သတင်းနှင့် လှုပ်ရှားမှုများ

မကွေးတိုင်းဒေသကြီး၊ မကွေးခရိုင်၊ တောင်တွင်းကြီးမြို့နယ်၊ စားသုံးသူရေးရာဦးစီးဌာနမှ မြို့နယ်ဦးစီးမှူး ဒေါ်ဌေးဌေးသည်(၂၁.၁၂.၂၀၂၁)ရက်နေ့ (၁၀:၃၀) အချိန်၌ တောင်တွင်းကြီး မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနတို့ ပူးပေါင်း၍ စားသုံးသူအသိပညာပေးရေး အစီအစဉ်နှင့် ပြန်ကြားဆက်သွယ်ရေး ပူးပေါင်းဆောင်ရွက်ရေး အစီအစဉ်များအရ မိဘ/ပြည်သူ များအား စားသောက်ကုန်ပစ္စည်းများ၊ ဝန်ဆောင်မှုလုပ်ငန်းများ ဝယ်ယူ/သုံးစွဲရာတွင် ဘေးကင်းလုံခြုံ စိတ်ချရမှုရှိစေရေးအတွက် ရည်ရွယ်၍ အွန်လိုင်းစနစ်ဖြင့် စားသုံးသူကာကွယ်ရေး အသိပညာပေး ဆွေးနွေးပွဲ (Talkshow)အား မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးခန်းမ၌ ကျင်းပခဲ့သည်။
အဆိုပါ(Talk show)ဆွေးနွေးပွဲတွင် တောင်တွင်းကြီးမြို့နယ် စားသုံးသူရေးရာဦးစီးဌာန မြို့နယ်ဦးစီးမှူးက မြို့နယ်အတွင်းရှိ စားသုံးသူမိဘ/ပြည်သူများအနေဖြင့် စားသုံးသူအခွင့်အရေးများ အပြည့်အဝရရှိစေရန်နှင့် အရည်အသွေးပြည့်ဝသည့် ကုန်စည်နှင့် ဝန်ဆောင်မှုများကို ရရှိစေရန် အတွက် စားသုံးသူကာကွယ်ရေးဥပဒေ အခန်း(၁၉)ပါ စားသုံးသူ၏ အခွင့်အရေးနှင့် တာဝန်များ၊ ကုန်စည်နှင့်ဝန်ဆောင်မှုများ၌ စီးပွားရေးလုပ်ငန်းရှင်မှ အာမခံပေးထားမှုအပေါ် စားသုံးသူက တောင်းဆိုနိုင်သည့်အခွင့်အရေးများအား အသိပညာပေးရှင်းလင်းဆွေးနွေးခဲ့ပြီး၊ စီးပွားရေးလုပ်ငန်းရှင် များအနေဖြင့်လည်း စားသုံးသူကာကွယ်ရေးဥပဒေပါ အခန်း(၁၇) ကုန်စည်(သို့မဟုတ်) ဝန်ဆောင်မှု အပေါ်တာဝန်ရှိမှုများ အခန်း(၁၈) ကုန်အညွှန်းအမှတ်အသားဖော်ပြခြင်းများနှင့် အခန်း(၂၀) စီမံခန့်ခွဲရေးနည်းလမ်းအရ အရေးယူခြင်း အခန်း(၂၄) ပြစ်မှုနှင့် ပြစ်ဒဏ်များအား အခန်းကဏ္ဍများ အလိုက် အသိပညာပေးရှင်းလင်းဆွေးနွေးခဲ့သည်။
တောင်တွင်းကြီးမြို့နယ် စားသုံးသူရေးရာဦးစီးဌာန မြို့နယ်ဦးစီးမှူးအနေဖြင့်စားသုံးသူ မိဘ/ပြည်သူများအား စားသုံးသူကာကွယ်ရေးဥပဒေပါ ပြဌာန်းချက်များ အသိပညာဗဟုသုတ တိုးပွားစေရေးအတွက် သတင်းမီဒီယာများနှင့် ချိတ်ဆက်၍ အွန်လိုင်းမှတစ်ဆင့် သတင်းအချက် အလက်များအား စဉ်ဆက်မပြတ် ဖြန့်ဝေခြင်းများဆောင်ရွက်သွားမည်ဖြစ်ကြောင်းသိရှိရပါသည်။
