HighLight News

  “နိုင်ငံ့စီးပွားရေးအခြေအနေကောင်းများဖန်တီးနိုင်မှသာလျှင် နိုင်ငံဖွံ့ဖြိုးတိုးတက်အောင်ဆောင်ရွက်နိုင်မည်” ဆိုသည့်မူဝါဒနှင့်အညီ လုပ်ငန်းများအကောင်အထည်ဖော်ဆောင်ရွက်ရန်နှင့် နိုင်ငံ့စီးပွားရန်ပုံငွေထူထောင်၍  လယ်ယာစိုက်ပျိုးရေးကဏ္ဍတွင် တောင်သူများ၏ စိုက်ပျိုးထုတ်လုပ်မှုဖွံ့ဖြိုးတိုးတက်ပြီး တစ်ဦးချင်းဝင်ငွေတိုးတက်လာစေရန်တို့အတွက် နိုင်ငံ့စီပွားရန်ပုံငွေဖြင့်ဆောင်ရွက်မည့် မိုးစပါးစီမံကိန်းသည်လည်း တစ်ခုအပါအဝင်ဖြစ်ပါသည်။ အဆိုပါစီမံကိန်းသတ်မှတ်မူဘောင်အပေါ် တောင်သူများအနေဖြင့် သွင်းအားစုများထည့်သွင်းအသုံးပြုခြင်း၊ တစ်ဧကအထွက်နှုန်းပိုမိုတိုးတက်လာစေရန် ဈေးနှုန်းနှင့်ဈေးကွက်သေချာခြင်း၊ တောင်သူများ ဝင်ငွေပိုမိုရရှိစေခြင်းဖြင့် နိုင်ငံ့စီးပွားတိုးတက်မြင့်မားလာစေရန်၊ ပုဂ္ဂလိကလုပ်ငန်းရှင်များ ပြည်ပဈေးကွက်များသို့ ပိုမိုချိတ်ဆက်မှုရှိစေရန်နှင့် ပူးပေါင်းဆောင်ရွက်သည့်အလေ့အကျင့်ကောင်းများရရှိလာစေရန်တို့ကိုရည်ရွယ်၍ အကောင်အထည်ဖော်ဆောင်ရွက်ခဲ့ခြင်းဖြစ်ပါသည်၊၊

