သတင်းနှင့် လှုပ်ရှားမှုများ

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မြောင်းမြခရိုင် အိမ်မဲမြို့နယ် တာဝန်ခံ ဦးလေးလွင်သည် (၁၈-၁-၂၀၂၃)ရက်နေ့ နံနက်(၁၀:၃၀)နာရီက အိမ်မဲမြို့နယ်၊ ကြို့ကုန်းကျေးရွာ အ - ထ - က ကျောင်းတွင်  ဆရာ/ဆရာမများနှင့် ကျောင်းသား/ကျောင်းသူများအား စားသုံးသူကာကွယ်ရေး အသိပညာပေးဟောပြောခြင်း ဆောင်ရွက်ခဲ့ပါသည်။

      ထိုသို့ ဟောပြောဆွေးနွေးရာတွင် စားသုံးသူရေးရာဦးစီးဌာန၊ အိမ်မဲမြို့နယ် တာဝန်ခံက မိတ်ဆက်စကားပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာနမှ လက်ရှိဆောင်ရွက်နေသောလုပ်ငန်းတာဝန်များ ဆက်လက်ဆောင်ရွက်ရမည့် လုပ်ငန်းတာဝန်များကို ဦးစွာရှင်းလင်းပြောကြားခဲ့ပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါ ပြဋ္ဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့် အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊  သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့ကို အသေးစိတ်ရှင်းလင်းဟောပြောခဲ့ပြီး၊ မိမိတို့စားသောက်နေသောအစားအသောက်များတွင် ဓာတုဆိုးဆေးများအလွန်အကျုးပါဝင်နေခြင်း၊ သက်တမ်းလွန်အစားအသောက်များကို မိမိတို့အသိဖြင့် ဆင်ခြင်ဝယ်ယူစားသောက်ကြရန် ဟောပြောဆွေးနွေးပြီး၊ ကျောင်းမုန့်ဈေးတန်းတွင် စားသုံးသူရေးရာအဖွဲ့ဖြင့် မုန့်ဆိုင်များသို့ သွားရောက်စစ်ဆေးခဲ့ပြီး ဆိုင်ပိုင်ရှင်များအား မိမိတို့ရောင်းချနေသော အစားအသောက်များတွင် သက်တမ်းလွန်မုန့်များကို ရောင်းချခြင်းမပြုကြရန် အသိပေးပြောကြားခဲ့ပါသည်။ စားသုံးသူအသိပညာပေးဟောပြောပွဲသို့ ဆရာ/ဆရာမ(၁၀)ဦးနှင့် ကျောင်းသားကျောင်းသူ (၂၀၀)ဦး၊ စုစုပေါင်း (၂၁၀)ဦးတက်ရောက်ခဲ့ကြောင်းသိရှိရပါသည်။

DOCA(ဧရာဝတီ)

       ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ လပွတ္တာခရိုင်၊ မော်ကျွန်းမြို့နယ် တာဝန်ခံ ဦးမင်းဇော်လတ်သည် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ အားကစားနှင့်ကာယပညာဦးစီးဌာနတို့နှင့် ပူးပေါင်း၍ (၁၈-၁-၂၀၂၃)ရက်နေ့ နံနက်(၁၀:၃၀) နာရီက မော်ကျွန်းမြို့နယ် ကွမ်းခြံချောင်း အ - ထ - က(ခွဲ)ကျောင်းတွင် ဆရာ/ဆရာမများနှင့် ကျောင်းသား/ ကျောင်းသူများအား စားသုံးသူကာကွယ်ရေး အသိပညာပေးဟောပြောခြင်းဆောင်ရွက်ခဲ့ပါသည်။