DOCA(မကွေး)

စားသုံးသူရေးရာဦးစီးဌာန၊ မကွေးတိုင်းဒေသကြီး၊ ပခုက္ကူခရိုင်ဦးစီးမှူးရုံးမှ ဒု-ခရိုင်ဦးစီးမှူး စစ်ဆေးရေးအရာရှိ ဒေါ်မွန်မွန်စိုး ဦးဆောင်သော ဝန်ထမ်းများအဖွဲ့သည် ဒီဇင်ဘာလ(၂၀)ရက်နေ့ နံနက်(၁၀:၃၀)အချိန်တွင် ပခုက္ကူမြို့အတွင်းရှိ ဆေးဆိုင်(၅)ဆိုင်၌ လည်းကောင်း၊ ဆိပ်ဖြူမြို့နယ် တာဝန်ခံ ဦးဇော်နေလင်းမှ နေ့လယ်(၁၄:၀၀)နာရီတွင် ဆိပ်ဖြူမြို့ပေါ်ရှိ ဆေးဆိုင်(၂)ဆိုင်တွင် လည်းကောင်း မိတ်ဖက်ဌာနဖြစ်သော မြို့နယ်စည်ပင်နှင့် ပူးပေါင်း၍ ဈေးကွက်စောင့်ကြည့် စစ်ဆေးခဲ့ပါသည်။
အဆိုပါဈေးကွက်စောင့်ကြည့်စစ်ဆေးရာတွင် ဆေးဆိုင်များအနေဖြင့် ဈေးနှုန်းမြှင့်တင် ရောင်းချခြင်း၊ ဆေးဝါးပြတ်လပ်မှုမရှိခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်းများ မရှိ ကြောင်း စစ်ဆေးတွေ့ရှိရပါသည်။
ဆေးနှင့်ဆေးပစ္စည်းအရောင်းဆိုင် ပိုင်ရှင်များအနေဖြင့် ဆေးနှင့်ဆေးပစ္စည်းများကို ဈေးနှုန်းမြှင့်တင်ရောင်းချခြင်း၊ ဖြန့်ဖြူးခြင်းနှင့် ဈေးကစားရန် ရည်ရွယ် ချက်ဖြင့် သိုလှောင်ခြင်းများပြုလုပ်ပါက အရေးကြီးကုန်စည်နှင့်ဝန်ဆောင်မှုဥပဒေအရ အရေးယူ ဆောင်ရွက်သွားမည်ဖြစ်ပြီး စားသုံးသူကာကွယ်ရေးဥပဒေ(၂၀၁၉)ပါ ပြဌာန်းချက်များကိုလည်း သိရှိလိုက်နာဆောင်ရွက်သွားရန် လိုအပ်ကြောင်း ပြောကြားခဲ့ပြီး လက်ကမ်းစာစောင်များလည်း ဖြန့်ဝေခဲ့ကြောင်းသတင်းရရှိပါသည်။

မွန်ပြည်နယ်၊ကျိုက်မရောမြို့နယ်၊ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊မြို့နယ်စားသုံးသူရေးရာဦးစီးဌာနတို့ပူးပေါင်း၍ စားသုံးသူအသိပညာပေး(Talk Show)ဆွေးနွေးပွဲကို ၂၀.၁၂.၂၀၂၁ ရက်နေ့ နံနက်၁၀နာရီတွင် ကျိုက်မရောမြို့နယ်၊ လူထုအခြေပြု၊ဗဟိုဌာန၊(Community Center)ခန်းမ၌ ပြုလုပ်ခဲ့သည်။ ရှေးဦးစွာပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ဦးစီးအရာရှိဒေါ်ချိုမြတ်မြတ်ထွေးက စားသုံးသူအကာကွယ်ပေးရေးအသိပညာပေး(Talk Show)ပြုလုပ်ရခြင်း၏ရည်ရွယ်ချက်ကို ရှင်းလင်းဆွေးနွေးပြီး