သတင်းနှင့် လှုပ်ရှားမှုများ

    ဧရာဝတီတိုင်းဒေသကြီး၊ မအူပင်ခရိုင်၊ မြို့နယ်အထွေထွေအုပ်ချုပ်ရေးဦးစီးဌာန ဦးဆောင်မှုဖြင့် မြို့နယ်စားသုံးသူရေးရာဦးစီးဌာန၊ မိတ်ဖက်ဌာနများနှင့်အတူ (၅.၉.၂၀၂၂) ရက်နေ့ နံနက်(၀၈ :၀၀) အချိန်၌ ဓနုဖြူမြို့နယ်(၁၇)ရပ်ကွက်ရှိ မိဘဂုဏ်ရည် ဆန်စက်ရှေ့တွင် ပြည်သူများအား အခြေခံစား သောက် ကုန်ပစ္စည်းများကို သက်သာသော ဈေးနှုန်းဖြင့် ရောင်းချပေးလျှက်ရှိပါသည်။

    ထိုသို့ရောင်းချပေးရာတွင် ဓနုဖြူမြို့နယ်စီမံအုပ်ချုပ်ရေးအဖွဲ့မှ ဦးဆောင်၍ မြို့နယ်အထွေထွေအုပ်ချုပ်ရေးဦးစီးဌာန၊တပ်မတော်သားများ ၊မြို့နယ်ရဲတပ်ဖွဲ့ဝင်များ၊ ရပ်ကွက်အုပ်ချုပ်ရေးမှူးများ၊ မြို့နယ် စားသုံးသူရေးရာဦးစီးဌာန၊ မြို့နယ်ဆန်စက်လုပ်ငန်းရှင်များအသင်းနှင့် မိဘဂုဏ်ရည် ဆန်စက်မိသားစုတို့မှ ဆန်(၁)ပြည်လျှင် (၁၅၀၀)ကျပ်၊ ဆီ (၅၀)ကျပ်သားလျှင် (၂၅၀၀)ကျပ် ၊ ကြက်ဥ (၆)လုံးလျှင် (၁၀၀၀) ကျပ်၊ အိုင်အိုဒင်းဆား(၁)ထုပ်လျှင် (၂၀၀)ကျပ်နှုန်းနှင့် တပ်မတော်စက်ရုံမှ ထုတ်လုပ်သော ပစ္စည်းများအား ဓနုဖြူမြို့နယ်အတွင်းရှိ လူဦးရေ (၆၀၀)ခန့်အား ဈေးနှုန်းချိုသာစွာဖြင့် ရောင်းချပေးခဲ့ကြောင်း သိရသည်။ ဓနုဖြူမြို့နယ်ဦးစီးမှူး ဦးဝင်းမင်းစိုးမှလည်း စားသုံးသူကာကွယ်ရေး အသိပညာပေး လက်ကမ်းစာစောင်များ ပြည်သူများသို့ ဖြန့်ဝေပေးပြီး၊ သက်သာသောဈေးနှုန်းဖြင့် ဆန်နှင့် စားသောက်ကုန်ပစ္စည်းများ ရောင်းချပေးခြင်းကို တနင်္လာနေ့နှင့် သောကြာနေ့များတွင် တစ်ပတ်လျှင် (၂)ကြိမ် ရောင်းချပေးမည်ဖြစ်ကြောင်း မြို့နယ်စီမံအုပ်ရေးအဖွဲ့ထံမှ သတင်းရရှိပါသည်။

