သတင်းနှင့် လှုပ်ရှားမှုများ

    မွန်ပြည်နယ်အစိုးရအဖွဲ့၊ အရှေ့တောင်တိုင်းစစ်ဌာနချုပ်တို့၏ ကြီးကြပ်မှုဖြင့် မွန်ပြည်နယ် စားသုံးသူရေးရာဦးစီးဌာန၊ မွန်ပြည်နယ် ဆီကုန်သည်နှင့်ဆီလုပ်ငန်းရှင်များအသင်း၊ မွန်ပြည်နယ် ဆန်စက်လုပ်ငန်းရှင်များအသင်းတို့ ပူးပေါင်း၍ အများပြည်သူသို့ ဆန်နှင့် စားဆီများ၊ စားသောက်ကုန်များကို သက်သာသောဈေးနှုန်းဖြင့် ရောင်းချခြင်းကို ၁၀.၉.၂၀၂၂ ရက်နေ့တွင် မော်လမြိုင်မြို့၊ သီရိမြိုင်ရပ်ကွက်အုပ်ချုပ်ရေးမှူးရုံးရှေ့တွင် ရောင်းချခဲ့ကြောင်း သိရှိရသည်။

     ထိုသို့ ရောင်းချပေးရာတွင် မွန်ပြည်နယ်ဆန်စက်လုပ်ငန်းရှင်များအသင်းမှ ဆန်များ၊ မွန်ပြည်နယ် ဆီကုန်သည်နှင့်ဆီလုပ်ငန်းရှင်များအသင်းမှ စားဆီများ၊ အရှေ့တောင်တိုင်းစစ်ဌာနချုပ်မှ တပ်မတော်ထုတ် မီးဖိုချောင်သုံးပစ္စည်းများ၊ အားကစားပစ္စည်းများ၊ ဟင်းသီးဟင်းရွက်များ၊ ဆား ၊ အသား၊ ငါး၊ စည်သွပ်ဗူးများ၊ ကြက်ဥ၊ ခေါက်ဆွဲခြောက် စသည်တို့ကို ရောင်းချပေးခဲ့ကြောင်း သိရှိရပါသည်။

     အဆိုပါရောင်းချပေးမှုအခြေအနေများအား ပြည်နယ်ဝန်ကြီးချုပ်၊ အရှေ့တောင်တိုင်း စစ်ဌာနချုပ်မှ တိုင်းမှူးနှင့် ဌာနဆိုင်ရာ တာဝန်ရှိပုဂ္ဂိုလ်များမှ လာရောက်ကြည့်ရှုခဲ့ကြကြောင်း သတင်းရရှိပါသည်။

DOCA(မွန်)

   စစ်ကိုင်းတိုင်းဒေသကြီး၊ စားသုံးသူရေးရာဦးစီးဌာန၊ ကန့်ဘလူခရိုင် ၌ စားသုံးသူ ကာကွယ်ရေးအသိပညာပေးဟောပြောပွဲကို စက်တင်ဘာလ (၁၄)ရက်၊ နံနက် ( ၁၁ : ၀၀)နာရီတွင် ကန့်ဘလူခရိုင်စိုက်ပျိုးရေးဦးစီးဌာနရုံး အစည်းအဝေးခန်းမ၌ ကျင်းပခဲ့ကြောင်း သိရသည်။

  စားသုံးသူရေးရာဦးစီးဌာန၊ ကန့်ဘလူမြို့နယ်တာဝန်ခံ ဦးမျိုးဝင်းသန်းက စားသုံးသူရေးရာ ဦးစီးဌာန၏ မျှော်မှန်းချက်နှင့်ရည်မှန်းချက်များ၊ စားသုံးသူ၏အခွင့်အရေးများနှင့် ကုန်အညွှန်းအမှတ် အသား ဖော်ပြခြင်းနှင့်စပ်လျဉ်းသည့် အသိပညာဗဟုသုတများအား ရှင်းလင်းဆွေးနွေး ဟောပြော ခဲ့သည်။

     အဆိုပါအသိပညာပေးဟောပြောပွဲသို့ ခရိုင်စိုက်ပျိုးရေးဦးစီးဌာနမှ ဝန်ထမ်း(၈)ဦး တက်ရောက် ခဲ့ပြီး တက်ရောက်လာသူများမှ သိရှိလိုသည်မေးမြန်းချက်များအ‌ပေါ်ပြန်လည်ဆွေးနွေး‌ အသိပညာပေး လက်ကမ်းစာစောင်များ ဖြန့်ဝေခဲ့ကြောင်း သတင်းရရှိသည်။