    နိုင်ငံ့စီးပွားရန်ပုံငွေဖြင့်ဆောင်ရွက်သည့် မိုးစပါးစီမံကိန်းကို မိုးစပါးသီးနှံအတွက် တစ်ဧကလျှင် ချေးငွေ(၂၀၀၀၀ဝိ/-) ကျပ်နှင့်ညီမျှသည့် သွင်းအားစုပစ္စည်းများရရှိအောင်ဆောင်ရွက်ခြင်း၊ တောင်သူများအနေဖြင့် ချေးငွေပြန်လည်ပေးအပ်ရာတွင် ချေးငွေပမာဏနှင့်ညီမျှသော သီးနှံထွက်ကုန်အား ဝယ်ယူကြိတ်ခွဲတင်ပို့သူများအစုအဖွဲ့ထဲသို့ရောင်းချပြီး ၎င်းတို့က နိုင်ငံတော်သို့ ရန်ပုံငွေပြန်လည်ပေးသွင်းရမည့်နည်းလမ်းများအတိုင်း ဆောင်ရွက်ခဲ့ခြင်းဖြစ်ပါသည်၊၊ ယင်းသို့ဆောင်ရွက်ရာ၌ သန်လျင်ခရိုင်အတွင်း ကုမ္ပဏီ(၄)ခု၊ သမအသင်းစု(၄)စုတို့မှ ကျေးရွာအုပ်စု(၁၃)အုပ်စု၊ တောင်သူ(၁၂၉၆) ဦး၊ အစုအဖွဲ့(၆၃) ဖွဲ့ဖြင့် စုစုပေါင်း (၁၃၀၂၅) ဧကကို စာချုပ်ချုပ်ဆို၍ တစ်ဧကလျှင် ကျပ်(၂၀၀၀၀ဝိ/-)နှင့်ညီမျှသော သွင်းအားစုများပေးအပ်ခြင်းဖြင့်လည်းကောင်း၊ သက်ဆိုင်ရာဌာနမှ ကျေးရွာအုပ်စု(၉)အုပ်စု၊ တောင်သူ(၁၁၆) ဦး၊ အစုအဖွဲ့(၁၈) ဖွဲ့၊ စုစုပေါင်း (၁၅၆၉) ဧကတို့ကို ငွေသားထုတ်ချေးပေးခြင်းဖြင့်လည်းကောင်း မိုးစပါးစီမံကိန်းကို အကောင်အထည်ဖော်ဆောင်ရွက်ခဲ့ခြင်းဖြစ်ပါသည်၊၊ နိုင်ငံ့စီးပွားရန်ပုံငွေဖြင့်ဆောင်ရွက်သည့် မိုးစပါးစီမံကိန်းကို တိုင်း/ ခရိုင်၊ မြို့နယ်အသင်းစိုက်ပျိုးမွေးမြူရေးလုပ်ငန်းကြီးကြပ်မှုကော်မတီကိုဖွဲ့စည်းခဲ့ရာ တိုင်းဒေသကြီး/ ပြည်နယ်အစိုးရအဖွဲ့၏အနီးကပ်ကြီးကြပ်မှုဖြင့် စိုက်ပျိုးမွေးမြူရေးနှင့်ဆည်မြောင်းဝန်ကြီးဌာနက တာဝန်ယူကြီးကြပ်ဆောင်ရွက်၍ တောင်သူလယ်သမားအစုအဖွဲ့၊ သမဝါယမအသင်းများ၊ ဝယ်ယူကြိတ်ခွဲတင်ပို့သူများပါဝင်သည့် အစုအဖွဲ့များက အဓိကပါဝင်ဆောင်ရွက်ခဲ့ကြခြင်းဖြစ်ပါသည်၊၊

     ယခုအခါ ရန်ကုန်တိုင်းဒေသကြီး၊ သန်လျင်နှင့် တွံတေးခရိုင်များတွင် (၂၀၂၂-၂၀၂၃)ခုနှစ် မိုးစပါးကို ဧက (၈၀၂၀၀၀)ဧကကျော်စိုက်ပျိုးခဲ့ပြီး (၁၅-၁၁-၂၀၂၃) ရက်နေ့အထိ (၂၇၃၄၀၀)ဧကခန့်ရိတ်သိမ်းပြီးဖြစ်၍ သန်လျင်ခရိုင်ရှိ နိုင်ငံ့စီပွားရန်ပုံငွေဖြစ်ဆောင်ရွက်သည့် တောင်သူများက ဧကအလိုက်ချေးငွေရရှိခဲ့မှုအပေါ် မိုးစပါးတစ်ဧကလျှင် (၂၀၀၀၀ဝိ/-) ကျပ်နှင့်ညီမျှသော ကာလပေါက်ဈေးဖြင့် စပါးပြန်လည်ရောင်းချပေးနိုင်ရေး ခရိုင်အဆင့် စိုက်ပျိုးမွေးမြူရေးလုပ်ငန်းကြီးကြပ်မှုကော်မတီက စီမံဆောင်ရွက်လျက်ရှိနေပြီး လာမည့်ဆောင်းရာသီ သီးနှံဆီထွက်သီးနှံစိုက်ပျိုးရန်လျာထားမှုအတွက်လည်း လိုအပ်သည့်ချေးငွေများထပ်မံထုတ်ချေးပေးနိုင်ရေး ကွင်းဆင်းစီစဉ်ဆောင်ရွက်လျက်ရှိကြောင်းသိရှိရပါသည်၊၊

DOCA(ရန်ကုန်)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ခရိုင်ဦးစီးမှူးရုံးမှ ခရိုင်ဦးစီးမှူး ဦးဇော်မင်းနှင့်ခရိုင်ရုံးဝန်ထမ်းများသည် (၂၂-၁၁-၂၀၂၃)ရက်နေ့၊ နံနက် (၁၀:၀၀)နာရီအချိန်တွင် ပန်းတနော်မြို့ရှိ ဖိုးလမင်း ဆန်စက်သို့သွားရောက်၍ ဆန်စက်လည်ပတ်မှုနှင့် ထုတ်ကုန်လုံခြုံစိတ်ချရမှုရှိစေရန်အတွက် ကွင်းဆင်းစစ်ဆေးခဲ့ကြပါသည်။

