HighLight News

     ရန်ကုန်တိုင်းဒေသကြီး၊ သန်လျင်ခရိုင်၊ သုံးခွမြို့နယ်အတွင်းရှိ စည်ပင်သာယာမြို့မဈေးအတွင်း/အပြင်နှင့် ရပ်ကွက်များတွင် စားသုံးဆီအမျိုးမျိုးရောင်းချနေသည့် ကုန်မျိုးစုံဆိုင်နှင့် ကုန်ခြောက်ဆိုင်များသို့ စားသုံးသူရေးရာဦးစီးဌာန၊ တိုင်းဒေသကြီးဦးစီးမှူးရုံး၏ ညွှန်ကြားချက်အရ "ကြောက်စရာဆီတွေ" ခေါင်းစဉ်နှင့်ရေးသားထားသော ဝက်ဆီဆတ်ကြော်ရာမှ ထွက်လာသည့်ဝက်ဆီများ သုံးခွမြို့နယ်တွင် ထုတ်လုပ်နေခြင်းရှိ/မရှိနှင့် ဈေးကွက်အတွင်း ဖြန့်ဖြူးရောင်းချနေခြင်းများရှိ/မရှိတို့အား ဩဂုတ်လ ၁၇ရက်၊ နံနက် (၁၀း၃၀) နာရီအချိန်တွင် ဈေးကွက်အတွင်း ကွင်းဆင်းစစ်ဆေးခဲ့ကြောင်းသိရသည်။

     ထိုသို့ ဈေးကွက်အတွင်း ကွင်းဆင်းစစ်ဆေးခဲ့ရာတွင် စည်ပင်သာယာမြို့မဈေးတာဝန်ခံနှင့် စားသုံးသူရေးရာဦးစီးဌာန၊ မြို့နယ်တာဝန်ခံနှင့်ဝန်ထမ်းများပူးပေါင်း၍ စည်ပင်သာယာမြို့မဈေးအတွင်း/အပြင်နှင့် ရပ်ကွက်များတွင် စားသုံးဆီအမျိုးမျိုးရောင်းချနေသည့် ဈေးဆိုင်များသို့ စားအုန်းဆီများ၌ "ကြောက်စရာဆီတွေ" ခေါင်းစဉ်နှင့် လူမှုကွန်ရက်စာမျက်နှာပေါ်တွင် ဖော်ပြပါရှိသည့် ဝက်ဆီဖတ်ကြော်၍ ထွက်ရှိလာသောဝက်ဆီများအား ဝယ်ယူဖြန့်ဖြူးရောင်းချနေခြင်းရှိ/မရှိနှင့် သုံးခွမြို့နယ်အတွင်း ထုတ်လုပ်နေခြင်းရှိ/မရှိအား ဈေးကွက်အတွင်း မြေပြင်သတင်းရယူနိုင်ရေးအတွက် ကွင်းဆင်းစစ်ဆေးခဲ့ရာတွင် သုံးခွမြို့နယ်ရှိ စားသုံးဆီအမျိုးမျိုးဖြန့်ဖြူးရောင်းချနေသောဆိုင်များတွင် ကုန်အညွှန်းအမှတ်အသားပြည့်စုံစွာဖော်ပြပါရှိသော ဘူးဆီများနှင့် သက်မှတ်ခွဲတမ်းရရှိထားသည့် စားအုန်းဆီများကိုသာ ဝယ်ယူဖြန့်ဖြူးရောင်းချပေးလျက်ရှိကြောင်း စစ်ဆေးတွေ့ရှိခဲ့ရပြီး ဝက်ဆီဖတ်ကြော်၍ ထွက်ရှိလာသောဝက်ဆီများကို ဝယ်ယူ ဖြန့်ဖြူးရောင်းချခြင်းများမပြုလုပ်ကြရန် ဈေးဆိုင်များတွင် အသိပညာပေးပြောကြားခဲ့ပြီး မြေပြင်ကွင်းဆင်းစစ်ဆေးခဲ့ကြောင်းသိရှိရပါသည်။

DOCA(ရန်ကုန်)

     စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံရုံးသည် တိုင်းဒေသကြီးဦးစီးမှူး၏လမ်းညွှန်မှု၊ ခရိုင်ဦးစီးမှူး၏ကြီးကြပ်မှုတို့ဖြင့် ဈေးကွက်စောင့်ကြည့်စစ်ဆေးခြင်းလုပ်ငန်းများကို ဆောင်ရွက်လျက်ရှိရာ (၂၀-၈-၂၀၂၄)ရက်နေ့၊ နံနက် (၀၉:၄၅) နာရီအချိန်တွင် ကန့်ဘလူမြို့နယ်တာဝန်ခံ ဦးမျိုးဝင်းသန်းသည် ကန့်ဘလူမြို့၊ အမှတ်(၃)ရပ်ကွက်ရှိ “နဂါးပျံ” စက်သုံးဆီအရောင်းဆိုင်အား အထူးဈေးကွက်စောင့်ကြည့်စစ်ဆေးခြင်းဆောင်ရွက်ခဲ့ကြောင်းသိရသည်။

