့် မြန်မာနိုင်ငံရဲတပ်ဖွဲ့တို့ပူးပေါင်း၍ ၂၀၂၄ခုနှစ်၊ ဇွန်လ (၂၇)ရက်နေ့၊ နံနက် (၀၉း၃၀) နာရီအချိန်တွင် မိတ္ထီလာမြို့နယ်ရှိ ဆေးဆိုင်(   ၄  )ဆိုင်သို့သွားရောက်၍ ဈေးကွက်စောင့်ကြည့်စစ်ဆေးခဲ့ပါသည်။

        အဆိုပါ ဆေးဝါးရောင်းချခွင့်လိုင်စင် (အသစ်)  လျှောက်ထားသောဆေးဆိုင်များကိုစစ်ဆေးရာတွင် ဆေးဝါးထားသိုမှု၊ ဖြန့်ဖြူးရောင်းချစနစ်များ၊ စံမညီဆေးဝါးများ၊ သက်တမ်းကုန်ဆေးဝါးများ၊ စပ်ဆေးများရောင်းချခြင်းရှိ/မရှိနှင့် သတ်မှတ်ချက်များကိုက်ညီမှုရှိ/မရှိ အခြေနေများအားစစ်ဆေးခဲ့ကြောင်း သတင်းရရှိပါသည်။

DOCA(မန္တလေး)

      စားသုံးသူရေးရာဦးစီးဌာန၊ မိတ္ထီလာခရိုင်ဦးစီးမှူးရုံး၌ ၂၀၂၄ခုနှစ်၊ ဇွန်လ ၂၀ရက်နေ့တွင် မိတ္ထီလာမြို့ပေါ်ရှိ ဆန်ကုန်သည်များနှင့်တွေ့ဆုံ၍ ဆန်ဈေးနှုန်းများမြှင့်တင်ရောင်းချရန်အလို့ငှာ သိုလှောင်ခြင်း၊ ဖြန့်ဖြူးခြင်းများမရှိစေရေး တွေ့ဆုံဆွေးနွေးခဲ့ကြောင်းသိရပါသည်။

        ဆွေးနွေးပွဲတွင် ခရိုင်ဦးစီးမှူးက ဆန်ကုန်သည်များအား ဌာနအနေဖြင့် ဆန်စပါးဥပဒေကို ဆန်ကုန်သည်အသင်းနှင့်ပူးပေါင်းရေးဆွဲနေကြောင်း၊ ဆန်ဂိုဒေါင်များကိုလည်း မှတ်ပုံတင်ထားရှိရေးအတွက် ကွင်းဆင်းဆောင်ရွက်ရာ သိုလှောင်ရုံပိုင်ရှင်များအနေဖြင့် မှတ်ပုံတင်နိုင်ရေးဌာနနှင့်ချိတ်ဆက်ရန်ဖြစ်ကြောင်း၊ ဆန်ဂိုဒေါင်များမှတ်ပုံတင်ခြင်းကို Online မှလည်းပြုလုပ်နိုင်ကြောင်း၊ ဆန်ကိုမလိုအပ်ဘဲ ဈေးနှုန်းကစားရန်အလို့ငှာ သိုလှောင်ခြင်း၊ ဈေးနှုန်းမြှင့်တင်ရောင်းချခြင်းများမပြုလုပ်စေရန်နှင့် ဆန်အမျိုးအစားအလိုက် ဖြစ်သင့်ဖြစ်ထိုက်သည့် ဈေးနှုန်းများဖြင့်သာရောင်းချရန်လိုအပ်ကြောင်း၊ ဆန်ဝင်ရောက်မှု၊ ဖြန့်ဖြူးမှုအခြေအနေများနှင့် ဆန်ဈေးနှုန်းအခြေအနေများကို သိလိုကြောင်းမေးမြန်းရာ ဆန်ကုန်သည်များက ဒေသတွင်းစားသုံးမှုများသောဆန်မှာ မနောသုခဖြစ်ပြီး ဧရာပဒေသာ၊ ပေါ်ဆန်းတို့ကိုလည်း စားသုံးမှုရှိကြောင်း၊ မနောသုခဆန်ကို ဒေသတွင်းစိုက်ပျိုးထွက်ရှိကာ လိုအပ်သည့် မနောသုခ၊ ပေါ်ဆန်း၊ ဧရာပဒေသာတို့ကို ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီးနှင့် မကွေးတိုင်းဒေသကြီးတို့မှ တင်သွင်းကြောင်း၊ ဆန်ဈေးနှုန်းအခြေအနေများမှာ ဇွန်လ လဆန်းမှစ၍ ဈေးငြိမ်နေကြောင်းနှင့် ဆန်အမျိုးအစားအလိုက် ဈေးနှုန်း၊ တင်သွင်းဖြန့်ဖြူးမှုများကို အသေးစိတ်ဆွေးနွေးခဲ့ကြပါသည်။