        ထိုသို့ ဟောပြောဆွေးနွေးရာတွင် စားသုံးသူရေးရာဦးစီးဌာန၊ မော်ကျွန်းမြို့နယ် တာဝန်ခံက မိတ်ဆက်စကားပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာနမှ လက်ရှိဆောင်ရွက်နေသောလုပ်ငန်းတာဝန်များ ဆက်လက်ဆောင်ရွက်ရမည့် လုပ်ငန်းတာဝန်များကို ဦးစွာရှင်းလင်းပြောကြားခဲ့ပါသည်။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ထုတ်ပြန်ထားသော စားသုံးသူကာကွယ်ရေးဥပဒေ ၂၀၁၉ ပါ ပြဋ္ဌာန်းချက်များမှ စားသုံးသူ၏အခွင့်အရေးနှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ တားမြစ်ချက်များ၊ ပြစ်မှုပြစ်ဒဏ်များ၊ စားသုံးသူကာကွယ်ရေးဥပဒေ အခန်း(၁၈)ပါ ပုဒ်မ ၄၁ ပုဒ်မခွဲ(ခ)နှင့်(ဂ)တို့ပါ ကုန်စည်၏အမျိုးအမည်၊ အရွယ်အစား၊ အရေအတွက်နှင့်အသားတင်အလေးချိန်၊ သုံးစွဲပုံနည်းလမ်းနှင့် ထုတ်လုပ်သည့်ရက်စွဲ၊  သက်တမ်းကုန်ဆုံးသည့်ရက်စွဲ၊ ထုတ်လုပ်မှုအမှတ်စဉ်တို့ကို အသေးစိတ်ရှင်းလင်းဟောပြောခဲ့ပြီး၊ မိမိတို့စားသောက်နေသော အစားအသောက်များတွင် ဓာတုဆိုးဆေးများအလွန်အကျုးပါဝင်နေခြင်း၊ သက်တမ်းလွန်အစားအသောက်များကို မိမိတို့အသိဖြင့် ဆင်ခြင်ဝယ်ယူစားသောက်ကြရန် ဟောပြောခဲ့ပါသည်၊ စားသုံးသူအသိပညာပေးဟောပြောပွဲသို့ ဆရာ/ဆရာမများနှင့် ကျောင်းသားကျောင်းသူ စုစုပေါင်း(၁၀၀)ဦး တက်ရောက်ခဲ့ကြောင်းသိရှိရပါသည်။

DOCA(ဧရာဝတီ)

    မန္တလေးတိုင်းဒေသကြီး၊ပြင်ဦးလွင်ခရိုင်၊ စားသုံးသူရေးရာဦးစီးဌာနမှ ဇန်နဝါရီလ (၁၇)ရက် နေ့တွင် ပြင်ဦးလွင်မြို့နယ်၊ကြီးကိုင်ကျေးရွာ၌ ခရိုင်အသေးစားစက်မှုလက်မှု လုပ်ငန်းဦးစီးဌာနမှ ဖွင့်လှစ်သည့် အိမ်တွင်း လျှပ်စစ် သွယ်တန်းမှုနည်းပညာပေးသင်တန်း တွင်စားသုံးသူကာကွယ်ရေး ဆိုင်ရာအသိပညာပေးဆွေးနွေးခဲ့ပါသည်။ပြင်ဦးလွင်ခရိုင်၊စားသုံးသူရေးရာဦးစီးဌာနခရိုင်ဦးစီးမှူး ဦးသက်လွင်ထူးက ၂၀၁၉ခုနှစ်၊မတ်လ ကစတင်ပြဌာန်းလိုက်သော စားသုံးသူကာကွယ်ရေးဥပဒေအရ ကုန်စည်နှင့်ဝန်ဆောင်မှုများကိုရယူ သုံးစွဲသောပြည်သူများ၏ စားသုံးသူအခွင့်အရေးများ၊ သိရှိလိုက်နာ ရမည့်အချက်များ၊ စီးပွားရေးလုပ်ငန်းရှင်များ၏လိုက်နာရမည့်တာဝန်များ၊ အခန်း(၁၈)ပါ ကုန်အညွှန်းအမှတ်အသားဆိုင်ရာပြဌာန်းချက်များနှင့် မြန်မာနိုင်ငံစားသုံးသူကာကွယ်ရေး ကော်မရှင်  မှထုတ်ပြန်သော ညွှန်ကြားချက်များကို အသေးစိတ်ရှင်းလင်းပြောကြားခဲ့ပြီး တက်ရောက်လာသူ များမှ မိမိတို့သိလိုသည့်အချက်များကို ပြန်လည်ဆွေးနွေးခဲ့ကြောင်းနှင့်အဆိုပါသင်တန်းသို့ သင်တန်းသား(၃၀)ဦးတက်ရောက်ကြောင်းသိရှိ ရပါသည်။

DOCA(မန္တ‌လေး)

          စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး စားသုံးသူကာကွယ်ရေးနှင့် ပြည်တွင်းကုန်သွယ်မှုဖွံ့ဖြိုးတိုးတက်ရေးလုပ်ငန်းများ ဆောင်ရွက်လျက်ရှိရာ ပြည်နယ်၊ ခရိုင် များရှိ ဝန်ထမ်းများအနေဖြင့် လူ့စွမ်းအားအရင်းမြစ်ဖွံ့ဖြိုးတိုးတက်ပြီး လုပ်ငန်းစွမ်းဆောင် ရည်မြင့်မားတိုးတက်စေရန် ရည်ရွယ်၍ မိတ်ဖက်ဌာနများနှင့် ပေါင်းစပ်ပြီး ဝန်ထမ်းများစွမ်းဆောင်ရည်မြှင့်တင်ရေးသင်တန်း (၁/၂၀၂၃) ကို ၁၈-၁-၂၀၂၃ မှ   ၁၉-၁-၂၀၂၃ ရက်နေ့ထိ နံနက် ၀၉:၀၀ နာရီအချိန်မှစ၍ ညနေ ၁၅:၅၀ နာရီအချိန်ထိ စားသုံးသူရေးရာဦးစီးဌာန၊ ကရင်ပြည်နယ်ဦးစီးမှူးရုံး၌ သင်းတန်းဖွင့်လှစ်ပွဲ ကျင်းပခဲ့ကြောင်း သိရှိရပါသည်။  အခမ်းအနားတွင် စားသုံးသူရေးရာဦးစီးဌာန ပြည်နယ်ဦးစီးမှူးက သင်တန်းဖွင့်လှစ်ရခြင်း၏ ရည်ရွယ်ချက်ကိုရှင်းလင်း၍ အဖွင့်အမှာစကားပြောကြားခဲ့ပြီး သင်တန်းနည်းပြများဖြစ်သော မိတ်ဖက်ဌာနဆိုင်ရာများက သင်တန်းသားများနှင့် ရင်းနှီးစွာ မိတ်ဆက်စကား ပြောကြားခဲ့ပြီး မှတ်တမ်းတင်ဓာတ်ပုံရိုက်ကူးခဲ့ကြသည်။

       သင်တန်းတွင် ပြည်နယ်စိုက်ပျိုးရေးဦးစီးဌာနက စိုက်ပျိုးရေးဆိုင်ရာကိစ္စရပ်များနှင့်ပတ်သက်၍ ကရင်ပြည်နယ်တွင် အများဆုံးစိုက်ပျိုးထုတ်လုပ်သောသီးနှံများအကြောင်း၊ သီးနှံများ စိုက်ပျိုးထုတ်လုပ်မှုနည်းလမ်းများအကြောင်း၊ မြေဩဇာဥပဒေအကြောင်း၊ မျိုးစေ့ဥပဒေအကြောင်းနှင့် ပိုးသတ်ဆေးအကြောင်းကို ပို့ချဆွေးနွေးခဲ့ပြီး ပြည်နယ်စက်မှုကြီးကြပ်ရေး နှင့်စစ်ဆေးရေးဦးစီးဌာနက ဌာန၏ဥပဒေအကြောင်းနှင့်  ဌာနတွင်လုပ်ကိုင်နေရသောလုပ်ငန်း အကြောင်းကို အသေးစိတ်ရှင်းလင်းပို့ချဆွေးနွေးခဲ့ပြီး၊ ပြည်နယ်အသေးစားနှင့်အလတ်စားစက်မှုလက်မှုဦးစီးဌာနက ဌာနတွင် အသေးစားလုပ်ငန်း၊ အလတ်စားလုပ်ငန်း၊ အကြီးစားလုပ်ငန်း နှင့်ပတ်သက်၍ လုပ်ငန်းမှတ်ပုံတင်၊ လုပ်ငန်းလိုင်စဉ်လုပ်ပေးခြင်းအကြောင်းနှင့် ဌာန၏ လုပ်ငန်းအကြောင်းကို အသေးစိတ်ရှင်းလင်းဆွေးနွေးပို့ချခဲ့ပြီး ပြည်နယ်စီမံကိန်းရေးဆွဲရေးဦးစီးဌာနက ဌာန၏မျှော်မှန်းချက်၊ ရည်မှန်းချက်အကြောင်း၊ ဌာန၏ လုပ်ငန်းဆောင်ရွက်မှုအကြောင်းနှင့် ဈေးကွက်စီးပွားရေးစနစ်အကြောင်းကို အသေးစိတ်ရှင်းလင်းဆွေးနွေးပို့ချခဲ့ပြီး ပြည်နယ်ရသုံးမှန်း ခြေငွေစာရင်းဦးစီးဌာနက ဌာန၏လုပ်ငန်းအကြောင်းနှင့် ဘဏ္ဍာရေးစည်းမျဉ်းစည်းကမ်းအကြောင်းကို အသေးစိတ်ရှင်းလင်းဆွေးနွေးပို့ချခဲ့ပြီး ပြည်နယ်အစားအသောက်နှင့်ဆေးဝါးကွပ်ကဲရေးဦးစီးဌာနက ဌာန၏ မျှော်မှန်းချက်၊ ရည်မှန်းချက်အကြောင်းနှင့် ဌာန၏ လုပ်ငန်းအကြောင်းကို အသေးရှင်းလင်းဆွေးနွေးပို့ချဆွေးခဲ့ပြီး၊  မြန်မာကုန်သွယ်မှုမြှင့်တင်ရေးအဖွဲ့ (ဇွဲကပင်ကုန်သွယ်မှုဗဟိုဌာန)က ဌာန၏ မျှော်မှန်းချက်၊ ရည်မှန်းချက်အကြောင်းနှင့် ဌာန၏ လုပ်ငန်းအကြောင်းကို အသေးရှင်းလင်းဆွေးနွေးပို့ချဆွေးခဲ့ပြီး၊   ဌာနအလိုက် သင်ခန်းစာများကို (၂) ရက်တာ ပို့ချခဲ့ပြီး သင်တန်းသားဦးရေ(၁၆)ဦး တက်ရောက်ခဲ့ကြောင်းနှင့် သင်တန်းဆင်းဂုဏ်ပြုလွှာများ ပေးအပ်ကြောင်း သိရှိရပါသည်။

