HighLight News

           ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာန မြို့နယ်ဦးစီးမှူးရုံးမှ ဒေါ်ချိုမီဇင် ဒုဦးစီးမှူးနှင့် ဝန်ထမ်းများသည် ၂၆.၆.၂၀၂၆ရက်နေ့ နံနက်(၈)နာရီ တွင် ညောင်တုန်း မြို့ပေါ်ရှိ  အလှကုန်ပစ္စည်းများ ရောင်းချနေ​သော ကုန်စုံဆိုင်များသို့သွားရောက်၍ ကုန်စည်များပေါ်တွင် စားသုံးသူကာကွယ်ရေး ဥပဒေအခန်း ၁၈ ပါ ပြဌာန်းချက်များအရ ကုန်အညွှန်းအမှတ်အသားများ ပြည့်စုံစွာ ဖော်ပြခြင်း ရှိ/မရှိ မြို့နယ်စည်ပင်သာယာရေးအဖွဲ့၊ မြို့နယ်အထွေထွေအုပ်ချုပ်ရေးဦးစီးဌာနနှင့် အတူ ကွင်းဆင်းစစ်ဆေးခဲ့​ကြောင်း သိရသည်။

             ထိုသို့စစ်ဆေးရာတွင်  စားသုံးသူရေးရာဦးစီးဌာနမှ ဒေါ်ချိုမီဇင် ဒုဦးစီးမှူးသည် ညောင်တုန်းမြို့ပေါ်ရှိ နွေလရောင် စတိုးဆိုင်၊ လက်နှင်း စတိုးဆိုင်၊ လင်းလဲချို စတိုးဆိုင်၊ မနွေးနွေး အလှကုန်ဆိုင် (၄)ဆိုင်မှ ရောင်းချနေသော စျေးကွက်အတွင်း ထုတ်လုပ်တင်သွင်း ရောင်းချလျှက်ရှိ​သော အလှကုန်ပစ္စည်း အမျိုးမျိုးပေါ်တွင် စီးပွားရေးလုပ်ငန်းရှင်များသည် စားသုံးသူကာကွယ်ရေး ဥပ​ဒေ ပုဒ်မ (၄၃)အရ ကုန်အညွှန်းအမှတ်အသားများ ဖော်ပြရာတွင် မြန်မာဘာသာဖြင့်ဖြစ်​စေ၊ မြန်မာဘာသာနှင့် အခြားဘာသာ တစ်ခု (သို့) တစ်ခုထက်ပို၍ဖြစ်​စေ တွဲလျက် ဖော်ပြရမည်ဖြစ်​ကြောင်းနှင့် တားမြစ်အလှကုန်များကို ဈေကွက်အတွင်း ရောင်းချခြင်းမပြုရန်၊ သက်တမ်းလွန်အလှကုန်များ ဈေးကွက်အတွင်း ရှိ/မရှိကို စစ်ဆေး‌ဆောင်ရွက်ပြီး  စီးပွားရေးလုပ်ငန်းရှင်များအ​နေဖြင့်  လိုက်နာ​ဆောင်ရွက်ခြင်း ရှိ/ မရှိ စျေးကွက်​စောင့်ကြည့် စစ်​ဆေးခြင်း​ဖြစ်ကြောင်း သိရသည်။

DOCA (ဧရာဝတီ)

           ပြည်တွင်းဆန်စက်များ စစ်ဆေးခြင်းသည် ဆန်အရည်အသွေး၊ သိုလှောင်မှုနှင့် သတ်မှတ်ဈေးနှုန်းများ စနစ်တကျ ရှိ/မရှိ  (၂၆-၆-၂၀၂၆) ရက်နေ့၊  နံနက်(၁၀း၃၀)  နာရီအချိန်တွင် ညောင်တုန်းမြို့နယ်စားသုံးသူရေးရာဦးစီးဌာနမှ တာဝန်ရှိသူများသည် ညောင်တုန်းမြို့နယ်အတွင်းရှိ ဆန်ဆိုင်နှင့် ဆန်စက်များသို့ ကွင်းဆင်းစစ်ဆေးခဲ့ကြောင်း သိရသည်။