မွန်ပြည်နယ်စားသုံးသူရေးရာဦးစီးဌာန ၊ကျိုက်မရောမြို့နယ်ရုံး တာဝန်ခံဒု-ဦးစီးမှူးဦးအောင်ညီညီခန့်က စားသုံးသူပြည်သူများအနေဖြင့် မိမိတို့ရရှိမည့်စားသုံးသူအခွင့်အရေးများနှင့် လိုက်နာရမည့်တာဝန်များ၊ကုန်စည်၊ ဝန်ဆောင်မှုများနှင့်ပတ်သက်၍ ဝယ်ယူသုံးစွဲရာတွင် နစ်နာဆုံးရှုံးမှုများနှင့် ကြုံတွေ့ရပါက စားသုံးသူရေးရာဦးစီးဌာနသို့ ဆက်သွယ်တိုင်ကြားနိုင်ကြောင်း၊ လုပ်ငန်းရှင်များအနေဖြင့် လိုက်နာရမည့် တာဝန်များ၊ ကုန်စည်ထုတ်လုပ်ဖြန့်ဖြူးရောင်းချရာတွင် စားသုံးသူကာကွယ်ရေးဥပဒေတွင် ပြဌာန်းထားသည့် ကုန်ညွှန်းအမှတ်အသားများဖော်ပြခြင်းနှင့်စပ်လျဉ်း၍ ကုန်စည်အမျိုးအစားအလိုက် သတ်မှတ်ချက်များနှင့်အညီ လိုက်နာဆောင်ရွက်ကြရန်၊ စားသုံးသူရေးရာဦးစီးဌာနနှင့် ပတ်သက်သောသတင်းအချက်အလက်များအား သိရှိစုံစမ်းလိုလျှင် Consumer Call Center များသို့ ဆက်သွယ်စုံစမ်းနိုင်ကြောင်းစသည့် အချက်များအား အသိပညာပေးဆွေးနွေးခဲ့ကြကြောင်း သိရသည်။
အဆိုပါ စားသုံးသူကာကွယ်ပေးရေးအသိပညာပေး(Talk.Show)အစီအစဉ်အား ကျိုက်မရောမြို့နယ်၊ပြည်သူ့စာကြည့်တိုက်Facebook pageစာမျက်နှာတွင် ဝင်ရောက်ကြည့်ရူလေ့လာနိုင်ကြောင်း သိရှိရသည်။
စားသုံးသူရေးရာဦးစီးဌာန

ဧရာဝတီတိုင်းဒေသကြီး၊ ဟင်္သာတခရိုင်တွင် ပြန်ကြားရေးနှင့် ပြည်သူ့ဆက်ဆံရေး ဦးစီး ဌာနနှင့် စားသုံးသူရေးရာဦးစီးဌာနတို့ပူးပေါင်း ၍ အင်္ဂပူမြို့နယ်နှင့် မြန်အောင်မြို့နယ်တို့တွင် စားသုံး သူကာကွယ်ရေး အသိပညာပေး Talk Showအစီအစဉ်ကိုကျင်းပပြုလုပ်ခဲ့ရာ ဒီဇင်ဘာလ (၈) ရက်နေ့တွင် အင်္ဂပူမြို့နယ်၊ ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ Community Centre ၌ ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ၊ မြို့နယ်ဦးစီးမှူး ဒေါ်သီသီရှိန် မှ အခမ်းအနားမှူးပြုလုပ်၍ စားသုံးသူရေးရာဦးစီးဌာနမှ ၊ မြို့နယ်ဦးစီးမှူး ဦးဘိုဘို မှ လည်းကောင်း၊ ဒီဇင်ဘာလ (၁၅) ရက်နေ့တွင် မြန်အောင်မြို့နယ် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၊ Community Centre တွင် မြို့နယ် ပြန်/ဆက် ဦးစီးမှူး ဦးဇော်မင်းထွန်းက အခမ်းအနားမှူးပြုလုပ်၍ စားသုံးသူရေးရာဦးစီးဌာနမှ မြို့နယ်ဦးစီးမှူး ဦးမြင့်အောင်တို့မှ လည်း ကောင်း Talk Show အစီအစဉ်ကိုကျင်းပပြုလုပ်ခဲ့ပြီး စားသုံးသူကာကွယ်ရေးအသိပညာပေး အမေးအဖြေများ မေးမြန်းဖြေကြားခြင်းကို ပြုလုပ်ခဲ့ပါသည်။