     ၎င်းဆန်စက်သို့သွားရောက်၍ ဆန်ထွက်ပစ္စည်းများ ဈေးကွက်အတွင်း ဖြန်ဖြူးရောင်းချရာတွင် ထုတ်ကုန်လုံခြုံစိတ်ချမှုရှိစေရေးအတွက် အသိပညာပေးခြင်း၊ ဆန်စက်လုပ်ငန်းဖွံ့ဖြိုးတိုးတက်စေရေအတွက် ဆန်စက်လုပ်ငန်းရှင်များနှင့်ဆွေးနွေးခြင်း၊ စားသုံးသူကာကွယ်ရေးဥပဒေပါ စားသုံးသူအခွင့်အရေးများအကြောင်း၊ ကုန်အညွှန်းအမှတ်အသားပါဝင်မှသာ ဈေးကွက်အတွင်း ရောင်းချနိုင်မှုရှိစေရေးနှင့် ဆန်စက်မှ ဆန်စပါးထွက်ရှိမှု၊ ကြိတ်ခွဲနိုင်မှုနှင့် ဆန်စပါးဈေးကွက်အခြေအနေများကို အပြန်အလှန်ဆွေးနွေးခဲ့ကြပြီး ထုတ်ကုန်လုံခြုံစိတ်ချရမှုရှိစေရေးကို အလေးပေးဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

   စားသုံးသူရေးရာဦးစီးဌာန၊ ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်ဦးစီးမှူး ဦးအောင်လွင်နှင့်ဝန်ထမ်းများသည် (၂၂-၁၁-၂၀၂၃)ရက်နေ့၊ နံနက်(၁၀:၀၀)နာရီအချိန်တွင် ညောင်တုန်းမြို့နယ်၊ (၈)လမ်းဈေး၊  မြို့မဈေး၊ ရပ်ကွက်ဈေးအတွင်းရှိ စားသုံးဆီများရောင်းချနေသော ကုန်မျိုးစုံဆိုင်(၆)ဆိုင်သို့သွားရောက်ကွင်းဆင်း၍ ကုန်အညွှန်းအမှတ်အသားများပြည့်စုံစွာဖော်ပြပါဝင်ခြင်းရှိ/မရှိ ဈေးကွက်စောင့်ကြည့်စစ်ဆေးခဲ့ကြပါသည်။

     အဆိုပါစစ်ဆေးမှုတွင် ညောင်တုန်းမြို့ရှိ စားသုံးဆီနှင့် ကုန်မျိုးစုံရောင်းချနေသည့်ဆိုင်များ၌ရောင်းချနေသော စားသုံးဆီအမျိုးမျိုးတို့တွင် ဘေးအန္တရာယ်ရှိ/မရှိ၊ ကုန်အညွှန်းအမှတ်အသားဖော်ပြချက်များပါဝင်မှုရှိ/မရှိတို့ကို စားသုံးသူကာကွယ်ရေးဥပဒေနှင့်အညီ လိုက်လံစစ်ဆေးခဲ့ကြပါသည်။ စားသုံးသူများဘေး အန္တရာယ်ကင်းရှင်းရေးအတွက် ဒေသတွင်းအသုံးပြုလျက်ရှိသည့် ကုန်စည်များနှင့်စပ်လျဉ်း၍ ယခုကဲ့သို့ ဈေးကွက်စောင့်ကြည့်စစ်ဆေးခြင်းကို စဉ်ဆက်မပြတ်ဆောင်ရွက်ခြင်း၊ အသိပညာပေးခြင်းတို့ကို သက်ဆိုင်ရာဌာနများနှင့်ပူးပေါင်းကာ ဆောင်ရွက်လျက်ရှိကြောင်းကို ပြောကြားခဲ့ကြောင်း သတင်းရရှိပါသည်။

