သတင်းနှင့် လှုပ်ရှားမှုများ

ချင်းပြည်နယ်၊စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဦးလှမိုးနိုင်(လ/ထညွှန်မှူး)နှင့် ဒေါ် ချောချောမူ(ဦးစီးမှူး)တို့သည် ဒီဇင်ဘာလ ၈ ရက်နေ့၊ နံနက် ၀၉:၃၀ အချိန်တွင် ချင်းပြည်နယ်၊ တီးတိန်ခရိုင်၊ ခိုင်ကမ်းမြို့တွင် စားသုံးသူကာကွယ်ရေးဆိုင်ရာ (Talk Show) ကျင်းပခဲ့ကြောင်း သိရသည်။
အဆိုပါဟောပြောပွဲတွင် ပြည်နယ်ဦးစီးမှူးမှ စားသုံးသူရေးရာဦးစီးဌာန၏ မျှော်မှန်းချက်နှင့် ရည်မှန်းချက်(၃)ရပ်ကို ဦးစွာအကျယ်တဝင့်ဆွေးနွေးခဲ့ပြီး စားသုံးသူရေးရာ ဆောင်ပုဒ်မှာ “စားသုံးသူအခွင့်အရေးဦးစားပေး”ဖြစ်ကြောင်း၊၂၀၁၉ခုနှစ် မတ်လ(၁၅)ရက်နေ့တွင် ပြည်ထောင်စု လွှတ်တော်ဥပဒေအမှတ်(၉)ဖြင့် ပြဋ္ဌာန်းခဲ့သော စားသုံးသူကာကွယ်ရေးဥပဒေတွင် အခန်း(၂၅)နှင့် ပုဒ်မ(၈၄)ခုပါရှိကြောင်း၊ စားသုံးသူကာကွယ်ရေးဥပဒေအခန်း(၁)၊ပုဒ်မ(၂)မှ အမည်နှင့် အဓိပ္ပာယ်ဖွင့် ဆိုချက်များ ၊ကုန်စည်နှင့် ဝန်ဆောင်မှု၏ အဓိပ္ပာယ်ကို ရှင်းလင်ဆွေးနွေးခြင်း၊ အခန်း(၉)မှ စားသုံးသူ ၏ အခွင့်အရေး(၈)ချက်နှင့် တာဝန်များကို ရှင်းလင်းဆွေးနွေးခြင်း၊ အခန်း(၁၈)မှ ကုန်အညွှန်းအမှတ်အသားဖော်ပြခြင်းနှင့် စပ်လျဉ်းပြီး အကျယ်တဝင့် ရှင်းလင်း ဆွေးနွေးခဲ့ကြောင်း သိရသည်။
DOCA(ချင်း)

“မွန်ပြည်နယ်ရော်ဘာစိုက်တောင်သူများနှင့့်ဆုံပွဲ” အခမ်းအနားကို မွန်ပြည်နယ်၊ မော်လမြိုင်မြို့၊ ဇမ္ဗူကျော်ဟိုတယ်၌ ကျင်းပပြုလုပ်ခဲ့ရာ မွန်ပြည်နယ် စားသုံးသူရေးရာဦးစီးဌာန၊ ပြည်နယ်ဦးစီးမှူး တက်ရောက်ခဲ့ပါသည်။ အဆိုပါ တွေ့ဆုံပွဲသို့ မွန်ပြည်နယ်အစိုးရအဖွဲ့၊ စီးပွားရေးရာဝန်ကြီး နိုင်လယိတမ၊ မြန်မာကုန်သွယ်မှုမြှင့်တင်ရေးအဖွဲ့မှ ဒေါက်တာထိန်လင်းနှင့် တာဝန်ရှိသူများ၊ ပြည်နယ်အဆင့်ဌာနဆိုင်ရာတာဝန်ရှိသူများ၊ မြန်မာကုန်သွယ်မှုမြှင့်တင်ရေးအဖွဲ့၊ မွန်ပြည်နယ်ရုံးမှ ဝန်ထမ်းများ၊ မွန်ပြည်နယ်စားသုံးသူရေးရာဦးစီးဌာနမှ ဝန်ထမ်းများ၊ ရော်ဘာစိုက်တောင်သူများနှင့် လုပ်ငန်းရှင်များ စုစုပေါင်း (၅၆) ဦး တက်ရောက်ခဲ့ပါသည်။
