သတင်းနှင့် လှုပ်ရှားမှုများ

      ပဲခူးတိုင်းဒေသကြီး ၊စားသုံးသူရေးရာဦးစီးဌာန၊တောင်ငူခရိုင်၊ အုတ်တွင်းမြို့နယ် တာဝန်ခံသည် ပြန်ကြားရေးနှင့် ပြည်သူ့ဆက်ဆံရေး ဦးစီးဌာနနှင့် ပူးပေါင်း၍ ကျောင်းသားကျောင်းသူများ သိသင့်သိထိုက်သည့် အသိ ပညာဗဟုတများရရှိစေရန်အတွက် စက်တင်ဘာလ ၁၂ ရက် နံနက်ပိုင်းက အုတ်တွင်းမြို့နယ်၊ ပဲကြီးခုံ ကျေးရွာ အခြေခံပညာမူလတန်းလွန်ကျောင်းတွင် ကျင်းပခဲ့ပါသည်။

    ဟောပြောပွဲတွင် စားသုံးသူရေးရာဦးစီးဌာန၊ မြို့နယ်တာဝန်ခံဒေါ်အေးအေးခိုင်က စားသုံးသူကာကွယ်ရေးပေါ်ပေါက်လာပုံ၊ စားသုံးသူတို့၏ အခွင့်အရေးနှင့်တာဝန်များ၊ ကုန်စည်များဝယ်ယူရာတွင် ကုန်အညွှန်းအမှတ်အသားများကို ဦးစားပေးဖတ်ရှုသင့်ပုံများ၊ စားသုံးသူနစ်နာဆုံးရှုံးမှုများ ပေါ်ပေါက်ပါက တိုင်ကြားနိုင်ခြင်းများကို ဟောပြောခဲ့ပါသည်။

       ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ဒုတိယမြို့နယ်ဦးစီးမှူး ဒေါ်ခင်ခင်မာက စာဖတ်ခြင်း အကျိုးကျေးဇူးနှင့် လူကုန်ကူးမှုအန္တရာယ် တားဆီးကာကွယ်ရေးများကို ဟောပြောခဲ့ကြောင်းနှင့် ဟောပြောပွဲသို့ ကျောင်းသားကျောင်းသူ ၁၁၀ ဦး တက်ရောက်ကြောင်း သိရှိရပါသည်။

DOCA(ပဲခူး)

      ပဲခူးတိုင်းဒေသကြီး၊ စားသုံးသူရေးရာဦးစီးဌာန၊ တောင်ငူခရိုင်ဦးစီးမှူးရုံးမှ ဌာနခွဲတာဝန်ခံ ဦးစောသန်းထိုက်ကျော်နှင့် မြို့နယ်တာဝန်ခံ ဦးမြင့်သူတို့သည် စက်တင်ဘာလ ၁၂ ရက်နေ့ နံနက်ပိုင်းက တောင်ငူမြို့ ပေါင်းလောင်းတိန် အခြေခံပညာမူလတန်းလွန်ကျောင်းတွင် ကျောင်းသားကျောင်းသူများနှင့် ကျောင်းသား မိဘများအား စားသုံးသူကာကွယ်ရေးဆိုင်ရာများကို အသိပညာပေးဟောပြောခဲ့ပါသည်။

        ဟောပြောပွဲတွင် ကျောင်းအုပ်ဆရာမကြီး ဒေါ်နှင်းသီတာခိုင်က အဖွင့်အမှာစကားပြောကြားပြီး ခရိုင်ဦးစီးမှူးရုံးမှ ဌာနခွဲတာဝန်ခံ ဦးစီးမှူး ဦးစောသန်းထိုက်ကျော်က စားသုံးသူရေးရာဦးစီးဌာန ပေါ်ပေါက်လာပုံ၊ စားသုံးသူ၏ အခွင့်အရေးနှင့် တာဝန်များ၊ စားသုံးသူရေးရာဦးစီးဌာန၏ ဆောင်ရွက်ချက်များကို ရှင်းလင်းပြောကြားပါသည်။

      ဆက်လက်၍ မြို့နယ်တာဝန်ခံ ဦးစီးမှူး ဦးမြင့်သူက ကုန်စည်များဝယ်ယူရာတွင် ကုန်အညွှန်းအမှတ်အသားများ ဦးစားပေးဖတ်ရှုသင့်သည့် အကြောင်းအရာများ၊ ဈေးကွက်အတွင်း ကွင်းဆင်းစစ်ဆေးခြင်းများ၊ စားသုံးသူများ နစ်နာဆုံးရှုံးမှုများဖြစ်ပေါ်ပါက တိုင်ကြားနိုင်ခြင်းများကို ရှင်းလင်းပြောကြားခဲ့ပါသည်။

      ဟောပြောပွဲသို့ ကျောင်းသားကျောင်းသူ ၇၀ ဦးနှင့် ကျောင်းသားမိဘ ၃၀ ဦး တက်ရောက်ကြောင်း သိရှိရပါသည်။