DOCA(ဧရာဝတီ)

   ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်ခရိုင်၊ ပန်းတနော်မြို့နယ်ဦးစီးမှူးရုံးကိုယ်စား မအူပင်ခရိုင်ဦးစီးမှူး ဦးဇော်မင်းနှင့်အဖွဲ့သည် (၁၈-၁၀-၂၀၂၃)ရက်နေ့၊ နံနက် (၁၀:၀၀)နာရီအချိန်တွင် ပန်းတနော်မြို့ပေါ်ရှိ စားအုန်းဆီအရောင်းဆိုင်(၅)ဆိုင်အား ဈေးကွက်စောင့်ကြည့်စစ်ဆေးခဲ့ကြပါသည်။

     ထိုသို့စစ်ဆေးရာတွင် ခရိုင်ဦးစီးမှူး ဦးဇော်မင်းက ပန်းတနော်ဆီအရောင်းဆိုင်ရှင်များအား  ဆီးအချင်အတွယ်ပြည့်ဝစေရန်နှင့် ဈေးနှုန်းမှန်ကန်စွာရောင်းချကြရန်လိုအပ်ကြောင်း၊ အခြားသောဆီအမျိုးမျိုးတွင်လည်း ကုန်အညွှန်းအမှတ်အသားဖော်ပြပါဝင်ခြင်းမရှိသော ကုန်စည်များရောင်းချခြင်းရှိ/မရှိကို စစ်ဆေးခဲ့ကြပြီး ကုန်စည်များဘေးအန္တရာယ်ကင်းရှင်းရေး၊ ကုန်အညွှန်းအမှတ်အသားဆိုင်ရာ သတ်မှတ်ချက်များနှင့်အညီ ဆောင်ရွက်နိုင်စေရေး၊ လုပ်ငန်းရှင်များအား မိမိတို့ရောင်းချနေသောကုန်စည်များတွင် ကုန်အညွှန်းအမှတ်အသားဖော်ပြရာ၌ မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ ရေးသားဖော်ပြပါဝင်သော ကုန်စည်များကိုသာရောင်းချရန်ကြရန် ကုန်စုံဆိုင်လုပ်ငန်းရှင်များကို အသိပညာပေးပြောကြားခဲ့ကြောင်းသိရှိရပါသည်။

DOCA(ဧရာဝတီ)

    စားသုံးသူရေးရာဦးစီးဌာန၊ စစ်ကိုင်းခရိုင်အနေဖြင့် စားသုံးသူကာကွယ်ရေးအသိပညာပေးလုပ်ငန်းများကို ဌာနဆိုင်ရာများ၊ ကျောင်းများ၊ အသင်းအဖွဲ့များ၊ ရပ်ကွက်/ကျေးရွာများ စသည့်နေရာဒေသများသို့သွားရောက်၍ ကွင်းဆင်းဆောင်ရွက်လျက်ရှိရာ  ၂၀၂၃ခုနှစ်၊ နိုဝင်ဘာလ ၂၁ရက်နေ့၊ နံနက်(၁၀း၃၀)နာရီအချိန်တွင် စစ်ကိုင်းမြို့နယ်၊ လျှပ်စစ်ဓာတ်အားဖြန့်ဖြူးရေးလုပ်ငန်းရှိ    ဝန်ထမ်း(၃၉)ဦးအား စားသုံးသူကာကွယ်ရေးဥပဒေအကြောင်း သိကောင်းစရာများ  အသိပညာပေး ဆွေးနွေးဟောပြောခဲ့ပါသည်။