အဆိုပါ အခမ်းအနားတွင် မွန်ပြည်နယ်အစိုးရအဖွဲ့၊ စီးပွားရေးရာဝန်ကြီး နိုင်လယိတမက အဖွင့်အမှာစကားပြောကြားခဲ့ပြီး မြန်မာကုန်သွယ်မှုမြှင့်တင်ရေးအဖွဲ့၊ ဒုတိယညွှန်ကြားရေးမှူးချုပ် ဒေါက်တာထိန်လင်းက အမှာစကားပြောကြားခဲ့ပါသည်။ ဆက်လက်၍ မြန်မာကုန်သွယ်မှု မြှင့်တင်ရေးအဖွဲ့၊ ညွှန်ကြားရေးမှူး က စီမံကိန်းနှင့်စပ်လျဉ်း၍ ရှင်းလင်းခဲ့ပြီး ဒုတိယ ညွှန်ကြားရေးမှူးက ရော်ဘာသုတေသနစစ်တမ်းရလဒ်များအား ရှင်းလင်းတင်ပြခဲ့ပါသည်။ ထို့နောက် တက်ရောက်လာသူများမှ မေးမြန်းခြင်းများကို တာဝန်ရှိသူများက ဖြေကြားခဲ့ပါသည်။ ထို့နောက် မြန်မာကုန်သွယ်မှုမြှင့်တင်ရေးအဖွဲ့၊ ဒုတိယညွှန်ကြားရေးမှူးချုပ် ဒေါက်တာထိန်လင်းက နိဂုံးချုပ်ပြောကြားခဲ့ပြီး အခမ်းအနားအား နေ့လယ် (၁၂:၃၀) ချိန်တွင် ရုတ်သိမ်းခဲ့ကြောင်း သိရှိရပါသည်။
DOCA(မွန်)

၂၀၂၂ ခုနှစ် ဒီဇင်ဘာလ ၇ ရက်နေ့၌ မွန်ပြည်နယ်စားသုံးသူရေးရာဦးစီးဌာနမှ ဒုတိယဦးစီးမှူးဒေါ်ခင်ကြည်နှင့်ဝန်ထမ်းများသည် မွန်ပြည်နယ် ချောင်းဆုံမြို့နယ်၊ ရွာလွတ်ကျေးရွာရှိ ဟိန်းကျော်ကြား မြန်မာ့လက်မှုပညာနှင့်မွန်ရိုးရာအထည်အမျိုးမျိုး အရောင်းဆိုင်သို့ သွားရောက်၍ ဆိုင်ပိုင်ရှင်လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။
အဆိုပါ ဟိန်းကျော်ကြား မြန်မာ့လက်မှုပညာနှင့် မွန်ရိုးရာအထည်အမျိုးမျိုး အရောင်းဆိုင်သည် မွန်ပြည်နယ် ချောင်းဆုံမြို့နယ်၏ ရွာလွတ်ကျေးရွာတွင် တည်ရှိပြီး မြန်မာ့လက်မှုပညာနှင့်မွန်ရိုးရာအထည်အမျိုးမျိုးကို နေ့စဉ်ရောင်းချပေးနေသောအရောင်း ဆိုင်ဖြစ်ပါသည်။ ၎င်းဆိုင်အတွင်းရောင်းချမှုရှိသည့် ကုန်ပစ္စည်းများမှာ မွန်ဒေသထွက် ကုန်ကြမ်းများကို ပြုလုပ်မွမ်းမံ၍ မြန်မာ့လက်မှုပညာဖြင့် ဒေသထွက်ပစ္စည်းများအား ဆန်းသစ်တီထွင်ပြုလုပ်ထားပါသည်။ လှပဆန်းသစ်သော မြန်မာ့မှုပစ္စည်းအား အမျိုးအစား