သတင်းနှင့် လှုပ်ရှားမှုများ

       (၁၄.၉.၂၀၂၂၅) ရက်နေ့ နံနက် (၁၀) နာရီ အချိန်တွင် ဧရာဝတီတိုင်းဒေသကြီး၊ စားသုံးသူ ရေးရာဦးစီးဌာန၊ မအူပင်ခရိုင်ဦးစီးမှူးရုံး၊ မအူပင်မြို့နယ်ဦးစီးမှူး ဦးအောင်ဇော်ဦးနှင့် ဝန်ထမ်းများသည် မအူပင်မြို့ သုံကြိုင်ကျေးရွာ ရပ်ကွက်အုပ်ချုပ်ရေးမှူးရုံးတွင် သရက်ပြင် လုပ်ငန်းရှင်(၂၃)ဦးနှင့် တွေ့ဆုံ၍ စားသုံးသူကာကွယ်ရေး အသိပညာပေးဆွေးနွေးခဲ့ကြပါသည်။

          အဆိုပါအသိပညာပေး ဆွေးနွေးပွဲတွင် ဦးအောင်ဇော်ဦးမှ သရက်ပြင်လုပ်ငန်းရှင်များအား တပိုင်တနိုင်လုပ်ငန်းများလုပ်ကိုင်ဆောင်ရွက်ခြင်းမှတဆင့် ထုတ်ပိုးမှုတန်ဖိုးမြှင့်တင်ပြီး/  ကုန်အညွှန်း အမှတ်အသားနှင့် အမှတ်တံဆိပ်များထည့်သွင်းကာ ထုတ်ပို့မြှင့်ကုန်စည်အနေဖြင့် စတိုးဆိုင်များတွင် ဖြန်းဖြူးနိုင်သည့်အဆင့်အထိ ကြိုးစားလုပ်ကိုင်ပါက ဝင်ငွေလည်းတိုးပွားလာမည်ဖြစ်ကြောင်း အကြံပြု ဟောပြောပြီး စီးပွားရေးလုပ်ငန်းရှင်များအနေဖြင့် စားသုံးသူကာကွယ်ရေးဥပဒေ(၂၀၁၉)အရ အခန်း (၁၀)ပါစီးပွားရေးလုပ်ငန်းရှင်၏ တာဝန်များအကြောင်း၊ အခန်း(၁၀)ပါ  ကုန်အညွှန်းအမှတ်အသား ဖော်ပြ ခြင်း ဆိုင်ရာအချက်အလက် များ အကြောင်း၊ စားသုံးသူသည် ကုန်စည်(သို့) ဝန်ဆောင်မှုစပ်လျဉ်း၍ ထိခိုက်နစ်နာမှုရှိလာပါက စားသုံးသူရေးရာဦးစီးဌာနသို့ တိုင်ကြားနိုင်သည့်အတွက် စားသုံးသူအခွင့် အရေးနစ်နာဆုံးရှုံးမှုအတွက် တိုင်ကြားခြင်းနှင့် စပ်လျဉ်း၍ စိစစ်ညှိနှိုင်းဖြေရှင်း ဆောင်ရွက်ပေး လျှက်ရှိသောကြောင့် မည်သည့်စီးပွားရေးလုပ်ငန်းရှင်အဆို အခန်း(၂၃)ပါတားမြစ်ချက်တစ်ရပ်ရပ်ကို ကျူးလွန်ကြောင်း ပြစ်မှုထင်ရှားပါကပြစ်မှု၊ ပြစ်မှု၊ပြစ်ဒဏ်များစီရင်ခံနိုင်ကြောင်း လုပ်ငန်းရှင်များအား အကျယ်တဝင့် ရှင်းလင်းဆွေးနွေးခဲ့ကြောင်း သတင်းရရှိပါသည်။

DOCA(ဧရာဝတီ)

