HighLight News

     စားသုံးသူရေးရာဦးစီးဌာန၊ မှော်ဘီမြို့နယ်ခွဲရုံးမှ ဝန်ထမ်းများသည် မှော်ဘီမြို့နယ်အထွေထွေအုပ်ချုပ်ရေးဦးစီးဌာန၊ ရေနံနှင့်ရေနံထွက်ပစ္စည်းဆိုင်ရာလုပ်ငန်းများထိန်းသိမ်းကြီးကြပ်ရေးဆပ်ကော်မတီဝင်များ၊ မြန်မာနိုင်ငံရဲတပ်ဖွဲ့၊ မီးသတ်ဦးစီးဌာနတို့နှင့်ပူးပေါင်း၍ ၁၈-၈-၂၀၂၄ ရက်နေ့၊ နံနက် (၀၉:၀၀)နာရီအချိန်တွင် မှော်ဘီမြို့နယ်အတွင်းရှိ စက်သုံးဆီဆိုင်များသို့သွားရောက်ကာ ကွင်းဆင်းစစ်ဆေးခဲ့ပါသည်။

      ထိုသို့ ကွင်းဆင်းစစ်ဆေးရာတွင် နံနက်(၀၉:၀၀)နာရီအချိန်မှ ညနေ (၁၇:၀၀)နာရီအချိန်ထိ မှော်ဘီမြို့နယ်အတွင်းရှိ စက်သုံးဆီ(၁၄)ဆိုင်အားကွင်းဆင်းစစ်ဆေးခဲ့ရာ PPRD မှ ထုတ်ပြန်ထားသော သတ်မှတ်ရည်ညွှန်းဈေးနှုန်းအတိုင်းရောင်းချခြင်းရှိ/မရှိ၊ စက်သုံးဆီများပြတ်လပ်မှုရှိသည့်ဆိုင်များတွင် လက်ကျန်ဂါလံများတိုင်းတာခြင်း၊ AGD စက်များဖြင့် စစ်ဆေးခြင်းလုပ်ငန်းများဆောင်ရွက်ခဲ့ပြီး ဆီသိုလှောင်ကန်များအား သတ်မှတ်စည်းကမ်းချက်နှင့်အညီ ဆောင်ရွက်ထားခြင်းရှိ/မရှိ ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

     လှိုင်သာယာ(အနောက်ပိုင်း)မြို့နယ်၊ အထွေထွေအုပ်ချုပ်ရေးဉီးစီးဌာန၏ ဦးဆောင်မှုဖြင့် ၁၉-၈-၂၀၂၄ ရက်နေ့၊ နေ့လယ်(၁၅:၅၀)နာရီအချိန်တွင် မြို့နယ်အတွင်းရှိ စက်သုံးဆီဆိုင်များသို့သွားရောက်၍ ကွင်းဆင်းစစ်ဆေးခြင်းလုပ်ငန်းများဆောင်ရွက်ခဲ့ပါသည်။

        ထိုသို့ဆောင်ရွက်ခဲ့ရာတွင် မြို့နယ်စီမံအုပ်ချုပ်ရေးအဖွဲ့ ဥက္ကဋ္ဌ ဉီးစိုးဝင်းနိုင်ပါ (၃)ဦး၊ မြို့မရဲစခန်းမှ ရဲတပ်ကြပ်ကြီး စိုးသန်းပါ (၂)ဦး၊ မြို့နယ်စည်ပင်မှ လ/ထအုပ်ချုပ်ရေးမှူး ဦးစန်းမြင့်၊ မြို့နယ်မီးသတ်ဉီးစီးဌာနမှ ဒု-တပ်ကြပ်သက်ခိုင်နှင့် စားသုံးသူရေးရာဉီးစီးဌာနမှ ဒေါ်နီလာဦးတို့ပူးပေါင်းပါဝင်လျက် Moon Sun, Max, Regency, Denko (2), Denko (3) နှင့် ကမ္ဘာသစ်စက်သုံးဆီဆိုင်များအား ကွင်းဆင်းစစ်ဆေးခဲ့ရာတွင် ဆိုင်အများစုသည် စက်သုံးဆီများပြန်လည်ရရှိနေပြီဖြစ်ပြီး ကားတန်းစီမှုများလည်းလျော့နည်းသွားခဲ့ပြီး ဆီဘောက်ဆာကားများရောက်လျှင်လည်း ချက်ချင်းပေးကြောင်း၊ ညနေပိုင်းတွင်လည်း ဆီကားများအဝင်ရှိမည်ဖြစ်ကြောင်း၊ ပုံး၊ ပေပါများလည်းမရောင်းချကြောင်း၊ သတ်မှတ်ရည်ညွှန်းဈေးများဖြင့်သာ ရောင်းချနေကြောင်း စစ်ဆေးတွေ့ရှိရပါသည်။