    ရှေးဦးစွာ စားသုံးသူရေးရာဦးစီးဌာန၊ စစ်ကိုင်းခရိုင်ဦးစီးမှူးရုံးမှ ဒု-ခရိုင်ဦးစီးမှူး ဒေါ်ခင်မြတ်မူက စားသုံးသူရေးရာဦးစီးဌာနပေါ်ပေါက်လာပုံသမိုင်းကြောင်း၊ စားသုံးသူကာကွယ်ရေးဥပဒေကို ၂၀၁၉ခုနှစ်၊  မတ်လ(၁၅)ရက်နေ့တွင်ပြဋ္ဌာန်းခဲ့ပြီး အခန်း(၂၅)ခန်းနှင့် ပုဒ်မ ၈၄ခုပါဝင်ကြောင်း၊ စားသုံးသူကာကွယ်ရေးနည်းဥပဒေကို ၂၀၂၂ခုနှစ်၊ ဇန်နဝါရီလ (၁၈)ရက်နေ့တွင် ပြဋ္ဌာန်းခဲ့ပြီးဖြစ်ပါကြောင်း၊ စားသုံးသူကာကွယ်ရေးဥပဒေ အခန်း(၉)၊ ပုဒ်မ(၁၉)နှင့် ပုဒ်မ(၂၀)တို့တွင် ပြဋ္ဌာန်းထားသည့် စားသုံးသူအခွင့်အရေး (၈)ချက်နှင့် စားသုံးသူ၏တာဝန်များကို ရှင်းလင်းပြောကြားခဲ့ပါသည်။ ဆက်လက်၍ ခရိုင်ဦးစီးမှူး ဒေါ်သန်းသန်းတင်က စားသုံးသူကာကွယ်ရေးဥပဒေ အခန်း (၁၈)၊ ပုဒ်မ (၄၁)တွင် စီးပွားရေးလုပ်ငန်းရှင်သည် ကုန်အညွှန်းအမှတ်အသားဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ သိသာထင်ရှားစွာဖော်ပြရမည့်အချက် (၈)ချက်ကို အသေးစိတ်ရှင်းလင်းပြောကြားခြင်း၊ ပုဒ်မ ၄၁၊ ပုဒ်မခွဲ(ခ)နှင့် ပုဒ်မခွဲ(ဆ)တို့ပါ ကုန်အညွှန်းအမှတ်အသားဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု သို့မဟုတ် တစ်ခုထက်ပို၍တွဲလျက်ဖြစ်စေ ရေးသားဖော်ပြရမည်ဖြစ်ကြောင်း၊ ပုဒ်မ(၄၃)ပါ ပြဋ္ဌာန်းချက်နှင့်ကိုက်ညီမှုမရှိသည့် ကုန်စည်ကိုထုတ်လုပ်ခြင်း၊ ကုန်သွယ်ခြင်း သို့မဟုတ် ရောင်းချခြင်းမပြုရန် ပုဒ်မ(၆၈)၌ ပြဋ္ဌာန်းထားပြီး ပုဒ်မ(၆၈)ပါ တားမြစ်ချက်တစ်ရပ်ရပ်ကို ဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင် ထိုသူကို နှစ်နှစ်ထက်မပိုသော ထောင်ဒဏ်ဖြစ်စေ၊ ကျပ်သိန်း ၂၀၀ထက်မပိုသော ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်နိုင်ကြောင်း၊ စားသုံးသူကာကွယ်ရေးဥပဒေသည် စားသုံးသူများကိုကာကွယ်ပေးခြင်းနှင့် လုပ်ငန်းရှင်များကိုထိန်းကြောင်းပေးသည့် ဥပဒေတစ်ခုဖြစ်ပါကြောင်း၊ ပြည်သူတိုင်းသည် စားသုံးသူများဖြစ်ပြီး စားသုံးသူတိုင်းမှာ စားသုံးသူအခွင့်အရေးများရှိကြောင်း၊ စားသုံးသူအခွင့်ရေးနစ်နာဆုံးရှုံးမှုများဖြစ်ပေါ်ပါက  မိမိတို့ဌာနသို့ လူကိုယ်တိုင်ဖြစ်စေ၊ ဖုန်းဖြင့်ဖြစ်စေ၊ Facebook page မှဖြစ်စေ၊  Website၊ Gmail တို့ဖြင့်ဖြစ်စေ တိုင်ကြားနိုင်ကြောင်းဟောပြောခဲ့ပြီး ဌာနသို့ဆက်သွယ်ရန် လိပ်စာများပါသည့် စားသုံးသူအသိပညာပေးလက်ကမ်းစာစောင်းများဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)