        (၁၂.၉.၂၀၂၅) ရက်နေ့ မနက်ပိုင်း (၁၀၀၀)နာရီ အချိန်က ညောင်တုန်းမြို့ပေါ်ရပ်ကွက်များရှိ ကုန်စုံဆိုင်များနှင့် ဆေးအမျိုးမျိုး အရောင်းဆိုင်(၅)နှင့် စားသုံးဆီအမျိုးမျိုးရောင်းချသောဆိုင်(၅)တွင် ရောင်းချနေသော ကုန်စည်များအား ဈေးကွက်စောင့်ကြည့် ကွင်းဆင်းစစ်ဆေးခြင်းကို ဆောင်ရွက်ခဲ့ရာ မြို့နယ် စားသုံးသူရေးရာဦးစီးဌာန၊ မြို့နယ်ထွေထွေအုပ်ချုပ်ရေးဦးစီးဌာန၊မြို့နယ်စည်ပင်သာယာရေးအဖွဲ့၊ ရဲတပ်ဖွဲ့နှင့် ရပ်ကွက်အုပ်ချုပ်ရေးမှူးများပါဝင်သော ပူးပေါင်းအဖွဲ့များပါဝင်၍ ကွင်းဆင်းစစ်ဆေးခဲ့ကြောင်း သိရသည်။

          ညောင်တုန်းမြို့နယ် စစ်ဆေးရေး တာဝန်ရှိသူ ဦးအောင်လွင် မြို့နယ်တာဝန်ခံက ဈေးကွက် အတွင်းစစ်ဆေးရာ အစား အသောက်နှင့်ဆေးဝါးကွပ်ကဲရေးဦးစီးဌာနတွင် တရားဝင်မှတ်ပုံတင် ထားရှိ သော ဆေးပစ္စည်း နှင့် ဆေးဝါး များကိုသာ ရောင်းချသော ဆေးအမျိုးမျိုးအား စစ်ဆေးခြင်း၊  တရားဝင်မှတ်ပုံတင်ထား ခြင်းမရှိသော ဆေးပစ္စည်းနှင့် ဆေးဝါးများတင်သွင်းရောင်းချနေမှု ရှိ/မရှိကို စစ်ဆေးခြင်း၊ ဈေးကွက်အတွင်းရှိ ဆေး ပစ္စည်းနှင့်ဆေးဝါးအမျိုးမျိုးအား ဈေးနှုန်းအဆမတန်မြှင့် တင်ရောင်းချခြင်း၊ ဈေးကစားရန် ရည် ရွယ်ချက် ဖြင့် သိုလှောင်ထားခြင်းတို့ မပြုကြရန်နှင့် ဈေးကွက် အတွင်း ဆေးဝါးနှင့် ဆေးပစ္စည်း ပြတ်လပ်မှု မရှိစေ ရေးအတွက် ကြိုတင်စီမံဆောင် ရွက်ထားကြရန် ဌာနများနှင့် ပူးပေါင်းဆောင်ရွက်ရန်ကို ပြောကြားခဲ့ သည်။

         စားဆီအမျိုးမျိုးရောင်းချသော ဆိုင်များအား စစ်ဆေးရာ တရားမဝင်ပုဇွန်အမှတ်တံဆိပ်ပါ စားသုံး ဆီများ ဈေးကွက်အတွင်း ရောင်းချနေမှုရှိ/မရှိ ကွင်းဆင်းစစ်ဆေးခြင်း၊ မြို့နယ်တွင် ရောင်းချလျှက်ရှိသော အမှတ်တံဆိပ်ပါစားသုံးဆီများတွင် မြန်မာ နိုင်ငံစားသုံးသူ ကာကွယ်ရေး ကော်မရှင်၏ ညွှန်ကြားချက် အမှတ် ၂/၂၀၁၉ နှင့်အညီ ကုန်အညွှန်း အမှတ်အသားများ ပြည့်စုံစွာ ဖေါ်ပြထား သည်ကို တွေ့ရှိရပြီး စီးပွားရေးနှင့် ကူးသန်း​ရောင်းဝယ်ရေး ဝန်ကြီးဌာန၏ ညွှန်ကြားချက် အမှတ် ၁/၂၀၂၁ ကို အများအား ဖြင့်လိုက်နာဆောင်ရွက်လျှက်ရှိ ကြောင်း တွေ့ရှိရပါသည်။

