သတင်းနှင့် လှုပ်ရှားမှုများ

          ၂၀-၁-၂၀၂၀ ရက်နေ့ (၁၅:၀၀)နာရီအချိန်တွင် ရှမ်းပြည်နယ် စားသုံးသူရေးရာကော်မတီ (၁/၂၀၂၀) ညှိနှိုင်းအစည်းအဝေးပွဲကို ရှမ်းပြည်နယ်အစိုးရအဖွဲ့၊ ပြည်နယ်စီမံကိန်းနှင့်ဘဏ္ဍာရေးဝန်ကြီး ရုံးခန်းမှာကျင်းပခဲ့ပါသည်။

     အစည်းအဝေးတွင် ပြည်နယ်စားသုံးသူရေးရာကော်မတီ ဒုဥက္ကဌ၊ ပြည်နယ်စိုက်ပျိုးရေး၊ မွေးမြူရေးနှင့်ဆည်မြောင်းဝန်ကြီး ဦးစိုင်းလုံကျော်ကအဖွင့်အမှာစကားပြောကြားပြီး အတွင်းရေးမှူး ပြည်နယ်စားသုံးသူရေးရာဦးစီးဌာန ပြည်နယ်ဦးစီးမှူး ဦးတင့်လွင်ဦးက ၂၀၁၉ ခုနှစ် ဇွန်လမှ ဒီဇင်ဘာလအတွင်း စားသုံးသူကာကွယ်ရေး ဆိုင်ရာလုပ်ငန်းဆောင်ရွက်ခဲ့မှုများ၊ မြန်မာနိုင်ငံ စားသုံးသူရေးရာကော်မရှင်ဖွဲ့စည်းခဲ့မှုနှင့် တိုင်းနှင့်ပြည်နယ်စားသုံးသူရေးရာကော်မတီများ ဖွဲ့စည်းထားခဲ့မှုများ၊ ၂၀၁၉-၂၀၂၀ ဘဏ္ဍာနှစ် ရှမ်းပြည်နယ်အတွင်း စားသုံးသူကာကွယ်ရေးဆိုင်ရာ လုပ်ငန်းဆောင်ရွက်မည့် အစီအစဉ်များအား အမှာစာ(၁) မှ (၇) အထိ ရှင်းလင်းဆွေးနွေး တင်ပြခဲ့ပါသည်။

      ထို့နောက် အစည်းအဝေးတွင်တက်ရောက်သူများမှ ဆွေးနွေးတင်ပြခဲ့မှုများအပေါ် မှတ်တမ်းတင်ခြင်း၊ ဆွေးနွေးဆုံးဖြတ်ခြင်း၊ ရှေ့ဆက်လုပ်ဆောင်ရမည့်လုပ်ငန်းဆိုင်ရာများအား အကြံပြုဆွေးနွေးခဲ့ကြရာမှာ မှတ်တမ်းတင်ခြင်း ( ၇ ) ရပ်၊ ဆွေးနွေးဆုံးဖြတ်ခြင်း ( ၂ ) ရပ်ကို ဆောင်ရွက်ခဲ့ပြီး အစည်းအဝေးကို ညနေ(၁၆:၃၅) နာရီတွင် ရုတ်သိမ်းခဲ့ကြောင်း သတင်းရရှိပါသည်။

     ၂၀၂၀ ပြည့်နှစ် ဇန်နဝါရီလ (၁၈)ရက်နေ့၊ နံနက်(၁၀:၀၀) နာရီ တွင် မကွေးတိုင်းဒေသကြီး၊ စားသုံးသူရေးရာဦးစီးဌာန၊ ပခုက္ကူခရိုင်ဦးစီးမှူးရုံးမှ ခရိုင်ဦးစီးမှူးနှင့် ထီးလင်းမြို့နယ်တာဝန်ခံ တို့သည် ထီးလင်းမြို့နယ်၊ အထွေထွေအုပ်ချုပ်ရေးဦးစီးဌာန အစည်းအဝေးခန်းမတွင် စားသုံးသူကာကွယ်ရေး အသိပညာပေး ဆွေးနွေးပွဲ ဆောင်ရွက်ခဲ့ရာ မြိုနယ်အုပ်ချုပ်ရေးမှူး အပါအဝင် ဌာနဆိုင်ရာဝန်ထမ်းများ၊ ရပ်ကွက်/ ကျေးရွာ အုပ်ချုပ်ရေးမှူးများ၊ စာရေးများ စုစုပေါင်း (၁၅၆)ဦး တက်ရောက်ခဲ့ပါသည်။