တစ်ရာကျော်ခန့်စုံလင်စွာဖန်တီး၍ပစ္စည်းအသေးဆုံးဆိုဒ်သော့ချိတ်၊ ဦးထုပ်၊ ကျောက်သင်ပုန်း၊ ကျန်းမာပစ္စည်းများမှစ၍ အကြီးဆုံးပန်းပုရုပ်ထု၊ဆင်းထုများနှင့် မွန်ရိုးရာအထည် များကိုလည်း Hand Made ပြုလုပ်၍ ပိုက်ဆံအိတ်အမျိုးမျိုးနှင့် မွန်လုံခြည်၊ မွန်ထမီများ အရောင်အဆင်းစုံလင်စွာကို တစ်နေရာတည်းမှာ ရောင်းချလျက်ရှိပါသည်။
ဟိန်းကျော်ကြား မြန်မာ့လက်မှုပညာနှင့် မွန်ရိုးရာအထည်အမျိုးမျိုး အရောင်းဆိုင်အတွင်း အနည်းဆုံး မြန်မာကျပ်ငွေ ၁၅၀၀ကျပ်တန် သော့ချိတ်မှစ၍ ပန်းပုရုပ် ၉၀၀၀၀၀ ကျပ်တန်ထိ အမျိုးအစားတစ်ခုစီ၏ ဈေးနှုန်းမှန်စွာ တစ်နေရာ တည်းရွေးချယ်ဝယ်ယူနိုင်ပါ သည် ရောင်းအားကောင်းမှုရှိသည့်အတွက် ယနေ့အချိန်အထိရောင်းချနိုင်သည်ဖြစ်ပါသည်။ လစဉ်နှစ်စဉ်အတွင်း ဒေသခံနှင့်မြန်မာနိုင်ငံအနှံမှခရီးသွားများ၊ နိုင်ငံခြားခရီးသွား ဧည့်သည့်တော်များမှ လေ့လာ၍ မြန်မာ့လက်မှုပညာများဖြင့်ပစ္စည်းများ ဝယ်ယူအားပေးမှု အများဆုံး ရောင်းချမှုရှိပါသည်ကို ဟိန်းကျော်ကြား မြန်မာ့လက်မှုပညာနှင့် မွန်ရိုးရာအထည်အမျိုးမျိုး အရောင်းဆိုင်ပိုင်ရှင်မရွှေဇင်ဦးမှ ပြောကြားခဲ့သည့်ကို သိရှိရပါသည်။
DOCA(မွန်)

မွန်ပြည်နယ်၊ စားသုံးသူရေးရာဦးစီးဌာန၊ ချောင်းဆုံမြို့နယ်တာဝန်ခံနှင့် ဝန်ထမ်းများသည် ၇.၁၂.၂၀၂၂ ရက်နေ့ နံနက် (၁၁:၀၀) နာရီအချိန်တွင် ချောင်းဆုံမြို့နယ် အ.ထ.က (ရွာလွတ်) ကျောင်း၌ စားသုံးသူကာကွယ်ရေးအသိပညာပေး ဟောပြောဆွေးနွေးပွဲ ပြုလုပ်ခဲ့ပါသည်။
အဆိုပါ ဟောပြောဆွေးနွေးပွဲတွင် ကျောင်းအုပ်ဆရာမကြီး ဒေါ်အေးမွန်စံမှ အဖွင့်အမှာစကားပြောကြားခြင်း စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဒုဦးစီးမှူး ဒေါ်ခင်ကြည်က မိတ်ဆက်စကားပြောကြားပြီး စားသုံးသူရေးရာဦးစီးဌာန၏ မျှော်မှန်းချက်၊ ရည်မှန်းချက်များ၊ ဌာနမှ လက်ရှိဆောင်ရွက်နေသောလုပ်ငန်းတာဝန်များ ဆက်လက်ဆောင်ရွက်ရမည့် လုပ်ငန်းတာဝန်များ အားဦးစွာရှင်းလင်းပြောကြားခြင်း၊ အငယ်တန်းစာရေး