HighLight News

         စားသုံးသူရေးရာဦးစီးဌာန ကြံခင်းမြို့နယ်တာဝန်ခံသည် မြို့နယ်စည်ပင်သာယာရေးအဖွဲ့၊ ရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ မြို့နယ်ပြည်သူ့ကျန်းမာရေးဦးစီးဌာနတို့ ပူးပေါင်းအဖွဲ့ သည် (၅.၃.၂၀၂၅) ရက် နေ့ နံနက်(၀၉:၃၀)နာရီအချိန်တွင် ကြံခင်းမြို့နယ်၊ ရွာသစ်ရပ်ကွက်၊ မြို့မဈေးအတွင်းရှိ အခြေခံစားသောက်ကုန် ကုန်စည်အရောင်းဆိုင်များအား ဈေးကွက်စောင့်ကြည့် စစ်ဆေးခြင်းများ ဆောင်ရွက်ခဲ့ပါသည်။

           ထိုသို့ကွင်းဆင်းခဲ့ရာတွင် ပူးပေါင်းအဖွဲ့သည် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော စားသောက်ကုန်စည်များတွင် ကုန်အညွှန်းအမှတ်အသား ပြည့်စုံမှန်ကန်စွာဖော်ပြထားသော ကုန်စည်များကိုသာရောင်းချရန်၊ တရားမဝင်တားမြစ်ထားသော ကုန်စည်များ၊ ဓါတုဆိုးဆေးပစ္စည်း သုံးစွဲထားသော ကုန်စည်များရောင်းချမှုမရှိစေရေး ကွင်းဆင်းစစ်ဆေးခဲ့ပြီး၊ စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်းနှင့် တားမြစ်ချက်များအကြောင်း၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများ စိတ်ကျေနပ်မှုရှိစေရေးနှင့်သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်စသည်တို့ကို အသိပညာပေးဆွေးနွေးခဲ့ပြီး၊ စားသောက် ကုန်စည်အရောင်းဆိုင်(၅)ဆိုင်အား ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ကြကြောင်း သိရှိရပါသည်။

DOCA(ဧရာဝတီ)

          စားသုံးသူရေးရာဦးစီးဌာန ၊မြန်အောင်မြို့နယ်ဦးစီးမှူးရုံးမှ ဒု-ဦးစီးမှူး ဒေါ်ယဉ်ယဉ်ထွန်းသည် (၆.၃.၂၀၂၅)ရက်နေ့ နံနက်(၁၀:၃၀) နာရီအချိန်တွင် မြန်အောင်မြို့နယ်၊ ပြန်ကြားရေးနှင့်ပြည်သူ့ဆက်ဆံ ရေးဦးစီးဌာန၊လူထုအခြေပြုဗဟိုဌာန(Community Centre)ခန်းမ၌ ကမ္ဘာ့စားသုံးသူအခွင့်အရေးများနေ့အကြောင်း အသိပညာပေး  Talk Show အစီအစဉ်ကိုဆောင်ရွက်ခဲ့ပါသည်။

          အဆိုပါ အစီအစဉ်တွင် ဒု-ဦးစီးမှူး ဒေါ်ယဉ်ယဉ်ထွန်းက ၁၉၈၃ ခုနှစ်မှစ၍ နှစ်စဉ်မတ်လ(၁၅) ရက်နေ့ကို ကမ္ဘာ့စားသုံးသူအခွင့်အရေးများနေ့ အဖြစ်သတ်မှတ်ရန် Consumer International(CI) အဖွဲ့အစည်းမှ Anwar Fazal မှ အဆိုပြုခဲ့ခြင်းဖြစ်ပြီး၊ ထိုမှအစပြု၍ နှစ်စဉ်နှစ်တိုင်း မတ်လ(၁၅)ရက်နေ့ကိုသတ်မှတ်၍ စားသုံးသူလှုံ့ဆော် ဆောင်ရွက်မှုများကို ကျင်းပပြုလုပ်ခဲ့ကြောင်း၊ ဆက်လက်၍ စားသုံးသူအခွင့်အရေးဆိုသည်မှာ၊ စားသုံးသူအခွင့်အရေးစတင်ဖြစ်ပေါ်လာပုံ သမိုင်းကြောင်း၊ ကမ္ဘာ့စားသုံးသူအခွင့်အရေးများနေ့ အခမ်းအနားများအား နှစ်စဉ်ကျင်းပဆောင်ရွက်ခဲ့မှုများအကြောင်း၊ Media Campaign ဆောင်ရွက်မှု၊ နှစ်အလိုက် အခမ်းအနားများကျင်းပဆောင်ရွက်မှုအခြေအနေများအား အသိပညာပေးဆွေးနွေးခြင်းကို ဆောင်ရွက်ခဲ့ကြောင်း သိရှိရပါသည်။

DOCA(ဧရာဝတီ)