DOCA(စစ်ကိုင်း)

  စီးပွားရေးနှင့်းကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာန၊စစ်ကိုင်းတိုင်းဒေသကြီး၊  ရွှေဘိုခရိုင် ဦးစီးမှူးရုံးအနေဖြင့် စားသုံးသူများဘေးအန္တရာယ်ကင်းရှင်းရေးနှင့် ထုတ်ကုန်များလုံခြုံစိတ်ချရမှု ရှိစေရေးအတွက် စီးပွားရေးလုပ်ငန်းရှင်များနှင့် တွေ့ဆုံဆွေးနွေးခြင်းများ ဆောင်ရွက်လျှက်ရှိပါသည်။

   စက်တင်ဘာလ(၁၂)ရက်နေ့၊ နံနက်(၁၁:၃၀)နာရီအချိန်တွင် ရွှေဘိုခရိုင်စားသုံးသူရေးရာဦးစီး ဌာနမှ ခရိုင်ဦးစီးမှူးနှင့် ရွှေဘိုမြို့နယ်တာဝန်ခံတို့သည် ရွှေဘိုမြို့၊ အမှတ်(၄)ရပ်ကွက်ရှိ SBO ကိတ်မုန့်၊ ပေါင်မုန့်လုပ်ငန်းရှင်နှင့် တွေ့ဆုံဆွေးနွေးခဲ့ပါသည်။ ထိုသို့တွေ့ဆုံဆွေးနွေးရာတွင် စားသုံးသူရေးရာဦးစီး ဌာနမှ ဆောင်ရွက်နေသော စားသုံးသူကာကွယ်ရေးလုပ်ငန်းများနှင့်  မိမိထုတ်လုပ်သည့် ကုန်စည်အပါ် တာဝန်ရှိမှုကို ကုန်စည်ကိုထုတ်လုပ်ဖြန့်ဖြူးရောင်းချသည့် စီးပွားရေးလုပ်ငန်းရှင်များ သိရှိနိုင်စေရန် အတွက် စားသုံးသူကာကွယ်ရေးဥပဒေ၊ အခန်း(၁၈)ပါ ကုန်အညွန်းအမှတ်အသား ဖော်ပြခြင်းနှင့် စပ်လျဉ်း၍ မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက်အမှတ် (၂/၂၀၁၉)နှင့်အညီ ပြည့်စုံစွာထည့်သွင်းဖော်ပြ၍ ထုတ်လုပ်ဖြန့်ဖြူးရောင်းချကြရန်၊ ကုန်အညွှန်းအမှတ်အသားနှင့် ပတ်သက်၍ ဌာန၏အတည်ပြုချက်ရယူနိုင်ရေး ဆောင်ရွက်ကြရန်၊ ဥပဒေပါ စားသုံးသူ၏အခွင့်အရေး နှင့်တာဝန်များ၊ စီးပွားရေးလုပ်ငန်းရှင်၏တာဝန်များ၊ ကုန်စည်နှင့်စပ်လျဉ်း၍ အာမခံချက်ပေးခြင်းနှင့် အားမခံပေးထားမှုအပါ် စားသုံးသူကတောင်းဆိုနိုင်သည့်အခွင့်အရေးများ၊ ကုန်စည်နှင့်ဝန်ဆောင်မှု အပေါ်တာဝန်ရှိမှု၊ တားမြစ်ချက်များ၊ ပြစ်မှုနှင့်ပြစ်ဒဏ်များ၊ ကုန်စည်နှင့်ဝန်ဆောင်မှုကြောင့် စားသုံးသူ အခွင့်အရေးနှင့် အကျိုးစီးပွားနစ်နာဆုံးရှုံမှုများဖြစ်ပေါ်ပါက တိုင်ကြားနိုင်သည့် နည်းလမ်းများကြောင်း၊ စီးပွားရေးလုပ်ငန်းရှင်မှ အာမခံမှုနှင့်အညီ တာဝန်ယူ၍ ဆောင်ရွက်ပေးရမည်ဖြစ်ကြောင်းတို့ကို အကျယ်တဝင့်ရှင်းလင်းဆွေးနွေးခဲ့ပြီး မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ်(၂/၂၀၁၉)နှင့် အသိပညာပေး လက်ကမ်းစာစောင်များဖြန့်ဝေခဲ့ကြောင်း သတင်းရရှိပါသည်။

