သတင်းနှင့် လှုပ်ရှားမှုများ

              စားသုံးသူရေးရာဦးစီးဌာန၊ မန္တလေးတိုင်းဒေသကြီး၊ (မိတ္ထီလာနှင့်ရမည်းသင်း)ခရိုင်ဦးစီးမှူးရုံးမှ ခရိုင်ဦးစီးမှူး၏ ကြီးကြပ်မှုဖြင့် ဦးစီးအရာရှိနှင့်ဝန်ထမ်းများမှ ဦးဆောင်ပြီး မြို့နယ်စည်ပင်သာယာရေးအဖွဲ့များနှင့် ပူးပေါင်း၍ (၁.၃.၂၀၂၂) ရက်နေ့ (၁၀:၀၀)အချိန်တွင် ပျော််ဘွယ်မြို့ မြို့မစျေးကြီးအတွင်းရှိ စားသုံးဆီထုတ်လုပ်ရောင်းချနေသော လုပ်ငန်းရှင်များနှင့် တွေ့ဆုံဆွေးနွေးခဲ့ပါသည်။

            အဆိုပါဆွေးနွေးပွဲတွင် စားသုံးသူရေးရာဦးစီးဌာနမှ ကုန်အညွှန်းအမှတ်အသားဖော်ပြရာတွင် စားသုံးဆီများ၌ ဟင်းသီးဟင်းရွက်ဆီ ( Vegetable Oil နှင့် Cooking Oil) ဟူ၍ ဖော်ပြခြင်းမပြုပဲ ပါဝင်ပစ္စည်းများကို အခြေခံ၍ မြန်မာဘာသာဖြင့် တိကျစွာဖော်ပြရန် ကုန်စည်၏ အသားတင်ပမာဏ၊ အရွယ်အစားကိုလည်း မြန်မာ့အလေးချိန်ယူနစ်ဖြစ်သော ပိဿာ/ကျပ်သားတို့ဖြင့်ဖော်ပြရမည်ဖြစ်ကြောင်း၊ ဥပမာအနေဖြင့် ဟင်းသီးဟင်းရွက်ဆီ (စားအုန်းဆီ)၊ ဟင်းသီးဟင်းရွက်ဆီ (အဆင့်မြင့်စားအုန်းဆီ)ဟူ၍ ဖော်ပြရမည်ဖြစ်ကြောင်း ဆွေးနွေးခဲ့ပါသည်။

           စီးပွားရေးလုပ်ငန်းရှင်များအနေဖြင့် ကုန်အညွှန်းအမှတ်အသားဖော်ပြရာတွင် သတ်မှတ်ချက်များနှင့် ကိုက်ညီမှု ရှိ/မရှိ သက်ဆိုင်ရာဦးစီးမှူးရုံးတွင် လျှောက်ထားရမည်ဖြစ်ကြောင်း၊ဟင်းသီးဟင်းရွက်ဆီနှင့် စပ်လျဉ်း၍  ကုန်အညွှန်းအမှတ်အသားဖော်ပြရာတွင် စီးပွားရေးလုပ်ငန်းရှင်များ လိုက်နာဆောင်ရွက်ရန် ညွှန်ကြားချက်ကို ၂၀၂၁ ခုနှစ်၊ ဒီဇင်ဘာလ ၂၀ ရက်နေ့တွင် ညွှန်ကြားချက်အမှတ် (၁/၂၀၂၁)ဖြင့် ထုတ်ပြန်ခဲ့ပြီး ထုတ်ပြန်သည့်နေ့မှစ၍  (၆)လပြည့်မြောက်သည့်နေ့(၂၀.၆.၂၀၂၂) ရက်နေ့တွင် စတင်အာဏာတည်မည်ဖြစ်ပြီး လိုက်နာဆောင်ရွက်မှုမရှိပါက စားသုံးသူကာကွယ်‌ရေးဥပဒေနှင့်အညီ အရေးယူဆောင်ရွက်သွားမည်ဖြစ်ကြောင်း ရှင်းလင်းဆွေးနွေးခဲ့ပါသည်။