          ထိုသို့ ကွင်းဆင်းစစ်ဆေးရာတွင် ဆန်စက်များတွင် စားသုံးသူရေးရာဦးစီးဌာနနှင့် အထူးစုံစမ်းစစ်ဆေးရေးဦးစီးဌာနတို့က ပူးပေါင်း၍ ဆန်ဈေးနှုန်းကြီးမြင့်မှု မဖြစ်ပေါ်စေရန်နှင့် ဈေးကစားရန် ရည်ရွယ်ချက်ဖြင့် သိုလှောင်ထားခြင်း ရှိ/မရှိ စစ်ဆေးခြင်း၊ ဆန်စက်များတွင် စပါး၊ ဆန်၊ ဆန်ကွဲတို့၏ အရည်အသွေးများကို စစ်ဆေးခြင်း၊ သိုလှောင်ရုံပမာဏ သတ်မှတ်ချက်များနှင့် ကိုက်ညီမှုရှိမရှိနှင့် မြေပြင်လက်ကျန်စာရင်းများ ကောက်ယူခြင်း၊ ပြည်ပ (ဥပမာ- တရုတ်နိုင်ငံ) သို့ ဆန်တင်ပို့ရန် လျှောက်ထားသည့် ကုမ္ပဏီများ၏ ဆန်စက်များကို အရည်အသွေးပြည့်မီမှု ရှိ/မရှိ စစ်ဆေးခြင်း၊ မြန်မာနိုင်ငံဆန်စပါးအသင်းချုပ် (MRF) ၏ သတ်မှတ်ချက်များ- စစ်ဆေးရာတွင် MRF မှ ထုတ်ပြန်ထားသော ရည်ညွှန်းဈေးနှုန်းများဖြင့်သာ ရောင်းချရန်လိုအပ်ပြီး၊ လိုက်နာမှုမရှိပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း ရှင်းလင်းခဲ့ပြီး ဆန်စက်များ လိုက်နာရမည့် စည်းကမ်းသတ်မှတ်ချက်များ၊ ပြည်ပသို့ဆန်တင်ပို့ခြင်း ဆိုင်ရာစစ်ဆေးမှုလုပ်ငန်းစဉ်များကို ဆန်စက်များ မှတ်ပုံတင်ခြင်းနှင့် သိုလှောင်ရုံခွင့်ပြုချက် လျှောက်ထားခြင်းတို့ကို မေးမြန်းစစ်ဆေးခဲ့ကြောင်း သိရှိရပါသည်။

DOCA(ဧရာဝတီ)

        စားသုံးသူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်း ရောင်းချနေသော စားသုံးဆီ(ဘူးဆီ)များ၊ စားအုန်းဆီရောင်းချသောဆိုင်များအား စားသုံးသူရေးရာဦးစီးဌာနနှင့် သက်ဆိုင်ရာဌာနများမှ ကွင်းဆင်းစစ်ဆေးလျက်ရှိပြီး ၂၅-၆-၂၀၂၆ ရက်နေ့က ဈေးကွက်စောင့်ကြည့်စစ်ဆေးခဲ့ကြောင်း သိရသည်။