DOCA(စစ်ကိုင်း)

     ကချင်ပြည်နယ်၊ စားသုံးသူရေးရာဦးစီးဌာန၊ ဗန်းမော်ခရိုင်ဦးစီးမှူးရုံးမှ ‌‌ဒေါ်ဆန္ဒမွန်(ဒု-ဦးစီးမှူး)သည် ၁၃.၉.၂၀၂၂ ရက်နေ့ နံနက်၀၉:၃၀အချိန်တွင် ခရိုင်ပြန်ကြားရေးနှင့်ပြည်သူ့ဆက်ဆံရေးဦးစီးဌာနနှင့် ပူးပေါင်း၍ ဗန်းမော်မြို့၊  အမှတ်(၄)  အခြေခံပညာအထက်တန်းကျောင်း၌    ဆရာ/ဆရာမများနှင့် ကျောင်းသား/ကျောင်းသူများအား စားသုံးသူကာကွယ်ရေးဆိုင်ရာအသိပညာပေးဟောပြောပွဲ ဆောင်ရွက်ခဲ့ပါသည်။

    အသိပညာပေးဟောပြောရာတွင် ဒေါ်ဆန္ဒမွန်(ဒု-ဦးစီးမှူး)က စားသုံးသူကာကွယ်ရေးဥပဒေ၏ အဓိပ္ပာယ်ဖော်ပြချက်များမှ စားသုံးသူကာကွယ်ရေးဆိုသည်မှာ ကုန်စည်သို့မဟုတ်ဝန်ဆောင်မှုနှင့် စပ်လျဉ်း၍ စားသုံးသူ၏အခွင့်အရေးနှင့် အကျိုးစီးပွားကို ကာကွယ်ပေးခြင်း၊ စားသုံးသူနှင့် စီးပွားရေး လုပ်ငန်းရှင်တို့အကြား ကော်မရှင်နှင့်ကော်မတီအဆင့်ဆင့်တို့မှ သတ်မှတ်ဆောင်ရွက်ပေးသည့် မျှတမှု ရှိသောလုပ်ငန်းစဉ်ကိုဆိုလိုကြောင်း၊ စားသုံးသူဆိုသည်မှာ ကုန်စည်သို့မဟုတ်ဝန်ဆောင်မှုကိုကုန်သွယ် ရောင်းဝယ်မှုပြုရန် သို့မဟုတ် အသက်မွေးဝမ်းကျောင်းပြုရန်မဟုတ်ဘဲ ကိုယ်တိုင်သုံးစွဲမှုအတွက်သော်လည်းကောင်း၊ အခြားသူများအတွက်သော်လည်းကောင်း ရည်ရွယ်၍ဝယ်ယူခြင်း၊ အသုံးပြုခြင်း၊ ရယူခြင်း၊ ကုန်စည်ချေးငှားခြင်းပြုလုပ်သူများ သို့မဟုတ် ပေးကမ်းထောက်ပံ့ခြင်းခံရသူများကို ဆိုလိုကြောင်းနှင့် ကျောင်းသူ/ကျောင်းသားများအား အသင့်စားမုန့်အမျိုးမျိုးတို့ကို ဝယ်ယူစားသုံးရာတွင် အမျိုးအမည်၊ အရွယ်အစား၊ အရေအတွက်၊ အသားတင်ပမာဏ၊  ထားသိုသိမ်းဆည်းမှုအညွန်း၊ ဓါတ်မတည့်ကြောင်းဖော်ပြချက်၊ ထုတ်လုပ်သည့်ရက်စွဲနှင့်သက်တမ်းကုန်ဆုံးသည့်ရက်စွဲများကို အဓိကဖတ်ရှုရမည်ဖြစ်ကြောင်း နမူနာပစ္စည်းများဖြင့် ခင်းကျင်းပြသကာ ရှင်းလင်း‌ဟောပြောခဲ့ပါသည်။ ထို့နောက် စာသင်ကျောင်းမုန့်ဆိုင်များအား  ဘေးအန္တရာယ်ရှိသော အစားအစာများ  ရောင်းချခြင်း ရှိ  မရှိ  စစ်ဆေးဆောင်ရွက်ခဲ့ပြီး စားသုံးသူကာကွယ်ရေးဆိုင်ရာ လက်ကမ်းစာစောင်များ ဖြန့်ဝေခဲ့ပါသည်။ဟောပြောပွဲသို့ ဆရာ/ဆရာမ(၁၇)ဦး၊ ကျောင်းသူ/ကျောင်းသား(၁၃၀)ဦး  စုစုပေါင်း(၁၄၇)ဦးတက်ရောက်ခဲ့ပါသည်။