DOCA(ဧရာဝတီ)

     ဧရာဝတီတိုင်းဒေသကြီး မအူပင်ခရိုင်၊ ညောင်တုန်းမြို့နယ် စားသုံးသူရေးရာဦးစီးဌာနမှ အသင့်စား ခေါက်ဆွဲခြောက် အမျိုးမျိုး တို့တွင် ကုန်အညွှန်းအမှတ်အသားဖော်ပြထားခြင်း ရှိ/ မရှိ ဈေးကွက်စောင့် ကြည့်စစ် ဆေးခြင်းကို (၁၂.၉.၂၀၂၅)ရက်နေ့ နံနက် ၁၀ နာရီအချိန်က ညောင်တုန်း မြို့မ‌ဈေး၊ တာကွေ့ဈေး အတွင်းရှိ‌ ကုန်စုံဆိုင်များအား ဈေးကွက်စောင့်ကြည့်စစ်ဆေးခြင်း လုပ်ငန်းအား ဆောင်ရွက်ခဲ့ ကြောင်း သိရသည်။

      ကွင်းဆင်းစစ်ဆေးရာတွင် ညောင်တုန်းမြို့နယ်ဦးစီးမှူးရုံးမှ မြို့နယ်ဦးစီးမှူး ဦးအောင်လွင်က စားသုံးသူ များအသုံးပြုလျက်ရှိသည့် ကုန်စည်များနှင့် စပ်လျဥ်း၍ မြို့မဈေး၊ တာကွေ့ဈေးအတွင်းနှင့် အနီးပတ် ဝန်းကျင်ရှိ ဈေးဆိုင်များတွင် ရောင်းချနေသည့် အသင့်စားခေါက်ဆွဲခြောက်အမျိုးမျိုးတို့တွင် ကုန်အညွှန်းအမှတ် အသား ဖော်ပြထားခြင်း ရှိ/ မရှိ ဈေးကွက်စောင့်ကြည့်စစ်ဆေးခြင်းများ ဆောင်ရွက်ခဲ့ ကြောင်းသိရသည်။ ထိုသို့ ဈေးကွက်စောင့်ကြည့်စစ်ဆေးခြင်းလုပ်ငန်းများ ဆောင်ရွက်ရာတွင် ပိုမိုစနစ်တကျဖြစ်စေရန်နှင့် ထိရောက်မှုရှိ စေရန်တို့အတွက် ၂၀၂၅-၂၀၂၆ ဘဏ္ဍာနှစ်အတွင်း ဈေးကွက်စောင့်ကြည့်စစ်ဆေးရန် ဦးစားပေး ကုန်စည် အမျိုးအစား ၁၀ မျိုးအား သတ်မှတ်ကာလများအတိုင်း  စားသုံးသူကာကွယ်ရေးကော်မရှင်မှ ညွှန်ကြားချက် အမှတ် ၂/၂၀၁၉ အတိုင်း ကိုက်ညီမှု ရှိ/မရှိကို စစ်ဆေးခြင်း၊ သာမန်မျက်စိဖြင့်မြင် နိုင်သော စာလုံးအရွယ်အစား ဖြင့် ဖော်ပြရန် လုပ်ငန်းရှင်များကို မိမိတဆင့် မှာယူရောင်းချသော ကုမ္ပဏီများကို ကုန်စည်တွင် ဖော်ပြပေးနိုင်ရန်ကို  ရှင်းလင်းပြောကြားအသိပေးရန်ကို ပညာပေး ပြောကြားခဲ့ပြီး ဈေးကွက်စောင့် ကြည့် စစ်ဆေးခဲ့ကြောင်း သိရသည်။

        ဈေးကွက်စောင့်ကြည့်စစ်ဆေးခြင်း လုပ်ငန်းဆောင်ရွက်ရာတွင် မြို့နယ်စားသုံး သူရေးရာဦးစီးဌာန၊ ကျန်းမာရေးဦးစီးဌာနနှင့် စည်ပင်သာယာရေးဦးစီးဌာနတို့ ပူးပေါင်းဆောင်ရွက်ခဲ့ကြောင်း သိရသည်။