DOCA(မန္တလေး)          

           ဖျာပုံမြို့နယ် အစားအသောက်နှင့်ဆေးဝါးကြီးကြပ်ရေးအဖွဲ့ဖြစ်သည့် မြို့နယ်အထွေထွေအုပ်ချုပ်ရေးဦးစီးဌာန၊ ကျန်းမာရေးဦးစီးဌာန၊ စည်ပင်သာယာရေးအဖွဲ့ မီးသတ်တပ်ဖွဲ့နှင့် စားသုံးသူရေးရာဦးစီးဌာနမှ စစ်ဆေးရေးမှူးလိုက်ပါ၍ မြို့ပေါ်ရှိ ဆေးဆိုင်များအား မတ်လ(၈)ရက်နေ့ နေ့လည်(၁၃:၀၀)နာရီတွင် ဈေးကွက်စောင့်ကြည့်စစ်ဆေးခဲ့ကြောင်းသိရသည်။

              အဆိုပါဆေးဆိုင်များတွင် ရောင်းချနေသော ဆေးဝါးများ၊ Mask Face Shield ၊ Hand Gel များ၊ ကျန်းမာရေးဆိုင်ရာ တစ်ကိုယ်ရည်သုံး ပစ္စည်းများ၊ဆေးဆိုင်လိုင်စင်များ၊ စံမမီဆေးဝါးများနှင့် တရားမဝင်ဆေးများ ရောင်းချခြင်းရှိ/မရှိ စစ်ဆေးခဲ့ပြီး ဈေးနှုန်းမှန်ကန်မှုရှိစေရေး၊ဈေးနှုန်းမြှင့်တင်ရောင်းချမှုမရှိစေရေး၊ စားသုံးသူကာကွယ်ရေးဥပဒေပါ ပြဌာန်းချက်အခန်း(၁၈)ပါ ကုန်အညွှန်းအမှတ်အသားများကို ဖော်ပြရာတွင် မြန်မာဘာသာဖြင့်ဖြစ်စေ၊ မြန်မာဘာသာနှင့် အခြားဘာသာတွဲလျက်ဖြစ်စေ ဖော်ပြရမည်ဖြစ်ပြီး ကျန်းမာရေးအထောက်အကူပြု အသုံးအဆောင်ပစ္စည်းအမျိုးမျိုးတွင် ဆရာဝန်/ ကျန်းမာရေးဝန်ထမ်းတို့၏ ညွှန်ကြားချက်မပါဘဲ အသုံးပြုနိုင်သည့် အိမ်သုံးသွေးပေါင်ချိန်စက် ၊ အိမ်သုံးသွေးချိုတိုင်းစက်နှင့် ဆက်စပ်ပစ္စည်းများ၊ ကိုယ်ဝန်ရှိ/မရှိ ဆီးစစ်တံ၊ ကွန်ဒုံး၊ ကိုယ်ပူချိန်တိုင်းကိရိယာစသည့် မိသားစုသုံးပစ္စည်းများတွင် မြန်မာဘာသာဖြင့်ဖော်ပြရမည်ဖြစ်ကြောင်း လုပ်ငန်းရှင်အား ရှင်းလင်းဆွေးနွေးခဲ့ပြီး စားသုံးသူကာကွယ်ရေးကော်မတီ၏ညွှန်ကြားချက်အမှတ်(၂/၂၀၁၉)အား ကုန်စည်အမျိုးအစားအလိုက် ကုန်အညွှန်းအမှတ်အသားဖော်ပြခြင်း၊ လက်ကမ်းစာစောင်များ ဖြန့်ဝေပေးခဲ့ကြောင်း သတင်းရရှိပါသည်။

