“ ခရမ်းမြို့နယ်၌ပြည်တွင်းထုတ်အမှတ်တံဆိပ်ပါစားသုံးဆီများနှင့်ရောနှောဆီများ ဈေးကွက် အတွင်းကွင်းဆင်းစစ်ဆေးခြင်း ” (P)
ရန်ကုန်တိုင်းဒေသကြီး ခရမ်းမြို့နယ် စည်ပင်သာယာမြို့မဈေးအတွင်းရှိ စားသုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ၏ ညွှန်ကြားမှုဖြင့် စားသုံးသူ ရေးရာဦးစီးဌာန၊ ရန်ကုန်တိုင်းဒေသကြီး၊ တိုင်းဒေသကြီးဦးစီးမှူး၊ ခရိုင်ဦးစီးမှူး၏ လမ်းညွှန်မှုဖြင့် ဈေးကွက်အတွင်း ခရမ်းမြို့နယ်တာဝန်ခံနှင့် မြို့နယ်စည်ပင်သာယာရေးအဖွဲ့တို့ဖြင့် ပူးပေါင်း ၍ ခရမ်းမြို့စည်ပင်သာယာမြို့မဈေးရှိဈေးဆိုင်များရှိ အမှတ်(၁၁)ရပ်ကွက်ရှိ အောင်ရတနာဆီစက်များရှိ ပြည်တွင်းထုတ်အမှတ်တံဆိပ်ပါ စားသုံးဆီများအား (၂၀၂၄)ခုနှစ် ဒီဇင်ဘာလ (၂၃) ရက်နေ့၊ နေ့လယ်(၁၄:၀၀)နာရီအချိန်တွင် မြေပြင်ကွင်းဆင်းစစ်ဆေးခြင်းများ ဆောင်ရွက်ခဲ့သည်။
ထို့သို့ကွင်းဆင်းစစ်ဆေးရာတွင် စည်ပင်သာယာမြို့မဈေးအတွင်းအပြင်ရှိ ဈေးဆိုင်တို့တွင် ပြည်တွင်းထုတ်အမှတ်တံဆိပ်ပါ မြေပဲဆီ၊ နေကြာဆီ၊ နှမ်းဆီများ၊ ရောနှောဆီဗူးများတွင် အစားအသောက်နှင့်ဆေးဝါးကွပ်ကဲရေးဦးစီးဌာန(FDA)၏ ထောက်ခံချက်ရှိမှသာ ထုတ်လုပ်ဖြန့်ဖြူးရောင်းချခွင့်ရှိမည်ဖြစ်၍ ဈေးအတွင်းရှိ ကုန်စုံဆိုင်များ၊ ရပ်ကွက်အတွင်းရှိ ဆီစက်များတွင် ထုတ်လုပ်ဖြန့်ဖြူးရောင်းချလျက်ရှိသောထုတ်ပိုးဗူးဆီများတွင် (FDA)ထောက်ခံချက်များ ပါဝင်မှုရှိ/ မရှိနှင့် စားသုံးသူကာကွယ်ရေးဥပဒေညွှန်ကြားချက်များနှင့် ကုန်အညွှန်းအမှတ်အသားများ ပြည့်စုံမှုရှိ/ မရှိ၊ ကျန်းမာရေးဝန်ကြီးဌာန၊ မြန်မာနိုင်ငံအစားအသောက်နှင့် ဆေးဝါးအာဏာပိုင်အဖွဲ့မှ ရောနှောဆီ (Blended Oil) ထုတ်လုပ်၊ သိုလှောင်၊ သယ်ယူ၊ ဖြန့်ဖြူးရောင်းချခြင်းနှင့် စပ်လျဉ်း၍ လိုက်နာဆောင်ရွက်ရန် အမိန့်အမှတ်(၂/၂၀၂၄) ဖြင့်ကိုက်ညီမှုရှိ/မရှိ၊ FDA ထောက်ခံချက်အမှတ်များ ထုတ်လုပ်သည့်စက်ရုံ လိပ်စာ၊ ဗူးဆီအရွယ်အစားများအား မြေပြင်ကွင်းဆင်း စစ်ဆေးခဲ့သည်။
