HighLight News

     ဧရာဝတီတိုင်းဒေသကြီး၊ စားသုံးသူရေးရာကော်မတီ၏ (၆/၂၀၂၃) အစည်းအဝေးကို ၂၀၂၃ခုနှစ်၊ ဒီဇင်ဘာလ (၁၄) ရက်နေ့၊ နေ့လယ် (၁၆:၀၀) နာရီအချိန်တွင် ဧရာဝတီတိုင်းဒေသကြီးအစိုးရအဖွဲ့ရုံး၊ အစည်းအဝေးခန်းမ (၂) တွင်ကျင်းပပြုလုပ်ခဲ့ရာ ဧရာဝတီတိုင်းစားသုံးသူရေးရာကော်မတီဥက္ကဋ္ဌ စီးပွားရေးရာဝန်ကြီး ဦးတင်အေးက အဖွင့်အမှာစကားပြောကြားခဲ့ပြီးနောက် စားသုံးသူရေးရာကော်မတီအနေဖြင့် စားသုံးသူကာကွယ်ရေးလုပ်ငန်းများဆောင်ရွက်သည့်အခါ သက်ဆိုင်ရာအစိုးရဌာန၊ ပုဂ္ဂလိကအဖွဲ့အစည်းများနှင့်ပူး‌ပေါင်းဆောင်ရွက်ခြင်း၊ အကြံညဏ်များရယူခြင်း၊ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်နှင့်အညီ စားသုံးသူကာကွယ်ရေးအသိပညာပေးဟောပြောပွဲများ၊ အလုပ်ရုံဆွေးနွေးပွဲများနှင့် သင်တန်းများကို သက်ဆိုင်ရာဌာနအဖွဲ့အစည်းများနှင့်ပူးပေါင်းဆောင်ရွက်လျက်ရှိကြောင်း ပြောကြားခဲ့ပါသည်။

     ဧရာဝတီတိုင်းဒေသကြီး၊ စားသုံးသူရေးရာကော်မတီအတွင်းရေးမှူး စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးက လက်ရှိစားသုံးသူကာကွယ်ရေးဆိုင်ရာလုပ်ငန်းများနှင့် ရှေ့ဆက် ဆောင်ရွက်မည့်အစီအစဉ်များကို ဖတ်ကြားရှင်းလင်းခဲ့၍ ဧရာဝတီတိုင်းဒေသကြီး၊ စားသုံးသူရေးရောကော်မတီအဖွဲ့ဝင်များက ရှင်းလင်းဆွေးနွေးတင်ပြခဲ့ပါသည်။

    နိဂုံးချုပ်တွင် တိုင်းဒေသကြီးအတွင်း စားသုံးသူအခွင့်အရေးနှင့် အကျိုးစီးပွားထိခိုက်မှုနမူနာများကို ဥပဒေနှင့်အညီ ကာကွယ်ပေးနိုင်ရေးကော်မတီအဖွဲ့ဝင်ဌာနများအနေဖြင့်လည်း စားသုံးသူရေးရာဦးစီးဌာနနှင့်အတူ ပူးပေါင်းပါဝင်ဆောင်ရွက်ရန် နိဂုံးချုပ်အမှာစကားပြောကြားခဲ့ကြောင်းသိရှိရပါသည်။

DOCA(ဧရာဝတီ)

      ဧရာဝတီတိုင်းဒေသကြီး၊ ကျုံပျော်ခရိုင်၊ ကျုံပျော်မြို့တွင် ၂၀၂၃ခုနှစ်၊ ဒီဇင်ဘာလ (၁၇) ရက်နေ့၌ MSMEs ဒေသထွက်ကုန်စည်ပြပွဲကျင်းပပြုလုပ်ခဲ့ရာ နိုင်ငံတော်စီမံအုပ်ချုပ်ရေးကောင်စီအဖွဲ့ဝင် မန်းငြိမ်းမောင်၊ ဧရာဝတီတိုင်းဒေသကြီးအစိုးရအဖွဲ့ဝန်ကြီးချုပ် ဦးတင်မောင်ဝင်းနှင့်ဝန်ကြီးများ  ကျုံပျော်ခရိုင်အတွင်းရှိ ဌာနဆိုင်ရာများ၊ မြို့မိမြို့ဖများတက်ရောက်ခဲ့ပါသည်။