DOCA (ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့ မိတ်ဖက်ဌာနများဖြစ်သော အထွေထွေအုပ်ချုပ်ရေးဦးစီးဌာန၊ ဆီကုန်သည်များအသင်း၊ ဆန်စက်ပိုင်ရှင်များအသင်း၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာနနှင့် ပန်းတနော် စားသုံးသူရေးရာဦးစီးဌာတို့ ပူးပေါင်း၍ ပန်းတနော်မြို့ မြို့မဈေးရှေ့တွင် ပြည်သူများအား (၆.၉.၂၀၂၂) ရက်နေ့ နံနက်(၁၀:၀၀) အချိန်တွင် အခြေခံစားသောက်ကုန်ဈေးနှုန်းများအား ဈေးနှုန်းချိုသာစွာဖြင့် ရောင်းချပေးခဲ့ကြပါသည်။

   ထိုသို့ရောင်းချပေးရာတွင် ပန်းတနော်မြို့နယ်စီမံအုပ်ချုပ်ရေးအဖွဲ့မှ ဦးဆောင်၍ ဆန်(၁)ပြည်လျှင် (၁၅၀၀)ကျပ်၊ ဆီ (၅၀)ကျပ်သားလျှင် (၂၅၀၀)ကျပ် ၊ ကြက်ဥ (၆)လုံးလျှင် (၁၀၀၀) ကျပ်၊ အိုင်အိုဒင်းဆား (၁)ထုပ်လျှင် (၂၀၀)ကျပ်နှုန်းနှင့် ပန်းတနော်မြို့နယ်အတွင်းရှိ လူဦးရေ (၅၀၀)ခန့်အား ဈေးနှုန်းချိုသာစွာဖြင့် ရောင်းချပေးခဲ့ကြောင်း သိရသည်။ ပန်းတနော်မြို့နယ်ဦးစီးမှူးမှလည်း စားသုံးသူကာကွယ်ရေး အသိပညာပေး လက်ကမ်းစာစောင်များ ပြည်သူများသို့  ဖြန့်ဝေခဲ့ကြောင်း သတင်းရရှိပါသည်။

DOCA (ဧရာဝတီ)

      ဧရာဝတီတိုင်းဒေသကြီး၊ မအူပင်ခရိုင်၊ ညောင်တုန်းမြို့နယ်အတွင်းရှိ စိုက်ပျိုးမြေများတွင် ဆီထွက်သီးနှံ (နေကြာ) စိုက်ပျိုးမှုလျာထားချက် ပြည့်မီရေး သီးနှံစိုက်ပျိုးထုတ်လုပ်မှု တိုးတက်မြင့်မားရေးအတွက် တောင်သူများနှင့် တွေ့ဆုံဆွေးနွေးခြင်းကို (၆၊၉၊၂၀၂၂) ရက်နေ့ နံနက် (၁၀:၃၀) အချိန်ခန့်က ညောင်တုန်းမြို့နယ်အတွင်းရှိ ကျေးရွာအုပ်စုများသို့ ကွင်းဆင်းဆောင်ရွက်ခဲ့ကြပါသည်။

    ထို့တွေ့ဆုံပွဲတွင် မိတ်ဖက်ပူးပေါင်းဌာနများဖြစ်သော မြို့နယ်စိုက်ပျိုးရေးဦးစီးဌာန၊ စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုကော်မတီ၊ မြို့နယ်မြေစာရင်းဦးစီးဌာန၊ မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ မြို့နယ်စားသုံးသူရေးရာဦးစီးဌာတို့ပါဝင်ပြီး ဆွေးနွေးပွဲတွင် စိုက်ပျိုးထုတ်လုပ်မှု တိုးတက်မြင့်မားရေး ကြီးကြပ်မှုကော်မတီက မြို့နယ်သီးနှံစိုက်ပျိုးထုတ်လုပ်မှု တိုးတက်မြင့်မားစိုက်ပျိုးနိုင်ရေး၊ နည်းစနစ်မှန်ကန်ရေး၊ မျိုးကောင်းမျိုးသန့်ရရှိရေး၊ ကောင်းမွန်စွာမြေပြုပြင်ပေးရေး၊ စားသုံးဆီဖူလုံရေးနှင့် ဝင်ငွေတိုးစေရန် ဆောင်းသီးနှံနေကြာအား လျာထားချက်အတိုင်း စိုက်ပျိုးရေး စည်းရုံးဆွေးနွေးခဲ့ကြပါသည်။