DOCA(ပဲခူး)

   ပဲခူးတိုင်းဒေသကြီး ညောင်လေးပင်ခရိုင်အတွင်းရှိ မြို့နယ်အလိုက် စားအုန်းဆီလုပ်ငန်းရှင်များနှင့် (၇.၉.၂၀၂၂) ရက်နေ့တွင် ညောင်လေးပင်ခရိုင် ၊  စားသုံးသူရေးရာဦးစီးဌာန ရုံးခန်းမအတွင်း နေ့လည် (၁၄:၀၀) နာရီအချိန်တွင် ညောင်လေးပင် ခရိုင်ဦးစီးမှူးမှ စားအုန်းဆီဖြန့်ဖြူးရောင်းချသူ စီးပွားရေး လုပ်ငန်းရှင် (၇)ဦးနှင့် တွေ့ဆုံဆွေးနွေးခဲ့ပါသည်။

      ထိုသို့တွေ့ဆုံဆွေးနွေးရာတွင် စားအုန်းဆီဖြန့်ဖြူးရောင်းချသူ စီးပွားရေးလုပ်ငန်းရှင်များအနေဖြင့် စားအုန်းဆီခွဲတမ်းရရှိသည့်အခါ ခရိုင်ဦးစီးမှူးအား သတင်းပေးပို့သွားရန်နှင့် စားအုန်းဆီရရှိသည့် ခွဲတမ်း အပေါ် မူတည်၍ သတ်မှတ်ရည်ညွှန်းဈေးအပေါ် သယ်ယူစရိတ်ပေါင်းထည့်၍ ၂% အမြတ်ထပ်ပိုမို၍ ရောင်း ချခြင်းမပြုရန် ဆီလုပ်ငန်းရှင်များအနေဖြင့် မိမိတို့ လက်လီ/လက်ကား ဖြန့်ဖြူးရောင်းချသည့် အခါတွင် လည်း လက်ကားဝယ်ယူသွားသူများကိုလည်း အသိပေးသွားရန်နှင့် စားသုံးသူရေးရာဦးစီးဌာနမှ ကြီးကြပ် ဆောင်ရွက်သွားမည့် အကြောင်းအရာများအား ဆွေးနွေးခဲ့ပါကြောင်း၊ စားအုန်းဆီ ဖြန့်ဖြူး ရောင်းချသူ လုပ်ငန်းရှင်များမှလည်း အထက်ဖော်ပြပါအကြောင်းအရာများအား သိရှိလိုက်နာ‌ ဆောင်ရွက်သွားမည် ဖြစ်ပါကြောင်း သိရှိရပါသည်။

DOCA(ပဲခူး)

    ပွဲရုံများသို့ အောင်ပန်းချင်းတက်များ ပုံမှန်အဝင်ရှိနေသော်လည်း အရောင်းအဝယ်မှာ ဒေသတွင်း လက်လီ/လက်ကားသမားတို့ဖြင့်သာ အရောင်းအဝယ်ဖြစ်လျှက်ရှိပါသည်။ ချင်းကို နယ်ဘက်မှ ဝယ်ယူမှု နည်းနေသော်လည်း ဈေးမှာ ယခင်အတိုင်း ပုံမှန်ဖြစ်လျှက်ရှိပါသည်။ ချင်းလှီး သမားတို့ ပုံမှန် အဝယ်ရှိနေသောကြောင့် အရောင်းအဝယ် အနည်းငယ်သာဖြစ်နေပါသည်။ ယခုတစ်ပတ် ချင်း တစ်ပိဿာလျှင် (ပွဲရုံဈေး) ၁၄၀၀-၁၅၀၀ကျပ်၊ အိတ်စွဲဈေးဖြစ်ပြီး လက်လီဈေးမှာ တစ်ပိဿာလျှင် ကျပ် ၂၂၀၀-၂၃၀၀ကျပ်ဈေးတို့ဖြင့် ရောင်းချလျှက်ရှိနေပါသည်။

    ပြည်မန်ကျည်းမှည့် ပွဲရုံများတွင် ဒေသထွက်မန်ကျည်းမှည့်များဝင်ရောက်မှုမရှိတော့ပဲ လှောင် မန်ကျည်းမှည့်များကိုသာ အရောင်းအဝယ်ပြုလုပ်နေကြောင်း သိရပါသည်။ လက်ကျန် မန်ကျည်း မှည့်ကို ဒေသတွင်း လက်လီအရောင်းသမားများသာ အဝယ်ရှိနေသည်။ ယခု စက်တင်ဘာ ပထမ ပတ်တွင် မန်ကျည်းမှည့် (ပွဲရုံဈေး) တစ်ပိဿာလျှင် ၄၀၀၀ကျပ်နှင့် လက်လီဈေးတစ်ပိဿာလျှင် ၄၅၀၀ ကျပ်တို့ဖြင့် ရောင်းဝယ်လျှက်ရှိနေသည်။