DOCA(ဧရာဝတီ)

     ၁၆.၉.၂၀၂၅ ရက်နေ့ နံနက်ပိုင်းတွင် မွန်ပြည်နယ်၊ ပေါင်မြို့နယ်စီမံခန့်ခွဲ‌ရေးနှင့် အုပ်ချုပ်ရေးကော်မတီအဖွဲ့မှ အ‌ထွေထွေအုပ်ချုပ်ရေးဦးစီးဌာန ဝါရီရူခန်းမ၌ လုပ်ငန်းညှိနှိုင်း အစည်းအဝေးကို ပြုလုပ်ခဲ့ရာ မြို့နယ်စီမံခန့်ခွဲ‌ရေးနှင့် အုပ်ချုပ်ရေး‌ကော်မတီအဖွဲ့ဥက္ကဌ၊ ဌာနဆိုင်ရာများ၊ ရပ်ကွက်/ကျေးရွာ အုပ်ချုပ်ရေးမှူးများနှင့် စားသုံးသူ‌ရေးရာဦးစီးဌာနမှ ပေါင်မြို့နယ်တာဝန်ခံတို့ တက်ရောက်ခဲ့ကြသည်။

      ရှေးဦးစွာ မြို့နယ်စီမံခန့်ခွဲ‌ရေးနှင့် အုပ်ချုပ်ရေးကော်မတီအဖွဲ့ ဥက္ကဌဦးထင်လင်းအောင် က အသား၊ ငါးတွေကို မိမိကိုယ်တိုင်မွေးမြူကြဖို့လိုအပ်ပါကြောင်း၊ဒေသထွက်ဝါးတွေစိုက်ပျိုးပြီး ဝါးထွက်ပစ္စည်းထုတ်လုပ်ကြရန်၊ ဌာနပိုင်မြေများအမည်ပေါက်ရရှိရေး အလေးထားဆောင်ရွက်ပေးကြရန်လိုအပ်ပါကြောင်း၊ တရားမဝင် စက်သုံးဆီရောင်းဝယ်မှုမရှိစေရေးကို ရပ်ကွက်၊ ကျေးရွာအုပ်ချုပ်ရေးမှူးများက လိုက်နာဆောင်ရွက်ကြပါရန် ပြောကြားခဲ့သည်။

DOCA (မွန်)

      မွန်ပြည်နယ်၊ စားသုံးသူရေးရာဦးစီးဌာန၊ မော်လမြိုင်ခရိုင်၊ ချောင်းဆုံမြို့နယ်တာဝန်ခံ ဒေါ်ထက်ထက်နွေဦးနှင့် ဝန်ထမ်းများသည် (၁၆.၉.၂၀၂၅) ရက်နေ့တွင် ချောင်းဆုံမြို့နယ်၊ မူလွန်ကတောင်စိန် ကျောင်းရှိ ကျောင်းမုန့်ဈေးတန်းအား ကွင်းဆင်းစစ်ဆေးခဲ့ပါသည်။

     ထိုသို့ စစ်ဆေးရာတွင် ကျောင်းမုန့်ဈေးတန်းအတွင်းရောင်းချနေသော လေဖောင်းမုန့်များ၊ ဖျော်ရည်ဗူးများစသည့် အသင့်စားမုန့်များ၌ ကုန်အညွှန်းအမှတ်အသားများ ပြည့်စုံမှု ရှိ/မရှိ စစ်ဆေးခဲ့ပြီး၊ ကျောင်းသား/သူများ ဘေးအန္တရာယ်ကင်းရှင်းသော အစားအသောက်များ၊ မုန့်များ ရောင်းချရန်၊ သက်တမ်းလွန်နေသော မုန့်များမရောင်းချရန်နှင့် တားမြစ်ထားသော ဆိုးဆေးများ ပါဝင်သည့် အစားအသောက်များ မရောင်းချရန်တို့ကို မုန့်ဆိုင်ပိုင်ရှင်များအား အသိပညာပေး ပြောကြားခဲ့ကြောင်း သိရှိရပါသည်။

DOCA (မွန်)