DOCA(ဧရာဝတီ)

           ဧရာဝတီတိုင်းဒေသကြီး၊ စားသုံးသူရေးရာဦးစီးဌာန၊ ဟင်္သာတမြိုနယ် တာဝန်ခံက ဟင်္သာတခရိုင်၊ ဒူးယားမြို့၊ ဟင်္သာတ-ဇလွန်လမ်းရှိ ကျော်မရွေးလုပ်ငန်းရှင်၏ နေအိမ်တွင် မတ်လ ၈ ရက်နေ့၊ နံက် (၀၉:၀၀)၌ ပေါ်ဆန်းမရွေးလုပ်ငန်းရှင် ၆ ဦးကို ၊ စားသုံးသူကာကွယ်ရေး အသိပညာပေး ဟောပြောခြင်းကို ဆောင်ရွက်ခဲ့ပါသည်။

          ဟောပြောပွဲတွင် ဟင်္သာတမြို့နယ်တာဝန်ခံက စားသုံးသူကာကွယ်ရေးဥပဒေ၊ အခန်း(၉) ပါ စားသုံးသူ၏ အခွင့်အရေးနှင့် တာဝန်များအကြောင်း၊ အခန်း(၁၀) ပါ စီးပွားရေးလုပ်ငန်းရှင်၏ တာဝန်များ၊ အခန်း(၁၈)ပါ ကုန်အညွှန်းအမှတ်အသားဖော်ပြခြင်းဆိုင်ရာကိစ္စရပ်များနှင့် မြန်မာနိုင်ငံစားသုံးသူကာကွယ်ရေးကော်မရှင်၏ ညွှန်ကြားချက် အမှတ် ၂/ ၂၀၁၉ ပါ ကုန်စည်အုပ်စုအလိုက် ကုန်အညွှန်းအမှတ်အသားဖော်ပြရမည့်အချက်များအကြောင်းကို ရှင်းလင်းဆွေးနွေးခဲ့ပြီး၊ လုပ်ငန်းရှင်များမှလည်း ကုန်အညွှန်းအမှတ်အသားနှင့်ဖော်ပြခြင်းနှင့် ပတ်သက်၍သိလိုသည်များကို မေးမြန်း‌ဆွေးနွေးခဲ့ကြပြီး နံက် (၁၁:၀၀) တွင် ဟောပြောပွဲပြီးမြောက်ခဲ့ကြောင်း သိရှိရပါသည်။

DOCA(ဧရာဝတီ)

         ကယားပြည်နယ်တွင်နယ်စပ်ဒေသမှ တရားမဝင်ကုန်ပစ္စည်းများ ဝင်ရောက်လာမှု ကြောင့် ပြည်နယ်တွင်း အသေးစားအလတ်စား စီးပွားရေးလုပ်ငန်းများ ရပ်တည်ရန် ခက်ခဲလာပြီး တရားမဝင်ကုန်ပစ္စည်းများအခွန်ပေးဆောင်မှု မရှိသည့်အတွက် ပြည်တွင်း ရင်းနှီးမြုပ်နှံသူများမှာနည်းပညာနှင့် ဈေးကွက်ယှဉ်ပြိုင်နှိုင်မှု အခက်အခဲများဖြစ်ပေါ်နေ ခြင်းကြောင့် ပြည်နယ်အတွင်းသို့တရားမဝင်ကုန်သွယ်မှုများ ဝင်ရောက်မှုကို စစ်ဆေး ကြီးကြပ်နိုင်ရေးအတွက် ပြည်နယ်အစိုးရမှ “တရားမဝင်ကုန်သွယ်မှုတိုက်ဖျက်ရေး အထူးအဖွဲ့”ကိုဖွဲ့စည်းပြီး လွိုင်ကော်မြို့၊ နွားလဝိုးပူးပေါင်းစစ်ဆေးရေးဂိတ်တွင် အလှည့် ကျစစ်ဆေးကြီးကြပ်နိုင်ရန် ပြည်နယ်အဆင့်ဌာနဆိုင်ရာများကိုအဖွဲ့ခွဲ၍ တာဝန်ချထား လျက်ရှိပြီး ၎င်းအဖွဲ့များမှပြည်နယ်အတွင်း ကုန်စည်စီးဆင်းမှုများတွင် တရားမဝင် ကုန်ပစ္စည်းများဝင်ရောက်မှု ရှိ/မရှိ စစ်ဆေးကြပ်မတ်ကာ တရားမဝင်ကုန်ပစ္စည်း များနှင့်စပ်လျဉ်း၍ ထူးခြားမှုများရှိပါက အချိန်နှင့်တပြေးညီ ပြည်နယ်တရားမဝင် တိုက်ဖျက်ရေးအထူးအဖွဲ့သို့တင်ပြဆောင်ရွက်လျက်ရှိကြောင်းသိရှိရပါတယ်။