    မြို့နယ်စားသုံးသူရေးရာဦးစီးဌာန မှ မြို့နယ်ဦးစီးမှူး ဦးအောင်လွင်က တောင်သူများ အသုံးပြုလျှက်ရှိသည့် စိုက်ပျိုးရေးဆေးများနှင့် မျိုးစေ့များဝယ်ယူသုံးစွဲရာတွင် စားသုံးသူကာကွယ်ရေးအသိပညာပေး အကြောင်းအရာများသာမက ပြည်တွင်းကုန်သွယ်မှုဖွံ့ဖြိုးရေးကဏ္ဍလုပ်ငန်းများအကြောင်း၊ တောင်သူများ ဆီထွက်သီးနှံ (နေကြာ) စိုက်ပျိုးခြင်းသည် ပြည်တွင်းစားသုံးဆီဖူလုံ၍ ပြည်ပမှ စားအုန်းဆီတင်သွင်းမှု လျော့ချနိုင်ရေး၊ ပြည်တွင်းစားသုံးဆီဈေးကွက်ပိုမိုရရှိစေရေး၊ ဆီစက်လုပ်ငန်းများ SMEလုပ်ငန်းပိုမိုဖွံ့ဖြိုး တိုးတက်စေရေး၊ နိုင်ငံခြားငွေ အသုံးပြုမှု လျော့နည်းသက်သာစေရေးအခြေအနေများကို တင်ပြဆွေးနွေးခဲ့ကြပြီး တောင်သူများမှ သိရှိလို၍ မေးမြန်းမှုများကို အကျယ်တဝင့် ပြန်လည်ရှင်းလင်းဆွေးနွေးခဲ့ကြောင်း သတင်း ရရှိပါသည်။

DOCA(ဧရာဝတီ)

    ဧရာဝတီတိုင်းဒေသကြီးအစိုးရအဖွဲ့၏ လမ်းညွှန်ချက်အရ ညောင်တုန်းမြို့နယ်မြို့နယ် စီမံအုပ် ချုပ်ရေးအဖွဲ့၏ ဦးဆောင်မှုဖြင့် မြို့နယ်အတွင်းရှိ ပြည်သူများအား အခြေခံစားသောက်ကုန် ဈေးနှုန်းချိုသာစွာဖြင့် ဝယ်ယူစားသောက်နိုင်ရေးအတွက် မြို့နယ်စီမံအုပ်ချုပ်ရေးအဖွဲ့၊ နယ်မြေခံ တပ်ရင်းတပ်ဖွဲ့များ၊ ဌာနဆိုင်ရာများ၊ ဆီကုန်သည်များအသင်း(ယာယီ)၊ မြန်မာနိုင်ငံဆန်စက်ပိုင်ရှင်များ အသင်းခွဲတို့ပူးပေါင်း၍ (၅.၉.၂၀၂၂) ရက်နေ့ နံနက်(၀၉ :၀၀) အချိန်တွင် အမှတ်(၁၀)ရပ်ကွက် ဓမ္မာရုံရှေ့၌ စားသုံးသူပြည်သူများအား ဆန်၊ ဆီ၊ ဆား၊ ကြက်ဥများကို ဈေးနှုန်းသက်သာစွာဖြင့် ရောင်းချပေး ခဲ့ပါသည်။