        ဆွေးနွေးပွဲသို့ ဆန်ကုန်သည်(၉)ဦးတက်ရောက်ခဲ့ပြီး ၎င်းတို့အပါအဝင် မိတ္ထီလာမြို့ပေါ်ရှိ ဆန်ကုန်သည်များမှာ မိတ္ထီလာခရိုင်အတွင်း၌သာ ပြန်လည်ဖြန့်ဖြူးရောင်းချကြောင်းသိရှိရပါသည်။

DOCA(မန္တလေး)

    မုဒုံမြို့ပေါ်ရပ်ကွက်များတွင် ဖြန့်ဖြူးရောင်းချနေသည့်ဆန်ဆိုင်များ သက်သာသောဈေးနှုန်းဖြင့် ရောင်းချနိုင်ရေးအတွက်  ၂၈-၆-၂၀၂၄ ရက်နေ့တွင် ကွင်းဆင်းစစ်ဆေးခြင်းများဆောင်ရွက်ခဲ့ကြောင်းသိရှိရပါသည်။

      ထိုသို့ကွင်းဆင်းစစ်ဆေးရာတွင် မုဒုံမြို့နယ်ဆန်နှင့်ဆန်စက်အသင်းဥက္ကဋ္ဌ ဦးဇော်ဝင်း၊ မုဒုံမြို့နယ်အထူးစုံစမ်းစစ်ဆေးရေးဦးစီးဌာနမှ ဦးစီးအရာရှိ(စုံစမ်းရေး)ဦးခင်ဗိုလ်၊ မုဒုံမြို့နယ်အထွေထွေအုပ်ချုပ်ရေးဦးစီးဌာနမှ ဒု-ဦးစီးမှူး ဦးဝင်းလွင်၊ မြို့နယ်စားသုံးသူရေးရာဦးစီးဌာနမှ ဒု-ဦးစီးမှူး ဦးညီလွင်အေး၊ မုဒုံမြို့နယ်စည်ပင်သာယာရေးအဖွဲ့မှ ဒု-ဦးစီးမှူး ဦးဝင်းညွန့်၊ မုဒုံမြို့မရဲစခန်းမှ ဒုရဲအုပ်သူရထွန်းနှင့် တာဝန်ရှိများ ပူးပေါင်း၍ မုဒုံမြို့၊ မြို့မ(၄)ရပ်ကွက်ရှိ စိန်မေတ္တာဆန်ဆိုင်အပါအဝင် ဆန်ဆိုင်(၇)ဆိုင်၌ မြန်မာနိုင်ငံဆန်စပါးအသင်းချုပ်နှင့် ညီနောင်အသင်းများ၊ ကုန်စည်ဒိုင်များ၊ ဆန်/စပါးကုမ္ပဏီများက ချမှတ်ထားသည့် စားသုံးသူပြည်သူများအတွက် သင့်တင့်မျှတသောရည်ညွှန်းစျေးနှုန်းဖြစ်သော ဧည့်မထဆန် (၁) ပြည်လျှင် ၃၀၀ဝိ/-နှုန်းဖြင့် လူတစ်ဦးလျှင် (၂) ပြည်နှုန်းရောင်းချပေးရန် ဆိုင်ရှင်များအား ရှင်းလင်းပြောကြားခဲ့ကြောင်းသိရှိရပါသည်။

DOCA(မွန်)