ဒေါ်ယွန်းမီမီဖူးဝေက စားသုံးသူ၏ အခွင့်အရေးနှင့် တာဝန်များအကြောင်း ရှင်းလင်းပြောကြားခြင်း၊ အငယ်တန်းစာရေး ဒေါ်အေးမြင့်မြတ်ထက်က ကုန်အညွှန်းအမှတ်အသားနှင့်ပတ်သက်သည့် အကြောင်းအရာများ ရှင်းလင်းပြောကြားခဲ့ပါသည်။ ထို့နောက်တက်ရောက်လာသည့် ဆရာ/ဆရာမများနှင့် ကျောင်းသား/ ကျောင်းသူများက စားသုံးသူကာကွယ်ပေးရေးအကြောင်းအရာနှင့်ပတ်သက်၍ သိလိုသည့်မေးမြန်း ချက်များအပေါ် အပြန်အလှန်ရှင်းလင်းဆွေးနွေးခဲ့ကြောင်း သိရှိရသည်။
ဟောပြောပွဲသို့ ဆရာ/ဆရာမ၊ ကျောင်းသား/ကျောင်းသူ စုစုပေါင်း (၁၈၃) ဦး တက်ရောက်ခဲ့ပြီး ကျောင်းအုပ်ဆရာမကြီးထံသို့ အသိပညာပေးလက်ကမ်းစာစောင်များ ပေးအပ်ခဲ့ကြောင်း သိရှိရပါသည်။
DOCA(မွန်)

မွန်ပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူးရုံးမှ ဝန်ထမ်းများသည် ၇.၁၂.၂၀၂၂ ရက်နေ့တွင် ကျိုက်မရောမြို့နယ်၊ ခရုံရွာ၊ မော်လမြိုင်မြို့၊ ဈေးကြိုရပ်၊ မုဒုံမြို့နယ်၊ နိုင်းပလိုင်ကျေးရွာတို့တွင် လည်းကောင်း၊ ၈.၁၂.၂၀၂၂ ရက်နေ့တွင် ကျိုက်မရောမြို့နယ်၊ လက်ပံကျေးရွာ၊ မော်လမြိုင်မြို့၊ သီရိမြိုင်ရပ်ကွက်နှင့် ဘိုကုန်းရပ်ကွက်တို့တွင်လည်းကောင်း ကုမ္ပဏီမှ ဖြန့်ဖြူးရောင်းချသည့် စားအုန်းဆီများအား ဈေးကွက်အတွင်း လက်လီ/လက်ကားဖြန့်ဖြူးရောင်းချခြင်းကို ကြပ်မတ်ဆောင်ရွက်ခဲ့ပါသည်။
ထိုသို့ ဆောင်ရွက်ရာတွင် စားအုန်းဆီတင်သွင်းသည့် ကုမ္ပဏီများမှ လက်ကား ကုန်သည်များသို့ ဖြန့်ဖြူးထုတ်ပေးခဲ့သည့် စားအုန်းဆီများကို ရန်ကုန်အထိုင်ဈေး ရည်ညွှန်းလက်ကားဈေးနှုန်းအပေါ် သယ်ယူပို့ဆောင်ခကုန်ကျစရိတ်များထပ်ပေါင်း၍ ၂ ရာခိုင်နှုန်း အမြတ်ထက်မပိုသော ဈေးနှုန်းဖြင့် ဈေးကွက်အတွင်းသို့ ပြန်လည်ဖြန့်ဖြူးရောင်းချရမည်ဖြစ်ရာ လက်လီဈေးကွက်အတွင်း ဖြစ်သင့်ဖြစ်ထိုက်သော ဈေးနှုန်းများဖြင့် ရောင်းချစေရေး၊ ဈေးနှုန်း အဆမတန်မြှင့်တင်ရောင်းချခြင်းမရှိစေရေးတို့အတွက် ကွင်းဆင်းကြပ်မတ်ဆောင်ရွက်ခဲ့ကြောင်း သိရှိရပါသည်။
DOCA(မွန်)