   ထိုသို့ကွင်းဆင်းစစ်ဆေးရာတွင် စက်သုံးဆီအရောင်းဆိုင်များ၌ စက်သုံးဆီများပြတ်လပ်မှုရှိ/မရှိ၊ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ ရည်ညွှန်းဈေးနှုန်းများအပေါ် ညွှန်ကြားချက်များနှင့်အညီ ရောင်းချခြင်းရှိ/မရှိ ကွင်းဆင်းစစ်ဆေးခဲ့ပြီး မြို့နယ်တာဝန်ခံက စက်သုံးဆီဆိုင်များပုံမှန်ဖွင့်လှစ်ရောင်းချရန်၊ အချင်အတွယ်မှန်ကန်စွာရောင်းချပေးရန်၊ ဈေးနှုန်းများမြှင့်တင်ရောင်းချခြင်းမပြုလုပ်ရန် လုပ်ငန်းရှင်အားအသိပေးပြောကြားခဲ့ပြီး စားသုံးသူကာကွယ်ရေးအကြောင်းသိကောင်းစရာ လက်ကမ်းစာစောင်များဖြန့်ဝေခဲ့ကြောင်းသိရှိရပါသည်။

DOCA(စစ်ကိုင်း)

     စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊ ရွှေဘိုခရိုင်ဦးစီးမှူးရုံးအနေဖြင့် စားသုံးသူကာကွယ်ရေး အသိပညာပေးဟောပြောပွဲများ၊  စီးပွားရေးလုပ်ငန်းရှင်များအားတွေ့ဆုံပြီး ဥပဒေ၊ အမိန့်နှင့် ညွှန်ကြားချက်များအား ရှင်းလင်းဆွေးနွေးခြင်းနှင့် ကုန်အညွှန်းအမှတ်အသားများပြည့်စုံစွာထည့်သွင်းဖော်ပြရေးအတွက် တွေ့ဆုံဆွေးနွေးခြင်းများကို လစဉ်ဆောင်ရွက်လျက်ရှိရာ (၂၀-၈-၂၀၂၄)ရက်နေ့၊  နံနက်(၁၀:၀၀)နာရီအချိန်တွင် ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးနှင့် စားသုံးသူရေးရာဌာနခွဲတာဝန်ခံတို့သည် ရွှေဘိုမြို့၊ အမှတ်(၇)ရပ်ကွက်ရှိ စားသောက်ဆိုင်လုပ်ငန်းရှင်အား တွေ့ဆုံဆွေးနွေးခဲ့ပါသည်။

    ထိုသို့တွေ့ဆုံရာတွင် ရွှေဘိုခရိုင်စားသုံးသူရေးရာဦးစီးဌာနမှ ဒု-ခရိုင်ဦးစီးမှူးက စားသုံးသူကာကွယ်ရေးဥပဒေပါ စားသုံးသူအခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ စားသုံးသူများသာမက စီးပွားရေးလုပ်ငန်းရှင်များအနေဖြင့် ဌာန၏ဆောင်ရွက်နေသောလုပ်ငန်းများကိုသိရှိလိုပါက ရုံးဖွင့်ရက် ရုံးချိန်အတွင်း Consumer Call Center No. 1535 သို့ ဆက်သွယ်မေးမြန်းနိုင်သည့် အကြောင်းများ၊ စားသုံးသူများအနေဖြင့် ကုန်စည်နှင့်ဝန်ဆောင်များကိုအသုံးပြုခြင်းကြောင့် နစ်နာမှုများရှိပါက တိုင်ကြားနိုင်သည့်နေရာနှင့် တိုင်ကြားနိုင်သည့်အကြောင်းများ၊ တိုင်ကြားစာဖြေရှင်းဆောင်ရွက်ပေးမှုအကြောင်းများကို အသိပညာပေးဆွေးနွေးခဲ့ပြီး စားသုံးသူကာကွယ်ရေးအသိပညာပေးလက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

       စားသုံးသူရေးရာဦးစီးဌာန၊ မအူပင်ခရိုင်ဦးစီးမှူးရုံးမှ  ဒု-ခရိုင်ဦးစီးမှူး ဦးအောင်ဇော်ဦးနှင့် ဝန်ထမ်းများသည် (၁၆-၈-၂၀၂၄) ရက်နေ့၊ နံနက် (၁၀:၃၀) နာရီအချိန်တွင် မအူပင်မြို့ပေါ်ရှိ ပြည့်ဖြိုးကြွယ်ဆန်စက်သို့သွားရောက်၍ ဆန်စပါးဝယ်ယူကြိတ်ခွဲမှု၊ ရောင်းချမှုဈေးကွက်အခြေအနေများ၊ MSMEs လုပ်ငန်းဖွံ့ဖြိုးတိုးတက်စေရေးကို ကွင်းဆင်းလေ့လာဆောင်ရွက်ခဲ့ပါသည်။