DOCA(ရန်ကုန်)

       စားသုံးသူရေးရာဦးစီးဌာနအနေဖြင့် ပြည်တွင်းကုန်သွယ်မှုဖွံ့ဖြိုးရေးလုပ်ငန်းများဆောင်ရွက်ရာတွင် ပြည်တွင်း၌ စားသုံးဆီဖူလုံမှုရှိစေရေးအတွက် ဆီထွက်သီးနှံများကိုအားပေးမြှင့်တင်၍ ပန်းတိုင်ရည်မှန်ချက်အတိုင်း စိုက်ပျိုးထုတ်လုပ်နိုင်ရေး ပြည်တွင်း၌ စားသုံးဆီဖူလုံမှုမှသည် ပြည်ပသို့တင်ပို့နိုင်သည့်အထိ ကြိုးပမ်းနိုင်ရေးကိုလည်း အကောင်အထည်ဖော်ဆောင်ရွက်လျက်ရှိရာ  ပြည်တွင်း၌ ကြိတ်ခွဲလျက်ရှိသည့် ဆီထွက်သီးနှံတို့၏အခြေအနေကိုသိရှိနိုင်ရန် ကွင်းဆင်းဆောင်ရွက်လျက်ရှိကြောင်းသိရှိရပါသည်။

          ထိုသို့ကွင်းဆင်းဆောင်ရွက်ရာတွင် အရှေ့ပိုင်းခရိုင်ဦးစီးမှူးနှင့် ဝန်ထမ်းများက မြောက်ဒဂုံမြို့နယ်၊ (၄၅) ရပ်ကွက်၊ မဟာဗန္ဓုလလမ်း၊ အမှတ် (၃၉) ရှိ Arome  ဆီစက်လုပ်ငန်းအား ၁၄-၈-၂၀၂၄ ရက်နေ့တွင် ဆီကြိတ်ခွဲထုတ်လုပ်မှုအခြေအနေတို့ကို သွားရောက်မေးမြန်းကွင်းဆင်းဆောင်ရွက်ခဲ့ကြောင်းသိရှိရပါသည်။

DOCA(ရန်ကုန်)

     စားအုန်းဆီများ အဆမတန်ဈေးတက်လာမှုကြောင့် အနောက်ပိုင်းခရိုင်အတွင်းရှိ ဆန်စက်များသည် ၁၇-၈-၂၀၂၄ ရက်နေ့တွင် မရမ်းကုန်းမြို့နယ်၊ ကမ္ဘာအေးဈေးနှင့် လှိုင်မြို့နယ်၊ လှိုင်ဈေးကြီးနှင့် လှိုင်ရတနာဈေးတို့တွင် ကြောက်စရာကောင်းသောဆီများရောင်းချမှုရှိ/မရှိ ကွင်းဆင်းစစ်ဆေးခဲ့ရာ ကမ္ဘာအေးဈေးအတွင်းရှိ ဒေါ်ခင်မော်သင်းကုန်မျိုးစုံဆိုင်၊ ဒေါ်တင်မေရီကုန်မျိုးစုံဆိုင်၊ လှိုင်မြို့နယ်၊ လှိုင်ရတနာဈေးတွင် ဒေါ်ဝင်းဝင်းဟန်ကုန်စုံဆိုင်၊ ဦးသန်းတိုးအောင်ဆီဆိုင်၊ ပြည့်စုံသော်ဆီဆိုင်နှင့် လှိုင်မြို့နယ်၊ လှိုင်ဈေးကြီးရှိ ဒေါ်အေးအေးနိုင်ကုန်စုံဆိုင်၊ ဒေါ်မြင့်မြင့်ရီဆီဆိုင်နှင့် ဒေါ်ခင်ခင်ဝင်းကုန်စုံဆိုင်တို့တွင်စစ်ဆေးခဲ့ရာ ထိုသို့သောဆီများကိုရောင်းချမှုမရှိကြောင်း စစ်ဆေးတွေ့ ရှိရပါသည်။

DOCA(ရန်ကုန်)