           စားသုံးသူရေးရာဦးစီးဌာန၊ ဟင်္သာတမြို့နယ်တာဝန်ခံသည် (၅.၃.၂၀၂၅)ရက်နေ့ နေ့လယ် (၁၃:၀၀) နာရီအချိန်တွင် ဟင်္သာတမြို့နယ်အတွင်းရှိ စတိုးဆိုင်နှင့်ကုန်မျိုးစုံအရောင်းဆိုင်များတွင် CP ကြက်အူချောင်း၊ ဝက်အူချောင်းများ ဖြန့်ဖြူးရောင်းချမှုအခြေအနေအား  ကွင်းဆင်းစစ်ဆေးခြင်းကို  ဆောင်ရွက်ခဲ့ပါသည်။

            ထိုသို့ကွင်းဆင်းခဲ့ရာ အင်္ဂပူမြို့နယ်အတွင်း စတိုးဆိုင်နှင့် ကုန်မျိုးစုံဆိုင်များတွင် CP ကြက်အူချောင်းများသာရောင်းချလျက်ရှိပြီး၊ CP ဝက်အူချောင်းများရောင်းချမှုမရှိကြောင်း တွေ့ရှိရပါသည်။  ထို CP ကြက်အူချောင်းအထုပ်များတွင် မြန်မာနိုင်ငံစားသုံးသူကာကွယ်ရေးကော်မရှင်မှ ထုတ်ပြန်ကြော်ငြာထားသော ညွှန်ကြားချက်အမှတ်(၂/၂၀၁၉)နှင့်အညီ မြန်မာဘာသာဖြင့်ပြည်စုံစွာဖော်ပြထားပြီး၊ သက်ဆိုင်ရာ FDA ထောက်ခံချက်ရရှိထားကြောင်း၊ ကုန်ပစ္စည်းများကို ရန်ကုန်မြို့မှ မှာယူရောင်းချပြီး ကုန်အညွှန်းအမှတ်အသား ပြည့်စုံစွာဖော်ပြထားသည့် ကုန်စည်များကိုသာရောင်းချလျက်ရှိကြောင်း စိစစ်တွေ့ရှိရသည်ဟု သတင်းရရှိပါသည်။

DOCA(ဧရာဝတီ)

             စားသုံးသူရေးရာဦးစီးဌာန၊ မြန်အောင်မြို့နယ်တာဝန်ခံသည်(၅.၃.၂၀၂၅)ရက်နေ့ နံနက် (၁၀:၃၀) နာရီအချိန်တွင် မြန်အောင်မြို့၊ စိန်ဝတ်မှုံ(၁)လမ်း၊အမှတ်(၁)ရပ်ကွက်ရှိ “တက်သစ်” မုန့်မျိုးစုံ လုပ်ငန်းရှင်နှင့်တွေ့ဆုံ၍ ပြည်တွင်းကုန်သွယ်မှုဖွံ့ဖြိုးတိုးတက်စေရေးဆွေးနွေးခြင်းကို ဆောင်ရွက်ခဲ့ကြောင်းသိရသည်။

              ထိုသို့တွေ့ဆုံဆွေးနွေးခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစွာအသုံးပြုနိုင်စေရန်၊  ထုတ်ကုန်များလုံခြုံစိတ်ချရမှုရှိစေရန်၊  ကုန်စည်၏အမျိုးအမည်၊ အသားတင်ပမာဏ၊ ထားသိုသိမ်းဆည်းမှုအညွှန်းများအား မြန်မာဘာသာဖြင့်ဖော်ပြရန်နှင့်  ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြနိုင်ရေး၊ သတ်မှတ်အရည်အသွေးပြည့်မီသော ကုန်စည်များကိုသာရောင်းချရန်၊ စီးပွားရေးလုပ်ငန်းရှင်များအနေဖြင့် ထုတ်ပြန်ထားသော ညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့် စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် စားသုံးသူကာကွယ်ရေး ဥပဒေပါ စီးပွားရေးလုပ်ငန်းရှင်၏ တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ကြောင်း သိရှိရပါသည်။

DOCA(ဧရာဝတီ)