    အဆိုပါပြုပွဲတွင် စက်ပစ္စည်းအရောင်းပြခန်း၊ မြန်မာ့ပီလောပီနံနှင့် ပီလောပီနံကော်မှုန့်ပါဝင်သည့် လူသုံးကုန်၊ စားသောက်ကုန်များ၊ ပီလောပီနံတိရစ္ဆာန်အစာ၊ ပီလောပီနံမှထုတ်လုပ်သော သဘာဝမြေဩဇာ၊ ငှက်ပျောနှင့် ငှက်ပျောချည်ဖြင့်ပြုလုပ်သည့် လက်မှုထည်များ၊ ကြက်အူချောင်း၊ ဝက်အူချောင်း၊ ဆီထွက်ကုန်ပစ္စည်းများ၊ ဒေသထွက်ကုန်ပြခန်းများ၊ ဆန်၊ ဆန်ထွက်ပစ္စည်းပြခန်းများ၊ ငါးလုပ်ငန်းဦးစီးဌာန၊ မွေးမြူရေးနှင့်ကုသရေးဦးစီးဌာနပြခန်း၊ ဒေသထွက် ကြိမ်၊ ဝါး၊ ဗေဒါလက်မှုပစ္စည်းများ၊ နုထွေးလက်ဖက်နှင့်ချင်းသုပ်လုပ်ငန်းပြခန်းများပါဝင်ပြသ၍ ထိုသို့ ဒေသထွက်ကုန်စည်ပြပွဲများကျင်းပပြုလုပ်ပြီး မိမိတို့ဝယ်လိုသည့်ကုန်စည်များကို တစ်နေရာတည်းတွင် တစ်စုတစ်ဝေးတည်းဝယ်ယူနိုင်ပြီး ပြည်တွင်းဈေးကွက်တွင်သာမက ပြည်ပဈေးကွက်သို့ပါထိုးဖောက်နိုင်ရန် ဈေးကွက်အခွင့်အလမ်းများလည်းရရှိလာနိုင်မည်ဖြစ်ကြောင်း ရေးသားလိုက်ရပါသည်။

DOCA(ဧရာဝတီ)

     စားသုံးသူရေးရာဦးစီးဌာန၊ ဟင်္သာတမြို့နယ်၊ မြို့နယ်တာဝန်ခံသည် (၁၅-၁၂-၂၀၂၃) ရက်နေ့ ၊ နေ့လယ် (၁၃:၀၀) နာရီအချိန်တွင် ရုံးကြီးရပ်ကွက်၊ မြို့နယ်ထွေအုပ်ရုံး၌ ဆီလုပ်ငန်းရှင်များအား စားသုံးသူကာကွယ်ရေးအသိပညာပေးဟောခဲ့ပါသည်။

      ဟောပြောပွဲတွင် မြို့နယ်တာဝန်ခံက စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကို လိုက်၍ ကုန်အညွှန်းအမှတ်အသားများ ပြည့်စုံမှန်ကန်စွာဖော်ပြခြင်းရှိ/မရှိတို့ကိုစစ်ဆေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်မှထုတ်ပြန်ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည်စုံစွာဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသောကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း၊ စားသုံးသူမိဘပြည်သူများအနေဖြင့်လည်း စားသုံးသူရေးရာဦးစီးဌာန၏ လုပ်ငန်းဆောင်ရွက်ချက်များအကြောင်းကိုသိရှိလိုပါက www. doca. gov. mm Website တွင် ဝင်ရောက်လေ့လာနိုင်ကြောင်း စသည့တို့ကို အသိပညာပေးဟောပြောခဲ့ကြောင်းသိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ ဇလွန်မြို့၊ မြို့နယ်တာဝန်ခံသည် မိတ်ဖက်ဌာနဆိုင်ရာများနှင့်ပူးပေါင်း၍  ဇလွန်မြို့၊ မြို့မဈေးအတွင်းရှိ ကုန်မျိုးစုံဆိုင်များအား (၁၁-၁၂-၂၀၂၃)ရက်နေ့၊ နံနက် (၉:၀၀) နာရီအချိန်တွင် ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ပါသည်။