     အဆိုပါ အခြေခံစားသောက်ကုန်များရောင်းချသည့်ဈေးနှုန်းမှာ ဆန်တစ်ပြည် ၁၅၀ဝိ/-၊ ဆီ (၅၀)ကျပ်သား ၂၅၀၀/-၊ ကြက်ဥ (၅)လုံးလျှင် ၈၀၀/-၊နှင့် ဆား(၅၀)သားလျှင် ၂၀၀/-၊နှင့် အမှတ်(၉၀၅) စစ်မြေပြင် အင်ဂျင်နီယာတပ်ရင်းမှလည်း စားသောက်ကုန်နှင့် ရှပ်အင်္ကျီများကိုပါ ဈေးနှုန်းချိုသာစွာဖြင့် စားသုံးသူ အိမ်ထောင်စု (၃၀၀)ကျော်အားရောင်းချပေးခဲ့ပြီး ထိုကဲ့သို့ရောင်းချခြင်းအား တစ်ပါတ်လျှင် ၂ကြိမ်ခန့်ရောင်းချပေးသွားမည်ဖြစ်ကြောင်း သတင်းရရှိပါသည်။

DOCA(ဧရာဝတီ)

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် ပြည်တွင်းသို့တင်သွင်းလာသည့် စားအုန်းဆီများ သတ်မှတ်အရည်အသွေးများပြည့်မီရေး၊ ကျန်းမာရေးနှင့်ညီညွှတ်ပြီးဘေးအန္တရာယ် ကင်းရှင်းသည့် စားအုန်းဆီများကိုသုံးစွဲနိုင်ရေး ၊ စျေးကွက်အတွင်းဖြစ်သင့်ဖြစ်ထိုက်သည့်စျေးနှုန်း ဖြစ်ပေါ်စေရေးတို့အတွက် လုပ်ငန်းစဉ်များချမှတ်၍ ကြီးကြပ်ဆောင်ရွက်လျှက်ရှိရာ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ၊ စားသုံးသူရေးရာဦးစီးဌာနနှင့် မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းတို့ ပူးပေါင်းပြီး (၅-၉-၂၀၂၂)ရက်နေ့တွင် ကျောက်ဆည်ခရိုင်အတွင်း ကျောက်ဆည်မြို့နယ်ရှိ သာဂရကျေးရွာ ငါးဆူကျေးရွာ ၊ သင်တောင်းကြီးကျေးရွာ ၊ အင်းကုန်း စက်မှုလယ်ယာဝန်းတွင်လည်းကောင်း ၊ စဉ့်ကိုင်မြို့နယ်တွင် တရုတ်စုရပ်ကွက် နှင့် စက်ရုံ အားကစားကွင်းတွင်လည်းကောင်း ၊ မြစ်သားမြို့နယ်တွင် လမ်းခွကျေးရွာနှင့် ရွှေပေါ်ကျွန်းကျေးရွာ တွင်လည်းကောင်း စားသုံးသူပြည်သူများသို့ စားအုန်းဆီများစျေးကားများဖြင့်ရောင်းချလျှက်ရှိရာ စားသုံးဆီ တစ်ပိဿာလျှင်(၅၆၀၀/-)ကျပ်နှုန်းဖြင့် လူတစ်ဦးလျှင် တစ်ပိဿာနှုန်းရောင်းချပေးလျှက် ရှိကြောင်းသိရှိရပါသည်။အလားတူ ပြင်ဦးလွင်ခရိုင်အတွင်း ပြင်ဦးလွင်မြို့နယ်နှင့်မတ္တရာမြို့နယ် တို့တွင်လည်း သက်သာသောစျေးနှုန်းများဖြင့် စားသုံးသူပြည်သူများအား စျေးကားများဖြင့်ရောင်းချပေးလျှက်ရှိကြောင်းသိရှိရပြီး ထိုသို့စားအုန်းဆီရောင်းချသည့်နေရာသို့ စားသုံးသူရေးရားစီးဌာန၊ ကျောက်ဆည်ခရိုင်ဦးစီးမှူးနှင့် ဝန်ထမ်းများက စိစစ်ကြပ်မတ်ဆောင်ရွက်လျှက်ရှိကြောင်း သတင်းရရှိပါသည်။

DOCA(မန္တလေး)