     ကွင်းဆင်းစစ်ဆေးဆောင်ရွက်ရာတွင် မအူပင်မြို့နယ် လက်လီဆိုင် (၂၅)ဆိုင်နှင့် ဘူးဆီရောင်းချသော ဆိုင် ၆ဆိုင်တို့အား စစ်ဆေးဆောင်ရွက်ခဲ့ပြီး ဘူးဆီရောင်းချသော ဆိုင်များတွင် ကုန်ပစ္စည်းအမည်၊ အမျိုးအစား၊ ထုတ်လုပ်/တင်သွင်းခွင့် အချက်အလက်နှင့် သတ်မှတ်ချက်များ ပြည့်စုံမှုရှိမရှိ စားသုံးသူရေးရာဦးစီးဌာန၏ လမ်းညွှန်ချက်နှင့်အညီ စစ်ဆေးခြင်း၊ ဘူးသွပ်ဆီများတွင် သုံးစွဲရန်သင့်လျော်ကြောင်း FDA ထောက်ခံချက်အမှတ်ပါဝင်ခြင်းနှင့် ⁠မြန်မာဘာသာဖြင့် ဖော်ပြထားခြင်း ရှိ/မရှိ စစ်ဆေးခြင်း၊ စားသုံးဆီလက်လီဆိုင်များကို စစ်ဆေးရာ အခြေခံစားသုံးသူများ သက်သာသောဈေးနှုန်းဖြင့် ဝယ်ယူနိုင်ရန် အစိုးရမှ သတ်မှတ်ထားသော ရည်ညွှန်းဈေးနှုန်းအတိုင်း ရောင်းချခြင်း ရှိ၊ မရှိ စစ်ဆေးခြင်း၊ ခွဲတမ်းရရှိထားသော စားအုန်းဆီများကို စားသုံးသူများထံ အမှန်တကယ် တိုက်ရိုက်ရောင်းချခြင်း ရှိ/ မရှိ မြေပြင်တွင် လိုက်လံစစ်ဆေးခြင်း၊ ဆီများကို သိုလှောင်ထားပြီး ဈေးနှုန်းမြှင့်တင်ရောင်းချခြင်း (သို့မဟုတ်) မမှန်မကန် ဈေးကစားခြင်းများမရှိစေရန် စစ်ဆေးဆောင်ရွက်ခြင်းများပြုလုပ်ခဲ့ပြီး လုပ်ငန်းရှင်များအား ပြင်ပဆီဈေးနှုန်းရောင်းချမှု အခြေအနေများကို မေးမြန်းခဲ့ပြီး ဈေးနှုန်းအခြေအနေများကို စစ်ဆေးဆောင်ရွက်ခဲ့ကြောင်းသိရပြီး လုပ်ငန်းရှင်များမှ သတ်မှတ်ချက်များအတိုင်း ရောင်းချလျက်ရှိသည်ကို စစ်ဆေးတွေ့ရှိရကြောင်း သိရှိရပါသည်။

DOCA(ဧရာဝတီ)

         ဧရာဝတီတိုင်းဒေသကြီး၊ မအူပင်ခရိုင်၊ မအူပင်မြို့နယ်အတွက် ၂၀၂၆ခုနှစ် ဇွန်လအတွင်း စက်မှုလုပ်ငန်းသုံးဆီများ လုပ်ငန်းရှင်များထံ သတ်မှတ်ရည်ညွှန်းဈေးအတိုင်း ဝယ်ယူအသုံးပြု ဆီထုတ်ယူနိုင်ရေးကို ခရိုင်စားသုံးသူရေးရာဦးစီးဌာနမှ လုပ်ငန်းရှင်များထံဆက်သွယ်၍ ဖြန့်ခွဲနိုင်ရေးကို မြို့နယ်တာဝန်ရှိသူများထံ လမ်းညွှန်စစ်ဆေးဆောင်ရွက်လျက်ရှိပြီး  မအူပင်၊ ပန်းတနော်၊ ညောင်တုန်း၊ ဓနုဖြူမြို့နယ် ဆီလက်ကားကိုယ်စားလှယ်များထံ ထုတ်ယူနိုင်ရေးကို ကြပ်မတ်ဆောင်ရွက်ခဲ့ကြောင်း သိရသည်။