    အဆိုပါဆွေးနွေးပွဲတွင် မြို့နယ်အုပ်ချုပ်ရေးမှူးမှ အဖွင့်အမှာစကားပြောကြားပြီး ခရိုင်ဦးစီးမှူးက စားသုံးသူရေးရာဦးစီးဌာန၏ သမိုင်းအကျဉ်း၊ မျှော်မှန်းချက်၊ ရည်မှန်းချက်တာဝန်များ၊ စားသုံးသူကာကွယ်ရေး ဥပဒေ ပြဌာန်းရခြင်း၏ ရည်ရွယ်ချက်၊ စားသုံးသူအခွင့်အရေးနှင့် တာဝန်များ၊ စီးပွားရေးလုပ်ငန်းရှင်၏ အဓိပ္ပါယ်၊ ဖော်ပြရမည့်ကုန်အညွှန်းအမှတ်အသားများ၊ မြန်မာနိုင်ငံစားသုံးသူ ကာကွယ်ရေးကော်မရှင်ဖွဲ့စည်းထားပုံ၊ ကော်မရှင်ဖွဲ့စည်းရခြင်း၏ ရည်ရွယ်ချက်၊ စားသုံးသူရေးရာကော်မတီကိုလည်း ပြည်ထောင်စုနယ်မြေ၊ တိုင်းဒေသကြီး၊ ပြည်နယ်အဆင့်ထိ ဖွဲ့စည်းမည်ဖြစ်ပြီး မိမိတို့ဌာနမှ ဈေးကွက်အတွင်း ဘေးအန္တရာယ်ရှိသည်ဟု ထင်မြင်ယူဆရသောကုန်စည်များကို စောင့်ကြည့်စစ်ဆေးနိုင်ရန် စစ်ဆေးရေးအရာရှိများကိုခန့်အပ်ထား ကြောင်း၊ စီးပွားရေးလုပ်ငန်းရှင်၏ တာဝန်များ၊ ကုန်စည်(သို့) ဝန်ဆောင်မှုနှင့် စပ်လျဉ်း၍ အာမခံချက် ပေးခြင်းနှင့် တောင်းဆိုနိုင်သည့် အခွင့်အရေး၊ လုံခြုံစိတ်ချရမှု၊ စားသုံးသူအခွင့်အရေးနစ်နာဆုံးရှုံးလျှင် တိုင်ကြားနိုင်သောနေရာများ၊ စီမံခန့်ခွဲမှုနည်းလမ်းအရ အရေးယူခြင်း၊ အသင်းအဖွဲ့များနှင့် ဆောင်ရွက်မည့် အချက်များ၊ တားမြစ်ချက်နှင့် ပြစ်မှုပြစ်ဒဏ်များစသည့် ဥပဒေပါ အချက်အလက်များအား အကျယ်တဝင့် ရှင်းလင်းဆွေးနွေးခဲ့ပါသည်။

သူဇာကျော်
ပခုက္ကူမြို့

             ၂၁.၁.၂၀၂၀ ရက်နေ့တွင် စားသုံးသူရေးရာဦးစီးဌာန၊ ရန်ကုန်တိုင်းဒေသကြီးဦးစီးမှူးရုံးမှ တာဝန်ရှိသူများသည် ကမာရွတ်မြို့နယ်ရှိ United Amara Bank ရုံးချုပ်၌ စားသုံးသူကာကွယ်ရေးဥပဒေပါ ပြဌာန်းချက်များ၊ ဘဏ်ဝန်ဆောင်မှုဆိုင်ရာများနှင့် ပတ်သက်၍ အသိပညာပေးဆွေးနွေးပွဲ ကျင်းပခဲ့ရာ ဘဏ်ရုံးချုပ်မှ တာဝန်ရှိ ပုဂ္ဂိုလ်များ၊ ဝန်ထမ်းများ (၃၀)ဦးခန့် တက်ရောက်ခဲ့ပါသည်။