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် အရေးကြီးကုန်စည်နှင့်ဝန်ဆောင်မှု ဥပဒေပုဒ်မ၄(ဂ)အရ အွန်လိုင်းစနစ်ဖြင့်ရောင်းချခြင်း (Online Sales)လုပ်ငန်းများကို အရေးကြီး ဝန်ဆောင်မှုလုပ်ငန်းအဖြစ် သတ်မှတ်သည့် အမိန့်ကြော်ငြာစာ(၅၀/၂၀၂၃)ကိုလည်းကောင်း၊ အွန်လိုင်း စနစ်ဖြင့် ရောင်းချခြင်းလုပ်ငန်းနှင့်စပ်လျဉ်း၍ အမိန့်ကြော်ငြာစာ၊ အမိန့်၊ ညွှန်ကြားချက်များ ထုတ်ပြန် ခွင့်ကို ကုန်သွယ်ရေးဦးစီးဌာနအား အပ်နှင်းသည့် အမိန့်ကြော်ငြာစာအမှတ် (၄၉/၂၀၂၃) ကို လည်းကောင်း၊ အွန်လိုင်းစနစ်ဖြင့်ရောင်းချခြင်းလုပ်ငန်များမှတ်ပုံတင် ဆောင်ရွက်ရန်အတွက် အွန်လိုင်းစနစ်ဖြင့်ရောင်းချခြင်းလုပ်ငန်း မှတ်ပုံတင်ခြင်းဆိုင်ရာအမိန့်ကြော်ငြာစာ (၅၁/၂၀၂၃)ကို ၂၁.၇.၂၀၂၃ ရက်နေ့တွင် အတည်ပြုပြဌာန်းခဲ့ပြီးဖြစ်၍ အမိန့်ကြော်ငြာစာထုတ်ပြန်ပြီး (၆)လပြည့် သည့် ၂၀.၁.၂၀၂၄ ရက်နေ့မှစ၍ Mobile Application, Website, Social Media(Facebook  Page, Viber, Messenger, TikTok, YouTube etc.,)ကို အသုံးပြုပြီး ကုန်စည် (သို့) ဝန်ဆောင်မှုများ ရောင်းချ သည့်လုပ်ငန်းများအား အွန်လိုင်းစနစ်ဖြင့်ရောင်းချခြင်းလုပ်ငန်းမှတ်ပုံတင်ဆောင်ရွက်ရန်နှင့် မှတ်ပုံတင် ဆောင်ရွက်ခြင်းမရှိပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူဆောင်ရွက်သွားမည် ဖြစ်ကြောင်းကြေငြာခဲ့ပြီး လျှောက်လွှာတင်သွင်းလာသည့်လုပ်ငန်းများအား စားသုံးသူရေးရာဦးစီး ဌာနမှ မြေပြင်ကွင်းဆင်းစစ်ဆေးဆောင်ရွက်ပြီး မှတ်ပုံတင်လက်မှတ်များ ထုတ်ပေးလျက်ရှိပါသည်။

               အွန်လိုင်းစနစ်ဖြင့်ရောင်းချသည့်လုပ်ငန်းရှင်ပြည်သူများအား မှတ်ပုံတင်ဆောင်ရွက်ရန် သိရှိ နိုင်ရေးအတွက် ၇.၃.၂၀၂၅ရက် သောကြာနေ့တွင် မန္တလေးတိုင်းဒေသကြီး၊ စားသုံးသူရေးရာဦးစီး ဌာနမှ ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့်ပူးပေါင်း၍ အမရပူရမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးမှူးရုံးရှိ Community Centre ၌ မြို့နယ်တာဝန်ခံ ဒေါ်တင်တင်လှ၊ ဦးစီးအရာရှိနှင့် စားသုံးသူရေးရာဦးစီးဌာန၊အမရပူရမြို့နယ်တာဝန်ခံအရာရှိ ဒေါ်အိအိထွေး၊ ဦးစီးအရာရှိ တို့မှ အွန်လိုင်းစနစ်ဖြင့်ရောင်းချခြင်းလုပ်ငန်းများမှတ်ပုံတင်ဆောင်ရွက်ခြင်းဆိုင်ရာ အသိပညာTalk Show ကျင်းပပြုလုပ်ခဲ့ကြောင်းသိရှိရပါသည်။ အဆိုပါဆွေးနွေးပွဲတွင် အွန်လိုင်းစနစ်ဖြင့် ရောင်းချ ခြင်းလုပ်ငန်းမှတ်ပုံတင်ဆောင်ရွက်ခြင်းဆိုင်ရာ အမိန့်ထုတ်ပြန်ချက်၊ အွန်လိုင်းစနစ်ဖြင့်ရောင်းချခြင်း (Online Sales) မှတ်ပုံတင်လက်မှတ် အမျိုးအစား နှင့်မှတ်ပုံတင်သက်တမ်း၊ အွန်လိုင်းစနစ်ဖြင့် ရောင်းချခြင်းလုပ်ငန်းမှတ်ပုံတင်ဆောင်ရွက်ရန်လိုအပ်သည့် လုပ်ငန်းအမျိုးအစားများ၊ မှတ်ပုံတင် ဆောင်ရွက်ရန် လိုအပ်သည့်အချက်အလက်များ၊ မှတ်ပုံတင်ဆောင်ရွက်ခြင်း၏အကျိုးကျေးဇူးများအား အများပြည်သူများသိရှိနိုင်ရေးအတွက် ရှင်းလင်းဆွေးနွေးခဲ့ကြောင်းသတင်းရရှိပါသည်။

DOCA(မန္တလေး)