DOCA(ကရင်)

     မန္တလေးတိုင်းဒေသကြီး၊ကျောက်ဆည်ခရိုင် ၊ စားသုံးသူရေးရာဦးစီးဌာနသည် စားသုံးသူများ ဘေးအန္တရာယ်ကင်းရှင်း စေရေး ၊ ထုတ်ကုန်များလုံခြုံစိတ်ချရမှုရှိစေရေးအတွက် စားသုံးသူ ကာကွယ်ရေးအသိပညာပေး ဟောပြောဆွေးနွေးပွဲကျင်းပခြင်းနှင့် စျေးကွက်စောင့်ကြည့် စစ်ဆေး ခြင်းလုပ်ငန်းများအား စဉ်ဆက်မပြတ်ဆောင်ရွက်လျှက်ရှိပါသည်။ကျောက်ဆည်ခရိုင် ၊ စားသုံးသူ ရေးရာ ဦးစီးဌာန ၊ ခရိုင်ဦးစီးမှူးဦးဆောင်သော စစ်ဆေးရေးအရာရှိများသည် (၁၃-၁-၂၀၂၃) ရက်နေ့တွင် ကျောက်ဆည်မြို့နယ် ၊ ငါးအိုးကျေးရွာ၌ ကျေးရွာသူ၊ကျေးရွာသားများအား စားသုံးသူ ကာကွယ်ရေး ဥပဒေနှင့်ပတ်သက်သည့် အကြောင်းအရာများဟောပြော ဆွေးနွေး ခဲ့ပါ သည်။ရှေးဦးစွာ စားသုံးသူရေးရာဦးစီးဌာန၊ခရိုင်ဦးစီးမှူး ဦးကျင်ဌေးက အဖွင့်အမှာစကားပြောကြား ပြီး စားသုံးသူရေး ရာဌာနခွဲတာဝန်ခံ ဦးဇော်မင်းလတ် (ဦးစီးမှူး)က စားသုံးသူကာကွယ်ရေးဥပဒေပါ အချက်များဖြစ်သည့် စားသုံးသူများ၏အခွင့်အရေး ၊ စီးပွားရေးလုပ်ငန်းရှင်များ၏တာဝန်၊ ကုန်စည် နှင့်ဝန်ဆောင် မှုနှင့် စပ်လျဉ်း၍အာမခံပေးထားမှုအပေါ် စားသုံးသူကတောင်းဆိုနိုင်သည့် အခွင့် အရေးများနှင့် စားသုံးသူ များနစ်နာဆုံးရှုံးမှုများဖြစ်ပေါ်ပါက တိုင်းဒေသကြီး၊ပြည်နယ်များရှိ Consumer Information & Complaint Center (CICC)များ နှင့် Consumer Call Center 1535 သို့ ခေါ်ဆို၍ တိုင်ကြားနိုင်သည့်အပြင် စားသုံးသူရေးရာ ဦးစီးဌာန၏ Website ဖြစ်သော www.doca.gov.mm ထဲသို့ဝင်ရောက်ပြီး တိုင်ကြားနိုင်ပါကြောင်း ဆွေးနွေးပြောကြားခဲ့ပြီး အသိပညာပေး ဟောပြောဆွေးနွေးပွဲသို့ တက်ရောက်လာသော ကျေးရွာသူ၊ ကျေးရွာသား(၁၀၀)ဦးအား စားသုံးသူ ကာကွယ်ရေးနှင့်ပတ်သက်သည့် လက်ကမ်းစာစောင်များ ဖြန့်ဝေခဲ့ပါသည်။ ထို့နောက် ခရိုင် ဦးစီးမှူးဦးဆောင်သော စစ်ဆေးရေးအရာရှိများသည် ကျေးရွာ အတွင်းရှိစားသုံးသူပြည် သူများ အား ကျောက်ဆည်ခရိုင်၊ဆီကုန်သည်နှင့်ဆီလုပ်ငန်းရှင်များအသင်းမှ စားအုန်းဆီများအား သက်သာ သောစျေးနှုန်းများဖြင့် ရောင်းချနေမှုအား စျေးကွက်စောင့်ကြည့် စစ်ဆေးခဲ့ကြောင်း သတင်း ရရှိ ပါသည်။

DOCA(မန္တလေး)