ထိုသို့စစ်ဆေးခဲ့ရာတွင် ခရမ်းမြို့နယ်အတွင်းရောင်းချလျှက်ရှိသော ဗူးဆီများတွင် သတ်မှတ် ချက်များနှင့်ပြည့်စုံ၍ FDA ထောက်ခံချက်ပါဝင်သော ဆီများရောင်းချလျက်ရှိကြောင်း သိရှိရပါသည်။
DOCA(ရန်ကုန်)
အဆိုပါအသိပညာပေးဟောပြောပွဲတွင် တွံတေးခရိုင် မိခင်နှင့်ကလေးစောင့်ရှောက်မှု ကြီးကြပ်ရေးအဖွဲ့ဥက္ကဌမှ အဖွင့်အမှာစကားပြောကြားပြီး မြို့နယ်ကျန်းမားရေးဦးစီးဌာနမှ တာဝန်ရှိသူက ပြင်းထန်ဝမ်းပျက်ဝမ်းလျော ဖြစ်ပွားရခြင်း၏အကြောင်းအရာများ ပြင်းထန်ဝမ်းပျက်ဝမ်းလျောရောဂါလက္ခဏာများဖြစ်သည့် အရည်ဝမ်းသွားခြင်း၊ အော့အန်ခြင်း၊ ခန္ဓကိုယ် အတွင်းရေနှင့်ဓာတ်ဆားများလျင်မြန်စွာဆုံးရှုံး၍ အင်အားကုန်ခမ်းခြင်း၊ ကြွက်တက်ခြင်း၊ သတိလစ်ခြင်းနှင့် ပြင်းထန်ဝမ်းပျက်ဝမ်းလျောရောဂါ ကူးစက်နိုင်သည့်နည်းလမ်းများ၊ ပြင်းထန် ဝမ်းပျက်ဝမ်းလျောရောဂါမဖြစ်ပွားစေရန် ကြိုတင်ကာကွယ်ရမည့်နည်းလမ်းများ၊ လိုက်နာရှောင်ကြဉ်ရမည့်အချက်များ၊ မိမိ၏ပတ်ဝန်းကျင်တွင် ပြင်းထန်ဝမ်းပျက်ဝမ်းလျောရောဂါလက္ခဏာသံသယရှိသူများ တွေ့ရှိပါက မြို့နယ်ကျန်းမာရေးဦးစီးဌာနအား သတင်းပို့ပူးပေါင်းဆောင်ရွက်ကြရန် အသိပညာပေးဆွေးနွေးဟောပြောခဲ့ပြီး ဒလမြို့နယ် ရပ်ကွက်အတွင်းရှိ စားသောက်ဆိုင်များသို့ တွံတေးခရိုင် မိခင်နှင့်စောင့်ရှောက်မှုကြီးကြပ်ရေးအဖွဲ့ဥက္ကဌနှင့် အဖွဲ့ဝင်များ၊ မြို့နယ်ပြည့်သူ့ကျန်းမာရေးဦးစီးဌာန မြို့နယ်စည်ပင်သာယာရေးအဖွဲ မြို့နယ်စားသုံးသူရေးရာဦးစီးဌာနတို့ပူးပေါင်းအဖွဲ့သည် ပြင်းထန်ဝမ်းပျက်ဝမ်းလျောရောဂါ ကြိုတင်ကာကွယ်ရေး အသိပညာပေးလက်ကမ်းစာစောင်များဖြန့်ဝေခြင်းနှင့် သန့်ရှင်းသပ်ရပ်စွာ ရောင်းချမှုရှိ/ မရှိအား ကွင်းဆင်းစစ်ဆေးခဲ့ကြောင်း သိရှိရပါသည်။