     ထိုသို့ကွင်းဆင်းစစ်ဆေးခဲ့ရာတွင် စားသုံးသူမိဘပြည်သူများ ဘေးအန္တရာယ်ကင်းရှင်းစေရန်အတွက် ဈေးကွက်အတွင်းရောင်းချနေသော ကုန်စည်များပေါ်တွင် ကုန်စည်အမျိုးအစားကိုလိုက်၍ ကုန်အညွှန်းအမှတ်အသားများပြည့်စုံမှန်ကန်စွာဖော်ပြခြင်းရှိ/မရှိတို့ကိုစစ်ဆေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်မှထုတ်ပြန်ကြော်ငြာထားသော ညွှန်ကြားချက်အမှတ် (၂/၂၀၁၉) နှင့်အညီ မြန်မာဘာသာဖြင့် ပြည့်စုံစွာဖော်ပြထားသော ကုန်စည်များကိုသာရောင်းချရန်နှင့် စီးပွားရေးလုပ်ငန်းရှင်များအနေဖြင့် ထုတ်ပြန်ထားသောညွှန်ကြားချက်များအတိုင်း လိုက်နာဆောင်ရွက်ရန်၊  ကုန်စည်နှင့်စပ်လျဉ်း၍ အာမခံချက်ပေးရာတွင် စားသုံးသူများစိတ်ကျေနပ်မှုရှိစေရေးနှင့် သတ်မှတ်အရည်အသွေးပြည့်မီသောကုန်စည်များကိုသာရောင်းချရန်၊ စားသုံးသူကာကွယ်ရေးဥပဒေပါ စီးပွားရေးလုပ်ငန်းရှင်၏တာဝန်များအကြောင်း၊ တားမြစ်ချက်များအကြောင်းနှင့် ပြစ်မှုပြစ်ဒဏ်များအကြောင်း စသည်တို့ကို အသိပညာပေးဆွေးနွေးခဲ့ပြီး ကုန်မျိုးစုံဆိုင်(၅)ဆိုင်အား ဈေးကွက်စောင့်ကြည့်စစ်ဆေးခြင်းများဆောင်ရွက်ခဲ့ကြောင်းသိရှိရပါသည်။

DOCA(ဧရာဝတီ)

  မကွေးတိုင်းဒေသကြီး၊ ဆန်စပါးကုန်သည်များအသင်း၏ အကြောင်းကြားလာမှုအရ ပွင့်ဖြူမြို့နယ်၊ အထွေထွေအုပ်ချုပ်ရေးဦးစီးဌာန၊ ဗိုလ်ဥတ္တမခန်းမ၌ (၁၂-၁၂-၂၀၂၃)ရက်နေ့၊ နံနက်(၁၀:၀၀) နာရီအချိန်တွင် ပွင့်ဖြူမြို့နယ်၏ ဆန်၊ စပါးကုန်သည်များအသင်း(၂၀၂၄-၂၀၂၇)အား ပြန်လည်ဖွဲ့စည်းနိုင်ရန်အတွက် မြို့နယ်အထွေထွေဦးစီးဌာန၏ ပံ့ပိုးကြီးကြပ်လမ်းညွှန်မှုဖြင့် ကြီးမှူးကျင်းပခဲ့ပါသည်။