DOCA(ကချင်)

        (၁၂.၉.၂၀၂၂)ရက်နေ့ နံနက်(၀၇:၀၀)မှ (၁၀:၀၀)နာရီထိ မကွေးမြို့၊ ကန်သာစျေး၌ အလယ်ပိုင်း တိုင်းစစ်ဌာနချုပ်၊ မကွေးတပ်နယ်မှ စားသုံးသူပြည်သူများ သက်သာချောင်ချိရေးအတွက် အခြေခံစား ကုန်ဖြစ်သော ဆန်တစ်ပြည်(၁၅၀၀)ကျပ်၊ အမဲသား(၂၅)ကျပ်သားလျှင်(၃၀၀၀)ကျပ်၊ ဒေသ ကြက်တစ် ကောင်(၆၀၀၀)ကျပ်၊ ငါးပိဘူးတစ်ဘူး(၅၅၀)ကျပ်၊ မျှစ်စားတော်ပဲတစ်ဘူး(၂၄၅၀)ကျပ်၊ ကြက်သားအာလူး တစ်ဘူး(၄၀၅၀)ကျပ်၊ ပဲထောပတ်ဘူးတစ်ဘူး(၄၅၀)ကျပ်၊ ငါးပိကြော်တစ်ဘူး (၂၂၀၀)ကျပ်၊ အမဲသားဘူး တစ်ဘူး(၆၂၀၀)ကျပ်၊ ကြက်ဥတစ်လုံး(၁၈၀)ကျပ်၊ ချဉ်ပေါင်ရွက်(၃)စီး (၁၀၀)ကျပ်၊ ဂေါ်ရခါးသီးတစ်လုံး (၁၁၀)ကျပ်၊ ခရမ်းချဉ်သီး(၅၀)သား(၁၁၅၀)ကျပ်နှင့် ဂေါ်ဖီတစ်ထုပ် (၁၃၀၀)ကျပ် နှုန်းများဖြင့် ရောင်းချခဲ့ကြောင်းနှင့် ကုမ္ပဏီများမှဖြန့်ဖြူးရောင်းချသော ဆီများအား မကွေးမြို့ ဆီကုန်သည်နှင့် ဆီလုပ်ငန်းရှင်များမှ စားအုန်းဆီတစ်ပိဿာ(၅၆၀၀)ကျပ်နှုန်းဖြင့် ပြည်သူတစ်ဦးလျှင် (၁)ပိဿာနှုန်း ရောင်းချပေးခဲ့ပါသည်။

         အဆိုပါအခြေခံစားကုန် ဟင်းသီးဟင်းရွက် အမယ်စုံနှင့် စားအုန်းဆီရောင်းချနေမှုအား စားသုံးသူ‌ရေးရာဦးစီးဌာန၊ မကွေးခရိုင်ဦးစီးမှူး ဒေါ်တင်တင်လှ(လက်ထောက်ညွှန်ကြားရေးမှူး)နှင့် ခရိုင်ရုံးဝန်ထမ်းများနှင့် တိုင်းဒေသကြီးဦးစီးမှူးရုံးမှဝန်ထမ်း(၃)ဦး မကွေးမြို့နယ်စည်ပင်သာယာရေးအဖွဲ့၊ အမှုဆောင်အရာရှိ ဦးကျော်သူနှင့် ဝန်ထမ်းများ ပူးပေါင်းကူညီဆောင်ရွက်ခဲ့ကြပြီး မကွေးတိုင်းဒေသကြီး အစိုးရအဖွဲ့ ၊ စီးပွားရေးရာဝန်ကြီးဦး‌အောင်ချိန်မှ လာ‌ရောက်ကြည့်ရှုအားပေးခဲ့ကြောင်း သိရှိရပါသည်။

DOCA(မကွေး)