         ၂၈.၆.၂၀၂၆ရက်နေ့ ညနေတွင် ပန်းတနော်မြို့နယ် လုပ်ငန်းများအား စက်မှုလုပ်ငန်းသုံးဆီ ထုတ်ပေးလျက်ရှိပြီး (၃)ကြိတ်မြောက် ဆီဖြန့်ခွဲမှု အခြေအနေဖြစ်ပြီး ပန်းတနော်မြို့နယ်အနေဖြင့် ဆီရရှိပြီး စနစ်တကျဖြန့်ခွဲကာ လုပ်ငန်းရှင်များမှ လုပ်ငန်းသုံးဆီလာရောက်ထုတ်ယူလျက်ရှိပြီး လုပ်ငန်းအရေအတွက် ၈၀မှ ပိဿာ ၂၂၀ တန်အနေဖြင့် ၀.၃၆တန်၊ ပေပါ ၂ပေပါကိုလည်းကောင်း၊ မအူပင်မြို့နယ်မှ လုပ်ငန်းအရေအတွက် ၁၀၂ အား ဆီပိဿာ ၃၃၀ပိဿာ ပေပါ ၃ပေပါနှင့် တန်အားဖြင့် ၀.၅၄တန်ကိုလည်းကောင်း၊ ညောင်တုန်းမြို့နယ်အနေဖြင့် လုပ်ငန်း ၁၂၈ခုမှ ဆီပိဿာ ၄၄၀၊ ပေပါ ၄ပေပါ၊ တန်အားဖြင့် ၀.၇၂ တန်ကိုလည်းကောင်း၊ ဓနုဖြူမြို့နယ်မှ လုပ်ငန်း ၉၉ခုမှ ဆီပိဿာ ၂၂၀အား ပေပါအနေဖြင့် ၂ပေပါ၊ တန်အားဖြင့် ၀.၃၆ တန်ကိုလည်းကောင်း ထုတ်ယူရရှိကြပြီး သက်ဆိုင်ရာမြို့နယ်များမှ လုပ်ငန်းရှင်များထံ ဆက်သွယ်၍ လုပ်ငန်းသုံးဆီငွေပေးသွင်း၍ စနစ်တကျထုတ်ယူမှု အခြေအနေများကို စားသုံးသူရေးရာဦးစီးဌာနမှ ကြပ်မတ်ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

      (၂၄.၆.၂၀၂၆)ရက်နေ့၊ နေလယ်(၁၃:၃၀)နာရီအချိန်တွင် ဓနုဖြူမြို့နယ်အတွင်းရှိ လိုတိုင်းရသောက်ရေ သန့်စက်ရုံ၊ UNT သောက်ရေသန့်လုပ်ငန်း ၂ခု အား မြို့နယ်ကျန်းမာရေး၊မြို့နယ် စည်ပင်တို့နှင့်ပူးပေါင်း၍ဈေးကွက်မရောက်မီ ထုတ်လုပ်ဖြန့်ဖြူးဿောကုန်စည်များအား ထုတ်ကုန် လုံခြုံစိတ်ချရမှု ရှိစေရေးအတွက် ကွင်းဆင်းစစ်ဆေးခဲ့ကြောင်း သိရသည်။

         စစ်ဆေးဆောင်ရွက်ရာတွင် ဓနုဖြူမြို့နယ်တာဝန်ခံရုံးမှ မြို့နယ်ဦးစီးမှူးနှင့် ဝန်ထမ်းများသည် ရေသန့်စက်ရုံမှ ထုတ်လုပ်ဖြန့်ဖြူးသော ရေသန့်ဗူးအမျိုးမျိုးတွင် ကုန်အညွှန်းအမှတ် အသားပြည်စုံမှု ရှိ/မရှိနှင့် FDA ထောက်ခံချက်ရရှိပြီး ထုတ်လုပ်ကုန်စည်များ သန့်ရှင်းမှုရှိစွာ ထုတ်လုပ်မှုကျင့်စဉ်အတိုင်း ဆောင်ရွက်ထားခြင်းရှိ/မရှိ ကိုစစ်ဆေးဆောင်ရွက်ခဲ့ပြီး စက်ရုံပိုင်ရှင်အား သောက်ရေသန့်များ ထုတ်လုပ်ဖြန့်ဖြူးရောင်းချရာ တွင်လည်း ကုန်အညွှန်းအမှတ်အသား ပြည့်စုံမှန်ကန်စွာ ဖော်ပြပါရှိသော သောက်ရေသန့်များကိုသာ ထုတ်လုပ်ဖြန့်ဖြူးရောင်းချရန် အသိပညာပေးဆွေးနွေးခဲ့ပြီး ကုန်အညွှန်းအမှတ်အသား ဖော်ပြခြင်းဆိုင်ရာ လက်ကမ်းစာစောင်များ ဖြန့်ဝေခဲ့ကြောင်း သိရှိရပါသည်။

DOCA(ဧရာဝတီ)