      အဆိုပါ ဆန်၊ စပါးကုန်သည်များအသင်းခွဲ(၂၀၂၄-၂၀၂၇)အား ပြန်လည်ဖွဲ့စည်းနိုင်ရန်အတွက် ပွင့်ဖြူမြို့နယ်မှ ဆန်၊ စပါးကုန်သည်(၃၅)ဦးတက်ရောက်ခဲ့ပြီး မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ်အုပ်ချုပ်ရေးမှူး ဦးအောင်မြတ်ခိုင်က “ပွင့်ဖြူမြို့နယ်အတွက် ဆန်၊ စပါးကုန်သည်အသင်းတွင်ပါဝင်မည့် အသင်းသားများသည် မိမိမြို့နယ်အတွက် ဦးဆောင်၍ ဆောင်ရွက်ပေးနိုင်မည့်သူများ၊ အထက်အဖွဲ့အစည်းအဆင့်ဆင့်၏ညွှန်ကြားချက်၊ လမ်းညွှန်ချက်များကိုလည်း မိမိအသင်းသားများအား အချိန်နှင့်တပြေးညီ ချပြနိုင်သူများ၊ ဌာနဆိုင်ရာများနှင့်လည်းပူးပေါင်းဆောင်ရွက်ပေးနိုင်မည့်သူများကိုသာ ဦးစားပေးရွေးချယ်ပေးစေလိုကြောင်း၊ အဖွဲ့အစည်းနှင့်ဆောင်ရွက်ရာတွင် တစ်ဦးကောင်း၊ တစ်ယောက်ကောင်းဖြင့် ဆောင်ရွက်၍မရကြောင်း၊ ညီညီညွတ်ညွတ်၊ စည်းစည်းလုံးလုံးနှင့် အားလုံးပူးပေါင်းပါဝင်ဆောင်ရွက်ကြစေလိုကြောင်း ရှင်းလင်းဆွေးနွေးခဲ့ပြီး စားသုံးသူရေးရာဦးစီးဌာန၊ မြို့နယ်တာဝန်ခံ ဒု-ဦးစီးမှူး ဒေါ်ဌေးဌေးဝင်းက အသင်းအား အနည်းဆုံး (၇)ဦး၊ မဂဏန်းဖြင့်သော်လည်းကောင်း၊ (၉)ဦးဖြင့်သော်လည်းကောင်းဖွဲ့စည်းပြီး တိုင်းအဆင့်တွင်ပါဝင်နိုင်မည့်သူ(၂)ဦးကိုလည်း တစ်ပါတည်းရွေးချယ်ပေးရမည်ဖြစ်ကြောင်း၊ ထိုသို့ရွေးချယ်ရာတွင် ဆန်၊ စပါးကုန်သည်များကိုယ်တိုင် မိမိတို့စိတ်ကြိုက်ရွေးချယ်ပေးရမည်ဖြစ်ပကြောင်း ရှင်းလင်းဆွေးနွေးခဲ့ပါသည်။

      ထို့နောက် ပွင့်ဖြူမြို့၏ ဆန်၊ စပါးကုန်သည်အသင်း(၂၀၂၄-၂၀၂၇)အား ဥက္ကဋ္ဌ၊ ဒု-ဥက္ကဋ္ဌ၊ အတွင်းရေးမှူး၊ တွဲဖက်အတွင်းရေးမှူး၊ ဘဏ္ဍာရေးမှူး၊ စာရင်းစစ်(၁)၊ စာရင်းစစ်(၂)တို့အပါအဝင် အသင်းသားအမှုဆောင်(၁၅)ဦးနှင့် တိုင်းကိုယ်စားလှယ်အဖြစ် ဥက္ကဋ္ဌနှင့် အတွင်းရေးမှူးတို့အား  ရွေးချယ်တင်မြှောက်ခဲ့ကြောင်းသိရှိရပါသည်။

DOCA(မကွေး)