မန္တလေးတိုင်းဒေသကြီး၊ အမရပူရမြို့နယ်တွင် ကျင်းပပြုလုပ်သည့် ဆောင်းဒါးရက်ကန်းနှင့်အသက်မွေးပညာ သိပ္ပံချည်မျှင်နှင့်အထည်အလိပ်ဒီပလိုမာ ကျောင်းဆင်းလက်ရာနှင့်ရက်ကန်းပညာဆိုင်ရာ ဒီဇိုင်းပြိုင်ပွဲ၊ ပြပွဲနှင့်ဈေးရောင်းပွဲတော်သို့ ဒုတိယဝန်ကြီး တက်ရောက်
![](http://www.doca.gov.mm/sites/default/files/styles/consumer_inner_image__847x424_/public/received_1487164778101307.jpeg?itok=jn-g7ScF)
၂၀၂၀ ပြည့်နှစ် ဇန်နဝါရီလ(၁၀)ရက်နေ့တွင် မန္တလေးတိုင်းဒေသကြီး အမရပူရမြို့နယ်ရှိ စိုက်ပျိုးရေးမွေးမြူရေးနှင့်ဆည်မြောင်းဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန၊ ဆောင်းဒါးရက်ကန်းနှင့်အသက်မွေးပညာသိပ္ပံကျောင်းတွင် ဆောင်းဒါးရက်ကန်းနှင့် အသက်မွေးပညာ သိပ္ပံချည်မျှင်နှင့်အထည်အလိပ်ဒီပလိုမာ ကျောင်းဆင်းလက်ရာနှင့် ရက်ကန်းပညာဆိုင်ရာဒီဇိုင်းပြိုင်ပွဲ၊ ပြပွဲနှင့်ဈေးရောင်းပွဲတော်ကို ကျင်းပခဲ့ပါသည်။ အဆိုပါအခမ်းအနားသို့ မန္တလေးတိုင်းဒေသကြီး အစိုးရအဖွဲ့ စိုက်ပျိုးရေးမွေးမြူရေးနှင့်ဆည်မြောင်းဝန်ကြီးဌာန ဝန်ကြီး ဒေါက်တာစိုးသန်းမှ အဖွင့် အမှာစကားပြောကြားခဲ့ပါသည်။ အသေးစားစက်မှုလက်မှုလုပ်ငန်းဦးစီးဌာန ညွှန်ကြားရေးမှူးချုပ် ဦးခွန်အေးနိုင်မှ ရက်ကန်းပညာရပ်ဆိုင်ရာ ဒီဇိုင်းပြိုင်ပွဲ၊ ပြပွဲနှင့်ဈေးရောင်းပွဲတော်ကျင်းပရခြင်းနှင့် ပတ်သက်၍ ရှင်းလင်းပြောကြားပြီး နံနက် (၀၉:၂၀)မိနစ်တွင် မန္တလေးတိုင်းဒေသကြီးစိုက်ပျိုးရေး မွေးမြူရေးနှင့်ဆည်မြောင်းဝန်ကြီးဌာနမှ ဝန်ကြီး ဒေါက်တာစိုးသန်း၊ မန္တလေးတိုင်းဒေသကြီး လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီးဌာန ဝန်ကြီး ဦးအောင်ကြည်၊ အသေးစား စက်မှုလက်မှုလုပ်ငန်းဦးစီးဌာန ညွှန်ကြားရေးမှူးချုပ် ဦးခွန်အေးနိုင်၊ ပြည်သူ့လွှတ်တော် ကိုယ်စားလှယ် ဦးအောင်ဇော်မြင့်၊ မန္တလေးစည်ပင်သာယာရေးကော်မတီ ဒုတိယမြို့တော်ဝန် ဦးရဲမွန် တို့မှ ဒီဇိုင်းပြပွဲ၊ ပြိုင်ပွဲနှင့် ဈေးရောင်းပွဲတော်ကို ဖဲကြိုးဖြတ်ဖွင့်လှစ်ခဲ့ပါသည်။
ယနေ့ကျင်းပသည့်ဆောင်းဒါးရက်ကန်းနှင့် အသက်မွေးပညာသိပ္ပံချည်မျှင်နှင့်အထည်အလိပ် ဒီပလိုမာကျောင်းဆင်းလက်ရာနှင့် ရက်ကန်းပညာရပ်ဆိုင်ရာ ဒီဇိုင်းပြိုင်ပွဲ၊ ပြပွဲတွင် သင်တန်းသား များနှင့်အတူ တိုင်းဒေသကြီးနှင့်ပြည်နယ် သင်တန်းကျောင်း (၁၃)ခုတို့မှ သင်တန်းသား/သင်တန်းသူ များ၏ လက်ရာများ၊ အမရပူရမြို့နယ်အတွင်းမှ ရက်ကုန်သည့် ရိုးရာချည်ထည်၊ ပိုးထည်သဘာဝ ဆိုးဆေးများကိုသာ အသုံးပြုရက်လုပ်သည့် ချည်ထည်များကို ပြခန်း ပေါင်း(၂၃)ခန်းဖြင့် ခင်းကျင်း ပြသရောင်းချလျှက်ရှိပါသည်။ အဆိုပါ ရက်ကန်းပညာရပ်ဆိုင်ရာ ဒီဇိုင်းပြိုင်ပွဲ၊ ပြပွဲနှင့် ဈေးရောင်းပွဲ တော်သို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး ဦးအောင်ထူး၊ စားသုံးသူရေးရာဦးစီးဌာန ညွှန်ကြားရေးမှူးချုပ်၊ မြန်မာကုန်သွယ်မှုမြှင့်တင်ရေးအဖွဲ့ ဒုတိယ ညွှန်ကြားရေးမှူးချုပ် တို့မှ တက်ရောက်ခဲ့ပါသည်။ အဆိုပါရက်ကန်းပညာဆိုင်ရာ ဒီဇိုင်းပြပွဲ၊ ပြိုင်ပွဲ ဝင်ရောက်ခဲ့ကြသည့် အဖွဲ့များကို ၁၁.၁.၂၀၂၀ ရက်နေ့ ညနေပိုင်းတွင် ဆုရရှိသူများကို ဆုများ ချီးမြှင့်ပေးသွားမည်ဖြစ်ပါသည်။