      ထိုသို့ကွင်းဆင်းဆောင်ရွက်ရာတွင် ဦးအောင်ဇော်ဦးဦးစီးအရာရှိက ဆန်စက်လုပ်ငန်းရှင်နှင့်တွေ့ဆုံ၍ ဆန်စက်လည်ပတ်မှုအခြေအနေများ၊ ဆန်/စပါးဝယ်ယူကြိတ်ခွဲမှုအခြေအနေများ၊ ဆန်စက်မှထွက်ရှိသော ဆန်အရည်အသွေးနှင့် ဆန်ဈေးနှုန်းများကို မြန်မာနိုင်ငံဆန်စပါးအသင်းချုပ်က သတ်မှတ်ပေးထားသော သတ်မှတ်ရည်ညွှန်းဈေးဖြင့် မြို့နယ်တွင်းဆန်လက်ကားဖြန့်ဖြူးရောင်းချသူများအားရောင်းချရန်ကိုလည်းကောင်း၊ စပါး/ဆန်သိုလှောင်ရုံမှတ်ပုံတင်ထားရှိမှုအခြေအနေများကိုကြည့်ရှုစစ်ဆေးခြင်း၊ ဒေသတွင်းစားသုံးသူပြည်သူများ ဆန်ဈေးနှုန်းကြီးမြင့်မှုမရှိစေရေးနှင့် ဆန်ပြတ်လပ်မှုမရှိစေရေး အစိုးရ၊ လုပ်ငန်းရှင်၊ ပြည်သူတို့ပူးပေါင်းဆောင်ရွက်မှသာ အောင်မြင်မည်ဖြစ်ကြောင်းနှင့် ထုတ်ကုန်လုံခြုံစိတ်ချရမှုရှိစေရေးနှင့် MSMEs လုပ်ငန်းဖွံ့ဖြိုးတိုးတက်ရေးအကြောင်းကိုလည်း ဆွေးနွေးခဲ့ကြောင်းသိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ မအူပင်ခရိုင်၊ ဓနုဖြူမြို့နယ်အကျော် (အ.ထ.က) စာသင်ကျောင်းတွင် ပညာသင်ယူသူလူငယ်များ ပစ္စုပ္ပန်တွင်သာမက ကောင်းမွန်သာယာသော လူနေမှုအဆင့်အတန်းနှင့် ပတ်ဝန်းကျင်တွင် နေထိုင်နိုင်ခွင့်ရရှိစေရန်အတွက် စားသုံးသူရေးရာဦးစီးဌာနနှင့် ကျန်းမာရေးဦးစီးဌာန၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာနတို့ပူးပေါင်း၍ မုန့်ဈေးတန်းအား ကွင်းဆင်းစစ်ဆေးခြင်းကို (၁၄-၆-၂၀၂၄)ရက်နေ့၊ နံနက်(၀၉း၀၀)နာရီအချိန်တွင် ဆောင်ရွက်ခဲ့သည်။
         ဓနုဖြုမြို့အကျော် အခြေခံပညာအထက်တန်းကျောင်းမုန့်ဈေးတန်းတွင်  ရောင်းချနေသည့် မုန့်ဆိုင် ၆ဆိုင်ရှိ အစားအသောက်နှင့်မုန့်များတွင် FDA မှတားမြစ်ထားသော မုန့်များရောင်းချခြင်းရှိ/မရှိ၊ သက်တမ်းလွန်မုန့်များကိုစစ်ဆေးခြင်း၊ မသန့်ရှင်းသော အစားအသောက်များရောင်းချမှုမရှိစေရေး ပညာပေးခြင်း၊ မိုးရာသီဖြစ်၍ ဝမ်းပျက်ဝမ်းလျှောဖြစ်နိုင်သည့်အတွက် ယင်နားစာများကိုမရောင်းချကြရန်၊ အုပ်ဆောင်း၊ စကာ၊ အဖုံးများအုပ်၍ရောင်းချကြရန်၊ မြန်မာမုန့်ရောင်းချသူများအနေဖြင့် ခေါင်းစွပ်၊ လက်အိတ်များအသုံးပြု၍ မြန်မာမုန့်များကို ကိုင်တွယ်ရောင်းချကြရန်၊  တစ်ကိုယ်ရည်သန့်ရှင်းကို အထူးဂရုစိုက်ကြရန်၊ မုန့်ဈေးတန်းပတ်ဝန်ကျင်အနီး ရေဝပ်ခြင်းများမရှိရန်နှင့် ခြင်မပေါက်ဖွားစေရေးတို့အတွက် ဖုံး၊ သွန်၊ လဲ၊ စစ် အချက်များကို အပတ်စဉ်စစ်ဆေးမှုများလုပ်ဆောင်ကြရန် ဈေးဆိုင်ရှင်များအား အသိပညာပေးခြင်းများဆောင်ရွက်ခဲ့ကြောင်းသိရှိရပါသည်။

DOCA(ဧရာဝတီ)