DOCA(ကယား)

           စားသုံးသူရေးရာဦးစီးဌာန၊ မိုးညှင်းခရိုင်ဦးစီးဌာနရုံးမှ ဦးကျော်မိုးလွင်(ဌာနခွဲစာရေး)နှင့် ဝန်ထမ်း များသည် စားသုံးသူများလုံခြုံစိတ်ချရမှုရှိစေရန်နှင့် စီးပွားရေးလုပ်ငန်းရှင်များအား စားသုံးသူကာကွယ် ရေးဥပဒေအရ ကုန်အညွှန်းအမှတ်အသားပြည့်စုံစွာ ဖော်ပြနိုင်ရေးအတွက် ၈.၃.၂၀၂၂ ရက်နေ့တွင် မိုညှင်းမြို့၊ အရှေ့စုရပ်ကွက်ရှိ ဒဂုံရှင်ခေါက်ဆွဲစက်လုပ်ငန်းရှင်အား သွားရောက်တွေ့ဆုံ ဆွေးနွေးခဲ့ ပါသည်။

      ထိုသို့ဆွေးနွေးရာတွင် ဦးကျော်မိုးလွင်(ဌာနခွဲစာရေး)မှ စီးပွားရေးလုပ်ငန်းရှင်များ၏ တာဝန်များ၊ ကုန်စည်/ဝန်ဆောင်မှုနှင့်စပ်လျဉ်း၍ အာမခံချက်ပေးခြင်း၊ ကုန်စည် သို့မဟုတ် ဝန်ဆောင်မှုများအပေါ် တာဝန်ရှိမှု၊ စားသုံးသူကာကွယ်ရေးဥပဒေ အခန်း(၁၈)ပါ ကုန်အညွှန်းအမှတ်အသားဖော်ပြခြင်းနှင့် စပ်လျဉ်း၍ ကုန်စည်အမျိုးအစားအလိုက်သတ်မှတ်ချက်များ၊ တားမြစ်ချက်များ၊ တားမြစ်ချက်တစ်ရပ် ရပ်ကိုဖောက်ဖျက်ကျူးလွန်ကြောင်း ပြစ်မှုထင်ရှားစီရင်ခြင်းခံရလျှင်ချမှတ်နိုင်သည့် ပြစ်မှုပြစ်ဒဏ်များ၊ စီးပွားရေးလုပ်ငန်းရှင်များသည် ကောင်းမွန်သောစီးပွားရေးလုပ်ငန်းကျင့်စဉ်၊ စည်းကမ်းချက်များနှင့် အညီတာဝန်ယူမှု၊ တာဝန်ခံမှုအပြည့်အဝ ဆောင်ရွက်သွားရမည်ဖြစ်ကြောင်း ရှင်းလင်းဆွေးနွေးခဲ့ပါ သည်။

စားသုံးသူရေးရာဦးစီးဌာန

ကချင်ပြည်နယ်