       ရန်ကုန်တိုင်းဒေသကြီး၊ သန်လျင်ခရိုင်၊ ခရမ်းမြို့နယ်စည်ပင်သာယာမြို့မဈေးတာဝန်ခံရုံးခန်းမအပေါ်ထပ်တွင် ဩဂုတ်လ ၁၃ရက်နေ့၊ နံနက် (၁၀း၃၀) နာရီအချိန်တွင် စည်ပင်သာယာမြို့မဈေးအတွင်း/အပြင်ရှိ စားသောက်ကုန်၊ လူသုံးကုန်ပစ္စည်းအမျိုးမျိုးဖြန့်ဖြူးရောင်းချပေးလျက်ရှိသော ဆိုင်ပိုင်ရှင်၊ စီးပွားရေးလုပ်ငန်းရှင်များအား Online စနစ်ဖြင့် ကုန်စည်နှင့် ဝန်ဆောင်မှုများဖြန့်ဖြူးရောင်းချခြင်းဆိုင်ရာ အသိပညာပေးဆွေးနွေးပွဲကျင်းပခဲ့ကြောင်းသိရသည်။

    အဆိုပါသိပညာပေးဆွေးနွေးပြောကြားရာတွင် စားသုံးသူရေးရာဦးစီးဌာန၊ ခရမ်းမြို့နယ်တာဝန်ခံ ဒေါ်ကျော့ကေခိုင်က စီးပွားရေးလုပ်ငန်းရှင်များအနေဖြင့် စားသောက်ကုန်၊ လူသုံးကုန်ပစ္စည်းများအား စားသုံးသူပြည်သူများအပေါ် တိုက်ရိုက်ဖြန့်ဖြူးမှုများရှိကြပြီး ကုန်စည်နှင့် ဝန်ဆောင်မှုများကို Online စနစ်ဖြင့်ဝန်ဆောင်မှုပေး၍ ဆောင်ရွက်ခြင်းများရှိလာပါက Online မှတ်ပုံတင်မဖြစ်မနေ ဆောင်ရွက်ထားရန်လိုအပ်ကြောင်း၊ စားသုံးသူကာကွယ်ရေးဥပဒေမှ စားသုံးသူ၏အခွင့်အရေး (၈)ချက်တွင်ပါဝင်သည့် ကုန်စည်/ ဝန်ဆောင်မှုများအားဝယ်ယူသုံးစွဲရာတွင် စားသုံးသူများစိတ်ကျေနပ်မှုရှိစေရေး၊ ဘေးအန္တရာယ်ကင်းရှင်းစေရေး၊ စိတ်ကြိုက်ရွေးချယ်ဝယ်ယူနိုင်ရေး၊ လိုအပ်သောသတင်းအချက်အလက်များ ပြည့်စုံမှန်ကန်စွာသိရှိခွင့် စသည့် စားသုံးသူအခွင့်အရေးများအဆုံးရှုံးစေရန် စီးပွားရေးလုပ်ငန်းရှင်များအနေဖြင့် ကျင့်ဝတ်၊ စည်းကမ်းများနှင့်အညီ ဆောင်ရွက်သွားကြရန်လိုအပ်ကြောင်း၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၏ အမိန့်ကြော်ငြာစာအမှတ် ၅၀/၂၀၂၃ ဖြင့်ထုတ်ပြန်ထားသော Online Sales မှတ်ပုံတင်လျှောက်ထားလျှင် ကြိုတင်ပြင်ဆင်သင့်သည့် အထောက်အထားများအားစုဆောင်း၍ မှတ်ပုံတင်တရားဝင်လျှောက်ထားဆောင်ရွက်သွားကြရန်နှင့် ဆိုင်ပိုင်ရှင် စီးပွားရေးလုပ်ငန်းရှင်များအနေဖြင့် Online မှဝယ်ယူပြီး ပြန်လည်ဖြန့်ဖြူးရောင်းချခြင်းများရှိခဲ့ပါက မိမိတို့အနေဖြင့် မဝယ်ယူမီ Online ရောင်းချမှုနှင့်စပ်လျဉ်း၍ စိစစ်သင့်သည့်အချက်များနှင့် အမှန်တကယ်ဆုံးရှုံးနစ်နာမှုများရှိလာပါက တိုင်ကြားနိုင်သည့်နည်းလမ်းများအား ရှင်းလင်းဆွေးနွေးအသိပညာပေးပြောကြားခဲ့ကြောင်းသိရှိရပါသည်။

DOCA(ရန်ကုန်)