         အဆိုပါ ဆွေးနွေးပွဲတွင် စားသုံးသူကာကွယ်ရေးဥပဒေပါ ပြဌာန်းချက်များ၊ ဘဏ်ဝန်ဆောင်မှု ဆိုင်ရာများနှင့်ပတ်သက်၍ လိုက်နာရမည့်အချက်များ၊ စားသုံးသူတိုင်ကြားမှုများ အပေါ် ဌာနမှ ဖြေရှင်းပေးခဲ့မှုများအား အကျယ်တဝင့် ရှင်းလင်းပြောကြားပြီး ဘဏ်လုပ်ငန်းရှင်များမှ ပူးပေါင်းဆောင်ရွက်ပေးစေလိုသည့် အချက်များအားလည်း အသေးစိတ်ဆွေးနွေးပြောကြားခဲ့ရာ ဘဏ်တာဝန်ရှိသူများမှလည်း မိမိတို့ဘက်မှ လိုအပ်သည်များကို ပူးပေါင်းပါဝင်ဆောင်ရွက်ပေးမည် ဖြစ်ပါကြောင်းနှင့် ၎င်းတို့ သိရှိလိုသည့်အချက်အလက်များအား မေးမြန်းခဲ့ပြီး ရှင်းလင်းဆွေးနွေး ပြောကြားခဲ့ကြောင်း သိရှိရပါသည်။                                     

(နှင်းနွယ်)
YGN, DOCA

      လယ်ယာထွက်ကုန်စီမံခန့်ခွဲရေးအဖွဲ့တွင် အတွင်းရေးမှုးဖြစ်သည့် စားသုံးသူရေးရာဦးစီးဌာနမှ ဒုတိယညွှန်ကြားရေးမှူးချုပ် ဉီးအောင်မောင်းသည် ပဲခူးတိုင်းဒေသကြီးစပါးဝယ်ယူရေးကြီးကြပ်မှု လုပ်ငန်းအဖွဲ့တွင် အတွင်းရေးမှူးဖြစ်သည့် ဦးကျော်စွာဝင်းနှင့် တာဝန်ရှိသူများလိုက်ပါ၍ ဇန်နဝါရီလ ၁၈ ရက်နေ့တွင်  သာယာဝတီမြို့နယ် ဂုံမင်းမြောင်ကျေးရွာနေ ဦးသန်းစိုး၏ ရွှေမြတ်ချယ် ဆန်စက်သို့သွားရောက်ပြီးစပါးဝယ်ယူမှုကိုကြပ်မတ်စစ်ဆေးခဲ့ပါသည်။

ယင်းနောက် ဒုတိယညွှန်ကြားရေးမှူးချုပ်နှင့်အဖွဲ့သည် ဇီးကုန်းမြို့နယ်တင်ဒါအောင်မြင်သည့် ဇီးကုန်းမြို့ရွှေတောင်တတ်(၂)လမ်း၊ အမှတ်(၄)နေဦးကျော်ဦးစိမ်းလန်းမြေဆန်စက်သို့ လည်းကောင်း  သွားရောက်၍စပါးဝယ်ယူမှုများကိုကြပ်မတ် စစ်ဆေး ခဲ့ကြောင်း သတင်းရရှိပါသည်။

ခင်ခင်ထိုက်(သာယာဝတီ)

         ၁၅.၁.၂၀၁၂၀ ရက်နေ့ ၀၉:၀၀ နာရီတွင် မွန်ပြည်နယ်စားသုံးသူရေးရာဦးစီးဌာန မှ ဝန်ထမ်းများသည် မွန်ပြည်နယ်ချောင်းဆုံမြို့နယ် အထက (ခွဲ)ဒရယ် ကျောင်း၌ ဆရာ/ဆရာမ၊ ကျောင်းသား/ ကျောင်းသူ စုစုပေါင်း (၂၆၆) ဦးအားလည်းကောင်း၊ ၁၁:၀၀ နာရီတွင် အမက (ဒရယ်) ကျောင်း၌ ဆရာ/ဆရာမ၊ ကျောင်းသား/ကျောင်းသူ စုစုပေါင်း (၁၁၈) ဦးအားလည်းကောင်း စားသုံးသူ ကာကွယ်ရေးအသိပညာပေး ဟောပြောဆွေးနွေးခဲ့ပြီး ကျောင်းမုန့်ဈေးတန်းအား စစ်ဆေးခဲ့သည်။