Talk Show တွင် ကိုဗစ် - ၁၉ ကာလအတွင်း၊ ရောဂါကာကွယ်ရေးအတွက် အရေးကြီး ကုန်စည်နှင့် ဝန်ဆောင်မှု ဥပဒေအကြောင်း၊ မြန်မာနိုင်ငံစားသုံသူ ကာကွယ်ရေးကော်မရှင်မှ ထုတ်ပြန်သော စီးပွားရေးလုပ်ငန်းရှင်များ လိုက်နာဆောင်ရွက်ရွက်ရန် ကုန်စည်အုပ်စုအလိုက် မြန်မာဘာသာဖြင့် ကုန်အညွှန်းအမှတ်အသား ဖော်ပြရမည့် ညွှန်ကြားချက်များအကြောင်း၊ Online Shopping နှင့်ပတ်သက်၍ စားသုံသူများနစ်နာဆုံးရှုံးမှုမရှိစေရေးဆောင်ရန်ရှောင်ရန်များအကြောင်း တို့အား မေးမြန်းဆွေးနွေးခဲ့ကြောင်း သိရှိရပါသည်။
စားသုံးသူရေးရာဦးစီးဌာန(ဧရာဝတီတိုင်းဒေသကြီး)

စားသုံးသူရေးရာဦးစီးဌာန၊ မွန်ပြည်နယ်မှ ကျိုက်ထိုမြို့နယ်တာဝန်ခံနှင့် ဝန်ထမ်းများသည် မြို့နယ်ပြည်သူ့ကျန်းမာရေးဦးစီးဌာန၊ ဟိုတယ်နှင့်ခရီးသွားလာရေးညွှန်ကြားမှုဦးစီးဌာန၊ မြို့နယ်အထွေထွေ အုပ်ချုပ်ရေး ဦးစီးဌာန၊ မြို့နယ်စည်ပင်သာယာရေးအဖွဲ့၊ ကျေးရွာအုပ်ချုပ်ရေးမှူးတို့နှင့်ပူးပေါင်း၍ (၃.၁၂.၂၀၂၁) ရက်နေ့တွင် ကျိုက်ထိုမြို့နယ်၊ ကင်မွန်းချောင်းကျေးရွာအုပ်စု၊ ဇရပ်ကွင်းရှိ Pepper Garden Hotel & Resort အား ပြန်လည်ဖွင့်လှစ်ရန်အတွက် ကျန်းမာရေးဝန်ကြီးဌာနမှ ထုတ်ပြန်ထားသော စံသတ်မှတ်ချက် (Version 2.0)နှင့်အညီ ဆောင်ရွက်ထားရှိမှု ရှိ/မရှိ သွားရောက်စစ်ဆေးခဲ့သည်။
ထိုသို့စစ်ဆေးရာတွင် စားသုံးသူရေးရာဦးစီးဌာနအနေဖြင့် ဟိုတယ်မှ စားသုံးသူများအား ဝန်ဆောင်မှု ပေးခြင်းနှင့်ပတ်သက်၍ စားသုံးသူကာကွယ်ရေးဥပဒေနှင့်အညီ ဆောင်ရွက်ရန်၊ ဝန်ဆောင်မှုပေးရန် ကြော်ငြာ ထားသည့်အတိုင်း အပြည့်အဝဆောင်ရွက်ပေးရန်၊ စားသုံးသူစိတ်ကျေနပ်မှုရှိစေရေးအတွက်ဆောင်ရွက်ပေးရန် လိုအပ်ကြောင်း အသိပညာပေးခြင်း၊ လက်ကမ်းစာစောင်များ ဝေငှခြင်းတို့ကို ဆောင်ရွက်ခဲ့ကြကြောင်း သိရှိရပါသည်။
စားသုံးသူရေးရာဦးစီးဌာန(မွန်ပြည်နယ်)