DOCA(ပဲခူး)

    ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ မအူပင်မြို့နယ်ဦးစီးမှူး ဦးအောင်ဇော်ဦးနှင့် ဝန်ထမ်းများသည် ၁၂.၉.၂၀၂၂ ရက်နေ့ နံနက်(၁၀:၀၀) အချိန်တွင် မအူပင်မြို့ (၇)လမ်း အမှတ်(၄) ရပ်ကွက်ရှိ လင်းတာရာစတိုးဆိုင်တွင် ရောင်းချနေသော ကုန်စည်များအား ဈေးကွက်စောင့်ကြည့်စစ် ဆေးခဲ့ကြပါသည်။

   ထိုသို့ ဈေးကွက်စောင့်ကြည့်စစ်ဆေးရာတွင် စားသုံးသူများ ဘေးအန္တရာယ်ကင်းရှင်းသော ကျန်းမာရေးနှင့် ညီညွှတ်စေမည့် ကုန်စည်များသုးစွဲနိုင်ရေးအတွက် ရည်ရွယ်၍ ထုတ်ကုန်လုံခြုံ စိတ်ချရမှုရှိသော ကုန်စည်များကို အသုံးပြုနိုင်ရေး၊ စားသုံးသူအခွင့်အရေးများ နစ်နာမှုမရှိစေရန်အတွက် ရည်ရွယ်၍ ဈေးကွက်စောင့်ကြည့်စစ်ဆေးခြင်းဖြစ်ပြီး လင်းတာရာစတိုးတွင် ရောင်းချသော ကုန်စည်များ၌ ကုန်အညွှန်းအမှတ်အသားပြည်စုံစွာပါရှိသော ကုန်စည်များအား စစ်ဆေးတွေ့ရှိခဲ့ ပါသည်။

   ကွင်းဆင်းစစ်ဆေးရာတွင် မအူပင်မြို့နယ်ဦးစီးမှူး ဦးအောင်ဇော်ဦးမှ လင်းတာရာစတိုး ဆိုင်ရှင် အား စားသုံးသူကာကွယ် ရေးဥပဒေပါ စီးပွားရေးလုပ်ငန်းရှင်၏ တာဝန်များ၊ အခန်း(၁၁)ပါကုန်စည်နှင့် စပ်လျဉ်း၍ အာမခံချက်ပေးနိုင်သည့် အချက်အလက်များ၊ အခန်း(၁၅)ပါ ကုန်စည်(သို့မဟုတ်) ဝန်ဆောင်မှု လုံခြုံစိတ်ချရမှုအချက်အလက်များ၊ အခန်း(၁၇)ပါ  ကုန်စည်(သို့မဟုတ်) ဝန်ဆောင်မှု အပေါ်တာဝန်ရှိမှုအချက်များ၊ အခန်း(၁၈) ဥပဒေပါ ကုန်အညွှန်းအမှတ်အသားဖော်ပြခြင်း ကိစ္စရပ်များအကြောင်း၊ ရောင်းချနေသော ကုန်စည်များတွင် ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ မည်သည့်စီးပွားရေး လုပ်ငန်းရှင်မဆို ပုဒ်မ(၄၁) ပုဒ်မခွဲ (ခ)နှင့် (ဆ)တို့ပါ ကုန်အညွှန်းဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတစ်ခု (သို့) တစ်ခုထက်ပို၍ တွဲလျှက်ဖြစ်စေ ရေးသားဖော်ပြရမည့် ကုန်ပစ္စည်းကိုသာ စားသုံးသူများလက်ဝယ်အရောက် ဘေးကင်းလုံခြုံမှုရှိ စေရေးအတွက် ဖြန့်ဖြူးရောင်းချရမည်ဖြစ်ကြောင်း၊ စားသုံးသူအခွင့်အရေး နစ်နာဆုံးရှုံမှုရှိလာပါက တိုင်ကြားနိုင်သည့် နည်းလမ်းများ၊ စားသုံးသူထိခိုက်မှုရှိလာပါက တာဝန်ယူဖြေရှင်းဆောင်ရွက် ပေးရမည်ဖြစ်ပြီး အာမခံမှုနှင့် အညီဆောင်ရွက်ပေးမှုမရှိပါက စားသုံးသူမှ နစ်နာဆုံးရှုံမှုအတွက် အရေးဆိုတိုင်ကြားနိုင်ပြီး စားသုံးသူကာကွယ်ရေးကော်မတီတို့၏ စီမံခန့်ခွဲမှု နည်းလမ်းအရအရေးယူ ဆောင်ရွက်နိုင်ကြောင်း  အသေးစိတ်ရှင်းလင်းဆွေးနွေး  ဈေးကွက်စောင့်ကြည့်စစ်ဆေးခဲ့ကြောင်း သတင်းရရှိ ပါသည်။

DOCA(ဧရာဝတီ)